II Mga Taga-Tesalonica2Th 1:1 Hi Pablo, ngan hi Silbano, ngan hi Timoteo, ha singbahan han mga taga Tesalonika ha Dios nga aton Amay ngan ha Ginoo Jesukristo; 2Th 1:2 An grasia umupud ha iyo ngan an paghidait tikang ha Dios nga Amay ngan ha Ginoo Jesukristo. 2Th 1:3 Kinahanglan kami gihapon mag-hatag hin pag pasalamat ha Dios tu-ngud ha iyo, mga kabugtoan, sugad nga kaangayan man, kay an iyo pagtoo nagtutubu gud, ngan hura an iyo paghigugmaanay ha usa kag usa; 2Th 1:4 Ha kaagi nga kami ngahaw naghi-himaya ha iyo ha mga singbahan han Dios tungud ha iyo pagilub ngan pagtoo ha ngatanan nga mga pagtimaraut niyo, ngan mga kakurian nga iyo gi-naantus; 2Th 1:5 Nga amo ini an matuud nga tiga-man han matadung nga paghukom han Dios; basi nga maiihap kamo nga mga takus ha ginhadian han Dios, nga tungud hini nagaantus kamo man: 2Th 1:6 Kon angay ba nga an Dios magbayad hin kasakitan ha mga nagsasakit ha iyo, 2Th 1:7 Ngan kamo nga mga ginsasakit mapahuway kamo upud ha amon, ha pagpahayag han Ginoo nga hi Jesus tikang ha langit upud an mga angel han iya gahum ha malaga nga kalayo, 2Th 1:8 Ha paghatag hin bulus ha mga waray kumilala ha Dios, ngan ha waray pagtuman han Maopay nga Su-mat han aton Ginoo Jesus: 2Th 1:9 Nga magaantus hin sirot, nga amo an pagkabungkag nga waray katapu-san nga nabulag ha bayhon han Gi-noo ngan ha himaya han iya gahum. 2Th 1:10 Kon umabut hiya basi hiya pag-himayaon han iya mga baraan, ngan paghiborongan han ngatanan nga natoo (kay an amon pagtestigo ha iyo ginmatuud) hadto nga adlaw. 2Th 1:11 Tungud hini nagaampo man ka-mi gihapon tungud ha iyo, basi nga isipon kamo han aton Dios nga mga takus ha iyo mga pagkatinawag, ngan pag tumanon niya an ngatanan nga ti-nguha han kaopayan ngan ngatanan nga buhat han pagtoo, nga may ga-hum; 2Th 1:12 Basi nga an ngaran han aton Ginoo nga hi Jesus paghimayaon ha iyo, ngan kamo man ha iya, sugad han grasia han aton Dios ngan han Ginoo nga hi Jesukristo. 2Th 2:1 Niyan nanganginyupo kami ha iyo, mga kabugtoan, nahatutungud ha pag-kanhi han aton Ginoo Jesukristo, ngan han aton pag titirok ngadto ha iya; 2Th 2:2 Ha katuyoanan nga diri kamo la-yon maoy-ug ha iyo mga hunahuna, bisan pagsamoka, ha espiritu, ó ha polong, ó ha surat, nga sugad hin tikang ha amon, nga sugad na gud hin harani an adlaw han Ginoo; 2Th 2:3 Diri kamo magpalimbong hin bi-san hin-o ha bisan ano nga bagay; kay diri ini hananabu, kon diri anay uma-but an pagkaholog, ngan igpahayag an tawo han sala, an anak han pagka-wara, 2Th 2:4 Hiya nga nakontra ngan nagpa-pakahataas ha iya la ngahaw kontra ha ngatanan nga ginngangaranan nga Dios ó ginsisingba; amo in kasugad nga naglilingkod hiya ha templo han Dios, ngan nag papakadios. 2Th 2:5 ¿Waray ba kamo hinumdum nga, han upud pa ako niyo, ginsumatan ko kamo hini nga mga bagay? 2Th 2:6 Ngan niyan maaram na kamo hadto nga naguulang, basi nga hiya paha-yagan ha iya kalugaringon nga pana-hon. 2Th 2:7 Kay an tinago han pagka diri ma-sinugtanon ha balaud nagbubuhat na: kondi may ada uusa nga naguulang niyan, ngada ha kakuha niya tikang ha aragian. 2Th 2:8 Ngan niyan igpapahayag adton di-ri masinugtanon ha balaud, nga papata-yon han Ginoo Jesus pinaagi han ginin-hawa han iya baba, ngan paglalaglagon han pagpahayag han iya pag abut; 2Th 2:9 Nga amo hiya, nga an iya pagkanhi sumala ha kaburut-on ni Satanas ha ngatanan nga gahum, ngan mga ti-gaman, ngan pagbuhat hin mga buwa-on nga katingalahan, 2Th 2:10 Ngan ha ngatanan nga mga lim-bong han pagka dirimatadung ha ira mga nagkakawawara; kay waray nira karawata an gugma han kamatuuran, basi unta hira mag kaluluwas. 