ANG BALAAN NGA BIBLIA

ANG NAHAUNANG LIBRO SANG MGA

CRONICA

KAPITULO 1

SI ADAM, si Set, si Enos,

2 Si Kenan, si Mahalel, si Jared,

3 Si Henoc, si Metusela, si Lamec,

4 Si Noe, si Sem, si Ham, kag si Jafet.

5 ś Ang mga lalaking anak ni Jafet; si Gomer, kag si Magog, kag si Madai, kag si Javan, kag si Tubal, kag si Mesec, kag si Tiras.

6 Kag ang mga lalaking anak ni Gomer; si Askenaz, kag si Rifat, kag si Togarma.

7 Kag ang mga lalaking anak ni Javan; si Elisa, kag si Tarsis, si Kitim, kag si Dodanim.

8 ś Ang mga lalaking anak ni Ham; si Cus, kag si Mizraim, si Put, kag si Canaan.

9 Kag ang mga lalaking anak ni Cus; si Seba, kag si Havila, kag si Sabta, kag si Raama, kag si Sabteca. Kag ang mga lalaking anak ni Raama; si Seba, kag si Dedan.

10 Kag si Cus nagpanganak kay Nimrod: sia nagsugud sa pagkagamhanan sa duta.

11 Kag si Mizraim nagpanganak kay Ludim, kag kay Anamim, kag kay Leabim, kag kay Naftuhim,

12 Kag kay Patrusim, kag kay Casluhim (diin nagikan ang mga Filistinhon,) kag kay Caftorim.

13 Kag si Canaan nagpanganak kay Zidon nga iya panganay, kag kay Het,

14 Sang Jebusnon man, kag sang Amornon, kag sang Gergesnon,

15 Kag sang Hevhanon, kag sang Arquinhon, kag sang Sinhanon,

16 Kag sang Arvadnon, kag sang Zemarnon, kag sang Hamatnon.

17 ś Ang mga lalaking anak ni Sem; si Elam, kag si Asur, kag si Arfaxad, kag si Lud, kag si Aram, kag si Uz, kag si Hul, kag si Geter, kag si Mesec.

18 Kag si Arfaxad nagpanganak kay Sela, kag si Sela nagpanganak kay Eber.

19 Kag sa kay Eber natawo ang duha ka anak nga lalaki: ang ngalan sang isa si Peleg; kay sa iya mga adlaw ginbahinbahin ang duta: kag ang ngalan sang iya utud nga lalaki si Joctan.

20 Kag si Joctan nagpanganak kay Almodad, kag kay Selep, kag kay Hazarmavet, kag kay Jera,

21 Kay Hadoram man, kag kay Uzal, kag kay Dicla,

22 Kag kay Ebal, kag kay Abimael, kag kay Seba,

23 Kag kay Ofir, kag kay Havila, kag kay Jobab. Ini sila tanan lalaking anak ni Joctan.

24 ś Si Sem, si Arfaxad, si Selah,

25 Si Eber, si Peleg, si Reu,

26 Si Serug, si Nahor, si Tera,

27 Si Abram; amo man si Abraham.

28 Ang mga lalaking anak ni Abraham; si Isaac, kag si Ismael.

29 ś Ini sila amo ang ila mga kaliwatan: Ang panganay ni Ismael, si Nebayot; ugaling si Kedar, kag si Abdeel, kag si Mibsam,

30 Si Misma, kag si Duma, si Masa, si Hadad, kag si Tema,

31 Si Jetur, si Nafis, kag si Cedma. Ini sila amo ang mga lalaking anak ni Ismael.

32 ś Karon ang mga lalaking anak ni Cetura, oloasawa ni Abraham: nag-anak sia kay Zimran, kag kay Jocsan, kag kay Medan, kag kay Midian, kag kay Isbac, kag kay Sua. Kag ang mga lalaking anak ni Jocsan; si Seba, kag si Dedan.

33 Kag ang mga lalaking anak ni Midian; si Efa, kag si Efer, kag si Henoc, kag si Abida, kag si Eldaa. Ini tanan ang mga anak nga lalaki ni Cetura.

34 Kag si Abraham nagpanganak kay Isaac. Ang mga anak nga lalaki ni Isaac; si Esau kag si Israel.

35 ś Ang mga lalaking anak ni Esau; si Elifaz, si Reuel, kag si Jeus, kag si Jaalam, kag si Core.

36 Ang mga lalaking anak ni Elifaz; si Teman, kag si Omar, si Sefi, kag si Gatam, si Kenaz, kag si Timna, kag si Amalec.

37 Ang mga lalaking anak ni Reuel; si Nahat, si Zera, si Sama, kag si Miza.

38 Kag ang mga lalaking anak ni Seir; si Lotan, kag si Sobal, kag si Zibeon, kag si Ana, kag si Dison, kag si Eser, kag si Disan.

39 Kag ang mga lalaking anak ni Lotan; si Hori, kag si Homam: kag si Timna babaye nga utud ni Lotan.

40 Ang mga lalaking anak ni Sobal; si Alyan, kag si Manahat, kag si Ebal, si Sefi, kag si Onam. Kag ang mga lalaking anak ni Zibeon; si Aya, kag si Ana.

41 Ang mga lalaking anak ni Ana; si Dison. Kag ang mga anak nga lalaki ni Dison; si Amram, kag si Esban, kag si Itran, kag si Keran.

42 Ang mga lalaking anak ni Eser; si Bilhan, kag si Zaavan, kag si Jacan. Ang mga lalaking anak ni Disan; si Uz, kag si Aran.

43 ś Karon amo ini ang mga hari nga naghari sa duta sang Edom sa wala pa sing naghari nga hari sa ibabaw sang Israel; si Bela nga anak nga lalaki ni Beor: kag ang ngalan sang iya siudad amo ang Dinhaba.

44 Kag sang napatay si Bela, si Jobab nga anak nga lalaki ni Zera sang Bozra naghari sa tal-us niya.

45 Kag sang napatay si Jobab, si Husam sang duta sang mga Temanhon naghari sa tal-us niya.

46 Kag sang si Husam napatay, si Hadad nga lalaking anak ni Bedad, nga naglaglag kay Midian sa latagon sang Moab, naghari sa tal-us niya: kag ang ngalan sang iya siudad amo ang Avit.

47 Kag sang napatay si Hadad, si Samla sang Masreca naghari sa tal-us niya.

48 Kag sang napatay si Samla, si Shaul sang Rehobot sa ubay sang suba naghari sa tal-us niya.

49 Kag sang napatay si Shaul, si Baal-hanan lalaking anak ni Acbor naghari sa tal-us niya.

50 Kag sang napatay si Baal-hanan, si Hadad naghari sa tal-us niya: kag ang ngalan sang iya siudad amo ang Pai; kag ang ngalan sang iya asawa si Mehetabel, nga anak nga babaye ni Matred, ang anak nga babaye ni Mezahab.

51 ś Napatay man si Hadad. Kag ang mga duke sang Edom amo; sila ni duke Timna, duke Alya, duke Jetet,

52 Duke Oholibama, duke Ela, duke Pinon,

53 Duke Kenaz, duke Teman, duke Mibzar,

54 Duke Magdial, duke Iram. Ini sila mga duke sang Edom.

KAPITULO 2

INI SILA amo ang mga lalaking anak ni Israel; si Ruben, si Simeon, si Levi, kag si Juda, si Isacar, kag si Zabulon,

2 Si Dan, si Jose, kag si Benjamin, si Neftali, si Gad, kag si Aser.

3 ś Ang mga lalaking anak ni Juda; si Er, kag si Onan, kag si Sela: ining tatlo natawo sa iya sa babaying anak ni Sua nga babaying Canaanhon. Kag si Er, nga panganay ni Juda, malaut sa itololok sang GINOO; kag ginpatay niya sia.

4 Kag si Tamar nga iya umagad nga babaye nag-anak nga sa iya kay Farez kag kay Zera. Ang tanan nga lalaking anak ni Juda lima.

5 Ang mga lalaking anak ni Farez; si Hezron, kag si Hamul.

6 Kag ang mga lalaking anak ni Zera; si Zimri, kag si Etan, kag si Heman, kag si Calcol, kag si Dara: tanan sila lima.

7 Kag ang mga lalaking anak ni Carmi; si Acar, ang manugtublag sang Israel, nga naglapas sa ginpakamalaut nga butang.

8 Kag ang mga lalaking anak ni Etan; si Azarias.

9 Ang mga lalaking anak man ni Hezron, nga natawo sa iya; si Jerameel, kag si Ram, kag si Celubai.

10 Kag si Ram nagpanganak kay Aminadab; kag si Aminadab nagpanganak kay Naason, prinsipe sang mga kaanakan ni Juda;

11 Kag si Naason nagpanganak kay Salma, kag si Salma nagpanganak kay Boaz,

12 Kag si Boaz nagpanganak kay Obed, kag si Obed nagpanganak kay Jesse,

13 ś Kag si Jesse nagpanganak kay Eliab nga iya panganay, kag kay Abinadab nga ikaduha, kag kay Simea nga ikatlo,

14 Kay Nataneel nga ikap-at, kay Radai nga ikalima,

15 Kay Ozem nga ikan-um, kay David nga ikapito:

16 Nga ang ila mga babaying utud si Seruia, kag si Abigail. Kag ang mga lalaking anak ni Seruia; si Abisai, kag si Joab, kag si Asael, tatlo.

17 Kag si Abigail nag-anak kay Amasa: kag ang amay ni Amasa si Jeter nga Ismaelnon.

18 ś Kag si Caleb nga anak nga lalaki ni Hezron nagpanganak sang mga anak ni Azuba nga iya asawa, kag ni Jeriot: ini sila amo ang mga lalaking anak niya; si Jeser, kag si Sobab, kag si Ardon.

19 Kag sang napatay si Azuba, ginpangasawa ni Caleb si Efrata, nga nag-anak nga sa iya kay Hur.

20 Kag si Hur nagpanganak kay Uri, kag si Uri nagpanganak kay Besaleel.

21 ś Kag sang olihi si Hezron naghiusa sa babaying anak ni Maquir nga amay ni Galaad, nga ginpangasawa niya sang sia kan-uman ka tuig; kag sia nag-anak nga sa iya kay Segub.

22 Kag si Segub nagpanganak kay Jair, nga may duha ka pulo kag tatlo ka siudad sa duta sang Galaad.

23 Kag ginkuha niya ang Gesur, kag ang Aram, upud ang mga banwa ni Jair, gikan sa ila, upud ang Kenat, kag ang iya mga banwa, kan-uman ka siudad. Ini tanan naigo sa mga lalaking anak ni Maquir nga amay ni Galaad.

24 Kag sa tapus nga napatay si Hezron sa Caleb-efrata, niyan si Abia nga asawa ni Hezron nag-anak sa iya kay Asur nga amay ni Tecoa.

25 ś Kag ang mga lalaking anak ni Jerameel nga panganay ni Hezron amo si Ram nga panganay, kag si Buna, kag si Oren, kag si Ozem, kag si Ahia.

26 Si Jerameel may isa pa ka asawa man, nga ginhingalanan si Atara; sia iloy ni Onam.

27 Kag ang mga lalaking anak ni Ram nga panganay ni Jerameel amo si Maaz, kag si Jamin, kag si Eker.

28 Kag ang mga lalaking anak ni Onam amo si Samai, kag si Jada. Kag ang mga lalaking anak ni Samai; si Nadab, kag si Abisur.

29 Kag ang ngalan sang asawa ni Abisur si Abihail, kag nag-anak sia sa iya kay Aban, kag kay Molid.

30 Kag ang mga lalaking anak ni Nadab; si Seled, kag si Apaim: apang si Seled napatay nga walay mga anak.

31 Kag ang mga lalaking anak ni Apaim; si Isi. Kag ang mga lalaking anak ni Isi; si Sesan. Kag ang mga anak ni Sesan; si Alai.

