II Kay Timoteo2Ti 1:1 Hi Pablo, nga apostol ni Kristo Jesus tungud ha kaburut-on hanDios, sumala ha saad han kinabuhi nga aada kan Kristo Jesus, 2Ti 1:2 Kan Timoteo, nga hinigugma ko nga anak: An grasia, kalooy, kamura-yaw, tikang ha Dios nga Amay ngan kan Kristo Jesus nga aton Ginoo. 2Ti 1:3 Nagpapasalamat ako ha Dios, nga akon ginaalagad tikang ha akon mga ginikanan ha putli nga konsiensia, nga ha dayoday ako nahanunumdum ha imo ha akon mga pag ampo, ha gab-i ngan adlaw. 2Ti 1:4 Nga nagtitinguha ako pakipagkita ha imo, kay gindudumdum ko an imo mga luha, basi nga mapuno ako ha kalipay; 2Ti 1:5 Kay hinumduman ko an waray ruhaduha nga pagtoo nga aada ha imo; nga siyahan nagukoy ha imo apoy nga babaye nga hi Loida, ngan ha imo iroy nga hi Eunise; ngan, sa-yod ako, nga aada man ini ha imo. 2Ti 1:6 Tungud hini pinahanunumdum ko ikaw nga imo dagkutan an hatag han Dios, nga aada ha imo, tungud han pag dooni ko ha imo han akon mga kamot. 2Ti 1:7 Kay an Dios waray paghatag ha aton han espiritu han kahadluk; kondi han gahum, ngan han gugma ngan ha kaligdongan. 2Ti 1:8 Busa, diri mo ikaawud an pag testigo han aton Ginoo, bisan ha akon nga iya binilanggo: kondi pag antusa an kakurian tungud han Maopay nga Sumat sumala ha gahum han Dios; 2Ti 1:9 Nga nagluwas ha aton, ngan nag-tawag ha aton hin baraan nga pagta-wag, diri pinaagi ha aton mga buhat, kondi pinaagi ha iya kalugaringon nga tuyo ngan grasia, nga iginhatag ha aton kan Kristo Jesus una ha mga katuigan nga waray katapusan, 2Ti 1:10 Kondi niyan nagpahayag tu-ngud han pagpakita han aton Manlu-luwas nga hi Kristo Jesus, nga nagwa-ra han kamatayon, ngan nagdara han kinabuhi ngan pagkadirimamaratyon ha kalamrag pinaagi ha Maopay nga Sumat, 2Ti 1:11 Nga tungud hini ginpili ako nga magwarali, ngan apostol, ngan magtu-rutdo, 2Ti 1:12 Tungud hini nag aantus man ako hini nga mga bagay: kondi waray ako kaawud; kay hinbaroan ko kon hin-o an akon gintoohan, ngan sayod ako nga hiya may gahum ha pag bantay han akon igintubyan ha iya tubtub hadto nga adlaw. 2Ti 1:13 Magsubad ha surubdan han mga putli nga mga polong nga imo hinba-ti-an ha akon, ha pagtoo ngan paghi-gugma nga aada kan Kristo Jesus. 2Ti 1:14 Pagbantayi pinaagi ha Espiritu Santo nga naguukoy dinhi ha aton, adton maopay nga bagay nga igintub-yan ha imo. 2Ti 1:15 Hinbaroan mo ini, nga an ngata-nan nga aadto ha Asia nanmulag ha akon; nga ha ira amo hi Pigelo ngan hi Hermogenes. 2Ti 1:16 Kalooyan han Ginoo an pani-malay ni Onesiporo: kay nakadamu ako niya paglipaya, ngan waray ka-awud han akon talikara; 2Ti 1:17 Kondi, han nakadto hiya ha Ro-ma naniguro gud ako niya hin pagbil-nga ngan iya ako hinagian, 2Ti 1:18 (Hatagan hiya han Ginoo hin kalooy han Ginoo hadto nga adlaw); ngan hinbaroan na gud nimo kaopay, kon kapid-an nga mga butang nga nag alagad hiya ha akon didto ha Efeso. 2Ti 2:1 Busa ikaw, nga anak ko, pagrig-on ha grasia nga aada kan Kristo Jesus. 