Santiago

Jas 1:1 Hi Jakobo, nga uripon han Dios ngan han Ginoo Jesukristo, ha napu-lo kag duha nga mga panon nga aada han mga Nagsasarang, pangomusta.

Jas 1:2 Mga kabugtoan ko, isipon niyo sugad hin bug-os nga kalipay, kon maholog kamo ha mga magkadirodi-lain nga panulay;

Jas 1:3 Kay hinbaroan niyo nga an pag-proyba ha iyo pagtoo nabunga hin pagilub.

Jas 1:4 Ngan an pag antus maghingpit unta ha iya buhat, basi nga mahingpit kamo ngan mabug-os, waray kakula-ngan niyo hin bisan ano nga bagay.

Jas 1:5 Kondi kon may ada ha iyo an na-kulang hin kaaram, mangaro hiya ha Dios, nga mahatagon ha ngatanan ngan diri mabadlongon; ngan ito iha-tag ha iya.

Jas 1:6 Kondi mangaro unta hiya nga may pagtoo, ha waray pagruhaduha; kay an nagruruhaduha sugad hin usa nga balud ha dagat nga iginpapalid han hangin ngan nalotaw.

Jas 1:7 Busa diri maghunahuna an sugad nga tawo nga hiya makarawat hin bi-san ano nga bagay ha Ginoo;

Jas 1:8 An tawo nga duha an hunahuna, maruhaduhaon ha ngatanan niya nga paagi.

Jas 1:9 Kondi an bugto nga kablasanon maghimaya unta hiya ha iya pagkahi-taas;

Jas 1:10 An manggaranon nga hiya gin-papahabobo: kay sugad ha bukad han banwa maagi hiya.

Jas 1:11 Kay an adlaw nasirang upud an mapaso nga hangin, ngan nakakalaya ha banwa; ngan an iya bukad naho-holog, ngan nawawara an iya kaan-yag: sugad man an manggaranon nga tawo malalaya ha iya mga paglaka-ton.

Jas 1:12 Bulahan an tawo nga makag an-tus ha panulay; kay kon human na hiya pagproyba, kakarawaton niya an podongpodong han kinabuhi, nga iginsaad han Ginoo ha mga naghigug-ma ha iya.

Jas 1:13 Waray bisan hin-o nga ginsulay nga magsiring, Ginsusulay ako han Dios; kay an Dios diri sadang pagsula-yon hin maraut, ngan diri hiya mag-sulay hin bisan hin-o nga tawo:

Jas 1:14 Kondi an tagsatagsa ginsulay, kon ginsisimang ngan ginooiohan han iya kalugaringon nga kaipa.

Jas 1:15 Niyan an kairiphon, han human na mag anak, nabunga hin sala: ngan an sala, kon tigurang na, nagaanak ha kamatayon.

Jas 1:16 Mga hinigugma ko nga kabugto-an, diri kamo kalimbongan.

Jas 1:17 An ngatanan nga maopay nga hatag ngan an ngatanan nga hingpit nga hatag tikang ha igbaw, tikang ha Amay han mga kalamragan, nga ha iya waray pagkabarobalyo bisan lan-dong tungud ha pagliso.

Jas 1:18 Sugad ha iya ngahaw nga kabu-rut-on ipinanganak kita niya, tungud ha polong han kamatuuran, nga hi kita an masiyahan nga bunga han iya mga buhat.

Jas 1:19 Iyo ini hinbaroan, mga hinigug-ma nga kabugtoan ko. Kondi an ngatanan nga mga tawo magmaabtik ha pagbati, mahinay ha pagyakan, mahi-nay ha kasina:

Jas 1:20 Kay an kasina han tawo diri ma-kakahimo ha katadungan han Dios.

Jas 1:21 Busa isikway niyo an ngatanan nga maghugaw ngan kahura hun magraut, karawata niyo ha kaaghup an polong nga gintanum dida ha iyo, nga amo an sadang makaluwas ha iyo mga kalag.

Jas 1:22 Kondi mahimo kamo nga mga magburuhat han polong, ngan diri la mamarati, nga paglinimbongon ha iyo la ngahaw.

Jas 1:23 Kay kon an usa ka tawo mama-rati ha polong ngan diri magburuhat, ini hiya sugad hin usa ka tawo nga nagtatan-aw han iya nawong nga ki-naiya dida ha espeho:

Jas 1:24 Kay nagtinan-aw hiya ha iya la ngahaw, ngan in¿Was, ngan dayon ha kadagmitan hinkalimtan niya kon mationan-o nga tawo hiya.

