II Mga Taga-Corinto




2Co 1:1 Hi Pablo, nga Apostol ni Kristo Jesus tungud ha kaburut-on han Dios, ngan hi Timoteo nga aton bugto, ngadto ha singbahan han Dios nga aadto ha Korinto, lakip an ngatanan nga mga baraan nga aadto ha bug-os nga Akaya:

2Co 1:2 An grasia ha iyo ngan an paghi-dait nga tikang ha Dios nga aton Amay ngan ha Ginoo Jesukristo.

2Co 1:3 Darayawon an Dios ngan an Amay han aton Ginoo Jesukristo, an Amay han ngatanan nga pagkalooy ngan Dios han ngatanan nga paglipay;

2Co 1:4 Nga hiya an naglilipay ha aton ha ngatanan nga aton mga kagol-anan, basi nga sadang man kita makapagli-pay ha ngatanan nga aada ha bisan ano nga kagol-anan, pinaagi han pag-lipay nga iginlipay ha aton han Dios.

2Co 1:5 Kay sugad nga an mga pag antus ni Kristo nahura ha amon, sugad man an amon mga paglipay nahura tungud kan Kristo.

2Co 1:6 Kondi kon magaantus kami, ini tungud ha iyo paglipay ngan kaluwa-san; ó kon ginlilipay kami, ini tungud ha iyo paglipay, nga nagbubuhat ha pagpailub ha sugad nga mga arantu-son nga amon man ginaantus:

2Co 1:7 Ngan marig-on it amon paglaum ha iyo; kay, hinbaro-an namon nga kamo mga angbit ha mga pag antus, sugad man ha paglipay.

2Co 1:8 Kay diri namon buut nga diri ka-mo masayod, mga kabugtoan, naha-tutungud ha kagol-anan nga inabut ha amon didto ha Asia, nga mabug-at gud kaopay ha amon, nga labaw ha amon kusug ha pagkaagi nga waray na ngani namon paglaum hin pagka-bubuhi:

2Co 1:9 Oo, nakarawat na namon ha amon kalugaringon an pagkahinuk-man hin sirot ha kamatayon, basi nga diri kami magsarig ha amon la nga-haw nga kalugaringon, kondi ha Dios nga nagbanhaw ha mga minatay:

2Co 1:10 Nga hiya an nagluwas ha amon tikang ha daku gud nga kamatayon, ngan magluluwas pa hiya: nga ha iya naglalaum kami, nga pagluluwason pa kami niya:

2Co 1:11 Nga buligan man kami niyo pinaagi ha iyo mga pag ampo tungud ha amon; basi, nga tungud ha grasia nga iginhatag ha amon tungud ha ka-dam-an, an kadam-an nga mga tawo magpasalamat tungud ha amon.

2Co 1:12 Kay an amon paghimaya amo ini, an pagpamatuud han amon mga konsiensia, nga nangawi kami ha kali-butan, ngan labi na gud tungud ha iyo, ha kabaraan ngan kamaligdong han Dios, diri ha kinalibutanon nga kinaadman, kondi ha grasia han Dios.

2Co 1:13 Kay waray kami pagsurat ha iyo hin iba nga mga bagay, gawas han iyo ginbasa ó kilalahon man, ngan nagla-laum ako nga iyo kilalahon tubtub ha katapusan :

2Co 1:14 Sugad nga kamo man nangilala ha amon ha usa nga bahin, nga kami amo an iyo kahimaya-an, sugad man nga kamo an amon kahimaya-an, ha adlaw han aton Ginoo nga hi Jesus.

2Co 1:15 Ngan hini nga pagsarig ginhuna-huna ko in pag kanhi siyahan ha iyo, basi makarawat niyo an ikaduha nga grasia;

2Co 1:16 Ngan paghapit ha iyo ha tipa-kadto ha Masedonia, ngan pagbalik ngada ha iye tikang ha Masedonia, ngan tabangan ako niyo ha akon pag-lakaton ngadto ha Judea.

2Co 1:17 Busa han paghunahuna ko hini, ¿nagpakita ba ako hin kamaruhadu-ha-on? O, an akon ginlalarang, ¿ginla-larang ko ba pinaagi ha unud, basi maakon an oo, oo ngan an diri, diri?

2Co 1:18 Kondi sugad nga an Dios mati-numanon, an amon mga polong ha iyo diri an oo ngan diri.

2Co 1:19 Kay an Anak han Dios, nga hi Jesukristo, nga amon iginwali ha iyo, bisan iginwali nakon, ngan ni Silba-no, ngan ni Timoteo, diri amo an oo ngan diri, kondi ha iya amo an oo.

2Co 1:20 Kay bisan ano kadamu an mga saad han Dios, ha iya amo an oo: busa tungud man ha iya amo an Amen, ngadto ha himaya han Dios tungud ha aton.

2Co 1:21 Busa an nagpapakarig-on ha amon kaupud niyo kan Kristo, ngan an nanhirog ha amon amo an Dios;

2Co 1:22 Ngan amo man an nagselyo ha amon, ngan naghatag han patinga han Espiritu ha amon mga kasingkasing.

2Co 1:23 Kondi tinatawag ko an Dios nga masaksi ha akon kalag, nga basi mag-pasaylo ako ha iyo, waray ako ku-manhi ha Korinto.

2Co 1:24 Diri nga kami maghahadi ha iyo pagtoo, kondi mga kabulig kami ha iyo kalipayan: kay ha pagtoo magrig-on kamo.



2Co 2:1 Kondi akon gud ginpainoino ha akon kalugaringon, nga diri na ako mabalik nganhi ha iyo nga mabido-on.

2Co 2:2 Kay kon pagbidoon ko kamo, ¿hin-o ba an maglilipay ha akon, kon diri an akon ginbido?

2Co 2:3 Ngan amo ini an akon iginsurat, bangin, kon ako umabut, may maada ko kabidoan tikang han kinahanglan ko kalipayan; nga may pagsarig ko ha iyo ngatanan, nga iton akon kalipa-yan maginkalipayan man niyo ngata-nan.

2Co 2:4 Kay tikang ha damu nga kagol-anan ngan kabidoan han kasingkasing nagsurat ako ha iyo upud an damu nga mga luha; diri nga magkabibido kamo, kondi nga basi niyo habaroan an daku nga paghigugma ko ha iyo.

2Co 2:5 Kondi kon may ada tawo nga na-tinikangan hin kabidoan, waray hiya makabido ha akon, kondi ha bahin la (nga diri ako makabug-at gud) ha iyo nga ngatanan.

2Co 2:6 Igo na ini nga sirot ha usa nga ti-kang ha kadam-an;

2Co 2:7 Ha lain nga kaagi pasayloa ngan lipaya lugud hiya niyo, bangin malu-mus hiya tungud ha iya duro nga ka-bidoan.

2Co 2:8 Busa nanginginyupo ako ha iyo nga iyo rig-onon an iyo gugma ha iya

2Co 2:9 Kay tungud hini nga bagay amo an pagsurat ko ha iyo, nga habaroan ko tikang ha iyo, an pagpamatuud kon kamo magsinugtanon ha ngata-nan nga mga bagay.

