WARAY EPHESIANSEph 1:1 Hi Pablo, nga apostol ni Kristo Jesus tungud ha kaburut-on han Dios, ngadto ha mga baraan ha Efeso, ngan ha mga magtinumanon kan Kristo Jesus. Eph 1:2 Umupud ha iyo an grasia ngan kamurayawan nga tikang ha Dios nga aton Amay ngan han Ginoo nga hi Jesukristo. Pagdayeg ha Dios tungud ha mga espirituhanon nga mga bagay, ngan kan Jesus nga aton Manunubus, nga amo an olo han singbahan. Eph 1:3 Darayegon an Dios ngan an Amay han aton Ginoo Jesukristo, nga nag-bendision ha aton hin tagsa nga espi-rituhanon nga bendision ha mga langitnon nga lugar kan Kristo, Eph 1:4 Sugad nga iya kita ginpili nga iya, ha waray pa paghihimoa an kalibu-tan, basi nga kita mag putli ngan ma-waray buring ha atubangan niya ha gugma: Eph 1:5 Nga ginpili kita niya nga daan nga mga inangkon nga mga anak tu-ngud kan Jesukristo ha iya kalugari-ngon, sugad ha iya maopay nga ka-burut-on, Eph 1:6 Ha pagdayeg han himaya han iya grasia, nga ha waray bayad iginhatag niya ha aton ha Hinigugma: Eph 1:7 Nga ha iya aada an aton paglukat tungud ha iya dugo, an pagpasaylo han aton mga pagtalapas, oyon ha ka-manggaran han iya grasia, Eph 1:8 Nga iya ginpahura dinhi ha aton ha bug-os nga kinaadman ngan sala-butan, Eph 1:9 Nga iginpakilala niya kita an tina-go han iya kaburut-on, sugad ha iya maopay nga hunahuna nga gintuyo niya ha iya kalugaringon. Eph 1:10 Ngadto ha pagkatinugyanan han kabug-osan han panahon, ha pagtirok ha ngatanan nga mga bagay kan Kristo, an mga bagay nga aadto ha langit ngan hahani ha tuna; ha iya, nasugad ako, Eph 1:11 Nga ha iya man nahimo kita nga manoronod, nga ginpili nga daan kita sugad han tuyo niya hadton naghimo han ngatanan nga mga bagay oyon ha iya kalugaringon nga pag burut-on; Eph 1:12 Basi nga kita pagdayawon tu-ngud ha iya himaya, kita nga hadto may paglaum kan Kristo: Eph 1:13 Ha iya man, han pakabati niyo han polong han kamatuuran, han Ma-opay nga Sumat han iyo kaluwasan, --ha iya, ha iyo man pagtoo, ginsel-yohan kamo han Espiritu Santo han saad, Eph 1:14 Nga amo an patinga han aton panorondon, ngadto ha pagtubus ha kanan Dios kalugaringon, ngadto ha pagdayeg han iya himaya. Eph 1:15 Tungud hini ngahinungdan ako man, ha pakabati ko ha iyo pagtoo ha Ginoo nga hi Jesus, ngan an gug-ma niyo ha ngatanan nga mga baraan, Eph 1:16 Waray ako odong ha pagpasala-mat tungud ha iyo, nga inilalakip ko kamo ha akon mga pag ampo; Eph 1:17 Ngan an Dios han aton Ginoo nga hi Jesukristo, an Amay han hima-ya, humatag unta ha iyo hin espiritu han kinaadman ngan pagpahayag ha paghabaro nahatutungud ha iya; Eph 1:18 Nga malamragan an mga mata han iyo kasingkasing, basi iyo haba-roan kon ano an paglaum han iya pagtawag, kon ano an kamanggaran han himaya han iya panorondon ha mga baraan, Eph 1:19 Ngan ano hin kalabaw pagka-daku han iya gahum ha aton nga mga natoo, sugad han buhat ha kusug han iya gahum Eph 1:20 Nga ginhimo niya dida kan Kris-to, ha pagbanhawa niya kan Kristo tikang ha mga minatay, ngan ginpaling-kod hiya niya ha iyatoo nga kamot, ha mga langitnon nga lugar, Eph 1:21 Hataas pa ha ngatanan nga