Jas 1:25 Kondi an nagtan-aw hi hingpit nga balaud, an balaud han kaluwasan, ngan nagpapaday on hito, nga diri ma-marati nga lilimoton kondi magburu-hat nga nagbubuhat, ini nga tawo ma-bubulahan ha iya buhat.

Jas 1:26 Kon may tawo nga maghunahu-na nga hiya religioso, nga waray niya pagpugngi an iya dila kondi nga gin-limbongan niya an iya kasingkasing, an religion niya waray pulos.

Jas 1:27 An religion nga putli ngan wa-ray buring ha atubangan han aton Dios ngan Amay amo ini; an paglaoy ha mga ilo ngan mga balo nga babaye ha ira mga kasakitan, ngan paglikay han buring hini nga kalibutan.

Jas 2:1 Mga kabugtoan ko, diri niyo pagtipigan an iyo pagtoo ha aton Ginoo Jesukristo, nga Ginoo ha kahimaya-an, ha pagpasulabi ha tawo.

Jas 2:2 Kay kon sumulud an usa ka tawo ha iyo sinagoga nga may bulawan nga singsing, ngan maopay nga panapton, ngan sumulud man liwat in usa ka ta-wo nga kablas nga may panapton nga mahugaw;

Jas 2:3 Ngan pagpapasulabihon niyo adto nga may maopay nga panapton ngan sosogaron niyo hiya: Lumingkod ka dinhi ha maopay nga lugar;ngan masu-gad ka man ha kablasanon nga tawo; Bumakdaw ka didto, Ã³ lumingkod ka ha ilarum han akon turumbanan;

Jas 2:4 ¿Waray ba kamo pagpasulabi ha butnga niyo, ngan diri ba kamo nag-kahihimo nga mga hukom nga may mga magraut nga hunahuna?

Jas 2:5 Pamati kamo, mga hinigugma ko nga mga kabugtoan; ¿waray ba pagpi-li-a han Dios an mga kablas hini nga kalibutan, basi nga mamanggaranon ha pagtoo, ngan mamanoronod han ginhadian nga iginsaad niya ha mga naghigugma ha iya?

Jas 2:6 Kondi ginpakaawud niyo an ka-blas nga tawo. ¿Waray ba kamo pag-paantusa han mga manggaranon, ngan waray ba kamo nira pagdanasa ngadto ha mga lingkoranan han paghuruk-man?

Jas 2:7 ¿Waray ba nira pagpasiparaha an bantugan nga ngaran, nga tungud hito pinanawag kamo?

Jas 2:8 Kon ha pagkamatuud, nagtuman kamo ha hadianon nga balaud, sugad ha baraan nga surat: Higugmaon mo an imo igkasitawo sugad ha imo nga-haw, nabuhat kamo hin maopay:

Jas 2:9 Kondi kon may niyo pagpasulabi ha mga tawo, nagpakasala kamo, nga ginhukman kamo han Kasogoanan nga maglinarisnon.

Jas 2:10 Kay bisan hin-o an magbantay han bug-os nga balaud, kondi maka-sala ha usa nga sogo, nakasala hiya ha nga tanan.

Jas 2:11 Kay an nagsiring: Diri ka manli-bog, nagsiring man: Diri ka magpatay. Niyan kon diri ka manlibog; kondi nakamatay ka, nahimo ka nga makasasala ha balaud.

Jas 2:12 Magyakan kamo ngan magbuhat kamo, amo in kasugad ha mga tawo nga paghuhukman han usa nga balaud ha kaluwasan.

Jas 2:13 Kay an paghukom waray hin kalooy ha iya nga waray pagbuhat hin pagkalooy: anpagkalooy naghihi-maya kontra ha paghukom.

Jas 2:14 Mga kabugtoan ko, ¿ano ba an kapulsanan, kon an usa ka tawo mag-siring nga hiya may pagtoo kondi wa-ray mga buhat? ¿sadang ba ito nga pagtoo makaluwas ha iya?

Jas 2:15 Kon an usa nga bugto nga lalaki Ã³ babaye mga hubo ngan kulang hin pagkaon ha adlaw adlaw,

Jas 2:16 Ngan masiring ha ira an usa ha iyo; Lakat ha kamurayawan, magma-paso ngan mabusug kamo; kondi wa-ray niyo hira hatagi han mga bagay nga kinahanglan han lawas; ¿ano an kapulsanan hito?

Jas 2:17 Sugad man an pagtoo, kon wa-ray mga buhat, patay ha iya ngahaw.

