WARAY TITUSTit 1:1 Hi Pablo, uripon han Dios, ngan apostol ni Jesukristo, sugad ha pagtoo han mga pinili han Dios, ngan han pagkilala ha kamatuuran, nga amo an umuyon ha pagtahud ha Dios, Tit 1:2 Ha paglaum han kinabuhi nga waray katapusan, nga an Dios, nga diri makakagbuwa, nagsaad han wa-ray pa an mga katuigan nga waray ka-tapusan; Tit 1:3 Kondi ha iya kalugaringon nga mga panahon nagpahayag ha iya po-long tungud ha pagwali, nga igintub-yan ha akon sugad ha sogo han Dios nga aton Manluluwas; Tit 1:4 Kan Tito, nga matuud nakon nga anak sumala ha ginkaarangbitan nga pagtoo: An grasia ngan kamurayaw tikang ha Dios nga Amay, ngan kan Kristo Jesus nga aton Manluluwas. Tit 1:5 Tungud hini nga hinungdan binilin ko ikaw didto ha Kreta, basi nga pagopayon mo an kulang nga mga ba-gay, ngan magpili ka hin mga ansiano ha tagsatagsa nga bungto, sugad han iginsogo ko ha imo; Tit 1:6 Kon may ada tawo nga waray ka-likatan, nga asawa han usa nga babaye, nga may mga anak nga magtinoo-hon, nga waray igsumbung ha pagka-masamok ó diri mga maglarisnon. Tit 1:7 Kay kinahanglan nga an obispo mawaray kalikatan, kay hiya tinapu-ran han Dios; diri hataas iton buut, diri masisinahon layon, diri parahu-bug, diri makiaawayon, diri iipahon ha salapi nga mahugaw; Tit 1:8 Kondi makidumuruong, mahigug-maon ha maopay, buutan, matadung, putli, nagdudumara ha iya ngahaw. Tit 1:9 Nga iya pagbabantayan an po-long nga matinumanon nga amo an angay ha pagtoron-an, basi makasa-dang hiya ha paglaygay han putli nga pagtoron-an, ngan pagsagdon ha mga maglaris. Tit 1:10 Kay damu nga mga tawo an diri matinumanon, magyakan hin waray pulos, ngan maglimbong, labi na gud an mga taga sirkunsision, Tit 1:11 Nga an ira mga baba kinahang-lan panaropon; kay nagpapakasamok ha mga bug-os nga mga panimalay, nga nanunutdo han mga diri kaanga-yan, tungud ha kaipa han salapi. Tit 1:12 Usa ha ira, nga ira kalugaringon nga manaragna. siniring, An mga ta-ga-Kreta mga buwa-on gihapon, mag-raut nga mga mananap, mga hubya nga hingaon. Tit 1:13 Totoo hini nga pagpamatuud. Tungud hini sawaya hira hin mabas-kug, basi hira magmarig-on ha pag-too, Tit 1:14 Diri makikipamamation ha mga surumatanon han mga Judio, ngan ha mga sogo han mga tawo nga nanmu-lag ha kamatuuran. Tit 1:15 Ha mga putli, an ngatanan nga mga butang mga putli: kondi ha mga magraut ngan waray pagtoo, waray hin putli; kondi an ira hunahuna, pa-ti konsiensia, mga magraut. Tit 1:16 Nagtutug-an hira nga magaram hira ha Dios; kondi pinaagi ha ira mga buhat ira hiya dinidiri, kay ma-ngil-ad, ngan diri magsinugtanon, ngan an magopay nga mga buhat ira iginsikway. Tit 2:1 Kondi ikaw pagyakan hin mga bagay nga angay han putli nga pagto-ron-an: Tit 2:2 Ngan an katigurangan nga kalala-kin-an magkasadangan, mga buutan, maligdong, marig-on ha pagtoo, ha gugma, ha pagilub: Tit 2:3 Nga an katigurangan nga kababa-yinan matinalahuron man ha hunahu-na, diri maglibak, ngan diri mga uri-pon ha alaksio, mga magturutdo hadton magopay; Tit 2:4 Basi magtutdo hira ha mga batan-on nga kababayinan ha pag higugma ha ira kaasaw-an, ha paghigugma ha ira mga anak, Tit 2:5 Manga magligdong, mga uray, mga magbinantayon ha balay, mga malolooyon, mga magpasakup ha ira mga asawa, basi nga an polong han Dios diri pagpasiparahon: Tit 2:6 Sugad man an mangabatan-on nga kalalakin-an laygayi nga magma-ligdong hira; Tit 2:7 Ha ngatanan nga bagay magpaha-yag ka nga susbaranan ha maopay nga buhat, ha imo pagtoron-an mag-pahayag ka ha pagkauray, ngan pag-katalahuron, Tit 2:8 Maopay nga polong, nga diri sa-dang mabadlong; basi nga an nakon-tra ha imo, maawud, nga waray