Mga Hebreo-


Heb 1:1 An Dios, nga nagyakan hadto nga una nga panahon ha dirodilain nga mga bahin ngan ha dirodilain nga mga paagi, ngadto ha mga ginikanan pina-agi ha mga manaragna,

Heb 1:2 Nga nagyakan ha aton ha katapu-san hini nga mga adlaw pinaagi ha iya Anak, nga ginpili niya nga manoro-nod ha ngatanan nga mga butang, nga tungud man ha iyo ginhimo niya an mga kalibutan;

Heb 1:3 Nga hiya amo an siga han iya hi-maya, ngan an dagway han iya ka-himtang, ngan ginpapadayon niya an ngatanan nga mga butang pinaagi han polong han iya gahum, han pagbuhat niya han paglinis han mga sala, nag-lingkod ha too nga kamot han Harangdon ha kahitas-an;

Heb 1:4 Nga hiya nahimo nga labaw pa gud ha ngatanan nga mga angel, kay hiya nanonod hin labi pa nga harangdon nga ngaran kay ngan ha ira.

Heb 1:5 Kay ¿hin-o ba nga mga angel an iya ginyaknan hin bisan kakan-o nga panahon, hin sugad hini; Ikaw amo an akon Anak, Hini nga adlaw iginanak ko ikaw? ngan liwat, ¿Ako magigin Amay niya, Ngan hiya magigin Anak ko?

Heb 1:6 Ngan liwat, han pagdad-a niya han Suhag nganhi ha kalibutan hiya siniring: Magsingba ha iya an ngata-nan nga mga angel han Dios.

Heb 1:7 Ngan mahatungud han mga angel hiya nasiring: Iya ginhimo an iya mga angel nga mga hangin, ngan an iya mga minis-tro nga laga hin kalayo;

Heb 1:8 Kondi mahatungud ha Anak hiya siniring: An imo lingkoranan nga hadianon, O Dios, waray katapusan; ngan an se-tro han katadungan amo an setro han imo ginhadian.

Heb 1:9 Ginhigugma mo an katadungan, ngan gindumtan mo an pagkarautan; busa an Dios, nga imo Dios, naghirog ha imo han lana han kalipayan labaw pa gud kay ha imo mga kaupud.

Heb 1:10 Ngan, ikaw Ginoo, ginbuhat mo an patukuran han kalibutan ha tini-kangan, ngan an mga langit mga binu-hat han imo mga kamot:

Heb 1:11 Hira magkakawawara; kondi i-kaw magpapadayon: ngan hira ngata-nan magkakadadaan sugad hin pa napton;

Heb 1:12 Ngan sugad hin kurigmus imo hira paglulukoton, sugad hin panapton, ngan hira paglil¿Wanan. Kondi ikaw amo gihapon, ngan diri makula-ngan an imo mga katuigan.

Heb 1:13 Kondi ¿hin-o ba han mga angel an iya ginyaknan hin bisan kakan-o nga panahon hin sugad hini: Lingkod ha akontoo nga kamot, ngada han kahimo ko han imo mga kaaway nga turumbanan han imo mga tiil?

Heb 1:14 ¿Diri ba hira ngatanan mga ministro nga espiritu, nga ginsogo ha pagbuhat hin pagalagad tungud hadton manononod han kaluwasan?



Heb 2:1 Busa kinahanglan nga magtagam gud kita hin labi ha mga butang nga aton hinbati-an, bangin kita iganod tikang ha ira.

Heb 2:2 Kay kon an polong nga iginyakan pinaagi ha mga angel naproybahan nga magrig-on gud, ngan an tagsa-tagsa nga pagtalapas ngan diri pagkamasinugtanon nakakarawat hin mata-dung nga balus nga bayad;

Heb 2:3 ¿Oonan-on ta in pakapalagyw, kon bayaan ta in sugad nga daku nga kaluwasan? nga han siyahan iginwali pinaagi han Ginoo, iginpamatuud ha aton hadton mga nagpakabati;

Heb 2:4 An Dios nagpamatuud man upud ha ira, pinaagi ha mga tigaman, ngan mga urusahon ngan magkadirodilain nga mga kagamhanan, ngan ha mga hatag han Espiritu Santo, sumala ha iya kalugaringon nga kaburuton.

Heb 2:5 Kay waray igpasakup niya ha mga angel an kalibutan nga tiarabut, nga aton ginkakarokayaknan,

Heb 2:6 Kondi usa in nagtestigo ha usa nga lugar, nga nasiring: ¿Ano ba an tawo, nga ikaw nagdudumdum ha iya, ó an anak han tawo, nga imo hiya dinuduaw?

Heb 2:7 Ginbuhat mo hiya nga ubus la hin gutiay kay ha mga angel; Ginpo-dongpodongan mo hiya hin kahima-yaan ngan hin kadungganan; ngan ibi-nutang mo hiya ha bawbaw ha mga buhat han imo mga kamot.

Heb 2:8 Iginbutang mo an ngatanan nga mga bagay nga sakup ha ilarum ha iya mga tiil. Kay tungud hini iginpa-sakup niya an ngatanan nga mga ba-gay ha iya, waray niya binaya-an nga bisan ano nga bagay nga diri niya sa-kup. Kondi niyan waray ta pa makita an ngatanan nga mga bagay nga sa-kup niya,

Heb 2:9 Kondi gintatan-aw ta hiya nga ginbuhat nga oroubus la hin gutiay kay ha mga angel, nga bisan hi Jesus, tungud ha pag antus han kamatayon ginpodongpodongan hin kahimayaan ngan kadungganan, nga tungud ha grasia han Dios makatilaw hiya hin kamatayon tungud ha tagsatagsa nga tawo.

Heb 2:10 Kay angay ha iya, nga tungud ha iya an ngatanan nga mga butang, ngan pinaagi ha iya an ngatanan nga mga butang, ha pagdara hin damu nga mga anak ngadto ha kahimayaan, nga paghimoon niya an punoan han ira kaluwasan nga hingpit tungud ha mga pagantus.

Heb 2:11 Kay hiya nga paraputli ngan hi-ra nga mga ginputli ngatanan tikang ha uusa la: tungud hini nga hinung-dan waray hiya kaawud ha pagtawag ha ira nga mga kabugtoan,

Heb 2:12 Nga nasiring: Igsusumat ko an imo ngaran ngadto ha akon mga ka-bugtoan, ha butnga han katiguban nga magsiringba magkakanta ako ha pagdayeg ha imo.

Heb 2:13 Ngan liwat: Ako masarig ha iya. Ngan liwat: Kitaa, hi ako ngan an mga anak nga iginhatag han Dios ha akon.

Heb 2:14 Busa, kay magkaarangbit an mga anak ha unud ngan ha dugo, ha sugad man nga pagkaagi inangbit hiya hadto; basi nga tungud ha kamatayon paglaglagon niya an may gahum ha kamatayon, nga amo an yawa;

Heb 2:15 Ngan pagluwason niya unta an ngatanan, nga tungud ha kahadluk ha kamatayon, nagpasakup hira ha pag-kabihag ha bug-os nira nga kinabuhi.

Heb 2:16 Kay ha pag kamatuud diri hiya nahatag hin tambulig ha mga angel, kondi ha mga katulinan ni Abraham.

Heb 2:17 Busa kinahanglan gud ha iya nga ha ngatanan nga mga bagay ma-himo hiya nga sugad ha iya mga ka-bugtoan, nga mahimo unta hiya nga maloloyoon ngan matinumanon nga hataas nga saserdote ha mga butang nga nahatutungud ha Dios, ha pagbuhat hin halad ha pagpara ha mga sala han mga tawo.

Heb 2:18 Kay tungud nga hiya man nag antus hin pagsulaya, hiya takus mata-bang ha ira nga mga ginsusulay.



Heb 3:1 Busa, mga baraan nga mga kabug-toan, nga mga angbit halangitnon nga pagtawag, palandongon niyo an Apos- tol ngan an Hataas nga Saserdote han aton pagtug-an, nga amo hi Jesus;

Heb 3:2 Nga hiya matinumanon hadton nagpili ha iya, nga sugad man hi Moi-ses ha bug-os niya nga balay.

Heb 3:3 Kay hi Jesus ginpakatakus hin la-bi pa gud nga himaya kay kan Moises, ha pagkaagi nga adton naghimo han balay labi pa kadungganan kay han balay.