2Co 2:10 Kondi kon hin-o an iyo pasay-loon, pasasayloon ko man; kay kon ano an iginpasaylo ko man, kon ako nagpasaylo hin bisan ano, nagpasaylo ako tungud ha iyo ha atubangan ni Kristo;

2Co 2:11 Basi nga diri kita kalimbongan ni Satanas: Kay magaram kita ha iya mga paagi.

2Co 2:12 Busa han pag abut ko ha Troas tungud ha Maopay nga Sumat ni Kristo, ngan kabuksi ha akon han ganghaan han Ginoo,

2Co 2:13 Waray kalipayan ha akon espiri-tu, tungud kay waray ko hiagii hi Tito nga akon bugto: kondi pagsarit ko ha ira hin paglakat nasingadto ako ha Masedonia.

2Co 2:14 Kondi salamat ha Dios, nga nag-dadara gihapon ha amon ngadto ha pagdarag-an tungud kan Kristo, ngan iya iginpahayag tungud ha amon an rasa han iya kinaadman ha ngatanan nga dapit.

2Co 2:15 Kay amo kami an maopay nga rasa ni Kristo ngadto ha Dios, ha ira nga nagkaluluwas, ngan ha ira nga nagkawawara;

2Co 2:16 Ha usa amo an rasa ha kamata-yon ngadto ha kamatayon; ha iba amo an rasa ha kinabuhi ngadto ha ki-nabuhi. Ngan ¿hin-o ba an batid hini nga mga bagay?

2Co 2:17 Kay diri kami sugad han kadam-an, nga nagpapakaraut ha polong han Dios: kondi nga nagyayakan kami ha kan Kristo, tikang ha pagkabungayag, tikang ha Dios, ha atubangan han Dios.



2Co 3:1 ¿Nagtitikang ba kami liwat ha pagdayaw ha amon kalugaringon? ¿Kinahanglan ba namon, sugad ha iba, in mga surat nga pagdayaw ha iyo ó tikang ha iyo?

2Co 3:2 Kamo amo an amon surat, nga nanhisurat ha amon mga kasingka-sing, nga kinikilala ngan ginbabasa han ngatanan nga mga tawo;

2Co 3:3 Tungud nga dayag nga kamo amo an surat ni Kristo, nga ginbuhat na-mon, nga an iginsurat diri tinta, kon-di an Espiritu han buhi nga Dios; diri ha mga lamesa nga bato, kondi ha mga lamesa nga unud, ha mga kasing-kasing:

2Co 3:4 Ngan sugad hini iton amon pag-laum pinaagi kan Kristo ngadto ha Dios:

2Co 3:5 Diri nga kami mga batid ha amon mga kalugaringon, ha paghunahuna nga an ngatanan nga mga bagay ti-kang ha amon mga kalugaringon; kondi iton amon mga kabatiran ti-kang ha Dios;

2Co 3:6 Nga hiya man an naghimo ha amon nga mga batid nga mga ministro ha bag-o nga testamento; diri ha letra; kondi ha espiritu: Kay an letra nakakamatay, kondi an espiritu naghahatag hin kinabuhi.

2Co 3:7 Niyan kon an pagkaministro han kamatayon, nga iginsurat, ngan ipinangohit ha mga bato, inabut upud hin himaya, ha pagkaagi nga an mga anak ni Israel diri na sadang makapagtan-aw hin kadayonan ha nawong ni Moises tungud han himaya ha iya nawong; nga mapapara,

2Co 3:8 ¿Kay ano nga diri lugud, magma-mahimayawon an pagkaministro han espiritu?

2Co 3:9 Kay kon an pagkaministro han pagkahinukman hin sirot may hima-ya, labi na gud nga labaw an himaya han pag kaministro han katadungan.

2Co 3:10 Kay ha pagkamatuud adton gin-himo nga mahimayawon waray pag-himoa nga mahimayawon hini nga pagkaagi, tungud han himaya nga ma-labaw pa.

2Co 3:11 Kay kon adton napapara mahi-mayawon, labi na gud an nagpapada-yon nga mahimayawon.

2Co 3:12 Busa nga may ada namon sugad hini nga paglaum, nagyayakan kami ha waray kahadluk,

2Co 3:13 Ngan diri sugad kan Moises, nga nagtabon ha iya nawong, basi nga an mga anak ni Israel diri magkinulaw han katapusan hadto nga nagpapa-ra;

2Co 3:14 Kondi an ira mga hunahuna gin-patig-a: kay tubtub ngada niyan nga adlaw aada gihapon ini nga tabon, nga waray mabukas an tabon ha ira pagbasa han daan nga tugon, kay wa-ray ini igpahayag ha ira nga ini natu-man na dida kan Kristo.

2Co 3:15 Kondi bisan ngada niyan nga adlaw, kon pagbabasahon nira hi Moises, may tabon nga nakakatabon ha ira kasingkasing.

2Co 3:16 Kondi kon san-o nga an tawo magsunud ha Ginoo, makukuha an tabon.

2Co 3:17 Kay an Ginoo amo an Espiritu; ngan kon hain an Espiritu han Ginoo, aadto man an kaluwasan.

2Co 3:18 Kondi kita ngatanan, nga nagka-bubukasan an aton nawong, nga nag-titinan-aw han himaya han Ginoo, su-gad dida hin salaming, ginbalhin kita ngadto ha sugad nga dagway tikang ha himaya ngadto ha himaya, sugad hin tikang ha Ginoo nga Espiritu.



2Co 4:1 Busa, tungud nga nakarawat na-mon ini nga pagkaministro sugad nga nakarawat namon in kalooy, diri kami manluya:

2Co 4:2 Kondi nga iginsikway namon an mga tinago nga bagay han pagka-awud, nga waray kami pangawi ha panlimbong, nga diri pag gamit han polong han Dios hin limbong; kondi ha pinaagi ha pagpahayag han kama-tuuran, nga gindayaw kami ngahaw ha konsiensia han tagsa tagsa ka tawo ha atubangan han Dios.

2Co 4:3 Ngan bisan pa kon an aton Mao-pay nga Sumat natabonan, ito nata-bonan la ngada ha mga nagkawawara:

2Co 4:4 Nga an mga hunahuna hini nga diri magtinoohon ginbuta han dios hini nga kalibutan, basi nga diri hira sidlakan han kalamrag han Maopay nga Sumat han himaya ni Kristo, nga amo an dagway han Dios.

2Co 4:5 Kay diri kami nagwawali tungud ha amon ngahaw, kondi tungud kan Kristo Jesus nga Ginoo, ngan kami iyo mga uripon tungud kan Kristo.

2Co 4:6 Kay an Dios nagsiring; An kalam-rag masidlak tikang ha kasisidman, nga amo an sinidlak ha amon mga ka-singkasing, ha paghatag han kalamrag han pagkilala han himaya han Dios nga aada ha nawong ni Jesukristo.

2Co 4:7 Kondi ini nga bahandi aadi ha amon mga surudlan nga mga tuna, basi nga an kapin kaopay nga gahum makanan Dios, ngan diri matikang ha amon ngahaw;

2Co 4:8 Ginsosook kami paluyoluyo, kon-di waray kami kapipiit; nanhipausa kami, kondi waray kawad-i hin pag-laum;

2Co 4:9 Mga gintitimaraut kami, kondi waray babayai; ginpulindag kami, kondi waray magkahihibang;

2Co 4:10 Gindadaradara namon gihapon ha lawas an kamatayon ni Jesus, basi nga an kinabuhi man ni Jesus igpaha-yag dida ha amon lawas.