2Ti 2:2 Igtubyan mo an mga bagay nga hinbati-an mo tikang ha akon ha atu-bangan han kadam-an nga mga testi-go, ngadto ha mga magtinumanon nga mga tawo, nga mga batid man ha panutdo ha iba. 2Ti 2:3 Mag antus ka man hin kakurian upud ha akon, sugad ha maopay nga sondalo ni Kristo Jesus. 2Ti 2:4 Waray sondalo nga nagaalagad nga nagsasamok ha iya kalugaringon ha mga pagpatigayon hini nga kina-buhi; basi ha paglipay hadton kinara-wat ha iya ha pag kasondalo. 2Ti 2:5 Kon may tawo nga mangusug ha mga huego, diri hiya pagpopodong-podongan kon diri hiya mangusug oyon ha mga balaud. 2Ti 2:6 An nagbudlay nga parauma kina-hanglan nga hiya an mag una ha pag hiagum han mga bunga. 2Ti 2:7 Hunahuna-a an akon mga ipina-momolong, kay an Ginoo mahatag ha imo hin paghabaro ha ngatanan nga mga bagay. 2Ti 2:8 Hinumdumi hi Jesukristo, nga katulinan ni David, nga nabanhaw ti-kang ha mga minatay, sumala ha akon Maopay nga Sumat: 2Ti 2:9 Nga tungud hito nagaantus ako hin kakurian, bisan pa an mga gapus nga baga tampalasan; kondi an polong han Dios waray magapus. 2Ti 2:10 Busa tungud hini akon ginaan-tus an ngatanan nga mga bagay tu-ngud ha mga pinili, basi nga mada-ngat man nira an kaluwasan nga aada kan Kristo Jesus upud an himaya nga waray katapusan. 2Ti 2:11 Polong nga matinumanon: Kay kon nagkamamatay kita upud niya magkakabubuhi man kita upud niya. 2Ti 2:12 Kon kita magilub, maghahadi man kita upud niya: kondi kon igli-rong ta hiya iglilirong man kita niya. 2Ti 2:13 Kon kita diri magtinumanon, hiya nagpapadayon ha pagkamatinu-manon; kay diri hiya makakaglirong ha iya kalugaringon. 2Ti 2:14 Pahinumduma hira hini nga mga bagay, pagtugona hira ha atubangan han Ginoo, nga diri hira makipaglan-tugi nahatutungud ha mga polong, ha waray kapulsanan, kay iton nakaka-raut ha mga mamarati. 2Ti 2:15 Talinguhaon mo gud an pagpa-kita ha Dios, basi nga paproybahan ka niya, sugad hin magburuhat nga diri makakaawud han iya buhat, nga nagamit hin maopay han polong nga kamatuuran. 2Ti 2:16 Likayan mo an yinaknan nga di-ri espirituhanon ngan ngoyit: kay hira matahus pa ha pagpadayon ha kadiri pagtahud ha Dios, 2Ti 2:17 Ngan an ira polong magsasarang sugad hin kalamayo; nga ha ira amo hi Himeneo ngan hi Pileto; 2Ti 2:18 An mga tawo nga nagsayup na-hatungud ha pagtoo, kay hira nagsi-ring nga an pagkabanhaw nag-agi na, ngan nakasamok hira han pagtoo han iba. 2Ti 2:19 Kondi an marig-on nga patuku-ran han Dios nabilin, nga mayada tiga-man nga sugad hini: An Ginoo naki-lala han mga iya, ngan, An tagsatagsa nga mahingaran ha ngaran han Ginoo magpaharayo tikang ha pagkadirima-tadung. 2Ti 2:20 Kondi ha usa nga balay nga da-ku may ada mga surudlan, nga diri la mga bulawan ngan salapi, kondi may ada man mga surudlan nga ka-hoy ngan tuna; ngan an iba tungud ha pagkadungganan, ngan an iba ha pagkadiri dungganan. 2Ti 2:21 Busa kon an tawo maglikay hini, maginsurudlan hiya ha kadungganan, ginpakaputli ngan may kapulsanan ha Ginoo, nga ginandam ha ngatanan nga maopay nga buhat. 2Ti 2:22 Kondi pumalagyw ha mga ka-makimalaw-ay nga mga batan-on, ngan sunda an katadungan, pagtoo, paghigugma, kamurayaw, upud ha mga natawag ha Ginoo tikang ha ka-singkasing nga putli. 