WARAY PHILIPPIANS

Php 1:1 Hi Pablo ngan hi Timoteo, nga mga uripon ni Kristo Jesus, ha ngata-nan nga mga baraan kan Kristo Jesus nga aadto ha Filipos, upud ha mga obispo ngan mga diakono:

Php 1:2 An grasia maginiyo ngan an ka-murayawan nga tikang ha Dios nga aton Amay ngan ha Ginoo Jesukris-to.

Php 1:3 Nagpapasalamat ako ha akon Dios ha ngatanan nga paghinumdum ko ha iyo,

Php 1:4 Gihapon ha tagsatagsa nga pag ampo nakon, ginbuhat ko an pag am-po nga may kalipay tungud ha iyo ngatanan,

Php 1:5 Tungud ha iyo pag pakigangbit ha pag pasarang ha Maopay nga Su-mat tikang ha siyahan nga adlaw tub-tub niyan;

Php 1:6 Ngan nasarig gud ako hini, nga hiya nga nagtikang hin maopay nga buhat ha iyo, paghihingpiton niya ito tubtub ha adlaw ni Jesukristo:

Php 1:7 Sugad nga igo ha katadungan an pagdumdum ko ha iyo ngatanan, kay aadi kamo ha akon kasingkasing, ngan ha akon mga gapus, ngan pag depensa ngan pagparig-on nan Ma-opay nga Sumat, mga angbit ko ka-mo ngatanan ha grasia,

Php 1:8 Kay an Dios amo an akon testi-go, nga ako nagdudumdum gud ha iyo ngatanan ha matalonoy nga ka-looy ni Kristo Jesus.

Php 1:9 Ngan ini an akon iginampo, nga an iyo gugma magtubu gud kaopay ha kaaram ngan ha ngatanan nga sala-butan;

Php 1:10 Basi mapinid niyo an mga bagay nga magopay gud; nga magbunayag kamo ngan mawaray gud niyo kasay-panan tubtub ha adlaw ni Kristo;

Php 1:11 Nga napuno kamo han mga bu-nga han kamatuuran, nga amo pina-agi kan Jesukristo, nga ha kahima-yaan ngan kadayeganan ha Dios.

Php 1:12 Niyan buut ko, mga kabugtoans nga habaroan niyo nga an mga bagay nga nanhinabu ha akon nakahimo lu-gud ha pag pasarang han Maopay nga Sumat;

Php 1:13 Amo in kasugad nga an akon mga gapus nasayoran nga kan Kristo, ha bug-os nga hurukmanan nga Ro-manhon, ngan ha iba pa man;

Php 1:14 Ngan an kaurog han mga kabugtoan ha Ginoo nga mga magsarig-on tungud ha akon mga gapus, nangahas hin labi pagwali ha polong han Dios hin waray kahadluk.

Php 1:15 Totoo, an iba iginwali nira kan Kristo tungud ha kaawa ngan ha pag-kabahinbahin; kondi an iba man ha maopay nga kaburut-on;

Php 1:16 An usa nabuhat hito tikang ha gugma, kay hinbaroan nira nga igin-butang ako nga kalasag ha Maopay nga Sumat:

Php 1:17 Kondi an iba iginwali nira hi Kristo han pagkabahinbahin, diri ongud ongud, nga ginhunahuna nira ha paghimo hin kasakit ko ha akon mga gapus.

Php 1:18 Busa żano ba? Waray sapayan ha ngatanan nga paagi, bisan ha pa-sangil la Ăł ha kamatuuran, hi Kristo iginwali; tungud hini nagkalilipay ako ngan makalipay ako.

Php 1:19 Kay hinbaroan ko nga ini maka-himo ha akon kaluwasan, tungud ha iyo pag ampo ngan kahura han Espi-ritu ni Jesukristo,

Php 1:20 Sugad han akon gud tinguha nga paghulat ngan paglaum, nga bisan ha ano nga bagay diri ako maaawud, kondi ha bug-os nga pangahas, nga sugad ha gihapon, sugad man niyan hi Kristo pagpadakuon ha akon la-was, bisan pinaagi ha kinabuhi Ăł pinaagi ha kamatayon.

Php 1:21 Kay ha akon an pagkabuhi amo hi Kristo, ngan an pagkamatay amo an pagdaug,

Php 1:22 Kon ako mabuhi ha lawas,--kon ini amo an bunga han akon buhat, ni-yan kon ano an akon pipilion, diri ako maaram.