2Co 4:11 Kay kami nga mga buhi igintu-tubyan gihapon ngadto ha kamata-yon tungud kan Kristo, basi nga an kinabuhi man ni Jesus igpahayag unta dida ha amon mamaratyon nga unud.

2Co 4:12 Busa an kamatayon nagbubuhat ha amon, kondi an kinabuhi ha iyo.

2Co 4:13 Kondi tungud nga papriho an aton espiritu ha pagtoo, sugad han nahasurat na, nagtoo ako, busa nag-yakan ako; natoo man kami, busa nagyayakan kami;

2Co 4:14 Kay hinbaroan namon nga an nagbanhaw ha Ginoo Jesus magba-banhaw man ha amon upud kan Jesus, ngan igpapahayag kami upud ha iyo.

2Co 4:15 Kay an ngatanan nga mga bagay tungud ha iyo, basi nga an grasia, nga ginpadamu tungud han kadam-an, makahimo han pagpasalamat nga ma-hura ngadto ha himaya han Dios.

2Co 4:16 Busa waray kami panluya; kon-di bisan kon an amon kinabuhi ha pagkatawo nga ha gowa nagdudunot, an amon pagkatawo nga ha sulud nagbabag-o ha adlaw adlaw.

2Co 4:17 Kay an amon maga-an nga kagol-anan, nga ha madali la, nagbubuhat ha amon hin labaw pa gud nga waray katapusan nga kabug-at hin hi-maya;

2Co 4:18 Nga diri kami pagtatan-aw ha mga butang nga nakikita, kondi ha mga butang nga diri nakikita: kay an mga butang nga nakikita may katapu-san; kondi an mga butang nga diri na-kikita mga waray katapusan.



2Co 5:1 Kay aton hinbaroan nga kon an aton balay nga tunan-on nga mayag-payag mabungkag, may ada naton ba-lay nga tikang ha Dios, balay nga diri hinimo hin mga kamot, usa nga balay nga waray katapusan, didto ha langit.

2Co 5:2 Kay ha pagkamatuud tungud hini, kami nagaaraba, nga nagtitinguha kami nga mapanaptonan kami hadton amon puruyanan nga tikang ha langit.

2Co 5:3 Kon ha pagkamatuud nga mga pi-nanaptonan na kita, diri kita panhi-hiagian nga mga hubo.

2Co 5:4 Kay ha pagkamatuud kita nga ha-hani hini nga payag tungud han ka-bug-at nanngangaraba; diri nga kita panhuhubo-an, kondi nga kita papa-naptonan, basi nga kon ano an mama-ratyon malamay unta han kinabuhi.

2Co 5:5 Busa an nagbuhat ha aton tu-ngud hini nga bagay amo an Dios, nga amo hiya an naghatag han pati-nga han Espiritu.

2Co 5:6 Busa nga mga andam ngan nasa-rig kita gihapon, ngan habaro-i naton ini, nga kon nagpupuyo pa kita ha lawas, waray kita didto ha Ginoo.

2Co 5:7 (Kay naglalakat kita ha pagtoo, diri ha pagtan-aw);

2Co 5:8 Mga andam ngan nasarig kami, nasugad ako; ngan tinguha namon lu-gud an kawara tikang ha lawas ngan magpuyo kami upud ha Ginoo.

2Co 5:9 Busa kon ha sulud ó ha gowa ha balay, gintinguha namon nga makali-pay kami ha iya.

2Co 5:10 Kay kinahanglan kita ngatanan magpahayag ha atubangan han huk-manan ni Kristo; basi an tagsatagsa kumarawat han iya ginbuhat tungud ha iya lawas, sugad han iya ginbuhat, kon maopay ó maraut.

2Co 5:11 Busa nga hinbaroan namon an kahadluk ha Ginoo, ginsasagdonan namon an mga tawo, kondi nga mga iginpahayag na kami ha Dios; ngan naglalaum ako nga nagpahayag man kami ha iyo mga konsiensia.

2Co 5:12 Diri na liwat kami nagpapaka-maopay ha iyo ha amon mga kaluga-ringon, kondi iginhahatag namon ha iyo an katigayonan ha iyo paghimaya tungud ha amon, basi may niyo ibaton ha ira nga mga naghihimaya ha dagway, ngan diri ha kasingkasing.

2Co 5:13 Kay kon kami nagkawawad-an hin buut, ito tungud ha Dios; ó kon kami mga buutan, ito tungud ha iyo.

2Co 5:14 Kay an gugma ni Kristo naglulu-gus ha amon; kay naghuhukom kami sugad hini, nga an usa namatay tu-ngud ha ngatanan, busa, an ngatanan namatay;

2Co 5:15 Ngan hiya namatay tungud ha ngatanan, basi nga an mga buhi diri na magkabubuhi tungud ha ira la nga-haw, kondi ngadto ha iya nga tungud ha ira namatay ngan nabanhaw liwat.

2Co 5:16 Busa tikang niyan diri na kami makilala hin bisan hin-o nga tawo oyon ha unud; bisan kon kami kini-lala kan Kristo oyon ha unud, kondi niyan diri na kami nakilala ha iya hin sugad.

2Co 5:17 Busa kon an tawo aada kan Kristo, bag-o hiya nga binuhat: an mga daan nga mga bagay nagagi na; kita-a, nagkahihimo ito nga mga bag-o.

2Co 5:18 Kondi an ngatanan nga mga ba-gay tikang ha Dios, nga amo an nag-pahauli ha aton ngadto ha iya pinaagi kan Kristo, ngan iginhatag ha aton an pagkaministro han pag pahauli;

2Co 5:19 Ha kahologan, nga an kalibutan ginpahauli han Dios ngadto ha iya tu-ngud kan Kristo, nga waray hira pag-malasayupa han ira mga pagtalapas, ngan iya iginhatag ha amon an po-long han pagpahauli.

2Co 5:20 Busa mga sorogoon kami tu-ngud kan Kristo, sugad nga an Dios nagsasagdon pinaagi ha amon: Nangi-nginyupo kami ha iyo tungud kan Kristo, magpahauli kamo ngadto ha Dios.

2Co 5:21 Nga hiya nga waray makakilala hin sala, ginpakasala-an hiya tungud ha aton; basi nga kita maginkatadu-ngan han Dios pinaagi ha iya.



2Co 6:1 Nanginginyupo kami ha iyo, su-gad nga kabulig ha pagbuhat han Dios nga diri niyo karawaton an grasia han Dios, hin waray kapulsanan.

