II Pedro2Pe 1:1 Hi Simon Pedro, uripon ngan a-postol ni Jesukristo, ngadto ha mga nakakarawat upud namon hin sugad nga mahal nga pagtoo ha katadungan han aton Dios ngan Manluluwas nga hi Jesukristo: 2Pe 1:2 An grasia ngan kamurayawan pagpadamu-on dida ha iyo ha kinaad-man han Dios ngan han kan Jesus nga aton Ginoo; 2Pe 1:3 Kay tungud han iya diosnon nga gahum iginhatag niya ha aton an nga-tanan nga mga butang nahatutungud ha kinabuhi ngan pagtahud ha Dios, pinaagi han pagkilala ha iya nga nag-tawag ha aton tungud ha iya kalugari-ngon nga himaya ngan gahum; 2Pe 1:4 Tungud hini iya iginhatag ha aton an iya mga minahal ngan dagku gud nga mga saad; basi nga pinaagi hini mahiangbit kamo ha kinaiya nga dios-non, nga pinaagi hini makapalagyw unta kamo ha pagkamadinunoton nga nahimo dinhi ha kalibutan pina-agi ha kaipa. 2Pe 1:5 Oo, ngan tungud hini nga hinung-dan nga igdugang niyo an bug-os nga kamaabtik, ha iyo pagtoo idugang an maopay nga batasan; ngan ha iyo ma-opay nga batasan kinaadman; 2Pe 1:6 Ngan ha iyo kinaadman an pag-dumara ha iyo ngahaw; ngan ha iyo pagdumara ha iyo ngahaw an pagilub; ngan ha iyo pagilub an pagtahud ha Dios; 2Pe 1:7 Ngan ha iyo pagtahud ha Dios an maawaon nga minagburugto; ngan ha iyo maawaon nga minagburugto an gugma. 2Pe 1:8 Kay kon ini nga mga butang iyo ngan nahuhura, ginhihimo kamo nira nga diri mga hubya ngan diri mga waray bunga ngadto ha pagkilala ha aton Ginoo Jesukristo. 2Pe 1:9 Kay an tawo nga kulang hini nga mga butang buta, nga an iya la kiniki-ta an harani, nga hinkalimtan niya nga ginlinisan na hiya han iya mga ka-daanan nga sala. 2Pe 1:10 Busa, mga kabugtoan, panalingu-haon gud niyo an pagparig-on han pagtawaga ngan pagpilia ha iyo: kay kon pagbuhaton niyo ini nga mga bu-tang, diri gud kamo manhihipakdol: 2Pe 1:11 Kay hini nga pagkaagi ighahatag gud ha iyo an bug-os nga pagsulud ngadto ha ginhadian nga waray kata-pusan han aton Ginoo ngan Manlulu-was nga hi Jesukristo. 2Pe 1:12 Busa, andam ako gihapon ha pagpahinumdum ha iyo hini nga mga bagay, bisan kon maaram na kamo hadto, ngan magrig-on ha kamatuu-ran nga aada ha iyo. 2Pe 1:13 Ngan ginhuhunahuna ko, nga angay ini ha katadungan tubtub nga aada ako hini nga payag, ha pagpukaw ha iyo ha pagpahinumdum ha iyo; 2Pe 1:14 Nga hinbaroan ko nga ini nga akon payag madali ko na bayaan, su-gad han iginpahabaro ha akon han aton Ginoo nga hi Jesukristo. 2Pe 1:15 Oo, manalinguha ko gud nga ha ngatanan nga oras iyo gihapon ini nga mga bagay hinumduman kon mama-tay na ako. 2Pe 1:16 Kay waray kami magsunud hin mga surumatanon nga mga hinimo ha larang la, han amon pagsumat ha iyo han kagamhanan ngan pagkanhi han aton Ginoo Jesukristo, kondi mga testigo kami nga nangita han iya pag-kaharangdon. 