WARAY COLOSSIANS

Col 1:1 Hi Pablo, nga apostol ni Kristo Jesus tungud han kaburut-on han Dios, ngan hi Timoteo nga aton bugto,

Col 1:2 Ha mga baraan ngan magtinuma-non nga mga kabugtoan kan Kristo nga aadto ha Kolosas; An grasia ma-gin iyo ngan an kamurayawan tikang ha Dios nga aton Amay.

Col 1:3 Nagpapasalamat kami ha Dios nga Amay han aton Ginoo Jesukristo, nga nagaampo kami ha gihapon tungud ha iyo,

Col 1:4 Nga hinbatian namon nahatutu-ngud han iyo pagtoo kan Kristo Jesus, ngan han iyo gugma ha ngatanan nga mga baraan,

Col 1:5 Tungud ha paglaum nga iginaan-dam ha iyo didto ha mga langit, nga tungud hito hinbatian niyo ha una an polong han kamatuuran han Maopay nga Sumat,

Col 1:6 Nga inabut ha iyo; sugad man nga amo ito ha bug-os nga kalibutan nga nabunga ngan natubu, nga sugad man ha iyo, tikang ha adlaw han iyo pag-bati ngan pagkilala han grasia han Dios ha kamatuuran;

Col 1:7 Sugad ha iyo hinbaroan kan Epa-pras nga aton hinigugma nga igkasi-uripon, nga matinumanon nga minis-tro ni Kristo tungud ha amon,

Col 1:8 Nga nagsumat man ha amon han iyo gugma ha Espiritu.

Col 1:9 Tungud hini kami man, tikang han adlaw nga amon pakabati hito, waray kami udong ha pag ampo ngan ha pangaro tungud ha iyo, nga mag-kapupuno kamo ha pagkilala han iya kaburut-on ha ngatanan nga espiritu-hanon nga kinaadman ngan pagha-baro,

Col 1:10 Basi nga maggawi kamo hin ta-kus ha Ginoo, nga makalipay kamo ha iya, nga mamunga kamo ha ngata-nan nga maopay nga buhat, ngan magtubu ha pagkilala han Dios;

Col 1:11 Nga manrig-on kamo ha ngata-nan nga gahum, sugad ha kagamhanan han iya himaya, ha ngatanan nga pag-ilub ngan pagkamainantuson upud ha kalipay;

Col 1:12 Nga nagpapasalamat ha Amay, nga nagbuhat ha aton nga mga angay ha paghiangbit ha panorondon han mga baraan ha kalamragan;

Col 1:13 Nga amo an nagluwas ha aton tikang ha kagamhanan han kangitngi-tan, ngan nagbalhin ha aton ngadto ha ginhadian han Anak han iya gug-ma;

Col 1:14 Nga ha iya gintubus kita, nga may ada ta pagpasaylo han aton mga sala;

Col 1:15 Nga hiya amo an dagway han Dios nga diri sadang makita, an siya-han nga natawo han ngatanan nga mga binuhat;

Col 1:16 Kay tungud ha iya ginbuhat an ngatanan nga mga buhat, aadto ha mga langit ngan hahani ha tuna, an mga bagay nga sadang makita ngan diri sadang makita, bisan an mga ling-koranan nga mga hadianon, bisan an mga kaginoohan, bisan an mga puno-an bisan an mga kagamhanan; an nga-tanan nga mga bagay ginbuhat pina-agi ha iya, ngan tungud ha iya;

Col 1:17 Ngan hiya una ha ngatanan nga mga bagay, ngan ha iya an ngatanan nga mga bagay nagkatarampo.

Col 1:18 Ngan hiya amo an olo han lawas, han singbahan: nga hiya an tinikangan, an siyahan nga natawo ha mga minatay; basi nga ha ngatanan nga bagay hiya an magilalabawi.

Col 1:19 Kay ito kaburut-on han Amay nga dida ha iya magukoy an kahura-an.

