I Pedro

1Pe 1:1 Hi Pedro, apostol ni Jesukristo, ngadto ha mga pinili nga mga dumuruong nga nagsasarang didto ha Ponto, ha Galasia, ha Kapadosia, ha Asia, ngan ha Bitinia,

1Pe 1:2 Sumala han hinbaroan na nga da-an han Dios nga Amay, ha pagbaraana han Espiritu, basi magmatinumanon kamo ngan mabinisibsan han dugo ni Jesukristo, an grasia ngan kamurayawan pagpadamuon dida ha iyo.

1Pe 1:3 Pagdayawon an Dios ngan Amay han aton Ginoo Jesukristo, nga tungud ha iya daku nga kalooy ipinanganak liwat kita ngadto ha buhi nga paglaum tungud han pagkabanhaw ni Jesukristo tikang ha mga minatay,

1Pe 1:4 Ha usa nga panorondon nga diri madinunuton, ngan waray buring, ngan nga diri magkawawara, nga iginaandam ha iyo didto ha langit,

1Pe 1:5 Nga ginbantayan han gahum han Dios, pinaagi ha pagtoo, ngadto ha kaluwasan nga andam pagpahayag ha orhi nga panahon.

1Pe 1:6 Tungud hini nalilipay gud kamo, bisan niyan ha gutiay la nga panahon, kon may kinahanglan, pagsub-on kamo ha magkadirodilain nga mga pagsulay,

1Pe 1:7 Nga an proyba han iyo pagtoo, nga amo an labi pa ka hamili kay ha bulawan nga nawawara bisan kon ito ginproybahan ha kalayo, hiagian unta ha pagdayeg ngan kahimaya-an ngan kadungganan kon magpahayag na hi Jesukristo:

1Pe 1:8 Nga bisan waray niyo hiya kita-a ginhihigugma niyo hiya; nga bisan kon waray pa hiya niyo niyan kita-a, kondi natoo kamo ha iya, malipay gud kamo ha kalipayan nga diri sadang maasoy ngan puno ha himaya;

1Pe 1:9 Ha pagkarawat niyo han katapusan han iyo pagtoo, nga amo an kaluwasan han iyo mga kalag.

1Pe 1:10 Mahatungud hini nga kaluwasan ginpangita ngan ginusisa gud ini han mga manaragna, nga nanagna han grasia nga maabut ha iyo.

1Pe 1:11 Nga ginusisa nira kon san-o nga oras Ã³ ano nga paagi hin oras han iginsumat han Espiritu ni Kristo nga nakada ha ira, han pagkatestigo niya hadto pa han mga pag antus ni Kristo, ngan an mga kahimayaan nga masunud hito.

1Pe 1:12 Nga iginpahayag ha ira, nga di-ri ngadto ha ira ngahaw, kondi ngadto ha iyo, ginmangnoan nira ini nga mga butang, nga iginwali ha iyo ni-yan pinaagi han mga nagwali ha iyo han Maopay nga Sumat tungud ha Espiritu Santo nga ginsogo tikang ha langit; nga hini nga mga butang an mga angel nagtitinguha ha pagusisa.

1Pe 1:13 Busa, rigonon niyo an iyo mga hunahuna, magligdong kamo ngan maglaum hin hingpit han grasia nga pagdadad-on nganhi ha iyo kon magpahayag na hi Jesukristo;

1Pe 1:14 Sugad han mga anak nga magsinugtanon, diri kamo mangawi sugad han iyo mga kadaanan nga magraut nga tinguha, han mga diri pa kamo magaram.

1Pe 1:15 Kondi sugad nga baraan an nagtawag ha iyo, maginbaraan man kamo ha ngatanan niyo nga pangawi;

1Pe 1:16 Kay nahasurat na: Maginbaraan kamo; kay ako baraan.