pag-mando, ngan pagburut-an, ngan ka-gamhanan, ngan pagkaginoo, ngan ha tagsatagsa nga ngaran nga ginhinga-ranan, diri la dinhi hini nga kalibu-tan, kondi sugad man hadton tiara-but pa: Eph 1:22 Ngan ibinutang niya an ngata-nan nga mga bagay nga mga sakup ha ilarum han iya mga tiil, ngan iginha-tag niya hiya nga olo han ngatanan nga mga bagay ha singbahan, Eph 1:23 Nga amo an iya lawas, an ka-hura hadton nagpupuno ha ngata-nan. Eph 2:1 Ngan kamo pinanmanhaw niya han pagpatay niyo tungud ha iyo mga pagtalapas ngan mga sala, Eph 2:2 Nga hadto nga panahon nangawi kamo sugad han kahimtangan dinhi ha kalibutan, sugad ha principe han mga kagamhanan han hangin, han es-piritu nga niyan nagbubuhat dida ha mga anak han dirimasinugtanon. Eph 2:3 Nga han una nga panahon nag-ukoy man kita ngatanan upud ha ira ha kairiphon han aton mga unud, nga nagbuhat ha kaburut-on han unud ngan hunahuna, ngan ha kinaiya mga anak han kasina, sugad han iba:-- Eph 2:4 Kondi an Dios, nga bahandianon ha kalooy, tungud ha iya daku nga gugma nga iya iginhigugma ha aton, Eph 2:5 Bisan han mga patay pa kita tu-ngud ha aton mga pagtalapas, ginbanhaw kita niya upud ni Kristo (tu-ngud ha grasia naluwas kamo), Eph 2:6 Ngan ginbanhaw kita upud niya, ngan ginpalingkod kita upud niya didto ha mga langitnon nga lugar kan Kristo Jesus: Eph 2:7 Basi nga iya igpahayag, ha mga katuigan nga tiarabut pa, an labaw gud nga kamanggaranon han grasia han iya kalooy ngada ha aton, kan Kristo Jesus: Eph 2:8 Kay pinaagi han grasia naluwas kamo pinaagi ha pagtoo; ngan ini diri tikang ha iyo ngahaw, amo ito an ha-tag han Dios; Eph 2:9 Diri tungud ha mga buhat, basi nga waray tawo nga maghimaya. Eph 2:10 Kay mga binuhat kita niya, nga ginbuhat kita tungud kan Kristo Jesus ha mga maopay nga buhat, nga iginandam han Dios basi nga manga-wi kita hito. Eph 2:11 Busa tungud hini hinumdumi niyo nga ha iba nga panahon, kamo nga mga Hentil ha unud, nga ginta-wag kamo nga waray sirkunsision han mga tinawag nga may sirkunsision, ha unud, nga ginbuhat han mga kamot; Eph 2:12 Nga hadto nga panahon mga bu-lag kamo kan Kristo, naharayo kamo ha panon ni Israel, ngan mga dumu-ruong kamo ha mga tugon han saad, nga waray paglaum, ngan waray niyo Dios ha kalibutan. Eph 2:13 Kondi niyan ha kan Kristo Jesus, kamo nga nanharayo ha iba nga panahon ginpaharani kamo pinaagi han dugo ni Kristo. Eph 2:14 Kay hiya amo an aton pakig-dait, nga ha duha nahimo hin usa, ngan nagguba han butnga nga bung-bung han pagkabulag, Eph 2:15 Han kakuha niya ha iya unud han pakigaway, bisan an balaud han mga sogo nga nasakup ha mga turu-manon; basi nga ha duha mahimo an usa ka tawo nga bag-o ha iya kaluga-ringon, amo in kasugad nga naghimo hiya hin pakigdait; Eph 2:16 Basi nga hiya mag katampo ha usa nga lawas ngadto ha Dios tungud ha krus: nga pinaagi hini namatay na niya an pagkaaway: Eph 2:17 Ngan hiya inabut ngan nagwali han pakigdait ha iyo nga mga hag-rayo, ngan pakigdait ha ira nga hag-rani ha iya. Eph 2:18 Kay pinaagi ha iya an tagsatagsa ha aton sadang makaharani ha usa nga Espiritu ngadto ha Amay. Eph 