I Mga Taga-Tesalonica


1Th 1:1 Hi Pablo, ngan hi Silbano, ngan hi Timoteo, ngadto ha singbahan han mga taga Tesalonika ha Dios nga Amay ngan ha Ginoo Jesukristo: an grasia ngan an kamurayawan magin iyo.

1Th 1:2 Nagpapasalamat kami gihapon ha Dios tungud ha iyo ngatanan, nga gin-ngangaranan kamo namon ha amon mga pag ampo;

1Th 1:3 Ha atubangan han aton Dios ngan Amay nahanunumdum kami gihapon han iyo buhat ha pagtoo ngan kabud-lay han paghigugma ngan pagilub han paglaum, ha aton Ginoo Jesukristo;

1Th 1:4 Mga kabugtoan nga mga hinigug-ma han Dios, hinbaroan namon, nga kamo mga pinili,

1Th 1:5 Kay an amon Maopay nga Sumat waray umabut ha iyo ha polong la, kondi sugad man ha gahum, ngan ha Espiritu Santo, ngan hin daku gud nga karig-onan; sugad nga iyo man hinbaroan kon ano an amon pangawi tungud ha iyo mga kaopayan.

1Th 1:6 Ngan nagsubad kamo ha amon, ngan ha Ginoo, nga iyo kinarawat an polong hin daku nga kagol-anan, nga may kalipay ha Espiritu Santo;

1Th 1:7 Ha pagkaagi nga nahimp kamo nga susbaranan ha ngatanan nga mga tumoo nga aadto ha Masedonia ngan ha Akaya.

1Th 1:8 Kay tikang ha iyo an polong han Ginoo nahasangyaw, diri la ha Mase-donia ngan ha Akaya, kondi ha tagsa nga lugar an iyo pagtoo ha Dios naha-sangyaw; ha pagkaagi nga waray na namon kinahanglan hin pagyakan hin bisan ano pa.

1Th 1:9 Kay hira ngahaw nagsusumat na-hatutungud ha amon kon mationan-o an amon paglaoy ha iyo; ngan kon ano an iyo pagbalik tikang ha mga la-dawan, ngadto ha pag alagad ha buhi ngan matuud nga Dios,

1Th 1:10 Ngan paghulat ha iya Anak nga tikang ha langit, nga iya ginbanhaw tikang ha mga minatay, nga amo hi Jesus, nga nagluluwas ha aton tikang ha tiarabut nga kasina.



1Th 2:1 Kay kamo ngahaw, mga kabugto-an, maaram nga an amon paglaoy ha iyo diri hin waray kapulsanan.

1Th 2:2 Kamo maaram nga didto ha Fili-pos kami nag antus ngan mga ginpa-kaalohan na, nangahas gud kami ha aton Dios ha pag yakan ha iyo han Maopay nga Sumat han Dios ha daku nga kasamokan.

1Th 2:3 Kay an amon paglaygay diri ha kasaypanan, bisan ha kahugaw, bisan ha limbong:

1Th 2:4 Kondi sugad nga ginproybaran kami han Dios ha pagtapuri han Ma-opay nga Sumat, busa amo ini nga pagyakan namon; diri ha pakalipay ha mga tawo, kondi ha Dios nga amo an nagproyba ha aton mga kasingka-sing.

1Th 2:5 Kay bisan san-o nga panahon wa-ray gud kamo hiagii nga gumamit hin mga polong han pagpadayaw, sugad han iyo hinbaroan, bisan kurigmus han kaipa, an Dios amo an testigo;

1Th 2:6 Ngan waray kami mangita hin hi-maya ha mga tawo, bisan ha iyo ó bi-san ha iba, nga sadang kami unta ma-kasangpit hin pagburut-an tungud nga mga apostol kami ni Kristo.

1Th 2:7 Kondi magtalonoy kami ha but-nga niyo, sugad hin usa nga yaya nga naguugay ha iya kalugaringon nga anak:

1Th 2:8 Tungud hini, naghigugma gud ka-mi ha iyo, ngan naruruyag kami, diri la ha paghatag ha Maopay nga Sumat han Dios, kondi sugad man an amon mga kalag, tungud kay mga hinigug-ma kamo namon.

1Th 2:9 Kay nanhihinumdum kamo, mga kabugtoan, han amon mga kabudla-yan ngan mga kakurian: nga nagbuhat kami ha gab-i, ngan ha adlaw, nga diri kami magpakabug-at ha bisan hin usa ha iyo, ngan nagwali kami ha iyo han Maopay nga Sumat han Dios.

