1:1 hudaning iradisi bilen eysa mesihning elchisi boluxqa tallanghan menki pawlus we men arqiliq qerindiximiz timotiydin 2 kolosi xehiridiki eysa mesihke mensup bolghan sadiq we muqeddes helqqe salam. hudaatimiz silerge mehir-xepqet we amanliq ata qilghay! 3 biz siler uchun dua qilghanda, hemixe rebbimiz eysa mesihning atisi bolghan hudagha xukur eytimiz. 4 chunki, biz silerning eysa mesihke etiqad qilghininglardin we hudaning barliq muqeddes helqige mehir-muhebbet korsetkininglardin hewer taptuq. 5 silerning etiqadinglar we mehir-muhebbitinglar erxte siler uchun saqliniwatqan heqiqiy bayliqqa bolghan umidinglardin kelgen. heqiqettin ibaret bolghan hux hewer silerge deslepte yetkuzulgen chaghdila bu umid silerde peyda bolghan. 6 hux hewer silerge yetkende, siler hudaning mehir- xepqitini heqiqiy tonup yettinglar. uxbu hux hewer aranglarda birinchi kundin tartip mewe berip, oz tesirini korsetkinidek, hazirmu dunyaning nurghun jaylirida xundaq qilmaqta. 7 siler hudaning bu mehir-xepqiti toghruluq bizning qedirlik hizmetdiximiz epafiradin telim aldinglar. u eysa mesihning sadiq hizmetkari bolup, bizning ornimizda siler uchun hizmet qiliwatidu. 8 u yene muqeddes roh silerge ata qilghan mehir-muhebbettin bizni hewerdar qildi. 9 xunga, biz siler toghrisidiki bu hewerni anglighan kundin baxlap, siler uchun dawamliq dua qilip turuwatimiz. biz duayimizda hudadin xuni tiliduqki, siler muqeddes roh arqiliq eqil-parasetke tolup, hudaning iradisi toghruluq toluq chuxenchige erixkeysiler. 10 xundaq bolghanda, rebbimizning iradisige munasip yaxap, her jehettin uni hursen qilalaysiler hemde hayatinglarda herbir yahxi ixta mewe berip, hudani tehimu chongqur tonup yeteleysiler. 11 biz yene xuni tiliduqki, huda silerni ozining ulu qudriti bilen kuchlendurgey. xundaq bolghanda, siler herqandaq ixqa sewrchanliq bilen berdaxliq bereleysiler hemde huxal-huramliqqa chomup, 12 hudaatimizgha xukur eytisiler. chunki, huda silerni yoruqluqta yaxawatqan barliq muqeddes helqining mirasidin ortaq behrimen boluxqa layiq qildi. 13 u bizni xeytanning zulum-zehmitidin qutuldurup, soyumluk oghlining padixahliqigha elip kirdi. 14 biz uning soyumluk oghli arqiliq gunahning qulluqidin erkin bolduq, yeni gunahlirimiz kechurum qilindi. 15 eysa mesih koz bilen korgili bolmaydighan hudaning obrazidur. u barliq mewjudatlardin burun mewjut bolghan bolup, ulardin ustun turidu. 16 chunki, meyli yer yuzide yaki erxte bolsun, mewjudatlarning hemmisi u arqiliq yaritilghan. korgili bolidighan mewjudatlar yaki korgili bolmaydighan erxtiki herqandaq mertiwilikler, mensepdarlar, hokumranlar we hoquqdarlar bolsun, hemmisi u arqiliq we uning uchun yaritilghandur. 17 u barliq mewjudatlardin burun mewjuttur. barliq mewjudatlar u arqiliqla mewjut bolup turidu. 18 eysa mesih oz tenidin ibaret bolghan etiqadchilar jamaetchilikining bexi we uning berpa qilghuchisidur. uning her jehettin putkul mewjudatlardin ustun turuxi uchun, u eng awwal olumdin menggulukke tirildurulgen. 