WARAY GALATIANS

Gal 1:1 Hi Pablo, nga apostol (nga diri tikang ha mga tawo, bisan pinaagi ha mga tawo, kondi pinaagi kan Jesu-kristo, ngan ha Dios nga Amay, nga nagbanhaw ha iya tikang ha mga minatay),

Gal 1:2 Ngan an ngatanan nga mga ka-bugtoan nga upud ha akon, ngadto ha mga singbahan ha Galasia:

Gal 1:3 An grasia magin-iyo ngan an pag-hidait tikang ha Dios nga Amay, ngan ha aton Ginoo Jesukristo,

Gal 1:4 Nga nagtubyan ha iya kalugari-ngon tungud ha aton mga sala, basi nga maluwas kita niya tikang hini ya-na nga maraut nga kalibutan, oyon ha kaburut-on han aton Dios nga Amay:

Gal 1:5 Nga ha iya an himaya ha mga ka-tuigan ha mga katuigan. Amen.

Gal 1:6 Nahitingala ako nga madagmit gud kamo magbalhin tikang ha iya nga nagtawag ha iyo ha grasia ni Kris-to, ngadto ha lain nga Maopay nga Sumat;

Gal 1:7 Nga diri lain nga Maopay nga Su-mat : kondi nga mayada la iba nga na-kakasamok ha iyo, ngan buut nira nga pakasamok han Maopay nga Su-mat ni Kristo.

Gal 1:8 Kondi bisan pa kami, Ăł angel nga tikang ha langit, in magwali ha iyo hin Maopay nga Sumat lain hadton amon iginwali ha iyo, magintampala-san hiya.

Gal 1:9 Sugad hadton amon iginsiring hadto, isisiring ko man ngahaw niyan, Kon may tawo nga magwali ha iyo hin Maopay nga Sumat, lain had-ton iyo kinarawat, magintampalasan hiya.

Gal 1:10 Kay żpinangingita ko ba niyan an pagpasalamat han mga tawo, Ăł an kanan Dios? O żnagtatalinguha ba ako hin pakalipay ha mga tawo? Kon naglilipay pa ako ha mga tawo, diri unta ako nauuripon ni Kristo.

Gal 1:11 Kay iginpapahabaro ko ha iyo, mga kabugtoan, nga nahatutungud han Maopay nga Sumat nga akon iginwali, nga diri adto sumala ha ta-wo.

Gal 1:12 Kay waray ko ito karawata ti-kang ha tawo, ngan waray ako pag-tutdo-i hito, kondi ito nahangadi ha akon tungud ha pagpahayag ni Jesukristo.

Gal 1:13 Kay hinbatian na niyo hadton nagagi nga panahon an kahimtang han akon kinabuhi hatoloohan han mga Judio, nga diri na sadang labwan gintitimaraut, ngan ginhibang ko an singbahan han Dios.

Gal 1:14 Nga ha kanan Judiotoloohan nahauna ako ha akon mga kaidad nga kahimungto, kay nahikasindak gud ako labaw ha ira ha mga surumata-non han akon mga ginikanan.

Gal 1:15 Kondi tungud ha kaburut-on han Dios, nga iya ako binahin, tikang ha tiyan han akon iroy, ngan iya ako gintawag pinaagi ha iya grasia,

Gal 1:16 Ha pagpahayag ha iya Anak din-hi ha akon, basi nga akon unta hiya igwali ha mga Hentil; gilayon waray na ako pagpakigkarokayakan ha unud ngan ha dugo:

Gal 1:17 Ngan waray ako pasingadto ha mga apostol nga una pa ha akon ha Jerusalem: kondi nasingadto ako ha Arabia; ngan binalik ako liwat ha Damasko.

Gal 1:18 Katapus hin tulo ka tuig nasing-adto ako ha Jerusalem ha pakipagki-ta kan Kepas, ngan pinabilin ako upud ha iya hin napulo kag lima ka adlaw.

Gal 1:19 Kondi waray ko nakita bisan hin-o han mga apostol, gawas kan Ąakobo nga bugto han Ginoo.

Gal 1:20 Ngan tungud ha mga bagay nga akon iginsurat ha iyo, kitaa, ha atu-bangan han Dios, diri ako magbuwa.

Gal 1:21 Niyan nasingadto ako ha mga tuna ha Siria ngan ha Silisia.