32 Kag ang mga lalaking anak ni Jada nga lalaking utud ni Samai; si Jeter, kag si Jonatan: kag napatay si Jeter nga walay mga anak.

33 Kag ang mga lalaking anak ni Jonatan; si Pelet, kag si Zaza. Ini sila amo ang mga lalaking anak ni Jerameel.

34 ś Karon si Sesan walay mga lalaking anak, kondi mga babaying anak lamang. Kag si Sesan may alagad, nga Egiptohanon, nga ginhingalanan si Jara.

35 Kag ginpaasawa ni Sesan kay Jara nga iya alagad ang iya anak nga babaye; kag nag-anak sia sa iya kay Atai.

36 Kag si Atai nagpanganak kay Natan, kag si Natan nagpanganak kay Zabad,

37 Kag si Zabad nagpanganak kay Eflal, kag si Eflal nagpanganak kay Obed,

38 Kag si Obed nagpanganak kay Jehu, kag si Jehu nagpanganak kay Azarias,

39 Kag si Azarias nagpanganak kay Helez, kag si Helez nagpanganak kay Elasa,

40 Kag si Elasa nagpanganak kay Sisamai, kag si Sisamai nagpanganak kay Salum,

41 Kag si Salum nagpanganak kay Jecamia, kag si Jecamia nagpanganak kay Elisama.

42 ś Karon ang mga anak nga lalaki ni Caleb nga utud ni Jerameel amo si Mesa nga iya panganay, nga amo ang amay ni Zif; kag ang mga anak nga lalaki ni Maresa nga amay ni Hebron.

43 Kag ang mga anak nga lalaki ni Hebron; si Core, kag si Tapua, kag si Requem, kag si Sema.

44 Kag si Sema nagpanganak kay Raham, ang amay ni Jorqueam: kag si Requem nagpanganak kay Samai.

45 Kag ang anak nga lalaki ni Samai amo si Maon: kag si Maon amo ang amay ni Bet-zur.

46 Kag si Efa, oloasawa ni Caleb, nag-anak kay Haran, kag kay Moza, kag kay Gasez: kag si Haran nagpanganak kay Gasez.

47 Kag ang mga anak nga lalaki ni Jadai; si Regem, kag si Jotam, kag si Gesan, kag si Pelet, kag si Efa, kag si Saaf.

48 Si Maaca, oloasawa ni Caleb, nag-anak kay Seber, kag kay Tirana.

49 Nag-anak man sia kay Saaf nga amay ni Madmana, kay Seva nga amay ni Macbena kag amay ni Giba: kag si Acsa anak nga babaye ni Caleb.

50 ś Ini sila mga lalaking anak ni Caleb, nga anak nga lalaki ni Hur, nga panganay ni Efrata; si Sobal nga amay ni Kiryat-jearim,

51 Si Salma nga amay ni Bet-lehem, si Haref nga amay ni Bet-gader.

52 Kag si Sobal nga amay ni Kiryat-jearim may mga anak nga lalaki; si Haroe, kag ang katunga sang mga Manahetnon.

53 Kag ang mga panimalay ni Kiryat-jearim; ang mga Itrinhon, kag ang mga Puthanon, kag ang mga Sumatnon, kag ang mga Misranhon; sa ila naggikan ang mga Zaranhon, kag ang mga Estaolnon.

54 Ang mga anak nga lalaki ni Salma; si Bet-lehem, kag ang mga Netopatnon, si Atarot, ang panimalay ni Joab, kag ang katunga sang mga Manahetnon, ang mga Zorhanon.

55 Kag ang mga panimalay sang mga escriba nga nagpuyo sa Jabes; ang mga Tirahanon, ang mga Simatnon, kag ang mga Sucatnon. Amo ini sila ang mga Cenhanon nga naggikan kay Hemat, nga amay sang panimalay ni Recab.

KAPITULO 3

KARON amo ining mga anak nga lalaki ni David, nga natawo sa iya sa Hebron; ang panganay, si Amnon, kay Ahinoam nga Jezreelnon; ang ikaduha, si Daniel, kay Abigail nga Carmelonhon:

2 Ang ikatlo, si Absalom nga anak nga lalaki ni Maaca, nga babaye nga anak ni Talmai, nga hari sang Gesur: ang ikap-at, si Adonias, nga anak nga lalaki ni Haguit:

3 Ang ikalima, si Sefatias, kay Abital: ang ikan-um, si Itream, kay Egal nga iya asawa.

4 Ining anum natawo sa iya sa Hebron; kag didto naghari sia sing pito ka tuig kag anum ka bulan: kag sa Jerusalem naghari sia sing katloan kag tatlo ka tuig.

5 Kag ini sila natawo sa iya sa Jerusalem; si Simea, kag si Sobab, kag si Natan, kag si Salomon, apat kay Bat-sua, nga babaye nga anak ni Ameil:

6 Si Ibhar man, kag si Elisama, kag si Elifelet,

7 Kag si Noga, kag si Nefeg, kag si Jafia,

8 Kag si Elisama, kag si Eliada, kag si Elifelet, siam.

9 Tanan ini sila mga lalaking anak ni David, luwas sang mga anak nga lalaki sang mga oloasawa, kag si Tamar utud nila nga babaye.

10 ś Kag ang anak nga lalaki ni Salomon amo si Rehoboam, nga ang iya anak nga lalaki si Abias, nga ang iya anak nga lalaki si Asa, nga ang iya anak nga lalaki si Jehosafat,

11 Nga ang iya anak nga lalaki si Joram, nga ang iya anak nga lalaki si Ocozias, nga ang iya anak nga lalaki si Joas,

12 Nga ang iya anak nga lalaki si Amasias, nga ang iya anak nga lalaki si Azarias, nga ang iya anak nga lalaki si Jotam,

13 Nga ang iya anak nga lalaki si Acaz, nga ang iya anak nga lalaki si Ezequias, nga ang iya anak nga lalaki si Manases,

14 Nga ang iya anak nga lalaki si Amon, nga ang iya anak nga lalaki si Josias.

15 Kag ang mga anak nga lalaki ni Josias, ang panganay si Johanan, ang ikaduha si Jehoaquim, ang ikatlo si Sedequias, ang ikap-at si Sallum.

16 Kag ang mga anak nga lalaki ni Jehoaquim: si Jeconias nga iya anak nga lalaki, nga ang iya anak nga lalaki si Sedequias.

17 ś Kag ang mga anak nga lalaki ni Jeconias; si Assir, nga ang iya anak nga lalaki si Sealtiel,

18 Si Malquiram man, kag si Pedaya, kag si Senazar, si Jecamias, si Hosama, kag si Nedabias.

19 Kag ang mga anak nga lalaki ni Pedaya, si Zorobabel, kag si Simei: kag ang mga anak nga lalaki ni Zorobabel; si Mesullam, kag si Hananias, kag si Selomit nga ila utud nga babaye:

20 Kag si Hasuba, kag si Ohel, kag si Berequias, kag si Hasadias, si Jusab-hesed, lima.

21 Kag ang mga anak nga lalaki ni Hananias; si Pelatias, kag si Jesaias: ang mga anak nga lalaki ni Refaias, ang mga anak nga lalaki ni Arnan, ang mga anak nga lalaki ni Obdias, ang mga anak nga lalaki ni Secanias.

22 Kag ang mga anak nga lalaki ni Secanias; si Semaya: kag ang mga anak nga lalaki ni Semaya; si Hatus, kag si Igal, kag si Barias, kag si Nearias, kag si Safat, anum.

23 Kag ang mga anak nga lalaki ni Nearias; si Elionai, kag si Ezequias, kag si Azrikam, tatlo.

24 Kag ang mga anak nga lalaki ni Elioenai, si Hodabias, kag si Eliasib, kag si Palaya, kag si Acub, kag si Johanan, kag si Delaya, kag si Anani, pito.

KAPITULO 4

ANG mga anak nga lalaki ni Juda; si Farez, si Hezron, kag si Carmi, kag si Hur, kag si Sobal.

2 Kag si Reaya nga anak nga lalaki ni Sobal nagpanganak kay Jahat; kag si Jahat nagpanganak kay Ahumai, kag kay Lahad. Ini sila amo ang mga panimalay sang mga Zorahanon.

3 Kag ini sila amo ang sa amay ni Etam; si Jezreel, kag si Isma, kag si Idbas: kag ang ngalan sang ila utud nga babaye si Hazelelponi:

4 Kag si Penuel amay ni Gedor, kag si Ezer amay ni Husa. Ini sila mga anak nga lalaki ni Hur, ang panganay ni Efrata, nga amay ni Bet-lehem.

5 ś Kag si Asur, nga amay ni Tecoa may duha ka asawa, si Hela kag si Naara.

6 Kag si Naara nag-anak sa iya kay Ahuzam, kag kay Hefer, kag kay Temeni, kag kay Haahastari. Ini sila mga anak nga lalaki ni Naara.

7 Kag ang mga anak nga lalaki ni Hela, si Zeret, kag si Jezoar, kag si Etnan.

8 Kag si Coz nagpanganak kay Anub, kag kay Zobeba, kag sang mga panimalay ni Aharhel nga anak nga lalaki ni Harum.

9 ś Kag si Jabes labi ka dungganon sa iya mga utud: kag ginhingalanan sia sang iya iloy si Jabes, nga nagasiling, Bangud nga gin-anak ko sia sa kasubo.

10 Kag si Jabes nagtawag sa Dios sang Israel, nga nagasiling, O nga pakamaayohon mo gid ako, kag palaparon ang akon ginsakpan, kag nga ang imo kamut magbuylog sa akon, kag bantayan mo ako gikan sa malaut, agud nga ini indi magpasubo sa akon! Kag gintugut sang Dios sa iya inang iya ginpangayo.

11 ś Kag si Celub nga utud nga lalaki ni Sua nagpanganak kay Mehir, nga amay ni Eston.

12 Kag si Eston nagpanganak kay Bet-rapa, kag kay Pasea, kag kay Tehina nga amay ni Ir-nahas. Ini sila amo ang mga lalaki sang Reca.

13 Kag ang mga anak nga lalaki ni Kenas; si Otniel, kag si Seraya: kag ang mga anak nga lalaki ni Otniel; si Hatat.

14 Kag si Meonatai nagpanganak kay Ofra: kag si Seraya nagpanganak kay Joab, nga amay sang nalupyakan sang mga Carasim; kay mga panday sila.

15 Kag ang mga anak nga lalaki ni Caleb nga anak nga lalaki ni Jefone; si Iru, si Ela, kag si Naam: kag ang mga anak nga lalaki ni Ela, si Kenas.

16 Kag ang mga anak nga lalaki ni Jahalelel; si Zif, kag si Sifa, si Tirias, kag si Asareel.

17 Kag ang mga anak nga lalaki ni Esdras, si Jeter, kag si Mered, kag si Efer, kag si Jalon: kag ang iya asawa nag-anak kay Miriam, kag kay Samai, kag kay Isba nga amay ni Estemoa.

18 Kag ang iya asawa nga si Jehudiya nag-anak kay Jered nga amay ni Gedor, kag kay Heber nga amay ni Soco, kag kay Jecutiel nga amay ni Zanoa. Kag ini sila amo ang lalaki nga mga anak ni Bitia nga babaye nga anak ni Faraon, nga sa iya nangasawa si Mered.

19 Kag ang lalaki nga mga anak sang iya asawa nga si Hodia, ang babaye nga utud ni Naham, nga amay ni Ceila nga Garminhon, kag ni Estemoa nga Maacatnon.

20 Kag ang mga anak nga lalaki ni Simon, si Amnon, kag si Rina, si Ben-hanan, kag si Tilon. Kag ang mga anak nga lalaki ni Isi, si Zohet, kag si Ben-zohet.