hiya bisan usa nga maraut nga bagay nga igsisiring nahatutungud ha aton. Tit 2:9 Laygayi an mga sorogoon nga magpasakup hira ha ira mga agaron, nga makalipay hira ha ira ha ngata-nan nga mga bagay; nga diri mga magsinupilon. Tit 2:10 Nga diri hira magkuha hin tago, kondi magpakita ha labi gud nga ma-opay nga pagkamatinumanon; basi nga igrayandayan nira an pagtoron-an han Dios nga aton Manluluwas ha ngatanan nga bagay. Tit 2:11 Kay an grasia han Dios nagpaha-yag, nga amo an nagdara han kaluwa-san ha ngatanan nga mga tawo, Tit 2:12 Ha pagtutdo ha aton, nga pag-dumirian ta an pagka diri matinoo-hon ngan mga kairiphon nga kalibu-tanon, magukoy kita ha kabuutan ngan ha katadungan ngan ha pagka-matinooron ha Dios hini dinhi nga kalibutan; Tit 2:13 Nga ginhihinulat ta an bulahan nga paglaum ngan an pagpahayag han himaya han daku nga Dios ngan aton Manluluwas, nga hi Jesukristo; Tit 2:14 Nga naghatag ha iya kalugaringon tungud ha aton, ha pagtubus ha aton tikang ha ngatanan nga magraut, ngan pagputli tungud ha iya hin usa ka katawohan nga iya kalugaringon, nga magkasindak ha mga magopay nga buhat. Tit 2:15 Ini nga mga bagay, igsiring ngan iglaygay ngan igbadlong ha bug-os nga pagburut-an. Diri ka pagtamayon hin bisan hin-o nga tawo. Tit 3:1 Pahanumduma hira nga magpasa-kup hira ha mga punoan, hamgamag-buru-ut, nga magmasinugtanon, ngan mag andam hira ha ngatanan nga mag-opay nga buhat. Tit 3:2 Nga diri pagyakan hin maraut kontra hin bisan hin-o, nga diri maki-masamok, magtalonoy, ha pagpakita han bug-os nga ka-aghup ha ngatanan nga mga tawo. Tit 3:3 Kay kita man, ha iba nga pana-hon, mga kulangkulang, diri magsi-nugtanon, nagkalilimbongan, mga uri-pon ha mga magkadirodilain nga mga kairiphon ngan kalipayan, nga nagu-ukoy ha katahapan ngan kaawa, ha kadurumtan, nga nagdudumutay an usa kag usa. Tit 3:4 Kondi ha pagpakita han kama-opay han Dios nga aton Manluluwas, ngan han iya gugma ha mga tawo, Tit 3:5 Diri pinaagi ha mga buhat ha ka-tadungan, nga aton mga ginbuhat, kondi tungud ha iya kalooy ginluwas kita niya, pinaagi ha paghugas ha bag-o nga pagkatawo, ngan ha pag bag-o ha Espiritu Santo, Tit 3:6 Nga ha kahura-an iya iginbisibis ha aton, tungud kan Jesukristo nga aton Manluluwas; Tit 3:7 Basi, nga ginpakamatadung kita tungud ha iya grasia, magmanoronod kita sumala ha paglaum han kinabuhi nga waray katapusan. Tit 3:8 Matinumanon nga polong, ngan tungud hini nga mga bagay ginha-hangyo ko nga imo pagpamatuuran, basi nga an mga nagtotoo ha Dios magtinguha ha ira ha pag higugma ha mga magopay nga buhat. Ini amo an mga butang nga maopay ngan may kapulsanan ha mga tawo; Tit 3:9 Kondi likayi an mga paglantugi nga waray kahimurulsan ngan an mga lista han katulinan, ngan pagbahinba-hin, ngan pagaway tungud ha Kaso-goanan; kay ini waray kapulsanan ngan mga kawang. Tit 3:10 Ha katapus an siyahan ngan ika-duha ka pagbadlong, likayan mo an tawo nga makiaawayon; Tit 3:11 Nga maaram ka nga an amo nga tawo nagpasimang, ngan nakasala, nga naghukom hin sirot ha iya kalu-garingon. Tit 3:12 Kon sogoon ko nganhi ha iyo hi Artemas, ó hi Tikiko, magtalinguha ka pag kadi ha akon ha Nikopolis; kay ginhunahuna ko na in pagukoy didto yana nga panahon ha katugnaw. Tit 3:13 Patigayona gud iton paggikan ni Senas nga abogado, ngan ni Apolo, basi nga waray makulang nira. Tit 3:14 Ngan an aton mga tawo maga-ram ha pagpadayon ha mga magopay nga mga buhat nga mga kinahanglan gud, basi nga diri hira mawaray bu-nga. Tit 3:15 An ngatanan nga rnga upud ha akon nangongomusta ha imo. Pango-mustahon mo an mga nahigugma ha aton ha pagtoo. An grasia umupud ha iyo ngatanan. |