ANG IKATLONG SULAT NIJUANANG tigulang, kay Gayo nga hinigugma kaayo, nga ginahigugma ko sa kamatooran.2 Hinigugma, ginahandum ko labaw sa tanan nga butang nga mag-uswag ka kag manginsa maayong panglawas, subong nga nagauswag ang imo kalag. 3 Kay nalipay ako sing daku, sang pag-abut sang mga kauturan kag nagsaksi sa kamatooran nga yara sa imo, subong nga nagalakat ka sa kamatooran. 4 Wala ako sing kalipay nga labi pa sang sa mabatian ko nga ang akon mga anak nagalakat sa kamatooran. 5 Hinigugma, nagahimo ka sing matutum sa bisan ano nga ginahimo mo sa mga kauturan, kag sa mga dumoloong; 6 Nga nagsaksi sang imo diosnon nga gugma sa atubangan sang iglesia: nga kon patigayonon mo sila sa ila panlakatan sono sa diosnon nga paagi, magahimo ka sing maayo: 7 Bangud nga tungud sa iya ngalan sila nagpanlakatan, nga wala nagakuha sing bisan ano gikan sa mga Gentil. 8 Busa dapat naton pagbatonon ang amo nga mga tawo, agud nga mangin-masigkakabulig kita sa kamatooran. 9 Nagsulat ako sa iglesia: apang si Diotrefes, nga naluyag magpangibabaw sa ila, indi magbaton sa amon. 10 Busa, kon magkari ako, dumdumon ko ang iya mga buhat nga ginahimo niya, nga nagawakal sing malain nga mga polong batok sa amon: kag sa wala pa maayawi sina, wala man niya pagbatona ang mga kauturan, kag sila nga buut ginadumilian niya, kag ginasobol sila gikan sa iglesia. 11 Hinigugma, dili pagsonda inang malaut, kondi inang maayo. Sia nga nagahimo sing maayo iya sang Dios: apang sia nga nagahimo sing malaut wala makakita sa Dios. 12 Si Demetrio napamatud-an sing maayo sang tanan nga mga tawo, kag sang kamatooran gid: hoo, kag kami man nagasaksi; kag kamo nakahibalo nga ang amon panaksi matuud. 13 May madamu ako nga mga butang nga inugsulat, apang indi ako buut isulat sa imo sa tinta kag pluma: 14 Apang nagasalig ako nga magapakigkita ako sa imo sa madali, kag magahambalanay kita sa nawung kag nawung. Ang paghidait sa imo. Ang aton mga abyan nagaabiabi sa imo. Tamyawa sa ngalan ang mga abyan. |