I Kay Timoteo


1Ti 1:1 Hi Pablo, nga apostol ni Kristo Jesus oyon ha sogo han Dios nga aton Manluluwas, ngan ni Kristo Jesus nga aton paglaum,

1Ti 1:2 Ngadto kan Timoteo, nga akon anak nga matuud ha pagtoo: An gra-sia, an kalooy, pag hidait, tikang ha Dios nga Amay ngan kan Kristo Jesus nga aton Ginoo.

1Ti 1:3 Sugad han paglaygay ko ha imo nga pumabilin ka ha Efeso, han pag-kadto ko ha Masedonia, basi nga mag-sogo ka hin pira ka tawo hin diri pag-tutdo hin iba nga pagtoron-an,

1Ti 1:4 Bisan pamati ha mga susugiron ngan mga listahan ha katulinan nga waray katapusan, nga nakakatubu ha mga paglaris labi lugud han pagkati-nugyanan han Dios nga ha pagtoo; amo ini an ginbubuhat ko niyan.

1Ti 1:5 Kondi an tuyo han turumanon amo an gugma tikang ha usa nga ka-singkasing nga putli ngan ha usa nga maopay nga konsiensia ngan maputli nga pagtoo;

1Ti 1:6 Nga tikang hini nga mga bagay an iba nanimang ngan nanmalik ha waray pulos nga yakan;

1Ti 1:7 Nga buut nira nga magiginparatutdo hira ha Kasogoanan, bisan diri hira maaram han ira mga ginyayakan, bisan han ira mga ginpapamatuuran.

1Ti 1:8 Kondi hinbaroan ta nga an Kaso-goanan maopay, kon iton gamiton han tawo ha kaangayan,

1Ti 1:9 Nga hinbaroan ini, nga an balaud waray pagbuhata tungud ha mata-dung, kondi tungud ha mga tampala-san ngan mga diri magsinugtanon, tu-ngud ha mga diri matinoohon ha Dios ngan mga magpakasasala, tu-ngud ha mga diri putli ngan mga pasi-parahon, tungud ha mga nakamatay han mga amay ngan nakamatay han mga iroy, tungud ha mga parapama-tay han mga tawo,

1Ti 1:10 Ha mga makihilawason, ha mga Sodomanhon, ha mga magkawat hin mga tawo, ha mga buwa-on, ha mga buwa-on nga mga testigo, ngan kon may iba pa nga butang nga nakontra ha maopay nga pagtoron-an;

1Ti 1:11 Sumala ha Maopay nga Sumat han himaya han Dios nga baraan, nga igintubyan ha akon.

1Ti 1:12 Nagpapasalamat ako ha nagpa-rig-on ha akon, nga amo hi Kristo Jesus nga aton Ginoo, kay ginisip ako niya nga matinumanon, ngan gintung-dan ako niya ha pag alagad ha iya;

1Ti 1:13 Bisan kon hadto pa parapasipa-ra ako, ngan paratimaraut, ngan para-hibang: kondi kinarawat ako hin ka-looy, kay ginbuhat ko adto ha kata-pangan ngan ha diri pagkamatinoo-hon;

1Ti 1:14 Ngan an grasia han aton Ginoo nahura kaopay upud ha pagtoo ngan gugma nga aada kan Kristo Jesus.

1Ti 1:15 Matinumanon an polong, ngan takus nga karawaton hin bug-os gud, nga hi Kristo Jesus kinanhi ha kalibu-tan ha pagluwas ha mga magpakasa-sala; nga ha ira hi ako an lalabawan:

1Ti 1:16 Kondi tungud hini nakarawat ko an kalooy, basi hi Jesukristo mag-pakilala pinaagi ha akon nga labaw, han iya pagkamapailubon nga susba-ranan han mga magtotoo unina ha iya ngadto ha kinabuhi nga waray ka-tapusan.

1Ti 1:17 Niyan ha Hadi ha mga katuigan, an diri mamamatay, an diri hikikit-an, an usa la nga Dios, an kadungga-nan ngan himaya ha mga katuigan ha mga katuigan. Amen.