1Pe 1:17 Ngan kon magtawag kamo ha iya nga Amay, nga amo an waray pinalabi nga tawo ngan naghuhukom sugad han buhat han tagsatagsa nga tawo, gamita niyo an iyo pagkahumarapit nga may kahadluk:

1Pe 1:18 Nga hinbaroan na niyo nga mga tinubus na kamo, tikang ha iyo mga panginabuhi nga waray kapulsanan nga iyo pinanonod ha iyo mga ginikanan, diri ha mga bagay nga may pagkadunot, ha salapi Ã³ bulawan;

1Pe 1:19 Kondi ha hamili nga dugo, sugad hin karnero nga waray buring ngan waray hugaw, nga amo an dugo ni Kristo:

1Pe 1:20 Nga hiya ha pagkamatuud hinbaroan nga daan han waray pa pagtitindoga an kalibutan, kondi nga iginpahayag ha katapusan nga mga panahon tungud ha iyo,

1Pe 1:21 Nga pinaagi ha iya mga nagtotoo kamo ha Dios, nga nagbanhaw ha iya tikang ha mga minatay, ngan naghatag ha iya hin himaya; basi nga an iyo pagtoo ngan paglaum maada ha Dios.

1Pe 1:22 Kay ginuray na niyo an iyo mga kalag ha iyo pagkamasinugtanon ha kamatuuran ngan ha putli nga paghigugma ha mga kabugtoan, mag higug-maanay gud kamo tikang ha kasingkasing an usa kag usa:

1Pe 1:23 Nga ipinanganak na liwat kamo, diri ha gahi nga madinunuton, kondi ha diri madinunuton, pinaagi ha polong han Dios nga nabubuhi ngan nagpapadayon.

1Pe 1:24 Kay, an ngatanan nga unud sugad ha banwa, ngan an ngatanan niya nga himaya sugad han bukad han banwa. An banwa nauuga, ngan an bukad nahoholog:

1Pe 1:25 Kondi an polong han Ginoo nagpapadayon ha waray katapusan. Nga amo ini an Maopay nga Sumat nga iginwali ha iyo.

1Pe 2:1 Busa, ha kabayai niyo han ngatanan nga pagkamaraut, ngan ngatanan nga panlimbong, ngan mga pagkasalingkapaw, ngan mga pagkaawa, ngan ngatanan nga magraut nga mga yinaknan,

1Pe 2:2 Sugad han mga bag-o nga nagka-tatawo nga kabataan, pagtinguhaon niyo an espirituhanon nga gatas nga waray limbong, basi nga pinaagi hito magtubu kamo ngadto ha kaluwasan;

1Pe 2:3 Kon matilawan na niyo nga an Ginoo may grasia:

1Pe 2:4 Nga naharani kamo ha iya, nga amo an buhi nga bato, nga ha pagka-matuud iginsikway han mga tawo, kondi pinili ngan minahal han Dios,

1Pe 2:5 Kamo man, nga mga buhi nga mga bato, pinanhimo nga espirituha-non nga balay, ha pagkasaserdote nga baraan, ha paghalad ha mga espiritu-hanon nga halad, nga karuruyagon ha Dios pinaagi kan Jesukristo.

1Pe 2:6 Kay aada ha Santos nga Surat: Kitaa, ibinutang ko ha Sion an pa-ngolo nga bato nga bantilis, an pinili ngan minahal: Ngan an natoo ha iya diri pagpapakaalohan.

1Pe 2:7 Kay ha iyo nga natoo amo an pag-kamahal: Kondi ha mga diri natoo, an bato nga iginsikway han mga mag-tirindog, amo an ginhimo nga pango-lo han eskina;

1Pe 2:8 Ngan bato ha paghipakdol ngan bato nga bantilis ha pagdarahog: kay nanhipakdol hira ha polong, tungud nga diri magsinugtanon: ngan tungud man hini hira gintungdan.

1Pe 2:9 Kondi pinili kamo nga kamama-tan, hadianon nga pagkasaserdote, baraan nga nasud, katawohan nga ka-lugaringon han Dios, basi nga iyo un-ta igpahayag an mga kamahalan hadton nagtawag ha iyo tikang ha kangit-ngitan ngadto ha iya katingalahan nga kahayag.

1Pe 2:10 Kamo hadton nagagi nga pana-hon diri nasud, kondi yana nasud na han Dios: kamo nga waray hiagum hin kalooy, kondi niyan nahiagum na han kalooy.

