I Mga Taga-Corinto


1Co 1:1 Hi Pablo, nga gintawag ha pagka apostol ni Jesukristo tungud ha kaburut-on han Dios, ngan hi Sostenes nga aton bugto,

1Co 1:2 Ngadto ha singbahan han Dios nga aadto ha Korinto, nga mga ginpakaputli ha kan Kristo Jesus, nga mga gintawag nga mga baraan, upud ha ngatanan nga natawag ha ngaran han aton Ginoo Jesukristo ha ngatanan nga lugar, nga ira Ginoo ngan aton:

1Co 1:3 An grasia magin iyo ngan an paghidait tikang ha Dios nga aton Amay ngan ha Ginoo Jesukristo.

1Co 1:4 Nagpapasalamat ako gihapon ha akon Dios tungud ha iyo, tungud ha grasia han Dios nga iginhatag ha iyo kan Kristo Jesus;

1Co 1:5 Kay ha iya namanggaranon kamo, ha ngatanan nga bagay ha ngatanan nga polong ngan kinaadman;

1Co 1:6 Sugad nga an pagtestigo ni Kristo ginparig-on ha iyo:

1Co 1:7 Ha pagkaagi nga waray kamo kaorhi ha ngatanan nga hatag; nga naghuhulat ha pag pahayag han aton Ginoo Jesukristo.

1Co 1:8 Nga magpaparig-on man ha iyo tubtub ha katapusan, basi ha iyo waray sadang ibadlong ha adlaw han aton Ginoo Jesukristo.

1Co 1:9 An Dios matinumanon, nga amo an nagtawag ha iyo ha pakigangbit han iya Anak nga hi Jesukristo nga aton Ginoo.

1Co 1:10 Niyan mga kabugtoan, nanginnginyupo ako ha iyo, tungud ha ngaran han aton Ginoo Jesukristo, nga magyakan kamo ngatanan hin sugad la nga bagay, ngan diri kamo magkabahinbahin; kondi nga magkahihingpit kamo ha pagkaurusa hin sugad nga hunahuna, ngan hin sugad nga paghukom.

1Co 1:11 Kay iginpahabaro na ha akon han mga panimalay ni Kloe, nahatutungud ha iyo nga kabugtoan ko, nga may ada niyo mga kabidoan ha usa kag usa.

1Co 1:12 Niyan an karuyag ko sidngon amo ini, nga an tagsatagsa ha iyo nasiring, hi ako kan Pablo; ngan hi ako kan Apolo; ngan hi ako kan Kepas; ngan hi ako kan Kristo:

1Co 1:13 ¿Nagkabahinbahin ba hi Kristo? ¿Iginraysang ba hi Pablo tungud ha iyo? O, ¿ginbaptisan ba kamo ha ngaran ni Pablo?

1Co 1:14 Nagpapasalamat ako ha Dios nga waray ako magbaptis hin bisan hin-o ha iyo, gawas kanda Krispo ngan Gayo;

1Co 1:15 Bangin may tawo nga sumiring nga ginbaptisan kamo tungud ha akon ngaran.

1Co 1:16 Ngan ginbaptisan ko man an panimalay ni Estepanas; gawas hini waray ako sasabut nga nagbaptis ako hin iba.

1Co 1:17 Kay waray ako sogoa ni Kristo ha pamaptis, kondi ha pagwali ha Maopay nga Sumat; diri ha mga magkinaadmananon nga polong, bangin mawaray na pulos an krus ni Kristo.

1Co 1:18 Kay an kasinogoan han krus amo an waray kahimurulsan ha mga nagkakawawara; kondi ha aton nga nagkakaluluwas amo ito an gahum han Dios.

1Co 1:19 Kay nahasurat na: Paghihibangon ko an kaaram han mga magaram, ngan igsisikway ko an paghabaro han mga magsabuton.

1Co 1:20 ¿Hain ba an makinaadmana-non? ¿Hain ba an eskriba? ¿Hain ba an maglalantugi hini nga panahon? ¿Waray ba paghimoa han Dios nga an kaaram hini nga kalibutan nahimo nga katapangan?

1Co 1:21 Kay tungud nga an kalibutan, tungud ha iya kaaram waray kilala ha kaaram han Dios, adto kaburut-on han Dios amo an pagluwas ha mga nagtoo pinaagi han waray kahimurulsan han pag wali.

1Co 1:22 Kay an mga Judio nangangaro hin mga tigaman, ngan an mga Gresiahanon nagpapangita hin kaaram;

1Co 1:23 Kondi amon iginwawali hi Kristo nga iginraysang ha krus, nga ha mga Judio hiparakdolan ngan ha mga Hentil waray kahimurulsan.

1Co 1:24 Kondi ha ira nga mga gintawag, nga mga Judio ngan mga Gresiahanon, hi Kristo nga amo an ganum han Dios ngan an kaaram han Dios.

1Co 1:25 Kay an kawaray himurulsan han Dios labi pa han kinaadman han mga tawo; ngan an kaluyahan han Dios labi pa han kakusganan han mga tawo.

1Co 1:26 Kay tanawa niyo, mga kabugtoan, an pagka tinawag niyo, nga diri damu an magaram sumala ha unud, diri damu an magkusug, diri damu an mga bantugan, an gintawag;

1Co 1:27 Kondi, ginpili han Dios an mga waray himurulsan nga mga bagay ha kalibutan, basi niya habutang ha kaawud an mga magaram; ngan ginpili han Dios an mga magluya nga mga bagay ha kalibutan, basi niya habutang ha kaawud an mga bagay nga magkusug.

1Co 1:28 Ngan an mga ubus ngan gintatamay nga mga butang ha kalibutan, amo an ginpili han Dios, Oo, ngan an mga bagay nga diri mga asya, basi niya mawara an mga amo nga bagay:

1Co 1:29 Basi nga waray unud nga magdayaw ha atubangan han Dios.

1Co 1:30 Kondi ha iya aada kamo kan Kristo Jesus, nga ginhimo tungud ha aton nga kaaram tikang ha Dios, ngan katadungan, ngan pagkaputli, ngan pagtubus:

1Co 1:31 Nga, sugad ha nahasurat na: Hiya nga naghihimaya, maghimaya unta ha Ginoo.



1Co 2:1 Ngan ako, mga kabugtoan, han akon pagkadto ha iyo, waray ako kadto ha maopay nga mga yinaknan, ó kinaadman, ha pagpahabaro ha iyo han pagpamatuud han Dios.

1Co 2:2 Kay tinguha ko in diri habaro hin bisan ano dida ha iyo, gawas kan Jesu-kristo, ngan hiya iginraysang ha krus.

1Co 2:3 Ngan upud ako ha iyo ha kama-luya, ngan ha kahadluk, ngan ha daku nga pangorog.

1Co 2:4 Ngan an akon yinaknan ngan pag-wali waray ha mga magtalonoy nga mga polong ha kaaram, kondi ha pag-pahayag ha Espiritu ngan ha gahum:

1Co 2:5 Nga an iyo pagtoo diri tumindog ha kaaram han mga tawo, kondi ha ga-hum han Dios.

1Co 2:6 Nagyayakan kami ha kaaram, kondi bisan pa ha butnga ha mga ti-gurang; kondi diri ha kaaram hini nga kalibutan, bisan ha mga punoan hini nga kalibutan, nga pagwawad-on;

1Co 2:7 Kondi nagyayakan kami ha ka-aram han Dios asya ha tinago; bisan an kaaram nga gintago nga iginandam han Dios ha waray pa an mga katui-gan ha aton himaya:

1Co 2:8 Ngan waray kilalaha han mga puno-an hini nga kalibutan: Kay kon ira ini kinilala, waray unta nira igra-raysang ha krus an Ginoo han himaya:

1Co 2:9 Kondi sugad ha nahasurat na; Mga butang nga waray makita han mga mata, ngan waray hibati-i han mga talinga, ngan nga waray sulud hakasingkasing han tawo, an ngatanan nga mga bagay nga iginandam han Dios ha ngatanan nga nahigugma ha iya.

1Co 2:10 Kondi ha aton iginpahayag ito han Dios pinaagi ha Espiritu: Kay an Espiritu naguusisa ha ngatanan nga mga bagay, Oo, bisan pa an mga haglarum nga mga bagay han Dios.

1Co 2:11 Kay ¿hin-o ba ha mga tawo in sayod ha mga bagay hin usa ka tawo, gawas han espiritu han tawo nga aada ha iya? sugad man an mga bagay han Dios waray bisan hin-o nga maaram, gawas han Espiritu han Dios.

1Co 2:12 Kondi an aton kinarawat, diri an espiritu han kalibutan, kondi an Espiritu nga tikang ha Dios; basi nga aton hibaroan an iginhatag han Dios nga mga bagay nga waray bayad.

1Co 2:13 Ini nga mga bagay amo man an amon iginyayakan, diri ha mga po-long nga igintututdo han kaaram han tawo, kondi an igintutdo han Espi-ritu; ha pagtarampo ha mga espiritu-hanon nga mga bagay ngan ha mga espirituhanon nga mga. polong.

1Co 2:14 Niyan an tawo nga kinaiya diri nakarawat han mga bagay han Espiri-tu han Dios: Kay ini nga mga butang waray hinungdan ha iya, ngan diri hiya sadang makakilala hito, kay nga ginu-sisa na ito tungud ha espirituhanon.

1Co 2:15 Kondi an tawo nga espirituha-non naghuhukom ha ngatanan nga mga bagay, ngan hiya man diri ginhu-hukman hin bisan hin-o.

1Co 2:16 Kay ¿hin-o an nasayod han hu-nahuna han Ginoo, basi nga magtut-do ha iya? Kondi kita nakakarawat han hunahuna ni Kristo.



1Co 3:1 Ngan ako, mga kabugtoan, diri ako makakagyakan ha iyo sugad ha mga espirituhanon, kondi sugad ha mga lawasnon, sugad ha mga kaba-taan ha kan Kristo.

1Co 3:2 Pinaka-on ko kamo hin gatas, ngan diri kan-on; kay diri pa kamo takus hadto makaantus; diri, bisan pa niyan diri pa kamo sadang;

1Co 3:3 Kay mga lawasnon pa kamo; kay tungud nga may ada pa ha iyo abug-ho, ngan pagkabahinbahin, ¿diri ba kamo mga lawasnon, ngan diri ba kamo nangagawi sugad ha mga gawi han mga tawo?

1Co 3:4 Kay kon an usa masiring, Hi ako kan Pablo; ngan an usa, Hi ako kan Apolo, ¿diri ba kamo mga tawo nga kalibutanon?

1Co 3:5 ¿Hin-o ba hi Apolo? ¿Hin-o ba hi Pablo? Mga ministro nga tungud ha ira kamo nagtoo; ngan ini sumala han iginhatag ha tagsatagsa han Ginoo.

1Co 3:6 Hi ako an nagtanum, hi Apolo an nagbisibis: kondi an Dios an nagpa-tubu.