1Ti 1:18 Ini nga sogo, anak ko nga Timo-teo, iginhahatag ko ha imo, sumala ha mga tagna nga nahatutungud ha imo, basi nga hito makipag away ka ha maopay nga away;

1Ti 1:19 Nga magbantay han pagtoo ngan han maopay nga konsiensia; nga igin-sikway han iba ngan nagkalulunud hira tungud ha pagtoo:

1Ti 1:20 Nga ha ira amo hi Himeneo ngan hi Ale¡andro; nga igintubyan ko kan Satanas, basi panutdoan hira ha pagkadiri mapasiparahon.



1Ti 2:1 Busa siyahan ha ngatanan, nag-laylaygay ako nga an mga pagpanga-muyo, mga pag ampo, mga pagtam-bulig, mga pagpasalamat, pagbuhaton tungud ha ngatanan nga mga tawo;

1Ti 2:2 Tungud ha mga hadi ngan tungud ha ngatanan nga may kagamhanan, basi magukoy kita ha mahusay ngan malinaw ha ngatanan nga pagtahud ha Dios ngan kaligdong.

1Ti 2:3 Kay ini maopay ngan maruruya-gon ha atubangan han Dios nga aton Manluluwas;

1Ti 2:4 Nga hiya buut, nga an ngatanan nga mga tawo maluwas, ngan nga makadangat ha pagkilala han kamatu-uran.

1Ti 2:5 Kay uusa la an Dios, ngan uusa man la an Manlalaban, ha butnga han Dios ngan han mga tawo, hiya nga-haw tawo, hi Kristo Jesus,

1Ti 2:6 Nga naghatag han iya kalugari-ngon nga lukat ha ngatanan; an pag-pamatuud ha iya igo nga mga pana-hon,

1Ti 2:7 Nga iya ako ginpili nga parawali ngan apostol (namomolong ako ha kamatuuran, waray ako magbuwa), magturutdo ha mga Hentil ha pagtoo ngan ha kamatuuran.

1Ti 2:8 Busa, buut ko nga an mga lalaki mag ampo ha bisan diin nga lugar, nga magbayaw hin mga magputli nga mga kamot, ha waray kangalas ngan paghibatonbaton hin polong.

1Ti 2:9 Sugad man, an mga babaye mag-pakaopay ha ira ha mga kaangayan nga panapton, mahadong ngan malig-dong; diri nga may tinalonay nga bu-hok, ngan bulawan, ó mutya, ó ma-hal nga panapton;

1Ti 2:10 Kondi, pinaagi ha mga maopay nga buhat (sugad ha nahaaangay ha mga babaye nga nag susunud ngan nagtatahud ha Dios).

1Ti 2:11 An babaye magtoon ngan waray aringasa ngan magmasinugtanon.

1Ti 2:12 Kondi diri ako natugot nga an ba-baye magtutdo, bisan nga paggahum ha lalaki, kondi nga magmamingaw.

1Ti 2:13 Kay hi Adan siyahan paghimo-on, ngan katapus, hi Eva;

1Ti 2:14 Kay hi Adan waray kalimbongi, kondi an babaye ha kalimbongi na, naholog ngadto ha pagtalapas:

1Ti 2:15 Kondi maluluwas hiya tungud ha pagpanganak niya, kon magpada-yon hira ha pagtoo ngan gugma ngan pagkaputli nga may pagkaligdong.



1Ti 3:1 Polong nga matinumanon, Kon an tawo magbiling ha katungdanan han obispo maopay nga buhat an iya ginbibiling,

1Ti 3:2 Busa, kinahanglan nga an obispo maopay an bantug, asawa han usa la nga babaye, maaram hin kasadangan, buutan, maligdong, malolooyon ha mga dumuruong, maaram ha pagtut-do;

1Ti 3:3 Diri parainum ha alaksio, diri ma-samok; kondi mahinayhinay, diri maki-aawayon, diri mahigugmaon ha salapi;

1Ti 3:4 Nga nagdadara hin maopay ha iya panimalay, ngan iton iya mga anak magmasinugtanon ha bug-os nga kaligdong;

1Ti 3:5 (Kondi kon an tawo diri maaram magmando ha iya kalugaringon nga panimalay, ¿oonan-on ba niya in pag mangno ha singbahan han Dios?)