21 ś Ang mga anak nga lalaki ni Sela nga anak nga lalaki ni Juda, si Er nga amay ni Leca, kag si Laada nga amay ni Maresa, kag ang mga panimalay sang balay sang mga nagahabol sang lino nga mapino, gikan sa panimalay ni Asbea,

22 Kag si Joquim, kag ang mga lalaki sang Cozeba, kag si Joas, kag si Saraf, nga may kagamhanan sa Moab, kag sa Jasubi-lehem. Kag ini sila dumaan nga mga butang.

23 Ini sila amo ang mga maninihon, kag yadtong mga nagpuyo sa tunga sang mga katamnan kag sang mga kodal nga mga kahoykahoy: didto nagpuyo sila upud sa hari tungud sang iya buluhaton.

24 ś Ang mga anak nga lalaki ni Simeon, si Nemuel, kag si Jamin, si Jarib, si Zera, kag si Shaul:

25 Nga ang iya anak nga lalaki si Sallum, nga ang iya anak nga lalaki si Mibsan, nga ang iya anak nga lalaki si Misma.

26 Kag ang mga anak nga lalaki ni Misma; si Hamuel nga iya anak nga lalaki, nga ang iya anak nga lalaki si Zacur, nga ang iya anak nga lalaki si Simei.

27 Kag si Semei may napulo kag anum ka anak nga lalaki kag anum ka anak nga babaye; apang ang iya mga utud wala sing madamu nga kabataan, kag ang bug-os nila nga panimalay wala magbuad kaangay sang mga anak ni Juda.

28 Kag nagpuyo sila sa Beer-seba, kag sa Molada, kag sa Hazar-sual,

29 Kag sa Bilha, kag sa Esem, kag sa Tolad,

30 Kag sa Betuel, kag sa Horma, kag sa Siclag,

31 Kag sa Bet-marcabot, kag sa Hazar-susim, kag sa Bet-biri, kag sa Saaraim. Ini ila mga siudad tubtub sa paghari ni David.

32 Kag ang ila mga minoro amo ang Etam, kag ang Ain, ang Rimon, kag ang Toquen, kag ang Asan, lima ka siudad:

33 Kag ang tanan nila nga mga minoro nga yara sa palibut sa amo nga mga siudad tubtub sa Baal. Ini sila ila mga puluy-an, kag ang listahan sang ila kaliwatan.

34 Kag si Mesobab, kag si Jamlec, kag si Josa nga anak nga lalaki ni Amasias,

35 Kag si Joel, kag si Jehu nga anak nga lalaki ni Josibias, ang anak nga lalaki ni Seraya, ang anak nga lalaki ni Asiel,

36 Kag si Elioenai, kag si Jaacoba, kag si Jesohaya, kag si Asaya, kag si Adiel, kag si Jesimiel, kag si Benaya,

37 Kag si Ziza nga anak nga lalaki ni Sifi, ang anak nga lalaki ni Allon, ang anak nga lalaki ni Jedaya, ang anak nga lalaki ni Simri, ang anak nga lalaki ni Semaya;

38 Ini sila nga sinambit sa ngalan mga prinsipe sa ila mga panimalay: kag ang panimalay sang ila mga kaamayan nagdugang sing daku.

39 ś Kag nagkadto sila tubtub sa salamputan sang Gedor, tubtub gid sa nasidlangan nga kilid sang nalupyakan, sa pagpangita sing halalban nga sa ila mga panong.

40 Kag nakakita sila sing madabung nga halalban kag maayo, kag ang duta malapad, kag malinong, kag madaiton; kay ang mga nagpuyo didto sang una gikan kay Ham.

41 Kag ini sila, nga nasulat sa ngalan, nag-abut sa mga adlaw ni Ezequias, nga hari sang Juda, kag ginguba ang ila mga layanglayang, kag ang mga puluy-an nga nakita didto, kag ginlaglag sila sing bug-os tubtub sini nga adlaw, kag nagpuyo sa tal-us nila: bangud nga may halalban didto nga sa ila mga panong.

42 Kag ang pila sa ila, ang mga anak nga lalaki ni Simeon, nga lima ka gatus ka tawo, nagkadto sa bukid nga Seir, nga ang mga kapitan nila si Palatias, kag si Nearias, kag si Refaias, kag si Uziel, mga anak nga lalaki ni Isi.

43 Kag ginlaglag nila ang nabilin sang mga Amalecnon nga nagpalagyo, kag nagpuyo didto tubtub sini nga adlaw.

KAPITULO 5

KARON ang mga lalaking anak ni Ruben nga panganay ni Israel, (kay sia amo ang panganay; apang, sanglit kay gindagtaan niya ang higdaan sang iya amay, ang iya kinamatarung nga pagkapanganay ginhatag sa mga anak nga lalaki ni Jose nga anak ni Israel: kag wala ginaisip ang listahan sang kaliwatan sono sa kinamatarung sang pagkapanganay.

2 Kay si Juda naglabaw sa iya mga utud, kag nagikan sa iya ang puno nga manugdumala; apang ang kinamatarung sang pagkapanganay iya ni Jose:)

3 Ang mga anak nga lalaki ni Ruben nga panganay ni Israel, nagasiling ako, si Hanoc, kag si Pallu, si Hezron, kag si Carmi.

4 Ang mga anak nga lalaki ni Joel; si Semaya nga iya anak nga lalaki, nga ang iya anak nga lalaki si Gog, nga ang iya anak nga lalaki si Simei,

5 Nga ang iya anak nga lalaki si Mica, nga ang iya anak nga lalaki si Reaya, nga ang iya anak nga lalaki si Baal,

6 Nga ang iya anak nga lalaki si Beera, nga gindala nga bihag ni Tilgat-pilneser nga hari sang Asiria: sia prinsipe sang mga Rubenhon.

7 Kag ang iya mga utud sa ila mga panimalay, sang gin-isip ang listahan sang ila mga kaliwatan amo ang mga puno, si Jeiel, kag si Zacarias,

8 Kag si Bela nga anak nga lalaki ni Azaz, ang anak nga lalaki ni Sema, ang lalaki nga anak ni Joel, nga nagpuyo sa Aroer, bisan tubtub sa Nebo kag Baal-meon:

9 Kag nayon sa sidlangan nagpuyo sia tubtub gid sa salamputan sang kamingawan kutub sa suba nga Eufrates: bangud nga ang ila kahayupan nagbuad sa duta sang Galaad.

10 Kag sa mga adlaw ni Saul nagpakig-away sila sa mga Agarnon, nga napukan tungud sa ila kamut: kag nagpuyo sila sa ila mga layanglayang nga hil-ob sa bug-os nga duta sa sidlangan sang Galaad.

11 ś Kag ang mga anak ni Gad nagpuyo sa atubang nila, sa duta sang Basan tubtub sa Salca:

12 Ang puno nga si Joel, kag si Safam nga ikaduha, kag si Janai, kag si Safat sa Basan.

13 Kag ang ila mga utud gikan sa panimalay sang ila mga kaamayan, si Micael, kag si Mesulam, kag si Seba, kag si Jorai, kag si Jacan, kag si Zia, kag si Eber, pito.

14 Ini sila mga anak nga lalaki ni Abihail, ang anak nga lalaki ni Huri, ang anak nga lalaki ni Jaroa, ang anak nga lalaki ni Galaad, ang anak nga lalaki ni Micael, ang anak nga lalaki ni Jesisai, ang anak nga lalaki ni Jahdo, ang anak nga lalaki ni Buz;

15 Si Ahi nga anak nga lalaki ni Abdiel, ang anak nga lalaki ni Guni, puno sang panimalay sang ila mga kaamayan.

16 Kag nagpuyo sila sa Galaad sa Basan, kag sa iya mga banwa, kag sa tanan nga halalban sang Saron, tubtub sa ila mga dulunan.

17 Ini sila tanan naisipan sa listahan sang mga kaliwatan sa mga adlaw ni Jotam nga hari sang Juda, kag sa mga adlaw ni Jeroboam nga hari sang Israel.

18 ś Ang mga anak nga lalaki ni Ruben, kag ang mga Gadhanon, kag ang katunga nga tribo ni Manases, nga mga lalaki nga isganan, nga mga lalaki nga makasarang magdala sang taming kag espada, kag makapana, kag sampaton sa pag-away, kap-atan kag apat ka libo kag pito ka gatus kag kan-uman, nga nagkadto sa inaway.

19 Kag nagpakig-away sila sa mga Agarnon, kay Jetur, kag kay Nafis, kag kay Nobab.

20 Kag ginbuligan sila batok sa ila, kag ang mga Agarnon natugyan sa ila kamut, kag ang tanan nga nag-upud sa ila: kay nagtuaw sila sa Dios sa pag-awayan, kag nalooy sia sa ila; bangud nga nagsalig sila sa iya.

21 Kag gindakup nila ang ila kahayupan; sa ila mga camelyo kalim-an ka libo, kag sa mga carnero duha ka gatus kag kalim-an ka libo, kag sa mga asno duha ka libo, kag sa mga tawo isa ka gatus ka libo.

22 Kay madamu ang napukan nga napatay, bangud nga ang pag-away iya sang Dios. Kag nagpuyo sila nga tal-us sa ila tubtub sa pagbihag.

23 ś Kag ang mga anak sang katunga nga tribo ni Manases nagpuyo sa duta: nagdugang sila kutub sa Basan tubtub sa Baal-hermon kag Senir, kag sa bukid nga Hermon.

24 Kag ini sila amo ang mga pangolo sang panimalay sang ila mga kaamayan, si Efer, kag si Isi, kag si Eliel, kag si Azriel, kag si Jeremias, kag si Hodabias, kag si Jadiel, mga lalaki nga gamhanan nga isganan, mga lalaki nga bantug, kag mga pangolo sang panimalay sang ila mga kaamayan.

25 ś Kag naglapas sila batok sa Dios sang ila mga kaamayan, kag nagmakihilawason sa pagsonod sa mga dios sang katawohan sang duta, nga ginlaglag sang Dios sa atubangan nila.

26 Kag ang Dios sang Israel nagpainit sang espiritu ni Pul nga hari sang Asiria, kag sang espiritu ni Tilgat-pilneser nga hari sang Asiria, kag ginbihag niya sila, bisan ang mga Rubenhon, kag ang mga Gadhanon, kag ang katunga nga tribo ni Manases, kag gindala sila sa Hala, kag sa Habor, kag sa Hara, kag sa suba nga Gosan, tubtub sini nga adlaw.

KAPITULO 6

ANG mga anak nga lalaki ni Levi; si Gerson, si Coat, kag si Merari.

2 Kag ang mga anak nga lalaki ni Coat; si Amram, si Izhar, kag si Hebron, kag si Uziel.

3 Kag ang mga anak ni Amram; si Aaron, kag si Moises, kag si Miriam. Ang mga anak man nga lalaki ni Aaron; si Nadab, kag si Abiu, si Eleazar, kag si Itamar.

4 ś Si Eleazar nagpanganak kay Finees, si Finees nagpanganak kay Abisua,

5 Kag si Abisua nagpanganak kay Buki, kag si Buki nagpanganak kay Uzi,

6 Kag si Uzi nagpanganak kay Zeraias, kag si Zeraias nagpanganak kay Meraiot,

7 Si Meraiot nagpanganak kay Amarias, kag si Amarias nagpanganak kay Ahitob,

8 Kag si Ahitob nagpanganak kay Sadoc, kag si Sadoc nagpanganak kay Ahimaaz,

9 Kag si Ahimaaz nagpanganak kay Azarias, kag si Azarias nagpanganak kay Johanan,

10 Kag si Johanan nagpanganak kay Azarias, (sia amo ang nagpanghikot sang alagdan sang pari sa templo nga ginpatindug ni Salomon sa Jerusalem:)

11 Kag si Azarias nagpanganak kay Amarias, kag si Amarias nagpanganak kay Ahitob,

12 Kag si Ahitob nagpanganak kay Sadoc, kag si Sadoc nagpanganak kay Sallum,

13 Kag si Sallum nagpanganak kay Hilcias, kag si Hilcias nagpanganak kay Azarias,

14 Kag si Azarias nagpanganak kay Seraya, kag si Seraya nagpanganak kay Jehosadac,

15 Kag si Jehosadac nabihag, sang ginbihag sang GINOO ang Juda kag ang Jerusalem paagi sa kamut ni Nabucodonosor.

16 ś Ang mga anak nga lalaki ni Levi; si Gersom, si Coat, kag si Merari.