Heb 3:4 Kay an tagsatagsa nga balay ginhi-mo hin usa; kondi an naghimo han nga-tanan nga mga butang amo an Dios.

Heb 3:5 Kay hi Moises ha pagkamatuud, matinumanon nga sorogoon ha ngata-nan nga iya balay, ha pag testigo hito nga mga bagay nga igwawali pa unina ha orhi;

Heb 3:6 Kondi hi Kristo, sugad nga anak, ha iya balay; nga hi kita amo an iya balay, konkitamagpadayonhapanga-has ngan paghimaya ha aton paglaum nga marig-on tubtub ha katapusan.

Heb 3:7 Busa, sugad han ipinamolong han Espiritu Santo: Niyan nga adlaw kon iyo pamatian an iya tingug,

Heb 3:8 Ayaw niyo pagpatig-aha an iyo mga kasingkasing sugad han pagkasi-nahi, sugad ha adlaw han pagsulay didto ha kamingawan,

Heb 3:9 Didto ginsulay ngan ginproyba-ll an ako han iyo mga ginikanan, sa-kup hin kapatan ka tuig hira nakakita han akon mga buhat.

Heb 3:10 Busa nasina ako hini nga katuli-nan, ngan siniring; hira gihapon nag-papakasala ha ira mga kasingkasing; kondi waray hira habaro han akon mga dalan;

Heb 3:11 Sugad nga nagsumpa ako ha akon kasina: Diri hira makakasulud ha akon pagpahuway.

Heb 3:12 Magtagam kamo, mga kabugto-an, bangin maymaada usa did a ha iyo nga may maraut nga kasingkasing nga diri matinoohon, ha pagbulag ha buhi nga Dios:

Heb 3:13 Kondi maglinaygayay kamo an usa kag usa ha adlaw adlaw, tubtub nga ito tinatawag nga niyan Adlaw pa; bangin may usa ha iyo nga pagpa-tigahon tungud ha limbong han sala:

Heb 3:14 Kay kita nagkahihimo nga mga umarangbit ni Kristo, kon pagrig-on-on ta an aton una nga pagsarig tub-tub ha katapusan:

Heb 3:15 Sugad han ipinamolong, Niyan nga adlaw kon imo pamatian an iya tingug diri niyo pagpatig-ahon an iyo mga kasingkasing sugad han pagkasi-nahi.

Heb 3:16 Kay ¿hin-o ba ha ira nga ha pag-pakabati, an nag aghat ha pagkasina? ¿Diri ba hira ngatanan nga ginawas ha Egipto pinaagi kan Moises?

Heb 3:17 Ngan ¿hin-o ba an iyanasinahan hin kapatan ka tuig? Diri ba ha ira nga mga nagpakasala, ngan an ira mga la-was nagkaholog didto ha kamingawan?

Heb 3:18 Ngan ¿hin-o ba an iya ginsum-paan nga diri hira makakasulud ha iya pahuwayan, kon diri adton mga diri magsinugtanon?

Heb 3:19 Ngan hinkit-an ta nga waray hira makasulud tungud ha kakulang hin pagtoo.



Heb 4:1 Busa magkahadluk kita, bangin kon nahibilin pa an saad ha pagsulud ha iya pahuwayan, bangin an iba ha iyo makulangan hito.

Heb 4:2 Kay ha pagkamatuud, iginwali ha aton ngan sugad man ha ira an Ma-opay nga Sumat: kondi an polong nga hinbatian waray nira pagpulsi, kay waray nira updi hin pagtoo hadton nagpakabati.

Heb 4:3 Kay kita nga nanoo nagpakasu-lud hadto nga pagpahuway; sugad han iya ipinamolong: Sugad nga nanumpa ako ha akon kasina, nga diri hira makakasulud ha akon pahuwa-yan: bisan pa kon an mga buhat na-tuman na tikang ha tinikangan han kalibutan.

Heb 4:4 Kay hiya nagsiring ha lain nga lu-gar nahatungud ha ikapito ka adlaw nga sugad hini: Ngan an Dios pinahuway ha ikapito nga adlaw tikang ha iya mga buhat;

Heb 4:5 Ngan dinhi liwat hini nga lugar: Diri hira makakasulud ngadto ha akon pahuwayan.

Heb 4:6 Busa nga hinbaroan ta nga waray pa katuman nga an iba makasulud ngadto, ngan tungud nga hira nga gin-walihan na han Maopay nga Sumat waray makasulud tungud ha diri pag-kamasinugtanon,

Heb 4:7 Nagtigaman hiya liwat hin usa nga adlaw, Niyan nga adlaw, nga nagsiring pinaagi kan David katapus hin maiha gud nga panahon, (sugad han ipinamo-long hadto pa), Niyan nga adlaw kon iyo hibatian an iya tingug, diri niyo pagpatig-ahon an iyo mga kasingkasing.

Heb 4:8 Kay kon hi Josue naghatag ha ira hin pagpahuway, waray na unta hiya magyakan ha orhi mahatungud hin lain nga adlaw.

Heb 4:9 Busa nahibilin pa in pagpahuway ha adlaw nga iparahuway ha mga tawo han Dios.

Heb 4:10 Kay an tawo nga nakasulud ngadto ha iya pagpahuway nakapahu-way man hiya tikang ha iya mga bu-hat, sugad man han Dios nga pinahu-way ha iya mga buhat

Heb 4:11 Busa manalinguha kita ha pag-sulud ngadto hito nga pagpahuway, nga waray tawo nga maholog tikang ha amo man nga susbaranan han diri pagkamasinugtanon.

Heb 4:12 Kay an polong han Dios buhi, ngan maabtik, ngan mamatarum pa kay hin bisan ano nga kampilan nga duduha iton tarum, matarum kaopay nga sadang makagbahin han kalag ngan han espiritu, han kaluluthan ngan han mga utok, ngan madagmit makasabut ha mga hunahuna ngan mga tinguha han kasingkasing.

Heb 4:13 Ngan waray binuhat nga diri mahayag ha iya atubangan: kondi an ngatanan nga mga butang mga hubo ngan pinamuksan ha atubangan ha iya mga mata, nga tungud ha iya kita may buruhaton.

Heb 4:14 Busa, tungud nga may ada ta usa nga Hataas nga Saserdote nga nagagi na ha langit, nga amo hi Jesus, nga Anak han Dios, manrig-on kita ha aton pagtug-an.

Heb 4:15 Kay diri nga waray ta usa nga Hataas nga Saserdote nga diri sadang makahimo hin pagbati ha aton mga kakurian; kondi hiya man ginsulay ha ngatanan nga paagi sugad ha atony kondi waray sala.

Heb 4:16 Busa manaraon kita nga nanga-has ngadto ha hadianon nga lingkora-nan han grasia, basi nga makakarawat kita hin pagkalooy, ngan makaagi hin grasia nga makakatambulig ha aton ha oras nga may kinahanglan.



Heb 5:1 Kay an tagsatagsa nga hataas nga saserdote, tungud nga kinuha tikang ha mga tawo, gintungdan tungud ha mga tawo ha mga bagay nga nahitu-tungud ha Dios, basi hiya maghalad hin mga hatag ngan mga halad tu-ngud ha mga sala:

Heb 5:2 Nga hiya sadang makag antus ha mga diri mag aram ngan nagpakasala, kay hiya man ginlilibotan hin mga kakurian;

Heb 5:3 Ngan tungud hini kinahanglan, nga maghalad tungud ha sala, diri la tungud ha mga tawo kondi tungud ha iya man ngahaw.

Heb 5:4 Ngan waray tawo nga makakaku-ha hini nga kadungganan ha iya la ngahaw, kon diri hiya tinawag han Dios, sugad han pagtawaga kan Aaron.