Jas 2:18 Totoo, masiring an usa ka tawo; Ikaw may pagtoo, ngan ako may mga buhat; Ipakita mo ha akon an imo pagtoo, gawas ha imo mga buhat, ngan ipakikita ko ha imo an akon pag-too pinaagi han akon mga buhat.

Jas 2:19 Ikaw natoo nga uusa la an Dios; nagbubuhat ka hin maopay: an mga yawa natoo man, ngan nakurug.

Jas 2:20 Kondi ¿buut mo habaroan: O, tawo nga mapadayawdayaw, nga an pagtoo nga waray mga buhat, patay?

Jas 2:21 ¿Waray ba pagmatadunga hi Ab-raham, nga aton Amay, tungud ha iya mga buhat, nga iya iginhalad hi Isaak nga iya anak ha bawbaw han halaran?

Jas 2:22 Imo hinkit-an nga an pagtoo nagbuhat upud ha iya mga buhat, ngan tungud ha mga buhat an pagtoo mahingpit;

Jas 2:23 Ngan natuman an baraan nga surat nga nasiring: Ngan hi Abraham natoo ha Dios, ngan ini naisip ha iya ha katadungan; ngan gintawag hiya nga sangkay han Dios.

Jas 2:24 Nakita niyo, nga an tawo ginpa-kamatadung han mga buhat, ngan diri la han pagtoo.

Jas 2:25 Ngan sugad man liwat hini nga kaagi ¿Waray ba hi Rahab nga puta, pagpakamatadunga han iya mga bu-hat, ha iya pagkarawat ha mga soro-goon, ngan iya hira ginsogo ha lain nga dalan?

Jas 2:26 Kay sugad nga an lawas patay kon waray espiritu, sugad man an pagtoo patay, kon waray mga buhat.

Jas 3:1 Mga kabugtoan ko, diri kamo magdamu an mga magturutdo, kay hinbaroan ta nga kita makarawat hin mamaorog pa nga paghukom.

Jas 3:2 Kay ha damu nga mga butang ki-ta ngatanan nanhipakdol. Kon may ada tawo nga waray hipakdol hin po-long, amo ini an hingpit nga lalaki, nga sadang makapugung ha bug-os man nga lawas.

Jas 3:3 Niyan kon ibutang ta an mga bo-kado ha baba han mga kabayo nga hira magsugot ha aton, naliliso ta man an ira bug-os nga lawas.

Jas 3:4 Kitaa man an mga sakayan, bisan kon hira dagku gud kaopay ngan igin-papalid han mga mabaskug nga ha-ngin, ginpapaliso han gigugutiayi nga timon, kon nga-in an karuyag han nag oolin.

Jas 3:5 Sugad man an dila usa nga gutiay nga bahin ngan nakakapag hambog ha mga dagku nga mga bagay. Kitaa, kon diri haloag nga kagugub-an an nadagkut han gutiay nga kalayo.

Jas 3:6 Ngan an dila usa nga kalayo: an kalibutan han mga kasaypanan ha aton mga bahin amo an dila, nga ma-kakahugaw ha bug-os nga lawas, ngan gindadaigan niya an garingan han ki-nabuhi, ngan gindadaigan hiya han inpierno.

Jas 3:7 Kay an tagsatagsa nga bahin ha mga mananap ngan mga katamsihan, mga nagkakamang nga mga butang ngan mga butang ha dagat, maganad, ngan ginpaanad han mga tawo:

Jas 3:8 Kondi waray bisan hin-o nga sa-dang makaanad ha dila; amo ito an waray pagpahuway nga kirat-an, puno ito hin magpakamaratay nga hilo.

Jas 3:9 Tungud ha dila gindadayaw ta an Ginoo ngan Amay; ngan tungud ha dila ginpapakaraut ta an mga tawo, nga ginbuhat hira nga sugad han dag-way han Dios.

Jas 3:10 Tikang ha amo nga baba nago-gowa an pagdayaw ngan pagpakaraut. Mga kabugtoan ko, diri angay nga ini nga mga bagay manhinugad hini.

Jas 3:11 ¿Nagaagus ba an burabud hin matam-is ngan mapait nga tubig ti-kang hin usa la nga boho?

Jas 3:12 Mga kabugtoan ko, ¿sadang ba an igera bumunga hin olibo, Ã³ usa nga balagon hin mga igos? Sugad man an maasin nga tubig diri makakahatag hin matam-is nga tubig.

Jas 3:13 ¿Hin-o an maaram ngan masin-abuton ha iyo? Magpakita hiya ha iya maopay nga ginawi-an ha iya mga buhat ha kaaghup han kaaram.