17 Kag ini amo ang mga ngalan sang mga anak nga lalaki ni Gersom; si Libni, kag si Simei.

18 Kag ang mga anak nga lalaki ni Coat, si Amram, kag si Izar, kag si Hebron, kag si Uziel.

19 Ang mga anak nga lalaki ni Merari; si Mahli, kag si Musi. Kag ini sila amo ang mga panimalay sang mga Levinhon sono sa ila mga kaamayan.

20 Sa kay Gersom; si Libni nga iya anak nga lalaki, nga ang iya anak nga lalaki si Jahat, nga ang iya anak nga lalaki si Zimma,

21 Nga ang iya anak nga lalaki si Joah, nga ang iya anak nga lalaki si Iddo, nga ang iya anak nga lalaki si Zara, nga ang iya anak nga lalaki si Jeatrai.

22 Ang mga anak nga lalaki ni Coat; si Aminadab nga iya anak nga lalaki, nga ang iya anak nga lalaki si Core, nga ang iya anak nga lalaki si Asir,

23 Nga ang iya anak nga lalaki si Elcana, kag ang iya anak nga lalaki si Ebiasaf, kag ang iya anak nga lalaki si Asir,

24 Nga ang iya anak nga lalaki si Tahat, nga ang iya anak nga lalaki si Uriel, nga ang iya anak nga lalaki si Uzias, kag ang iya anak nga lalaki si Shaul.

25 Kag ang mga anak nga lalaki ni Elcana; si Amasai, kag si Ahimot.

26 Ang nahanungud kay Elcana: ang mga anak nga lalaki ni Elcana; si Zofay nga iya anak nga lalaki, kag ang iya anak nga lalaki si Nahat,

27 Nga ang iya anak nga lalaki si Eliab, nga ang iya anak nga lalaki si Jeroham, nga ang iya anak nga lalaki si Elcana.

28 Kag ang mga anak nga lalaki ni Samuel; ang panganay si Vasni, kag si Abias.

29 Ang mga anak nga lalaki ni Merari; si Mali, nga ang iya anak nga lalaki si Libni, nga ang iya anak nga lalaki si Simei, nga ang iya anak nga lalaki si Uza,

30 Nga ang iya anak nga lalaki si Simea, nga ang iya anak nga lalaki si Hagia, nga ang iya anak nga lalaki si Asaya.

31 Kag ini sila amo ang mga ginpadumala ni David sa pag-alagdan sang pag-ambahan sa balay sang GINOO, sa tapus nga ang arka nakapahuway.

32 Kag nag-alagad sila nga may ambahanon sa atubangan sang puluy-an sang tabernakulo sang katilingban, tubtub nga napatindug ni Salomon ang balay sang GINOO sa Jerusalem: kag niyan nag-alagad sila sa palangakoan sono sa ila pasonod.

33 Kag ini sila amo ang nag-alagad kaupud sa ila mga anak. Sa mga anak nga lalaki sang mga Coatnon: si Heman nga manug-amba, nga anak nga lalaki ni Joel, ang anak nga lalaki ni Semuel,

34 Ang anak nga lalaki ni Elcana, ang anak nga lalaki ni Jeroham, ang anak nga lalaki ni Eliel, ang anak nga lalaki ni Toah,

35 Ang anak nga lalaki ni Zuf, ang anak nga lalaki ni Elcana, ang anak nga lalaki ni Mahat, ang anak nga lalaki ni Amasai,

36 Ang anak nga lalaki ni Elcana, ang anak nga lalaki ni Joel, ang anak nga lalaki ni Azarias, ang anak nga lalaki ni Sofonias,

37 Ang anak nga lalaki ni Tahat, ang anak nga lalaki ni Asir, ang anak nga lalaki ni Ebiasaf, ang anak nga lalaki ni Core,

38 Ang anak nga lalaki ni Izar, ang anak nga lalaki ni Coat, ang anak nga lalaki ni Levi, ang anak nga lalaki ni Israel.

39 Kag ang iya utud nga lalaki nga si Asaf, nga nagtindug sa too niya, bisan si Asaf nga anak nga lalaki ni Beraquias, ang anak nga lalaki ni Simea,

40 Ang anak nga lalaki ni Micael, ang anak nga lalaki ni Baaseya, ang anak nga lalaki ni Malquias,

41 Ang anak nga lalaki ni Etni, ang anak nga lalaki ni Zera, ang anak nga lalaki ni Adaya,

42 Ang anak nga lalaki ni Etan, ang anak nga lalaki ni Zimma, ang anak nga lalaki ni Simei,

43 Ang anak nga lalaki ni Jahat, ang anak nga lalaki ni Gersom, ang anak nga lalaki ni Levi.

44 Kag ang ila mga utud nga mga anak nga lalaki ni Merari nagtindug sa wala: si Etan nga anak nga lalaki ni Kisi, ang anak nga lalaki ni Abdi, ang anak nga lalaki ni Malluc,

45 Ang anak nga lalaki ni Hasabias, ang anak nga lalaki ni Amasias, ang anak nga lalaki ni Hilcia,

46 Ang anak nga lalaki ni Amzi, ang anak nga lalaki ni Bani, ang anak nga lalaki ni Samer,

47 Ang anak nga lalaki ni Mahli, ang anak nga lalaki ni Musi, ang anak nga lalaki ni Merari, ang anak nga lalaki ni Levi.

48 Ang ila mga utud man nga mga Levinhon gintangdo nga sa tanan nga sari nga pag-alagdan sa tabernakulo sang balay sang Dios.

49 ś Apang si Aaron kag ang iya mga anak nga lalaki nagdolot sa ibabaw sang halaran sang halad nga sinonog, kag sa ibabaw sang halaran sang incienso, kag gintangdo nga sa tanan nga buluhaton sang duug nga labi gid ka balaan, kag sa paghimo sing katumbasan tungud sa Israel, sono sa tanan nga ginsogo ni Moises nga alagad sang Dios.

50 Kag ini sila amo ang mga anak nga lalaki ni Aaron; si Eleazar nga iya anak nga lalaki, nga ang iya anak nga lalaki si Finees, nga ang iya anak nga lalaki si Abisua,

51 Nga ang iya anak nga lalaki si Buki, nga ang iya anak nga lalaki si Uzi, nga ang iya anak nga lalaki si Zeraias,

52 Nga ang iya anak nga lalaki si Meraiot, nga ang iya anak nga lalaki si Amarias, nga ang iya anak nga lalaki si Ahitob,

53 Nga ang iya anak nga lalaki si Sadoc, nga ang iya anak nga lalaki si Ahimaaz.

54 ś Karon amo ini ang ila mga puluy-an sa bug-os nga mga kastilyo nila sa ila mga dulunan, sa mga anak nga lalaki ni Aaron, sa mga panimalay sang mga Coatnon: kay ila ang kapalaran.

55 Kag ginhatag nila sa ila ang Hebron sa duta sang Juda, kag ang iya mga halalban sa palibut sini.

56 Apang ang mga latagon sang siudad, kag ang iya mga minoro, ginhatag nila kay Caleb nga anak nga lalaki ni Jefone.

57 Kag sa mga anak nga lalaki ni Aaron ginhatag nila ang mga siudad sang Juda, nga amo, ang Hebron, ang siudad nga dalangpan, kag ang Libna pati ang iya mga halalban, kag ang Jatir, kag ang Estemoa, pati ang iya mga halalban,

58 Kag ang Hilen pati ang iya mga halalban, ang Debir pati ang iya mga halalban,

59 Kag ang Asan pati ang iya mga halalban, kag ang Bet-semes pati ang iya mga halalban:

60 Kag gikan sa tribo ni Benjamin; ang Geba pati ang iya mga halalban, kag ang Alemet pati ang iya mga halalban, kag ang Anatot pati ang iya mga halalban. Ang tanan nila nga siudad sa bug-os nila nga mga panimalay napulog tatlo ka siudad.

61 Kag sa mga anak nga lalaki ni Coat, nga nabilin gikan sa panimalay sinang tribo, ginhatag paagi sa papalad ang mga siudad, gikan sa katunga nga tribo, nga amo, gikan sa katunga nga tribo ni Manases, ang napulo ka siudad.

62 Kag sa mga anak nga lalaki ni Gersom sono sa ila mga panimalay gikan sa tribo ni Isacar, kag gikan sa tribo ni Aser, kag gikan sa tribo ni Neftali, kag gikan sa tribo ni Manases sa Basan, ang napulog tatlo ka siudad.

63 Sa mga anak nga lalaki ni Merari ginhatag paagi sa papalad, sa bug-os nilang mga panimalay, gikan sa tribo ni Ruben, kag gikan sa tribo ni Gad, kag gikan sa tribo ni Zabulon, ang napulog duha ka siudad.

64 Kag ginhatagan sang kaanakan sang Israel ang mga Levinhon sining mga siudad pati ang ila mga halalban.

65 Kag ginhatag nila sa papalad gikan sa tribo sang mga anak ni Juda, kag gikan sa tribo sang mga anak ni Simeon, kag gikan sa tribo sang mga anak ni Benjamin, ini nga mga siudad, nga ginasambit sa ila mga ngalan.

66 Kag ang nabilin sang mga panimalay sang mga anak nga lalaki ni Coat may mga siudad sang ila mga ginsakpan gikan sa tribo ni Efraim.

67 Kag ginhatag nila sa ila ang mga siudad nga dalangpan, ang Siquem sa bukid nga Efraim pati ang iya mga halalban; ginhatag nila man ang Gezer pati ang iya mga halalban,

68 Kag ang Jocmeam pati ang iya mga halalban, kag ang Bet-horon pati ang iya mga halalban,

69 Kag ang Ayalon pati ang iya mga halalban, kag ang Gat-rimon pati ang iya mga halalban:

70 Kag gikan sa katunga nga tribo ni Manases; ang Aner pati ang iya mga halalban, kag ang Bileam pati ang iya mga halalban, nga sa panimalay sang nabilin sang mga anak nga lalaki ni Coat.

71 Sa mga anak nga lalaki ni Gersom ginhatag gikan sa panimalay sang katunga nga tribo ni Manases, ang Golan sa Basan pati ang iya mga halalban, kag ang Astarot pati ang iya mga halalban:

72 Kag gikan sa tribo ni Isacar; ang Cades pati ang iya mga halalban, ang Daberat pati ang iya mga halalban,

73 Kag ang Ramot pati ang iya mga halalban, kag ang Anem pati ang iya mga halalban:

74 Kag gikan sa tribo ni Aser; ang Masal pati ang iya mga halalban, kag ang Abdon pati ang iya mga halalban,

75 Kag ang Hucoc pati ang iya mga halalban, kag ang Rehob pati ang iya mga halalban:

76 Kag gikan sa tribo ni Neftali; ang Cades sa Galilea pati ang iya mga halalban, kag ang Hamon pati ang iya mga halalban, kag ang Kiryataim pati ang iya mga halalban.