Gal 1:22 Ngan waray pa kikilalaha an akon nawong ha mga singbahan ha Judea, nga nakada kan Kristo:

Gal 1:23 Kondi hinbatian la nira, Nga hiya nga hadto nagtitimaraut ha aton niyan nagwawali han pagtoo nga iya hadto ginbungkag:

Gal 1:24 Ngan ginhimaya nira an Dios ha akon.

Gal 2:1 Busa katapus hin napulo kagupat ka tuig, sinaka na liwat ako ha Jerusalem upud hi Bernabe, ngan hi Tito inupud man ha akon.

Gal 2:2 Kondi sinaka ako tungud ha pagpahayag; ngan ibinutang ko ha ira an Maopay nga Sumat nga akon iginwali ha butnga han mga Hentil kondi pi-nid ha mga bantugan, bangin ha bisan ano nga paagi, ako magdinalagan, Ăł dinalagan, ha waray kapulsanan.

Gal 2:3 Kondi bisan hi Tito nga upud na-kon, nga Gresiahanon,waray paglu-gusa hin pag pasirkunsision:

Gal 2:4 Ngan tungud ha mga buwa-on nga mga kabugtoan nga nanulud ha tago, nga nangawat ha pagsulud ha pag-inaw ha amon kaluwasan, nga aada kan Kristo Jesus, basi nga madara kita nira ha pagkauripon:

Gal 2:5 Nga ha ira waray kami tugot hin pagpasakup, bisan ha usa ka oras; basi nga an kamatuuran han Maopay nga Sumat magpadayon ha iyo.

Gal 2:6 Kondi ha mga iginbantug nga ba-ga sugad hin ano (bisan kon ano hira adto, waray ko labut hito: an Dios waray pinalabi ha mga tawo) --ini hira, isinisiring ko, nga mga bantu-gan, waray nira igintutdo ha akon nga bisan ano:

Gal 2:7 Kondi ha suwahi, han pagkita ni-ra nga gintubyanan ako ha Maopay nga Sumat han pagka diri sirkunsi-sion, sugad kan Pedro han pag kasir-kunsision.

Gal 2:8 (Kay an naghimo kan Pedro ha pagkaapostol han sirkunsision nag-himo man ha akon nga apostol ngadto ha mga Hentil);

Gal 2:9 Ngan han ira pagkita han grasia nga iginhatag ha akon, hira Jakobo ngan hi Kepas ngan hi Juan, nga amo an mga iginbantug nga mga harigi, iginhatag nira ha amon ngan kan Bernabe an mgatoo nga kamot ha pag-kaangbitan, basi kami kumadto ha mga Hentil, ngan hira ngadto ha mga sinirkunsisionan.

Gal 2:10 Nga ira gud la gintinguha, nga pagdumdumon namon an mga ka-blas; nga ini man gintinguha gud ko man hin pagbuhata.

Gal 2:11 Kondi han pag abut ni Kepas ha Antiokia, ginato ko hiya, nawong ha nawong, kay nahukman hiya hin si-rot.

Gal 2:12 Kay han waray pa aabut an pira ka tawo tikang kan Ąakobo, hiya si-naro ha mga Hentil; kondi ha pag abut nira, hiya binalik ngan nagluga-ring hin pagbulag, kay nahadluk ha mga tagasirkunsision.

Gal 2:13 Ngan an iba man han mga Judio nagpakasalingkapaw upud ha iya; nga bisan pa hi Bernabe nadara han ira pagkasalingkapaw.

Gal 2:14 Kondi ha paghikit-i ko nga waray hira pangagawi hin maopay sugad ha katadungan han Maopay nga Su-mat, ha atubangan nira ngatanan nag-siring ako kan Kepas, Kon ikaw, nga Judio, nagawi ka sugad ha mga Hen-til, ngan diri nagbubuhat sugad ha mga Judio, żkay ano nga ginpipirit mo an mga Hentil ha panginabuhi su-gad ha mga Judio?

Gal 2:15 Kami nga mga Judio nga kina-iya, ngan diri makasasala han mga Hentil,

Gal 2:16 Nga hinbaroan ta nga an tawo waray pagmatadungan pinaagi han mga buhat han Kasogoanan kondi pi-naagi han pagtoo kan Jesukristo, kita man nagtoo kan Kristo Jesus, basi nga pagmatadungon kita pinaagi han pagtoo kan Kristo, ngan diri pinaagi han mga buhat han Kasogoanan; kay pinaagi han mga buhat han Kasogo-anan waray bisan usa nga unud nga pagmamatadungon.