Jas 3:14 Kondi kon may mapait nga ka-awa ngan pagkabahin ha iyo kasing-kasing, diri kamo maghambog ngan diri kamo magbuwa kontra ha kama-tuuran.

Jas 3:15 Kay diri amo ini an kinaadman nga ginikan ha kahitas-an, kondi tu-nan-on, lawasnon, yawan-on.

Jas 3:16 Kay kon diin an kaawa ngan pag kabahin, didto an kasamokan ngan an ngatanan nga mangil-ad nga buhat.

Jas 3:17 Kondi an kinaadman nga tikang ha kahitas-an, siyahan putli, makigda-iton, matalonoy, mapuangoron, puno ha kalooy ngan magopay nga bunga, waray pagruhaduha, waray hin kasa-lingkapaw.

Jas 3:18 Ngan an bunga han katadungan iginsabwag ha kamurayawan tungud ha ira nga magbuhat hin kamuraya-wan.

Jas 4:1 ¿Diin tumikang an mga araway ngan mga kasamokan ha butnga niyo? ¿Diri ba tikang ha iyo mga kairiphon nga nakikipagaraway ha mga bahin ha iyo lawas?

Jas 4:2 Naiipa kamo, ngan waray kamo pakakuha; namamatay kamo, ngan naaawa, kondi waray kamo pakada-ngat: nakipagsamok ngan nakipag-away kamo; waray kamo pakakara-wat, kay waray man kamo pangaro.

Jas 4:3 Nangaro kamo, ngan waray kamo kumarawat, kay may kasaypanan an iyo pangaro, basi ha paggamit han iyo makarawat ha iyo kairiphon.

Jas 4:4 Mga manlilibog, ¿waray ba niyo habaroi nga an pakigsangkay han ka-libutan amo an kaaway kontra ha Dios? Busa bisan hin-o an makigsang-kay ha kalibutan naghihimo ha iya ngahaw nga kaaway kontra ha Dios.

Jas 4:5 ¿Nagpapainoino ba kamo nga an mga Baraan nga Surat nagyayakan hin waray kapulsanan? An espiritu nga iya pinagukoy dinhi ha aton ¿nag-dumdum ba ngadto ha kaawa?

Jas 4:6 Kondi naghahatag hiya hin damu pa nga grasia. Tungud hini an Baraan nga mga Surat nagaasoy: An Dios nakontra ha mga palabilabihon, kondi naghahatag hin grasia ha mga mapa-inubsanon.

Jas 4:7 Busa magpasakup kamo ha Dios; kondi tigi-a niyo an yawa, ngan ma-palagyw hiya ha iyo.

Jas 4:8 Paharani kamo ha Dios, ngan maharani man hiya ha iyo. Mga makasa-sala, hugasi niyo an iyo mga kamot; mga duduha an hunahuna, linisi niyo an iyo mga kasingkasing.

Jas 4:9 Magsakit kamo, ngan magsubu kamo, ngan magtook kamo; an iyo katatawa paghimoon nga kasubu, ngan an iyo kalipay ha kasakitan.

Jas 4:10 Magpaubus kamo ha atubangan han Ginoo, ngan pagbabayawon ka-mo niya.

Jas 4:11 Mga kabugtoan, diri kamo mag-linibakay. An naglilibak ha iya bugto, naglilibak ha balaud, ngan naghuhu-kom ha balaud kondi kon maghukom ka ha balaud, diri ka magturuman ba balaud, kondi hukom ka.

Jas 4:12 Usa la an humaratag hin balaud ngan hukom, nga amo hiya an sadang makaluwas ngan makaguba: Kondi ¿Hin-o ka nga naghuhukom ha imo igkasi tawo?

Jas 4:13 Kadi yana, kamo nga nasiring: Niyan Ã³ buwas makadto kita hini nga bungto, ngan maukoy kita didto hin usa ka tuig, ngan magpapatigayon, ngan ma-gana kita:

Jas 4:14 Diri kamo maaram kon ano an mahanabu buwas. ¿Ano ba an iyo ki-nabuhi? Ha pagkamatuud usa kamo nga alisngaw nga nagpapahayag ha madaliay la, ngan napapara na layon.

Jas 4:15 Tungud hadto kinahanglan ka-mo sumiring: Kon buut han Ginoo, ngaduha kita mabuhi, ngan pagbuhaton ta ini Ã³ adto.

Jas 4:16 Kondi niyan naghihinambog ka-mo ha iyo kalugaringon nga pagpaka-hata-as: an ngatanan nga sugad nga paghinambog maraut.