1Pe 2:11 Mga hinigugma, nanginginyupo ako ha iyo sugad ha mga lumalabay ngan dumuruong nga maglikay kamo tikang ha mga lawasnon nga kairip-hon, nga nakikipagaway kontra ha kalag;

1Pe 2:12 Nga mangawi kamo hin maopay ha butnga han mga Hentil, nga, bisan kon naglilibak hira ha iyo nga baga magburuhat kamo hin maraut, hapag-tan-aw ha iyo mga magopay nga mga binuhatan, ira unta paghimayaon an Dios ha adlaw ha pagduaw,

1Pe 2:13 Magmatinumanon kamo ha nga-tanan nga balaud han tawo tungud han Ginoo: kon ha hadi, sugad nga amo an gilalabawi;

1Pe 2:14 O ha mga gobernador, sugad nga mga sinogo niya hira ha pagbulus hin sirot ha mga magraut an binuhatan, ngan pagdayaw hadton magopay an binuhatan.

1Pe 2:15 Kay amo ini an kaburut-on han Dios, nga tungud ha maopay nga buhat iyo pamimingawon an katapa-ngan han mga tawo nga waray sara-butan:

1Pe 2:16 Sugad nga mga linuwas, ngan diri niyo gamiton an iyo pagkalinu-was nga tabon ha mga magraut, kon-di sugad nga mga uripon han Dios.

1Pe 2:17 Tahuron niyo an ngatanan nga mga tawo. Higugmaon niyo an mga kabugtoan. Kahadluki niyo an Dios. Tahuron niyo an hadi.

1Pe 2:18 Mga sorogoon, magpasakup ka-mo ha iyo mga agaron, ha bug-os nga kahadluk; diri la ha mga magopay ngan magtalonoy, kondi man ha mga magisog,

1Pe 2:19 Kay ini naruruyag, kon tungud ha konsiensia ngadto ha Dios an tawo mag antus hin mga kasakitan nga diri igo ha katadungan.

1Pe 2:20 Kay ¿ano ito nga kahimayaan, nga, kon kamo makakasala, pagha-hampakon kamo tungud hito, iyo ito pagaantuson ha mapailubon? kondi, kon kamo magbubuhat hin maopay, ngan magaantus hito, ngan magiilub, kinaruruyag ini han Dios.

1Pe 2:21 Kay tungud hini mga gintawag kamo: kay hi Kristo nagantus man tungud ha iyo, nga gintagan kamo hin susbaranan, basi kamo magsunud ha iya mga pagpitad:

1Pe 2:22 Nga hiya waray makasala, ngan an limbong waray hiagii ha iya baba:

1Pe 2:23 Nga, han pagpakaalohi ha iya, waray hiya bulus hin pagpakaalo; han iya pag antus, waray hiya mag tar-hug; kondi nga igintubyan niya an iya kalugaringon ngadto ha naghuhu-kom hin matadung:

1Pe 2:24 Nga amo hiya an nagdara han aton mga sala ha iya lawas ha ibabaw han kahoy, basi nga hi kita, nga nag-kamamatay na ngadto ha mga sala, magkabubuhi unta kita ngadto ha ka-tadungan; nga tungud ha iya mga ka-samdan nagkatatambal kamo.

1Pe 2:25 Kay sugad kamo ha mga karne-ro nga nagsasarang; kondi niyan nag-balik na ngadto ha Magbarantay ngan Obispo han iyo mga kalag.

1Pe 3:1 Sugad man, mga kaasawan nga ka-babayinan, magpasakup kamo ha iyo mga kaasawan nga kalalakin-an; nga, basi, kon may ada iba nga diri masi-nugtanon ha polong, pagdad-on unta hira ha waray polong, pinaagi han mga batasan han ira mga kaasawan;

1Pe 3:2 Nga hikit-an nira an iyo mauray nga gawi nga may kahadluk.

1Pe 3:3 Nga iton iyo pagrayandayan diri magin ha gowa ha pagsalapid ha buhok, ngan pangamit hin mga alahas nga bulawan, Ã³ pagsul-ut hin panap-ton.