Heb 5:5 Sugad man hi Kristo waray pag-himaya ha iya kalugaringon ha paghi-mo nga hataas nga saserdote, kondi hiya nga nagyakan ha iya: Ikaw amo an akon Anak, iginanak ko ikaw hini nga adlaw;

Heb 5:6 Sugad man han iya ipinamolong ha iba nga lugar: Ikaw amo nga saser-dote nga waray katapusan sumala ha katungdanan ni Melkisedek;

Heb 5:7 Hi Jesus nga ha mga adlaw han iya unud, naghalad hin mga pag am-po ngan pangamuyo upud an mga magbaskog nga mga pagsinggit ngan mga luha, ngadto ha iya nga sadang makaluwas ha iya tikang ha kamata-yon, ngan pinamatian hiya tungud ha iya matinahoron nga pagkahadluk,

Heb 5:8 Bisan kon hiya Anak, nahabaro hiya ha pag kamasinugtanon tungud ha mga bagay nga iya ginantus;

Heb 5:9 Ngan tungud nga nahimo hiya nga hingpit, ha ngatanan nga nagsusu-got ha iya hiya nahimo nga ginikanan han waray katapusan nga kaluwasan;

Heb 5:10 Nga ginngangaranan han Dios nga Hataas nga Saserdote sumala ha katungdanan ni Melkisedek:

Heb 5:11 Nga tungud ha iya damu an amon igsisiring, ngan makuri igsay-say, kay nabungul kamo ha pamati.

Heb 5:12 Kay bisan kon angay na kamo, tungud han maiha na nga panahon maginmagturutdo naunta kamo, ki-nahanglan na liwat niyo in magturut-do han mga tinikangan han si yah an nga pagaradman han Dios; ngan na-ginsugad han nga mga may kinahang-lan han gatas, ngan diri han mabas-kog nga kakaonon.

Heb 5:13 Kay an nainum pa hin gatas waray kabatiran ha polong han katadungan; kay batanon pa hiya.

Heb 5:14 Kondi an mabaskog nga kakaon-on kanan katigurangan, kananhadton mga tawo nga pinaagi han paggamit, an ira mga balatian nagkababatid na ha pagkilala han maopay ngan han maraut.



Heb 6:1 Busa talikdan ta an siyahan nga pagtoron-an ni Kristo, pagpadayon kita ha hingpit pa gud; diri ha pagbu-tang na liwat hin patukuran han pag basol tikang ha mga patay nga buhat, ngan han pagtoo ha Dios,

Heb 6:2 Han pagtoron-an ha mga pagbap-tis, ngan pandoon ha mga kamot, ngan pagkabanhaw han mga minatay, ngan-han paghukom nga waray katapusan.

Heb 6:3 Ngan amo ini an aton pagbubu-haton, kon an Dios tumugot.

Heb 6:4 Kay nahatutungud hadton nagkalalamragan na hin makausa ngan nagpakatilaw han langitnon nga hatag, ngan nagkahihimo nga mga umarangbit han Espiritu Santo,

Heb 6:5 Ngan nagpakatilaw hira han maopay nga polong han Dios, ngan an mga kagamhanan han katuigan nga tiarabut,

Heb 6:6 Ngan niyan naholog, diri na gud mahimo liwat an pagpabalik ha ira ngadto ha pagbasol; tungud nga ira na liwat iginraraysang hin bago an Anak han Dios ha ira ngahaw, ngan ginpapakaalohan hiya hin dayag.

Heb 6:7 Kay an tuna nga nakainum han uran nga agsub umabut ngada hito, ngan nakabunga ha mga tanum nga angay hadton, nga tungud ha ira, gi-numa, nakakarawat hin bendision ti-kang ha Dios:

Heb 6:8 Kondi kon ito makabunga hin mga tunuk ngan mga niyotiyo, bina-bayaan ito ngan harani ngadto ha ka-tampalasan; nga an iya katapusan amo an pagsunuga.

Heb 6:9 Kondi, mga hinigugma, nasayod kami ha mamagopay pa nga mga ba-gay ha iyo, ngan mga bagay nga na-upud ha kaluwasan, bisan kon nagya-yakan kami hini nga paagi:

Heb 6:10 Kay an Dios diri nga diri mata-dung, nga hikalimtan niya an iyo bu-hat ngan an iyo gugma nga iyo igin-pakita tungud ha iya ngaran, nga nag-mangno kamo ha mga baraan, ngan nagmamangno pa kamo niyan.

Heb 6:11 Ngan nagtitinguha kami nga an tagsatagsa ha iyo magpakita ha amo gihapon nga talinguha ngadto ha ka-bug-osan han paglaum tubtub ha ka-tapusan.

Heb 6:12 Nga diri kamo manhubya, kondi mga magmasubad kamo hadton mga tawo nga tungud ha ira pagtoo ngan pagilub nakapanonod ha mga saad.

Heb 6:13 Kay han pagsaad han Dios kan Abraham, tungud nga waray na daro-daku nga sadang niya pagsumpaan, nagsinumpa hiya ha iya ngahaw,

Heb 6:14 Nga nasiring: Ha pagkamatuud, ha pagbendision bibendisionan ko ikaw, ngan ha pagpadamu pagpapada-rau-on ta ikaw.

Heb 6:15 Busa, nga nagantus hiya hin ma-pailubon, hi Abraham nakakarawat han saad.

Heb 6:16 Kay an mga tawo nagsusumpa han labi pa ka hataas ha ira; ngan ha ira ngatanan pagkaawayaway iton pagsumpa amo na iton katapusan ha pagpamatuud.

Heb 6:17 Busa, nga buut han Dios in pag-pakita ha mga manoronod han saad, han kahuraan gud nga diri pagkama-balhinon han iya pagburut-an, sinum-pay hin pagsumpa;

Heb 6:18 Basi nga ha duha nga mga bagay nga diri sadang mabalhin, nga hini nga mga bagay diri sadang an Dios makapagbuwa, may maada kita unta marig-on nga pagsarig, kita nga nan-malagyw ngadto ha darangpan ha pag-kaput han paglaum nga iginbutang ha aton atubangan.

Heb 6:19 Ini nga paglaum amo an sinipit nga mabaskog ngan marig-on han aton kalag, nga naabut ngadto ha sa-kub han pabyon;

Heb 6:20 Nga didto sugad hin maguruna tungud ha aton, sinulud hi Jesus nga nahimo nga Hataas nga Saserdote nga waray katapusan, sumala ha katung-danan ni Melkisedek.



Heb 7:1 Kay ini hi Melkisedek, nga hadi ha Salem, saserdote han Gihataasi gud nga Dios, amo an tinapo kan Ab-raham han nagtitiuli hiya tikang han pamatay han mga hadi, ngan amo an nag bendision ha iya.

Heb 7:2 Nga tinagan man hiya ni Abra-ham han ikanapulo nga bahin han ngatanan (kon hubaron siyahan, Hadi han katadungan, ngan Hadi man ha Salem, nga amo, an Hadi han kamu-rayawan;

Heb 7:3 Nga waray amay, waray iroy, waray katulinan, nga waray tinikangan nga mga adlaw bisan katapusan hin kinabuhi; kondi ginbuhat nga sugad ha Anak han Dios), nagpapadayon nga saserdote gihapon.

Heb 7:4 Ngan pamurubuuta niyo kon daw mationan-o ka daku ini nga tawo, nga bisan pa hi Abraham, nga pa-triarka, naghatag ha ikanapulo ha mga pinili gud nga mga inagaw.

Heb 7:5 Ngan ha pagkamatuud hira nga mga anak ni Levi nga nakakarawat han katungdanan nga pagkasaserdote, may sogo ha ira ha pagkuha ha mga ikanapulo, sumala ha Kasogoanan, ti-kang ha mga katawohan, nga amo ha ira mga kabugtoan, bisan kon hira ti-kang ha mga hawak ni Abraham:

Heb 7:6 Kondi hi Melkisedek nga an iya katulinan waray gumikan tikang ha ira nga kinarawat ha mga ikanapulo ni Abraham, ngan binendisionan niya an nakakarawat han mga saad.

Heb 7:7 Kondi hin waray paglaris, an ubus binibendisionan han maharohataas.

Heb 7:8 Ngan dinhi an mga tawo nga nag-papatay amo an makarawat ha mga ikanapulo; kondi ha usa, an nakara-wat amo an gintitestigoan nga hiya na buhi.

Heb 7:9 Ngan, makakasiring kita gihapon, bisan pa hi Levi, nga nakakarawat ha mga ikanapulo, nagbayad ha mga ika-napulo pinaagi kan Abraham;

Heb 7:10 Kay nakadto pa hiya ha hawak han iya amay, han pagtapoa ha iya ni Melkisedek.

Heb 7:11 Busa kon may ada pagkahingpit dida ha pagkasaserdote ni Levi (kay ha ilarum hito an mga tawo nakaka-rawat han Kasogoanan), ¿ano pa an kinahanglan nga lain nga saserdote in tumindcg sumala ha katungdanan ni Melkisedek, ngan diri pagisipon su-mala ha katungdanan ni Aaron?