1Co 3:7 Busa bisan hiya nga nagtatanum, bisan hiya nga nagbibisibis waray bi-san ano hira; Kondi an Dios nga nag-hahatag ha pagtubu.

1Co 3:8 Niyan an nagtatanum ngan an nagbibisibis uusa la: Kondi an tagsa-tagsa makarawat han iya kalugaringon nga balus sumala han iya kalugari-ngon nga buhat.

1Co 3:9 Kay kita mga kabulig han Dios ha pagbuhat: Kamo an uma han Dios, an balay han Dios.

1Co 3:10 Sumala han grasia han Dios nga iginhatag ha akon, nga sumala hin maaram nga panday ako an nagtu-kud; ngan iba an nagpapatindog hito; kondi magmatnong an tagsatagsa kon oonan-on an iya pagbalay hito.

1Co 3:11 Kay waray iba nga patukuran nga sadang mahamutang, gawas han patukuran nga nahamutang na, nga amo hi Kristo.

1Co 3:12 Ngan kon bisan hin-o an magpa-tindog ha igbaw hini nga patukuran hin bulawan, salapi, mga hamili nga bato, kahoy, dayami, banwa nga uga;

1Co 3:13 An buhat han tagsatagsa nga tawo igpapahayag: kay igpapakita han adlaw, tungud nga igpapahayag ini ha kalayo; ngan an kalayo gud an mag susulay kon ano an buhat han tagsatagsa.

1Co 3:14 Kon an buhat han usa ka tawo magpadayon ha igbaw han iya ginba-lay, makarawat hiya hin balus.

1Co 3:15 Kon an buhat han usa ka tawo masunug, mag aantus hiya hin pagka-wara: Kondi hiya ngahaw maluluwas; kondi sugad man hin nagagi ha ka-layo.

1Co 3:16 ¿Diri ba kamo maaram nga ka-mo amo an templo han Dios, ngan nga an Espiritu han Dios nagpupuyo dida ha iyo?

1Co 3:17 Kon may ada usa ka tawo nga maghibang han templo han Dios, an Dios maglalaglag ha iya; kay an tem-plo han Dios baraan ngan sugad man kamo.

1Co 3:18 Hinaut unta nga waray usa ka tawo nga maglimbong ha iya kaluga-ringon. Kon may usa ka tawo ha iyo nga mag hunahuna nga hiya maaram dinhi ha kalibutan, magpakabuang hiya, basi hiya magmakinaadmana-non.

1Co 3:19 Kay an kaaram hini nga kalibu-tan amo an kinabuangan ha atuba-ngan han Dios. Kay nahasurat na: Iya dinadakup an mga magaram ha ira mga limbong:

1Co 3:20 Ngan liwat, an Ginoo maaram han mga giparopakiana han mga mag-aram, nga ito mga waray pulos.

1Co 3:21 Busa hinaut unta nga waray usa nga maghimaya ha mga tawo. Kay an ngatanan nga mga bagay iyo;

1Co 3:22 Bisan hi Pablo, ó hi Apolo, ó hi Kepas, ó an kalibutan, ó an kinabuhi ó an kamatayon, ó an mga bagay ni-yan, ó an mga bagay nga tiarabut; ini iyo ngatanan;

1Co 3:23 Ngan kamo kan Kristo; ngan hi Kristo kanan Dios.



1Co 4:1 Paghunahunaon kami han tawo, sugad nga mga ministro ni Kristo, ngan mga tinapuran han mga tinago han Dios.

1Co 4:2 Dinhi, labut pa, kinahanglan ha mga tinapuran, nga hiagian an tagsa-tagsa nga magmatinumanon.

1Co 4:3 Kondi ha akon gutiay gud la nga bagay nga iyo ako paghuhukman, ó ha paghukom han tawo: Oo, diri ako naghuhukom ha akon kalugaringon.

1Co 4:4 Kay waray ko hinhabaroan nga bisan ano kontra ha akon ngahaw; kondi diri ba tungud hini nga ginpa-kamatadung ako; kondi an naghuhu-kom ha akon amo an Ginoo.

1Co 4:5 Busa diri kamo maghukom hin bisan ano nga bagay nga waray pa aabut an panahon, ngada ha pag abut han Ginoo, nga amo an magdadara ngadto ha kalamragan ha mga bagay ha kasisidman nga tinago, ngan mag-papahayag ha mga tinguha han mga kasingkasing; ngan niyan an tagsatag-sa makarawat ha iya pagdayeg tikang ha Dios.

1Co 4:6 Niyan ini nga mga bagay, mga ka-bugtoan, akon ginbalhin ngadi ha akon ngan ha kan Apolo tungud ha iyo; nga tungud ha amon hinaut unta nga kamo manhabaro ha diri pagtala-pas han nahasurat na; nga waray ha iyo in pumadayaw kontra ha kalopig han usa.

1Co 4:7 Kay ¿hin-o ba ha iyo in naghimo nga lain? Ngan ¿ano an imo nga waray mo makarawat? Kondi kon imo ini nakarawat, ¿kay ano nga naghihima-ya ka sugad hin waray ka karawat?

1Co 4:8 Mga puno na kamo, mga mangga-ranon na kamo, nagmando na kamo nga diri kami upud niyo: Oo, ngan ti-nguha ko gud nga magmando na ka-mo, basi nga magmando man kami upud ha iyo.

1Co 4:9 Kay ako naghuhunahuna, nga iginbutang kami han Dios nga mga apostol nga orhi, sugad ha mga tawo nga pinanhukman ha kamatayon: kay ginbuhat kami nga taranawon ha kalibutan, ha mga angel ngan ha mga tawo man.

1Co 4:10 Kami mga buang tungud kan Kristo, kondi kamo magaram tungud kan Kristo; kami magluya kondi ka-mo magkusug; kamo may himaya, kondi kami may maraut nga kadung-ganan.

1Co 4:11 Bisan ngada niyan nga oras nag-aantus kami ha kagutum, ngan ha ka-uhaw, ngan mga hubo kami, ngan pi-nanampalo, ngan waray namon puya-nan nga dayon.

1Co 4:12 Ngan nagbubuhat kami ha pag-buhat ha amon mga kalugaringon nga mga kamot; nga ginpapasipara kami, ginmamaopay namon; nga gintitima-raut kami, nagiilub kami;

1Co 4:13 Nga ginpapakaalohan kami, nakikimalooy kami; ginhihimo kami nga sugad hin hugaw han kalibutan, nga mga hugaw han ngatanan nga mga butang ngada niyan.

1Co 4:14 Diri ako magsurat hini nga mga bagay ha pag pakaalo ha iyo, kondi ha pagsagdon ha iyo sugad ha akon mga hinigugma nga mga anak.

1Co 4:15 Kay bisan kon may ada niyo na-pulo ka yukut nga mga magturutdo tungud kan Kristo, diri damu an iyo mga amay; kay ha kan Kristo Jesus ipinanganak ko kamo pinaagi ha Ma-opay nga Sumat.

1Co 4:16 Busa nanginginyupo ako ha iyo nga mag subad kamo ha akon.

1Co 4:17 Tungud hini ginsogo ko hi Ti-moteo nganhi ha iyo, nga amo it akon hinigugma ngan matinumanon nga anak ha Ginoo, nga magpapahinumdum ha iyo ha akon mga dalan nga aada kan Kristo, sugad han akon igintutdo bisan diin ha ngatanan nga singbahan:

1Co 4:18 Niyan an iba napadayaw, sugad nga diri na unta ako tikadto ha iyo.

1Co 4:19 Kondi makanhi ako layon ha iyo, kon buut an Ginoo; ngan hibaba-roan ko, diri an polong han mga mag-dinayawon ha ira ngahaw, kondi an gahum.

1Co 4:20 Kay an ginhadian han Dios diri ha polong, kondi ha gahum.

1Co 4:21 ¿Ano an buut niyo? ¿Makadto ba ako ha iyo nga may latob, ó ha gugma ngan espiritu ha kaaghup?



1Co 5:1 Iginsumat gud ini nga may pakig-hilawas dida ha iyo, ngan ini nga pa-kighilawas diri na sadang hiagian bi-san pa ha mga Hentil, nga an usa ha iyo nangasawa han asawa han iya amay.

1Co 5:2 Ngan kamo namadayaw, ngan waray lugud kamo magsubu, nga hiya nga nagbuhat hin sugad hini kuhaon tikang ha iyo.

1Co 5:3 Kay ako ha pagkamatuud, nga diri upud niyo ha lawas kondi upud niyo ha espiritu, sugad hin aada na ako, ginhukman ko na ini nga nagbu-hat hin sugad,

1Co 5:4 Ha ngaran han aton Ginoo Jesus, kamo nga nagtitirok, ngan an akon espiritu upud ha gahum han aton Gi-noo Jesus,

1Co 5:5 An sugad hini nga tawo itubyan kan Satanas basi pag laglagon an la-was, basi nga an espiritu maluwas unta ha adlaw han Ginoo Jesus.

1Co 5:6 An iyo paghimaya diri maopay. ¿Diri ba kamo maaram nga an gutiay nga iparatubu nakakapatubu ha bug-os nga menasa?

1Co 5:7 Kuhaa niyo an daan nga ipaturubu, basi kamo mahimo nga bag-o nga menasa, sugad nga waray kamo pag-patubua. Kay an aton pesach iginha-lad na nga amo hi Kristo:

1Co 5:8 Busa pagtumanon ta an pesach, diri ha daan nga ipaturubu, bisan ha ipaturubu nga kasal-anan ngan kara-utan, kondi ha diri pinatubu nga tina-pay han minatuud gud ngan han ka-matuuran.

1Co 5:9 Nagsurat ako ha iyo ha akon surat nga diri kamo makipagurupud ha mga paralibog;

1Co 5:10 Diri ha letra gud nga kahologan nga maglikay kamo ha mga makililibogon hini nga kalibutan, ó ha mga aawa-on ngan ha mga kawatan ó ha mga nagsisingba ha mga ladawan; kay kon masugad hiton kinahanglan kamo gumowa ha kalibutan:

1Co 5:11 Kondi sugad hini, nagsurat ako ha iyo nga diri kamo makipag upudupud, kon an usa ka tawo nga ginngangaranan nga bugto, paralibog, ó masingbahon ha mga ladawan, ó malibakon, ó parahubug, ó paralimbong; bisan ha pagkaon diri kamo makigsaro ha iya.

1Co 5:12 Kay ¿ano in labut ko ha paghukom ha ira nga aada ha gawas? ¿Waray ba niyo paghukmi an mga aada ha sulud?

1Co 5:13 Kondi hira nga aada ha gawas ginhukom han Dios. Kuhaon niyo an maraut nga tawo tikang ha iyo ngahaw.



1Co 6:1 ¿Mangahas ba an usa ha iyo, nga may bagay kontra ha iya igkasitawo, ha pagsumbung ngadto ha diri mata-dung, ngan diri ba ha atubangan ha mga bara-an?

