JudasJud 1:1 Hi Judas, nga uripon ni Jesukristo, ngan bugto ni Jakobo, ngadto ha mga gintawag, nga mga hinigugma han Dios nga Amay, ngan mga gin-bantayan tungud kan Jesukristo: Jud 1:2 An kalooy, ngan an kamuraya-wan, ngan an gugma magdurodobli ha iyo. Jud 1:3 Mga hinigugma, han gintitinguha ko gud an pagsurat nganhi ha iyo na-hatutungud ha aton ginkaurusa-an nga kaluwasan, hinbaroan ko nga ki-nahanglan gud ako magsurat ha iyo ha pagsagdon ha iyo nga makipag-away gud kamo tungud ha pagtoo nga igintubyan ha makausa ha kagi-haponan ngadto ha mga baraan. Jud 1:4 Kay may ada mga tawo nga nag-kakamang la ha tago, bisan hira na nga daan mga tinigam-nan hini nga pagkahinukman hin sirot, mga diri matadung ha Dios, ngan ginbabalyo-an nira an grasia nan aton Dios hin kalaway-an, ngan iginlilirong nira an aton usa la nga Agaron ngan Ginoo, nga hi Jesukristo. Jud 1:5 Niyan buut ko nga ipahinumdum ha iyo, bisan kon hinbaroan na niyo an ngatanan nga mga bagay ha maka-usa ha kagihaponan, nga bisan kon ginluwas han Ginoo an mga tawo tikang ha tuna ha Egipto, ha orhi pi-nanmatay niya an waray tumoo ha iya. Jud 1:6 Ngan an mga angel nga waray pag-mangno ha ira mga kaginoohanan, kondi nga binaya-an nira an ira kalu-garingon nga inukyanan, ginbantayan niya hira hin mga talikara nga waray katapusan sakub ha kasisidman tub-tub ha paghukom ha daku nga adlaw. Jud 1:7 Sugad ha Sodoma ngan ha Go-mora, ngan ha mga bungto nga nagli-libot ha ira, nga ha amo man nga pa-agi ini hira nagtubyan ha ira ha pa-kighilawas ngan nagbiling hin magka-dirodilain nga unud, nga iginbutang hira nga susbaranan, nga nagaantus ha sirot nga ha kalayo nga waray ka-tapusan. Jud 1:8 Ha amo man nga paagi ini ha ira mga paginup ginbuburingan nira an unud, ngan iginsikway nira an kagam-hanan, ngan ginbusa-an nira an mga puno-an. Jud 1:9 Kondi hi Miguel nga puno-an han mga angel nga nakipagaway ha yaw a, nga nakipagsuhay tungud ha lawas ni Moises, waray pangahas hin paggamit hin paghukom nga mabusa kontra ha iya, kondi siniring; An Ginoo mag-badlong ha imo. Jud 1:10 Kondi ini nagbubusa kontra ha bisan ano nga mga bagay nga diri nira kaaram: ngan kon ano an ira hinba-roan nga kinaiya, sugad ha mga ma-nanap nga waray sarabutan, tungud hini nga mga bagay hihibangon hira. Jud 1:11 ¡Kairo nira! kay ginsunud nira an dalan ni Kain, ngan isinikway nira an ira kalugaringon ha kasaypanan ni Balaam tungud ha suhul, ngan nagka-wara hira tungud han paglaris ni Kore. Jud 1:12 Ini hira amo an mga buring nga natago ha iyo mga panagtawo kon mangangaon hira upud niyo, mga magbarantay bin karnero nga ha waray hin kahadluk nangangaon ha ira ngahaw; mga dampug nga waray tu-big, nga mga iginpapalid han mga ha-ngin; mga kahoy ha amihan nga wa-ray bunga, nagpatay hin makaduha, gingabut ha mga gamut. Jud 1:13 Mga ma-alin nga balud ha dagat, nga nagbura ha ira mga kalugaringon nga kaalohan, mga laag nga bitoon, nga tungud ha ira iginandam an wa-ray katapusan nga kangitngitan ha kasisidman. Jud 1:14 Ngan tungud liwat hini, hi Enok, nga ikapito tikang kan Adan, nagtag-na, nga nasiring; Kitaa, an Ginoo ina-but upud an iya nanapulo ka yukut nga mga bara-an, Jud 1:15 Ha paghukom ha ngatanan, ngan ha pagbadlong ha ngatanan nga diri matinahuron ha Dios tungud ha ira mga buhat nga diri Diosnon nga ira ginbuhat ha diri pagkamatinahuron ha Dios, ngan tungud ha ngatanan nga magtig-a nga mga butang nga ginya-kan kontra ha iya han mga magpaka-sasala nga diri magtinahuron ha Dios. Jud 1:16 Ini hira mga magngorotob, mag-surumbung, nga nangagawi sugad ha ira mga kairiphon (ngan an ira mga baba nagyayakan ha mga hagtaas nga mga polong) nga nagpapasulabi ha mga tawo tungud hin kapulsanan. Jud 1:17 kondi kamo, mga hinigugma, hi-numdumi niyo an mga polong nga ipinamolong na han mga apostol han aton Ginoo Jesukristo; Jud 1:18 Nga nagsiring hira ha iyo: Ha katapusan nga panahon mamay mga magyurubit, nga mangagawi ha ira mga kalugaringon nga kairiphon nga diri magtinahuron ha Dios. Jud 1:19 Ini hira amo an nagbulag, mga lawasnon, nga mga waray Espiritu. Jud 1:20 Kondi kamo, mga hinigugma, nga ginapatindog niyo an iyo kaluga-ringon ha iyo baraan gud nga pagtoo, nga nagaampo ha Espiritu Santo, Jud 1:21 Magpadayon kamo ha gugma han Dios, nga maghulat kamo ha ka-looy han aton Ginoo Jesukristo, ha kinabuhi nga waray katapusan. Jud 1:22 Ngan kalooyan niyo an iba nga mga nagruruhaduha; Jud 1:23 Ngan luwason niyo an iba, nga agawon niyo hira ha kalayo; ngan ha iba malooy kamo nga may kahadluk; nga ikinangangalas niyo bisan an pa-napton nga naburingan han unud. Jud 1:24 Niyan ngadto ha sadang maka-bantay ha iyo ha paghipakdol, ngan makapaatubang ha iyo han iya hima-ya nga waray buring ngan may daku nga kalipayan. Jud 1:25 Ha usa la nga Dios nga aton Manluluwas, pinaagi kan Jesukristo nga aton Ginoo, magin an himaya, paghadi, kagamhanan, ngan pagbu-rut-an, hadto pa ngatanan nga pana-hon, ngan niyan, ngan ha ngatanan nga mga katuigan. Amen. |