Col 1:20 Ngan pinaagi ha iya an pagpahi-uli han ngatanan nga mga bagay ngad-to ha iya, nga nahimo niya an kamu-rayawan pinaagi han dugo han iya krus; pinaagi ha iya, nasiring ako, bi-san an mga bagay nga hahani ha tuna, bisan an mga bagay nga aadto ha mga langit.

Col 1:21 Ngan kamo, ha nag agi na nga panahon, mga binulag ngan mga kaa-way ha iyo mga hunahuna ha iyo magraut nga mga buhat,

Col 1:22 Kondi niyan iginpahiuli kamo niya ha lawas han iya unud pinaagi han kamatayon, ha pagpahayag ha iyo nga putli, ngan waray buring, ngan diri sarawayon ha iya atuba-ngan:

Col 1:23 Kon amo ito nga magpapada-yon kamo ha pagtoo, nga magrig-on ngan mgatotoo, ngan diri kamo ma-baya han paglaum han Maopay nga Sumat nga iyo hinbatian, nga iginwa-li ha ngatanan nga mga binuhat ha ilarum han langit; nga dida hito ako nga amo hi Pablo, an ginhimo nga mi-nistro.

Col 1:24 Niyan nalipay ako ha akon mga pag antus tungud ha iyo, ngan gin-puno ko ha akon bahin an kakulangan han mga kagol-anan ni Kristo ha akon unud tungud ha iya lawas, nga amo an singbahan;

Col 1:25 Nga tungud ha iya ginhimo ako nga ministro, sugad ha pagkatinub-yanon han Dios nga iginhatag ha akon tungud ha iyo, basi nga matu-man an polong han Dios,

Col 1:26 Bisan an tinago nga gintago ha mga panahon ngan mga katulinan: kondi niyan iginpahayag ha iya mga baraan,

Col 1:27 Nga ha ira ginbuut han Dios an pagpakilala kon mationan-o kamang-garanon an himaya hini nga tinago ha butnga han mga Hentil, nga amo hi Kristo aada ha iyo, an paglaum han himaya:

Col 1:28 Nga hiya an iginwawali namon, nga nasagdon kami ha ngatanan nga mga tawo ngan magtututdo kami ha ngatanan nga mga tawo ha sahid nga kinaadman, ha pagpaatubang ha nga-tanan nga mga tawo nga hingpit kan Kristo;

Col 1:29 Nga tungud hini nagbubuhat ako man, nga naniguro sugad ha iya pagbuhat, nga nagbubuhat ha akon sulud nga may gahum.

Col 2:1 Kay buut ko nga iyo habaroan kon daw ano kadaku an akon panigu-ro tungud ha iyo, ngan tungud han aado ha Laodisea, ngan tungud ha ngatanan nga waray makakita ha akon nawong ha unud;

Col 2:2 Basi nga paglipayon an ira mga kasingkasing, nga magkaurusa hira ha gugma, ngan ha ngatanan nga ka-manggaran han bug-os nga pagkama-rig-on han paghabaro, nga ira haba-roan an tinago han Dios, bisan hi Kristo,

Col 2:3 Nga ha iya aada natago an ngata-nan nga mga bahandi han kinaadman ngan paghabaro.

Col 2:4 Ngan iginsisiring ko ini, basi nga waray bisan hin-o nga makalimbong ha iyo hin polong nga makalolomay.

Col 2:5 Kay bisan nga diri ako niyo upud ha unud, kondi upud ako ha iyo ha espiritu, nga naglilipay ngan nagkiki-nita ha iyo pagkauroyon, ngan an pagkarig-on han iyo pagtoo kan Kris-to.

Col 2:6 Kay tungud nga iyo kinarawat hi Kristo Jesus nga Ginoo, busa magsu-nud kamo ha iya,

Col 2:7 Nga nanggamut ngan natukdaw kamo ha iya, ngan magrig-on ha iyo pagtoo, sugad han igintutdo ha iyo, nga puno ha pagpasalamat.

Col 2:8 Magtagam kamo bangin nga bisan hin-o nga magdara ha iyo ngadto ha kauripon tungud ha iya pilosopia ngan paglimbong nga waray pulos, sugad ha mga summatanon han mga tawo, sugad ha binata nga pagtoron-an han kalibutan, ngan diri sugad kan Kristo.