19 huda ozining barliq mukemmel tebiitining uningda boluxidin soyundi 20 hemde u arqiliq yer yuzi we erxtiki barliq mewjudatni ozi bilen yaraxturup, uning krestte aqquzghan qeni arqiliq inaqliqni eslige kelturuxtinmu soyundi. 21 ilgiri silermu hudadin ayrilip, qilghan yaman oy-pikringlar we ixliringlar sewebidin uning bilen duxmenlexkenidinglar. 22 biraq, hazir huda oz oghli eysa mesihning insan tenide krestke mihlinip qurban boluxi arqiliq silerni ozi bilen yaraxturdi. buningdin meqset, silerning hudaning aldida pak, qusursiz we eyibsiz boluxunglar uchundur. 23 lekin, siler choqum etiqadinglarda tewrenmey, ching we mustehkem turuxunglar, hux hewer silerge elip kelgen umidtin waz kechmeslikinglar kerek. bu hux hewer putun yer-yuzide yetkuzuluwatqan bolup, men pawlusmu uni yetkuzuxke teyinlendim. 24 men hazir siler uchun azas-oqubet tartiwatqinimgha hursenmen. chunki, huddi eysa mesih azas-oqubet tartqangha ohxax, men uning teni, yeni etiqadchilar jamaetchiliki uchun tartixqa tegixlik bolghan azas-oqubetning bir qismini oz tenimda tartiwatimen. 25 huda hox hewerning silerge yetkuzuluxi uchun, meni etiqadchilar jamaetchilikining hizmetkari qilip teyinlidi. 26 bu hox hewer elmisaqtin buyan axkarilanmighan. hazir uning siri hudaning muqeddes helqige ayan qilindi. 27 huda bu sirning siler yehudiy emeslergimu heqiqiy ulughluq elip kelidighanliqini oz muqeddes helqige bilduruxtin soyundi. bu sir del eysa mesihning qelbinglarda ikenlikidur. bu siler umid qilghan ulughluqqa kelguside erixixinglarning kapalitidur. 28 xunga, biz eysa mesih toghrisidiki hux hewerni barliq insanlargha yetkuzuxke, xundaqla huda bizge ata qilghan barliq eqil-paraset bilen ulargha nesihet qilip telim berixke tirixiwatimiz. buningdin meqset, ularning eysa mesihke mensup bolup, uninggha bolghan etiqadining her jehettin toluq yetilgen halda hudaning aldigha berixi uchundur. 29 bu meqsetke yetix uchun, eysa mesihtin kelgen, hayatimda namayan boluwatqan zor kuchke tayinip, tirixip-tirmixip ixlewatimen.

2:1 mening siler we laodikiya xehiridikiler hemde meni tehi kormigen baxqa kixiler uchun qandaq tirixip-tirmixip ixlewatqanliqimni bilixinglarni halaymen. 2 mening bundaq ixlixim silerning ich-ichinglardin righbetlinip, bir-biringlargha mehir- muhebbet korsitip, ozara baghlinixinglar uchundur. xundaq bolghanda, heqiqetni chongqur chuxinixtin kelgen toluq ixenchke erixip, huda axkarilighan sirni, yeni eysa mesihni heqiqiy tonup yeteleysiler. 3 barliq eqil-paraset we bilim eysa mesihke mujessemlengen. 4 hechkimning silerni chirayliq gep-sozler bilen azdurup ketmesliki uchun, bularni eytiwatimen. 5 chunki, men siler bilen bir yerde bolmisammu, qelbim daim siler bilen bille. silerning turmuxunglarning tertiplik we eysa mesihke bolghan etiqadinglarning mustehkem ikenlikini anglap, hursen bolmaqtimen. 6 siler eysa mesihni rebbimiz, dep qobul qilghanikensiler, uninggha egixip yaxanglar. 7 uninggha bolghan etiqadinglar chongqur yiltiz tartqan derehke we puhta qurulghan binagha ohxax mustehkem bolsun. silerge tapxurulghan heqiqette ching turunglar. qelbinglar hudagha bolghan minnetdarliq bilen tolsun. 