2Pe 1:17 Kay hiya kinarawat tikang ha Dios nga Amay hin kadungganan ngan kahimaya-an, han pag abut nga-da ha iya han polong nga tikang ha Harangdon nga Kahimayaan: Ini amo an akon hinigugma nga Anak, nga akon nalilipayan: 2Pe 1:18 Ngan amo ini nga tingug an amon ngahaw hinbatian tikang ha langit, han upud kami niya didto ha baraan nga bukid. 2Pe 1:19 Ginparig-on pa gud ha amon hin labi an polong nga igintagna; busa nagbubuhat kamo hin maopay ha pag-tagam niyo, sugad hin lamparahan nga nakakalamrag hin lugar nga masi-rum, ngada ha pagisisirang han adlaw, ngan ngada ha pagsirang ha iyo mga kasingkasing han Bitoon ha kaadla-won: 2Pe 1:20 Hibaroan ini siyahan, nga waray igintagna han Santos nga Surat nga paghubaron pinaagi ha kalugaringon nga hunahuna. 2Pe 1:21 Kay waray pa gud igintagna nga inabut pinaagi ha kaburut-on han ta-wo: kondi an mga tawo nagyayakan tikang ha Dios, tungud nga ginman-doan han Espiritu Santo. 2Pe 2:1 Kondi tinindog man in mga bu-wa-on nga mga manaragna ha butnga han mga tawo, sugad man nga ha but-nga niyo maninindog in mga buwa-on nga mga magturutdo, nga magdadara hin mga tinago nga herehia ha pagka-bungkag, nga iglilirong nira bisan pa an Ginoo nga nagtubus ha ira, nga magdadara hin madagmit nga pag ka-bungkag ha ira la ngahaw. 2Pe 2:2 Ngan damu an magsusunud han ira maglaw-ay nga mga binuhatan; nga tungud ha ira an dalan han kama-tuuran pagyayaknan hin maraut. 2Pe 2:3 Ngan ha pagkaawa, pinaagi ha mga maglimbongan nga mga polong, panhihimoon kamo nira nga mga iba-raligya: nga niyan an pagkahinukman nira hadto pa diri nagiiha, ngan an ira pagkabungkag diri nangaturog. 2Pe 2:4 Kay kon an Dios waray pag awil ha mga angel han ira pagpakasala, kondi nga pinanholog hira ngadto ha inpierno, ngan igintubyan hira ngad-to ha mga magsirum nga mga bito, nga iginhuhulat ngada ha paghukom; 2Pe 2:5 Ngan waray niya pag awil an da-an nga kalibutan, kondi ginluwas ni-ya hi Noe, parawali ha katadungan, upud in pito han pagpalonpi niya han kalibutan han diri magtinoohon ha Dios; 2Pe 2:6 Ngan, ginhimo niya nga abu an mga bungto nga Sodoma ngan Gomo-ra, han paghukmi ha pag kabungkag, nga ginhimo hira nga susbaranan hadton mga nagpangabuhi hin diri pagta-hud ha Dios; 2Pe 2:7 Ngan ginluwas niya an matadung nga hi Lot, nga nasakit ha maglaw-ay nga ginawian han mga magraut. 2Pe 2:8 (Kay adto nga tawo matadung nga nagukoy ha butnga nira, nasakit ha adlaw adlaw an iya matadung nga kalag, ha pagtan-aw ngan ha pamati ha ira mga binuhatan nga magngil-ad): 2Pe 2:9 An Ginoo maaram ha pagluwas han matinumanon ha Dios tikang ha panulay, ngan pagkaput ha diri mati-numanon ha Dios ha ilarum ha pag-kahinukman ngada ha adlaw ha pag-hukom; 2Pe 2:10 Kondi labi na gud an mga nan-gag a wi ha unud ha mga mahugaw nga kairiphon, ngan nagtatamay han pag-dumara. Mga makikipangahason, mga magburuut ha ira mga kalugaringon nga hunahuna, nga diri hira ipinangu-ngurug ha pagpasipara ha mga gamha-nan. 2Pe 2:11 Bisan pa an mga angel, nga labi pa kamagkusug ngan mga kagamha-nan, waray magbuhat hin paghukom nga mabusa kontra ha ira ha atuba-ngan han Ginoo. 