77 Sa nabilin sang mga anak ni Merari ginhatag gikan sa tribo ni Zabulon, ang Rimon pati ang iya mga halalban, ang Tabor pati ang iya mga halalban:

78 Kag sa tabok sang Jordan sa luyo sang Jerico, sa sidlangan nga kilid sang Jordan, gikan sa tribo ni Ruben, ginhatag sa ila ang Bezer sa kamingawan pati ang iya mga halalban, kag ang Jaza pati ang iya mga halalban,

79 Ang Quedemot pati ang iya mga halalban, kag ang Mefaat pati ang iya mga halalban:

80 Kag gikan sa tribo ni Gad; ang Ramot sa Galaad pati ang iya mga halalban, kag ang Mahanaim pati ang iya mga halalban,

81 Kag ang Hesbon pati ang iya mga halalban, kag ang Jazer pati ang iya mga halalban.

KAPITULO 7

KARON ang mga lalaki nga anak ni Isacar, si Tola, kag si Pua, si Jasub, kag si Simron, apat.

2 Kag ang mga anak nga lalaki ni Tola; si Uzi, kag si Refaya, kag si Jeriel, kag si Jamai, kag si Ibsam, kag si Semuel, mga pangolo sang panimalay sang ila amay, kon sayoron ni Tola: sila amo ang gamhanan nga mga lalaki nga isganan sa ila mga kaliwatan; ang ila kadamuon sa mga adlaw ni David duha ka pulo kag duha ka libo kag anum ka gatus.

3 Kag ang mga anak nga lalaki ni Uzi; si Izrahias: kag ang anak nga lalaki ni Izrahias; si Micael, kag si Obadias, kag si Joel, si Isias, lima: tanan sila puno nga mga tawo.

4 Kag upud sa ila, sono sa ila mga kaliwatan, sono sa panimalay sang ila mga kaamayan, ang mga kabon sang soldado nga sa inaway, katloan kag anum ka libo nga lalaki: kay sila may madamu nga mga asawa kag mga anak nga lalaki.

5 Kag ang ila mga utud sa tanan nga panimalay ni Isacar gamhanan nga mga lalaki nga isganan, nga naisip ang tanan sono sa listahan sang ila mga kaliwatan, kawaloan kag pito ka libo.

6 ś Ang mga anak nga lalaki ni Benjamin; si Bela, kag si Bequer, kag si Jediael, tatlo.

7 Kag ang mga anak nga lalaki ni Bela; si Esbon, kag si Uzi, kag si Uziel, kag si Jerimot, kag si Iri, lima; mga pangolo sang panimalay sang ila mga kaamayan, gamhanan nga mga tawo nga isganan; kag naisip sila sono sa listahan sang ila mga kaliwatan nga duha ka pulo kag duha ka libo kag katloan kag apat.

8 Kag ang mga anak nga lalaki ni Bequer; si Zemira, kag si Joas, kag si Eliezer, kag si Elioenai, kag si Omri, kag si Jerimot, kag si Abias, kag si Anatot, kag si Alemet. Tanan ini sila mga anak nga lalaki ni Bequer.

9 Kag ang ila kadamuon, sono sa listahan sang kaliwatan, sono sa ila mga kaliwatan, nga mga pangolo sang panimalay sang ila mga kaamayan, gamhanan nga mga tawo nga isganan, duha ka pulo ka libo kag duha ka gatus.

10 Ang mga anak nga lalaki man ni Jediael; si Bilhan: kag ang mga anak nga lalaki ni Bilhan; si Jehus, kag si Benjamin, kag si Ehud, kag si Cenaana, kag si Zetan, kag si Tarsis, kag si Ahisahar.

11 Ini tanan sila mga anak nga lalaki ni Jediael, sono sa mga pangolo sang ila mga kaamayan, gamhanan nga mga tawo nga isganan, napulo kag pito ka libo kag duha ka gatus ka mga soldado, nga handa nga maggolowa nga sa pag-awayan kag sa inaway.

12 Si Supim man, kag si Hupim, ang mga anak ni Ir, kag si Husim, ang mga anak nga lalaki ni Aher.

13 ś Ang mga anak nga lalaki ni Neftali; si Jahziel, kag si Guni, kag si Jezer, kag si Sallum, ang mga anak nga lalaki ni Bilha.

14 ś Ang mga anak nga lalaki ni Manases; si Asriel, nga gin-anak sang asawa niya: (apang ang iya oloasawa nga Aramnon nag-anak kay Maquir nga amay ni Galaad:

15 Kag ginpangasawa ni Maquir ang utud nga babaye ni Hupim kag ni Supim, nga ang ngalan sang iya utud nga babaye si Maaca;) kag ang ngalan sang ikaduha si Zelofehad: kag si Zelofehad may mga anak nga babaye.

16 Kag si Maaca nga asawa ni Maquir nag-anak sing lalaki, kag ginhingalanan sia niya Peres; kag ang ngalan sang iya utud nga lalaki si Seres; kag ang iya mga anak nga lalaki si Ulam kag si Raquem.

17 Kag ang mga anak nga lalaki ni Ulam; si Bedan. Ini sila mga anak nga lalaki ni Galaad nga anak nga lalaki ni Maquir, ang anak nga lalaki ni Manases.

18 Kag ang iya utud nga babaye nga si Hamolequet nag-anak kay Ishod, kag kay Abiezer, kag kay Mahala.

19 Kag ang mga anak nga lalaki ni Semida amo si Ahian, kag si Siquem, kag si Likhi, kag si Aniam.

20 ś Kag ang mga anak nga lalaki ni Efraim; si Sutela, kag ang iya anak nga lalaki si Bered, kag ang iya anak nga lalaki si Tahat, kag ang iya anak nga lalaki si Elada, kag ang iya anak nga lalaki si Tahat,

21 ś Kag ang iya anak nga lalaki si Zabad, kag ang iya anak nga lalaki si Sutela, kag si Ezer, kag si Elead, nga ginpatay sang mga tawo sang Gat nga tumanduk sinang duta, bangud nga nagdolhog sila sa pagkuha sang ila mga kahayupan.

22 Kag si Efraim nga ila amay naglalaw sa madamu nga adlaw, kag nag-abut ang iya mga utud sa paglipay sa iya.

23 ś Kag sang naghiusa sia sa iya asawa, nagpanamkon sia, kag nag-anak sing lalaki, kag ginhingalanan niya sia Berias, bangud nga ang malaut nahanabu sa iya panimalay.

24 (Kag ang iya anak nga babaye si Seera, nga nagpatindug sang Bet-horon nga naubus kag naibabaw, kag sang Uzen-seera.)

25 Kag si Repa iya anak nga lalaki, si Resef man, kag ang iya anak nga lalaki si Tela, kag ang iya anak nga lalaki si Tahan,

26 Nga ang iya anak nga lalaki si Laadan, nga ang iya anak nga lalaki si Amiud, nga ang iya anak nga lalaki si Elisama,

27 Nga ang iya anak nga lalaki si Nun, nga ang iya anak nga lalaki si Jehosue.

28 ś Kag ang ila mga pagkabutang kag mga puluy-an amo ang Bet-el kag ang iya mga banwa, kag nayon sa sidlangan ang Naaran, kag nayon sa katundan ang Gezer pati ang iya mga banwa; ang Siquem man pati ang iya mga banwa, tubtub sa Gaza kag ang iya mga banwa:

29 Kag sa luyo sang mga dulunan sang mga anak ni Manases, ang Bet-sean kag ang iya mga banwa, ang Taanac kag ang iya mga banwa, ang Meguido kag ang iya mga banwa, ang Dor kag ang iya mga banwa. Sa ila sini nagpuyo ang mga anak ni Jose nga anak nga lalaki ni Israel.

30 ś Ang mga anak nga lalaki ni Aser; si Imna, kag si Isua, kag si Isuai, kag si Berias, kag si Sera nga ila utud nga babaye.

31 Kag ang mga anak nga lalaki ni Berias; si Heber, kag si Malquiel, nga amay ni Birzavit.

32 Kag si Heber nagpanganak kay Jaflet, kag kay Somer, kag kay Hotam, kag kay Sua nga utud nila nga babaye.

33 Kag ang mga anak nga lalaki ni Jaflet; si Pasac, kag si Bimhal, kag si Asvat. Ini sila mga anak ni Jaflet.

34 Kag ang mga anak nga lalaki ni Samer; si Ahi, kag si Roga, si Jehuba, kag si Aram.

35 Kag ang mga anak nga lalaki ni Helem nga iya utud nga lalaki; si Zofa, kag si Imna, kag si Seles, kag si Amal.

36 Ang mga anak nga lalaki ni Zofa; si Sua, kag si Harnefer, kag si Sual, kag si Beri, kag si Imra,

37 Si Bezer, kag si Hod, kag si Sama, kag si Silsa, kag si Itran, kag si Beera.

38 Kag ang mga anak nga lalaki ni Jeter; si Jefone, kag si Pispa, kag si Ara.

39 Kag ang mga anak nga lalaki ni Ulla; si Arah, kag si Haniel, kag si Rezia.

40 Ini sila tanan mga anak ni Aser, mga pangolo sang panimalay sang ila mga kaamayan, pinili kag gamhanan nga mga tawo nga isganan, puno sang mga prinsipe. Kag ang kadamuon nila sa bug-os nga listahan sang kaliwatan nila nga handa nga sa pag-awayan kag sa inaway, duha ka pulo kag anum ka libo ka tawo.

KAPITULO 8

KARON si Benjamin nagpanganak kay Bela nga iya panganay, kay Asbel nga ikaduha, kag kay Ahara nga ikatlo,

2 Kay Noha nga ikap-at, kag kay Rafa nga ikalima.

3 Kag ang mga anak nga lalaki ni Bela amo si Adar, kag si Gera, kag si Abihud,

4 Kag si Abisua, kag si Naaman, kag si Ahoa,

5 Kag si Gera, kag si Sefufan, kag si Huram.

6 Kag ini sila amo ang mga anak nga lalaki ni Ehud: ini sila amo ang mga pangolo sang mga kaamayan sang mga pumuluyo sang Geba, kag ginpaliton nila sila sa Manahat:

7 Kag si Naaman, kag si Ahias, kag si Gera, iya ginpaliton sila, kag sia nagpanganak kay Uza, kag kay Ahihud.

8 Kag si Saharaim nagpanganak sang mga anak sa duta sang Moab sa tapus nga napahilayo niya sila; si Husim kag si Baara amo ang iya mga asawa.

9 Kag sa kay Hodes nga iya asawa nagpanganak sia kay Jobab, kag kay Sibia, kag kay Mesa, kag kay Malcam,

10 Kag kay Jeuz, kag kay Sacias, kag kay Mirma. Ini sila iya mga lalaking anak, nga mga pangolo sang mga kaamayan.

11 Kag sa kay Husim nagpanganak sia kay Abitob, kag kay Elpaal.

12 Ang mga anak nga lalaki ni Elpaal; si Eber, kag si Misam, kag si Semed, ini sila nagpatindug sang Ono, kag sang Lod, pati ang ila mga banwa:

13 Si Berias man, kag si Sema, mga pangolo sang mga kaamayan sang mga pumuluyo sang Ayalon, nga nagpapalagyo sang mga pumuluyo sang Gat:

14 Kag si si Ahio, si Sasac, kag si Jeremot,

15 Kag si Zebadias, kag si Arad, kag si Adar,

16 Kag si Micael, kag si Ispa, kag si Joha, mga anak nga lalaki ni Berias;

17 Kag si Zebadias, kag si Mesullam, kag si Hizki, kag si Heber,

18 Si Ismerai man, kag si Izlia, kag si Jobab, mga anak nga lalaki ni Elpaal;

19 Kag si Jaquim, kag si Zicri, kag si Zabdi,

20 Kag si Elienai, kag si Zillitai, kag si Eliel,

21 Kag si Adaya, kag si Beraya, kag si Simrat, mga anak nga lalaki ni Simhi;

22 Kag si Ispan, kag si Heber, kag si Eliel,

23 Kag si Abdon, kag si Zicri, kag si Hanan,

24 Kag si Hananias, kag si Elam, kag si Anatotias,

25 Kag si Ifdaya, kag si Penuel, mga anak nga lalaki ni Sasac;

26 Kag si Samserai, kag si Seharia, kag si Atalia,

27 Kag si Jaresias, kag si Elia, kag si Zicri, mga anak nga lalaki ni Jeroham.

28 Ini sila mga pangolo sang mga kaamayan, sono sa ila mga kaliwatan, puno nga mga tawo. Ini sila nagpuyo sa Jerusalem.

29 Kag sa Gabaon nagpuyo ang amay ni Gabaon; nga ang ngalan sang iya asawa si Maaca:

30 Kag ang iya lalaking anak nga panganay si Abdon, kag si Sur, kag si Cis, kag si Baal, kag si Nadab,

31 Kag si Gedor, kag si Ahio, kag si Zequer.

32 Kag si Miclot nagpanganak kay Simea. Kag ini sila man nagpuyo upud sa ila mga utud sa Jerusalem, sa atubangan nila.

33 ś Kag si Ner nagpanganak kay Cis, kag si Cis nagpanganak kay Saul, kag si Saul nagpanganak kay Jonatan, kag kay Malqui-sua, kag kay Abinadab, kag kay Es-baal.