Php 1:23 Kondi aada ako ha pagruhaduha nga butnga han duha, may tinguha ako hin pagbaya ngan upud kan Kris-to; kay amo an labi pa gud nga ma-opay:

Php 1:24 Kondi tungud ha iyo, kinahang-lan pa gud an mapabilin ako ha unud.

Php 1:25 Ngan nga may ada ko pagsarig hini, hinbaroan ko nga mapabilin ako, oo, mapabilin upud ha iyo nga-tanan, tungud ha iyo kauswagan ngan kalipay ha pagtoo;

Php 1:26 Basi nga an iyo pag himaya magkahura pa gud kan Kristo Jesus, tungud ha akon, pinaagi ha pag kanhi ko liwat ha iyo.

Php 1:27 Usa la nga kinahanglan, nga ma-nga wi unta kamo nga takus ha Maopay nga Sumat ni Kristo; basi nga, bisan kon kumanhi ako ha pagkita ha iyo Ăł mawaray ako dinhi, makakabati ako ha iyo mga kahimtangan, nga magrig-on kamo ha usa nga espiritu, nga magkaurusa pagtinguha tungud ha pagtoo han Maopay nga Sumat;

Php 1:28 Ngan ha waray pagkahadluk ha bisan ano nga bagay tungud ha mga kaaway; nga ha ira amo an tigaman nga dayag han pag kawara, kondi ha iyo, tigaman nga dayag han kaluwa-san; ngan ini tikang ha Dios:

Php 1:29 Kay ha iyo igintugot tungud kan Kristo, diri la an pagtoo ha iya, kondi an pag antus man tungud ha iya.

Php 1:30 Nga may ada man kamo kasa mok nga iyo hinkit-an ha akon, ngan iyo hinbatian nga aadi ha akon.

Php 2:1 Busa, kon mayada paglaygay kan Kristo, kon may ada kalipay tikang ha gugma, kon may ada paghiangbit ha Espiritu, kon mayada magtalonoy nga mga kalooy ngan mga kapaid,

Php 2:2 Pun-i niyo an akon kalipay, nga magurusa kamo ha hunahuna, ngan gugma, ngan magurusa kamo hin usa nga hunahuna;

Php 2:3 Ngan diri kamo magbuhat hin bi-san ano tikang ha pagkabahinbahin Ăł tungud hin padayaw, kondi ha pag paubus ha hunahuna an tagsatagsa magisip han iba nga maromaopay pa ha iya ngahaw;

Php 2:4 Diri magmangno an tagsatagsa ha iyo ha iya mga kalugaringon nga bu-tang, kondi sugad man ha mga bu-tang han iba.

Php 2:5 Karawta niyo ini nga paghuna-huna nga iya man ni Kristo Jesus:

Php 2:6 Nga hiya, ha dagway han Dios, waray niya pag isipa an hinugad han Dios, butang nga aragawon,

Php 2:7 Kondi ginula niya an iya kaluga-ringon, nga nagpariho hin dagway hin uripon, kay ginhimo nga ladawan han mga tawo;

Php 2:8 Ngan nga sugad na hiya ha bay-hon han tawo, nagpaubus hiya ha iya ngahaw, nga nagmasinugtanon tub-tub ha kamatayon, oo, an kamatayon ha krus.

Php 2:9 Busa ginbayaw hiya han Dios ha hataas gud, ngan tinagan hiya hin ngaran nga labaw ha ngatanan nga mga ngaran;

Php 2:10 Basi nga ha ngaran ni Jesus an ngatanan nga tuhud lumuhud, han mga bagay nga aadto ha langit ngan han mga hagay nga aada ha tuna, ngan han mga hagay nga aadto ha ila-rum han tuna,

Php 2:11 Ngan nga an ngatanan nga dila magsumat nga hi Jesukristo amo an Ginoo, ha himaya han Dios nga Am ay.

Php 2:12 Busa, mga hinigugma ko, sugad nga nagmasinurundon kamo gihapon, diri la ha akon atubangan, kondi labi pa gud niyan nga waray ako didto, talinguhaon niyo pagbuhat ha iyo ka-lugaringon nga kaluwasan nga may kahadluk ngan pagkakurug;

Php 2:13 Kay an Dios tungud ha iya ka-ruyagan amo an naghihimo ha sulud niyo ha pag buut ngan pagbuhat.