1Ti 3:6 Diri bag-o nga kinabig, bangin magpalabilabi ngan maholog ha pag-kahinukman hin sirot han yawa.

1Ti 3:7 Ngan kinahanglan man nga may maada niya maopay nga bantug tikang ha mga aadto ha gowa, bangin hiya maholog ha karat-an ngan litag han yawa.

1Ti 3:8 Sugad man, an mga diakono ki-nahanglan nga magmaligdong, tang-kud ha pinolongan, diri parainum hin alaksio, diri iipahon ha salapi;

1Ti 3:9 Nga pagkaptan nira an tinago ha pagtoo ha putli nga konsiensia.

1Ti 3:10 Kinahanglan anay nga proyba-han ito; ngan panhimo-on hira nga mga diakono, kon waray nira mga ka-salanan.

1Ti 3:11 Sugad man an mga babaye kina-hanglan magmaligdong hira, diri mag-libak, maaram, magkasadangan ngan magtinumanon ha ngatanan nga mga bagay.

1Ti 3:12 An mga diakono mangasawa hin usa la nga babaye, ngan magmando hin maopay han ira mga anak ngan panimalay.

1Ti 3:13 Kay an mga diakono nga naga-lagad hin maopay nakakarawat ha ira kalugaringon hin maopay nga kahim-tang, ngan daku nga pangahas ha pag-too nga amo kan Kristo Jesus.

1Ti 3:14 Nagsurat ako ha imo hini nga mga butang, ngan naglalaum ako hin pagkanhi layon ha imo;

1Ti 3:15 Kondi kon magiha ako, nga ha-baroan mo kon oonan-on an pag ga-wi han mga tawo dida ha balay han Dios, nga amo an singbahan han buhi nga Dios, an harigi ngan sandigan han kamatuuran.

1Ti 3:16 Ngan ha waray paglantugi daku an tinago han pag kadiosnos; Hiya nga pinanhayag han unud, nga ginpa-kamatadung ha Espiritu, nga pinaki-kita han mga angel, iginwali ha mga nasud, gintoohan han kalibutan, gin-bayaw ha kahimayaan.



1Ti 4:1 Kondi an Espiritu nasiring gud ha dayag, nga ha orhi nga panahon an iba magkakaholog tikang ha pagtoo, manmamati ha mga maglimbong nga mga espiritu, ngan ha mga pagtoron-an han mga yawa.

1Ti 4:2 Pinaagi ha kasalingkapaw han mga tawo nga nagyayakan hin mga buwa, mag-ulat ha ira mga kalugari-ngon nga konsiensia sugad ha binaga nga puthaw;

1Ti 4:3 Mga nagdudumiri ha pangasawa, ngan nagsosogo hin diri pagkaon hin mga unud nga ginbuhat han Dios basi karawaton nira nga may pagpa-salamat hadton may pagtoo ngan ma-kilala han kamatuuran.

1Ti 4:4 Kay an ngatanan nga binuhat han Dios magopay, ngan waray bisan ano nga sadang isikway. Kon iton karawa-ton nga may pagpasalamat:

1Ti 4:5 Kay ito ginpakaputli pinaagi ha polong han Dios, ngan han pag am-po.

1Ti 4:6 Kon amo ini an imo igpasabut ha mga kabugtoan, magmamaopay ka nga ministro ni Kristo Jesus, ginpaka-on han mga polong han pagtoo ngan han maopay nga pagtoron-an nga imo ginsunud ngada niyan:

1Ti 4:7 Kondi isikway an mga susugiron nga mayubiton ngan mga susugiron han mga tigurang nga kababayinan. Ngan maghiara ka ha diosnon:

1Ti 4:8 Kay an pagihirsisio nga lawas-non gutiay la an kapulsanan; kondi an pagtahud ha Dios kapulsanan ha ngatanan nga mga bagay, nga iginsaad hini niyan nga kinabuhi ngan hadton tiarabut pa.