Gal 2:17 Kondi, kon kita nagbibiling nga pag matadungon tungud kan Kristo, kita ngahaw panhiagian nga mga ma-kasasala tungud hini, żministro ba hi Kristo han sala? ĄDios ipaharayo ini!

Gal 2:18 Kay kon akon pagopayon nga-haw an mga bagay nga akon ginbung-kag, nagpapahayag ako nga matinala-pason.

Gal 2:19 Kay ako tungud han Kasogo-anan namatay ngadto ha Kasogoa-nan, basi nga mabuhi ako ngadto ha Dios.

Gal 2:20 Iginraysang ako ha krus upud ni Kristo; ngan diri na hi ako nga nabu-hi, kondi hi Kristo nabuhi ha akon: Ngan ini nga kinabuhi nga akon niyan kinabubuhi-an ha unud, nabubu-hi ako ha pagtoo, an pagtoo nga aada ha Anak han Dios, nga naghigugma ha akon, ngan nagtubyan ha iya kalu-garingon tungud ha akon.

Gal 2:21 Waray ko igsikway an grasia han Dios: kay kon an katadungan amo pi-naagi ha Kasogoanan, niyan hi Kristo namatay ha waray kapulsanan.

Gal 3:1 O, mga Galasianhon nga mga ku-lang hin salabutan, żhin-o ba an nag-pasimang ha iyo nga ha atubangan ha iyo mga mata ginsumat nga dayag nga hi Jesukristo iginraysang?

Gal 3:2 Ini la an buut ko unta kasayoran ha iyo, żNakakarawat ba kamo han Espiritu tungud han mga buhat han Kasogoanan, Ăł kon tungud ha sumat han pagtoo?

Gal 3:3 żMga uraura ba kamo hin kaku-langkulang? Nga nagtikang na kamo ha Espiritu, żniyan mga ginhingpit na ba kamo ha unud?

Gal 3:4 żNag antus na ba kamo hin damu nga mga bagay nga waray pulos? Kon ha pagkamatuud waray pulos.

Gal 3:5 Busa an naghatag ha iyo han Es-piritu, ngan nagbubuhat hin mga ka-tingalahan ha butnga niyo, iginhihi-mo ba iton niya tungud han mga bu-hat han Kasogoanan, Ăł kon tungud ha sumat han pagtoo?

Gal 3:6 Sugad nga hi Abraham nagtoo ha Dios, ngan ito nahaisip ha iya ha ka-tadungan.

Gal 3:7 Busa sabuta niyo nga hira nga may pagtoo, ini hira amo an mga anak ni Abraham.

Gal 3:8 Ngan an mga kasuratan, nga na-kita niya nga daan nga an Dios mag-papakamatadung ha mga Hentil tu-ngud ha pagtoo, nagwali nga daan han Maopay nga Sumat kan Abra-ham, nga nasiring: Ha imo an nga-tanan nga mga nasud pagbibendi-sionan.

Gal 3:9 Busa hira nga may pagtoo nga bi-nindisionan upud ha matinoohon nga hi Abraham.

Gal 3:10 Kay an ngatanan nga aada ha mga buhat han Kasogoanan, aada hi-ra ha ilarum ha katampalasan: kay nahasurat na, Tampalasan an tagsa-tagsa nga diri magpapadayon ha nga-tanan nga mga bagay nga nanhisurat na dida ha basahon ha Kasogoanan, ha pagbuhat hadto.

Gal 3:11 Niyan matuud gud nga waray tawo nga ginpakamatadung pinaagi ha Kasogoanan, ha atubangan han Dios; Kay, an mga magtadung mabu-buhi pinaagi ha pagtoo;

Gal 3:12 Ngan an Kasogoanan did tikang ha pagtoo; kondi, Hiya nga nagbubuhat hito mabubuhi hadto.

Gal 3:13 Hi Kristo nagtubus ha aton ti-kang ha katampalasan han Kasogoa-nan, nga nahimo hiya nga tampalasan tungud ha aton; kay nahasurat na, Natampalasan an tagsatagsa nga nabi-tay ha usa nga kahoy;

Gal 3:14 Basi nga an bendision ni Abra-ham ha kan Kristo Jesus umabut un-ta ha mga Hentil; basi nga makarawat naton an saad han Espiritu pinaagi ha pagtoo.