1Co 6:2 O, ¿diri ba kamo maaram nga an mga baraan maghuhukom ha kalibu-tan? Ngan kon an kalibutan paghuk-man niyo ¿diri ba kamo takus ha paghukom ha gudtiay nga mga bu-tang?

1Co 6:3 ¿Diri ba kamo maaram nga ma-kakaghukom kita ha mga angel? ¿Asay pa ba, ha mga butang hini nga kina-buhi?

1Co 6:4 Busa kon maghukom kamo ha mga butang nga nahatutungud hini nga kinabuhi, ¿ibinubutang niyo ha paghukom ha singbahan an mga waray kapulsanan?

1Co 6:5 Iginsiring ko ini nga manhikaa-wud kamo. ¿Busa, waray ba usa ha iyo nga maaram nga sadang makaghu-kom ha iya mga magburugto,

1Co 6:6 Kondi an bugto nagkikiha ha iya bugto ha atubangan han mga diri ma-tinoohon?

1Co 6:7 Ini, ha pagkamatuud usa na nga karat-an niyo, nga naggigikihakiha kamo. ¿Kay ano nga diri la lugud ni-yo ginaantus an maraut? ¿Kay ano nga diri la lugud kamo napapaglilim-bong?

1Co 6:8 Diri, kondi kamo ngahaw nagbu-buhat hin maraut, ngan naglilimbong ha iyo kabugtoan.

1Co 6:9 O ¿waray ba niyo habaro-i nga an diri mga matadung diri makakapa-nonod ha ginhadian han Dios? Diri kamo kalimbongan; bisan an mga ma-kihihilawason, masingbahon ha mga diosdios, bisan an mga manlilibog, bi-san an mga babayin-on, bisan an mga Sodomanhon,

1Co 6:10 Bisan an mga kawatan, bisan an mga aawa-on, bisan an mga parahu-bug, mga mapakarauton, bisan an m¿a maagawan, diri makakapanonod ha ginhadian han Dios.

1Co 6:11 Ngan an iba ha iyo mga sugad hini: Kondi mga lininisan kamo, kon-di mga ginpakabara-an na kamo, kon-di mga ginpakamatadung na kamo ha ngaran han aton Ginoo Jesukristo, ngan ha Espiritu han aton Dios.

1Co 6:12 An ngatanan nga mga butang tugot ha akon; kondi diri an ngata-nan kapulsanan nakon; an ngatanan nga mga butang tugot ha akon; kondi diri ako mapasakup ha gahum hin bi-san hin-o.

1Co 6:13 An mga kakaonon tungud ha ti-yan, ngan an tiyan tungud ha mga ka-kaonon: kondi paglalaglagon ini ngan hira han Dios. Kondi an lawas diri ha mga pakighilawas, kondi kanan Gi-noo; ngan an Ginoo kanan lawas:

1Co 6:14 Ngan an Dios nga nagbanhaw ha Ginoo, magbabanhaw man ha aton tungud ha iya gahum.

1Co 6:15 ¿Diri ba kamo maaram nga an iyo mga lawas mga bahin ni Kristo? ¿Kukuha-on ko ba an mga bahin ni Kristo ngan himo-on nga mga bahin han puta? ¡Ipaharayo ini Dios!

1Co 6:16 O ¿diri ba kamo maaram nga hiya nga itampo ha puta magiginusa nga lawas hira? Kay, nasiring hiya; an duduha magiginusa nga unud.

1Co 6:17 Kondi hiya nga itinampo ha Gi-noo, maginusa nga espiritu.

1Co 6:18 Palagyw kamo tikang ha paki-paghilawas. An ngatanan nga sala nga pagbuhaton han usa ka tawo harayo ha lawas: Kondi an nagbubuhat ha pakighilawas nakakasala kontra ha iya kalugaringon nga lawas.

1Co 6:19 ¿Diri ba kamo maaram nga an iyo lawas amo an templo han Espi-ritu Santo nga aada ha iyo, nga iyo kinarawat tikang ha Dios? Ngan diri na kamo iyo kalugaringon.

1Co 6:20 Kay pinalit kamo ha usa nga pa-lit; busa paghimayawon niyo an Dios ha iyo lawas.



1Co 7:1 Niyan nahatutungud ha mga ba-gay nga iyo iginsurat: Maopay ha usa ka tawo an diri pagdoot ha usa nga babaye.

1Co 7:2 Kondi, tungud ha mga pakighilawas, an tagsa nga lalaki kinarawat ha iya kalugaringon nga asawa nga babaye, ngan an tagsa nga babaye kumara-wat ha iya kalugaringon nga asawa nga lalaki.

1Co 7:3 Ihatag nan asawa nga lalaki ha iya asawa nga babaye an iya angay; ngan sugad man an asawa nga babaye ha iya asawa nga lalaki.

1Co 7:4 An asawa nga babaye waray ka-gamhanan ha iya kalugaringon nga la-was, kondi an iya asawa nga lalaki; ngan sugad man an lalaki waray ka-gamhanan ha iya kalugaringon nga lawas, kondi an iya asawa nga ba-baye.

1Co 7:5 Diri kamo mag linimbongay an usa kag usa, gawas ha tugot nga pana-hon, basi kamo mag ampo, ngan mag-katarampo liwat kamo, basi kamo diri masulay ni Satanas tungud ha iyo diri pag pugung ha kairibgon han la-was.

1Co 7:6 Ngan ini iginsusumat ko ha iyo pinaagi ha pagtugot, diri ha pagsogo.

1Co 7:7 Kay buut ko unta nga an ngata-nan nga mga tawo maginsugad ha akon. Kondi an tagsatagsa may kalu-garingon nga hatag tikang ha Dios, an usa ha usa nga paagi, ngan an usa ha lain.

1Co 7:8 Kondi nasiring ako ha mga waray pa asawa ngan ha mga balo nga ba-baye; Maopay na la ha ira kon mag papadayon hira sugad ha akon.

1Co 7:9 Kondi kon diri hira makahawid ha kairibgon han lawas, mangasawa hira: Kay maoroopay an pangasawa ngan ha kasunug.

1Co 7:10 Kondi ha inasaw-an na ako nag-sosogo, diri ako, kondi an Ginoo, Nga an babaye diri bumulag ha iya asawa nga lalaki.

1Co 7:11 (Kondi kon hiya bumulag, mag-padayon hiya nga waray asawa, ó kondi man makigopay ha iya asawa nga lalaki); ngan nga an lalaki diri bu-mulag ha iya asawa nga babaye.

1Co 7:12 Kondi ha iba ako nasiring, diri an Ginoo: Kon may bugto nga may asawa nga babaye nga diri matino-ohon ngan naruruyag hiya ha pag-puyo upud ha iya, diri niya baya-an ini nga babaye.

1Co 7:13 Ngan an babaye nga may asawa nga lalaki nga diri matinoohon, ngan naruruyag hiya pagpuyo upud ha iya, diri niya baya-an ini nga iya asawa nga lalaki.

1Co 7:14 Kay an asawa nga lalaki nga diri matinoohon ginpakaputli han asawa nga babaye, ngan an asawa nga ba-baye nga diri matinoohon ginpaka-putli han bugto; ó an iyo mga anak nga diri putli; kondi niyan mga bara-an hira.

1Co 7:15 Kondi kon an diri matinoohon bumulag, pabulagon hiya; an bugto nga lalaki ó babaye diri sakup ha ka-uripon sugad hini nga mga pagkaagi: kondi an Dios nagtawag ha aton ha kamurayawan.

1Co 7:16 Kay ¿ano an habaro nimo, ¡O! asawa nga babaye, kon maluluwas mo ba an imo asawa nga lalaki? O ¿ano an habaro nimo, ¡O! asawa nga lalaki, kon maluluwas mo ba an imo asawa nga babaye?

1Co 7:17 Mangawi la an tagsatagsa sugad han ginbahinbahin han Ginoo, sugad han kanan Dios pagtawaga han tagsa-tagsa, salit gumawi hiya. Ngan amo ini an iginsogo ko ha ngatanan nga mga singbahan.

1Co 7:18 ¿Gintawag ba an iba nga nasir-kunsidahan? Diri hiya magindiri sir-kunsidahan; ¿Gintawag ba an iba nga diri sinisirkunsidahan? Diri hiya mag-insirkunsidahan.

1Co 7:19 An sirkunsision waray hin ano man, ngan an diri sirkunsision waray hin ano man; kondi an pagtuman ha mga sogo han Dios.

1Co 7:20 An tagsatagsa magpadayon hadton pagkatinawag nga igintawag ha iya.

1Co 7:21 ¿Gintawag ka ba nga uripon ka? ayaw kaholop hito; bisan kon sadang ka makabuhi, tinguhaa lugud ini hin labi.

1Co 7:22 Kay an gintawag han Ginoo nga uripon, amo ini an linuwas han Gi-noo: Sugad man an gintawag nga li-nuwas, amo an uripon ni Kristo.

1Co 7:23 Kay pinalit kamo ha palit; diri kamo maginuripon han mga tawo.

1Co 7:24 Mga kabugtoan, an tagsatagsa magpadayon ha Dios, sugad han igin-tawag ha iya.

1Co 7:25 Niyan nahatutungud ha mga uray, waray sogo nga nakarawat ko ha Ginoo; kondi naghahatag ako ha akon paghukom sugad hadton naka-karawat hin kalooy ha Ginoo ha pag-kamatinumanon.

1Co 7:26 Busa akon ini ginhunahuna nga maopay tungud ha aton kakurian ni-yan, nga maopay ha tawo nga ma amo hiya sugad ha iya ngahaw.

1Co 7:27 ¿Nahigutan ka ba ha asawa? Ayaw pagtinguha ha pakabuhi. ¿Na-buhian ka ba ha asawa? Ayaw pagbi-ling hin asawa.

1Co 7:28 Kondi kon mangasawa ka, wa-ray ka makasala; ngan kon an uray papangasawa, waray hiya makasala. Kondi hira mamamay ada kagol-anan ha unud; ngan papasaylo ako ha iyo.

1Co 7:29 Kondi isiniring ko ini ha iyo, mga kabugtoan, nga an panahon gin-pahaliput, nga tikang niyan an mga may asawa manhihinugad ha mga wa-ray asawa;

1Co 7:30 Ngan an mga nananangis sugad ha waray pananangis; ngan an mga nagkakalipay sugad ha mga waray pagkakalipay; ngan an mga nama-malit sugad ha mga waray kalugari-ngon;

1Co 7:31 Ngan an mga nagamit ha kalibu-tan, sugad ha waray pangagamit hin labi hini nga kalibutan; kay an dag-way hini nga kalibutan maagi.

1Co 7:32 Kondi buut ko unta nga kamo maluwas ha mga pangarit. An waray asawa maminangnoon ha mga butang han Ginoo, kon oonan-on niya an paglipaya ha Ginoo:

1Co 7:33 Kondi an inasaw-an maminang-noon ha mga butang ha kalibutan, kon oonan-on niya an pag lipaya ha iya asawa.