1Ti 4:9 Polong nga matinumanon ini, ngan takus gud karawaton han ngata-nan.

1Ti 4:10 Kay tungud hini nagbubuhat ki-ta ngan nagtitinguha, kay naglalaum kita ha Dios nga buhi, nga amo an Manluluwas han ngatanan nga mga tawo, labi na gud hadton mga nagto-too.

1Ti 4:11 Igsogo ngan igtutdo mo ini nga mga bagay.

1Ti 4:12 Waray magtamay han imo kaba-tan-on, kondi maginsusbaran ka had-ton mga nagtotoo, ha polong, ha bata-san, ha gugma, ha pagtoo, ha kaputli.

1Ti 4:13 Ngada hiton akon pagkanhi, magpadayon ka ha pagbasa, ha pag-laygay, ha pagtutdo.

1Ti 4:14 Ayaw bayai an baraan nga hatag nga aada ha imo, nga iginhatag ha imo tungud han tagna, upud han pag-doon ha mga kamot han presbitirio.

1Ti 4:15 Magmaabtik ka hini nga mga ba-gay; buhata gud ini nga mga bagay; basi nga an imo kauswagan mahapa-hayag ha ngatanan.

1Ti 4:16 Magmatngon ka ha imo kaluga-ringon, ngan ha imo pagtutdo. Pada-yon hini nga mga bagay; kay kon amo ini an imo pagbuhaton maluwas ka ngan an imo mamarati:



1Ti 5:1 Ayaw pagsawaya ha usa nga tigu-rang, kondi iglaygay mo hiya sugad ha amay; an mga olitawohay sugad ha mga kabugtoan:

1Ti 5:2 An mga tigurang nga babaye su-gad ha mga iroy; an mga daraga sugad ha mga kabugtoan nga kababayinan, ha bug-os nga kaputli.

1Ti 5:3 Higugma-a ngan amoti an mga balo nga mga babaye nga mga balo man gud ha pagkamatuud.

1Ti 5:4 Kondi kon may ada balo nga ba-baye, nga may mga anak ó mga apo, magaram anay hira ha pagtahud ha ira kalugaringon nga panimalay, ngan ha pagbalus ha ira mga kaganak: kay ini kinaruruyag ha atubangan han Dios.

1Ti 5:5 Niyan an matuud gud nga balo nga babaye, ngan naguusa-an, nagla-laum ha Dios, ngan nagpapadayon ha pangamuyo ngan pag ampo ha gab-i ngan ha adlaw.

1Ti 5:6 Kondi an nabubuhi ha kalipay, patay hiya, bisan kon buhi pa.

1Ti 5:7 Igsogo ini nga mga bagay man, basi nga mawaray kasawayan.

1Ti 5:8 Kondi kon mayada an diri mag-patigayon ha iya kalugaringon, labi na gud ha iya panimalay, naglirong na hiya han pagtoo, ngan mamaraut pa ha diri matinoohon.

1Ti 5:9 Ayaw paglista hin bisan hin-o nga balo nga babaye nga ubus pa ha ka-unman ka tuig, nga naasawa ha usa la nga lalaki;

1Ti 5:10 Nga may ban tug hiya ha mao-pay nga mga buhat; kon nag ataman hiya ha mga anak, kon malolooyon hiya ha mga dumuruong, kon nagpu-sa hiya ha mga tiil han mga baraan, kon nagtabang hiya ha mga masakiton, kon iya gud ginsunud an ngata-nan nga magopay nga buhat.

