III Juan3Jn 1:1 Ing matua kang Gayo ing kalugudlugud, a kakung luluguran king katutuan. 3Jn 1:2 Kaluguran, panalangin ku a king sablang bague misaplala ka ampon sikan a katawan, nung makananu yang misasaplala ing kekang kaladua. 3Jn 1:3 Uling metula kung bina, inyang dinatang la ding kapatad at minie patutu king kekang katutuan, agpang king panlakad mu king katutuan. 3Jn 1:4 Ala kung lalu pang maragul a tula nung e iti a damdaman ku king ding kakung anak lalakad la king katutuan. 3Jn 1:5 Kaluguran, ika daraptan mu ing tapat a dapat king nanu mang daraptan mu dikil karing kapatad at karing aliwang balayan; 3Jn 1:6 Nung ninung babie patutu king kekang lugud king arapan na ning iglesia: a deti nung ituntun mula king bague a karampatan king Dios, ika makarapat kang mayap: 3Jn 1:7 Uling king uli na ning Laguiu, ila meko lang alang kinua nanuman karing Gentiles. 3Jn 1:8 Dapat tala ping tanggapan matula deti, bang maguing kasap tamu king pamaniapat king katutuan. 3Jn 1:9 Aku sinulat kung mapilan a bague king iglesia: dapot i Diotrefes a magimbut diling pangabantug maiguit karing aliwa, e nake tatanggapan. 3Jn 1:10 King uli na niti, nung datang ku, dalan ko king pamipagaganaka ding dapat a daraptan na, a maniabi yang amanung mangarawak salang kekami; at e pa matula kaniti, ni e no tatanggapan ding kapatad, at detang ambanganan na kaniti, at tatabi nong palualan king iglesia. 3Jn 1:11 Kaluguran, e mu tutularan ing marawak, nung e ing mayap. Ing darapat king mayap king Dios ya: ing darapat king marawak e ne ikit ing Dios. 3Jn 1:12 I Demetrio atin yang pamipatutu karing sablang tau, at kaniti mu ring katutuan; wa, ikami man babie keng patutu; at ika balu mu king ing kekeng pamipatutu katutuan. 3Jn 1:13 Atin kung dakal a bague a isulat ku sa keka, dapot e ku buring isulat ko keka king tinta at pluma; 3Jn 1:14 Dapot panaligan kung akit dakang malagua, at misabi katang lupa at lupa. 3Jn 1:15 Ing kapayapan miabie sa keka. Ding kakaluguran pagmananuan daka. Pagmananuan mula ding kakaluguran king karelang laguiu. |