1Co 7:34 Ngan hiya nagkakabahin. Sugad man an babaye nga waray asawa ngan an uray maminangnoon ha mga ba-gay han Ginoo, basi hiya maputli ha lawas ngan ha espiritu: Kondi an ina-saw-an maminangnoon ha mga bagay han kalibutan, kon oonan-on niya an paglipaya ha iya asawa.

1Co 7:35 Ngan ini iginsisiring ko tungud ha iyo kalugaringon nga kapulsanan; diri ha pag lit-ag ha iyo, kondi tu-ngud ha maopay, ngan nga mag-ala-gad kamo ha Ginoo ha waray kalinga-wan.

1Co 7:36 Kondi kon may usa ka tawo nga maghunahuna nga hiya nagawi hin diri kaangayan ha iya uray nga anak nga babaye, kon umagi na an iya pag-kamakaruruyag, ngan kon kinahang-lan gud ini, buhaton an iya kaburut-on; waray niya sala; papangasawa hiya.

1Co 7:37 Kondi hiya nga nagpapadayon nga marig-pn ha iya kasingkasing, nga waray kinahanglan, kondi nga may kagamhanan ha iya kaburut-on, ngan iya ini ginhunahuna gud ha iya ka-singkasing, ha pagmangno ha iya uray nga anak nga babaye nagbubuhat hiya hin maopay.

1Co 7:38 Busa an napapangangasawa ha iya uray nga anak nga babaye nagbu-buhat hin maopay; ngan sugad man an waray papangangasawa ha iya uray nga anak nga babaye nagbubu-hat hin maoroopay pa.

1Co 7:39 An asawa nga babaye hinigutan han balaud tubtub nga buhi pa an iya asawa; kondi kon mamatay na an iya asawa, mahihimo hiya papangasawa ha iya karuyag; kondi ha kanan Gi-noo la.

1Co 7:40 Sugad ha akon pagsabut, daku pa lugud an iya kalipayan kon hiya magpadayon na la hin sugad hini: Ngan naghuhunahuna man ako nga hahani ha akon an Espiritu han Dios.



1Co 8:1 Niyan nahatutungud ha mga ba-gay nga iginhalad ha mga diosdios: Nanhabaro kita nga kita ngatanan may kinaadman. An kinaadman nag-papadayaw, kondi an gugma nagpa-parig-on.

1Co 8:2 Kon an usa ka tawo maghunahu-na nga hiya maaram ha bisan ano, diri pa hiya maaram sugad ha iya ki-nahanglan habaroan;

1Co 8:3 Kondi kon an usa ka tawo maha-gugma ha Dios, amo ini hiya an kini-kilala niya.

1Co 8:4 Busa, nahatutungud ha pangaon ha mga bagay nga iginhalad ha mga diosdios, maaram kita nga waray diosdios nga bisan hin ano man dinhi ha kalibutan, ngan nga waray iba nga Dios kondi uusa la.

1Co 8:5 Kay bisan mayada an ginngara-nan nga mga dios, ha langit ó ha tu-na; sugad nga damu an mga dios ngan damu an mga ginoo;

1Co 8:6 Kondi ha aton uusa la an Dios, nga Amay, nga tikang ha iya ginikan an ngatanan nga mga butang, ngan kita ha iya; ngan uusa la an Ginoo, nga hi Jesukristo, nga tungud ha iya ginikan an ngatanan nga mga butang, ngan kita tungud ha iya.

1Co 8:7 Kondi an ngatanan waray hini nga kinaadman: kondi an iba nga mga hiara ha diosdios ngada niyan, nangangaon sugad ha iginhalad ha diosdios; ngan an ira konsiensia tu-ngud ha kamaluya ginhugawan.

1Co 8:8 Ngan an sud-an diri ha aton ma-kakadara ngadto ha harani ha Dios: Kay bisan diri kita kumaon, labi kita hin kamaraut, bisan kita kumaon, malabi kita hin kamaopay.

1Co 8:9 Kondi magmatngon kamo bangin nga ini nga iyo gahum amo an mahi-mo nga hipakdolan ha mga maluya.

1Co 8:10 Kay kon may usa ka tawo nga makakita ha imo nga maaram nga na-lingkod ka pagkaon dida ha templo han diosdios, ¿diri ba an iya konsien-sia, kon hiya maluya, marig-on ha pagkaon ha mga bagay nga iginhalad ha mga diosdios?

1Co 8:11 Kay pinaagi ha imo kinaadman mawawara an maluya, an bugto, nga tungud ha iya namatay hi Kristo.

1Co 8:12 Busa, hini nga pagkaagi ha pag-pakasala kontra ha mga kabugtoan, ngan pagsamad ha ira magluya nga mga konsiensia, nagpakasala kamo kontra kan Kristo.

1Co 8:13 Busa, kon an karni nakakahatag ha akon bugto ha paghipakdol, diri na gud ako makaon hin karni, basi diri na ako makahatag hin katigayo-nan ha akon bugto ha paghipakdol.



1Co 9:1 ¿Diri ba ako linuwas? ¿Diri ba ako apostol? ¿Waray ko ba hikit-i hi Jesukristo nga aton Ginoo? ¿Diri ba kamo an akon mga buhat ha Ginoo?

1Co 9:2 Kon ha iba diri ako apostol, kon-di ha iyo amo ako; kay kamo an tiga-man han akon pagkaapostol ha Ginoo.

1Co 9:3 An akon depensa ha mga nagsu-suki ha akon amo ini.

1Co 9:4 ¿Waray ba namon kagamhanan ha pagkaon ngan ha paginum?

1Co 9:5 ¿Waray ba namon kagamhanan ha pagdara hin asawa nga matinoo-hon, sugad han iba nga mga apostol, ngan mga kabugtoan han Ginoo, ngan ni Kepas?

1Co 9:6 O ¿hi ako la ngan hi Bernabe an waray kagamhanan ha pag likay ha mga pagbuhat?

1Co 9:7 ¿Hin-o ba nga sondalo in nag ba-balon hin iya kalugaringon? ¿Hin-o ba in nagtatanum hin ubas ngan diri nakaon ha bunga? O ¿hin-o ba an nagmamangno hin kakarnerohan ngan diri maka-on han gatas?

1Co 9:8 ¿Nagyayakan ba ako hini nga mga bagay sugad ha kinaiya han mga tawo? O ¿waray ba ini igsiring liwat han Kasogoanan?

1Co 9:9 Kay nahasurat na ha Kasogoanan ni Moises: Diri mo pagbangoton an baka kon aada ha paggiok han maiz. ¿Tungud ba ha mga baka nga an Dios nangangarit?

1Co 9:10 O ¿iginsiring ba ini niya tungud ha aton? Oo, tungud ha aton iginsu-rat ini: Kay hiya nga nagaarado kina-hanglan nga magarado ha pag laum, ngan an naggigiok, maggiok nga mag-laum ha paghiangbit.

1Co 9:11 Kon kami magsabwag ha iyo ha mga espirituhanon nga mga bagay ¿daku ba nga butang kon kami mag-ani hin iyo mga lawasnon nga mga bagay?

1Co 9:12 Kon an iba nanhiangbit hini nga kagamhanan ha iyo, ¿diri ba labaw pa kami? Kondi waray namon gamita ini nga kagamhanan; Kondi ginantus namon an ngatanan nga mga bagay basi diri kami makaulang ha Maopay nga Sumat ni Kristo.

1Co 9:13 ¿Waray ba kamo manhabaro nga an mga nanhahalad ha mga bagay nga bara-an, nga nangangaon hira ha mga butang han templo, ngan an mga nag mamangno ha halaran mga angbit ha halad?

1Co 9:14 Sugad man an Ginoo nagsogo nga an mga nagwawali ha Maopay nga Sumat manginabuhi ha Maopay nga Sumat.

1Co 9:15 Kondi waray ako gamit hin bi-san usa hini nga mga bagay; ngan diri ko isurat ini nga mga bagay basi nga ini mahimo ha akon; kay mamaopay ko na la lugud an kamatay, ngan pag-buhaton ha usa ka tawo an pag hima-ya ha akon nga waray pulos.

1Co 9:16 Kay kon igwali ko an Maopay nga Sumat, waray ko sadang paghimayaan; kay ini kinahanglan gud ha akon; kay kairo ko kon diri ko igwali an Maopay nga Sumat.

1Co 9:17 Kay kon buhaton ko ini ha akon kalugaringon nga kaburut-on, mayada ko balus: kondi kon diri ha akon kalugaringon nga kaburut-on, an pagkatinapuran igintapod ha akon.

1Co 9:18 ¿Ano ba an balus ha akon? Nga ha pagwali ko ha Maopay nga Sumat, igwali ko unta an Maopay nga Sumat ha waray bayad, basi nga diri ko ma-gamit an ngatanan ko nga katadu-ngan ha Maopay nga Sumat.

1Co 9:19 Kay bisan kon linuwas ako tikang ha ngatanan, nahimo ako nga uripon ha ngatanan, basi nga mama-kabig ko pa an labi.

1Co 9:20 Ngan ha mga Judio, sugad ako hin Judio, basi nga makabig ko an mga Judio; ha mga nasakup ha Kaso-goanan, sugad hin sakup ha Kasogo-anan, bisan kon diri ako sakup ha Ka-sogoanan, basi nga makabig ko an mga nasakup ha Kasogoanan;

1Co 9:21 Ha mga waray masakup ha Ka-sogoanan, sugad hin waray kasakup ha Kasogoanan, diri nga waray Kaso-goanan han Dios, kondi ha ilarum ha Kasogoanan ni Kristo, basi ko hira makabig an mga waray masakup ha Kasogoanan.

1Co 9:22 Ha mga magluya nag sugad ako hin maluya, basi ko makabig an mga magluya; nahimo ako ha ngatanan nga mga butang, tungud ha ngatanan nga mga tawo, basi nga ha ngatanan nga paagi maluwas ko han iba.

1Co 9:23 Ngan ginbubuhat ko an ngata-nan nga mga bagay tungud ha Mao-pay nga Sumat, basi ha angbit man ako ha ira.

1Co 9:24 ¿Diri ba kamo maaram nga an nagdadadlagan ha romba, an ngata-nan nagdadadlagan, kondi uusa la an nakakakarawat han premio? Sugad man kamo magdadlagan; basi niyo madangat.

1Co 9:25 Ngan an ngatanan nga nabulig ha mga uyas nagbubuhat ha kamailubon ha ngatanan nga mga bagay. niyan ira ini ginhihimo ha pagmalaka-rawat hin madinunoton nga podong podong; kondi kita ha diri madinuno-ton.

1Co 9:26 Busa nadalagan ako, diri sugad ha may pagruhaduha, busa nakikipag-away ako, diri sugad ha nag dadabal ha hangin:

1Co 9:27 Kondi ginpapaantus ko inin akon lawas, ngan iginbutang ko ha pagkauripon: bangin tingali, ha kahu-man ko na mag wali ha iba, ako lu-gud isikway.



