WARAY 1 JOHN1Jn 1:1 Adto nga tikang hatinikangan, an amon hinbatian, an amon hinkit-an han amon mga mat a, an amon gintanaw, ngan nahikap han amon mga kamot, nahatutungud han polong han kinabuhi. 1Jn 1:2 (Ngan an kinabuhi nga iginpahayag, ngan amon nakita, ngan amon ginpatestigo, ngan iginsusumat namon ha iyo an kinabuhi, an kinabuhi nga waray katapusan, nga upud ha Amay, ngan iginpahayag ha amon); 1Jn 1:3 An amon hinkit-an ngan pinamatian ginsusumat man namon ha iyo, basi nga kamo man may maada pag hiangbit ha amon; Oo, ngan an aton pag hiangbit ha Amay, ngan ha iya Anak nga hi Jesukristo: 1Jn 1:4 Ngan ini nga mga bagay iginsurat namon, nga mahingpit unta an amon kalipayan. 1Jn 1:5 Ngan ini amo an pahabaro nga amon hinbatian ha iya ngan iginsusumat namon ha iyo: nga an Dios amo an Kalamrag, ngan ha iya waray gud kasisidman. 1Jn 1:6 Kon mag siring kita nga may ada ta paghiangbit ha iya, ngan maglakat ha kasisidman, nagbubuwa kita, ngan waray kita pagbubuhat ha kamatuuran: 1Jn 1:7 Kondi kon maglakat kita ha kalamragan, sugad nga aada manhiyaha kalamragan, may ada ta pag kaangbitan ha usa kag usa, ngan an dugo ni Jesus nga iya Anak naghuhugas ha aton tikang ha ngatanan nga sala. 1Jn 1:8 Kon kita sumumat nga waray ta sala, naglilimbong la kita ngahaw ha aton kalugaringon, ngan an kamatu-uran waray dinhi ha aton. 1Jn 1:9 Kon igtug-an ta an aton mga sala, hiya matinumanon ngan matadung ha pag pasaylo ha aton mga sala, ngan paghugas ha aton ha ngatanan nga karautan. 1Jn 1:10 Kon sumumat kita nga waray kita makasala, ginhihimo ta hiya nga buwa-on, ngan an iya polong waray dinhi ha aton. 1Jn 2:1 Mga idoy ko, iginsurat ko ini nga mga bagay ha iyo basi nga diri kamo unta mag pakasala. Ngan kon may makasala, may Manlalaban kita ha Amay, hi Jesukristo nga matadung: 1Jn 2:2 Ngan hiya amo an halad tungud ha aton mga sala; ngan diri la tungud ha aton, kondi tungud ha bug-os man nga kalibutan. 1Jn 2:3 Ngan him hababaroan ta, nga ki-nilala ta hiya, kon gintuman ta an iya mga sogo. 1Jn 2:4 An magsiring: Nakilala ako ha iya, ngan waray pagtuman ha iya mga sogo, ini hiya buwa-on, ngan an ka-matuuran waray dida ha iya; 1Jn 2:5 Kondi an nagbabantay ha iya po-long, ha pagkamatuud an gugma han Dios ginhingpit ha iya. Tungud hini hababaroan ta nga aada kita ha iya: 1Jn 2:6 An magsiring nga hiya nabilin ha iya, kinahangian maglakat sugad ha paglakat niya. 1Jn 2:7 Mga hinigugma, waray ko igsurat ha iyo in usa nga bag-o nga sogo, kon-di an daan nga sogo nga aada ha iyo tikang ha tinikangan: an daan nga so-go amo an polong nga iyo hinbatian. 1Jn 2:8 Nagsusurat ako liwat ha iyo hin usa nga bag-o nga sogo, nga ito ma-tuud ha iya ngan ha iyo; kay an ka ngitngitan napapara na, ngan an ma-tuud nga kalamragan nasirang na. 1Jn 2:9 An nasiring nga aadto hiya ha ka-lamragan ngan nadumut ha iya bugto, ini hiya aada ha kangitngitan bi-san ngada niyan. 1Jn 2:10 An nahigugma ha iya bugto na-bilin ha kalamragan, ngan waray niya katigayonan hin paghipakdol. 1Jn 2:11 Kondi an nadumut ha iya bugto aada ha kangitngitan, ngan naglalakat ha kangitngitan, ngan diri maaram kon tipakadto hiya, kay an kangit-ngitan nagbuta ha iya mga mata. 1Jn 2:12 Nagsusurat ako ha iyo, mga idoy ko, kay an iyo mga sala iginpasaylo tungud ha iya ngaran. 