2Ti 2:23 Kondi isikway an mga tinuyaw ngan mga diri maaram nga mga paki-ana, kay hinbaroan na nga ini naka-kadugang la ha mga kasamok. 2Ti 2:24 Ngan an sorogoon han Ginoo diri kinahanglan makiglantugi, kondi maginmagtalonoy ha ngatanan, an-dam ha pagtutdo, maantuson, 2Ti 2:25 Magsaway hiya ha kaaghup ha mga nakontra; bangin pa hira tagan han Dios hin pagbasol ngadto ha pag-kilala ha kamatuuran, 2Ti 2:26 Ngan nga maluwas hira ha litag han yawa, nga ginbihag hira niya ngadto ha iya kaburut-on. 2Ti 3:1 Kondi habaroi ini, nga ha katapusan nga mga adlaw, maabut an magpakalilisang nga mga panahon. 2Ti 3:2 Kay an mga tawo magmamahi-gugmaon ha ira kalugaringon, mag-mamahigugmaon ha salapi, mga ham-bong, palabilabihon, maglibakon, maglaris ha mga ginikanan, diri mag-baluson, diri mga baraan, 2Ti 3:3 Waray gugma nga kinaiya, diri sadang malukmay, maglibakon, diri magilubon, magpintas, waray gugma ha kaopayan, 2Ti 3:4 Mga maglingo, batinguran, pag-dadayaw, mahigugmaon ha kalipayan labi kay ha paghigugma ha Dios; 2Ti 3:5 Nga may mga dagway ha pagta-hud ha Dios, kondi ginwara nira an iya gahum: Paharayo man ha ira. 2Ti 3:6 Kay ha ira hini amo an mga na-ngangamang ha pagsulud ha panima-lay, ngan namihag ha mga babaye nga kulangkulang nga mga puno ha mga sala, nga ginsimang hin mga dirodi-lain nga mga kairiphon, 2Ti 3:7 Nga nagtoto-on ha gihapon, kon-di diri gud nababatid ha pagdangat ha pagkilala ha kamatuuran. 2Ti 3:8 Ngan sugad nga hi ¡anes ngan hi ¡ambres kinontra kan Moises, sugad man ini nga mga tawo kinontra ha kamatuuran, mga tawo nga mga du-not hin hunahuna, ipinanikway tu-ngud ha pagtoo. 2Ti 3:9 Kondi diri na hira makakagbuhat hin dayon: kay an ira mga kinukula-ngan hinkikit-an han ngatanan nga mga tawo, sugad man han nahinabu ha ira hadto. 2Ti 3:10 Kondi ikaw nagsugot ka ha akon tutdo, gawi, tinotuyo, pagtoo, pag antus, gugma, pag pailub, 2Ti 3:11 Mga pagtimaraut, ha mga kagol-anan; nga amo an mga bagay nga ina-but ha akon didto ha Antiokia, ha Ikonio, ha Listra; nga an mga pagti-maraut nga akon ginantus: ngan ti-kang hito ngatanan ginluwas ako han Ginoo. 2Ti 3:12 Oo, ngan an ngatanan nga ma-hagugma mabuhi nga matinahoron ha Dios kan Kristo Jesus mag aantus hin pagtimarauta. 2Ti 3:13 Kondi an mga magraut ngan maglimbong nga mga tawo matubu ha maraut ngan labi pa gud nga ma-raut, ngan manlilimbong hira ngan panlilimbongan man hira. 2Ti 3:14 Kondi ikaw pagrig-on ha mga bagay nga imo gintoton-an, ngan igin-patapud ha imo, kay hinbaroan mo kon hin-o nga mga tawo an imo ginton-an hini; 2Ti 3:15 Ngan tikang ha imo kabata hin-baroan mo an mga Baraan nga mga Surat nga makakaghatag ha imo hin kaaram ngadto ha kaluwasan pinaagi ha pagtoo kan Kristo Jesus. 2Ti 3:16 An ngatanan nga mga Baraan nga Surat nga ginpakaaghat han Dios may kapulsanan man ha pagtutut-doan, ha pagbadlong, ha pagsaway, ha panutdoan nga ha katadungan: 2Ti 3:17 Basi nga an tawo han Dios ma-hingpit, ngan maandam tungud ha ngatanan nga maopay nga buhat. 