Gal 3:15 Mga kabugtoan, nagyayakan ako sugad ha kinaiya han mga tawo: bisan kon kanan tawo la iton pagsarabut, kondi kon iton pagkaoyonan na, wa-ray bisan hin-o nga makakasikway hito, Ăł makakadugang pa hito.

Gal 3:16 Niyan ini nga mga saad iginya-kan ngadto kan Abraham, ngan ha iya katulinan. Waray hiya siring: Ngan ha mga katulinan, sugad ha mga kadam-an; kondi sugad nga han usa, Ngan ha imo katulinan, nga amo hi Kristo.

Gal 3:17 Niyan nasiring ako hini: Usa nga pagsarabut nga inoyonan na had-to han Dios, an Kasogoanan, nga na-abut ha katapus na hin upat ka gatus katlo-an ka tuig, diri makakabung-kag, basi nga an saad mawaray pu-los.

Gal 3:18 Kay kon an panorondon tungud ha Kasogoanan, diri na iton pinaagi ha saad: kondi iginhatag ini han Dios kan Abraham tungud ha saad.

Gal 3:19 Busa żano ba an Kasogoanan? Iton igindugang tungud ha mga pag-talapas, tubtub ha pag abut han katu-linan nga tungud ha iya an saad ginhi-mo; ngan iton iginpatungdan han mga angel ha kamot han usa nga manlalaban.

Gal 3:20 Niyan an manlalaban diri man-lalaban han usa; Kondi an Dios uusa la.

Gal 3:21 Busa, żan Kasogoanan kontra ba ha mga saad han Dios? ĄIpaharayo ini Dios! Kay kon iginhatag in usa nga Kasogoanan nga takus makahatag han kinabuhi, ha pagkamatuud an ka-tadungan na hito tungud unta ha Ka-sogoanan.

Gal 3:22 Kondi ginsadhan han mga Ba-raan nga Surat an ngatanan nga mga bagay nga ilarum ha sala, basi nga an saad tungud ha pagtoo kan Jesukristo maihatag ha mga natoo.

Gal 3:23 Kondi ha waray pa aabut an pagtoo, nauripon kita ha ilarum han Kasogoanan, natago ngadto ha pag-too nga ha orhi igpapahayag.

Gal 3:24 Ha pagkaagi nga an Kasogoanan nahimo nga aton magturutdo ha pag-dara ha aton ngadto kan Kristo, basi nga kita mamagtadung tungud ha pagtoo.

Gal 3:25 Kondi niyan nga inabut na an pagtoo, diri na kita ilarum ha magtu-rutdo.

Gal 3:26 Kay kamo ngatanan mga anak han Dios, tungud ha pagtoo kan Kris-to Jesus.

Gal 3:27 Kay kamo ngatanan nga nabap-tisan ngadto kan Kristo nagsul-ub kan Kristo.

Gal 3:28 Kinahanglan nga ma waray Ju-dio Ăł Gresiahanon, waray unpon o linuwas, waray lalaki ngan babaye; kay kamo ngatanan uusa la dida kan Kristo Jesus.

Gal 3:29 Ngan kon kamo kan Kristo, ha pagkamatuud mga katulinan kamo ni Abraham, ngan manoronod sugad ha saad.

Gal 4:1 Kondi nasiring man ako nga kon an manoronod bata pa, diri hiya lain tikang ha usa nga uripon, bisan kon hiya ginoo ha ngatanan;

Gal 4:2 Kondi ilarum hiya ha mga mag-marangno ngan mga tinapuran tubtub ha adlaw nga igin andam han amay.

Gal 4:3 Sugad man kita, han mga kaba-taan pa kita, mga uripon kita han mga binata nga pagtoron-an han kali-butan;

Gal 4:4 Kondi han pag abut na han ka-hingpitan han takna, ginpakanhi han Dios an iya Anak, nga natawo ha usa nga babaye, natawo ha ilarum han Kasogoanan,

Gal 4:5 Basi nga iya pagtubson hira nga mga aada ha ilarum han Kasogoanan, basi nga aton makarawat an pagka inangkon nga mga anak.

Gal 4:6 Ngan tungud kay mga anak kamo, an Dios nagsogo han Espiritu han iya Anak nganhi ha aton mga kasing-kasing, nga nagtangis, Abba, Amay.

Gal 4:7 Nga tungud hini diri ka na uri-pon, kondi anak; ngan kon anak, niyan manoronod tungud ha Dios.