2:19 Busa, diri na kamo mga dumu-ruong ngan mga umaagi kondi mga kahimungto han mga bara-an, ngan han panimalay han Dios, Eph 2:20 Nga mga tinindog kamo ha ba-baw ha patukuran han mga apostol ngan mga manaragna, nga hi Kristo Jesus amo gud an pangolo han eskina nga bato; Eph 2:21 Nga ha iya an tagsatagsa nga balay, nagkaarangay ha pagtarampo-ha, nahimo nga baraan nga templo han Ginoo, Eph 2:22 Nga ha iya ginbalay man kamo ngadto nga urukyan han Dios ha Es-piritu. Eph 3:1 Tungud hini ako hi Pablo, nga bi-nilanggo ni Kristo Jesus tungud ha iyo nga mga Hentil,-- Eph 3:2 Kon ha pagkamatuud ginpama-tian niyo an pagataman han Dios ha iya grasia nga iginhatag ha akon tu-ngud ha iyo; Eph 3:3 Ngan tungud ha pagpahayag hin-baroan ko an tinago, sugad han akon na iginsurat ha iyo hin pira la ka po-long. Eph 3:4 Nga tungud hadto, kon iyo pag-basahon, iyo hibabaroan an akon pagsabut han tinago ni Kristo; Eph 3:5 Nga ha iba nga mga katulinan waray igpakilala ha mga anak han mga tawo, sugad niyan nga igin pahayag na ha iya mga baraan nga mga apostol, ngan mga manaragna nga aada ha Espiritu; Eph 3:6 Ha kahologan, nga an mga Hentil igkasita mga manoronod, ngan mga kabahin han amo nga lawas, ngan mga igkasiangbit naton ha saad ni Kristo Jesus tungud han Maopay nga Sumat, Eph 3:7 Nga tungud hini nahimo ako nga ministro, sumala han hatag nga grasia han Dios nga iginhatag ha akon sugad han buhat han iya gahum. Eph 3:8 Ha akon, nga ubus han mga giu-ubusi ha ngatanan nga mga baraan, ini nga grasia iginhatag, ha pagwali ha mga Hentil an diri sadang matugkad nga mga manggad ni Kristo; Eph 3:9 Ngan pagpakita ha ngatanan nga mga tawo kon amo an pagataman hadton tinago nga nahilum ha mga katuigan ha Dios, nga nagbuhat ha ngatanan nga mga butang; Eph 3:10 An tuyo hini amo nga igpakilala ha mga puno-an ngan mga kagamha-nan ha mga langitnon nga lugar pina-agi han singbahan an magkadirodilain nga mga kinaadman han Dios, Eph 3:11 Sumala ha tuyo nga waray kata-pusan, nga iya gintuyo ha kan Kristo Jesus nga aton Ginoo: Eph 3:12 Nga tungud ha iya may ada ta pagpangahas ngan pagkasadang ha pagharani hin pagsarig, tungud ha aton pagtoo ha iya. Eph 3:13 Busa pinangangaro ko ha iyo nga diri kamo manluya tungud ha akon mga kasakit, kay amo hira an iyo himaya. Eph 3:14 Tungud hini nga hinungdan ili-nuluhud ko an akon mga tuhud ha Amay, Eph 3:15 Nga tikang ha iya an ngatanan nga mga panimalay ha langit ngan ha tuna ginngaranan, Eph 3:16 Nga itugot niya ha iyo, sugad ha kamanggaran han iya himaya, nga pagpakusgon unta kamo ha tawo nga ha sulud ha gahum tungud ha iya Es-piritu ; Eph 3:17 Nga hi Kristo tungud ha pagtoo magukoy ha iyo mga kasingkasing; amo in kasugad nga nangamut ngan manrig-on kamo ha gugma Eph 3:18 Basi nga magkusug kamo ha pagsabut upud ha ngatanan nga mga baraan, kon ano an kahiloag, ngan kahilaba, ngan kahitaas, ngan kahi-larum, Eph 3:19 Ngan pagkilala han gugma ni Kristo nga labaw ha ngatanan nga ki-naadman, basi nga mapuno kamo ngadto ha kahuraan han Dios. Eph 3:20 Niyan ha iya nga sadang maka-himo hin labaw gud nga kahuraan