1Pe 3:4 Kondi maasya unta an tinago nga tawo ha kasingkasing, ha panapton nga waray pagkadunot han maaghup ngan mabuut nga espiritu, nga amo an mahal gud ha atubangan han Dios.

1Pe 3:5 Kay amo man ini nga paagi hadton una nga panahon nga an mga ba-raan nga kababayinan, nga nagsarig ha Dios, rinayandayan ha ira ngahaw, nga nagpasakup ha ira mga kaasawan;

1Pe 3:6 Sugad nga hi Sara nagsugot kan Abraham, nga nagtawag ha iya nga ginoo: nga niyan mga anak kamo niya kon kamo magbuhat hin maopay, ngan diri kamo mahadluk hin bisan ano nga kahadlukan.

1Pe 3:7 Sugad man kamo mga asawa nga kalalakin-an, magukoy kamo upud ha iyo mga asawa sugad ha kinaadman, nga naghahatag kamo hin dungug ha babaye, sugad hin ngadto ha maloro-luya nga surudlan, ngan sugad nga iyo mga igkasi manoronod han grasia han kinabuhi; ha tinotuyo nga an iyo mga pag ampo mawaray kaulangan.

1Pe 3:8 Ha katapusan, magkaurusa kamo ngatanan ha hunahuna, mga malolo-oyon, mga maghigugmaon sugad ha magburugto, mga mapuangoron, mga mapinaubsanon:

1Pe 3:9 Diri niyo pagbaluson an maraut hin maraut, Ã³ an pasipara hin pasipa-ra; kondi lugud an pagbendision; kay tungud hini mga gintawag kamo, basi kamo makapanonod hin bendision.

1Pe 3:10 Kay an buut maghigugma ha ki-nabuhi, ngan magtan-aw hin mag-opay nga mga adlaw, pugngan an iya dila tikang ha maraut, ngan an iya mga im-im ha pagyakan ha mga lim-bong:

1Pe 3:11 Bayaan niya an maraut, ngan magbuhat hin maopay; pangita-on ni-ya an kamurayawan ngan sundon ito.

1Pe 3:12 Kay an mga mata han Ginoo iti-natamud ha mga magtadung, ngan an iya mga talinga nanmamati ha ira pag ampo: kondi an nawong han Ginoo kontra ha mga nagbubuhat hin ma-raut.

1Pe 3:13 Ngan ¿hin-o ba in sadang maka-hibang ha iyo, kon masindak gud kamo ha kaopayan?

1Pe 3:14 Kondi bisan pa kon mag antus kamo tungud ha katadungan, mga bu-lahan kamo: ngan diri kamo mahad-luk ha ira kahadluk, bisan kalisang;

1Pe 3:15 Kondi pagbaraanon niyo ha iyo mga kasingkasing hi Kristo nga Gi-noo: ngan mag andam kamo gihapon ha pagbaton, nga may kaaghup ngan pagtahud, ha ngatanan nga mga tawo nga mapakiana ha iyo, kon ano an katungdanan han pagtoo nga aada ha iyo.

1Pe 3:16 Nga may ada niyo maopay nga konsiensia; basi, kon kamo pagliliba-kon, pagpakaalohan hira nga magpa-pakaraut han iyo magopay nga gina-wian ha kan Kristo.

1Pe 3:17 Kay labi pa nga maoroopay, kon amo ito an kaburut-on han Dios, nga magantus kamo tungud ha pag-buhat hin maopay kay ngan tungud ha pagbuhat hin maraut.