1Jn 2:13 Nagsusurat ako ha iyo, mga a-may, kay maaram kamo ha iya tikang ha tinikangan. Nagsusurat ako ha iyo, mga olitawo, kay gindaug niyo an ma-raut. Nagsurat ako ha iyo, mga idoy, kay maaram kamo ha Amay. 1Jn 2:14 Nagsurat ako ha iyo, mga amay, kay maaram kamo ha iya nga tikang ha tinikangan. Nagsurat ako ha iyo, mga olitawo, kay magkusug kamo, ngan an polong han Dios nabilin ha iyo, ngan gindaug niyo an maraut. 1Jn 2:15 Ayaw niyo higugma-a an kalibu-tan, bisan an mga bagay ha kalibutan. Kon may tawo nga maghigugma ha kalibutan, an gugma han Amay wa-ray dida ha iya. 1Jn 2:16 Kay an ngatanan nga aada ha kalibutan, an kairiphon han unud ngan an kairiphon han mga mata, ngan an paghambog han kinabuhi, diri ka-nan Amay, kondi kanan kalibutan. 1Jn 2:17 Ngan an kalibutan nawawara, ngan an iya kairiphon: kondi an nag-bubuhat ha kaburut-on han Dios nag-pap ad ay on ha gihapon. 1Jn 2:18 Mga idoy, amo na ito an kata-pusan nga oras: ngan iyo na hinba-tian nga maabut hi antikristo, bisan niyan damu na an inabut nga mga an-tikristo; tungud hini hinbaroan ta nga amo na an katapusan nga oras. 1Jn 2:19 Nanmulag hira ha aton, kondi waray man hira upud ha aton; kay kon upud hira ha aton, nagpapada-yon unta hira upud ha aton: kondi binulag hira, basi nga hira igpahayag nga hira ngatanan diri upud ha aton. 1Jn 2:20 Ngan nakakarawat kamo hin paghaplas tikang ha Baraan, ngan iyo hinbaroan an ngatanan nga mga bagay. 1Jn 2:21 Waray ako pagsurat ha iyo, tu-ngud nga diri kamo maaram ha kama-tuuran, kondi kay hinbaroan man ito niyo, ngan kay waray buwa nga ka-nan kamatuuran. 1Jn 2:22 ¿Hin-o ba an buwa-on, kondi hi-ya nga naglilirong nga hi Jesus amo hi Kristo? Ini amo an antikristo, bisan hiya nga naglilirong ha Amay ngan ha Anak. 1Jn 2:23 Bisan hin-o an maglirong ha Anak, hiya waray man ha Amay: an magtug-an ha Anak, aada man ha iya an Amay. 1Jn 2:24 Busa, an hinbatian niyo tikang ha tinikangan pagpadayonon niyo. Kon an iyo hinbatian tikang ha tini-kangan magdayon ha iyo, kamo man magdadayon ha Anak, ngan ha Amay. 1Jn 2:25 Ngan amo ini an saad nga iya iginsaad ha aton bisan an kinabuhi nga waray katapusan. 1Jn 2:26 Iginsurat ko ini nga mga bagay ha iyo nahatutungud ha mga buut magsisimang ha iyo. 1Jn 2:27 Ngan tungud ha iyo, an paghap-las nga iyo nakarawat ha iya, nabilin ha iyo, ngan waray niyo kinahanglan hin bisan hin-o magtututdo ha iyo; kondi nga sugad nga an paghaplas niya ha iyo nagtututdo ha iyo tungud ha ngatanan nga mga bagay, ngan ma-tuud, ngan diri buwa, sugad ha igin-tutdo niya ha iyo, napadayon kamo ha iya. 1Jn 2:28 Ngan niyan, mga idoy ko, mag-padayon kamo ha iya; nga, kon mag-pahayag hiya, mangahas kita, ngan diri kita maawud ha iya atubangan ha iya pagkanhi. 1Jn 2:29 Kon hinbaroan niyo nga hiya matadung, hinbaroan man liwat niyo nga an ngatanan nga nagbubuhat ha katadungan natawo ha iya. 1Jn 3:1 Tanawa niyo, kon mationan-o nga gugma an iginhatag ha aton han Amay, basi nga pagngaranan kita nga mga anak han Dios; nga mga amo man kita. Tungud hini waray makaki-lala ha aton an kalibutan, kay diri ito nakilala ha iya. 1Jn 3:2 Mga hinigugma, niyan mga anak na kita han Dios, ngan waray pa igpa-hayag kon mga hira hin-o kita unina ha orhi. Hinbabaroan ta ini, nga kon magpahayag na hiya, hanunugad kita ha iya; kay makikita ta hiya sugad nga amo hiya. 1Jn 3:3 Kay an ngatanan nga may pag-laum hini ha iya, nag uuray ha iya ka-lugaringon, sugad nga hiya uray. 1Jn 3:4 An ngatanan nga nagbubuhat hin sal a nagtatalapas man ha balaud;ngan an sala pagtalapas ha balaud. 