34 Kag ang anak nga lalaki ni Jonatan si Merib-baal; kag si Merib-baal nagpanganak kay Mica.

35 Kag ang mga anak nga lalaki ni Mica amo si Piton, kag si Melek, kag si Tarea, kag si Acaz.

36 Kag si Acaz nagpanganak kay Jehoada; kag si Jehoada nagpanganak kay Alemet, kag kay Asmavet, kag kay Zimri; kag si Zimri nagpanganak kay Moza,

37 Kag si Moza nagpanganak kay Binea: si Refa iya anak nga lalaki, nga ang iya anak nga lalaki si Elasa, nga ang iya anak nga lalaki si Azel:

38 Kag si Azel may anum ka lalaking anak nga amo ini ang ila mga ngalan, si Azricam, si Bocru, kag si Ismael, kag si Searias, kag si Obadias, kag si Hanan. Ini sila tanan mga anak nga lalaki ni Azel.

39 Kag ang mga anak nga lalaki ni Esec nga iya utud amo si Ulam nga iya panganay, si Jeus nga ikaduha, kag si Elifelet nga ikatlo.

40 Kag ang mga anak nga lalaki ni Ulam mga tawong gamhanan nga isganan, mga manugpana, kag nga may madamung anak nga lalaki kag apo nga lalaki, isa ka gatus kag kalim-an. Ini sila tanan gikan sa mga anak nga lalaki ni Benjamin.

KAPITULO 9

GANI ang bug-os nga Israel gin-isip sono sa listahan sang mga kaliwatan; kag, yari karon, nasulat sila sa libro sang mga hari sang Israel kag Juda, nga gindala nga bihag sa Babilonia bangud sang ila paglalis.

2 ś Karon ang nahaunang mga pumuluyo nga nagpuyo sa ila mga ginapanag-iyahan sa ila mga siudad amo ang mga Israelnon, ang mga pari, ang mga Levinhon, kag ang mga Netinim.

3 Kag gikan sa kaanakan sang Juda, kag gikan sa kaanakan sang Benjamin, kag gikan sa kaanakan sang Efraim, kag sang Manases, nagpuyo sa Jerusalem;

4 Si Utai lalaking anak ni Amihud, lalaking anak ni Omri, lalaking anak ni Imri, lalaking anak ni Bani, sa mga anak ni Farez nga lalaking anak ni Juda.

5 Kag sa mga Silonhon; si Asaya nga panganay, kag ang iya mga lalaking anak.

6 Kag sa mga lalaking anak ni Zera; si Jeuel, kag ang ila mga utud, anum ka gatus kag kasiaman.

7 Kag sa mga lalaking anak ni Benjamin; si Sallu lalaking anak ni Mesullam, lalaking anak ni Hodavias, lalaking anak ni Asenua,

8 Kag si Ibnias lalaking anak ni Jeroham, kag si Ela lalaking anak ni Uzi, lalaking anak ni Micri, kag si Mesullam lalaking anak ni Sepatias, lalaking anak ni Reuel, lalaking anak ni Ibnias;

9 Kag ang ila mga utud, sono sa ila mga kaliwatan, siam ka gatus kag kalim-an kag anum. Ini tanan nga mga tawo mga pangolo sang mga kaamayan sa panimalay sang ila mga kaamayan.

10 ś Kag sa mga pari; si Jedaya, kag si Jehoiarib, kag si Jaquin,

11 Kag si Azarias lalaking anak ni Helcias, lalaking anak ni Mesullam, lalaking anak ni Sadoc, lalaking anak ni Merayot, lalaking anak ni Ahitob, nga pangolo sang balay sang Dios;

12 Kag si Adaya lalaking anak ni Jeroham, lalaking anak ni Pasur, lalaking anak ni Malquias, kag si Maasai lalaking anak ni Adiel, lalaking anak ni Jazera, lalaking anak ni Mesullam, lalaking anak ni Mesilemit, lalaking anak ni Imer;

13 Kag ang ila mga kauturan, mga pangolo sang panimalay sang ila mga kaamayan, isa ka libo kag pito ka gatus kag kan-uman; sangkol gid nga mga tawo sa buluhaton sang pag-alagdan sang balay sang Dios.

14 Kag sa mga Levinhon; si Semaya lalaking anak ni Hasub, lalaking anak ni Azricam, lalaking anak ni Hasabias, sa mga lalaking anak ni Merari;

15 Kag si Bacbacar, si Heres, kag si Galal, kag si Matanias lalaking anak ni Mica, lalaking anak ni Zicri, lalaking anak ni Asaf;

16 Kag si Obadias lalaking anak ni Semaya, lalaking anak ni Galal, lalaking anak ni Jedutun, kag si Berequias lalaking anak ni Asa, lalaking anak ni Elcana, nga nagpuyo sa mga minoro sang mga Netopatnon.

17 Kag ang mga manugbantay sang gawang amo si Sallum, kag si Acub, kag si Talmon, kag si Ahiman, kag ang ila mga kauturan: si Sallum amo ang puno;

18 Nga tubtub karon nag-alagad sa gawang sang hari nayon sa sidlangan: manugbantay sila sang mga gawang sa mga hubon sang mga anak ni Levi.

19 Kag si Sallum lalaking anak ni Core, lalaking anak ni Ebiasaf, lalaking anak ni Core, kag ang iya mga kauturan, gikan sa panimalay sang iya amay, ang mga Corinhon, nagdumala sang buluhaton sang pag-alagdan, mga manugbantay sang mga gawang sang tabernakulo: kag ang ila mga kaamayan, nga nagadumala sang kasoldadosan sang GINOO, mga manugbantay sang alagyan pasulud.

20 Kag si Finees lalaking anak ni Eleazar pangolo nila anay; kag ang GINOO upud sa iya.

21 Kag si Zacarias lalaking anak ni Meselemias manugbantay sang ganhaan sang tabernakulo sang katilingban.

22 Ini tanan, nga ginpili nga mga manugbantay sa mga gawang, duha ka gatus kag napulog duha. Ini sila gin-isip sono sa listahan sang kaliwatan nila sa ila mga minoro, nga gintangdo ni David kag ni Samuel nga manugpanan-aw sa ila palangakoan nga salaligan.

23 Gani sila kag ang ila mga anak amo ang nagtatap sang mga gawang sang balay sang GINOO, nga amo, ang balay sang tabernakulo, subong nga mga bantay.

24 Sa apat ka kilid may mga bantay sang mga gawang, nayon sa sidlangan, sa katundan, sa aminhan, kag sa bagatnan.

25 Kag ang ila mga kauturan, nga yara sa mga minoro nila may katungdanan sa pagkari upud sa ila sa tapus ang pito ka adlaw, sa tion kag sa tion.

26 Kay ining mga Levinhon, ang apat ka pangolo nga manugbantay sang gawang, yara sa ila palangakoan nga salaligan, kag nagatatap sang mga hulut kag sang mga duug nga bahandian sa balay sang Dios.

27 ś Kag nagdayon sila sa palibut sang balay sang Dios, kay ila ang pagtatap sini, kag naigo sa ila ang pagbukas sini agaaga.

28 Kag ang iban sa ila gintulinan sang mga suludlan sang pag-alagdan, agud nga pasudlon nila sila kag pagowaon nga ginaisip.

29 Ang iban sa ila gintangdo man sa pagtatap sang mga suludlan, kag sang tanan nga gamit sang santuario, kag sang harina nga mapino, kag sang alak, kag sang lana, kag sang frankincienso, kag sang mga pahumut.

30 Kag ang iban sang mga lalaking anak sang mga pari nag-aman sang ihalaplas sang mga pahumut.

31 Kag si Matatias, isa sang mga Levinhon, nga panganay ni Sallum nga Corinhon, may palangakoan nga salaligan sang mga butang nga linoto sa mga sartin.

32 Kag ang iban sang ila kauturan, gikan sa mga lalaking anak sang mga Coatnon, nagtatap sang mga tinapay nga pahayag, sa pag-aman sini sa tagsa ka sabbath.

33 Kag ini sila ang mga manug-amba, mga puno sang mga kaamayan sang mga Levinhon, ini sila nagapabilin nga hilway sa mga hulut nga sa sulud: kay nagapanghikot sila sa sinang hilikuton sa adlaw kag gab-i.

34 Ining mga pangolo nga mga kaamayan sang mga Levinhon amo ang mga pangolo sa bug-os nila nga mga kaliwatan; ini sila nagpuyo sa Jerusalem.

35 ś Kag sa Gabaon nagpuyo ang amay ni Gabaon, si Jeiel, nga ang ngalan sang iya asawa si Maaca:

36 Kag ang iya lalaking anak nga panganay si Abdon, niyan si Zur, kag si Cis, kag si Baal, kag si Ner, kag si Nadab,

37 Kag si Gedor, kag si Ahio, kag si Zacarias, kag si Miclot.

38 Kag si Miclot nagpanganak kay Simeam. Kag sila man nagpuyo upud sa ila mga kauturan sa Jerusalem, sa atubang sang ila mga kauturan.

39 Kag si Ner nagpanganak kay Cis; kag si Cis nagpanganak kay Saul; kag si Saul nagpanganak kay Jonatan, kag kay Malqui-sua, kag kay Abinadab, kag kay Es-baal.

40 Kag ang anak nga lalaki ni Jonatan si Merib-baal: kag si Merib-baal nagpanganak kay Mica.

41 Kag ang mga anak nga lalaki ni Mica amo si Piton, kag si Melec, kag si Tarea, kag si Acaz.

42 Kag si Acaz nagpanganak kay Jara; kag si Jara nagpanganak kay Alemet, kag kay Azmavet, kag kay Zimri; kag si Zimri nagpanganak kay Moza;

43 Kag si Moza nagpanganak kay Binea; kag si Refaya iya anak nga lalaki, nga ang iya anak nga lalaki si Elasa, nga ang iya anak nga lalaki si Azel.

44 Kag si Azel may anum ka anak nga lalaki, nga ang mga ngalan nila amo ini, si Azricam, si Bocru, kag si Ismael, kag si Searias, kag si Obadias, kag si Hanan: ini sila mga lalaking anak ni Azel.

KAPITULO 10

KARON ang mga Filistinhon nagpakig-away batok sa Israel; kag ang mga lalaki sang Israel nagpalagyo gikan sa atubangan sang mga Filistinhon, kag napukan nga pinatay sa bukid nga Gilboa.

2 Kag ang mga Filistinhon naglagas sing suud kay Saul, kag sa iya mga anak nga lalaki; kag ang mga Filistinhon nagpatay kay Jonatan, kag kay Abinadab, kag kay Malqui-sua, ang mga anak nga lalaki ni Saul.