1Th 2:10 Kamo, ngan sugad man an Dios, amon mga testigo, kon mationan-o hin kabaraan, ngan kamag tadung ngan pag kadiri badlongon han amon mga gawi ngadto ha iyo nga mga nagtotoo:

1Th 2:11 Hinbaroan niyo an amon pag-ataman, pag paalagad, pagpasarig, ngan pagtestigo ha tagsa tagsa ha iyo, sugad hin usa nga amay ha iya kalu-garingon nga mga anak,

1Th 2:12 Basi nga mangawi kamo ha ka-angayan han Dios nga amo an nagta-tawag ha iyo ngadto ha iya ginhadian ngan kahimayaan.

1Th 2:13 Ngan tungud hini nga hinung-dan, kami nagpapasalamat ha Dios hin waray udong udong, nga, han iyo pagkarawat ha amon han baraan nga polong han sumat, nga amo an po-long han Dios, iyo kinarawat ito, diri sugad nga polong han mga tawo, kon-di, ha pagkamatuud, nga polong han Dios, nga nagbubuhat man dida ha iyo nga mga nagtoo.

1Th 2:14 Kay kamo, mga kabugtoan, nag-subad man kamo ha mga singbahan han Dios ha Judea nga kan Kristo Jesus: kay nag antus man kamo hin su-gad nga mga bagay tikang ha iyo mga igkahimungto, sugad man hira nag antus tikang ha mga Judio;

1Th 2:15 Nga hira an nagpatay ha Ginoo nga hi Jesus ngan ha mga manaragna, ngan nagtabog ha amon, ngan waray makalipay ha Dios, ngan kontra ha ngatanan nga mga tawo;

1Th 2:16 Gindid-an kami nira ha pag ya-kan ngadto ha mga Hentil basi hira maluwas; ha kapuno nira gihapon ha mga sala: kondi an kasina naabut gi-hapon ha ira tubtub ha uraura na.

1Th 2:17 Kondi kami, mga kabugtoan, nga nawad-an ha iyo ha gutiay nga panahon, ha pagatubang nga lawas-non, diri ha kasingkasing, nananiguro gud kami hin pagkita ha iyo nawong:

1Th 2:18 Kay buut gud kami kumadto ha iyo, ako hi Pablo, ha makausa ngan makaduha; kondi hi Satanas nag ul-ang ha amon.

1Th 2:19 Kay ¿ano ba an amon paglaum, ó kalipay, ó podongpodong han hi-maya? ¿Diri ba hi kamo ha atuba-ngan han aton Ginoo nga hi Jesus ha iya pag abut?

1Th 2:20 Kay kamo amo an amon himaya ngan kalipay!



1Th 3:1 Busa, han waray na namon ka aantus, amon ginhunahuna nga ma-opay an pabilin didto ha Atenas hin uusa la;

1Th 3:2 Ngan ginsogo namon hi Timoteo, nga aton bugto ngan ministro han Dios ha Maopay nga Sumat ni Kristo, ha pagparig-on ha iyo, ngan paglipay ha iyo nahatutungud han iyo pag-too.

1Th 3:3 Basi nga waray usa ka tawo nga masamokan hini nga mga kagol-anan; kay kamo ngahaw maaram nga tu-ngud hini pinanungdan kita.

1Th 3:4 Kay ha pagkamatuud han upud pa kami niyo, nagsumat kami ha iyo nga daan nga kami mag a-antus hin kagol-anan; sugad han nahanabu, ngan iyo hinbaroan.

1Th 3:5 Tungud hini nga kaagi, hi ako man, han waray ko na kaaantus, nag-sogo ako basi nga maaram ako han iyo pagtoo, bangin kon ha ano nga paagi kamo ginsulay han manunulay, ngan an amon buhat mawaray kapul-sanan.

1Th 3:6 Kondi niyan nga binalik na hi Ti-moteo tikang ha iyo, nga nagdara ha amon hin magpakalilipay nga mga su-mat hionong iton iyo pagtoo ngan paghigugma, ngan maopay gihapon iton iyo paghinumdum ha amon, ngan nagtitinguha kamo hin pakig-kirita ha amon, sugad man kami ha iyo;

1Th 3:7 Tungud hini nga hinungdan, mga kabugtoan, nalipay kami tungud ha iyo, ha ngatanan namon nga kakurian ngan mga kagol-anan, tungud ha iyo pagtoo:

1Th 3:8 Kay niyan nangabuhi na kami, kon kamo manrig-on ha Ginoo.

1Th 3:9 Kay ¿ano ba nga pagpasalamat an sadang liwat namon ihatag ha Dios tungud ha iyo, tungud ha ngatanan nga kalipayan nga amon kinalipayan tungud ha iyo, ha atubangan han aton Dios;

1Th 3:10 Gab-i ngan adlaw nag aampo ka-mi hin duro, basi nga makakita kami unta ha iyo nawong, ngan kapun-an namon an kakulangan han iyo pag-too?