2Co 6:2 (Kay hiya nasiring; Ha panahon nga maayon pinamatian ko ikaw, ngan ha adlaw ha kaluwasan tinaba-ngan ko ikaw: Kitaa, amo na niyan an panahon nga makaruruyag; kitaa, amo na niyan an adlaw ha kaluwa-san);

2Co 6:3 Nga diri kami naghatag hin kati-gayonan hin paghipakdol ha bisan ano nga bagay, basi nga an amon pag-alagad diri pagbutangan hin sala;

2Co 6:4 Kondi ha ngatanan nga mga ba-gay nagpapakamaopay kami ha amon mga kalugaringon, sugad nga mga mi-nistro kami han Dios, ha damu nga pagilub, ha mga kagol-anan, ha mga kinahanglan, ha mga kasakitan,

2Co 6:5 Ha mga paghampak, ha mga kabi-langgo, ha mga kasamok, ha mga pag-buhat, ha mga pagagma, ha mga pag-puasa;

2Co 6:6 Ha kaputli, ha kina-adman, ha padayon nga pagilub, ha kalooy, ha Espiritu Santo, hatotoo nga gugma.

2Co 6:7 Ha polong han kamatuuran, ha gahum han Dios; ha hinangiban han katadungan ha too ngan wala nga kamot,

2Co 6:8 Tungud ha himaya ngan ka wa-ray kadungganan; ha maopay ngan maraut nga kabantugan, sugad hin mga maglimbong, kondi magtinoo-ron;

2Co 6:9 Sugad hin waray kilalaha, kondi kinilala hin maopay; sugad hin mga nagpapatay, ngan, kitaa ini nga mga buhi kami; sugad hin mga ginsirotan, kondi waray pagpatay;

2Co 6:10 Sugad hin magsurub-on, kondi maglipayon gihapon; sugad hin mga kablasanon, kondi nanhimo hin ka-dam-an nga mga manggaranon; sugad hin mga waray bisan ano nga bagay, kondi tagada ha ngatanan nga mga bagay.

2Co 6:11 Iton amon baba nagkakabubuka nganhi ha iyo O, mga taga-Korinto, iton amon kasingkasing nadagku.

2Co 6:12 Waray niyo mga kakulangan ha amon, kondi kamo in kulang hin pag-higugma ha iyo ngahaw.

2Co 6:13 Basi nga makabalus kamo hin sugad nga paagi (nagyayakan ako su-gad hin ngadto ha akon mga anak), managku man kamo.

2Co 6:14 Diri kamo magpas-an han yugo upud ha mga diri magtinoohon; kay ¿oonan-on ba an pag katampo han katadungan ngan han diri katadu-ngan? O ¿oonan-on ba an pagkaang-bit han kalamrag ngan han kangit-ngit?

2Co 6:15 Ngan ¿oonan-on ba an pagka-angay nira Kristo ngan hi Belial? ó ¿oonan-on ba an pagkaangbit han matinoohon ngan han diri matinoo-hon?

2Co 6:16 Ngan ¿oonan-on ba an pagka-angay han templo han Dios ngan ha mga diosdios? Kay kita amo an tem-plo han buhi nga Dios; sugad han iginsiring han Dios; maguukoy ako didto ha ira, ngan maglalakat didto ha ira; ngan magigin Dios ako nira, ngan ma aakon hira mga tawo.

2Co 6:17 Busa gumowa ngan bumulag kamo tikang ha ira, siring han Ginoo, ngan diri kamo dumo-ot hin mahu-gaw nga bagay; ngan kakarawaton ko kamo,

2Co 6:18 Ngan magigin Amay ako niyo, ngan kamo magigin mga anak ko nga kalalakin-an ngan kababayinan; siring han Ginoo, an Makagagahum.



2Co 7:1 Busa, nga aton ini nga mga saad, mga hinigugma, maglinis kita tikang ha ngatanan nga mga hugaw han unud ngan han espiritu, ngan pag-hingpiton ta an pagkaputli ha kahad-luk ha Dios.

2Co 7:2 Abrihan an iyo mga kasingkasing tungud ha amon: waray namon gin-buhat nga maraut kontra hin usa ka tawo, waray tawo nga amon ginpabuhat hin sala, waray tawo nga amon ginlimbongan.

2Co 7:3 Waray ko ipamolong ini ha pag-hukom ha iyo hin sirot; kay nagsu-mat na ako hadto pa, nga aadi kamo ha amon mga kasingkasing ha pagka-matay ngan ha pagkabuhi upud na-mon.

2Co 7:4 Daku an pangahas ko ha pagya-kan ngadto ha iyo, daku an paghima-ya ko tungud ha iyo; puno ako hin paglipay, nagaawas an akon kalipay ha ngatanan namon nga mga kagol-anan.

2Co 7:5 Kay bisan ha pag abut namon ha Masedonia an amon mga unud waray pagpakapahuway, kondi ginpipiit ka-mi paluyo luyo; ha gowa mga pakipa-gaway, ha sulud mga kahadluk.

2Co 7:6 Kondi hiya nga naglilipay ha mga mapinaubsanon nga amo an Dios, naglipay ha amon pinaagi ha pag abut ni Tito;

2Co 7:7 Ngan diri la tungud ha iya pag abut, kondi tungud man han iya pag-lipay ha iyo, han pagsumat niya ha amon, han iyo mapait nga pagtingu-ha, ha iyo pagsubu, ha iyo kasindak tungud ha akon; ha pagkaagi nga nag-lipay ako hin labi pa.

2Co 7:8 Kay bisan kon ginsubu ko kamo tungud ha akon surat, waray ako pag-babasol; bisan kon nagbabasol ako hito (kay akon nakita nga adto nga surat nakasubu ha iyo bisan kon ha haliput la nga panahon),

2Co 7:9 Nalilipay ako niyan, diri nga nag-kasusubu kamo, kondi nga nagkasu-subu kamo ngadto ha paghinulsul; kay ginsubu kamo hin pagkadiosnon, basi diri kamo kawad-an hin bisan ano tungud ha amon.

2Co 7:10 Kay an kasubu nga diosnon na-bunga hin paghinulsul ngadto ha pag-kaluwas, an paghinulsul nga waray pagbasol: kondi an kalibutanon nga kasubu nabunga hin kamatayon.

2Co 7:11 Kay kitaa, amo ini nga butang, nga nakasubu ha iyo hin pagkadios-non, ¡mationan-o ka daku nga pag bantay an nahimo hito ha iyo, mati-onan-o nga depensa ha iyo ngahaw, mationan-o nga kasina, mationan-o nga kahadluk, mationan-o nga karu-yag, mationan-o nga kasindak, mati-onan-o nga pagbulus! Ha ngatanan nga mga bagay nagpahayag kamo nga mga putli ha buruhaton hito.

2Co 7:12 Busa, bisan kon nagsurat ako ha iyo, waray ako mag surat tungud han nagbuhat han diri amo, bisan tungud han nag antus han diri amo, kondi nga an iyo maopay gud nga pagmang-no ha amon mahapahayag unta ha iyo ha atubangan han Dios.

2Co 7:13 Busa ginlipay kami; ngan ha amon paglipay, nagkalipay kami hin labi tungud han kalipayan ni Tito, kay an iya espiritu nabag-o tungud ha iyo ngatanan.

2Co 7:14 Kay kon ha bisan ano nga bagay ako naghimaya ha iya tungud ha iyo, waray ko kaarawudan; kondi sugad nga amon iginyakan ha iyo an ngata-nan nga mga bagay ha kamatuuran, sugad man an amon paghimaya ha atubangan ni Tito nakita nga kamatu-uran.

