FilemonPhm 1:1 Hi Pablo, nga binilanggo ni Kristo Jesus, ngan hi Timoteo nga aton bugto, kan Filemon nga aton hini-gugma ngan kabulig. Phm 1:2 Ngan kan Appia nga aton bugto nga babaye, ngan kan Arkipo nga aton igkasi sondalo, ngan ha singbahan nga aada ha imo balay: Phm 1:3 An grasia magin iyo ngan kamu-rayaw tikang ha Dios nga aton Amay, ngan ha aton Ginoo Jesukristo, Phm 1:4 Ako nagpapasalamat gihapon ha akon Dios, ha paghinumdum ha imo ha akon mga pag ampo, Phm 1:5 Kay nabati ako ha imo gugma, ngan ha imo pagtoo ha Ginoo nga hi Jesus, ngan ha ngatanan nga mga ba-raan: Phm 1:6 Basi nga an paghiangbit han imo pagtoo may kapulsanan, ha pagkilala ha ngatanan nga magopay nga bagay nga aada ha imo, ngan ha kan Kristo. Phm 1:7 Kay daku an akon kalipay ngan paglipay ha imo gugma, kay tungud ha imo, bugto, an mga kasingkasing han mga baraan pinanlipayan. Phm 1:8 Tungud hini, bisan kon ako may daku nga pangahas ha kan Kristo ha pag sogo ha imo hadton angay, Phm 1:9 Waray sapayan, tungud ha gugma labi pa nga pangamuyo ko ha imo, nga amo ako hi Pablo nga tigurang na, ngan niyan binilanggo liwat ni Kristo Jesus: Phm 1:10 Pinangangamuyo ko ha imo tu-ngud ha akon anak nga hi Onesimo, nga akon pinanganak han bilanggo ako. Phm 1:11 Nga hiya, han nag agi nga pana-hon waray hiya pulos ha imo, kondi niyan may kapulsanan ha imo ngan ha akon: Phm 1:12 Nga ginpabalik ko hiya ngahaw ha imo, hiya nga amo an akon kalu-garingon nga kasingkasing: Phm 1:13 Nahagugma ako unta paghawig ha iya, nga magmangno ha akon basi nga ha imo lugar magalagad hiya ha akon ha mga gapus han Maopay nga Sumat: Phm 1:14 Kondi, kon waray an imo karu-yag diri ako buut magbuhat bin bisan ano, basi nga an imo pag kamaopay diri hanugad nga daw kinahanglan, kondi ha kaburut-on. Phm 1:15 Kay tingali binulag hiya tikang ha imo hin madali nga panahon, nga imo hiya karawaton ha gihapon; Phm 1:16 Diri na sugad ha uripon, kondi nga labi pa ha uripon, nga hinigugma nga bugto, labi na gud ha akon, kon-di mamaurog ha imo, nga duha ha unud ngan ha Ginoo. Phm 1:17 Busa kon ginisip mo ako nga angbit, karawata hiya nga sugad gud ha akon. Phm 1:18 Kon makasamok hiya ha imo, ó makautang ha imo, isipa nga akon; Phm 1:19 Ako nga hi Pablo, nagsusurat ako hini han akon kalugaringon nga kamot, akon babaydan iton: nga diri ako nasiring ha imo, nga bisan ikaw may utang ha akon han imo ngahaw. Phm 1:20 Oo, bugto, pagkalipayon mo unta ako ha Ginoo: bag-oha inin akon kasingkasing kan Kristo. Phm 1:21 Daku it akon pagsarig ha imo pag-kamatinumanon salit nagsusurat ako ha imo, kay hinbaroan ko nga imo bu-buhaton bisan an waray ko igsiring. Phm 1:22 Kondi pag andam hin akon urukyanan: kay naglalaum ako nga pina-agi han imo mga pag ampo makakadto ako ha imo. Phm 1:23 Hi Epapras, nga akon igkasibi-langgo tungud kan Kristo Jesus, na-ngongomusta ha imo; Phm 1:24 Ngan sugad man hi Markos, hi Aristarko, hi Demas, hi Lukas, nga akon mga kabulig. Phm 1:25 An grasia han aton Ginoo Jesu-kristo umupud ha imo espiritu. Amen. |