1Th 3:11 Niyan, gabay na nga an Dios ngan Amay naton, ngan an aton Gi-noo nga hi Jesus magmando ha amon paglakat nganhi ha iyo:

1Th 3:12 Ngan an Ginoo magpatubu ngan magdugang ha iyo gugma ha usa kag usa, ngan ha ngatanan nga mga tawo, ha sugad nga kaagi nga kami nahigug-ma ha iyo;

1Th 3:13 Amo in kasugad nga an iyo mga kasingkasing pagparig-onon niya nga diri pagbadlongon ha kaputli, ha atu-bangan han aton Dios ngan Amay, ha pagkanhi han aton Ginoo nga hi Jesus upud an iya ngatanan nga mga ba-raan.



1Th 4:1 Busa ha katapusan, mga kabugtoan, nanginginyupo ngan naglalay-gay kami ha iyo ha Ginoo nga hi Jesus, nga, sugad ha iyo nakarawat ha amon kon oonan-on ta in pag gawi ngan pag pakaruruyag ha Dios, sugad man ha iyo pangawi,--nga mahura pa gud kamo.

1Th 4:2 Kay kamo maaram na kon ano nga mga tugon an amon ha iyo igin-hatag tungud ha Ginoo nga hi Jesus.

1Th 4:3 Kay an kaburut-on han Dios amo ini, an pagka putli ha iyo, nga magli-kay kamo ha pagpakighilawas.

1Th 4:4 Nga an tagsatagsa ha iyo mahaba-ro ha pagtipig ha iya kalugaringon nga surudlan ha pagkaputli ngan ha kadungganan.

1Th 4:5 Diri ha kaipa ha diri asawa, sugad ha mga Hentil nga diri nakilala ha Dios;

1Th 4:6 Basi nga waray tawo nga magpa-sipara, ngan maglimbong ha iya bugto hini nga bagay: kay an Dios amo an magbabalus ha ngatanan hini nga mga bagay, sugad han amon iginta-gam na ha iyo ngan gintestigosan.

1Th 4:7 Kay waray kita pagtawaga han Dios tungud ha kahugawan, kondi tu-ngud ha pagkaputli.

1Th 4:8 Busa an nagsisikway, waray pag-sisikway han tawo, kondi han Dios, nga naghatag ha iyo han iya Espiritu Santo.

1Th 4:9 Kondi nahatutungud han gugma nga minagburugto, waray niyo kina-hanglan nga may ada pagsurat ha iyo: kay kamo ngahaw gintutdoan han Dios ha pagsihigugmaanay ha usa kag usa;

1Th 4:10 Kay ha kamatuuran iyo ini gin-buhat ha ngatanan nga mga kabugto-an nga aadto ha bug-os nga Masedo-nia. Kondi naglaylaygay kami ha iyo, mga kabugtoan, nga mahura pa gud kamo hin labi.

1Th 4:11 Ngan magtinguha kamo ha pag kamamingaw, ngan pagbuhat ha iyo mga lugaringon nga buruhaton, ngan pagbuhat ha iyo mga lugaringon nga mga kamot, sugad han amon igintu-gon ha iyo;

1Th 4:12 Basi nga an iyo pangawi makig angay ngadto ha mga tawo ha gawas, ngan diri na kamo magkinahanglan hin bisan ano.

1Th 4:13 Kondi diri namon buut, mga ka-bugtoan, nga kamo diri manhabaro ha nahatutungud han mga nanhinga-turog, nga diri kamo magsubu, sugad han iba nga waray paglaum.

1Th 4:14 Kay kon kita magtoo nga hi Jesus namatay ngan nabanhaw, sugad man hira nga nanhingaturog kan Jesus pagdadad-on man hira han Dios upud ha iya.

1Th 4:15 Kay ini isinisiring namon ha iyo sugad ha polong han Ginoo, nga kita nga mga buhi, nga nanhibilin ngada ha pag abut han Ginoo, diri kita manhihiuna hadto nga nangangaturog.

1Th 4:16 Kay an amo nga Ginoo ha usa nga pagsinggit, ngan ha tingug han punoan han mga angel, ngan ha budyong han Dios, malusad tikang ha langit: ngan an mga patay nga aada kan Kristo mauna hin pagkababanhaw.

1Th 4:17 Niyan kita nga mga buhi, nga manhibilin, babayawon kita upud ha ira ha mga dampug, ha pagtapo ha Ginoo didto ha hangin: ngan tungud hini mahauupud kita gihapon ha Ginoo.