la-baw pa ha ngatanan nga aton pina-ngangaro ó ginhuhunahuna, oyon ha gahum nga nagbubuhat ha sulud na-ton, Eph 3:21 Magin iya unta an himaya ha singbahan ngan kan Kristo Jesus ha ngatanan nga mga katulinan ha mga katuigan ha mga katuigan. Amen. Eph 4:1 Busa tungud hini, ako nga bini-langgo ha Ginoo, nanginginyupo ako ha iyo nga mangawi kamo hin takus gud ha katungdanan nga igintawag ha iyo, Eph 4:2 Ha bug-os nga pagpaubus ngan pagkaaghup, ha pagkamapaihibon, maginantusay an usa kag usa ha gug-ma; Eph 4:3 Ngan magtinguha ha pagbantay ha pagkaurusa han Espiritu ha gapus han kamurayawan. Eph 4:4 May usa nga lawas, ngan usa nga Espiritu, sugad man nga gintawag kamo ha usa nga paglaum han iyo pagkatinawag; Eph 4:5 Usa nga Ginoo, usa nga pagtoo, usa nga pagbaptis, Eph 4:6 Usa nga Dios ngan Amay han ngatanan, nga igbaw ha ngatanan, ngan tungud ha ngatanan ngan ha sulud ha ngatanan. Eph 4:7 Kondi an tagsatagsa ha aton tin-agan hin grasia sugad han sukul nga hatag ni Kristo, Eph 4:8 Busa hiya nasiring, Kon hiya su-maka ngadto ha kahitas-an, gindara niya an nabihag ha pagkabihag, Ngan naghatag hin mga hatag ha mga tawo. Eph 4:9 (Niyan ini, hiya sinaka, ¿ano ba ito, kondi nga hiya linusad man ngad-to ha giuubusi nga mga bahin han tuna? Eph 4:10 Hiya nga linusad, amo man hiya gihapon nga sinaka nga igbaw pa gud ha ngatanan nga mga langit, basi nga mapuno niya an ngatanan nga mga bagay.) Eph 4:11 Ngan ihinatag niya an iba ha mga pagkaapostol; ngan an iba, ha mga pag kamanaragna; ngan an iba, ha mga pagka-ebanhilista; ngan an iba, ha mga pagka pastor ngan pagka manurutdo; Eph 4:12 Ha paghingpit ha mga baraan, ha buhat ha pagkaministro, ha pagpa-rig-on ha lawas ni Kristo: Eph 4:13 Tubtub ha pakadangat ta ngata-nan ha pagkaurusa han pagtoo, ngan ha pagkilala ha Anak han Dios, hamtong nga kalalaki, ha suruklan ha ka-hitaas han kabug-osan ni Kristo: Eph 4:14 Basi nga diri na kita magkaba-bata, nga iginaanodanod ngan iginpa-palid han tagsa nga hangin han pagto-ron-an, pinaagi han mga panlimbong han mga tawo, ha katusohan tikang ha mga buwa han kasaypanan; Eph 4:15 Kondi ha pagyakan han kama-tuuran ha gugma, magtubu kita ha ngatanan nga mga bagay ngadto ha iya, nga amo an olo, nga amo hi Kris-to: Eph 4:16 Nga tikang ha iya an bug-os nga lawas nga nagkaarangay ha pagta-rampo, ngan gindara, pinaagi hito nga kinakarawat tikang ha tagsatagsa nga kalolothan, sumala ha ginbuhat han tagsatagsa nga bahin ha iyo nga su-ruklan ha tagsa nga bahin nahimo ha pagpatubu han lawas, ha pagparig-on hito ha gugma. Eph 4:17 Busa isinisiring, ngan tinitestigo-san ko ini ha Ginoo, nga diri na kamo manggawi sugad man han pangawi han mga Hentil, ha kalabyawan han ira hunahuna, Eph 4:18 Nga mga ginpadulman an ira mga salabutan, nga nahamulag ha ki-nabuhi han Dios, tungud ha diri pag kamaaram nira, tungud ha katig-a han ira kasingkasing; Eph 4:19 Nga nagkawawad-an hira ha pag abat, nagtubyan ha ira kalugaringon ha pag kalaw-ayan, ha pagbuhat ha ngatanan nga mahugaw ha kahikaw. Eph 4:20 Kondi waray kamo pagtoon hin sugad hini kan Kristo; Eph 4:21 