Php 2:14 Buhata niyo an ngatanan nga mga bagay ha waray paglibak ngan waray pagruhaduha:

Php 2:15 Basi nga magin waray kamo sa-yup ngan waray pagdaraug, nga mga anak kamo han Dios nga waray bu-ring ha butnga han baliko ngan ban-yaga nga katulinan, nga ha butnga nira sugad kamo hin mga kalamrag han kalibutan,

Php 2:16 Nga ginsusumat niyo an polong han kinabuhi; basi nga mayada ko sa-dang kahimayaon ha adlaw ni Kristo, nga waray ako pagdalagan hin waray pulos, bisan pagbuhat hin waray pu-los.

Php 2:17 Oo, ngan bisan ako ighalad ha bawbaw han halad ngan pagalagad han iyo pagtoo, nagkakalipay ako, ngan malipayon kaupud ha iyo nga tanan:

Php 2:18 Ngan sugad man nagkalipay ka-mo, ngan maglipay upud ha akon.

Php 2:19 Kondi naglalaum ako ha Ginoo nga hi Jesus ha pagsogo kan Timoteo hin madali nganhi ha iyo, basi nga malipay man ako, kon masayod ako han iyo kahimtangan.

Php 2:20 Kay waray ko iba nga tawo nga may sugad ha iya nga hunahuna nga nagmamangno gud hintotoo ha iyo kahimtangan.

Php 2:21 Kay an ngatanan nagpapangita ha ira mga kalugaringon, ngan diri an mga bagay ni Jesukristo.

Php 2:22 Kondi hinbaroan niyo an proy-ba ha iya, nga, sugad ha usa nga bata nga nagaalagad ha amay, sugad man hiya nagaalagad upud ha akon ha pag pasarang ha Maopay nga Sumat.

Php 2:23 Busa, ginlalauman ko nga soso-goon ko hiya hin madali nganhi ha iyo, kon hikit-an ko kon maonan-o ini ha akon:

Php 2:24 Kondi nasarig man ako ha Gi-noo nga makakanhi man ako ngahaw hin madali.

Php 2:25 Kondi ginhunahuna ko nga ki-nahanglan gud nga sogoon ko hi Epaprodito nganhi ha iyo, nga akon bugto ngan kabulig ha buhat, ngan igkasisondalo, ngan iyo sorogoon ngan ministro ha akon mga kinahang-lan;

Php 2:26 Kay hiya nahihidlaw ha iyo nga-tanan, ngan mabidoon, kay iyo hin-bati-an nga hiya masakit.

Php 2:27 Kaytotoo, hiya nagmasakiton nga harani na ha kamatayon, kondi an Dios nalooy ha iya; ngan diri la ha iya, kondi sugad man ha akon, basi nga diri ako magayaw hin kasubu ha kasubu.

Php 2:28 Busa ginsogo ko hiya hin kapin nga tinguha, nga, kon iyo ngahaw hiya makita, magkalipay kamo, ngan magiban an akon kabidoan.

Php 2:29 Busa karawata niyo hiya ha Gi-noo hin bug-os nga kalipay; ngan tipi-gi niyo an sugad nga may kadungga-nan:

Php 2:30 Kay tungud ha buhat ni Kristo naharani hiya ha kamatayon, nga iginoonong niya an iya kinabuhi ha pagpuno han iyo nakulangan ha pag alagad ha akon.

Php 3:1 Ha katapusan, mga kabugtoan ko, magkalipay kamo ha Ginoo.totoo, diri ko ikinabubutlaw ang pagsu-rat ha amo gihapon nga mga polong ha iyo, kondi tungud ha iyo amo an karig-onan.

Php 3:2 Magtagam kamo ha mga ay am, magtagam kamo ha mga magraut nga magburuhat, magtagam kamo ha sir-kunsision:

Php 3:3 Kay kita amo an sirkunsision, nga nagaampo kita pinaagi ha Espiritu han Dios, ngan naghihimaya kan Kris-to Jesus, ngan waray pagsarig ha unud:

Php 3:4 Bisan kon sadang unta pa ako ngahaw makasarig ha unud; kon an iba nga tawo magdudumdum ha pag-sarig ha unud, labi pa hi ako:

Php 3:5 Nga ginsirkunsisionan ha ikawalo ka adlaw, ha katulinan ni Israel, ha panon ni BenĄamin, Hebreohanon ha mga Hebreohanon; nahatutungud ha Kasogoanan, ako Pariseo;

Php 3:6 Nahatungud ha kasindak, ginti-maraut ko an singbahan; nahatungud ha katadungan nga aada ha Kasogo-anan, waray ko sala.