1Jn 3:5 Ngan hinbaroan man liwat niyo nga hiya nagpahayag ha pagtubus ha mga sala, ngan ha iya waray sala. 1Jn 3:6 An ngatanan nga nabibilin ha iya waray pagkasala; an ngatanan nga nag-pakasala waray kita ha iya, bisan pag kilala ha iya. 1Jn 3:7 Mga idoy ko, diri kamo pagpasi-man gon hin bisan hin-o nga tawo: an nagbubuhat ha katadungan amo an matadung, sugad nga hiya matadung; 1Jn 3:8 An nagbubuhat hin sala, hiya ya-wan-on; kay an yawa nakasala tikang ha tinikangan. Tungud hini nga katu-yoanan an Anak han Dios iginpaha-yag, basi ha pagbungkag ha mga bu-ll at han yawa. 1Jn 3:9 Bisan hin-o nga pinanganak han Dios diri nagbubuhat hin sala, kay an iya katulinan nabilin ha iya: ngan diri hiya makakasala, kay pinanganak hi-ya han Dios. 1Jn 3:10 Hini dinhi iginpapahayag an mga anak han Dios, ngan an mga anak han yawa; bisan hin-o an waray pagbuhat ha katadungan ngan waray paghigug-ma ha iya bugto diri kanan Dios. 1Jn 3:11 Kay amo ini an pahabaro nga iy o hinbatian tikang ha tinikangan, nga maghigugmaay kita an usa kag usa: 1Jn 3:12 Diri sugad kan Kaia nga hiya kanan yawa, ngan pinatay niya an iya bugto. Ngan ¿ano ba an pagpataya niya ha iya? kay an iya mga buhat mga magraut, ngan an mga buhat han iya bugto magtadung. 1Jn 3:13 Mga kabugtoan, diri kamo man hipausa, kon an kalibutan dumumut ha iyo. 1Jn 3:14 Hinbaroan ta nga inagi na kita ha kamatayon ngadto ha kinabuhi, kay nahigugma kita ha mga kabug-toan. An waray paghigugma, nabilin ha kamatayon. 1Jn 3:15 Bisan hin-o an magdumut ha iya bugto, paramatay; ngan hinbaroan niyo nga waray paramatay nga may nahabilin dida ha iya nga kinabuhi nga waray katapusan. 1Jn 3:16 Tikang hini hinbaroan ta an gug-ma, kay iginhatag niya an iya kina-buhi tungud ha aton: ngan kinahang-lan man nga aton ighatag an aton mga kinabuhi tungud ha aton mga kabugtoan. 1Jn 3:17 Kondi kon hin-o an may bahan-di nga kalibutanon, ngan makita niya an iya bugto nga aada ha kakablasan, ngan diri niya kalooyan an iya bugto, ¿oonan-on an pagbilin han gugma han Dios dida ha iya? 1Jn 3:18 Mga idoy ko, diri kita maghi-gugma ha polong, bisan ha dila; kon-di ha buhat ngan ha kamatuuran. 1Jn 3:19 Tungud hini hababaroan ta nga kanan kamatuuran kita, ngan parig-onon ta an aton kasingkasing ha iya atubangan; 1Jn 3:20 Kay kon an aton kasingkasing maghukom hin sirot ha aton, an Dios daku pa ha aton kasingkasing, ngan maaram ha ngatanan nga mga bagay. 1Jn 3:21 Mga hinigugma, kon an aton kasingkasing diri maghukom hin si-rot ha aton, may ada ta pagsarig ha Dios: 1Jn 3:22 Ngan kakarawaton ta tikang ha iya an ngatanan nga aton pangaroon, kay gintuman ta an iyamgasogo ngan ginbuhat ta an mga bagay nga mag-opay ha iya atubangan. 