2Co 7:15 Ngan iton iya higugma ha iyo naguraura ngada ha iyo, hin nahanu-numdum hiya han iyo ngatanan ka-magsinugtanon, ngan kon mationan-o an pagkarawat niyo ha iya nga may kahadluk ngan pangorog.

2Co 7:16 Nalipay ako nga ha ngatanan nga mga bagay mayada ko ha iyo hin pagsarig.



2Co 8:1 Niyan, mga kabugtoan, iginpapa-habaro namon ha iyo an grasia han Dios nga iginhatag ha mga singbahan ha Masedonia;

2Co 8:2 Kon mationan-o nga ha madamu nga pagpamatuud han kakurian an kahuraan han ira kalipayan ngan mga kakablasan namunga ngadto ha ira pagkamahatagon.

2Co 8:3 Kay ako nag papamatuud, nga sugad han ira sadang, ngan labaw pa han ira sadang, hira nanhatag ha ira kalugaringon nga kaburut-on,

2Co 8:4 Nga naghahangyo gud hira ha amon nahatutungud hini nga grasia ngan paghiangbit ha pag mangno ha mga baraan;

2Co 8:5 Ngan ini, diri sugad han amon ginlalaum, kondi siyahan iginhatag nira an ira mga kalugaringon ngadto ha Ginoo, ngan ngadi ha amon pina-agi han kaburut-on han Dios.

2Co 8:6 Ha pagkaagi nga naglaygay kami kan Tito, tungud nga hiya an nagtikang hini hadto pa, iya man unta paghingpiton ini nga grasia dida ha iyo.

2Co 8:7 Kondi sugad nga mga hura kamo ha ngatanan nga mga bagay; ha pagtoo, ngan ha sumat, ngan ha kinaad-man, ngan ha ngatanan nga kaabtik, ngan ha iyo gugma ha amon, buhaton man niyo nga mahura kamo hini nga grasia.

2Co 8:8 Waray ko igyakan ini sugad nga sogo, kondi ha pagsulay pinaagi ha kaabtik han iba ngan ha pagsulay man ha katangkud han iyo gugma.

2Co 8:9 Kay kamo maaram han grasia han aton Ginoo Jesukristo, nga, bisan kon hiya manggaranon, kondi tungud ha iyo hiya nakablasanon, basi nga pinaagi ha iya kakablasan magmang-garanon kamo.

2Co 8:10 Ngan hini ihahatag ko kon ano an akon paghukom: kay iyo la ini ka-opayan, nga hi kamo an siyahan nga magtikang hini ha natapus pa la nga tuig, nga diri la ha pag buhat, kondi sugad man ha pagbuut.

2Co 8:11 Kondi niyan tapusan man niyo unta an pagbuhat; sugad nga mga an-dam kamo ha pagbuut, sugad man ha pagtapus oyon ha iyo sadang.

2Co 8:12 Kay kon may ada pagandam, ito kinakarawat sugad han sadang han tawo, diri sugad han iya pagka-waray sadang.

2Co 8:13 Kay waray ko ini isiring nga an iba may maada kasayonan ngan ka-mo may maada kakurian;

2Co 8:14 Kondi ha kaangayan: iton iyo kahuraan amo niyan nga takna iton makakaayaw hit on ira kakulangan; basi nga iton hira kahuraan makaka-ayaw man hiton iyo kakulangan; basi may maada kaangayan:

2Co 8:15 Sugad han nahasurat na. An nagtirok hin damu waray bisan ano nga nahasalin; ngan an nagtirok hin gutiay waray pagkulangi.

2Co 8:16 Kondi salamat ha Dios, nga nag-hatag ha kan Tito kasingkasing hin sugad man nga masindak nga pag-mangno tungud ha iyo.

2Co 8:17 Kay ha pagkamatuud kinarawat niya an amon paglaygay; kondi tungud nan iya kasindak gud, inabut hiya nganhi ha iyo ha iya la kalugari-ngon nga kaburut-on.

2Co 8:18 Ngan amon iginpadara upud ha iya an bugto, nga an pagdayaw tu-ngud ha Maopay nga Sumat nahasa-rang ha ngatanan nga mga singbahan.

2Co 8:19 Ngan diri la ini, kondi nga gin-pili man hiya han mga singbahan ha paglakat upud namon tungud hini nga grasia nga ginmamangnoan na-mon tungud ha himaya han Ginoo, ngan pagpakita han amon pagkaan-dam:

2Co 8:20 Nga maglikay kita hini, nga bi-san hin-o maglibak ha amon tungud hini nga kahuraan nga amon ginma-mangno-an;

2Co 8:21 Kay hunahuna-on namon an mga dungganon nga mga bagay, diri la ha atubangan han Dios, kondi ha atubangan man han mga tawo.

2Co 8:22 Ngan amon pinaupud ha ira an aton bugto, nga aton na naproybahan nga masindak ha damu nga mga ba-gay, kondi niyan labi pa hin kasin-dak, tungud ha iya daku nga pagsarig ha iyo.

2Co 8:23 Bisan hin-o in magpakiana naha-tutungud kan Tito, kaupud ko hiya ngan kabulig ko hiya ha pagbuhat tu-ngud ha iyo; ó an aton mga kabug-toan, mga sorogoon hira han mga singbahan, ngan an himaya hira ni Kristo.

2Co 8:24 Busa ipahayag niyo ha ira ha atubangan ha mga singbahan an tiga-man han iyo gugma, ngan an paghi-maya namon tungud ha iyo.



2Co 9:1 Kay nahatutungud ha pagtabang ha mga baraan, waray ko na kina-hanglan hin pagsurat nganhi ha iyo:

2Co 9:2 Kay maaram ako ha iyo mga ka-andam, nga tungud ha iyo naghihima-ya ako ha mga taga-Masedonia, nga an Akaya naandam na hin usa ka tuig nga nagagi; ngan an iyo kasindak na-kapukaw han kadam-an ha ira.

2Co 9:3 Kondi akon ginsogo an mga ka-bugtoan, basi nga an amon paghima-ya tungud ha iyo hini nga pagkaagi diri mawaray kapulsanan; nga, sugad han akon iginsiring, magandam unta kamo;

2Co 9:4 Bangin nga may umupud ha akon nga taga-Masedonia ngan hiagian ka-mo nga diri mga andam, kami (nga diri kami masiring nga kamo) makaa-rawud ha amon ini nga amon pagsarig.

2Co 9:5 Busa ginhunahuna ko nga kina-hanglan an pag ampo ha mga kabugtoan nga maguna hira nganhi ha iyo, ngan an daman nira an iyo mga saad nga amot nga ini maandam, sugad hin mga kinasingkasing nga amot, ngan diri sugad ha mga linugus.

2Co 9:6 Kondi ako nasiring hini. An nag-pupugas hin kamaimot magaani man hin kamaimot; ngan an nagpupugas hin ha kahuraan mahura man an pag aanihon.

2Co 9:7 An tagsatagsa humatag sugad han oyon han iya kasingkasing; diri ha ka-subu ó ha kinahanglan; kay an Dios nahigugma ha malipayon nga huma-ratag.