Php 3:7 Kondi kon ano nga mga bagay an akon ganansiya hadto, ini akon gin-isip nga karag tungud kan Kristo.

Php 3:8 Totoo ha pagkamatuud, ginisip ko nga karag an ngatanan nga mga bagay tungud ha minahal gud nga pagkilala kan Kristo Jesus nga akon Ginoo: nga tungud ha iya ginkaragan ko an ngatanan nga mga bagay, ngan ginisip ko hira nga mga sighot, basi nga makarawat ko kan Kristo,

Php 3:9 Nga hiagian ko ha iya nga waray ko kalugaringon nga katadungan, bi-san pa adto nga pinaagi han Kasogo-anan, kondi nga an pinaagi han pagtoo kan Kristo, an katadungan nga tikang han Dios pinaagi ha pagtoo:

Php 3:10 Basi nga makilala ko hiya, ngan an gahum han iya pagkabanhaw, ngan paghiangbit han iya mga ginan-tus, bisan pa ha pagsunud ha iya ka-matayon;

Php 3:11 Kon ha ano nga paagi nga sa-dang ako makadangat ha pagkaban-haw tikang ha mga minatay.

Php 3:12 Diri nga nakarawat ko na, Ăł hingpit na ako; kondi nga ginpada-yon ko, kon mahimo nga kakaptan ko adto nga tungud hito ginkaptan man ako ni Kristo Jesus.

Php 3:13 Mga kabugtoan, waray ako pag-isip ha akon kalugaringon nga nakap-tan ko na adto: kondi usa nga bagay nga akon ginbuhat, nga kinalimotan ko an mga bagay nga tinalikdan, ngan dinadakup ko an mga bagay ha atu-bangan.

Php 3:14 Nagpapadayon ako ngadto ha katapusan tungud ha balus han ha-taas nga pagtawag han Dios kan Kris-to Jesus,

Php 3:15 Tungud hini, kita ngatanan, nga mga hingpit, maghunahuna hini: ngan kon ha iba nga butang naghuna-huna kamo, ini igpapakilala man ha iyo han Dios:

Php 3:16 Kondi sugad han aton la nada-ngat, amo man an aton pagsundon.

Php 3:17 Mga kabugtoan, magsinubaray kamo ha akon, ngan tigamni niyo an mga nangawi hin sugad oyon nga ka-mi an iyo mga surubdan.

Php 3:18 Kay damu an nangawi, nga na-kadamu ko na ha iyo pag sumatan, ngan niyan iginsusumat ko upud in pagtangis, nga mga kaaway hira ha krus ni Kristo:

Php 3:19 Nga an ira katapusan amo an kabungkagan, an ira dios amo an ti-yan, ngan an ira himaya amo an ira kaarawudan, nga nagdudumdum ha mga butang nga tunan-on.

Php 3:20 Kay an aton pagkatominong-nong aadto ha langit; nga tikang didto naghuhulat kita nan Manluluwas, an Ginoo Jesukristo:

Php 3:21 Nga liliwanan niya an aton la-was ha pagpaubus, nga ito magin angay ha lawas han iya himaya, tu-ngud ha kagamhanan niya nga hiya sadang magsakup ha ngatanan nga mga butang ha iya ngahaw.

Php 4:1 Busa, tungud hini, mga kabugto-an ko nga mga hinigugma ngan mga ginhihingyap, an kalipayan ngan po-dongpodong nakon, pagpakarig-on kamo hin sugad ha Ginoo, mga hini-gugma ko.

Php 4:2 Nanginginyupo ako kan Euodia ngan nagsasagdon ako kan Sintike nga mag-usa hira hin hunahuna ha Gi-noo.

Php 4:3 Oo, nanginginyupo man ako ha imo. Matinumanon nga upud ha yu-go, tabangi ini nga mga babaye, kay nagbuhat man hira upud nakon ha Maopay nga Sumat, upud man hi Cle-mente, ngan an iba pa nga akon mga kaburulig ha buhat, nga an ira mga ngaran aada ha basahon han kina-buhi.