2Ti 4:1 Gintutugon ko ikaw ha atubangan han Dios, ngan ni Kristo Jesus, nga maghuhukom ha mga buhi ngan ha mga minatay, ngan han iya pagpaha-yag ngan han iya ginhadian: 2Ti 4:2 Magwali ka han polong; manigu-ro ka gud ha panahon, ngan ha diri panahon; magbadlong ka, magsaway ka, maglaygay ka, upud an haglawig nga pagpailub ngan panutdo. 2Ti 4:3 Kay maabut an panahon nga diri hira mag aantus han putli nga pagto-ron-an; kondi, tungud ha ira magka-tul nga mga talinga, magtitirok hira hin ira mga lugaringon nga mag turut-do nga magsusunud ha ira mga kalu-garingon nga kaipa; 2Ti 4:4 Ngan ira ipahaharayo an ira mga talinga tikang ha kamatuuran, ngan mabalik ha mga surumatanon. 2Ti 4:5 Kondi ikaw magmabuutan ka ha ngatanan nga mga bagay, antusa an kakurian, buhata an buhat han usa nga ebanhilista, tumana an imo pag-kaministro. 2Ti 4:6 Kay ako iginhahalad na, ngan an takna han akon paggikan harani na. 2Ti 4:7 Nakigaway ako han maopay nga away, natapus ko an akon pakipag-rumba, akon gintipigan an pagtoo. 2Ti 4:8 Niyan naghuhulat ha akon an po-dongpodong han katadungan, nga ihahatag ha akon hadto nga adlaw, han Ginoo nga Hukom nga matadung; diri la ha akon, kondi ha ngatanan nga naghigugma han iya pagpadayag. 2Ti 4:9 Paniguro ka gud hin pagmalakadi hin dagmit ha akon; 2Ti 4:10 Kay hi Demas binulag ha akon tungud ha paghigugma hini nga kali-butan, ngan kinadto ha Tesalonika; hi Kresente aadto ha Galasia, hi Tito aadto ha Dalmasia. 2Ti 4:11 Hi Lukas la an aadi nga upud nakon, kuha-a hi Markos, ngan dad-a hiya upud nimo; kay may kapulsanan niya ha akon pagkaministro. 2Ti 4:12 Kondi hi Tikiko akon ginsogo ngadto ha Efeso. 2Ti 4:13 Kon ikaw kumadi, dad-a an ku-rigmus nga akon binilin didto ha Troas kan Karpo; ngan an mga basa-hon, labi na gud an mga anit nga mga sinuratan. 2Ti 4:14 Hi Alejandro nga panday hin tumbaga, nagbuhat ha akon hin damu nga mga magraut; an Ginoo magbalus ha iya sugad ha iya mga buhat. 2Ti 4:15 Ikaw magtagam ka man ha iya: kay nakontra gud hiya hiton amon mga polong. 2Ti 4:16 Han siyahan nga akon depensa waray bisan hin-o nga binulig ha akon, kondi ira ako ginbaya-an ngata-nan. Diri unta ini igisip ha ira. 2Ti 4:17 Kondi an Ginoo tinabang ha akon, ngan nagparig-on ha akon; basi nga tungud ha akon matuman hin hingpit gud an pagwali, ngan nga mag-pakabati an ngatanan nga mga Hen-til: ngan ginluwas ako tikang ha baba han leon. 2Ti 4:18 An Ginoo magluluwas ha akon ha ngatanan nga magraut nga buhat, ngan pagluluwason ako niya ngadto ha iya ginhadian nga langitnon: ha iya an himaya ha mga katuigan ha mga katuigan. Amen. 2Ti 4:19 Pangomustaha hi Friska ngan hi Akila, ngan an panimalay ni Onesi-poro. 2Ti 4:20 Hi Erasto nabilin ha Korinto; kondi hi Tropimo binayaan ko nga masakit ha Mileto. 2Ti 4:21 Pagtinguha ha pagkadi nga diri pa panahon ha katugnaw. Nangongo-musta hi Eubulo ha imo ngan hi Pu-dente ngan hi Lino, ngan hi Klaudia, ngan an ngatanan nga mga kabug-toan. 2Ti 4:22 An Ginoo umupud ha imo espi-ritu. An grasia ma imo. |