8 ehtiyatchan bolunglar, hechkim silerni quruq pelsepe we yalghan sepsetiler bilen azdurup ketmisun. bular eysa mesihning telimidin emes, belki insanlarning eneniliri we bu dunyadiki yaman rohiy kuchlerning tesirliridin kelgen. 9 hudaning barliq mukemmel tebiiti bu dunyagha insan tenide kelgen eysa mesihtidur. 10 siler rohiy kuchler dunyasidiki barliq hokumranlar we hoquqdarlardin ustun turghuchi eysa mesihke mensup bolghanliqinglar uchun, uning mukemmellikidin toluqlinip turisiler. 11 siler eysa mesihke mensup bolghanliqinglar uchun, jismaniy jehettiki hetnini emes, belki u ata qilghan rohiy jehettiki hetnini qobul qildinglar. bu, silerni gunahkar tebiitinglarning ilkidin qutulduridighan hetnidur. 12 chomulduruxni qobul qilghininglarda, siler eysa mesihke baghlanghanliqinglar uchun, uning olumi bilenmu baghlinip, uning bilen bille komuldunglar we uning bilen bille tirilduruldunglar. bu, eysa mesihni olumdin tirildurgen hudaning ku-qudritige bolghan ixenchinglar arqiliq boldi. 13 siler burun gunah ichide yaxighanliqinglar we gunahkar tebiitinglarning ilkidin qutulmighanliqinglar uchun, rohiy jehette oluk idinglar. biraq, huda silerni eysa mesihke baghlap, yengi hayatqa erixturdi we putun gunahliringlarni kechurum qildi. 14 eysa mesih krestke mihlanghanda, huda barliq gunahlirimiz hatirilengen, bizge qarxi bolghan hesas-kitabini xu krestke mihlap, bikar qildi. 15 xundaq qilip, huda rohiy kuchler dunyasidiki yaman hokumranlar we hoquqdarlarni qoralsizlandurup, eysa mesihning kresttiki qurbanliqi arqiliq ular ustidin ghelibe qilix bilen ularni putkul alem aldida nomusta qaldurdi. 16 xuning uchun, yemek-ichmek jehette we heyt-ayem, hilal ay bayramliri yaki dem elix kunlirini otkuzux-otkuzmeslik jehette hechkimning silerni eyibleydighan hoquqi yoq. 17 bundaq qaide-yosunlar peqet eysa mesih emelge axuridighan ixlardin derek beridighan kolenggidur. bu ixlar eysa mesih teripidin emelge axurulup boldi. 18 sahta kemterlik qilixqa we perixtilerge choqunuxqa berilgen kixilerning bundaq ixlarda eyiblexlirige perwa qilmanglar. ular sahta, ghayibane alametlerge esilixiwelip, her hil ham hiyallarda bolup, asassiz tekebburluq qilidu. 19 ularning etiqadchilar jamaetchilikining bexi bolghan eysa mesih bilen hechqandaq munasiwiti yoq. etiqadchilar eysa mesihning baxquruxi we perwixide huddi bedendiki boghum we peyler ozara ching tutaxqandek, ozara birlixip, hudaning iradisi boyiche osup yetilidu. 20-21 siler bu dunyagha nisbeten eysa mesih bilen bille olup, bu dunyadiki yaman rohiy kuchlerning tesirliridin azad bolghanikensiler, yene neme uchun xularning buni tutma, awuni yeme, buninggha tegme degendek qaide-yosunlirigha yepixiwalisiler? 22 bu qaide- yosunlarning hemmisi tugeydighan nersiler toghrisida bolup, peqetla insanlarning buyruq we telimliridin peyda bolghan. 23 roxenki, kixiler ozliri ijad qiliwalghan dinlardiki mundaq teqwadarliq, sahta kemterlik we oz tenini azabqa salidighan qaide-yosunlar danaliqtek korunsimu, emeliyette gunahkar tebiitimizdiki heweslerni cheklexte hechqandaq paydisi yoqtur.