2Pe 2:12 Kondi ini hira, sugad ha mga ma-nanap nga waray buut, nagkatatawo nga mga mananap la, ha pag kuha-a ngan ha pagbungkaga, nagbubusa hira ha mga butang nga waray nira haba-roi, ha pagbungkag nira pagbubung-kagon man hira, 2Pe 2:13 Nga nagaantus hin maraut sugad nga suhul ha maraut nga binuhatan; mga tawo nga naghihimaya ha mag-law-ay nga aringasa hin adlaw, mga buring ngan mga kahugawan, nagka-kalipay ha ira panlimbong kon nanga-nga-on hira upud ha iyo; 2Pe 2:14 An ira mga mata mga puno ha panlibog, ngan diri ito sadang maka-baya ha pagpakasala; nga naglulumay ha mga kalag nga diri magrig-on; nga may ada kasingkasing nga ginpahiara ha kaipa; mga anak ha pamuyayaw; 2Pe 2:15 Nga binayaan nira an kamatu-uran nga dalan, nagsasarang hira, ha pagsunud han dalan ni Balaam nga anak ni Beor, nga naghigugma han su-hul han pagkadiri matadung; 2Pe 2:16 Kondi ginbadlong hiya tungud ha iya pagtalapas: usa nga asno nga ngula nagyakan ha tingug han tawo, ngan ginpugngan niyan an kasinahon han manaragna. 2Pe 2:17 Ini hira mga burabud nga waray tubig, ngan dampug nga iginpapalid han bagyo; nga ha ira iginaandam an kasisidman han kangitngitan. 2Pe 2:18 Kay, ha pagyakan ha mga pina-labi gud nga mga polong nga waray mga pulos, ha mga kairiphon han unud, naglumay pinaagi ha mga ka-makimalaw-ay hadto nga tipalagyw tikang ha mga naguukoy ha kasaypa-nan; 2Pe 2:19 Ngan ginsaaran hira hin kaluwa-san, kondi hira mga uripon pa han pagkadunot; kay iton tawo ginbihag han magdadaug ha iya. 2Pe 2:20 Kay, kon katapus na nira maka-palalagyw ha mga maghugaw nga ba-gay han kalibutan pinaagi ha pagkilala han Ginoo ngan Manluluwas, nga hi Jesukristo, mamongot na liwat hira ngan nadaug, an ira orhi nga kamu-tangan malabi pa hin kamaraut kay han siyahan. 2Pe 2:21 Kay maoroopay ha ira kon waray hira unta habaro han dalan han katadungan, ngan katapus nira haba-ro hito, bumaya tikang ha baraan nga sogo nga iginhatag ha ira. 2Pe 2:22 Ini nahanabu ha ira sumala ha matuud nga higaday, an ayam binalik ngahaw ngadto ha iya iginsuka, ngan an anay nga naghugas ha paglabog ha lagay. 2Pe 3:1 Mga hinigugma, ini nga surat amo an ikaduha nga surat ko nganhi ha iyo; ngan hito nga duha gindagkut ko an iyo mga putli nga hunahuna ha pagpahanumdum ha iyo. 2Pe 3:2 Basi niyo hinumduman an mga polong nga iginyakan hadto pa han mga baraan nga manaragna, ngan an mga sogo han aton Ginoo ngan Man-luluwas pinaagi ha iyo mga apos-tol: 2Pe 3:3 Siyahan habaroan niyo ini, nga ha orhi nga mga adlaw maabut an mga magyubit ha panyubit, nga magsusu-nud ha ira mga kalugaringon nga kai-riphon, 2Pe 3:4 Ngan masking: ¿Hain na an saad han iya pagkanhi? kay tikang ha ad-law nga an mga ginikanan nanhinga-turog, an ngatanan nga mga bagay nagpapadayon sugad nga amo hira ti-kang ha tinikangan han binuhat. 