1Jn 3:23 Ngan amo ini an iya sogo, nga tumoo kita ha ngaran han iya Anak nga hi Jesukristo, ngan maghigugma-ay kita an usa kag usa, sugad man nga hiya naghatag hin sogo ha aton. 1Jn 3:24 Ngan an nagtutuman ha iya mga sogo mabibilin ha iya, ngan Hiya ha iya. Ngan tungud hini hinbabaroan ta nga nabibilin hiya dinhi ha aton, pinaagi han Espiritu nga iginhatag niya ha aton. 1Jn 4:1 Mga hinigugma, diri kamo tumoo ha ngatanan nga espiritu, kondi proybahan niyo an mga espiritu, kon mga Diosnon ba hira; kay damu nga mga manaragna an nagkagowa nganhi ha kalibutan. 1Jn 4:2 Tungud hini hababaroan niyo an Espiritu han Dios; an tagsa nga espi-ritu nga magtug-an nga hi Jesukristo nagpakatawo, kanan Dios hiya. 1Jn 4:3 Ngan an ngatanan nga espiritu nga diri magtug-an kan Jesus, diri ito kanan Dios; ngan ini amo an espiritu ni antikristo, nga iyo hinbatian nga tiarabut; ngan niyan aada na ito ha kalibutan. 1Jn 4:4 Mga idoy ko, kanan Dios kamo, ngan nadaug niyo hira: kay Hiya nga aada ha iyo labaw ha iya nga aada ha kalibutan. 1Jn 4:5 Mga kalibutan on hira: busa an ira mga yakan mga kanan kalibutan, ngan an kalibutan nanmamati ha ira. 1Jn 4:6 Mga Diosnon kita: an nakilala ha Dios nanmamati ha aton; an diri Dios-non diri nanmamati ha aton. Tungud hini hababaroan ta an espiritu han kamatuuran ngan an espiritu han ka-saypanan. 1Jn 4:7 Mga hinigugma, maghigugmaanay kita an usa kag usa: kay an gugma tikang ha Dios; ngan an ngatanan nga naghihigugma ipinanganak han Dios, ngan nakilala ha Dios. 1Jn 4:8 An waray paghigugma waray ma-kakilala ha Dios; kay an Dios amo an gugma; 1Jn 4:9 Tungud hini an gugma han Dios iginpahayag ha sulud naton, nga an Dios nagsogo ha iya bugtong ngaanak nganhi ha kalibutan, basi nga mabuhi kita pinaagi ha iya. 1Jn 4:10 Tungud hini aada an gugma, diri nga naghigugma kita ha Dios, kondi nga ginhigugma kita niya, ngan ginso-go niya an iya Anak nga magin halad tungud ha aton mga sala. 1Jn 4:11 Mga hinigugma, kon an Dios na-higugma sugad hito ha aton, kina-hanglan man nga maghigugmaanay kita an usa kag usa. 1Jn 4:12 Waray bisan hin-o nga nakakita ha Dios bisan san-o nga oras. Kon maghigugmaanay kita an usa kag usa, an Dios nabibilin dinhi ha aton, ngan an iya gugma mahingpit dinhi ha aton. 1Jn 4:13 Tungud hini maaram kita nga nabibilin kita dida ha iya ngan hiya dinhi ha aton, kay gintagan kita niya han iya Espiritu. 1Jn 4:14 Ngan nakita naton ngan nagtites-tigo kita nga an Amay nagpakanhi ha iya Anak basi nga mahimo nga Man-luluwas han kalibutan. 1Jn 4:15 Bisan hin-o an magtug-an nga hi Jesus amo an Anak han Dios, an Dios nagdadayon dida ha iya ngan hiya dida ha Dios. 1Jn 4:16 Ngan kita nakilala ngan natoo ha gugma han Dios ha aton. An Dios amo an gugma; ngan an magpadayon ha gugma, magpadayon man ha Dios ngan an Dios magpadayon man dida ha iya. 1Jn 4:17 Tungud hini ginhingpit an gug-ma ha aton, basi nga may pagsarig ki-ta ha adlaw han paghukom, kay su-gad nga amo hiya, amo man kita din-hi hini nga kalibutan. 1Jn 4:18 Ha gugma waray kahadluk: kon-di an hingpit nga gugma naglalabay han kahadluk, kay an kahadluk may sirot; ngan hiya nga nahadluk waray paghingpita ha gugma. 1Jn 4:19 Nahigugma kita, kay una hiya naghigugma ha aton. 1Jn 4:20 Kon may tawo nga sumiring; Ako nahigugma ha Dios, ngan nadu-mut ha iya bugto, buwa-on hiya: kay an diri nahigugma ha iya bugto nga iya nakita, diri nahigugma ha Dios nga waray niya kita-a. 1Jn 4:21 Ngan kinarawat ta tikang ha iya ini nga so go, nga an nahigugma ha Dios, mahigugma man ha iya bugto. 