3:1 eysa mesih bilen bille tirilgenikensiler, undaqta erxtiki ixlargha intilinglar. eysa mesih erxte hudaning ong teripide olturidu. 2 siler bu dunyadiki ixlargha emes, belki erxtiki ixlargha bax qaturunglar. 3 chunki, siler bu dunyagha nisbeten oldunglar. hayatinglar eysa mesih bilen hudaning huzurida pinhandur. 4 hayatinglarning menbesi bolghan eysa mesih qaytip kelgende, siler uning bilen bille xan-xerepte ayan bolisiler. 5 xuning uchun, ozunglardiki bu dunyagha has arzu-heweslerni, yeni jinsiy ehlaqsizliq, napakliq, xehwaniyliq, rezil hewes we achkozluklerni taxlanglar. achkozluk butperesliktin perqlenmeydu. 6 hudaning ghezipi muxundaq ixlarni qilghuchilarning bexigha chuxidu. 7 burun silermu bundaq arzu-hewesler ichide yaxap, rezil turmux kechurgenidinglar. 8 emdi bundaq yaman ixlarning hemmisini taxlanglar. ghezeplinix, achchiqlinix, yaman niyette bolux, tohmet qilix yaki edepsiz gep-sozlerni qilixtek yaman ixlardin yiraq turunglar. 9 xundaqla, bir-biringlargha yalghan sozlimenglar. chunki, siler kona tebiitinglarni burunqi qilmixinglar bilen bille chorup taxlap, 10 yengi tebietke ige boldunglar. siler yaratquchi hudaning obrazi boyiche yengiliniwatqininglarda, hudagha bolghan tonuxunglar chongqurlixidu. 11 bu yengi hayatta bizning yehudiy yaki yehudiy emes, hetne qilinghan yaki qilinmighan, medeniyetsiz hetta yawayi, qul yaki hor boluximiz muhim emes. muhimi eysa mesihtur. u bolsa hemmimizning qelbididur. 12 huda silerni soyup, ozumge atighan helqim dep tallighaniken, rehimdil, mehriban, kemter, mulayim we sewrchan bolunglar. 13 bir-biringlargha keng qorsaq bolunglar. eger aranglarda birkim silerning konglunglarni aghritqan bolsa, uni kechurunglar. rebbimiz silerni kechurginidek, silermu baxqilarni kechurunglar. 14 eng muhimi, mehir- muhebbetlik bolunglar. chunki, mehir-muhebbet bir-birimizni baghlap, mukemmel inaqliqqa baxlaydu. 15 eysa mesih ata qilghan tinch-amanliq qelbinglarni baxqursun. chunki, siler bir tenning ezaliri bolup, bu inaqliq ichide yaxaxqa chaqirildinglar. hemixe hudagha xukur eytinglar. 16 eysa mesihning telimliri qelbinglardin toluq orun alsun. bir- biringlargha hudadin kelgen barliq eqil-paraset bilen telim beringlar we nesihet qilinglar. minnetdarliqqa tolghan qelbinglar bilen hudagha zebur munajatliri, medhiye nahxiliri we muqeddes rohning ilhamidin kelgen ghezellerni eytinglar. 17 meyli siler neme denglar yaki neme qilinglar, hemmisini rebbimiz eysaning namining ulughlinixi uchun qilinglar we eysa mesih arqiliq hudaatimizgha xukur eytinglar. 18 ey ayallar, rebbimizge mensup bolghanliqinglar uchun, xuninggha munasip halda erliringlargha itaet qilinglar. 19 ey erler, ayalliringlarni soyunglar, ulargha qattiq muamile qilmanglar. 20 ey balilar, herqandaq ixta ata-ananglarning sozini anglanglar. chunki bu, rebbimizni hursen qilidu. 21 ey atilar, perzentliringlargha bolghan muamilide ularning nepritini qozghap qoymanglar. undaq qilsanglar perzentinglar chuxkunlixip ketidu. 22 ey qullar, bu dunyadiki hojayinliringlargha hemme ixta boysununglar. buni ularni hursen qilix uchun peqet ularning aldidila emes, belki hemixe chin qelbinglar we rebbimizge bolghan chongqur hormitinglar bilen qilinglar. 23 herqandaq ix qilghanda, jan-dil bilen qilinglar. buni ademler uchun emes, rebbimiz uchun qilghandek qilinglar. 24 esinglarda bolsunki, rebbimiz oz helqige berixke wede qilghan mirasni silerge inam qilidu. chunki, siler heqiqiy hojayininglar rebbimiz eysa mesihke hizmet qiliwatisiler. 25 meyli kim boluxidin qetiynezer, yaman ix qilsa, qilghan yaman ixigha yarixa hudaning jazasigha tartilidu. chunki, huda hemme insanlargha ohxax muamile qilidu.