1Co 10:1 Kay diri ko buut, mga kabugtoan, nga diri niyo habaroan, nga an aton mga ginikanan nakadto hira ha ilarum han dampug, ngan hira ngata-nan nagagi ha butnga han dagat;

1Co 10:2 Ngan an ngatanan ginbaptismo-han ha kan Moises ha dampug ngan ha dagat;

1Co 10:3 Ngan an ngatanan nangaon ha es-pirituhanon nga kakaonon.

1Co 10:4 Ngan nanginum hira ngatanan ha papriho nga espirituhanon nga irin-mon. Kay naginum hira ha bato nga espirituhanon nga nagsunud ha ira: ngan ini nga bato amo hi Kristo.

1Co 10:5 Kondi an Dios waray kalipay ha kadam-an ha ira: kay pinanlaglag hira didto ha kamingawan.

1Co 10:6 Niyan ini nga mga bagay amo an aton mga susbaranan, basi diri kita maipa ha mga magraut nga butang, kay hira man nagkaipa.

1Co 10:7 Diri man kamo magsingba ha mga diosdios, sugad han iba ha ira: Sugad han nahasurat: An mga tawo nanlingkod ha pangaon ngan pangi-num, ngan nanukdaw ha pagmulay.

1Co 10:8 Diri kita makighilawas, sugad han iba ha ira nga pakighilawas, ngan nag-kaholog ha usa ka adlaw in karuhaan kag tulo ka yukut.

1Co 10:9 Diri ta pagsulayon an Ginoo, su-gad han iba ha ira nga nagsulay, ngan ginlaglag han mga halas.

1Co 10:10 Diri kamo magngorotob sugad han iba ha ira nga nanngongorotob, ngan ginlaglag han paralaglag.

1Co 10:11 Niyan an ngatanan ini nga mga bagay nahanabu nga susbaranan; ngan hito ipinanurat ha pagsagdon ha aton, nga ngada ha aton an kata-pusan han mga katuigan maabut.

1Co 10:12 Busa an naghuhunahuna nga na-tindog hiya magmatnong bangin ma-pukan hiya.

1Co 10:13 Waray pagsulay nga maabut ha iyo nga diri sadang maantus han ta-wo: kondi an Dios matinumanon, nga diri matugot nga pagsulayon ka-mo labaw ha iyo kasadangan; kondi upud ha pagsulay mahatag liwat hiya hin katigayonan ha paglikay, basi nga kamo makahimo ha pagantus.

1Co 10:14 Busa, mga hinigugma ko, puma-lagyw kamo tikang ha pagsingba ha mga diosdios.

1Co 10:15 Nagyayakan ako sugad hin ngadto ha magaram nga mga tawo; pag-hukmi niyo an akon iginyakan.

1Co 10:16 An tagayan ha pagbendision nga amon binibendisionan ¿diri ba tu-ngud ha paghiangbit ha dugo ni Kris-to? An tinapay nga amon gintitipikti-pik, ¿diri ba tungud ha paghiangbit ha lawas ni Kristo?

1Co 10:17 Kay kita nga damu, uusa la nga tinapay, ngan uusa la nga lawas: Kay kita ngatanan nakipagarangbit ha usa nga tinapay.

1Co 10:18 Tanawa niyo hi Israel sumala nga lawasnon: ¿Diri ba hira nga na-ngaon ha mga halad mga angbit ha ha-laran?

1Co 10:19 Busa ¿Ano ba an iginsiring ko? ¿Nga an iginhalad ha mga diosdios amo an bisan ano? O ¿an diosdios amo an bisan ano?

1Co 10:20 Kondi nasiring ako, nga an mga bagay nga iginhahalad han mga Hen-til, ira iginhahalad ha mga yawa, ngan diri ngadto ha Dios: Ngan diri ko ka-ruyag nga makigpag arangbit kamo ha mga yawa.

1Co 10:21 Diri kamo sadang makainum ha tagayan han Dios, ngan ha tagayan han mga yawa; diri kamo sadang ma-kaangbit ha lamesa han Dios, ngan ha lamesa han mga yawa.

1Co 10:22 O ¿ginaaghat ta ba an Ginoo ha pangabugho? ¿Mamakusug ba kita ha iya?

1Co 10:23 An ngatanan nga mga bagay tu-got han balaud; kondi diri an ngata-nan angay. An ngatanan tugot han balaud; kondi diri an ngatanan naka-karig-on.

1Co 10:24 Hinaut unta nga waray usa ka tawo nga magbiling hin iya kalugari-ngon la, kondi an tagsa magbiling ha kaopayan han iya igkasi tawo,

1Co 10:25 Bisan kon ano an igbaligya ha pangihawan, kaonon niyo, ngan diri na magpakiana tungud ha konsiensia;

1Co 10:26 Kay an tuna kanan Ginoo, ngan an kabugosan ha ngatanan.

1Co 10:27 Kon an usa ha diri mga matino-ohon dumapit ha iyo ngadto ha pa-nagtawo, ngan umalagad kamo; bisan kon ano an ira butang ha iyo atuba-ngan, kaona, nga diri na kamo mag-pakiana tungud ha iyo konsiensia.

1Co 10:28 Kondi kon an usa ka tawo mag-sumat ha iyo, ini iginhalad ha mga diosdios, diri kamo mangaon, tungud hadton nag pakita, ngan tungud ha iyo konsiensia.

1Co 10:29 An konsiensia, nasiring ako, diri an imo, kondi an kanan usa; ¿Kay ano nga paghuhukman an akon kalu-wasan han konsiensia han iba?

1Co 10:30 Kon ako nakaangbit ha pagpasa-lamat ha Dios, ¿kay ano nga ginyak-nan ako hin maraut tungud hadton akon ginpasalamatan?

1Co 10:31 Busa kon mangaon kamo, manginum, ó bisan ano an iyo pagbuhaton, pagbuhaton niyo an ngatanan ha himaya han Dios.

1Co 10:32 Diri kamo maghatag hin katiga-yonan bin paghipakdol, bisan ha mga Judio, ó bisan ha mga Gresiahanon, ó bisan ha singbahan han Dios;

1Co 10:33 Sugad nga naglilipay ako ha ngatanan nga mga tawo ha ngatanan nga mga bagay, nga waray ako pangi-ta ha akon kalugaringon nga kaopa-yan, kondi ha kaopayan han kadam-an, basi nga maluwas hira.



1Co 11:1 Mag subad kamo ha akon, sugad nga hi ako nasubad kan Kristo,.

1Co 11:2 Niyan gindadayaw ko kamo, mga kabugtoan, nga ha ngatanan nga mga bagay hinnunumduman ako niyo, ngan iyo ginbabantayan hin maopay an mga surumatanon sugad han akon iginhatag ha iyo.

1Co 11:3 Kondi buut ko nga iyo habaroan, nga an olo han ngatanan nga mga ta-wo amo hi Kristo; ngan an olo han babaye amo an lalaki; ngan an olo ni Kristo amo an Dios.

1Co 11:4 An ngatanan nga lalaki nga nag-aampo ngan nananagna, nga may ta-bon ha iya olo, nagpapakaraut ha iya olo.

1Co 11:5 Kondi an ngatanan nga babaye nga nagaampo ngan nananagna nga waray tabon ha iya olo, nagpapaka-raut hiya ha iya olo; kay sugad hin kiniskisan hiya.

1Co 11:6 Kay kon an babaye diri magta-bon ha iya olo, magpaarot man hiya: kondi kon makaarawud ha babaye an pag paarot mag tabon hiya ha iya olo.

1Co 11:7 Kay ha pagkamatuud an lalaki diri angay mag tabon ha iya olo, kay hiya amo an dagway ngan himaya han Dios; kondi an babaye amo an himaya han lalaki.

1Co 11:8 Kay an lalaki diri tikang ha ba-baye; kondi an babaye tikang ha la-laki;

1Co 11:9 Kay an lalaki waray pagbuhata tungud ha babaye; kondi an babaye tungud ha lalaki:

1Co 11:10 Tungud hini kinahanglan nga an babaye may tigaman ha kagamhanan ha iya olo, tungud ha mga angel.

1Co 11:11 Waray sapayan, ha Ginoo waray babaye nga gawas ha lalaki, ngan wa-ray lalaki nga gawas ha babaye.

1Co 11:12 Kay sugad nga an babaye tikang ha lalaki, sugad man an lalaki tungud ha babaye; kondi an ngatanan tikang ha Dios.

1Co 11:13 Paghukmi niyo ha iyo kalugari-ngon: ¿Angay ba nga mag ampo ha Dios an babaye nga waray podong?

1Co 11:14 ¿Waray ba an iyo kinaiya mag-tutdo ha iyo, nga kon an lalaki may halaba nga bohok, diri ba ini maraut ha iya?

1Co 11:15 Kondi kon an babaye may ada bohok nga halaba, ini iya himaya; kay an iya bohok iginhatag nga iya itarabon.

1Co 11:16 Kondi kon may ada tawo nga malinarisnon, waray namon sugad hini nga batasan, bisan an mga sing-bahan han Dios.

1Co 11:17 Kondi ha paghatag ko ha iyo hini nga sogo, waray ako magdayeg ha iyo, kay nagtitirok kamo diri ha labi ka maopay kondi ha labi ka ma-raut.

1Co 11:18 Kay una ngatanan, ha iyo pagti-tirok ha singbahan, hinbati-an ko nga may pag kabahinbahin niyo; ngan natoo ako hini hin guti.

1Co 11:19 Kay kinahanglan man nga may maada mga pagkabahinbahin ha iyo, basi nga an mga pinili ha iyo magpa-dayag.

1Co 11:20 Busa kon magtitirok kamo, diri mahihimo an pagkaon ha panihapon han Ginoo:

1Co 11:21 Kay ha iyo pangaon an tagsatag-sa nakuha, una ha iba, ha iya kaluga-ringon nga panihapon, ngan an usa ginugutum pa, ngan an iba hubug na.

1Co 11:22 Ano, ¿Waray ba niyo mga balay nga sadang niyo kaonan ngan inman? O ¿gintatamay ba niyo an singbahan han Dios, ngan ginpapakaalohan ba niyo an mga waray bisan ano nga ba-gay? ¿Ano ba an isisiring ko ha iyo? ¿Pag dadayawon ko ba kamo? Tu-ngud hini waray ako pagdadayaw ha iyo.

1Co 11:23 Kay an akon iginhatag ha iyo akon man ini kinarawat ha Ginoo, nga an Ginoo nga hi Jesus, ha gab-i nga pagtugyanan ha iya, kinuha hiya hin usa nga tinapay;

1Co 11:24 Ngan katapus niya pagpasala-mat, iya iton gintipiktipik ngan siniring: Ini amo an akon law as, nga gin-tipiktipik tungud ha iyo: Buhata niyo ini nga hinumduman niyo ha akon.