Gal 4:8 Kondi hadto nga panahon, han waray pa kamo kikilala ha Dios, mga uripon kamo nira nga ha kinaiya mga diri dios.

Gal 4:9 Kondi niyan nga nakakilala na kamo ha Dios, Ăł lugud nga hinbaroan na kamo han Dios, żoonan-on in iyo ngahaw pagbalik ngadto ha mga ma-luya ngan mga kablasanon nga mga binata nga mga pagtoron-an, nga buut kamo ngahaw magpauripon hito liwat?

Gal 4:10 Iyo ginlihian an mga adlaw, ngan an mga bulan, ngan an mga pa-nahon, ngan an mga tuig.

Gal 4:11 Nahadluk ako ha iyo, bangin ha bisan ano nga paagi, ako nagbuhat hin waray kapulsanan ha iyo.

Gal 4:12 Mga kabugtoan, naghahangyo ako ha iyo, nga manhinugad kamo ha akon, kay ako sugad man ha iyo. Wa-ray kamo magpakaraut ha akon:

Gal 4:13 Kondi hinbaroan niyo nga tu-ngud ha akon sakit ha unud iginwali ko ha iyo an Maopay nga Sumat han siyahan nga akon pagkanhi:

Gal 4:14 Ngan adto ha akon unud nga pagsulay ha iyo, waray niyo pag ta-maya, bisan pagsikwayan; kondi iyo ako kinarawat sugad hin angel han Dios, sugad kan Kristo Jesus.

Gal 4:15 Busa, żhain na ba an iyo mga pagpadayaw han iyo ngahaw? Kay testigo ako niyo nga kon sadang la mahimo, iyo pangani unta an iyo mga mata pinanlulukad nga ihatag ha akon.

Gal 4:16 Busa żnahimo na ba ako nga iyo kaaway tungud ha pagsumat ko ha iyo han kamatuuran?

Gal 4:17 Ini nga mga tawo nagbibiling ha iyo hin kasindak gud; kondi diri tu-ngud ha maopay: Oo, tinguha pa nga-ni nira in pagsikway ha iyo basi ka-mo magbiling ha ira.

Gal 4:18 Kondi maopay ito nga pagbibil-ngon hin kasindak ha mga maopay nga bagay ha gihapon, ngan diri la kon maatubang ako ha iyo.

Gal 4:19 Mga idoy ko, nga tungud ha iyo nasasakit ako liwat ha paganak, tub-tub nga mahimo hi Kristo dida ha sulud niyo.

Gal 4:20 Kondi buut makig aratubang ako ha iyo niyan, ngan liwanan iton akon tingug; kay nagruruhaduha ako tungud ha iyo.

Gal 4:21 Pagsumati ako niyo, kamo nga nagtitinguha nga maginilarum ha Ka-sogoanan, żwaray kamo babati ha Kasogoanan?

Gal 4:22 Kay nahasurat, nga hi Abraham may duha nga mga anak nga kalala-kin-an, an usa kanan uripon nga ba-baye, ngan an usa kanan han diri uri-pon nga babaye,

Gal 4:23 Ngan an anak nga lalaki han uri-pon nga babaye natawo tungud ha unud; kondi an anak nga lalaki han diri uripon nga babaye natawo tu-ngud ha saad.

Gal 4:24 Ini nga mga bagay mga sanglita-nan; kay ini nga duha nga kababayi-nan amo an duha nga saad; an usa tikang ha bukid ha Sinai nga nanganak ha pagkauripon, nga amo hi Agar.

Gal 4:25 Niyan: ini nga Agar amo an bu-kid ha Sinai ha Arabia ngan baton ha Jerusalem nga aada niyan: ha pag ka-uripon hiya upud an iya mga anak.

Gal 4:26 Kondi iton Jerusalem nga tikang ha hitaas diri uripon, nga amo iton aton iroy.

Gal 4:27 Kay nahasurat na: Magkalipay ka ĄO! bawas nga waray ka maganak, Magkalipay ngan magsinggit ka nga waray paganak. Kay darodamu pa an mga anak han binayaan, kay ha iya nga may ada asawa.

Gal 4:28 Busa, kita mga kabugtoan, su-gad kan Isaak, mga anak kita han saad.

Gal 4:29 Kondi sugad hadto nga panahon nga inmagi na, nga an igin anak tu-ngud ha unud nagtitimaraut ha igin anak han Espiritu, amo man ini niyan gihapon.