1Ti 5:11 Kondi an mga batan-on nga mga balo nga babaye ayaw iglista: kay kon makiaawayon hira kontra kan Kristo, buut hira papangasawa;

1Ti 5:12 Nga ginhukman hira hin sirot, kay ira isinikway an ira una nga saad.

1Ti 5:13 Ngan nanhabaro man hira ha mga kahubya, pagpinanongbalay; ngan diri la mga kahubya, kondi mag-libak ngan maglabut, nga magyakan ha mga bagay nga diri angay pagyak-nan.

1Ti 5:14 Busa, buut ko nga an mga ba-tan-on nga mga balo papangasawa, manganganak, magmangno ha pani-malay, ngan nga diri maghatag hin katigayonan ha kaaway hin paglibak:

1Ti 5:15 Kay may ada na an mga nagba-lik ha pag sunud kan Satanas.

1Ti 5:16 Kon may ada babaye nga natoo nga may ada kaurupud nga mga balo nga babaye, pag atamanon hira niya, ngan diri an singbahan an papagdad-on; basi an singbahan mag ataman ha mga matuud gud nga balo nga ba-baye.

1Ti 5:17 An mga ansiano nga mga mao-pay an pagdara isipon hira nga mga takus ha doble nga kadungganan, labi na gud an mga nagbubudlay ha pag-wali ngan ha panutdo.

1Ti 5:18 Kay an kasurat nasiring: Diri mo pagbutangan hin bangot an baka kon mag gigiok hiya hin mais. Ngan an nagbubuhat takus ha iya suhul.

1Ti 5:19 Kontra ha usa nga ansiano diri ka kumarawat hin sumbung, kon diri mayada duha ó tulo nga mga testigo.

1Ti 5:20 Niyan iton hira nga makasala sa-waya, ha atubangan ha ngatanan, basi nga an iba mahadluk man.

1Ti 5:21 Gintugon ko ikaw ha atubangan han Dios, ngan ni Kristo Jesus, ngan han mga angel nga mga pinili, nga ba-bantayan mo ini nga mga bagay ha waray pinalabi, ngan diri magbuhat hin bisan ano nga pagmaorog.

1Ti 5:22 Ayaw pag kaput hin dagmit ha bisan hin-o, bisan pakig angbit han mga sala han iba: pagmangno nga ma-putli ka.

1Ti 5:23 Diri ka na mag inum hin tubig la, kondi gamit hin gutiay nga alak-sio tungud ha imo tiyan ngan ha imo agsub nga mga sakit.

1Ti 5:24 An mga sala han iba nga mga tawo mga dayag gud, nga naguuna ngadto ha paghurukman hin sirot, ngan an iba nga mga tawo an ira sala nasunud la ha orhi.

1Ti 5:25 Ha amo man nga paagi mayada mga maopay nga buhat nga dayag gud; ngan an mga diri amo, diri sa-dang matago.



1Ti 6:1 An kadam-an nga mga uripon nga aada ha ilarum han yugo isipon nira an ira mga agaron nga takus ha ngata-nan nga kadungganan, basi nga diri pagpasiparahon an ngaran han Dios ngan an pagtoron-an.

1Ti 6:2 Ngan an mga may ada agaron nga magtinoohon, diri hira magtamay ha ira, kay magburugto man hira; kondi mag alagad hira ha ira hin labi pa ka-opay, kay an mga nakarawat han ka-opayan mga magtinoohon ngan mga hinigugma. Igtutdo ngan iglaygay ini nga mga butang.

1Ti 6:3 Kon may tawo nga magtutdo hin lain nga pagtoron-an, ngan waray ooyon ha mga maopay nga polong nga amo an mga polong han aton Ginoo Jesukristo, ngan ha pagtoron-an nga angay ha pagtahud ha Dios;

1Ti 6:4 Palabilabihon hiya, nga waray hinbaroan nga bisan ano, kondi maki-lalantugion, ngan makimasamok ha mga polong, diin titikang an kaawa, an pagkabahinbahin, an mga paglibak, ngan mga maraut nga hunahuna,

1Ti 6:5 Mga pagkasuhaysuhay han mga tawo nga mga dunot an hunahuna, ngan nagkawawad-an han kamatuu-ran, ngan mga nagdudumdum hira nga an pagtahud ha Dios amo an usa nga dalan ha pagtubu.