Jas 4:17 Busa an nahabaro ha pagbuhat ha maopay, nga waray niya pagbuha-ta, iton sala niya.

Jas 5:1 Kadi na niyan, kamo nga mga manggaranon, magtangis ngan mag-singgit kamo ha mga kasakitan nga ti-arabut ha iyo.

Jas 5:2 Mga dunot an iyo mga bahandi, ngan an iyo mga panapton ginbubuk-buk.

Jas 5:3 An iyo bulawan ngan salapi gin-tata-i; ngan an ira ta-i magiginkatesti-go kontra ha iyo, ngan pag lalamyon nira an iyo unud sugad hin kalayo. Nagtirok kamo ha iyo mga bahandi ha katapusan nga mga adlaw.

Jas 5:4 Kita-a an suhul han mga umaala-yon nga nag hawan ha iyo mga uma, nga waray niyo hatagi, nanininggit: ngan an mga singgit han mga magarani nakasulud ha mga talinga han Ginoo han mga kasondalohan.

Jas 5:5 Nagukoy kamo dinhi ha tuna hin kahuraan, ngan kalipayan, ginpatam-bok niyo an iyo mga kasingkasing ha adlaw nga iparangihaw ha mga tawo.

Jas 5:6 Ginhukman niyo, ngan ginpatay niyo an matadung; hiya diri naato ha iyo.

Jas 5:7 Busa, mga kabugtoan, pagilub ka-mo, ngada ha pag abut han Ginoo. Kita-a an parauma nag huhulat han hamili nga bunga han tuna, hin mapa-inilubon, ngada han kakarawat niya han una ngan orhi nga uran.

Jas 5:8 Magilub man kamo; rig-ona niyo an iyo mga kasingkasing: kay an pag abut han Ginoo harani na.

Jas 5:9 Mga kabugtoan, diri an usa ha iyo magngorotub kontra ha usa, nga diri kamo paghukman; kitaa an hukom aada na nabakdaw ha mga ganghaan.

Jas 5:10 Mga kabugtoan, karawata niyo nga susbaranan han pag antus ngan pagilub, an mga manaragna nga nan-yakan tungud ha ngaran han Ginoo.

Jas 5:11 Kitaa, gintawag ta nga mga ba-raan an mga nag-antus: iyo hinbatian an pag ilub ni ¡ob, ngan nakita an ka-tapusan nga pagbuhat han Ginoo, nga an Ginoo puno ha paghinoklog, ngan pagkalooy.

Jas 5:12 Kondi labaw ha ngatanan nga mga bagay, mga kabugtoan, diri ka-mo manumpa, bisan tungud ha langit, bisan tungud ha tuna, bisan ha iba nga panumpa: kondi an iyo oo, ma-gin oo, ngan an iyo diri, magin diri, nga diri kamo maholog hin pagkahi-nukman hin sirot.

Jas 5:13 ¿May ada ha iyo nagaantus hin kakurian? Mag-ampo hiya. ¿An iba ha iyo malipayon? Magkanta hiya hin pagdayaw.

Jas 5:14 ¿Masakit ba an iba ha iyo? tawa-gon niya an mga ansiano han singbahan, ngan mag ampo hira tungud ha iya, nga pag hirogan hiya hin lana ha ngaran han Ginoo:

Jas 5:15 Ngan an pag ampo han pagtoo makakaluwas ha masakit, ngan an Gi-noo magbabanhaw ha iya; ngan kon makasala hiya, pagpapasaylo-on hiya.

Jas 5:16 Busa magtug-anay kamo an usa kag usa ha iyo mga sala, ngan mag inampo-ay kamo ha usa kag usa, basi kamo magopay. An pagbuhat ha pag ampo han matadung nga tawo may daku nga kapulsanan.

Jas 5:17 Hi Elias tawo, nga sugad ha aton mga kaluya, ngan nag ampo hin kinasingkasing gud nga diri unta umu-ran; ngan waray uran ha tuna hin tulo ka tuig ngan unum ka bulan.

Jas 5:18 Ngan nag ampo hiya liwat; ngan an langit hinatag hin uran, ngan an tuna hinatag ha iya bunga.

Jas 5:19 Mga kabugtoan, kon may ada ha iyo nasayup ha kamatuuran, ngan kabigon hiya han iba;

Jas 5:20 Habaroan niya, nga an magka-big ha usa nga makasasala tikang ha iya kawara ha iya dalan, makakalu-was hin, usa nga kalag tikang ha ka-matayon, ngan pagtatabonan niya an kadam-an nga mga sala.

AMAZING GRACE BIBLE INSTITUTE