2Co 9:8 Ngan an Dios makakahimo nga mahura kamo ha ngatanan nga grasia; basi nga kamo, nga hura gihapon ha ngatanan nga bagay, mahura ngadto ha ngatanan nga maopay nga buhat:

2Co 9:9 Sugad han nahasurat na: Iginsab-wag niya, ihinatag niya ha mga kab-las; an iya pagkamatadung nagdada-yon ha waray katapusan.

2Co 9:10 Ngan hiya nga nahatag hin liso ha magsarabwag ngan tinapay ha pag-kaon, mahatag ngan pagpapadamu-on an iyo liso nga igpupugas, ngan dudu-gangan niya an mga bunga han iyo pagkamagtadung:

2Co 9:11 Kamo nga mga bahandianon ha ngatanan nga bagay ngadto ha ngata-nan nga kamaghatagon, nga nagbubuhat pinaagi ha amon hin pagpasala-mat ha Dios.

2Co 9:12 Kay an pagbuhat hini nga turu-manon diri la nakakapuno ha mga ka-kulangan han mga baraan, kondi na-kakahura man tungud ha madamu nga pagpasalamat ha Dios.

2Co 9:13 Kay tungud hini nga pagproyba ha iyo pinaagi hini nga pagalagad, naghihimaya hira ha Dios tungud ha iyo pagkamagtinumanon ha iyo pag-tug-an ha Maopay nga Sumat ni Kristo, ngan tungud han pagkamahatagon han iyo amot ha ira ngan ha ngatanan;

2Co 9:14 Ngan hira man ngahaw, ha pag ampo tungud ha iyo, nagdudumdum ha iyo tungud han damu gud nga gra-sia han Dios ha iyo.

2Co 9:15 Salamat ha Dios tungud ha iya hatag, nga diri sadang mahaasoy ha mga polong.



2Co 10:1 Ako nga amo hi Pablo nangingin-yupo ha iyo tungud ha kaaghup ngan kamalomohay ni Kristo, hi ako nga ha atubangan niyo mapainubsanon, kondi kon diri ako upud niyo nasarig ako ha iyo;

2Co 10:2 Oo, naghahangyo ako ha iyo, nga kon maupud na ako ha iyo, diri unta ako magpakita hin pagsarig ha pagta-pud nga akon giniisip in kasina kon-tra ha mga naghuhunahuna nga an amon pangawi sugad ha unud.

2Co 10:3 Kay bisan kon nangagawi kami ha unud, waray kami pakikipagara-way sumala ha unud.

2Co 10:4 (Kay an mga hinganiban han amon pakipagaway diri mga lawas-non, kondi nga mga gamhanan ha atubangan han Dios ha pagguba ha mga kuta);

2Co 10:5 Ha pagguba ha mga hunahuna, ngan ha ngatanan nga hagtaas nga ba-gay nga kontra ha kinaadman han Dios, ngan pagbihag ha ngatanan nga hunahuna ngadto ha pagkatumanon kan Kristo;

2Co 10:6 Ngan andam kami ha pagbulus ha ngatanan nga diri magkasinugtanon, kon an iyo pagkamagsinugtanon pag-hingpiton.

2Co 10:7 Kamo natan-aw han mga bagay nga aada ha iyo atubangan. Kon may tawo nga nasarig ha iya kalugaringon nga hiya kan Kristo, paghunahuna-on man liwat niya ini ha iya kalugari-ngon, nga, kon kan Kristo hiya, su-gad man kami.

2Co 10:8 Kay bisan kon ako sugad hin angay maghimaya hin labi gud tu-ngud han amon kagamhanan (nga iginhatag han Ginoo ha pag parig-on ha iyo, ngan diri ha pagguba ha iyo), diri ko kaarawudan:

2Co 10:9 Basi nga diri hanugad nga ako naghahadluk ha iyo tungud ha akon mga surat.

2Co 10:10 Kay nasiring hira, nga an iya mga surat magbug-at ngan magkusug; kondi iton iya lawas maluya, ngan iton iya mga polong waray kapulsa-nan.

2Co 10:11 Adto nga sugad maghunahuna hini; nga, kon ano kami ha polong han mga surat kon waray kami didto, amo man kami ha mga buhat kon aada kami.

2Co 10:12 Kay diri kami pangahas ha pag-isip ó ha pagtanding ha amon ngadto ha iba nga nagpapakamaopay ha ira ngahaw; kondi hira nga naggigisukul-sukul ha ira la ngahaw, ngan naggigi-tarotanding ha ira la ngahaw, waray hin mga salabutan.

2Co 10:13 Kondi diri kami maghihimaya la-baw ha amon suruklan, kondi sugad han suruklan nga iginhatag ha amon han Dios, sugad nga suruklan basi nga makaabut man ngadto ha iyo.

2Co 10:14 Kay diri kami nagpalabaw hin pagdayaw ha amon mga suruklan, nga sugad nga waray kami pakaabut nganhi ha iyo: kay inabut kami bisan nganhi ha iyo ha Maopay nga Sumat ni Kristo:

2Co 10:15 Waray kami paghihimaya hin labaw ha amon suruklan, ha mga kinabudlayan han iba nga mga tawo; kondi kami naglalaum, nga sugad nga nagtitikatubu iton iyo pagtoo, magti-kadagku man kami dida ha iyo, sugad ha amon suruklan ngadto ha labi pa nga kahura-an,

2Co 10:16 Ha pagwali han Maopay nga Su-mat ngadto ha mga lugar nga unhan pa ha iyo, ngan diri paghimaya ha buhat han iba tungud ha mga bagay nga mga inandam na ha amon kamot.

2Co 10:17 Kondi an naghihimaya, maghi-maya ha Ginoo.

2Co 10:18 Kay diri adton nagpapakamao-pay ha iya kalugaringon an kinaruru-yag, kondi adton ginpapakamaopay han Ginoo.



2Co 11:1 Buut ko unta nga pagantuson niyo in gutiay nga akon kulang hin kahimurulsan; kondi ha pag kama-tuud nagaantus kamo ha akon.

2Co 11:2 Kay nangangabugho ako ha iyo ha pangabugho nga diosnon: Kay ipi-napakasal ko kamo ha usa nga asawa, basi nga ipakita ko kamo nga sugad hin usa nga uray kan Kristo.

2Co 11:3 Kondi nahahadluk ako, bangin ha bisan ano nga paagi, nga sugad nga hi Eva ginlimbongan hin usa nga ma-limbong nga halas, bangin man an iyo mga hunahuna pagrauton tikang ha kabunayag ngan kaputli nga ngadto kan Kristo.

2Co 11:4 Kay kon hiya nga tiarabut mag-wali hin lain nga Jesus nga waray na-mon igwali, ó kon kamo kumarawat hin lain nga espiritu, nga waray niyo karawata, ó lain nga Maopay nga Su-mat nga waray niyo karawata, ma-opay kon ginaantus unta niyo hiya.

2Co 11:5 Kay ginhuhunahuna ko nga bisan ha ano nga butang, diri gud ako ubus hadton mga bantugan kaopay nga mga apostol.