Heb 7:12 Kay kon an pagkasaserdote nali-wanan, kinahanglan man nga an Ka-sogoanan kaliwanan.

Heb 7:13 Kay hiya nga tungud ha iya ini nga mga bagay iginsiring, taga lain hiya nga panon, nga hadto waray ta-wo nga nagmangno ha ladawan.

Heb 7:14 Kay kamatuuran gud nga an aton Ginoo natawo tikang kan ¡uda; nga tungud hini nga panon ni Moises waray magyakan hin bisan ano nga bagay mahatungud ha pagkasaserdo-te.

Heb 7:15 Ngan ini nga aton ginsiring labi na gud nga kamatuuran, kon sugad kan Melkisedek tumindog in lain nga saserdote,

Heb 7:16 Nga waray paghimo sumala ha Kasogoanan nga lawasnon, kondi su-mala ha gahum han usa nga kinabuhi nga waray katapusan;

Heb 7:17 Kay gintestigosan ini nahatu-ngud ha iya, Ikaw saserdote nga wa-ray katapusan, sumala ha katungda-nan ni Melkisedek.

Heb 7:18 Kay may ada pagkawara han sogo nga una tungud ha kamaluya ngan kawaray pulos hadto,

Heb 7:19 (Kay an Kasogoanan diri naka-kahingpit hin bisan ano nga bagay), ngan niyan an pagpasulud han mao-roopay nga paglaum, nga tungud hini makaharani kita ha Dios.

Heb 7:20 Ngan tungud nga diri waray upud nga pagsumpa,

Heb 7:21 (Kay ha kamatuuran pinanhimo hira nga mga saserdote nga waray pa-numpa; kondi hiya ha may panumpa tungud hadto nga nagsiring mahatu-ngud ha iya: An Ginoo nanumpa ngan diri hiya magbabasol, Ikaw an saserdote nga waray katapusan);

Heb 7:22 Tungud hini nahimo man hi Jesus nga mangongolo hin mamaopay pa nga tugon.

Heb 7:23 Kay ha pagkamatuud damu hira nga nagkahihimo nga mga saserdote, kay tungud ha kamatayon naulang hira ha pagpadayon;

Heb 7:24 Kondi hiya, tungud nga nagpa-padayon ha waray katapusan, an iya pagkasaserdote waray pag kabalhin.

Heb 7:25 Busa sadang man gud hiya ma-kaluwas han ngatanan nga naharani ha Dios pinaagi ha iya, tungud kay hiya nabuhi ha gihapon basi ha pag ampo tungud ha ira.

Heb 7:26 Kay nahaangay ha aton ini nga Hataas nga Saserdote, baraan, waray sala, waray buring, bulag ha mga magkasasala, ngan ginhimo nga ma-mahataas kay ngan ha mga langit;

Heb 7:27 Nga diri niya kinahanglan in pag-halad hin mga halad ha ikinaadlaw, sugad hini nga hagtaas nga mga saser-dote, siyahan tungud ha iya kalugari-ngon nga mga sala, ngan ngahaw tu-ngud ha mga sala han mga tawo: kay ini iya ginbuhat ha gihapon, han iya paghalad ha iya kalugaringon.

Heb 7:28 Kay an Kasogoanan nagtutu-ngud ha mga tawo nga may kaluya-han, ha pagkahataas nga saserdote; kondi an polong han panumpa, nga inabut ha orhi han Kasogoanan, nag-tutungud han Anak, nga ginhingpit ha waray katapusan.



Heb 8:1 Niyan han mga bagay nga amon iginyayakan an kahologan amo ini: May ada kami hin sugad hini nga Hataas nga Saserdote, nga nalingkod didto ha too han lingkoranan nga hadianon han harangdon ha mga langit,

Heb 8:2 Nga ministro han baraan nga lugar, ngan han matuud nga payag, nga gintindog han Dios ngan diri han mga tawo.

Heb 8:3 Kay an tagsatagsa nga hataas nga saserdote gintungdan ha paghalad hin mga hatag ngan mga halad: busa kinahanglan nga ini nga hataas nga saserdote may maada man niya bisan la ano nga ighahalad.

Heb 8:4 Niyan kon hahani pa unta hiya ha tuna, diri na gud hiya mahihimo nga saserdote, kay dinhi may ada mga saserdote nga naghahalad hin mga hatag sumala ha Kasogoanan;

Heb 8:5 Nga ini hira nagaalagad hadton anino ngan landong han mga langitnon nga butang, sugad han pagpahibaroa kan Moises han Dios, han paghimo hiya han payag: kay, Pagmatnong, siring niya, nga imo pagbuhaton an ngatanan nga mga butang sugad han susbaranan nga iginpakita ha imo didto ha bukid.

Heb 8:6 Kondi niyan hi Kristo nakakarawat hin pagkaministro nga mamaurog pa hin kahitaas, tungud kay hiya man an Mananabang han mamaopay pa nga tugon, nga ginhimo ha bawbaw han mamaopay pa nga mga saad.

Heb 8:7 Kay kon adton siyahan nga tu-gon nagin waray kakulangan, waray na unta hin pangita lugar han ika-duha.

Heb 8:8 Kay pakaagi hin kakulangan hadto, hiya siniring, Kitaa, an mga adlaw nagtitidaraon, siring han Ginoo, Nga ako maghihimo hin bag-o nga tugon kaupud an balay ni Israel ngan kaupud an balay ni Juda;

Heb 8:9 Diri sugad han tugon nga ginhimo nakon ngan han ira mga ginikanan, ha adlaw han pagkapti ko ha ira kamot ha pagkuha ha ira tikang ha tuna ha Egipto; kay waray hira magpadayon ha akon tugon, ngan waray ko na hira paghunahunaa, siring han Ginoo.

Heb 8:10 Kay amo ini an tugon nga paghihimoon ko upud an balay ni Israel, katapus hini nga mga adlaw, siring han Ginoo; Ibubutang ko ha ira mga hunahuna an akon mga Kasogoanan, ngan ha ira man mga kasingkasing igsusurat ko hito; ngan ako amo an ira magigin Dios, ngan hira amo an akon magiginkatawohan:

Heb 8:11 Ngan an tagsatagsa ha ira diri na magtututdo ha iya igkasi taghimungto, ngan an tagsa ka tawo ha iya bugto, nga masiring; Kilalahon mo an Ginoo: kay an ngatanan makilala ha akon, tikang ha gigugutiayi ngadto ha gidadagkui ha ira.

Heb 8:12 Kay magmamalolooyon ako ha ira mga pagkarautan, ngan an ira mga sala diri ko na hinunumduman.

Heb 8:13 Ha iya pagsiring nga, Bag-o nga tugon, an siyahan iya ginhimo nga daan. Kondi an bisan ano nga nagtitikadaan ngan nagtitikatigurang harani na ha pagkawara.



Heb 9:1 Niyan bisan an siyahan nga tugon may ada mga turumanon han dios-non nga pagsingba, ngan adton ba-raan nga lugar, baraan nga lugar hini nga kalibutan.

Heb 9:2 Kay may ada payag nga iginan-dam, an siyahan, nakadto an buruta-ngan han kandila, ngan lamesa, ngan tinapay nga baraan; nga amo ini an ginngangaranan nga Baraan nga lugar.

Heb 9:3 Ngan ha luyo han ikaduha nga biray, amo an payag nga ginngangara-nan nga Baraan ha mga baraan;

Heb 9:4 Nga may ada usa nga bulawan nga halaran tungud ha insienso, ngan an arka han tugon nga nahaklapan palibot hin bulawan, nga nakadto didto in bulawan nga koron nga sinu-sudlan han mana, ngan han kan Aaron sungkod nga namumukad, ngan an mga lamesa han tugon;

Heb 9:5 Ngan ha igbaw hito amo an mga Kerubin ha kahimayaan nga nakaka-landong han lingkoranan han pagka-looy; nga tungud hini nga mga bagay diri kami niyan makakagasoy ha kada usa nga bahin.