1Pe 3:18 Kay ha makausa hi Kristo nagantus tungud ha mga sala, an mata-dung tungud ha mga diri magtadung, basi nga madara kita niya ngadto ha Dios; nga namatay ha unud, kondi napabuhi ha espiritu;

1Pe 3:19 Nga hito hiya kinadto man ha pagwali ha mga espiritu ha bilang-goan,

1Pe 3:20 Ngan han nagagi nga panahon diri magsinugtanon, hadto han naghi-hinulat an Dios hin mapainulubon ha mga adlaw ni Noe, han ginhihinimo pa la an arka, nga gutiay la an nabuhi nga mga tawo, nga amo an walo la nga kalag, an naluwas ha tubig:

1Pe 3:21 Nga sugad man hini nga pagka-agi an pagbaptis nagluluwas ha iyo niyan, diri nga ha pagkuha la han hugaw han unud, kondi an pangamuyo han usa nga maopay nga konsiensia ha atubangan han Dios, pinaagi ha pagkabanhaw ni Jesukristo;

1Pe 3:22 Nga sinaka ha langit, ngan aadto niyan ha too nga kamot han Dios; ngan an mga angel, ngan mga kagam-hanan ngan mga pagburut-an ginpasa-kup niya.

1Pe 4:1 Ha pagkaagi nga hi Kristo nag an-tus ha unud, magandam man kamo hin sugad nga hunahuna; kay an nag antus ha unud nabulag ha kasalanan.

1Pe 4:2 Basi diri na kamo mangabuhi han nabibilin pa nga iyo panahon ha unud ha mga kairiphon han mga tawo, kon-di ha kaburut-on han Dios.

1Pe 4:3 Kay an nagagi nga panahon igo na unta ha pagbuhat ha mga tinguha han mga Hentil, ngan ha paglakat ha mga kalaw-ayan, mga kairiphon, mga paghubug hin alaksio, mga aringasa nga maglaw-ay, mga pagsaba, ngan mangil-ad nga mga pagdiwata:

1Pe 4:4 Nga hira nanhihipausa ha pagka-agi, nga diri kamo nagdadadlagan hin may kasamokan gud sugad ha ira, adton mga nagyayakan hin magraut na-hatutungud ha iyo:

1Pe 4:5 Nga hira maghahatag hin kahusa-yan ngadto ha iya nga andam ha pag-hukom ha mga buhi ngan ha mga mi-natay.

1Pe 4:6 Kay tungud hini nga tinotuyo an Maopay nga Sumat iginwali bisan ngadto ha mga minatay, basi nga pag-hukman hira ha unud, sugad ha mga tawo, kondi mabuhi ha espiritu sugad ha Dios.

1Pe 4:7 Kondi an katapusan han ngata-nan nga mga butang harani na: busa magbuutan kamo, ngan magmalig-dong ha pag ampo:

1Pe 4:8 Labaw ha ngatanan nga mga ba-gay maghigugmaay gud kamo hin duro an usa kag usa; kay an gugma nakaka-tabon hin damu nga mga sala:

1Pe 4:9 Buhaton niyo an kamalolooyon ha usa kag usa, nga waray pagharoy.

1Pe 4:10 Magminangnoay kamo an usa kag usa han grasia nga nakarawat han tagsatagsa, sugad ha mga magopay nga tinugyanan ha mga magkadirodi-lain nga grasia han Dios;

1Pe 4:11 Kon may tawo nga magyakan, magyakan sugad nga ito mga polong han Dios; kon may tawo nga magala-gad, magalagad sugad han kusug nga ihinatag han Dios; basi nga ha ngata-nan nga mga butang an Dios paghi-mayaon pinaagi kan Jesukristo, nga ha iya an himaya ngan kagamhanan ha mga katuigan ha mga katuigan. Amen.

1Pe 4:12 Mga hinigugma, diri kamo mag-dumdum nga makatitingala an pagsu-laya nga mapaso ha butnga niyo, nga nahanabu ha iyo ha pagproyba ha iyo, sugad nga daw usa nga makatiti-ngala nga butang an nahanabu ha iyo:

1Pe 4:13 Kondi amo in kaagi nga mga ka-angbit kamo han kan Kristo mga pag antus, magkalipay kamo; basi nga ha pagpahayag han iya himaya magkali-pay man kamo hin daku nga kalipa-yan.

1Pe 4:14 Kon mga ginpasipara kamo tu-ngud ha ngaran ni Kristo, mga bula-han kamo; kay an Espiritu han hima-ya ngan an Espiritu han Dios aada ha iyo.