2Co 11:6 Kondi bisan ubus la an akon pag-yakan, kondi diri ako ubus ha kinaadman; ha pagkamatuud ha ngatanan nga paagi amon ini iginpahayag ha iyo ha ngatanan nga mga butang.

2Co 11:7 O ¿nakasala ba ako han akon pag paubus basi kamo pag bayawon, kay akon iginwali ha iyo an Maopay nga Sumat han Dios hin waray bayad?

2Co 11:8 Kinawat ko tikang ha iba nga mga singbahan, nga kinarawat ako hin suhul tikang ha ira basi nga maka-tabang ako ha iyo;

2Co 11:9 Ngan han nakadto ako ha iyo ngan nagkikinahanglan, waray ako makabug-at hin bisan hin-o ha iyo; kay an mga kabugtoan amo an nag-puno ha akon mga kinahanglan, han ira pag abut tikang ha Masedonia; ngan ha ngatanan nga mga bagay nag-likay ako ha pakabug-at ha iyo, ngan sugad hito magtatagam gud ako.

2Co 11:10 Sugad nga an kamatuuran ni Kristo hahani ha akon, waray tawo nga makakapugung ha akon hini nga paghimaya didto ha mga ginsakupan ha Akaya.

2Co 11:11 ¿Kay ano? ¿Tungud ba nga wa-ray ako paghihigugma ha iyo? An Dios an sayod.

2Co 11:12 Kondi an ginbubuhat ko, ito akon pagpapadayonon, basi pagutud ko ha katigayonan hadton naruruyag hin katigayonan; basi nga hadton ira ginhihimaya-an hiagi-an unta hira nga sugad ha amon.

2Co 11:13 Kay an sugad hini nga mga tawo mga buwa-on nga mga apostol, mag-limbong nga mga magburuhat, nga mga nagpapakaaroapostol ni Kristo.

2Co 11:14 Ngan diri makaurusa; kay bisan hi Satanas nag papakaaroangel han kahayag.

2Co 11:15 Busa diri ito daku nga bagay kon an iya mga ministro magpakamiromi-nistro han katadungan; nga an ira katapusan hanunugad la han ira mga buhat.

2Co 11:16 Nasiring na liwat ako; nga diri maghunahuna bisan hin-o nga tawo nga ako kulangkulang; kondi kon iyo man buut, karawata ako niyo nga su-gad hin kulangkulang, basi nga mag-himaya man ako hin gutiay.

2Co 11:17 An iginyayakan ko waray ko igyayakan sugad nga tikang ha Ginoo, kondi sugad nga kinulangku-lang, tungud hini nga pagsarig ha pag-himaya.

2Co 11:18 Busa kay damu an naghihimaya oyon ha unud, maghihimaya man ako.

2Co 11:19 Kay ha malipayon ginaantus niyo an mga kulangkulang, kay mag-kinaadmananon kamo.

2Co 11:20 Kay ginaantus niyo an usa ka tawo kon paguripnon kamo niya, kon lamayon kamo niya, kon biha-gon kamo niya, kon magpakahata-as hiya ha iya ngahaw, kon tampalohon kamo niya ha iyo nawong.

2Co 11:21 Iginyayakan ko ini pinaagi ha pagbungkag hin bantug, sugad hin nanluya na kami unta. Kon ha bisan ano nga bagay bisan hin-o maisug (nagyayakan ako ha waray kahimu-rulsan), ako maisug man.

2Co 11:22 ¿Mga Hebreohanon ba hira? Su-gad man ako. ¿Mga taga Israel ba hi-ra? Sugad man ako. ¿Mga katulinan ba hira ni Abraham? Sugad man ako.

2Co 11:23 ¿Mga ministro ba hira ni Kristo? (Nagyayakan ako sugad hin bu-ang), ako labaw pa; ha mga kabudla-yan labaw pa ako, ha mga bilanggoan labaw pa, ha mga paghampak labaw hin suruklan, ha kamatayon naka-damu na.

2Co 11:24 Han mga Judio nakalima ako karawat hin mga latob nga kulang na la hin usa nga mag kap-atan.

2Co 11:25 Nakatulo ako pag hampaka hin mga sungkod, nakausa ako pagbato-ha, nakatulo ako pag antus hin kalu-nud, usa ka adlaw ngan usa kagab-i nga nakadto ako ha kahiladman,

2Co 11:26 Ha paglakaton agsub, ha mga kakurian ha mga salog, ha mga kaku-rian han mga kawatan, ha mga kaku-rian tikang ha akon mga igkasi kahimungto, ha mga kakurian tikang ha mga Hentil, ha mga kakurian ha bungto, ha mga kakurian ha kamingawan, ha mga kakurian ha dagat, ha mga kakurian ha butnga han mga buwa-on nga mga kabugtoan;

2Co 11:27 Ha kabudlay ngan kasakit, ha mga pag agma agsub, ha kagutum ngan kauhaw; ha pagpuasa agsub, ha kahagkut ngan paghubo.

2Co 11:28 Labut pa hadton iba nga mga bagay, aada pa in nakakabug-at ha akon ha adlaw adlaw, nga amo an pa-ngarit ha ngatanan nga mga singbahan.

2Co 11:29 ¿Hin-o ba an linuya, ngan wa-ray ako luya? ¿Hin-o ba an may kati-gayonan ha paghipakdol, ngan waray ako magsiga?

2Co 11:30 Kon kinahanglan ko unta in hi-maya, maghihimaya ako ha mga ba-gay han akon kaluyahan.

2Co 11:31 An Dios ngan Amay han aton Ginoo Jesukristo, nga amo an daraye-gon ha mga katuigan maaram nga wa-ray ako pagbubuwa.

2Co 11:32 Ha Damasko an gobernador nga sakup ni Hadi Aretas nag bantay han bungto han mga taga-Damasko ha pagdakup ha akon:

2Co 11:33 Ngan tikang ha usa nga bentana han kuta gintonton ako dida hin alat, ngan nakapalagyw ako ha iya mga kamot.



2Co 12:1 Kinahanglan ko paghimaya, bisan kon diri ito igo; kondi paagion ko ini ha mga bisyon ngan ha mga pagpahayag han Ginoo.

2Co 12:2 Napulo na kag upat ka tuig in nag agi, kinilala ako hin usa nga tawo nga kristohanon, ini nga tawo ginagaw tubtub ha ikatulo nga langit, (kon ha lawas, ambut, kon gawas ha lawas ambut; an Dios an maaram),

2Co 12:3 Ngan hinbaroan ko an amo nga tawo (kon ha lawas, ó gawas ha lawas am but; an Dios an maaram),

2Co 12:4 Nga ginagaw hiya ngadto ha Paraiso ngan hinbatian niya an mga diri hipagyakan nga mga polong, nga diri tugot nga pagyaknan han tawo.

2Co 12:5 Tungud hini nga tawo maghihimaya ako; kondi tungud ha akon ngahaw diri ako maghihimaya; gawas ha akon mga kaluyahan.

2Co 12:6 Kay kon buut ako unta maghimaya ha akon, diri ako magiginkulangkulang; kay magyayakan ako han kamatuuran: kondi waray ako pagpadayon, bangin nga an iba maghunahuna hin labaw han iya hinkit-an, ngan hinbatian ha akon.