1Co 11:25 Ha sugad man nga kaagi an taga-yan, ha katapus panihapon, hi Jesus siniring; ini nga tagayan amo an bag-o nga tugon ha akon dugo: Buhaton ini niyo, nga ha ngatanan nga iyo pag-inum hini, ha hinumduman niyo ha akon.

1Co 11:26 Kay kada pangangaon niyo hini nga tinapay, ngan mainum hini nga tagayan, iyo iginwawali an kamata-yon han Ginoo ngada ha iya pagkan-hi.

1Co 11:27 Busa kon hin-o an kuma-on hini nga tinapay, ngan uminum hini nga tagayan han Ginoo ha diri kaanga-yan, magigintampalason hiya maha-tungud han lawas ngan han dugo han Ginoo.

1Co 11:28 Kondi an tagsatagsa magusisa ha iya kalugaringon, ngan hiya pakaona han tinapay ngan uminum han taga-yan.

1Co 11:29 Kay an nakaon ngan nainum, nakaon ngan nainum han paghukom ha iya la ngahaw, kon waray niya laina an lawas han Ginoo.

1Co 11:30 Tungud hini nga hinungdan da-mu ha iyo an mga magluya, ngan mga magsakiton, ngan diri la gutiay an nangangaturog.

1Co 11:31 Kondi kon pagusisahon naton an aton mga kalugaringon, waray unta kita paghukmi.

1Co 11:32 Kondi, kon kita paghukman, ginpapaantus kita han Ginoo, basi diri kita paghukman hin sirot upud han kalibutan.

1Co 11:33 Busa, mga kabugtoan ko, kon kamo magtititirok ha pangaon, mag-hinulatay kamo an usa kag usa.

1Co 11:34 Kon may ada usa ka tawo nga ginugutum, pakaonon hiya didto ha iya balay; basi nga an iyo pagtitirok diri mahitungud ha paghukom. Ngan an iba nga mga butang akon pag hu-husayon kon san-o ako kumanhi.



1Co 12:1 Niyan, mga kabugtoan, mahitu-ngud ha mga espirituhanon nga mga hatag, diri ko buut nga kamo diri manhabaro.

1Co 12:2 Hinbaroan niyo nga han mga Hentil pa kamo gindara kamo ngadto hadton mga ngula nga mga diosdios, ha bisan ano nga paagi han pagdad-a ha iyo.

1Co 12:3 Busa, iginpapasabut ko ha iyo, nga waray tawo nga nagyayakan tu-ngud han Espiritu han Dios, nga ma-siring, hi Jesus tampalasan; ngan wa-ray tawo nga sadang sumiring, hi Jesus Ginoo, kondi ha Espiritu Santo.

1Co 12:4 Niyan nagkakalainlain an mga ha-tag, kondi uusa la amo ngahaw an Es-piritu.

1Co 12:5 Ngan nagkakalainlain an mga pagalagad, ngan uusa la an Ginoo.

1Co 12:6 Ngan nagkakalainlain an mga buhat, kondi amo la gihapon nga Dios, nga nagbubuhat ha ngatanan nga mga bagay ha ngatanan.

1Co 12:7 Kondi ha tagsatagsa iginhatag an pagpahayag han Espiritu tungud ha kapulsanan.

1Co 12:8 Kay ha usa iginhatag, pinaagi han Espiritu, an polong ha kinaadman; ngan ha usa an polong ha paghibaro, oyon ha amo gihapon nga Espiritu:

1Co 12:9 Ha iba an pagtoo, ha amo man gi-hapon nga Espiritu; ngan ha iba, an mga hatag han panambal, ha amo man gihapon nga Espiritu;

1Co 12:10 Ngan ha iba an pagbuhat ha mga katingalahan; ngan ha iba an pag-tagna; ha iba an paglainlain ha mga espiritu; ha iba an magkalainlain nga yinaknan; ngan ha iba an paghu-bad ha mga yinaknan.

1Co 12:11 Kondi ginbubuhat an ngatanan hini nga mga bagay han usa ngan han amo man nga Espiritu, ipinanhahatag niya ha tagsatagsa sugad ha iya kabu-rut-on.

1Co 12:12 Kay sugad nga an lawas uusa, ngan damu an mga bahin, ngan damu an ngatanan nga mga bahin han la-was, kondi uusa la an lawas; sugad man hi Kristo.

1Co 12:13 Kay ha usa nga espiritu ginbap-tisan kita ngatanan ngadto ha usa nga lawas, bisan mga Judio ó Gresiaha-non, bisan uripon ó linuwas; ngan kita ngatanan pinainum han usa nga Espiritu.

1Co 12:14 Kay an lawas diri la uusa nga bahin, kondi damu.

1Co 12:15 Kon an tiil sumiring: Kay ako diri kamot, diri ako kanan lawas; diri ba ito bulag ha lawas.

1Co 12:16 Ngan kon an talinga sumiring: Kay ako diri an mata, diri ako kanan lawas; diri ba ito bulag ha lawas.

1Co 12:17 Kon an bug-os nga lawas usa nga mata, ¿hain ba an idurungug? Kon an bug-os nga lawas idurungug, ¿hain ba an ibaraho?

1Co 12:18 Kondi niyan, iginbutang han Dios ha lawas an tagsatagsa nga ba-hin, sugad ha iya kaburut-on.

1Co 12:19 Ngan kon hira usa la nga bahin, ¿hain ba an lawas?

1Co 12:20 Kondi niyan, damu hira nga mga bahin, kondi uusa la nga lawas.

1Co 12:21 Ngan an mata diri makakasiring ha kamot, waray ko ha imo kina-hanglan: Ngan diri man liwat an olo makakasiring ha mga tiil, waray ko ha iyo kinahanglan.

1Co 12:22 Kondi lugud, ini nga mga bahin nga daw mga magluya, amo lugud an labi nga mga kinahanglanon:

1Co 12:23 Ngan ini nga mga bahin han la-was, nga ginhuhunahuna ta nga ku-lang hin dungug, dinhi hini nabutang kita hin labi nga kadungganan; ngan an aton mga bahin nga diri magta-hum labi lugud hin ka magtahum;

1Co 12:24 Busa an aton mga bahin nga magtahum waray nira mga kinahang-lan: kondi ginangayangay han Dios an lawas, ngan gintagan niya hin labi nga kadungganan an mga nakulangan;

1Co 12:25 Basi nga waray pagkaawayaway ha lawas; kondi nga an ngatanan nga mga bahin magbinantayay an usa kag usa.

1Co 12:26 Ngan kon an usa nga bahin mag antus, an ngatanan nga mga bahin magantus upud man; ó kon an usa nga bahin makakarawat hin kadung-ganan, an ngatanan nga mga bahin magkalipay man upud hito.

1Co 12:27 Niyan, amo kamo an lawas ni Kristo, ngan an mga bahin hito nga lawas,

1Co 12:28 Ngan an iba iginbutang han Dios ha singbahan, siyahan an mga apostol, ikaduha an mga manaragna, ikatulo an mga magturutdo, masunud an mga katingalahan, mga hatag ha panambal, mga tambulig, mga puno-an, ngan magkadirodilain nga mga yinaknan.

1Co 12:29 ¿Mga apostol ba an ngatanan? ¿Mga manaragna ba an ngatanan? ¿Mga manurutdo ba an ngatanan? O ¿mga magburuhat ba an ngatanan hin mga katingalahan?

1Co 12:30 ¿May ada ba an ngatanan mga hatag ha panambal? ¿Makayakan ba an ngatanan ha ngatanan nga yinak-nan? ¿Makahubad ba an ngatanan?



1Co 13:1 Kon ako magyakan ha mga dila han mga tawo ngan han mga angel, kondi kon waray ko gugma, nahimo ako nga matonog nga tumbaga, ó ta-gingting han mga platilla.

1Co 13:2 Ngan kon makakapanaragna ako, ngan maaram ha ngatanan nga mga ti-nago, ngan ngatanan nga kinaadman; ngan kon ako may ada bug-os nga pagtoo, nga sadang ako makabalhin han mga kabukiran, kondi waray ko gugma, waray ko kapulsanan.

1Co 13:3 Ngan kon bahinon ko an akon ngatanan nga kalugaringon ha pag-kaon ha mga kablas, ngan kon igha-tag ko an akon lawas ha pagsunuga, kondi waray ko gugma, waray ko ka-pulsanan hito.

1Co 13:4 An gugma nagaantus hin maiha, ngan malolooyon; an gugma waray kaawa, waray pagpadaku ha iya nga-haw, waray pag padayaw.

1Co 13:5 Diri nagawi hin maraut, diri nag-bibiling han iya kalugaringon, waray kasina, diri nagiisip han karat-an han iba;

1Co 13:6 Diri nalilipay ha pagkadirimata-dung, kondi naiilipay ha kamatuuran;

1Co 13:7 Nagaantus ha ngatanan nga mga bagay, nagmamatuud ha ngatanan nga mga bagay, naglalaum ha ngata-nan nga mga bagay, nagiilub ha nga-tanan nga mga bagay.

1Co 13:8 An gugma diri nakukulangan: kondi an mga tagna may katapusan; an mga yinaknan matatapus; an kina-adman tatagan hin katapusan.

1Co 13:9 Kay ha bahin nakilala kita, ngan ha bahin nananagna kita;

1Co 13:10 Kondi kon umabut na adton hingpit, an aada ha bahin bubutangan hin katapusan.

1Co 13:11 Han bata pa ako, nagyakan ako sugad hin bata, inabat ako sugad hin bata, naghunahuna ako sugad hin bata: Niyan nga tigurang na ako, bi-naya-an ko an mga butang nga batan-on.

1Co 13:12 Kay yana nakita kita masirum nga ha salaming: kondi ha orhi ha bayhon ha bayhon: Niyan maaram la ako ha bahin; kondi ha orhi kikilala-hon ko hin maopay sugad nga ako ki-nikilala hin maopay gud.

1Co 13:13 Kondi niyan magpadayon an pagtoo, an paglaum, an pag higugma, ini nga tulo; ngan an gidadakui hini amo an gugma.



1Co 14:1 Sundon niyo an gugma; kondi ti-nguhaon gud niyo an espirituhanon nga mga hatag, basi lugud nga manag-na kamo.

1Co 14:2 Kay an nagyayakan ha mga yi-naknan waray magyakan ha mga tawo, kondi ngadto ha Dios; kay wa-ray tawo nga makasabut; kondi ha es-piritu nagyayakan hiya han mga ti-nago.

1Co 14:3 Kondi an nananagna nagyayakan ha mga tawo ha pagparig-on, ngan paglaygay, ngan paglipay.

1Co 14:4 An nagyayakan ha yinaknan nag-paparig-on ha iya kalugaringon; kon-di an nananagna nagpaparig-on han singbahan.

1Co 14:5 Niyan buut ko unta nga kamo ngatanan manyakan ha mga yinak-nan, kondi lugud nga managna kamo: kay labaw pa an nananagna kay ha nagyayakan ha mga yinaknan, gawas kon iya paghubaron, basi nga an sing-bahan makakarawat hin pagkamarig-on.