Heb 9:6 Niyan han kaandam na hini nga mga bagay, an mga saserdote nagpa-padayon ha pagsuludsulud ngadto ha siyahan nga payag, ha pagtuman ha mga buruhaton ha pagsingba;

Heb 9:7 Kondi ngadto ha ikaduha an gi-hataasi la nga saserdote, an nasulud ha makausa ha ikinatuig, diri nga waray dugo, nga iya iginhahalad tungud ha iya ngahaw, ngan tungud ha mga kasaypanan han mga tawo;

Heb 9:8 An Espiritu Santo nagpasabut hi-ni, nga an dalan ngadto ha baraan nga lugar waray pa igpahayag, kon aada pa mabakdaw an siyahan nga payag;

Heb 9:9 Nga amo an tigaman tungud hini niyan nga oras; sumala hini iginhaha-lad an mga hatag ngan mga halad nga diri sadang makakahingpit ha magsi-ringba, mahatungud ha konsiensia,

Heb 9:10 Ngan nahatutungud la (ha mga karan-on ngan mga irimnon ngan magkadirodilain nga mga panhugas) mga sogo tungud ha unud, nga ipina-pagtutuman tubtub ha oras ha pag-bag-o.

Heb 9:11 Kondi ha pag abut ni Kristo nga Hataas nga Saserdote han mga ma-gopay nga bagay nga tiarabut, pinaagi ha madarodaku ngan mahirohingpit nga payag, nga diri hinimo han mga kamot, nga kon hubaron, diri hini nga binuhat;

Heb 9:12 Bisan pa ngani diri tungud ha dugo han mga kanding nga lalaki ngan kanatihan hin baka, kondi pina-agi ha iya kalugaringon nga dugo, si-nulud ha makausa ngan ha gihapon ngadto ha baraan nga lugar, han pa-kakarawat hin waray katapusan nga pagtubus.

Heb 9:13 Kay kon an dugo han mga kan-ding ngan han mga baka nga lalaki, ngan tap-ok han babaye nga baka nga iginsasablig ha mga maghugaw, naka-putli tubtub ha paglinis ha unud:

Heb 9:14 ¿Mationan-o pa kalabaw an du-go ni Kristo, nga pinaagi ha Espiritu nga waray katapusan, naghalad ha iya kalugaringon nga waray buring ngadto ha Dios, maghuhugas ha iyo kon-siensia tikang ha mga patay nga buhat ha pag alagad han buhi nga Dios?

Heb 9:15 Ngan tungud hini nga hinung-dan, hi Kristo amo an Manlalabaw ha usa nga bag-o nga tugon, nga tungud nga nahanabu an kamatayon basi ha pagtubus ha mga pagtalapas nga na-kada ha ilarum han siyahan nga tu-gon, basi unta hira nga mga gintawag makakarawat han saad han panoron-don nga waray katapusan.

Heb 9:16 Kay kon hain an tugon, kina-hanglan nga mahanabu an kamatayon han naghimo hito nga tugon.

Heb 9:17 Kay an tugon may gahum kon mamatay an tawo: kay ito waray pu-los kon buhi pa an naghimo hito.

Heb 9:18 Busa bisan pa an siyahan nga tu-gon waray igpahanungud ha waray dugo.

Heb 9:19 Kay han hiasoy ni Moises han ngatanan nga sogo ngadto ha mga tawo sumala ha Kasogoanan, kinuha niya an dugo han mga nati han baka ngan kanding, upud in tubig ngan ba-rahibo nga mapula, ngan hisopo, ngan ginsabligan niya an basahon ngan ar. ngatanan nga katawohan,

Heb 9:20 Nga nasiring: Amo ini an dugo han tugon nga iginsogo han Dios tu-ngud ha iyo.

Heb 9:21 Ngan sugad man ginsabligan niya hin dugo an payag, ngan an nga-tanan nga garamiton ha pag kaminis-tro.

Heb 9:22 Ngan sumala ha Kasogoanan, magutiay ako makakasiring, an ngata-nan nga bagay ginlinisan hin dugo, ngan kon waray iginula nga dugo wa-ray pagpasaylo.

Heb 9:23 Busa kinahanglan nga an mga dagway han mga langiton nga mga bagay paglinisan hini nga mga bagay; kondi an mga langitnon gud nga ba-gay hin maromaopay pa nga halad kay ngan hini.

Heb 9:24 Kay hi Kristo waray sumulud ngadto ha baraan nga lugar nga gin-himo hin mga kamot, sugad hin sus-baranan han matuud; kondi ngadto gud ha langit, ha pagpahayag niya yana ha atubangan han Dios tungud ha aton:

Heb 9:25 Diri na ngani nga hiya makaka-damu pa paghalad ha iya kaiugari-ngon, sugad han gihataasi nga saserdote nga nasulud ngadto ha baraan nga lugar ha ikinatuig nga may dugo? nga diri iya kalugaringon;

Heb 9:26 Kay kon amo ito kinahanglan unta nga hiya mag aantus hin maka-damu tikang han tinikangan han kali-butan: kondi niyan ha makausa ha katapusan han mga katuigan iginpa-hayag hiya ha pagpara ha mga sala tu-ngud ha paghalad han iya kalugari-ngon.

Heb 9:27 Ngan ha pagkaagi nga igintung-dan ha mga tawo an kamatay hin ma-kausa la, ngan an masunud hini amo an paghukom;

Heb 9:28 Sugad man hi Kristo, nga igin-halad na hin makausa ha pagtubus han mga sala han kadam-an, magpa-pahayag ha ikaduha, nga waray sala, ngadto ha ira nga naghuhulat ha iya ngadto ha kaluwasan.



Heb 10:1 Kay tungud nga an Kasogoanan may landong han mga magopay nga mga bagay nga tiarabut, diri amo gud an dagway han mga butang, diri ito sadang, pinaagi hini nga mga halad ha ikinatuig, nga ira iginhahalad ha ka-dayonan, makahingpit ha ngatanan nga nadaraon ha ira.

Heb 10:2 Hini nga hinungdan, ¿diri unta adto naoday ha paghalaran? Kay an mga magsiringba, nga nalinisan na hin makausa, waray na gud unta pagiisip nga may nira mga sala.

Heb 10:3 Kondi tungud hini nga mga halad an mga sala hinunumduman ha ikina-tuig.

Heb 10:4 Kay an dugo han mga lalaki nga baka ngan kanding diri gud sadang makakuha ha mga sal a.

Heb 10:5 Busa han iya pagkanhi ha kalibu-tan hiya siniring: Diri mo buut an ha-lad ngan an hatag, kondi ginandaman mo ako hin usa nga lawas.

Heb 10:6 Ha mga lunsay nga sinunug nga halad ngan mga halad tungud ha sala, waray ka karuyag:

Heb 10:7 Busa nagsiring ako: Kitaa, iini ako (sugad ha nahisurat tungud ha akon ha linokot nga basahon) ha pag-buhat ha imo kaburut-on, O Dios.

Heb 10:8 Sugad ha iginsiring na ha igbaw, Bisan ha mga halad, ngan mga hatag, ngan lunsay nga sinunug nga halad, ngan mga halad tungud ha sala, diri mo buut, ngan diri mo karuyag; (nga ini ngatanan iginhalad sumala ha Ka-sogoanan),

Heb 10:9 Busa hiya nagsiring, Kitaa, kinan-hi ako ha pagbuhat ha imo kaburut-on. Iya kinuha an siyahan, basi niya pagrig-onon an ikaduha.

Heb 10:10 Nga tungud hini nga kaburut-on ginpakaputli kita tungud ha paghalad han lawas ni Jesukristo ha makausa nga ha gihapon.

Heb 10:11 Ngan ha pagkamatuud an tagsa-tagsa nga saserdote nanindog ha iki-naadlaw ha pag kaministro, ngan nag-hahalad hin agsub hin amo gihapon nga mga halad, nga diri gud sadang makakuha ha mga sala:

Heb 10:12 Kondi hiya, ha katapus niya pag-halad hin usa nga halad ha waray ka-tapusan, tungud ha mga sala, nagling-kod ha too nga kamot han Dios;

Heb 10:13 Tikang hadto hiya naghihinulat nga an iya mga kaaway himoon nga turumbanan han iya mga tiil,

Heb 10:14 Kay tungud ha usa nga halad, iya ginhingpit ha kagihaponan an ngatanan nga mga ginpakaputli.

Heb 10:15 Ngan an Espiritu Santo nagtites-tigo man ha aton; kay nagsiring hiya hadto:

Heb 10:16 Amo ini an tugon nga akon pag-bubuhaton upud ha ira, ha katapus hini nga mga adlaw, siring han Ginoo: Ipamumutang ko an akon mga Kasogoanan ha ira mga kasingkasing, ngan ipanunurat ko man adto ha ira mga hunahuna; Busa nasiring hiya:

Heb 10:17 Ngan an ira mga sala ngan mga pagtalapas diri ko na hinunumdu-man.