1Ti 6:6 Kondi daku nga pagtubu an pag-tahud ha Dios upud ha kaiipay:

1Ti 6:7 Kay waray ta gindara nga bisan ano nganhi ha kalibutan, ngan diri sa-dang ta pagdadad-on nga bisan ano ha paggowa;

1Ti 6:8 Kondi nga may ada ta kinakaon ngan igintatabon maglipay kita tu-ngud hini.

1Ti 6:9 Kondi an mga naghuhunahuna ha pagkamanggaranon nagkahoiog ngadto ha pagsulaya ngan panhilitag ngan damu nga mga tinuyaw ngan makahi-ribang nga mga kaipa, nga nakakalu-mus ha mga tawo ha pagkaguba ngan pagkawara.

1Ti 6:10 Kay an gugma ha salapi amo an usa nga gamut han ngatanan nga ka-rautan: ngan an tinguha han iba ha salapi amo an nagsimang ha ira pagtoo, ngan nagtugub ha ira hin damu nga kasakitan.

1Ti 6:11 Kondi ikaw, O tawo han Dios, paglikay hini nga mga bagay; ngan pagsunda an katadungan, an pagta-hud ha Dios, an pagtoo, an paghigug-ma, an pagilub, an pagkaaghup.

1Ti 6:12 Pakig away hin maopay nga pa-kig away ha pagtoo, dakpa an kina-buhi nga waray katapusan, nga tu-ngud hito gin ta wag ka, ngan nagtug-an ka han maopay nga pagtug-an ha atubangan han damu nga mga testi-go.

1Ti 6:13 Nagsosogo ako ha imo atuba-ngan han Dios, nga naghahatag hin kinabuhi ha ngatanan nga mga bagay, ngan ni Kristo Jesus, nga nagtestigo ha maopay nga pagtug-an ha atuba-ngan ni Poncio Pilate;

1Ti 6:14 Nga bantayan mo an sogo, hin waray buring, nga waray kasawayan, ngada ha pagpahayag han aton Ginoo Jesukristo:

1Ti 6:15 Nga ha iya kalugaringon nga pa-nahon magpapahayag hiya, nga amo la an baraan nga Darayawon, an Hadi han mga hadi, ngan Ginoo han mga kaginoohan;

1Ti 6:16 Nga amo la an diri mamaratyon, nga naguukoy ha kalamrag nga diri gud sadang harani-an; nga waray bi-san hin-o nga tawo nga nakakita, bi-san sadang makakita: nga ha iya an kadungganan ngan an kagamhanan nga waray katapusan. Amen.

1Ti 6:17 Sogoa adton mga manggaranon hini yana nga panahon, nga diri hira magpakahataas, ngan diri nira ibu-tang an ira paglaum dida ha diri ka-marig-on han mga bahandi, kondi ha Dios, nga nahatag ha aton hin kahu-raan ha ngatanan ha pagkalipay;

1Ti 6:18 Nga magbuhat hira hin maopay, nga mamanggaran hira ha magopay nga mga buhat, nga maandam hira ha panhatag, ngan ha kalooy;

1Ti 6:19 Nga nagtitirok ha ira kalugari-ngon hin maopay nga patukuran an-dam han tidara-on nga panahon, basi nga madakup nira an kinabuhi nga amo an kinabuhi ngatotoo.

1Ti 6:20 O Timoteo, bantayi an igintub-yan ha imo, lingiw tikang ha mga ya-kan nga diri mga espirituhanon, ngan ha mga pagkontra han mga buwa nga gintawag nga kaaram;

1Ti 6:21 Nga an iba ha pag pamatuud hito, nagsayup nahatutungud ha pag-too. An grasia umupud ha imo.



AMAZING GRACE BIBLE INSTITUTE