2Pe 3:5 Kay ini ira gintuyo hin pag hinga-limti, nga may mga langit tikang ha tinikangan, ngan tuna nga ginhimo ti-kang ha tubig ngan ha butnga ha tu-big, pinaagi ha polong han Dios; 2Pe 3:6 Tungud hini nga hinungdan an kalibutan hadto, nga linibnasan hin tubig, nawara: 2Pe 3:7 Kondi an mga langit nga aada niyan, ngan an tuna, iginaandam ha kalayo ngan gintitipigan ngada ha ad-law ha paghukom ngan pagbungkag ha mga tawo nga diri magtinahuron ha Dios. 2Pe 3:8 Kondi mga hinigugma, ayaw niyo hingalimti ini nga usa nga bagay, nga an usa ka adlaw ha atubangan han Gi-noo sugad hin usa ka yukut ka tuig, ngan an usa ka yukut ka tuig sugad hin usa ka adlaw. 2Pe 3:9 An Ginoo diri magaalang mahitu-ngud ha iya saad, sugad han ginhuhu-nahuna han iba han pagkaalang; kon-di mapailubon ha iyo, ngan diri buut nga may ada mawara, kondi nga an ngatanan magbasol. 2Pe 3:10 Kondi an adlaw han Ginoo maabut sugad hin usa nga kawatan; nga hadto nga adlaw an mga langit mapapara nga may daku nga aringasa, ngan an mga kasangkapan magkakatutunaw tungud ha kapaso hiton siga, ngan pagsusunugon an tuna ngan an mga binuhat nga aada ha iya 2Pe 3:11 Busa nga hinbaroan niyo nga ini nga mga butang pagtutunawon, imga. magtionan-o an iyo mga ginawian nga mga tawo ha ngatanan nga putli nga pangabuhi ngan pagtahud ha Dios, 2Pe 3:12 Nga naghuhulat ngan nagtiti-nguha gud kamo han pag abut han adlaw han Dios, nga hito nga adlaw an mga langit nga aada ha kalayo ngan an ngatanan nga mga kasangka-pan matutunaw tungud han paso nga nakakasunug? 2Pe 3:13 Kondi, sumala ha iya saad, nag-huhulat kita hin mga bag-o nga langit ngan bag-o nga tuna, diin maguukoy an katadungan. 2Pe 3:14 Busa, mga hinigugma, tungud nga naghuhulat kamo hini nga mga bagay, magtalinguha gud kamo nga hiagian kamo ha iya atubangan ha paghidait, nga waray buring ngan ka-saypanan. 2Pe 3:15 Ngan kilalahon niyo nga an pag-kamailub han aton Ginoo amo an ka-luwasan; sugad man han iginsurat ha iyo han aton hinigugma nga bugto nga hi Pablo, sumala ha kinaadman nga iginhatag ha iya; 2Pe 3:16 Sugad man ha ngatanan nga iya mga sinurat, nga iginyayakan niya hito ini nga mga butang, nga an iba hini magkuri habaroan, nga ginbabaliko han mga katapangan ngan mga diri magrig-on, sugad ha ira ginbubuhat ha iba man nga mga surat, tungud ha ira la ngahaw nga pagkabungkag. 2Pe 3:17 Busa kamo, mga hinigugma, nga hinbaroan na niyo ini nga mga bu-tang nga daan, magtagam kamo, ba-ngin kamo magkaholog tikang ha iyo mga karig-onan, tungud han pagdad-a ha iyo han kasaypanan han mga mag-raut. 2Pe 3:18 Kondi magtubu kamo ha grasia ngan kinaadman han aton Ginoo ngan Manluluwas nga hi Jesukristo. Ha iya an him ay a, niyan ngan tubtub ha ad-law nga waray katapusan. Amen. |