Col 2:9 Kay ha iya naguukoy an ngata-nan nga kabug-osan han pagkadios-non ha lawas,

Col 2:10 Ngan napun-an kamo ha iya, nga amo an olo han ngatanan nga pu-no-an ngan kagamhanan:

Col 2:11 Ha iya mga ginsirkunsisionan man kamo ha sirkunsision nga waray paghimoa han mga kamot, tungud ha paglubas han lawas han unud, tungud ha sirkunsision ni Kristo;

Col 2:12 Nga ipinanlubung kamo upud niya ha pagbaptis, nga didto pina-manhaw man kamo niya tungud ha pagtoo han buhat han Dios, nga nag-banhaw ha iya tikang ha mga mina-tay.

Col 2:13 Ngan kamo, nga mga patay tu-ngud ha iyo mga pagtalapas ngan wa-ray sirkunsision han iyo unud, kamo, ako nasiring, ginbuhi niya upud niya, nga nagpasaylo ha aton han ngatanan naton nga pagtalapas:

Col 2:14 Ngan ginpara niya an mga sinu-rat nga balaud nga kontra ha aton; ngan ito iya ginkuha ha butnga han aton agianan, ngan igraysang ito ha krus;

Col 2:15 Ngan gindaug niya an mga pu-noan ngan mga kagamhanan, iginpa-hayag hira niya ha dayag gud, nga gindaug niya hira.

Col 2:16 Busa diri kamo paghukman hin bisan hin-o nahatutungud han kaka-onon, , ha irinmon Ăł nahatungud ha piesta, Ăł ha bag-o nga bulan Ăł ha ad-law nga iparahuway:

Col 2:17 Nga amo an lambong han mga tiarabut nga mga bagay; kondi an la-was kan Kristo.

Col 2:18 Ayaw kamo pagtugoti hin bisan hin-o pagkarawat han iyo balus tu-ngud ha kinaiya nga pagkamapainub-sanon ngan pagsingba ha mga angel, nga nagtutukud hiya ha mga bagay nga iya hinkit-an, nga pinadayaw hin waray kapulsanan han iya lawasnon nga hunahuna,

Col 2:19 Ngan waray maghuput han Olo, nga tikang ha iya an bug-os nga la-was, nga ginsangkap ngan ginlara pina-agi han mga kalolothan ngan mga hi-gut, nagtutubu ha pagtubu han Dios.

Col 2:20 Kon kamo nagkamamatay upud kan Kristo tikang ha mga batan-on nga mga pagtoron-an han kalibutan, żkay ano, nga sugad pa kamo hin mga naguukoy ha kalibutan, nga nag-papasakup kamo ha mga sogo,

Col 2:21 Diri kamo magkaput, diri magti-law, diri maghikap,

Col 2:22 (Ngatanan nga sugad nga mga bagay mawara ha pangamit), sugad ha mga sogo ngan pagtoron-an han mga tawo?

Col 2:23 An amo nga mga bagay ha pag-kamatuud may kaamgiran han kina-adman ngan an pagsingba ha iyo ka-lugaringon nga kaburut-on, ngan pag paubus, ngan ha pagsakit han lawas; kondi waray kapulsanan kontra ha pagbusug han unud.

Col 3:1 Busa kon ginbanhaw kamo upud ni Kristo, pangitaa niyo an mga ba-gay ha igbaw, nga didto hi Kristo, nga naglilingkod ha too han Dios.

Col 3:2 Ibutang niyo an iyo hunahuna ha mga bagay nga ha ibabaw, diri ha mga bagay nga hahani ha tuna.

Col 3:3 Kay nagkamamatay kamo, ngan an iyo kinabuhi natago upud kan Kristo ha Dios.

Col 3:4 Kon hi Kristo, nga amo an aton kinabuhi, magpahayag, hadto kamo magpapahayag man upud niya ha ka-himayaan.