Kon ha pagkamatuud hinbatian niyo hiya, ngan gintutdoan tungud ha iya sugad ha kamatuuran nga aada kan Jesus: Eph 4:22 Nga iyo baya-an an kadaanan niyo nga pangawi, an daan nga tawo, nga nagtutubu ha pagkadunot sumala ha kaipa han panlimbong; Eph 4:23 Ngan basi pagbag-ohon kamo ha espiritu han iyo pag hunahuna, Eph 4:24 Ngan isul-ut an bag-o nga tawo, nga ginbuhat sugad ha Dios ha kata-dungan, ngan kaputli han kamatuu-ran. Eph 4:25 Busa baya-i niyo an buwa, mag-yakan kamo an tagsatagsa hin ka-matuuran ha iya anyaw: kay mga ba-hin kita ha usa kag usa. Eph 4:26 Kasina, kondi ayaw pakasala: diri katunoran han adlaw an iyo ka-sina: Eph 4:27 Diri niyo tagan hin lugar an yawa. Eph 4:28 An kinawat diri na mangawat: kondi lugud magbuhat, magbuhat ha iya mga kamot ha maopay nga bagay, basi nga may niya ihatag ha mga kab-las. Eph 4:29 Diri gumowa in bisan ano nga malaw-ay nga polong ha iyo baba, kondi an maopay sugad nga kina-hanglan ha pagparig-on, basi nga ma-kahatag hin grasia ha mga nakaka-bati. Eph 4:30 Ayaw niyo pagsakita an Espi-ritu Santo han Dios, nga ha iya gin-selyohan kamo tubtub ha adlaw han pagtubus. Eph 4:31 An ngatanan nga kapaitan, ngan kangalas, ngan kasina, ngan pagbosa, ngan paglibak ngan an ngatanan nga maraut ipaharayo ha iyo: Eph 4:32 Ngan magmalolooyon kamo an usa kag usa, mag mahomok an iyo kasingkasing, magpinasayloay kamo an usa kag usa, sugad nga ginpasaylo man kamo han Dios pinaagi kan Kris-to, Eph 5:1 Mag masubad kamo ha Dios, su-gad ha mga hinigugma nga anak; Eph 5:2 Ngan mangawi kamo ha gugma, sugad nga hi Kristo nahagugma man ha iyo, ngan nagtubyan ha iya nga-haw tungud ha aton, nga amo an ha-tag ngan halad ha Dios nga alemyon han katam-is han hamot. Eph 5:3 Kondi an pakighilawas, ngan an ngatanan nga mahugaw, ó kaaawa-on, diri ngani unta kahingaranan ha but-nga niyo, sugad nga angay ha mga ba-raan; Eph 5:4 Bisan maghugaw, bisan tinuyaw nga yakan; bisan entremes, nga diri kaangayan: kondi lugud pag pasala-mat kamo. Eph 5:5 Kay iyo gud ini hinbaroan, nga an makikihilawason, bisan an mahu-gaw nga tawo, bisan an aawaon nga tawo, nga nagsisingba ha mga dios-dios, hiya waray panorondon ha gin-hadian ni Kristo ngan Dios. Eph 5:6 Ayaw pagtugot nga bisan hin-o nga maglimbong ha iyo ha mga polong nga waray pulos. Kay tungud hini nga mga bagay naabut an kasina han Dios ha mga anak han pagkadiri-masinugtanon. Eph 5:7 Busa diri kamo maangbit ha ira; Eph 5:8 Kay ha una nga panahon kamo amo an kasisidman, kondi niyan amo an kalamrag ha Ginoo: mangawi ka-mo sugad ha mga anak han kalamra-gan. Eph 5:9 (Kay an bunga han kalamrag aada ha ngatanan nga kaopayan ngan kata-aungan, ngan kamatuuran), Eph 5:10 Nga proybahan niyo an maruru-yagan han Ginoo; Eph 5:11 Ngan diri kamo umangbit ha waray mga bunga nga binuhatan han kangitngitan, kondi lugud badlonga niyo hira. Eph 5:12 Kay an mga bagay nga ira gin-buhat ha tago, makaarawud bisan ha pagyakna. Eph 5:13 Kondi an ngatanan nga mga ba-gay hin badlongon iginpapahayag ha kalamragan: kay an ngatanan nga ig-pahayag amo an kalamrag. Eph 5:14 Busa hiya