Heb 10:18 Ngan kon hain an pagpasaylo hini, waray na halad tungud ha sala.

Heb 10:19 Busa, mga kabugtoan, nga may ada ta pagsarig ha pagsulud ngadto ha baraan nga lugar pinaagi han dugo ni Jesus,

Heb 10:20 Tungud han dalan nga iya gin-tukuran tungud ha aton, an bag-o ngan buhi nga dalan, pinaagi han bi-ray, nga kon ha aton pa, amo an iya unud;

Heb 10:21 Ngan tungud nga may ada ta nga daku nga saserdote ha balay han Dios;

Heb 10:22 Manharani kita ha matuud nga kasingkasing ngan bug-os an pagtoo, nga nabisibsan na an aton mga ka-singkasing tikang ha maraut nga kon-siensia; ngan nahugasan na an aton mga lawas han maputli nga tubig,

Heb 10:23 Rig-onon ta an pagsumat han aton paglaum basi diri ito magkaoro-oyog; kay matinumanon hiya nga nagsaad:

Heb 10:24 Magpinalandonganay an usa kag usa ha aton ha pagaghat ha gugma ngan ha mga magopay nga buhat;

Heb 10:25 Diri ta bayaan an aton pagtarotarampo, sugad han batasan han iba, kondi maglinalaygay kita labi na gud, nga iyo gintatan-aw nga an adlaw nagtitikaharani na,

Heb 10:26 Kay kon magpakasala kita hin tinuyo ha katapus ta makakarawat han kinaadman ha kamatuuran, waray na nabilin in halad tungud ha mga sala.

Heb 10:27 Kondi an usa nga makaharadluk nga paghulat ha pag hukom, ngan an kapaso han kalayo nga maglalamay ha mga kaaway.

Heb 10:28 An tawo nga nagtalapas han Kasogoanan ni Moises, nga testigohan hin duha ó tulo, mamatay hin waray kalooy.

Heb 10:29 ¿Mationan-o pa ba ka mabug-at nga sirot, sugad ha iyo ginhuhunahuna, nga paghuhukman hin takus an nagtamak ha Anak han Dios, ngan nagisip nga an dugo han tugon, diin hiya ginpakaputli, mahugaw nga ba-gay, ngan nagpasipara han Espiritu han grasia?

Heb 10:30 Kay maaram kita ha iya nga nagsiring, An pagbalus hin sirot akon, ako an mabalus; ngan liwat, An Ginoo maghuhukom ha iya mga tawo.

Heb 10:31 Makalilisang nga bagay, an kaholog ngadto ha mga kamot han buhi nga Dios.

Heb 10:32 Kondi hinumdumi niyo an mga una nga mga adlaw, nga, han katapus na niyo kalamragi, nag antus kamo hin daku nga pakigaway han mga kakurian:

Heb 10:33 Ha usa nga bahin, nga nahimo kamo nga taranawon, pinaagi han mga pagpakaalo ngan kagol-anan; ngan ha usa nga bahin, nga nahimo kamo nga mga umarangbit han mga nagagi hin sugad.

Heb 10:34 Kay kamo nalooy ha ira nga mga binilanggo, ngan kinarawat niyo hin malipayon an mga pagtikasa han iyo mga bahandi, kay hinbaroan niyo nga may ada niyo mga maoroopay ngan magpadayonon nga ba-handi.

Heb 10:35 Busa ayaw niyo isikway an iyo pangahas, nga may daku nga balus.

Heb 10:36 Kay kinahanglan niyo an pagilub, basi, kon mahimo na niyo an kaburut-on han Dios, makarawat unta niyo an saad.

Heb 10:37 Kay ha gutiay na la nga panahon, hiya nga tiabut maabut, ngan diri maglalangan.

Heb 10:38 Kondi an akon matadung mabubuhi tungud ha pagtoo: ngan kon hiya umisol, an akon kalag diri malilipay ha iya.

Heb 10:39 Kondi diri kita upud ha ira nga mga nangingisol ngadto ha pagkawara; kondi upud kita hadton mga may pagtoo ngadto ha kaluwasan han ka-lag.



Heb 11:1 Niyan an pagtoo amo an karig-onan han mga bagay nga ginlalauman, an proyba han mga bagay nga waray pa kikitaa.

Heb 11:2 Kay tungud hini dinangat an pag-kamatuud ha mga katigurangan.

Heb 11:3 Tungud ha pagtoo nasabut kita nga an mga kalibutan ginhimo tungud han polong han Dios, basi nga kon ano an nakikita waray paghimoa ti-kang ha mga bagay nga kinikita.

Heb 11:4 Tungud ha pagtoo, hi Abel nag-halad ha Dios hin usa nga halad nga maoroopay kay han kan Kain, tu-ngud hini hiya nakakarawat hin pag-katestigo nga hiya matadung nga ta-wo, nga an Dios nagkatestigo ha iya mga hatag: ngan tungud hini, bisan kon hiya patay na, nagyayakan pa.

Heb 11:5 Tungud ha pagtoo hi Enok gin-balhin basi hiya diri makakita ha ka-matayon; ngan waray hiya hiagii, kay ginbalhin hiya han Dios: kay hiya na-kakarawat hin pag katestigo nga hadto han waray pa hiya pagbabalhina naruruyagan hiya ha Dios;

Heb 11:6 Kondi kon waray pagtoo diri gud mahihimo nga makalipay ha Iya; kay kinahanglan nga an nadaup ha Dios tumoo nga amo hiya, ngan nga hiya magbabalus han ngatanan nga nagbibiling ha iya.

Heb 11:7 Tungud ha pagtoo, hi Noe, nga gintutdoan han Dios mahatungud ha mga bagay nga waray pa hikit-i, ha matinalahuron nga kahadluk, ginhi-mo niya an arka ha pagluwas ha iya panimalay; pinaagi nga pagtoo gin-hukman niya hin sirot an kalibutan, ngan nagmanoronod hiya ha katadu-ngan nga oyon ha pagtoo.

Heb 11:8 Tungud ha pagtoo, hi Abraham nagsugot han pagtawaga ha iya hin pagkadto ha usa nga lugar nga iya ka-karawatan hin panorondon; ngan hi-ya kinadto, bisan kon waray hiya ma-aram kon tipakain hiya.

Heb 11:9 Tungud ha pagtoo nahimo hiya nga dumuruong didto ha tuna nga iginsaad, sugad ha tuna nga diri iya kalugaringon, nga naguukoy ha mga mayagpayag upud hira Isaak ngan hi ¡akob, nga mga igkasi niya mga ma-noronod ha amo nga saad:

Heb 11:10 Kay ginhihinulat niya an bungto nga may patukuran, nga an iya magturukud ngan mag buruhat amo an Dios.

Heb 11:11 Tungud ha pagtoo bisan hi Sara ngahaw, han lagas na gud hiya, naka-karawat hin gahum hin pagpanam-kon, kay hiya nagtoo nga matinuma-non an nagsaad.

Heb 11:12 Busa bisan kon sugad hin patay na hiya may nanlutaw tikang ha iya nga kadam-an sugad kadamu ha mga bitoon ha langit, ngan sugad ha mga baras ha baybayon, nga diri sadang maihap.

Heb 11:13 Ini ngatanan nagkamamatay ha pagtoo, nga waray makakarawat han mga butang nga iginsaad, kondi nga kinita ngan pinangomustahan nira nga harayo pa, ngan nag sumat nga mga dumuruong ngan mga lumalabay hira ha tuna.

Heb 11:14 Kay hira nga nanmomolong hin sugad nga mga butang nagpapahayag nga hira nagpipinamiling hin tuna nga ira kalugaringon.

Heb 11:15 Ngan ha pagkamatuud kon ira gindudumdum adto nga tuna nga ira giniknan, may katigayonan unta nira ha pagbalik.

Heb 11:16 Kondi niyan nagtitinguha hira hin maoroopay nga tuna nga amo, an langitnon; busa an Dios waray kaawud ha ira, nga hiya pagtawagon nga ira Dios; kay hiya nagandam ha ira hin usa nga bungto.