1Co 14:6 Kondi niyan, mga kabugtoan, kon ako kumanhi ha iyo nga magya-kan ha mga yinaknan, ¿ano in akon kapulsanan ha iyo, kon diri ako magyakan ha iyo pinaagi ha pagpahayag, o kaaram, ó panagna, ó panutdo?

1Co 14:7 Bisan pa ngani an mga butang nga waray kinabuhi, nga nagtotonog, bisan ha plauta ó arpa, kon diri hira maghatag hin magkadirodilain nga mgatonog, ¿oonan-on ba in pagkila-laha kon ano an ginpaplauta ó gina-arpa?

1Co 14:8 Kay kon an budyong maghatag hin diri malinaw nga tingug, ¿hin-o ba in magaandam ha pangubaton?

1Co 14:9 Sugad man kamo, gawas kon ka-mo magyakan hin masayon hisabutan nga yinaknan, ¿oonan-on ba an pag sabuta han yinakanan? kay sugad kamo hin magyiyinakan ngadto ha hangin.

1Co 14:10 Kay tingali, damu an magkadi-rodilain nga mga yinaknan ha kalibu-tan, ngan waray yinaknan nga waray kahologan.

1Co 14:11 Busa kon diri ako makasabut han kahologan han tingug, magindu-muruong ako han nagyayakan, ngan hiya nga nagyayakan magin dumuru-ong man ha akon.

1Co 14:12 Sugad man kamo, tungud nga magabtik kamo ha mga hatag nga es-pirituhanon, pamilngon niyo, basi ka-mo magkahuhura ha pagparig-on ha singbahan.

1Co 14:13 Busa an nagyayakan ha yinak-nan mag ampo ha paghubad hini.

1Co 14:14 Kay kon mag ampo ako ha usa nga yinaknan, an akon espiritu nag-aampo. Kondi an akon salabutan wa-ray bunga.

1Co 14:15 ¿Ano ba ini niyan? Magaampo ako ha espiritu, ngan magaampo man ako ha hunahuna, magaawit ako ha espiritu, ngan magaawit man ako ha hunahuna.

1Co 14:16 Kay kon ikaw magbendision ha espiritu, ¿oonan-on ba hiya nga ma-lingkod ha lugar han diri maaram ma-siring Amen, ha imo paghatag hin pagpasalamat, tungud kay waray man hiya makasabut han imo ginyakan?

1Co 14:17 Kay ha pagkamatuud ikaw nagpapasalamat hin maopay, kondi an iba waray pagparig-ona.

1Co 14:18 Nagpapasalamat ako ha Dios, nga nagyayakan ako hin mga yinak-nan labaw ha iyo ngatanan:

1Co 14:19 Kondi ha singbahan buut ko lu-gud an pagyakan hin lima ka polong ha akon salabutan, basi nga makagtut-do man ako ha mga iba, kay ha napu-lo ka yukut nga polong ha usa nga yi-naknan.

1Co 14:20 Mga kabugtoan, diri kamo mag-pakabata ha hunahuna: kondi mag-pakabata kamo ha kasal-anan, kondi magpakatigurang ha hunahuna.

1Co 14:21 Nahasurat na ha Kasogoanan, Pinaagi ha mga tawo nga mga dumu-ruong an yinaknan ngan pinaagi ha mga im-im han mga dumuruong mag-yayakan ako hini nga mga tawo; ngan bisan pa ngani hini diri ako nira pa-mamatian, siring han Ginoo.

1Co 14:22 Busa an mga yinaknan usa nga tigaman, diri ha mga matinoohon, kondi ha mga diri matinoohon: kon-di an pagtagna usa nga tigaman; diri ha mga diri matinoohon, kondi ha mga matinoohon:

1Co 14:23 Busa kon an bug-os nga singba-han magtirok ngan an ngatanan man-yakan ha magkadirodilain nga mga yinaknan, ngan sumulud in diri mag-aram ngan diri magtinoohon, ¿diri ba hira masiring nga mga buang kamo?

1Co 14:24 Kondi kon an ngatanan manag-na, ngan sumulud in usa nga diri ma-tinoohon ó diri maaram, huhukmanan hiya han ngatanan, ngan paghuhuk-man hiya han ngatanan;

1Co 14:25 An mga hilit nga hilum han iya kasingkasing igpapadayag; ngan ma-kulub hiya ngan magsingba ha Dios, nga magsusumat ha pagkamatuud nga an Dios aada ha iyo.

1Co 14:26 Busa ¿ano ba ini niyan, mga ka-bugtoan? Kon magtirok kamo, an tagsatagsa ha iyo may usa nga salmos, an usa may igturutdo, an usa may ig-papahayag, an usa may lain nga yi-naknan, an usa may paghubad. buhata niyo an ngatanan nga mga bu-tang ha pagpadig-on.

1Co 14:27 Kon may magyakan ha yinak-nan, maginduha, ó diri maglabaw hin tulo, ngan sunudsunud; ngan maghu-bad an usa.

1Co 14:28 Kondi kon waray maghuhubad, magmingaw hiya ha singbahan; ngan magyakan ha iya kalugaringon, ngan ha Dios.

1Co 14:29 Ngan an mga manaragna papag-yaknon tikang ha duha ó ha tulo, ngan an iba maghukom ha ira:

1Co 14:30 Kondi kon an pahayag ipakita ha usa ka tawo nga nalingkod dida, magmingaw an siyahan.

1Co 14:31 Kay sadang kamo managna an tag usa usa, basi nga an ngatanan magto-on ngan kasagdonan;

1Co 14:32 Ngan an mga espiritu han mga manaragna mga sakup ha mga mana-ragna;

1Co 14:33 Kay an Dios diri Dios ha kasa-mokan, kondi ha paghidait. Sugad han ngatanan nga mga singbahan han mga baraan.

1Co 14:34 An kababayinan manmingaw ha mga singbahan: kay waray ha ira itu-got an pagyakan; kondi magpasakup man hira, sugad han iginsiring han Kasogoanan.

1Co 14:35 Ngan kon magtotoon hira hin bisan ano, magpakiana hira ha ira mga asawa didto ha ira balay: kay makaarawud ha usa nga babaye an pagyakan ha singbahan.

1Co 14:36 Ano, ¿Tinikang ba ha iyo sina-rang an polong han Dios? ó ¿kinanhi ba ini tungud ha iyo la?

1Co 14:37 Kon may tawo nga maghuna-huna nga hiya manaragna, ó espiritu-hanon, kumilala hiya nga an ngata-nan nga mga butang nga iginsurat ko ha iyo mga sogo han Ginoo.

1Co 14:38 Kondi kon may tawo nga diri maaram, magdayon hiya nga diri ma-aram.

1Co 14:39 Busa, mga kabugtoan, tinguha-on gud niyo an panagna, ngan diri pagdid-an an pagyakan ha mga yinak-nan.

1Co 14:40 Kondi an ngatanan nga mga ba-gay pagbuhaton ha katahum ngan ha kahusay.



1Co 15:1 Niyan iginpapahabaro ko ha iyo, mga kabugtoan, an Maopay nga Sumat nga iginwali ko ha iyo, nga iyo man kinarawat, nga tungud hito kamo marig-on.

1Co 15:2 Nga tungud hito naluwas man kamo, kon mag padayon kamo ha polong nga iginwali ko ha iyo, kon diri kamo magmatoo ha waray pulos.

1Co 15:3 Kay siyahan han ngatanan iginhatag ko ha iyo an akon nakarawat man; nga hi Kristo namatay tungud ha aton mga sala oyon ha mga Baraan nga mga Surat;

1Co 15:4 Ngan nga hiya iginlubung, ngan nabanhaw tikang ha mga minatay ha ikatulo ka adlaw oyon ha mga Baraan nga mga Surat;

1Co 15:5 Ngan nga hiya nagpakita kan Kepas; ngan ha napulo kag duha;

1Co 15:6 Niyan hiya nagpakita ha tirigub nga may labi pa ha lilima ka gatus nga mga kabugtoan, nga an kadam-an ha ira mga buhi pa yana, kondi an iba nangangaturog na;

1Co 15:7 Katima hini hiya nagpakita kan Jakobo; ngan ha ngatanan nga mga apostol;

1Co 15:8 Ngan ha katapusan ha ngatanan hiya nagpakita man ha akon, sugad hin bata nga diri pa igo matawo.

1Co 15:9 Kay ako an labi nga ubus ha ngatanan nga mga apostol, nga diri ako angay pagngaranan nga apostol, kay gintitimaraut ko an singbahan han Dios.

1Co 15:10 Kondi tungud han grasia han Dios ako amo kon hin-o ako; ngan an iya grasia nga iginhatag ha akon waray hinagian nga waray kapulsanan; kondi nga nagbuhat ako hin labi pa ha ira ngatanan; kondi diri hi ako, kondi an grasia han Dios nga nakadi ha akon.

1Co 15:11 Busa kon ako ó kon hira, amo nga nagwali kami, ngan amo nga nagtoo kamo.

1Co 15:12 Niyan kon hi Kristo igwali nga hiya nabanhaw tikang ha mga minatay, ¿ano nga nasiring an iba ha iyo nga waray pagkabanhaw tikang ha mga minatay?

1Co 15:13 Kondi kon waray pagkabanhaw tikang ha mga minatay, bisan man hi Kristo waray kababanhaw:

1Co 15:14 Ngan kon hi Kristo waray mabanhaw, niyan an amon panwali waray kapulsanan, ngan an iyo pagtoo waray kapulsanan.

1Co 15:15 Oo, ngan kami panhihiagian nga mga buwa-on nga mga testigo han Dios; kay kami nagtestigo han Dios nga hiya nagbanhaw kan Kristo; nga waray niya kabanhaw, kon ha pagkamatuud nga an mga minatay waray pagkabanhaw.

1Co 15:16 Kay kon an mga minatay waray pagkabanhaw, hi Kristo waray man mabanhaw:

1Co 15:17 Ngan kon hi Kristo waray mabanhaw, an iyo pagtoo waray kapulsanan: Aada pa kamo ha iyo mga sala.

1Co 15:18 Ngan hira nga nangaturog man ha kan Kristo, nagkawawara.

1Co 15:19 Kon kita may paglaum kan Kristo hini la niyan nga kinabuhi. kita an labi magpakalolooy ha ngatanan nga mga tawo.

1Co 15:20 Kondi niyan hi Kristo nabanhaw tikang ha mga minatay, nga amo an siyahan nga mga bunga tikang ha mga nangangaturog.

1Co 15:21 Kay tungud nga tikang ha usa ka tawo inabut an kamatayon, tungud ha usa ka tawo inabut an pagkabanhaw tikang ha mga minatay.

1Co 15:22 Kay sugad nga ha kan Adan an ngatanan nagkamamatay, sugad man ha kan Kristo an ngatanan pagbubuhion.

1Co 15:23 Kondi an tagsatagsa ha iya kalugaringon nga pagsunud: Hi Kristo amo an siyahan nga bunga; ngan an ngatanan nga kan Kristo, ha iya pag abut.