3 Kag matama ang inaway batok kay Saul, kag naigo sia sang mga manugpana, kag napilasan sia sang mga manugpana.

4 Niyan si Saul nagsiling sa iya manugdala sang hinganib, Gabuta ang imo espada, kag palapsi ako sa iya; basi nga ini nga mga dicircuncidado mag-abut kag pintasan ako. Apang ang iya manugdala sang hinganib indi buut; kay nahadluk sia sing tama. Gani naggabut si Saul sang espada, kag gindamhagan ini.

5 Kag sang nakita sang iya manugdala sang hinganib nga si Saul patay na, sia man nagdamhag sa espada, kag napatay.

6 Gani napatay si Saul, kag ang iya tatlo ka anak nga lalaki, kag ang bug-os niya nga panimalay nagkalamatay sing tingub.

7 Kag sang nakita sang tanan nga lalaki sang Israel nga yara sa nalupyakan nga nagpalagyo sila, kag nga si Saul kag ang iya mga anak nga lalaki patay na, niyan ginbayaan nila ang ila mga siudad, kag nagpalagyo: kag nag-abut ang mga Filistinhon kag nagpuyo sa ila.

8 ś Kag nahanabu sa madason nga adlaw, sang nag-abut ang mga Filistinhon sa paghublas sang mga pinatay, nga nakita nila si Saul kag ang iya mga anak nga lalaki nga napukan sa bukid nga Gilboa.

9 Kag sang ginhublasan nila sia, ginkuha nila ang iya olo, kag ang iya hinganib, kag ginpadala sa duta sang mga Filistinhon palibut, sa pagdala sang mga balita sa ila mga diosdios, kag sa katawohan.

10 Kag ginbutang nila ang iya hinganib sa balay sang ila mga dios, kag ginlansang ang iya olo sa templo ni Dagon.

11 ś Kag sang nabatian sang bug-os nga Jabes-galaad ang tanan nga nahimo sang mga Filistinhon kay Saul,

12 Nagtindug sila, ang tanan nga tawo nga isganan, kag ginkuha ang lawas ni Saul, kag ang mga lawas sang iya mga anak nga lalaki, kag gindala sila sa Jabes, kag ginlubong ang ila mga tul-an sa idalum sang terebinto sa Jabes, kag nagpuasa sing pito ka adlaw.

13 ś Gani napatay si Saul tungud sang iya paglapas nga iya ginhimo batok sa GINOO, batok sa polong sang GINOO, nga wala niya pagtumana, kag tungud nga nagpangayo man sia sing laygay sa isa nga may kinilala nga espiritu, sa pagpamangkot sa sini;

14 Kag wala magpamangkot sa GINOO: busa ginpatay sia niya, kag ginsaylo ang ginharian kay David nga anak nga lalaki ni Jesse.

KAPITULO 11

NIYAN ang bug-os nga Israel nagtipon sa ila kaugalingon kay David sa Hebron, nga nagasiling, Yari karon, kami imo tul-an kag imo unud.

2 Kag labut pa sa mga tion nga nagligad, bisan sang hari pa si Saul, ikaw ang nagpagowa kag nagpasulud sa Israel: kag ang GINOO nga imo Dios nagsiling sa imo, Ikaw magapahalab sang akon katawohan nga Israel, kag ikaw mangin-pangolo sa akon katawohan nga Israel.

3 Busa ang tanan nga tigulang sang Israel nag-abut sa hari sa Hebron; kag si David nagpakigkatipan sa ila sa Hebron sa atubangan sang GINOO; kag ginhaplas nila nga hari si David sa ibabaw sang Israel, sono sa polong sang GINOO kay Samuel.

4 ś Kag si David kag ang bug-os nga Israel nagkadto sa Jerusalem, nga amo ang Jebus; nga didto ang mga Jebusnon, ang mga pumuluyo sang duta.

5 Kag ang mga pumuluyo sang Jebus nagsiling kay David, Dili ka magsulud diri. Walay sapayan si David nag-agaw sang kastilyo sang Zion, nga amo ang siudad ni David.

6 Kag si David nagsiling, Ang bisan sin-o nga nagalaglag sing una sa mga Jebusnon manginpuno kag kapitan. Gani si Joab nga anak nga lalaki ni Seruia nagtaklad sing una, kag nanginpuno.

7 Kag si David nagpuyo sa kastilyo; busa gintawag nila ini nga siudad ni David.

8 Kag ginpatindug niya ang siudad sa palibut, kutub sa Milo palibut gid: kag ginkaayo ni Joab ang nabilin sang siudad.

9 Gani si David nagdaku kag nagdaku pa: kay ang GINOO sang mga kasoldadosan nag-upud sa iya.

10 ś Ini sila man amo ang mga puno sang gamhanan nga mga tawo nga iya ni David, nga nagpakabakud sang ila kaugalingon upud sa iya sa ginharian niya, kag upud sa bug-os nga Israel, sa paghimo sa iya nga hari, sono sa polong sang GINOO nahanungud sa Israel.

11 Kag amo ini ang kadamuon sang gamhanan nga mga tawo nga iya ni David; si Jasobeam, isa ka Hacmonhon, ang puno sang mga kapitan: sia nagbayaw sang iya bangkaw batok sa tatlo ka gatus nga ginpatay niya sila sa isa ka tion.

12 Kag madason sa iya si Eleazar nga anak nga lalaki ni Dodo, ang Ahohanon, nga isa sang tatlo ka gamhanan.

13 Sia nag-upud kay David sa Pas-damin, kag didto ang mga Filistinhon nagtipon sing tingub sa pag-away, nga sa diin may puna sang duta nga hil-ob sang sebada; kag nagpalagyo ang katawohan gikan sa atubangan sang mga Filistinhon.

14 Kag nagpahamtang sila sa tunga sinang puna, kag gin-apinan ini, kag ginpatay ang mga Filistinhon; kag ginluwas sila sang GINOO sa daku nga pagdaug.

15 ś Karon ang tatlo sang katloan ka kapitan nagdulhog sa dakung bato kay David, sa lungib sang Adullam; kag ang kasoldadosan sang mga Filistinhon nagpahamtang sing kampo sa nalupyakan sang Refaim.

16 Kag si David didto pa niyan sa kuta, kag ang garison sang mga Filistinhon didto pa sa Bet-lehem.

17 Kag naghandum si David, kag nagsiling, O kabay kuntani nga may isa nga makapainum sa akon sang tubig sa bobon sang Betlehem, nga yara sa luyo sang gawang!

18 Kag ang tatlo nagbulwang sa kasoldadosan sang mga Filistinhon, kag nagsag-ub sing tubig sa bobon sang Bet-lehem, nga yara sa luyo sang gawang, kag nagkuha sini, kag gindala ini kay David: apang si David indi buut mag-inum sini, kondi gin-ula niya ini sa GINOO,

19 Kag nagsiling, Ang akon Dios nagadumili sini sa akon, nga ako maghimo sining butang: magainum bala ako sang dugo sini nga mga lalaki nga nagbutang sang ila kabuhi sa katalagman? kay sa katalagman sang ila mga kabuhi gindala nila ini. Busa indi sia mag-inum sini. Ini nga mga butang ginhimo sining tatlo nga labi gid ka gamhanan.

20 ś Kag si Abisai nga utud nga lalaki ni Joab, puno sia sang tatlo: kay sa pagbayaw niya sang iya bangkaw batok sa tatlo ka gatus, ginpatay niya sila, kag may kabantugan sa tatlo.

21 Sa tatlo, sia labi pa ka dungganon sang sa duha; kay nanginkapitan nila sia: apang wala sia makatupung sa tatlo nga nahauna.

22 Si Benaya nga anak nga lalaki ni Jehoiada, ang anak sang isganan nga lalaki sang Cabzeel, nga nakahimo sing madamu nga mga buhat; ginpatay niya ang duha ka lalaki nga daw leon sang Moab: sia nagpanaug man kag nagpatay sing isa ka leon sa boho sa adlaw nga may nieve.

23 Kag nakapatay sia sing Egiptohanon, tawo nga mataas gid, lima ka maniko ang kataason; kag sa kamut sang Egiptohanon may bangkaw nga subong sang likisan sang manughabol; kag nagdulhog sia sa iya nga may sungkud, kag gin-agaw sa kamut sang Egiptohanon ang bangkaw, kag ginpatay sia sa iya kaugalingon nga bangkaw.

24 Ining mga butang ginhimo ni Benaya nga anak nga lalaki ni Jehoiada, kag may kabantugan sa tunga sang tatlo ka gamhanan.

25 Yari karon, sia dungganon sa katloan, apang wala sia makatupung sa tatlo ka nahauna: kag ginpadumala sia ni David sang iya mga bantay.

26 ś Ang isganan man nga mga lalaki sang mga kasoldadosan, si Asael nga utud nga lalaki ni Joab, si Elhanan nga anak nga lalaki ni Dodo sang Bet-lehem,

27 Si Samot nga Harornon, si Helez nga Pelonhon,

28 Si Ira nga anak nga lalaki ni Iques nga Tecoanhon, si Abiezer nga Antotnon,

29 Si Sibecai nga Husatnon, si Ilai nga Ahohanon,

30 Si Maharai nga Netofanhon, si Heled nga anak nga lalaki ni Baana nga Netofanhon,

31 Si Itai nga anak nga lalaki ni Ribai sang Gabaa, nga naigo sa mga anak ni Benjamin, si Benaya nga Piratonhon,

32 Si Hurai gikan sa mga sapa sang Gaas, si Abiel nga Arbanhon,

33 Si Azmavet nga Baharumnon, si Eliaba nga Saalbonhon,

34 Ang mga anak nga lalaki ni Hasem nga Gisonhon, si Jonatan nga anak nga lalaki ni Sage nga Ararnon,

35 Si Ahiam nga anak nga lalaki ni Sacar nga Ararnon, si Elifal nga anak nga lalaki ni Ur,

36 Si Hefer nga Mequeratnon, si Ahia nga Pelonhon,

37 Si Hezro nga Carmelonhon, si Naarai nga anak nga lalaki ni Ezbai,

38 Si Joel nga utud nga lalaki ni Natan, si Mibar nga anak nga lalaki ni Hagri,

39 Si Zelec nga Amonhon, si Naarai nga Berotnon, nga manugdala sang hinganib ni Joab nga anak nga lalaki ni Seruia,

40 Si Ira nga Itrinon, si Gareb nga Itrinon,

41 Si Urias nga Hithanon, si Zabad nga anak nga lalaki ni Alai,

42 Si Adina nga anak nga lalaki ni Siza nga Rubenhon, isa ka kapitan sang mga Rubenhon, kag upud sa iya ang katloan,

43 Si Hanan nga anak nga lalaki ni Maaca, kag si Josafat nga Mithanon,

44 Si Uzias nga Asteratnon, si Sama, kag si Jeiel nga mga anak nga lalaki ni Hotam nga Aroernon,

45 Si Jediael nga anak nga lalaki ni Simri, kag si Joha nga iya utud nga lalaki, ang Tizhanon,

46 Si Eliel nga Mahavnon, kag si Jeribai, kag si Josabia, ang mga anak nga lalaki ni Elnaam, kag si Itma nga Moabnon,

47 Si Eliel, kag si Obed, kag si Jasiel nga Mesobanhon.

KAPITULO 12

KARON amo ini sila ang nagkadto kay David sa Ziclag, sang sia nagpanago pa bangud kay Saul nga anak nga lalaki ni Cis: kag sila yara sa tunga sang gamhanan nga mga lalaki, mga kabulig sa inaway.

2 Nasangkapan sila sang mga pana, kag makagamit sang kamut nga too kag sang wala sa paglabyog sang mga bato kag pagpana sang mga baslay gikan sa pana, gikan sila sa mga kauturan ni Saul sang Benjamin.