1Jn 5:1 An ngatanan nga natoo nga hi Jesus amo an Kristo pinanganak han Dios: ngan an ngatanan nga nahigugma ha iya nga nanganak nahigugma man ha ginpanganak niya. 1Jn 5:2 Tungud hini maaram ta nga nahi-gugma kita ha mga anak han Dios, kon nahigugma kita ha Dios, ngan kon gintutuman ta an iya mga sogo. 1Jn 5:3 Kay amo ini an gugma han Dios, nga pagtumanon ta an iyamgasogo: ngan an iya mga sogo diri magbug-at. 1Jn 5:4 Kay bisan ano nga ipinanganak han Dios nakadaug han kalibutan: ngan amo ini an pagdaug nga naka-daug han kalibutan, bisan an aton pagtoo. 1Jn 5:5 Ngan ¿hin-o ba an nakadaug han kalibutan, kon diri ba hiya nga natoo nga hi Jesus amo an Anak han Dios? 1Jn 5:6 Ini amo hiya nga kinanhi tungud ha tubig ngan ha dugo, bisan hi Jesukristo; diri la ha tubig, kondi ha tubig ngan ha dugo. 1Jn 5:7 Ngan an Espiritu amo an nagti-testigo, kay an Espiritu amo an ka-matuuran. 1Jn 5:8 Kay tutulo an nagtitestigo, an Espiritu, ngan an tubig, ngan an dugo: ngan ini nga tutulo nag ka-uroyon ha usa. 1Jn 5:9 Kon karawaton ta an pagkates-tigo han mga tawo, an pagkatestigo han Dios labi pa hin kadarodaku: kay an pagkatestigo han Dios amo ini, nga hiya nagtestigo tungud ha iya Anak. 1Jn 5:10 An may pagtoo ha Anak han Dios, may pagkatestigo ha iya kalu-garingon: an waray pagtoo ha Dios naghimo ha iya nga buwa-on; kay waray hiya pagtoo ha pagkatestigo nga igintestigo han Dios nahatutu-ngud ha iya Anak. 1Jn 5:11 Ngan ini amo an pagkatestigo, nga an Dios naghatag ha aton hin kinabuhi nga waray katapusan, ngan ini nga kinabuhi aada ha iya Anak. 1Jn 5:12 An nakaagi han Anak nakaagi han kinabuhi; an waray makaagi han Anak han Dios waray makaagi han kinabuhi. 1Jn 5:13 Nagsurat ako ha iyo hini nga mga bag ay, nga mga magtotoo ha ngaran han Anak han Dios, basi nga habaroan niyo nga mayada niyo ki-nabuhi nga waray katapusan. 1Jn 5:14 Ngan ini amo an aton pagsarig ha iya, nga, kon mangaro kita hin bisan ano nga bagay sumala ha iya kaburut-on, mamamati hiya ha aton: 1Jn 5:15 Ngan kon habaroan naton nga pinanmamati-an niya an ngatanan nga aton pinangangaro, hababaroan ta nga may ada han pinangangaro ta ha iya. 1Jn 5:16 Kon may tawo nga makakita ha iya bugto nga nagbubuhat hin sala nga diri ngadto ha kamatayon, ma-ngaro hiya, ngan an Dios mahatag hin kinabuhi hadton waray pakasala hin sala nga ngadto ha kamatayon. Mayada sala ngadto ha kamatayon: diri ako nasiring nga tungud hini mangaro hiya. 1Jn 5:17 An ngatanan nga diri katadu-ngan amo sala: ngan may ada sala nga diri ngadto ha kamatayon. 1Jn 5:18 Hinbaroan naton nga waray bi-san hin-o nga ipinanganak han Dios nga nagpakasala; kondi an ipinanga-nak han Dios, hiya nagmamangno ha iya ngahaw, ngan an yawan-on wa-ray makaduut ha iya. 1Jn 5:19 Hinbaroan ta nga mga Diosnon kita, ngan an bug-os nga kalibutan kanan kayawan-on. 1Jn 5:20 Ngan hinbaroan ta nga nakanhi an Anak han Dios, ngan naghatag ha aton hin kinaadman, basi nga kilal-on ta hiya nga matuud, ngan aada kita ha iya nga matuud, bisan ha iya Anak nga hi Jesukristo. Ini amo an matuud nga Dios, ngan an kinabuhi nga waray katapusan. 1Jn 5:21 Mga idoy ko, maglikay kamo ha mga ladawan. |