1Co 15:24 Niyan maabut an katapusan, nga amo na an iya pagtubyan ha ginhadian ngadto ha Dios, nga Amay: kon iya na pagwad-on an ngatanan nga pagdumara ngan an ngatanan nga kagamhanan, ngan gahum.

1Co 15:25 Kay kinahanglan nga maghadi hiya, ngada han hibutang niya han ngatanan nga iya mga kaaway ha ilarum han iya mga tiil.

1Co 15:26 An katapusan nga kaaway nga pagwawad-on amo an kamatayon.

1Co 15:27 Kay, an ngatanan nga mga bagay iginbutang niya nga mga sakup ha ilarum han iya mga tiil. Kondi han iya pagsiring: An ngatanan nga mga bagay iginbutang nga mga sakup, matin-aw gud nga waray hilakip an nagsakup ha ngatanan nga mga bagay ha iya.

1Co 15:28 Ngan kon an ngatanan nga mga bagay nasakup na niya, niyan an Anak ngahaw masasakup man ha nagsakup ha ngatanan nga mga bagay ha iya, basi nga an Dios magin an ngatanan ha ngatanan.

1Co 15:29 O ¿ano an bubuhaton hadton nagkababaptisan tungud ha mga minatay? Kon an mga minatay waray gud lugar ha pagkababanhaw, ¿kay ano nga napapanmaptis hira tungud ha ira?

1Co 15:30 ¿Kay ano nga aada kita ha kataragman ha ikina oras?

1Co 15:31 Nagsusumpa ako, mga kabugtoan, tungud hadto nga pagdayaw ko ha iyo, nga may ada ko ha kan Kristo Jesus nga aton Ginoo, nga ha ikinaadlaw namatay ako.

1Co 15:32 Kon sugad nga lawasnon nakipagaway ako unta kontra ha mga mananap didto ha Efeso, ¿ano ba an akon kapulsanan hini? Kon an mga minatay diri mag kakababanhaw, pangaon ngan panginum kita, kay buwas magpapatay kita.

1Co 15:33 Ayaw kamo palimbong: An magraut nga mga kaupud nakakadunot ha mga magopay nga batasan.

1Co 15:34 Pagmata kamo ha magtadung gud nga hunahuna, ngan diri na kamo magpakasala; kay an iba waray kumilala ha Dios. Ginyayakan ko ini nga manhikaawud kamo.

1Co 15:35 Kondi an iba masiring. ¿Inoonan-o an pagbanhaw han mga minatay? ngan ¿mationan-o nga lawas kon hira kumanhi?

1Co 15:36 ¡Kulang! an imo ngahaw iginpupugas diri mabubuhi kon diri anay mamatay:

1Co 15:37 Ngan an imo iginpupugas, diri amo an lawas nga makanhi, kondi usa la nga liso hin trigo ó kon iba nga mga gahi;

1Co 15:38 Kondi an Dios sugad ha iya kaburut-on naghahatag hini hin lawas, ngan ha tagsatagsa nga liso ha iya kalugaringon nga lawas.

1Co 15:39 An ngatanan nga unud diri papriho nga unud; kondi mayada usa nga unud han mga tawo, ngan iba nga unud han mga mananap, ngan lain nga unud han mga tamsi, ngan lain han mga isda.

1Co 15:40 May mga lawas nga mga langitnon, ngan may mga lawas nga mga tunan-on: kondi an himaya han langitnon amo an usa, ngan an himaya han tunan-on lain.

1Co 15:41 Usa an himaya han adlaw, ngan iba an himaya han bulan, ngan iba an himaya han mga bitoon; kay an usa nga bitoon lain an himaya ha usa nga bitoon.

1Co 15:42 Sugad man an pagkabanhaw han mga minatay. Iginpugas nga madunoton; ngan nabanhaw nga diri madinunoton.

1Co 15:43 Iginpugas ha maraut nga bantug; nabanhaw ha himaya: iginpugas ha kaluya; nabanhaw ha gahum:

1Co 15:44 Iginpugas nga lawas nga lawasnon; nabanhaw nga lawas nga espirituhanon. Kon may ada lawasnon nga lawas, may ada man espirituhanon nga lawas.

1Co 15:45 Sugad han nahasurat na: An siyahan nga tawo nga amo hi Adan nahimo nga buhi nga kalag. An katapusan nga Adan nagin espiritu nga naghatag hin kinabuhi.

1Co 15:46 Kondi an espirituhanon diri amo an nahauna, kondi an lawasnon; unina an espirituhanon.

1Co 15:47 An siyahan nga tawo kanan tuna, tunan-on; an ikaduha nga tawo langitnon.

1Co 15:48 Kon ano an tunan-on, sugad man hira nga amo an mga tunan-on: ngan kon ano an langitnon, sugad man hira nga amo an mga langitnon.

1Co 15:49 Ngan sugad nga gindara ta an dagway han tunan-on, sugad man pagdadad-on ta an dagway han langitnon.

1Co 15:50 Niyan isiniring ko, mga kabugtoan, nga an unud ngan an dugo diri makakapanonod han ginhadian han Dios; bisan an pagkamadinunoton diri makakapanonod ha diri pag kamadinunoton.

1Co 15:51 Kitaa, nagsusumat ako ha iyo nin tinago: Diri kita ngatanan mangangaturog, kondi ngatanan kita magkakababalhin,

1Co 15:52 Ha usa kadali, ha usa ka pagpirok, ha katapusan nga pag budyong: kay magtotonog an budyong, ngan an mga minatay magkakababanhaw nga mga diri madinunoton, ngan magkakababalhin kita.

1Co 15:53 Kay kinahanglan nga ini nga madinunoton pagsuluban ha diri pagkamadinunoton, ngan ini nga mamaratyon pagsuluban ha diri mamaratyon.

1Co 15:54 Kondi kon ini nga madinunoton masuluban na han diri madinunoton, ngan ini nga mamaratyon masuluban na han diri pagkamamaratyon, niyan matutuman na an polong nga nahasurat; an kamatayon ginlamay han pagdaug.

1Co 15:55 ¡O! kamatayon, ¿hain na an imo pag daug? ¡O! kamatayon, ¿Hain na an imo sugud?

1Co 15:56 An sugud han kamatayon amo an sala; ngan an gahum han sala amo an Kasogoanan:

1Co 15:57 Kondi salamat ha Dios, nga naghahatag ha aton hin pagdaug pinaagi ha aton Ginoo Jesukristo.

1Co 15:58 Busa, mga hinigugma ko nga mga kabugtoan, magrig-on kamo, nga diri sadang mabantag, nga magpadayon kamo gihapon ha buruhaton han Ginoo, kay hinbaroan niyo nga an iyo kabudlay tungud ha Ginoo diri waray kapulsanan.



1Co 16:1 Niyan nahatutungud ha amot tungud ha mga baraan, sugad han akon iginsogo ha mga singbahan didto ha Galasia, pagbuhaton man niyo.

1Co 16:2 Ha siyahan nga adlaw han sema-na an tagsatagsa ha iyo bumahin ha iya nakita, sugad ha iya kinarawat, basi nga an amot diri pangaro-on kon ako kumanhi na.

1Co 16:3 Ngan kon ako umabut na, bisan kon hin-o an iyo pag pili-on, akon hira sosogoon nga may surat ha pag-dara ha iyo nga limos ngadto ha Jerusalem :

1Co 16:4 Ngan kon angay nga ako kumadto man, maupud hira ha akon.

1Co 16:5 Kondi makanhi ako ha iyo, nga maagi ha Masedonia; kay mahapit ako ha Masedonia;

1Co 16:6 Kondi bangin ako magukoy ó ma-dithon ha iyo ha panahon ha katug-naw, nga magtabang kamo ha akon paglakaton bisan kon masinga-in ako.

1Co 16:7 Kay diri ko buut in pakipag ki-rita ha iyo niyan hin madali la; kay tinguha ko in pag ukoy upud niyo, kon tumugot an Ginoo.

1Co 16:8 Kondi maguukoy ako didto ha Efeso ngada ha Pentekostes;

1Co 16:9 Kay binuksan ha akon in daku nga gangha-an ngan katigayonan. Ngan damu an mga kaaway.

1Co 16:10 Niyan kon umabut hi Timoteo, kitaa niyo nga umupud hiya ha iyo nga waray kahadluk; kay hiya nagbu-buhat han buruhaton han Ginoo, su-gad man ha akon;

1Co 16:11 Busa, diri hiya pagtamayon hin bisan hin-o: kondi tabangi niyo hiya ha iya paglakaton, nga may paghi-dait, nga hiya kumadi ha akon: kay ginhuhulat ko hiya sugad man iton mga kabugtoan.

1Co 16:12 Kondi nahatutungud ha aton bugto nga hi Apolo, ginpanginyupo ko gud hiya hin pagkanhi ha iyo upud ha mga kabugtoan: ngan diri gud niya buut in pag kanhi niyan; kondi makanhi hiya kon ma may ada hiya lugar.

1Co 16:13 Magbantay kamo, magrig-on kamo ha pagtoo, pangawi kamo sugad hin mga lalaki, mag makusug kamo.

1Co 16:14 An ngatanan niyo nga pagbuhaton, pagbuhaton niyo ha gugma.

1Co 16:15 Nanginginyupo ako ha iyo, mga kabugtoan, (iyo kilalahon an panima-lay ni Estepanas, nga amo an siyahan nga bunga ha Akaya, ngan naginmag-surugot hira ha pagmangno ha mga baraan),

1Co 16:16 Ngan magpasakup man kamo ha sugad nga mga tawo, ngan ha ngata-nan nga nabulig ha buhat ngan nag-bubuhat.

1Co 16:17 Ikinalipay ko an pag abut ni Es-tepanas, ngan ni Fortunato, ngan ni Akaiko; kay ini hira amo an naghatag ha akon han iyo nakulangan.

1Co 16:18 Kag ginpapahuway nira an akon ngan an iyo espiritu: busa kilalahon niyo an mga sugad hini.

1Co 16:19 Nangongomusta ha iyo an mga singbahan didto ha Asia. Hira Akila ngan hi Prisila upud an singbahan ha ira panimalay, nangongomusta gud ha iyo ha Ginoo.

1Co 16:20 Nangomusta ha iyo an ngatanan nga mga kabugtoan. Magtinahuray kamo an usa kag usa pinaagi ha ba-raan nga paghinarokay.

1Co 16:21 An pangomusta ko nga hi Pa-blo, ha akon lugaringon nga kamot.

1Co 16:22 Kon may usa ka tawo nga diri humigugma ha Ginoo, magintampala-san hiya. ¡O! Kadi, Ginoo.

1Co 16:23 An grasia han aton Ginoo Jesu-kristo umupud ha iyo.

1Co 16:24 An higugma ko umupud ha iyo ngatanan tungud kan Kristo Jesus. Amen.



AMAZING GRACE BIBLE INSTITUTE