Gal 4:30 Kondi żano ba an iginsiring han mga baraan nga mga surat? Isikway an uripon nga babaye ngan an iya anak nga lalaki: kay an anak han uri-pon nga babaye diri makakapanonod upud han anak nga lalaki han diri uri-pon nga babaye.

Gal 4:31 Busa, mga kabugtoan, diri kita mga anak han uripon nga babaye, kondi han diri uripon nga babaye.

Gal 5:1 Kay ginluwas kita ni Kristo tu-ngud ha kaluwasan: busa manindog kamo hin marig-on, ngan diri mag pa-sakup na liwat ha yugo han pagkauri-pon.

Gal 5:2 Kita-a, aadi ako nga hi Pablo nga nasiring ha iyo, nga, kon magkarawat kamo hin sirkunsision hi Kristo diri magpupulos ha iyo hin bisan ano.

Gal 5:3 Totoo, natestigo na liwat ako ha ngatanan nga mga tawo nga nakarawat han sirkunsision, nga kinahang-lan hiya magtuman ha bug-os nga Ka-sogoanan.

Gal 5:4 Kamo nga nagpapakamatadung ha Kasogoanan nanhimulag kamo kan Kristo, nagkaholog kamo tikang ha grasia.

Gal 5:5 Kay ha Espiritu tungud ha pagtoo aton ginhuhulat an paglaum han katadungan.

Gal 5:6 Kay kan Kristo Jesus bisan an pagka sirkunsision, Ăł pag kadiri sinir-kunsision, waray kapulsanan; kondi an pagtoo nga nagbubuhat pinaagi ha paghigugma.

Gal 5:7 Nagdadadlagan kamo hin mao-pay; żhin-o ba an nag ulang ha iyo basi diri niyo pagtumanon an kama-tuuran?

Gal 5:8 Ini nga nagpaalagad diri tikang ha nagtawag ha iyo.

Gal 5:9 An gutiay nga iparatubu makaka-tubu ha bug-os nga menasa.

Gal 5:10 May pagsarig ko ha iyo pinaagi ha Ginoo, nga waray usa ha iyo nga mag hunahuna hin lain nga paagi: kondi an nagsasamok ha iyo, bisan kon hin-o hiya, mag aantus ha iya paghinukman.

Gal 5:11 Kondi ako, mga kabugtoan, kon ako nagpapadayon ha pagwali ha pag-sirkunsision, żKay ano nga ginpapa-kamaraut pa ako? Busa an katigayo-nan ha paghipakdol nga amo an krus, nakuha na.

Gal 5:12 Tinguha ko nga hira nga nagsa-samok ha iyo lumabaw pa unta ha pagsirkunsision.

Gal 5:13 Kay kamo, mga kabugtoan, pi-nanawag ngadto ha kaluwasan; ayaw la niyo gamita an iyo kaluwasan nga katigayonan ha unud, kondi tungud ha gugma mag inalagaray kamo an usa kag usa.

Gal 5:14 Kay an bug-os nga Kasogoanan matuman ha usa ka polong nga amo ini: Higugmaon mo an imo anyaw su-gad ha imo kalugaringon.

Gal 5:15 Kondi kon magkinagatay ngan maglinamayay kamo an usa kag usa, magtagam kamo nga diri matutulon an usa han usa ha iyo.

Gal 5:16 Kondi nasiring ako, Mangawi kamo sugad ha Espiritu, ngan kamo diri magsusugot ha kaipa han unud.

Gal 5:17 Kay an kaipa han unud nakon-tra ha Espiritu, ngan an Espiritu nakontra ha kaipa han unud; ngan ini hira nga duha mag kontra; basi diri niyo pagbuhaton an ngatanan nga mga bagay nga iyo gintitinguha.

Gal 5:18 Kondi kon ginmamando kamo han Espiritu, diri kamo aada ha ila-rum han Kasogoanan.

Gal 5:19 Niyan madayag an mga buhat han unud nga amo ini: pakighilawas, kahugawan, kalaw-ayan,

Gal 5:20 Pagsingba ha mga diosdios, diwata, mga pagkaaway, pagsuhay, mga pangabugho, mga kasina, mga paglaris, mga pagbulag, mga pagkakabig,

Gal 5:21 Mga kaawa, mga paghubug, mga aringasa, ngan mga bagay nga mga sugadsugad hini; ginsusumatan ko kamo nga daan, sugad nga ginsumatan ko na kamo hadto pa, nga an mga magbubuhat hin sugad hini nga mga bagay diri makakapanonod ha ginhadian han Dios.