4:1 ey hojayinlar, qulliringlargha toghra we adil muamile qilinglar. chunki, silerningmu erxte hojayininglar barliqini untup qalmanglar. 2 dua qilixni tohtatmanglar. dua qilghanda, putun diqqitinglar bilen dua qilinglar we hudagha xukur eytinglar. 3 biz uchun yene xundaq dua qilinglarki, huda oz hewirini yetkuzuximizge yol echip bersun. xundaq bolghanda, eysa mesih heqqidiki axkarilighan sirni jakarliyalaymiz. men hazir del muxu hux hewerni yetkuzux sewebidin kixenlendim. 4 mening bu hux hewerni qolumdin kelixche eniq chuxenduruxum uchunmu dua qilinglar. 5 eysa mesihke etiqad qilmighanlar bilen alaqe qilghanda, eqil- parasitinglarni ixlitip, herbir pursetni qoldin bermey, hux hewerni yetkuzunglar. 6 ulargha qilghan gep-sozliringlar hemixe yeqimliq, ularning diqqitini tartidighan bolsun. xundaq bolghanda, herbir ademge qandaq yol bilen jawas berixni biliwalalaysiler. 7 rebbimiz yolida men bilen bille hizmet qiliwatqan sadiq hizmetkar, soyumluk qerindixim tikikus men toghruluq barliq ixlarni silerge sozlep beridu. 8 uni ehwalimizni yetkuzux we silerni righbetlendurux uchun, silerning aldinglargha ewetimen. 9 sadiq, soyumluk qerindiximiz hem yurtdixinglar bolghan onesimusnimu uning bilen birge ewetimen. ular bu yerde boluwatqan hemme ixni silerge sozlep beridu. 10 men bilen bille zindanda yetiwatqan buradirim aristarhus, xundaqla barnabaning jiyeni markustin silerge salam. eger markus yeninglargha berip qalsa, uni tapilighinimdek kutuwelinglar. 11 yustus dep atilip kelgen isamu silerge salam eytti. hudaning padixahliqi uchun ixlewatqan hizmetdaxlirim ichide yehudiylardin bolghan etiqadchilar peqet muxularla bolup, ular manga chong teselli berixti. 12 eysa mesihning hizmetkari we yurtdixinglar bolghan epafiradin silerge salam. u silerning etiqadta pixip yetilixinglar, hudaning putkul iradisige bolghan ixenchinglarda ching turuxunglar uchun, hemixe jan-dili bilen dua qilmaqta. 13 uning siler uchun hemde laodikiya we heyrapolis xehiridiki qerindaxlar uchun kop ejir singdurup kelgenliki toghrisida silerge guwahliq berimen. 14 qedirlik tewip luqa we demasmu silerge salam eytti. 15 laodikiyadiki qerindaxlargha, bolupmu nimghe hanimgha we uning oyide jem bolidighan etiqadchilar jamaetchilikige salam eytqaysiler. 16 bu het aranglarda oqulup bolghandin keyin, laodikiyadiki etiqadchilar jamaetchiliki ichidimu oqulsun. siler yene laodikiyadiki etiqadchilar jamaetchilikige yazghan hetimnimu oqunglar. 17 arkipusqa xuni eytinglarki, huda uninggha tapxurghan wezipini choqum ada qilsun. 18 menki pawlus bu ahirqi salamni oz qolum bilen yeziwatimen. mening put-qollirimning kixenlik ikenlikini untumanglar. hudaning mehir-xepqiti silerge yar bolghay!