Heb 11:17 Tungud ha pagtoo, han pagproy-bahi kan Abraham, iginhahalad niya hi Isaak: Oo, hiya nga kinarawat han mga saad hin malipayon naghahalad han iya bugtong nga anak;

Heb 11:18 Bisan hiya nga ha iya ipinamo-long: Ha kan Isaak pagngangaranan an imo katulinan:

Heb 11:19 Nga kinikilala niya nga an Dios gamhanan, bisan pa ha pagbanhaw ha mga minatay; tikang hadto kinarawat hiya niya hin bagasugad hin tikang ha kamatayon.

Heb 11:20 Tungud ha pagtoo ginbendisio-nan ni Isaak hira ¡akob ngan hi Esau, mahatungud ha mga bagay nga tiara-but.

Heb 11:21 Tungud ha pagtoo, han naghihi-matay na hi ¡akob ginbendisionan niya an tagsatagsa nga mga anak ni ¡ose; ngan nagsingba, nga nasandig han katapusan han iya sungkod.

Heb 11:22 Tungud ha pagtoo, hi ¡ose, han harani na an iya kamatayon, nagya-kan tungud ha pagbulag han mga anak ni Israel; ngan naghatag hin sogo mahatungud ha iya mga tul-an.

Heb 11:23 Tungud ha pagtoo, hi Moises, han katawo, gintago han iya mga gi-nikanan hin tulo ka bulan, kay hin-kit-an nira nga hiya makaruruyag nga bata; ngan waray hira mahadluk han mga sogo han hadi.

Heb 11:24 Tungud ha pagtoo hi Moises, han daku na hiya, diniri nga pagnga-ranan hiya nga anak han anak nga ba-baye ni Paraon;

Heb 11:25 Ginpili lugud niya an paghiang-bit han mapait nga ginaantus han mga tawo han Dios, kay ngan ha pag-tilaw ha madali nga panahon, han mga kalipayan han sala;

Heb 11:26 Nga ginpakamahal niya an pag-katamarayon tungud kan Kristo kay ngan ha mga bahandi ha Egipto: kay hiya naglalaum han bayad han balus.

Heb 11:27 Tungud ha pagtoo binayaan niya an Egipto, nga waray kahadluk nan kasina han hadi: kay nagpadayon hiya, sugad nga tinatan-aw niya an diri sadang makita.

Heb 11:28 Tungud ha pagtoo ginsaorog ni-ya an pesach, ngan an pagbisibis han dugo, basi nga an parapamatay han mga suhag diri makadaut ha ira.

Heb 11:29 Tungud ha pagtoo nagagi hira ha Mapula nga Dagat sugad ha mama-ra nga tuna; nga han pagproyba han mga taga Egipto, nagkalulumos hira.

Heb 11:30 Tungud ha pagtoo an mga kuta ha Jeriko nagkatutumba, han katapus na nira malibot hin pito ka adlaw,

Heb 11:31 Tungud ha pagtoo hi Rakab nga puta waray mawara upud ha mga diri magtinoohon, tungud han iya pagka-rawat han mga tiktik nga may paghi-dait.

Heb 11:32 Ngan ¿ano pa an igyayakan ko? Kay kukulangon ako hin oras kon ako magsusumatanon mahatungud kanda Gideon, Barak, Samson, ¡epte; mahatungud kan David ngan Samuel ngan han mga manaragna:

Heb 11:33 Nga hira, tungud ha pagtoo, na-naug hin mga ginhadian, mga nagbuhat hin katadungan, mga nagpakaka-rawat hin mga saad, pinangoum nira an mga baba han mga leon,

Heb 11:34 Pinamarong nira an gahum han kalayo, nagpakapalagyw ha mga ta-rum han kampilan, tikang ha mga ka-luyahan pinanhimo hira nga magrig-on, magbaskog ha mga pakigaway, ginpapalagyw nira an mga kasondalo-han han mga kaaway.

Heb 11:35 An mga kababayinan nagpaka-karawat han ira mga minatay tungud ha pagkabanhaw: ngan an iba ginsa-kit, tungud nga waray hin karawat han ira kaluwasan; basi pa unta hira makakarawat hin mamaopay pa nga pagkabanhaw:

Heb 11:36 Ngan an iba nagantus ha mga pagsulaya ha pagyubit ngan mga hampak, oo, labut pa hini ha mga ta-likara ngan mga bilanggoan:

Heb 11:37 Ginbato hira, ginlagadi hira, ginsulay hira, pinamatay hira hin kampi-lan: mga naglinakatlakat hira nga na-mamanapton hin mga anit hin kar-nero ngan kanding; mga nagkawa-wad-an han ngatanan, mga gool, mga ginpakaraut,

Heb 11:38 (Nga ha ira an kalibutan diri ta-kus), nga mga nagsisinodoysodoy ha mga kamingawan ngan mga kabuki-ran, ngan mga lungib, ngan mga boho ha tuna.

Heb 11:39 Ngan ini hira ngatanan, nga mga dinangat hin pagkatestigo tungud ha ira pagtoo, waray hira makakarawat han saad,

Heb 11:40 Nga ginandaman kita han Dios hin mamagopay pa nga mga bagay, nga gawas ha aton, diri hira paghihingpiton.



Heb 12:1 Tungud nga maaram kita nga gin-lilibotan kita hin daku nga dampug nga mga testigo, busa, isikway ta man an ngatanan nga kabug-at, ngan sala nga masayon la dumangup ha aton, ngan dalaganon ta ha mapailubon an rumba nga ibinutang ha aton atuba-ngan,

Heb 12:2 Nga maghangad ngadto kan Jesus nga amo an tinikangan ngan maghi-ringpit han aton pagtoo, nga hiya tu-ngud han kalipay nga ibinutang ha iya atubangan, nag antus han krus, nagtamay han kaalo, ngan naglingkod didto ha too han lingkoranan han Dios.

Heb 12:3 Busa pamorobuuton niyo adton nagantus hin sugad nga mga pagta-may han mga magpakasasala kontra ha iya, nga diri kamo magkabubut-law, ngan diri manluya ha iyo mga kalag.

Heb 12:4 Waray pa kamo suwahi tubtub ha dugo, nga magtinguha kontra ha sala:

Heb 12:5 Ngan hinkalimtan na niyo an laygay nga nakapakig polongpolong ha iyo sugad hin mga anak, Anak ko, diri mo pagisipon hin gutiay la an si-rot han Ginoo, ngan diri ka lumuya kon babadlongon ka niya;

Heb 12:6 Kay kon hin-o an hinihigugma han Ginoo ginsisirotan niya, ngan gin-hahampak niya an tagsatagsa nga anak nga iya kinakarawat.

Heb 12:7 Amo ha pagsirot nga nagaantus kamo; an Dios nagmamando ha iyo sugad ha mga anak; kay ¿hin-o ba nga anak nga diri sinisirotan han iya amay?

Heb 12:8 Kondi kon diri kamo sirotan, nga an ngatanan mga umarangbit hini nga sirot, busa mga anak kamo han diri kinasal, ngan diri mga anak.

Heb 12:9 Labut pa, may ada kita mga gini-kanan ha unud nga nagsisirot ha aton, ngan gintatahud ta hira: ¿diri ba lu-gud nga mapasakup kita hin labi ha amay han mga espiritu, ngan mabu-hi?

Heb 12:10 Kay hira ha pagkamatuud, nag-sirot ha aton hin haliput nga mga ad-law, sugad han ira ginpakamaopay, kondi ini hiya ha aton kapulsanan, basi nga makaangbit kita han iya pag-kabaraan.

Heb 12:11 An ngatanan nga mga sirot niyan bagasugad hin diri tungud ha ka-lipayan kondi ha kabidoan; kondi unina ha brhi maghahatag ito hin bu-nga nga makigdaiton ngadto ha mga nanhiara h:to, nga amo an bunga han katadungan.

Heb 12:12 Busa bangona niyo an mga kamot nga nanononton, ngan an mga kurug nga tuhud;

Heb 12:13 Ngan maghimo kamo hin mga dalan nga magtadung tungud ha iyo mga tiil, basi nga an piang diri mawa-ra han dalan, kondi lugud nga mag-opay.

Heb 12:14 Pamilnga niyo an pakighidait han ngatanan nga mga tawo, ngan an pagkaputli, nga kon waray hini nga pagkaputli waray tawo nga makaka-kita ha Ginoo.