Gal 5:22 Kondi an bunga han Espiritu amo an gugma, kalipay, pakigdait, pagkamailub, pagkamalolooyon, pagkamaopay, pagkamatinooron,

Gal 5:23 Pagkaaghup, paggahum ha kalugaringon; kontra hini nga mga bagay waray balaud.

Gal 5:24 Ngan an mga kan Kristo Jesus iginraysang nira ha krus an unud upud an mga tinguha ngan mga kaipa hito.

Gal 5:25 Kon magukoy kita tungud ha Espiritu, mangawi man kita tungud ha Espiritu.

Gal 5:26 Diri ta pangita-on an waray pulos nga himaya, nga diri magkasuhaysuhay an usa kag usa nga diri mag giawa-awa an usa kag usa.

Gal 6:1 Mga kabugtoan, kon an usa ka tawo hiagian han iba nga nagtalapas, kamo nga mga espirituhanon, pabalikon unta hiya niyo ha espiritu ha kaaghup; pagtan-aw man ha imo kalugaringon, bangin ikaw na man in pag sulayon.

Gal 6:2 Magdinara-ay kamo han darad-on han usa kag usa, ngan tungud hini nagtutuman kamo ha balaud ni Kristo.

Gal 6:3 Kay kon an usa ka tawo maghunahuna ha iya kalugaringon nga hiya may dungug, kon diri man hiya hin ano man, naglilimbong la ngahaw hiya ha iya kalugaringon.

Gal 6:4 Kondi an tagsatagsa nga tawo magsulay ha iya kalugaringon nga buhat, ngan hiya maghihimaya ha iya kalugaringon, ngan diri tungud ha iya anyaw.

Gal 6:5 Kay an tagsatagsa mag dadara han iya kalugaringon nga darad-on.

Gal 6:6 Kondi an gintutdo-an han polong paangbiton niya ha ngatanan nga magopay nga mga bagay an nag tutdo ha iya.

Gal 6:7 Ayaw kamo palimbong; an Dios diri sadang pag tiawtiawan: kay kon ano an igpugas han tawo, amo man an iya pagaanihon.

Gal 6:8 Kay an magpugas ngadto ha iya unud, tikang ha unud magaani hin pagkadunot; kondi an magpugas ngadto ha Espiritu, tikang ha Espiritu magaani hin kinabuhi nga waray katapusan.

Gal 6:9 Diri kita manluya ha pagbuhat ha maopay; kay ha igo nga panahon magaani kita, kon diri kita manluya.

Gal 6:10 Busa niyan, nga may ada ta katigayonan, magbuhat kita ha maopay ha ngatanan nga mga tawo, labi na gud ha panimalay han pagtoo.

Gal 6:11 Tan-awa niyo kon mationan-o ka dagku nga mga letra an akon surat ha iyo, ha akon kalugaringon nga kamot.

Gal 6:12 An ngatanan nga nahagugma magpaanyag ha unud, ini hira naglulugus ha iyo nga magin sirkunsision kamo; basi nga diri la hira pagtimarauton tungud han krus ni Kristo.

Gal 6:13 Kay bisan hira nga nakarawat han sirkunsision waray man magtuman han Kasogoanan; kondi hira buut nga makarawat kamo hin sirkunsision, basi hira maghimaya ha iyo unud.

Gal 6:14 Kondi harayo gud unta tikang ha akon an pag himaya, gawas ha krus han aton Ginoo Jesukristo, nga tungud ha iya an kalibutan iginraysang ha krus nganhi ha akon, ngan ako ngadto ha kalibutan.

Gal 6:15 Kay an pagsirkunsision, ngan an pagka diri sirkunsision waray bisan ano, kondi an bag-o nga binuhat.

Gal 6:16 Ngan an ngatanan nga mangawi hini nga batasan, an pakigdait ngan an kalooy aada unta ha igbaw nira, ngan ha igbaw han Israel nga kanan Dios.

Gal 6:17 Busa tikang niyan diri na unta an bisan hin-o nga tawo magsamok ha akon; kay gindadara ko ha akon lawas an mga tigaman ni Jesus.

Gal 6:18 Mga kabugtoan, an grasia han aton Ginoo Jesukristo umupud ha iyo espiritu. Amen.

AMAZING GRACE BIBLE INSTITUTE