Php 4:4 Magkalipay kamo gihapon ha Gi-noo: liwat masking ako, Magkalipay kamo.

Php 4:5 Ipahayag niyo an iyo kaaghup ha ngatanan nga mga tawo. An Ginoo harani na.

Php 4:6 Diri kamo magkabaraka hin bisan ano nga bagay; kondi ha ngatanan nga bagay tungud ha pag ampo ngan pangamuyo upud an pag pasalamat pahabaroan niyo ha atubangan han Dios an iyo mga pinangangaro.

Php 4:7 Ngan an kamurayawan han Dios, nga labaw ha ngatanan nga hababro-an, magbabantay ha iyo mga kasing-kasing ngan ha iyo mga hunahuna kan Kristo Jesus.

Php 4:8 Ha katapusan, mga kabugtoan, an ngatanan nga matuud, an ngata-nan nga harangdon, an ngatanan nga matadung, an ngatanan nga putli, an ngatanan nga makaruruyag, an ngata-nan nga may kadungganan; kon ma-yada kusug, ngan kon mayada pag-dayeg, paghunahuna-a niyo ini nga mga bagay.

Php 4:9 An mga bagay nga iyo hinbaroan, ngan kinarawat, ngan hinbatian, ngan hinkit-an ha akon, ini nga mga bagay an pagbuhaton niyo: ngan an Dios han kamurayaw maupud ha iyo.

Php 4:10 Kondi naglilipay gud ako hin daku ha Ginoo, nga niyan ha katapu-san an iyo pag higugma ha akon na-buhi na liwat, nga nagmabinuligon kamo ha akon, kondi nga nakulang kamo hin katigayonan.

Php 4:11 Diri nga nagyayakan ako naha-tutungud ha kinahanglan: kay naton-an ko na, nga bisan ano an akon hi-mutangan, malipayon ako hito.

Php 4:12 Maaram ako ha makalolooy nga panginabuhi, ngan maaram ako ha panginabuhi ha kahuraan: ha tagsa-tagsa nga bagay ngan ha ngatanan nga mga bagay naton-an ko an kahabaro, han kabusug, sugad man han kagu-tum, han kahuraan sugad man ha ka-kablasan.

Php 4:13 Ngatanan mahihimo ko ha ga-hum han Nagpaparig-on ha akon.

Php 4:14 Kondi maopay an iyo ginbuhat ha pagangbit ha akon kasakitan.

Php 4:15 Ngan hinbaroan man niyo, mga taga-Filipos, nga ha tinikangan han Maopay nga Sumat, han paggikan ko ha Masedonia, nga waray singbahan nga nakipagangbit ha akon nahatutungud ha paghatag ngan pagkarawat kondi hi kamo la;

Php 4:16 Bisan han nakadto pa ako ha Tesalonika, iyo ako ginparad-an hin makausa Ăł makaduha ha akon mga kinahanglan.

Php 4:17 Diri nga nagpapangita ako han hatag; kondi nga ginpangita ko an bu-nga nga makakadugang ha iyo isip.

Php 4:18 Kondi may ada ako na han nga-tanan nga mga bagay, ngan hura na ako: puno na ako, nga nakarawat ko tikang kan Epaprodito an mga bu-tang nga tikang ha iyo, an amion nga mahamot nga halad nga sadang kara-waton, ngan makakaruyag ha Dios.

Php 4:19 Ngan an akon Dios magpupuno han ngatanan niyo nga mga kinahang-lan sugad ha iya pag kamanggaranon ha himaya kan Kristo Jesus.

Php 4:20 Niyan ha aton Dios ngan Amay magin iya an himaya ha mga katuigan ha mga katuigan. Amen.

Php 4:21 Pangomustaha niyo an tagsatag-sa nga baraan kan Kristo Jesus. An mga kabugtoan nga upud ko nango-ngomusta ha iyo.

Php 4:22 An ngatanan nga mga baraan nangongomusta ha iyo, ngan labi na gud an mga aada ha balay ni Sesar.

Php 4:23 An grasia han Ginoo nga Jesu-kristo umupud ha iyo espiritu.

AMAZING GRACE BIBLE INSTITUTE