Heb 12:15 Nga magkulaw hin maopay ba-ngin may tawo nga makulangan han grasia han Dios; bangin may maada gamut ha kapaitan nga tumubu ngan makasamok ha iyo, ngan tungud hito bangin an kadam-an mahugawan;

Heb 12:16 Bangin may maada makihihila-wason, ó diri espirituhanon nga tawo, sugad kan Esau, nga tungud ha usa nga pagkaon iginbaligya an iya ka-gamhanan ha pagkamagurang.

Heb 12:17 Kay hinbaroan niyo nga ha orhi han nagtitinguha hiya ha panonod han bendision, iginsikway hiya; kay waray hiya pakaagi hin lugar ha pag-kabalyo han hunahuna han iya amay, bisan kon iya pa gud adto ginbiniling nga may mga luha.

Heb 12:18 Kay waray kamo humarani ngadto hin usa nga bukid nga sadang mahikap, ngan nga naglalaga nga kalayo, ngan ngadto ha kaiituman, ngan kasisidman, ngan bagyo,

Heb 12:19 Ngantonog hin budyong, ngan tingug hin mga polong; nga iton ti-ngug pinangangaro han mga nagpaka-bati nga waray na usa nga polong nga idugang hin pagyakna ngadto ha ira;

Heb 12:20 Kay waray hira makaantus hadton iginsosogo, bisan kon mananap in dumaop han bukid, ito pagbabato-hon;

Heb 12:21 Ngan makaharadluk kaopay an dagway, nga hi Moises nagsiring: Na-hadluk gud ako ngan iginkurug;

Heb 12:22 Kondi kinanhi kamo ha bukid nga Sion, ngan ngadto ha bungto han buhi nga Dios, ha langitnon nga Jerusalem, ngan ha diri sadang maihap nga panon hin mga angel,

Heb 12:23 Ngadto ha bug-os nga katipunan ngan singbahan han mga suhag nga nanhisurat na ha langit, ngan ha Dios nga Hukom han ngatanan, nga ha mga espiritu han mga magtadung nga mga tawo nga mga hingpit na,

Heb 12:24 Ngan kan Jesus nga Mananabang hin bag-o nga tugon, ngan ha dugo ha pagbisibis nga nagyayakan hin maoroopay kay ngan ito han kan Abel.

Heb 12:25 Magmatngon kamo nga diri niyo isikway adton nagyayakan. Kay kon adto hira nga nagsikway ha iya nga nagsagdon ha ira dinhi ha tuna, waray makapalagyw, labi na gud nga diri kita makakapalagyw, kon igsik-way ta an nagsasagdon ha aton, nga tikang ha langit:

Heb 12:26 Nga an iya hadto tingug naka-oyog han tuna: kondi niyan nagsaad, nga nasiring; Makausa pa pagooyo-gon ko diri la an tuna, kondi sugad man an langit.

Heb 12:27 Ngan ini nga polong: Ha maka-usa pa nagpasabut nga panmamalhi-non adton mga bagay nga nagkakao-oyog, sugad ha mga butang nga mga hinimo, basi nga adton mga waray kaoyog mahibilin.

Heb 12:28 Busa, nga nakarawat naton in usa nga ginhadian nga diri sadang ma-oyog, magpasalamat kita, nga pinaagi hito magalagad kita nga makakalipay ha Dios upud an pagtahud ngan ka-hadluk:

Heb 12:29 Kay iton aton Dios usa nga kalayo nga nakakaogtang.



Heb 13:1 An minagburugto nga gugma mag-padayon unta.

Heb 13:2 Ayaw kamo panhikalimot ha pag-pakita hin gugma ha mga dumuru-ong: kay pinaagi hini an iba nagkara-wat hin mga angel nga waray hira panhabaro.

Heb 13:3 Hinumdumi niyo an mga binilang-go, sugad nga mga binilanggo man ka-mo upud ha ira, an mga ginpapaantus, sugad nga aada man kamo ha lawas.

Heb 13:4 Pagpakabantuganon han ngata-nan an pag asawa, ngan an higdaan diri paghugawan: kay an mga makihi-hilawason ngan an mga paralibog pag-huhukman han Dios.

Heb 13:5 Mahagawas unta kamo ha paghi-gugma ha salapi; magmalipayon ka-mo ha mga bagay nga aada ha iyo: kay hiya ngahaw nagsiring: Diri ko gud ikaw bibilinan, ngan diri gud ko ikaw babayaan.

Heb 13:6 Basi kita makasiring hin masina-rig-on gud: An Ginoo amo an akon paratambulig; diri ako mahahadluk: ¿Ano ba in mabubuhat han tawo ha akon?

Heb 13:7 Hinumdumi niyo an iyo mga mag-marando, an mga tawo nga nagsumat ha iyo han polong han Dios; pamoro-buuton niyo an katapusan han ira mga pangawi, magsubad kamo ha ira pa¿too.

Heb 13:8 Hi Jesukristo amo man kakolop, ngan niyan, oo, ngan ha mga katuigan.

Heb 13:9 Diri kamo magpadara han mga magkadirodilain ngan mga bag-o nga pagtoron-an: kay maopay nga an ka-singkasing pagparig-onon han grasia; diri han mga sura, nga hira nga na-ngawi hini waray pagpulos.

Heb 13:10 May ada kita usa nga halaran, nga hira nga naghahalad ha payag diri tugot an pag kaon.

Heb 13:11 Kay an mga lawas han mga ma-nanap nga an dugo gindadara han ha-taas nga saserdote ngadto ha baraan nga lugar, nga halad tungud ha mga sala, ginsunug ha gawas han parahu-wayan.

Heb 13:12 Busa hi Jesus man, basi nga iya unta maputli han mga tawo pinaagi ha iya kalugaringon nga dugo, nag antus ha gawas han ganghaan.

Heb 13:13 Busa mangowa kita unta ha pa-rahuwayan ngadto ha iya, nga dad-on ta an pagpakaalohi ha iya

Heb 13:14 Kay wara kita dinhi hin bungto nga magpapadayon, kondi nagbibi-ling kita hin usa nga bungto nga tiara-but.

Heb 13:15 Busa, pinaagi ha iya halaran ta gihapon an Dios hin halad han pag-dayeg, nga amo, an bunga han mga im-im nga nagsusumat han iya nga-ran.

Heb 13:16 Kondi ayaw niyo hikalimti an pagbuhat hin maopay ngan pagkama-hatagon: kay ha sugad nga mga halad an Dios nalilipay.

Heb 13:17 Magtuman ngan magpasakup kamo ha iyo mga magmarando: kay nagmamangno hira tungud ha iyo mga kalag, sugad nga hira in magha-hatag hin kahusayan; basi nga pagbuhaton ini nira ha kalipayan; ngan diri ha kasakitan: kay ini mawawaray ka-pulsanan ha iyo.

Heb 13:18 Mag ampo kamo tungud ha amon: kay nasarig kamo nga may ada namon maopay nga konsiensia, nga nagtitinguha kami ha paggawi hin maopay ha ngatanan nga mga butang.

Heb 13:19 Ngan naglaylaygay gud ako ha iyo nga iyo ini buhaton, basi nga ma-habalik gud ako hin madali pa ngan-hi ha iyo.

Heb 13:20 Niyan an Dios han paghidait, nga nagbanhaw ngahaw tikang ha mga minatay ha Daku nga Magbaran-tay han mga karnero tungud ha dugo ha waray katapusan nga tugon, nga amo an aton Ginoo nga hi Jesus,

Heb 13:21 Paghingpiton unta kamo ha nga-tanan nga magopay nga mga bagay ha pagbuhat han iya kaburut-on, nga mag-buhat dinhi ha aton hadton maka-lilipay ha iya atubangan, pinaagi kan Jesukristo; nga ha iya an himaya ha mga katuigan ha mga katuigan. Amen.

Heb 13:22 Kondi naglaylaygay ako ha iyo, mga kabugtoan, nga iyo pag antuson an polong han sagdon: kay nagsurat ako nganhi ha iyo hin pira la ka po-long.

Heb 13:23 Habaroi niyo nga hi Timoteo nga aton bugto, binuhi-an na; nga upud niya makikipagkiritaa ako ha iyo kon kumanhi hiya layon.

Heb 13:24 Pangomustaha niyo an ngatanan nga nagmamando ha iyo, ngan an ngatanan nga mga baraan. An mga taga-Italia nangongomusta ha iyo.

Heb 13:25 An grasia umupud unta ha iyo ngatanan. Amen.



AMAZING GRACE BIBLE INSTITUTE