2Co 12:7 Basi nga diri ako magpakahataas hin labi tungud han kahura-an han mga pagpahayag, tinagan ako hin usa nga tunuk ha unud, usa nga sorogoon ni satanas ha pagtangpa ha akon, basi diri ako magpakahataas hin labi.

2Co 12:8 Nahatungud hini nga bagay, nanginginyupo ako ha Ginoo hin makatulo nga kuhaon ini tikang ha akon.

2Co 12:9 Ngan hiya siniring ha akon, Iton akon grasia igo ha imo: kay iton akon gahum mahihingpit ha kamalu-ya. Busa maghihimaya gud ako hin labi ha akon mga kaluyahan, basi nga an gahum ni Kristo mapabilin dinhi ha akon.

2Co 12:10 Busa nalilipay ako ha mga ka-maluyahon, ha mga pagpakaraut, ha mga kakablasan, ha mga pagtimaraut, ha mga kakurian, tungud kan Kristo: kay kon ako maluya, niyan makusug ako.

2Co 12:11 Nagpakabuang ako; ginlugus ako niyo; kay kinahanglan ako niyo pagpakaopayon. Kay bisan ha ano nga bagay diri ako ubus hadton mga labi nga bantugan nga mga apostol, bisan kon diri ako bisan ano man.

2Co 12:12 Ha pagkamatuud an mga tiga-man han usa nga apostol ginbuhat dinhi ha butnga niyo ha bug-os nga pagilub, pinaagi ha mga tigaman ngan ha mga katingalahan ngan magpaka-urusa nga mga buhat.

2Co 12:13 Kay ¿ha ano ba nga paagi nga ubus kamo ha iba nga mga singbahan, gawas nga waray ako makabug-at ha iyo? Pasayloa ako niyo hini nga ka-salanan.

2Co 12:14 Kitaa, ikatulo na ini nga andam ako ha pagkanhi ha iyo; ngan diri ako makabug-at ha iyo: kay diri ko pina-mimiling an iyo, kondi kamo: kay an mga anak diri kinahanglan magandam tungud ha mga kaganak, kondi an mga kaganak tungud ha mga anak.

2Co 12:15 Ngan ako tungud ha daku nga kalipay maghahalad ngan ighahalad tungud ha iyo mga kalag. Kon ginhi-higugma ko kamo hin labi, ¿hihigug-maon ba ako niyo hin ubus?

2Co 12:16 Kcndi maamo unta, waray ako makabug-at ha iyo; kondi tungud ha kama-abtik, hindakpan ko kamo nga daw ginlimbongan.

2Co 12:17 ¿Naglimbong ba ako ha iyo pi-naagi ha usa han akon mga ginsogo nganhi ha iyo?

2Co 12:18 Ginlaygayan ko hi Tito, ngan pinaupud ko ha iya an usa nga bugto. ¿Naglimbong ba hi Tito ha iyo? ¿Wa-ray ba kami mangawi hin sugad nga espiritu? ¿Waray ba kami manlakat hin sugad nga mga pitad?

2Co 12:19 Tingali nga naghuhunahuna ka-mo ha ngatanan hini nga panahon nga nagbabaribad kami ha iyo. Ha atubangan han Dios nagyayakan ka-mi kan Kristo. Kondi ini ngatanan nga mga bagay, mga hinigugma, tu-ngud ha iyo karig-onan.

2Co 12:20 Kay nahadluk ako, bangin la, nga ha pag abut ko, diri ko kamo hi-agian sugad han akon gintitinguha, ngan hiagian ako niyo sugad han diri niyo tinguha, bangin nga may maada mga pagkaawayaway, mga pangabug-ho, mga pagkasina, mga pagkabahin-bahin, mga paglinibakay, mga pag hi-nuringay, mga panlapsok, mga kasa-mokan:

2Co 12:21 Bangin kon ha akon pagkanhi li-wat ngadto ha iyo pagpaubson ako han Dios ha butnga niyo, ngan pagpa-sub-on ako tungud hadton damu nga nagpakasala, ngan waray pagbasol ha ira mga kamaghugaw ngan pakighila-was ngan kamagpakimalaw-ay nga ira ginbuhat.



2Co 13:1 Ikatulo na ini yana nga akon pag-kanhi ha iyo. Ha baba hin duha ó tu-lo nga mga testigo an tagsatagsa nga polong pagmamatuuron.

2Co 13:2 Iginsiring ko na, ngan natagna ako, sugad han nakanhi ako ha ika-duha, niyan nga waray ako dida ha iyo, ha mga nagpakasala hadto pa, ngan ha ngatanan nga nahasalin, nga, kon kumanhi na liwat ako, diri ako magpapasaylo.

2Co 13:3 Tungud nga kamo nagbibiling hin usa nga pagpamatuud nga hi Kristo nagyayakan dinhi ha akon; nga naha-tutungud ha iyo diri hiya maluya, kondi gamhanan ha iyo.

2Co 13:4 Kay iginraysang hiya ha krus tu-ngud han kamaluyahon, kondi nabu-hi hiya han gahum han Dios. Kay ka-mi man mga magluya ha iya, kondi magkakabubuhi kita upud ha iya tu-ngud han gahum han Dios mahitu-ngud ha iyo.

2Co 13:5 Pagproyba kamo ha iyo ngahaw, kon aada kamo ha pagtoo, proybahi niyo an iyo mga kalugaringon. idiri ba kamo ngahaw maaram, nga hi Kristo aada ha iyo? kon ka-mo isinikuway na

2Co 13:6 Kondi naglalaum ako nga haba-roan niyo nga diri kami mga hinuk-man hin sirot.

2Co 13:7 Niyan nagaampo kami ha Dios nga diri kamo magbuhat hin maraut; diri nga mahapahayag kami nga mga pinili, kondi nga pagbuhaton niyo an maopay, bisan kon kami sugad hin mga hinukman hin sirot.

2Co 13:8 Kay diri kami makakahimo hin bisan ano kontra ha kamatuuran, kondi an oyon han kamatuuran.

2Co 13:9 Kay nagkakalipay kami kon kami magluya, ngan kamo magkusug; igi-naampo man namon ini nga magkahi-hingpit kamo.

2Co 13:10 Tungud hini iginsurat ko ini nga mga bagay nga waray pa ako dida ha iyo, basi nga kon maaada na ako ha iyo diri ako magmaisug kaopay, oyon han kagamhanan nga iginhatag ha akon han Ginoo ha pagparig-on ngan diri ha pagbungkag.

2Co 13:11 Ha katapusan, mga kabugtoan, magkalipay kamo, magkahihingpit ka-mo; paglipayon kamo; magkaurusa kamo ha hunahuna; magdait kamo ha kamurayawan; ngan an Dios han pag higugma ngan paghidait ma aada ha iyo.

2Co 13:12 Magpangornustahay kamo upud an baraan nga paghinarokay.

2Co 13:13 An ngatanan nga mga baraan nangongomusta ha iyo.

2Co 13:14 An grasia han Ginoo Jesukristo, ngan an gugma han Dios, ngan an paghiangbit han Espiritu Santo mag-ukoy ha iyo ngatanan.



AMAZING GRACE BIBLE INSTITUTE