nasiring, Pagmata ikaw nga nakaturog, ngan pagbangon tikang ha mga minatay, ngan hi Kristo masanag ha imo. Eph 5:15 Busa tanawa niyo hin maopay kon mationan-o iton iyo pangawi, diri sugad ha mga diri maaram, kondi sugad ha mga maaram; Eph 5:16 Pagpahimulosan an oras, kay an mga adlaw magraut. Eph 5:17 Busa ayaw kamo pagkawaray himurulsan, kondi habaroan niyo kon ano an kaburut-on han Ginoo. Eph 5:18 Ngan diri kamo maghubug hin alaksio, diin titikang an kasamokan, kondi mapuno kamo ha Espiritu; Eph 5:19 Nga maghinimangrayaw kamo an usa kag usa ha mga salmos ngan mga karantahon ngan mga pagkanta nga espirituhanon, nga magkanta ngan maghimo hin musika ha iyo mga kasingkasing ha Ginoo; Eph 5:20 Nga gihapon maghatag hin pag pasalamat tungud ha ngatanan nga mga bagay, ha Dios ngan Amay, ha ngaran han aton Ginoo Jesukristo; Eph 5:21 Magpasakup kamo an usa kag usa ha kahadluk kan Kristo. Eph 5:22 Mga asawa nga kababayinan, magpasakup kamo ha iyo mga asawa, sugad nga ha Ginoo, Eph 5:23 Kay an asawa nga lalaki amo an olo han asawa nga babaye, sugad man nga hi Kristo amo iton olo han singbahan, kay hiya amo an manluluwas han lawas. Eph 5:24 Kondi sugad nga iton singbahan sakup ni Kristo, sugad man an mga asawa nga babaye magpa sakup ha ngatanan nga mga bagay ha ira asawa nga lalaki. Eph 5:25 Mga asawa nga kalalakin-an, higugma-a niyo an iyo mga asawa nga kababayinan, sugad man nga hi Kristo naghigugma ha singbahan ngan igintubyan niya an iya kalugaringon tungud hito; Eph 5:26 Basi nga pagkaputlion ito niya, nga ginlinisan ito niya pinaagi han paglaba ha tubig tungud ha polong; Eph 5:27 Basi nga igpahayag niya ngadto ha iya ngahaw nga singbahan nga mahimaya-on, nga waray buring bisan kortot, bisan ano nga bagay nga sugud; kondi nga ito maginbaraan ngan waray dom-it. Eph 5:28 Sugad man an mga asawa nga kalalakin-an kinahanglan man nga mahigugma ha ira mga asawa nga babaye sugad ha ira mga kalugaringon nga lawas. An nahigugma ha iya asawa nga babaye nahigugma man ha iya ngahaw. Eph 5:29 Kay bisan san-o waray tawo nga nangalas ha iya kalugaringon nga unud; kondi nga ginaataman ngan ginmamangnoan niya ito sugad man nga hi Kristo ha singbahan; Eph 5:30 Kay mga bahin kita han iya lawas. Eph 5:31 Tungud hini nga hinungdan, babaya-an han usa ka tawo an iya amay ngan iroy, ngan makikigusa ha iya asawa; ngan hira nga duha magiginusa nga unud. Eph 5:32 Ini nga tinago daku: kondi nag-yayakan ako nahatutungud kan Kris-to ngan ha singbahan. Eph 5:33 Waray sapayan an tagsatagsa ha iyo maghigugma ha iya kalugaringon nga asawa sugad ha iya ngahaw; ngan an asawa nga babaye magtahud ha iya asawa nga lalaki. Eph 6:1 Mga anak, magtuman kamo ha iyo mga kaganak ha Ginoo: kay ini amo an matadung. Eph 6:2 Tumahud ka ha imo amay ngan ha imo iroy (nga amo an siyahan nga sogo nga may saad), Eph 6:3 Basi nga may nimo kaopayan, ngan magukoy ka hin halawig nga ki-nabuhi dinhi ha tuna. Eph 6:4 Ngan, kamo mga amay, diri niyo pagaghaton ha kasina an iyo mga anak: kondi aghata hira ha pagtoron-an ngan paglaygay han Ginoo. Eph 6:5 Mga uripon, magmasinugtanon