2Th 2:11 Ngan tungud hini nga hinungdan an Dios nagpapadara ha ira hin pagbuhat han kasaypanan, basi hira magtoo ha buwa: 2Th 2:12 Basi nga hira ngatanan paghukman hin sirot an waray pagtoo ha kamatuuran, kondi nagkalipay ha diri pagkamatadung. 2Th 2:13 Kondi kinahanglan kami gihapon magpasalamat ha Dios tungud ha iyo, mga kabugtoan nga mga hinigugma han Ginoo, kay mga ginpili kamo han Dios tikang ha tinikangan ngadto ha katalwasan ha kaputli han Espiritu ngan pagtoo han kamatuuran: 2Th 2:14 Nga gintawag kamo hito niya pinaagi han amon Maopay nga Sumat, ha pagkarawat han himaya han aton Ginoo Jesukristo. 2Th 2:15 Busa, mga kabugtoan, manrigon kamo, ngan iyo pagtipigan an mga surumatanon nga ipinanutdo ha iyo, bisan pinaagi han polong, ó han surat namon. 2Th 2:16 Niyan an amo nga aton Ginoo Jesukristo, ngan an Dios nga aton Amay, nga naghigugma ha aton ngan naghatag ha aton hin waray katapusan nga paglipay ngan maopay nga paglaum pinaagi han grasia, 2Th 2:17 Maglipay ha iyo mga kasingkasing ngan magparig-on hadto ha ngatanan nga maopay nga buhat ngan polong. 2Th 3:1 Ha katapusan, mga kabugtoan, mag ampo kamo tungud ha amon, nga an polong han Ginoo mahasarang ngan paghimayaon, sugad dida man ha iyo; 2Th 3:2 Ngan basi kami maluwas tikang ha mga diri kaangayan ngan magraut nga mga tawo; kay diri an ngatanan may pagtoo. 2Th 3:3 Kondi an Ginoo matinumanon, nga hiya magpaparig-on ha iyo, ngan magbabantay ha iyo tikang ha kirat-an. 2Th 3:4 Ngan may pagsarig kami ha Gi-noo nahatungud ha iyo, nga iyo buhaton ngan pag buhaton an mga ba-gay nga amon iginsogo. 2Th 3:5 Ngan an Ginoo magmando unta ha iyo mga kasingkasing ngadto ha gugma han Dios, ngan ha pagpailub ni Kristo. 2Th 3:6 Niyan nagsosogo kami ha iyo, mga kabugtoan, ha ngaran han aton Ginoo Jesukristo, nga bumulag kamo ha ngatanan nga mga kabugtoan nga nangagawi ha kamagsamok, ngan di-ri sumala ha mga surumatanon nga ira nakarawat tikang ha amon. 2Th 3:7 Kay kamo ngahaw maaram nga kamo kinahanglan mag subad ha amon: kay waray kami pangawi hin masamok ha butnga niyo; 2Th 3:8 Ngan waray kami pangaon hin ti-napay hin bisan di-in nga waray ba-yad ha kamot hin bisan hin-o, kondi nga nagbudlay, ngan nag antus kami ha pag buhat ha gab-i ngan adlaw, nga diri kami makabug-at hin bisan hin-o ha iyo: 2Th 3:9 Diri nga waray namon kagamha-nan, kondi ha paghimo ha amon ngahaw nga susbaranan ha iyo, basi ka-mo magsubad ha amon. 2Th 3:10 Kay han upud pa kami niyo, ini iginsogo namon ha iyo, Kon hin-o an diri magbuhat, diri man hiya kuma-on. 2Th 3:11 Kay nakabati kami nga may ada ha iyo nga nangagawi ha pagsamok, nga diri nagbubuhat hin bisan ano, kondi mga paralabut hira. 2Th 3:12 Niyan hira nga mga sugad hini amon ginsosogo ngan ginlaylaygayan tungud ha Ginoo Jesukristo, nga mag-buhat hira hin mahusay, ngan manga-on han ira mga kalugaringon nga tina-pay. 2Th 3:13 Kondi kamo, mga kabugtoan, diri kamo manluya ha pagbuhat han maopay. 2Th 3:14 Ngan kon an iba diri magtuman han amon mga polong hini nga surat, tigamni niyo ito nga tawo, nga diri kamo makigupud ha iya, basi ma-awud hiya. 2Th 3:15 Kondi diri niyo hiya isipon nga kaaway, kondi sagdoni niyo hiya su-gad hin bugto. 2Th 3:16 Niyan an amo nga Ginoo han kamurayawan maghatag unta ha iyo hin kamurayawan ha ngatanan nga panahon ngan ngatanan nga pagkaagi. An Ginoo umupud ha iyo ngatanan. 2Th 3:17 An pangomusta nakon, hi Pablo, ha akon kalugaringon nga kamot, nga amo an tigaman ha tagsa nga surat: amo ini an pagsurat ko. 2Th 3:18 An grasia han aton Ginoo Jesukristo umupud unta ha iyo ngatanan. |