Col 3:5 Busa pakamatya niyo an iyo mga bahin nga mga tungud ha tuna: pag-pakighilawas, pagkamahugaw, pag abat nga mapaso, maraut nga tingu-ha, ngan pagkaipa, nga amo an pag-singba ha mga diosdios;

Col 3:6 Nga tungud hini nga mga bagay an kasina han Dios maabut ha mga anak han diri masinugtanon:

Col 3:7 Nga ha unhan nga panahon kamo hadto nangawi, han nangagamit pa kamo hini nga mga bagay;

Col 3:8 Kondi niyan bumulag man kamo hini ngatanan: an kasina, an kapo-ngot, an pagkamaraut, an paglibak, an maglaw-ay nga mga polong ha iyo baba:

Col 3:9 Diri kamo magbinuwa-ay an usa kag usa, tungud kay nanlubas na ka-mo han daan nga tawo upud ha iya mga buhat,

Col 3:10 Ngan nanul-ut kamo ha bag-o nga tawo, nga ginbag-o ha kinaadman sugad han dagway han nagbuhat ha iya:

Col 3:11 Nga didto diri makahimo nga may Gresiahanon ngan Judio, sirkun-sision ngan waray sirkunsision, du-muruong, taga Scita, uripon, diri uri-pon; kondi hi Kristo amo an ngata-nan, ngan ha ngatanan.

Col 3:12 Busa panul-ut kamo, sugad nga mga pinili han Dios, mga baraan ngan mga hinigugma, usa nga kasingkasing han pagpoangon, pagkalooy, pagpa-ubus, pagkaaghup, pagkamailub;

Col 3:13 Nga mag inantusay kamo an usa kag usa, ngan magpinasaylo-ay kamo an usa kag usa, kon mayada usa ka tawo nga may igsusumbung kontra ha iba; sugad nga an Ginoo nagpasaylo ha iyo, sugad man buhaton ini niyo:

Col 3:14 Ngan labaw pa hini nga mga bagay manul-ut kamo hin paghigugma, nga amo an higut han pagkahingpit.

Col 3:15 Ngan an kamurayawan ni Kristo maghadi unta ha iyo mga kasingkasing, nga ha iya gintawag man kamo, ha usa nga lawas; ngan magpasalamat kamo.

Col 3:16 An polong ni Kristo magukoy unta ha iyo ha kamanggaranan; ha ngatanan nga kinaadman nga magtinutdoay ngan magsinagdonay kamo an usa kag usa ha mga salmos ngan mga karantahon ngan mga pagkanta nga espirituhanon nga magkaranta kamo nga may grasia ha iyo mga ka-singkasing ha Dios.

Col 3:17 Ngan bisan ano nga iyo pagbuhaton ha polong Ăł ha buhat, buhata niyo ngatanan ha ngaran han Ginoo nga hi Jesus, nga magpasalamat kamo ha Dios nga Amay tungud ha iya.

Col 3:18 Mga asawa nga kababayinan, magpasakup kamo ha iyo mga asawa nga lalaki, kay ini angay ha Ginoo.

Col 3:19 Mga asawa nga lalaki, higugma-on niyo an iyo mga asawa, ngan diri kamo magmadarahug ha ira.

Col 3:20 Mga anak, magmatinumanon kamo ha iyo mga kaganak ha ngata-nan nga bagay, kay amo ini an karu-yag han Ginoo.

Col 3:21 Mga amay, ayaw niyo pagaring-ta an iyo mga anak, nga diri hira tu-rawa.

Col 3:22 Mga uripon, magmatinumanon kamo ha ngatanan nga mga bagay ha iyo mga agaron tungud ha unud; diri magalagad ha mga mata la, sugad ha pagpakaruyag ha mga tawo, kondi ha uray nga kasingkasing, nga mahadlu-kon ha Ginoo:

Col 3:23 Kon ano an iyo pagbuhaton, buhata niyo ha kinasingkasing, sugad nga ha Ginoo, ngan diri nga tungud ha mga tawo;

Col 3:24 Kay hinbaroan niyo nga tikang ha Ginoo makakarawat niyo an balus nga panorondon: nagaalagad kamo ha Ginoo nga Kristo,

Col 3:25 Kay an nagbubuhat han diri ma-tadung makarawat han diri matadung nga iya ginhimo: ngan waray pinilian ha mga tawo.