kamo ha iyo mga agaron ha unud, nga may kahadluk ngan pag kurug, ha kauray han iyo kasingkasing, su-gad nga kan Kristo; Eph 6:6 Diri mag alagad tungud la ha mga mata, sugad ha mga nagtitinguha ha pagpakaruruyag ha mga tawo; kondi sugad ha mga sorogoon ni Kristo, nga nag bubuhat hin kinasingkasing han kaburut-on han Dios; Eph 6:7 Nga nagaalagad hin maopay nga kaburut-on, sugad nga ha Ginoo, ngan diri tungud ha mga tawo: Eph 6:8 Ngan hinbaroan nga bisan ano nga maopay nga bagay nga pagbuhaton han tagsatagsa, amo man an iya kakarawaton han Ginoo, bisan kon hiya uripon ó linuwas. Eph 6:9 Ngan kamo nga mga agaron, buhata man niyo in sugad nga mga ba-gay ha ira, ngan baya-an niyo an pagtarhug: kay iyo hinbaroan nga an ira ngan iyo Ginoo aadto ha langit, ngan ha iya waray pinili han mga tawo. Eph 6:10 Ha katapusan, magmarig-on ka-mo ha Ginoo, ngan ha kusug han iya gahum. Eph 6:11 Mag sul-ut kamo han bug-os nga hinganiban han Dios, basi nga mahi-mo kamo hin pag atubang kontra ha mga limbong han yawa. Eph 6:12 Kay an aton pakigaway diri kontra ha unud ngan ha dugo, kondi kontra ha mga puno-an, kontra ha mga pagburut-an, kontra ha mga magburut-on hini nga masirum nga kalibutan, kontra ha mga espirituha-non nga kasondalohan han kamara-utan ha mga langitnon nga lugar. Eph 6:13 Busa kuhaa niyo an bug-os nga hinganiban han Dios, basi nga sad ang kamo makaato ha maraut nga ad law, ngan kahimo na niyo an ngatanan, nga makatindog kamo hin marig-on. Eph 6:14 Busa, nga nagkababagkusan na an iyo mga hawak han kamatuuran, ngan nga manhimutang na niyo an taming han katadungan, manindog kamo, Eph 6:15 Nga nasul-utan na an iyo mga tiil han pagandam ha Maopay nga Su-mat han pakigdait: Eph 6:16 Labaw ha ngatanan kuhaa niyo an pagtoo nga iyo kalasag, nga did a hito sadang kamo makapalong ha ngatanan nga mga pana nga naglalaga han maraut. Eph 6:17 Ngan kuha-a niyo an pandong han kaluwasan, ngan an kampilan han Espiritu, nga amo an polong han Dios: Eph 6:18 Ha bug-os nga pag ampo ngan pakimalooy, mag ampo kamo ha nga-tanan nga panahon ha Espiritu, ngan magbantay gud kamo ha bug-os nga pagpadayon ngan pakimalooy tungud ha ngatanan nga mga baraan, Eph 6:19 Ngan tungud ha akon, nga iha-tag unta ha akon an katadungan hin pamolong, ngan pagyakan hin maisug ha pag pahayag han tinago han Mao-pay nga Sumat, Eph 6:20 Nga tungud hito, ako amo an si-nogo nga ha mga tarikara, nga tungud ha iya magyakan ako hin waray ka-hadluk, sugad nga kinahanglan ko ig-yakan. Eph 6:21 Kondi basi man nga iyo haba-roan an akon mga kahimtangan kon inonan-o nga paagi ko, igsusumat ini ha iyo ngatanan ni Tikiko, hinigugma nga bugto ngan matinumanon nga ministro ha Ginoo: Eph 6:22 Nga akon ginsogo nganhi ha iyo tungud hini gud nga tuyo, basi nga iyo habaroan an amon kahimtang, ngan nga hiya makalipay ha iyo mga kasingkasing. Eph 6:23 An paghidait umupud ha mga kabugtoan ngan an gugma nga may pagtoo, tikang ha Dios nga Amay ngan ha Ginoo Jesukristo. Eph 6:24 An grasia umupud ha ngatanan nga nahigugma ha aton Ginoo Jesukristo ha gugma nga diri madinu-noton. |