1Th 4:18 Busa maglinipayay kamo an usa kag usa hini nga mga polong.



1Th 5:1 Kondi nahatutungud ha mga pa-nahon ngan ha mga takna, mga ka-bugtoan, waray niyo kinahanglan nga bisan ano nga igsurat pa nganhi ha iyo.

1Th 5:2 Kay kamo ngahaw mag aram na gud nga an adlaw han Ginoo maabut sugad hin usa nga kawatan ha kagab-ihon,

1Th 5:3 Kon magsiring hira, Pakigdait ngan karig-onan, ha kadagmitan an pagkabungkag maabut ha ira, sugad hin oras han pag anak ha sagpon nga babaye; ngan diri gud hira makaka-palagyw.

1Th 5:4 Kondi kamo, mga kabugtoan, waray kamo dida ha kasisidman, basi nga kamo kalitan hadto nga adlaw su-gad han kawatan.

1Th 5:5 Kay kamo ngatanan mga anak han kalamrag, ngan mga anak han ad-law: diri kita kanan gab-i, bisan ka-nan kasisidman;

1Th 5:6 Busa diri kita mangaturog, sugad han iba, kondi magagma kita ngan magmaligdong.

1Th 5:7 Kay an mga nangaturog, nanga-turog ha gab-i; ngan an mga hubug, nanhubug ha gab-i.

1Th 5:8 Kondi kita, nga kanan adlaw, magmaligdong kita, nga magsul-ut kita han taming han pagtoo ngan pag-higugma; ngan han kalasag han pag-laum han kaluwasan.

1Th 5:9 Kay waray kita han Dios pag-tungdi ngadto ha kangalas, kondi ngadto ha pagkarawat hin kaluwasan tungud ha aton Ginoo Jesukristo,

1Th 5:10 Nga namatay tungud ha aton, nga, bisan kita magmata ó mangatu-rog, magkabubuhi kita upud ha iya.

1Th 5:11 Busa maglinaygayay kamo an usa kag usa, ngan magrinig-onay kamo an usa kag usa, sugad man han iyo ginbubuhat.

1Th 5:12 Kondi nanganginyupo kami ha iyo, mga kabugtoan, nga iyo kilala-hon an mga nagbubuhat ha butnga niyo, ngan nagmamando ha iyo ha Ginoo, ngan an mga nagsasagdon ha iyo;

1Th 5:13 Ngan tungud ha ira mga buhat, iyo hira pagmamahalon gud kaopay ha gugma. Himo-on niyo an kaminga-wan ha iyo ngahaw.

1Th 5:14 Ngan naglaylaygay kami ha iyo, mga kabugtoan, nga iyo sagdonan an mga magsamok, rig-onon niyo an mga maluya ha kasingkasing, buligan niyo an mga magluya, magmainilu-bon kamo ha ngatanan.

1Th 5:15 Tan-awa niyo nga waray bisan hin-o nga magbayad hin maraut ha maraut; kondi magsunud kamo giha-pon ha maopay, ha usa kag usa, ngan ha ngatanan.

1Th 5:16 Magkalipay kamo gihapon;

1Th 5:17 Mag ampo kamo ha waray udong udong;

1Th 5:18 Magpasalamat kamo ha ngata-nan nga mga bagay; kay amo an ka-burut-on han Dios kan Kristo Jesus tungud ha iyo.

1Th 5:19 Diri niyo pagparongon an Espi-ritu:

1Th 5:20 Diri niyo pagtamayon an mga tagna;

1Th 5:21 Proybahi niyo an ngatanan nga mga butang; tipigi niyo an mga ma-opay;

1Th 5:22 Maglikay kamo ha ngatanan nga mga dagway han karautan.

1Th 5:23 Ngan an amo nga Dios han ka-murayawan in magputli gud ha iyo, nga bug-os, ngan gabay pa nga pag bantayan an bug-os niyo nga espiritu ngan kalag ngan lawas, nga mawaray buring, ngada ha pag abut han aton Ginoo Jesukristo.

1Th 5:24 Matinumanon an nagtawag ha iyo, nga amo man an magbubuhat hito.

1Th 5:25 Mga kabugtoan, igampo kami niyo.

1Th 5:26 Pangomustaha niyo an ngatanan nga mga kabugtoan upud an baraan nga pagharok.

1Th 5:27 Nakikimalooy ako ha iyo tungud ha Ginoo nga ini nga surat pagbasa-hon ha ngatanan nga mga kabugtoan.

1Th 5:28 An grasia han aton Ginoo Jesu-kristo umupud ha iyo.



AMAZING GRACE BIBLE INSTITUTE