1Pe 4:15 Ayaw pagtugot nga usa ha iyo magantus sugad hin usa nga parapatay, Ã³ kawatan, Ã³ magburuhat hin maraut, Ã³ malabut ha mga butang han iba:

1Pe 4:16 Kondi kon an usa ka tawo mag antus tungud nga hiya kristohanon, diri hiya ma awud; kondi paghimaya-on niya an Dios hini nga ngaran.

1Pe 4:17 Kay an panahon inabut na ngan an paghukom titikangan dida ha ba-lay han Dios: ngan kon ito magtikang dinhi ha aton, ¿ano ba an katapusan hadton diri magsugot han Maopay nga Sumat han Dios?

1Pe 4:18 Ngan kon an magtadung harus diri maluwas, ¿hain ba pagpapahayag an diri nakilala han Dios, ngan an ma-kasasala?

1Pe 4:19 Busa an mga nag aantus man su-mala ha kaburut-on han Dios igtub-yan unta nira an ira mga kalag nga may magopay nga mga binuhatan ngadto ha matinumanon nga Magbu-ruhat.

1Pe 5:1 Naglaylaygay ako ha mga ansiano nga aada ha iyo, nga ako ansiano man kaupud nira, ngan testigo ha mga pagantus ni Kristo, ngan angbit man ako han himaya nga igpapahayag:

1Pe 5:2 Pasabsaba niyo an panon han Dios nga aada ha iyo, pagbantayan niyo, diri nga sugad hin linugus, kon-di ha iyo kalugaringon nga kaburut-on, sumala ha kaburut-on han Dios; diri tungud ha mahugaw nga salapi, kondi ha maandaman nga painoino.

1Pe 5:3 Diri mga agaron han mga igintub-yan ha iyo, kondi nga maginsusbara-nan kamo ha panon.

1Pe 5:4 Ngan kon magpahayag na an Pu-noan han mga magbarantay, makara-wat kamo han podongpodong han hi-maya nga diri malalaya.

1Pe 5:5 Sugad man, kamo mga kabataan, magpasakup kamo ha mga ansiano. Oo, an ngatanan ha iyo magpanapton ha pagpaubus basi ha pagminangno-ay ha usa kag usa: kay an Dios nasu-wahi ha palabilabihon, kondi nahatag hin grasia ha mapaubsanon.

1Pe 5:6 Busa, magmapaubsanon kamo ha ilarum han makagagahum nga kamot han Dios, basi pagpahitas-on kamo niya ha igo nga panahon;

1Pe 5:7 Nga butangan niyo ha iya an nga-tanan niyo nga pangarit, kay hiya nagmamangno ha iyo.

1Pe 5:8 Magbuutan, ngan magagma kamo: kay an iyo kaaway nga amo an yawa, sugad hin maaringasa nga leon, naglilinakatlakat, pagpinamiling hin iya lalamyon:

1Pe 5:9 Ato kamo ha iya, nga marig-on an iyo pagtoo, nga hinbaroan niyo nga ini nga mga pag antus natutuman man ha iyo mga kabugtoan nga aada ha kalibutan.

1Pe 5:10 Ngan an Dios ha ngatanan nga grasia, nga nagtawag ha iyo ngadto ha iya himaya nga waray katapusan kan Kristo, ha katapus niyo magantus hin gutiay, hiya mag hihingpit, magpapa-rig-on, ngan magpapakusug ha iyo.

1Pe 5:11 Ha iya amo an kagamhanan ha mga katuigan ha mga katuigan, Amen.

1Pe 5:12 Tungud kan Silvano, nga aton matinumanon nga bugto, sugad ha akon paghunahuna ha iya nagsurat ako ha iyo hin haliputay la, ha pag-laygay, ngan pagtestigo nga amo ini an matuud nga grasia han Dios: rig-on on niyo an iyo pagbakdaw hini dinhi.

1Pe 5:13 Hiya nga aadto ha Babilonia, pi-nili upud ha iyo, nangongomusta ha iyo; ngan sugad man hi Markos nga akon anak.

1Pe 5:14 Magpangomustahay an usa kag usa nga may harok ha paghigugma. An paghidait maiyo unta ha ngatanan nga aada kan Kristo.

AMAZING GRACE BIBLE INSTITUTE