Col 4:1 Mga agaron, buhata niyo an angay ngan matadung ha iyo mga uripon; kay hinbaroan niyo nga may ada man niyo agaron ha langit.

Col 4:2 Magpadayon kamo ha pag ampo, nga nagbabantay hito nga may pagpa-salamat.

Col 4:3 Nga mag ampo man kamo tu-ngud ha amon, basi nga an Dios bu-mukas hin ganghaan tungud ha po-long, ha pagyakan han tinago ni Kris-to, nga tungud hito aadi nagapus ako;

Col 4:4 Basi nga akon ito igpahayag, nga kinahanglan ko pagyaknon.

Col 4:5 Maggawi kamo ha kaaram ha mga aadto ha gawas, nga pagpahimulsan niyo an panahon.

Col 4:6 An iyo polong kinahanglan nga may maada grasia, nga ginparasa hin asin, basi nga iyo habaroan an pag batonay han usa kag usa.

Col 4:7 An ngatanan ko nga kabutangan igpapahayag ha iyo ni Tikiko, bugto nga hinigugma ngan matinumanon nga ministro ngan igkasiuripon ha Gi-noo:

Col 4:8 Nga ginsogo ko hiya ngadto ha iyo tungud hini gud nga tuyo, basi nga masayod kamo ha amon kahim-tang, ngan paglipayon niya an iyo mga kasingkasing;

Col 4:9 Upud niya hi Onesimo, nga hini-gugma ngan matinumanon nga bugto, nga taga dinhi ha iyo. Hira magpapa-habaro ha iyo han ngatanan nga mga bagay nga ginhihimo didi.

Col 4:10 Hi Aristarko, nga igkasi ko bini-langgo nangongomusta ha iyo, ngan hi Markos nga patud ni Bernabe (nga nahatungud ha iya kinarawat na niyo in mga sogo; kon kumanhi hiya ha iyo, karawata hiya niyo),

Col 4:11 Ngan hi Jesus nga ginngangara-nan nga hi Justo, nga kabig ha sirkunsision, amo la ini hira an akon mga kaburulig tungud ha ginhadian han Dios, mga tawo nga nakalipay ha akon,

Col 4:12 Hi Epapras, nga taga didto ha iyo, nga uripon ni Kristo Jesus, nango-ngomusta ha iyo, nga ha gihapon na-niguro gud tungud ha iyo ha iya mga pag ampo, basi nga maghingpit kamo ngan mabug-os an iyo pagsarig ha ngatanan nga kaburut-on han Dios.

Col 4:13 Kay nakakatestigo ako tungud ha iya, nga nagbuhat gud hiya tungud ha iyo, ngan tungud ha mga aadto ha Laodisea, ngan ha mga aadto ha Hierapolis.

Col 4:14 Hi Lukas, nga hinigugma nga manarambal, ngan hi Dim as nango-ngomusta ha iyo.

Col 4:15 Pangomustaha niyo an mga ka-bugtoan ha Laodisea, ngan ha Nim-pas, ngan an singbahan nga aada ha ira balay.

Col 4:16 Ngan kon maubus na hin kabasa ini nga surat dida ha iyo, buhata niyo nga mabasa man liwat didto ha sing-bahan han mga taga-Laodisea; ngan kamo man magbasa han surat nga tikang ha Laodisea.

Col 4:17 Ngan sidnga niyo hi Arkipo: Bantayan mo an pagka ministro nga kinarawat mo ha Ginoo, nga pagtu-manon mo adto.

Col 4:18 An pangomusta nakon, hi Pa-blo, ha akon kalugaringon nga kamot. Hinumdumi niyo an akon mga gapus. An grasia magbilin unta upud ha iyo.

AMAZING GRACE BIBLE INSTITUTE