3 Ang puno si Ahiezer, ugaling si Joas, ang mga anak nga lalaki ni Semaa nga Gabaanhon; kag si Jeziel, kag si Pelet, ang mga anak nga lalaki ni Azmavet; kag si Beraca, kag si Jehu nga Antotnon,

4 Kag si Ismaias nga Gabaonhon, isa ka gamhanan nga tawo sa katloan, kag manugdumala sang katloan; kag si Jeremias, kag si Jahaziel, kag si Johanan, kag si Josabad nga Gederanhon,

5 Si Eluzai, kag si Jerimot, kag si Bealias, kag si Semarias, kag si Sefatias nga Harufnon,

6 Si Elcana, kag si Esias, kag si Azareel, kag si Joezer, kag si Jasobeam, nga mga Corinhon,

7 Kag si Joela, kag si Zebadias, ang mga anak nga lalaki ni Jeroham sang Gedor.

8 Kag sa mga Gadhanon may nagsimpon kay David sa kuta sa kamingawan nga gamhanan nga mga lalaki, kag mga lalaki sang pag-awayan nga nahanas sa inaway, nga makagamit sing taming kag kalasag, nga ang ila mga nawung kaangay sang mga nawung sang mga leon, kag madasig sila subong sang mga usa sa kabukiran;

9 Si Ezer ang nahauna, si Obadias ang ikaduha, si Eliab ang ikatlo,

10 Si Mismana ang ikap-at, si Jeremias ang ikalima,

11 Si Atai ang ikan-um, si Eliel ang ikapito,

12 Si Johanan ang ikawalo, si Elzabad ang ikasiam,

13 Si Jeremias ang ikapulo, si Macbanai ang ikapulog isa.

14 Ini sila sa mga anak nga lalaki ni Gad, mga kapitan sang kasoldadosan: ang isa sang labing kubus pangolo sang isa ka gatus, kag ang labing daku pangolo sang isa ka libo.

15 Amo ini sila ang nagtabok sa Jordan sa nahauna nga bulan, sang naglapaw ini sa tanan niya nga mga pangpang; kag ginpatal-as nila tanan sila nga sa mga nalupyakan, ang nayon sa sidlangan, kag ang nayon sa katundan.

16 Kag gikan sa mga anak sang Benjamin kag sang Juda may nag-abut sa kuta kay David.

17 Kag si David naggowa sa pagsugata sa ila, kag nagsabat kag nagsiling sa ila, Kon nagakari kamo sa akon sa paghidait sa pagbulig sa akon, ang akon tagiposoon pagaisimpon sa inyo: apang kon nagakari kamo sa pagtugyan sa akon sa mga kaaway nakon, sa ginatan-aw nga wala sing sayup sa akon mga kamut, ang Dios sang aton mga kaamayan magtan-aw sini, kag magsabdong sini.

18 Niyan ang espiritu nag-abut kay Amasai, nga puno sang mga kapitan, kag nagsiling sia, Imo kami, David, kag sa imo luyo, ikaw nga anak nga lalaki ni Jesse: paghidait, paghidait sa imo, kag paghidait sa imo mga kabulig; kay ang imo Dios nagabulig sa imo. Niyan ginbaton sila ni David, kag ginhimo sila nga mga kapitan sang kabon.

19 Kag gikan sa Manases may nagsaylo nga iban kay David, sang nagkadto sia upud sa mga Filistinhon batok kay Saul sa pag-away: apang sila wala magbulig sa ila: kay tungud sa laygay ginpahalin sia sang mga ginoo sang mga Filistinhon, nga nagasiling, Magasaylo sia sa iya agalon nga si Saul sa katalagman sang aton mga olo.

20 Sang nagkadto sia sa Ziclag, nagsaylo sa iya gikan sa Manases, si Adna, kag si Jozabad, kag si Jediael, kag si Micael, kag si Jozabad, kag si Eliu, kag si Ziltai, mga kapitan sang mga linibo gikan sa Manases.

21 Kag sila nagbulig kay David batok sa kabon sang manugpangati: kay sila tanan gamhanan nga mga lalaki nga isganan, kag mga kapitan sa kasoldadosan.

22 Kay sa sadtong tion adlawadlaw may mga nag-abut kay David sa pagbulig sa iya, tubtub nga may daku nga kasoldadosan, kaangay sang kasoldadosan sang Dios.

23 ś Kag amo ini ang kadamuon sang mga kabon nga nasangkapan sang hinganiban sa inaway, kag nag-abut kay David sa Hebron, sa pagsaylo sa iya sang ginharian ni Saul, sono sa polong sang GINOO.

24 Ang mga anak ni Juda nga nagdala sing taming kag bangkaw anum ka libo kag walo ka gatus, nga nasangkapan sang hinganiban sa inaway.

25 Sa mga anak ni Simeon, gamhanan nga mga lalaki nga isganan nga sa inaway, pito ka libo kag isa ka gatus.

26 Sa mga anak ni Levi apat ka libo kag anum ka gatus.

27 Kag si Jehoiada amo ang manugdumala sang mga Aaronhon, kag upud sa iya ang tatlo ka libo kag pito ka gatus;

28 Kag si Sadoc, gamhanan nga pamatan-on nga lalaki nga isganan, kag gikan sa panimalay sang iya amay duha ka pulo kag duha ka kapitan.

29 Kag gikan sa mga anak ni Benjamin, ang mga himata ni Saul, tatlo ka libo: kay kutub sadto ang kalabanan sa ila nagbalantay sang panimalay ni Saul.

30 Kag gikan sa mga anak ni Efraim duha ka pulo ka libo kag walo ka gatus, gamhanan nga mga lalaki nga isganan, bantug sa bug-os nga panimalay sang ila mga kaamayan.

31 Kag gikan sa katunga nga tribo ni Manases napulo kag walo ka libo, nga ginhingadlan sa ngalan, sa pagkadto kag paghimo nga hari kay David.

32 Kag gikan sa mga anak ni Isacar, nga mga lalaki nga may paghangup sang mga panag-on, sa paghibalo sang dapat paghimoon sang Israel; ang ila mga pangolo duha ka gatus; kag ang tanan nila nga kauturan nasakup sa ila pagsogo.

33 Gikan sa Zabulon, ang mga nagkadto sa pag-away, nga sampaton sa inaway, sa tanan nga mga gamit sa inaway, kalim-an ka libo, nga makapaagisud sa inaway: indi sila duha sing tagiposoon.

34 Kag gikan sa Neftali isa ka libo ka kapitan, kag upud sa ila katloan kag pito ka libo nga may taming kag bangkaw.

35 Kag gikan sa mga Danhanon nga sampaton sa inaway duha ka pulo kag walo ka libo kag anum ka gatus.

36 Kag gikan sa Aser, ang mga nagkadto sa pag-away, sampaton sa inaway, kap-atan ka libo.

37 Kag sa tabok sang Jordan gikan sa mga Rubenhon, kag sa mga Gadhanon, kag sa katunga nga tribo ni Manases, upud sang tanan nga bagay nga mga gamit tungud sa inaway, isa ka gatus kag duha ka pulo ka libo.

38 Ini tanan nga mga lalaki sang pag-awayan, nga makapaagisud sa inaway, nag-abut nga may himpit nga tagiposoon sa Hebron, sa paghimo nga hari kay David sa ibabaw sang bug-os nga Israel: kag ang tanan nga iban man sang Israel isa sing tagiposoon sa paghimo nga hari kay David.

39 Kag didto sila upud kay David sing tatlo ka adlaw, nga nagakaon kag nagainum: kay ang ila mga kauturan nag-aman nga sa ila.

40 Labut pa ang mga malapit sa ila, tubtub sa Isacar kag sa Zabulon kag sa Neftali, naglulan sing kalan-on sa mga asno, kag sa mga camelyo, kag sa mga mula, kag sa mga baka, kag karne, harina, mga pighol nga mga higos, kag mga pinungpung sang pasas, kag alak, kag lana, kag mga baka, kag mga carnero nga bugana: kay sa Israel may kinasadya.

KAPITULO 13

KAG si David nagpakigsapul sa mga kapitan sang mga linibo kag mga ginatus, kag sa tagsa ka pangolo.

2 Kag si David nagsiling sa bug-os nga katilingban sang Israel, Kon maayo sa inyo, kag kon ini gikan sa GINOO nga aton Dios, magpadala kita sa luwas bisan diin sa aton mga utud, nga nabilin sa bug-os nga duta sang Israel, kag upud man sa ila sa mga pari kag mga Levinhon nga yara sa ila mga siudad kag mga halalban, nga magtilingub sila sa aton:

3 Kag ibalik naton sa aton ang arka sang aton Dios: kay sa mga adlaw ni Saul wala kita magpamangkot sa sini.

4 Kag nagsiling ang bug-os nga katilingban nga himoon nila ang subong: kay ang butang matarung sa mga mata sang bug-os nga katawohan.

5 Gani gintipon ni David sing tingub ang bug-os nga Israel, kutub sa Sihor sang Egipto tubtub sa salamputan sang Hamat, sa pagdala sang arka sang Dios gikan sa Kiryat-jearim.

6 Kag nagtaklad si David, kag ang bug-os nga Israel, sa Baala, nga amo, sa Kiryat-jearim, nga iya sang Juda, sa pagpataklad gikan didto sang arka sang Dios nga GINOO, nga nagapuyo sa ulut sang mga querubin, nga sa sini ginatawag ang iya ngalan.

7 Kag ginlulan nila ang arka sang Dios sa bag-o nga karo gikan sa balay ni Abinadab: kag si Uza kag si Ahio nagpaguyud sang karo.

8 Kag si David kag ang bug-os nga Israel naglanton sa atubangan sang Dios sa bug-os nila nga kusug, kag may pag-amba, kag may mga arpa, kag may mga salterio, kag may mga panderita, kag may mga apiping, kag may mga budyong.

9 ś Kag sang pag-abut nila sa linasan ni Quidon, nag-untay si Uza sang iya kamut sa pagkaput sang arka; kay ang mga baka nakasandad.

10 Kag ang kaakig sang GINOO nagdabdab batok kay Uza, kag ginlaglag niya sia, bangud nga nagkaput sia sang iya kamut sa arka: kag napatay sia didto sa atubangan sang Dios.

11 Kag si David wala nahamuut, bangud nga ang GINOO nagbulwang kay Uza: busa ginhingalanan niya yadto nga duug Perez-uza tubtub sini nga adlaw.

12 Kag si David nahadluk sa Dios sadtong adlaw, nga nagasiling, Paano bala ang pagpapauli ko sa akon balay sang arka sang Dios?

13 Gani wala paghalina ni David ang arka pakadto sa iya pasulud sa siudad ni David, kondi ginpalikaw ini sa balay ni Obed-edom nga Githanon.

14 Kag ang arka sang Dios nagpabilin sa panimalay ni Obed-edom sa iya balay sing tatlo ka bulan. Kag ginpakamaayo sang GINOO ang panimalay ni Obed-edom, kag ang tanan nga iya.

KAPITULO 14

KARON si Hiram nga hari sang Tiro nagpadala sing mga manugbalita kay David, kag mga kahoy nga cedro, upud ang mga cantero kag mga panday, sa pagpatindug sa iya sang balay.

2 Kag nahantupan ni David nga ang GINOO nagpalig-on sa iya nga hari sa ibabaw sang Israel, kay ginbayaw ang iya ginharian, bangud sang iya katawohan nga Israel.

3 ś Kag si David nagdugang pa sang mga asawa sa Jerusalem: kag si David nagpanganak sang madamu pa nga mga anak nga lalaki kag mga anak nga babaye.

4 Karon ini sila amo ang mga ngalan sang mga anak niya sa Jerusalem; si Samua, kag si Sobab, si Natan, kag si Salomon,

5 Kag si Ibar, kag si Elisua, kag si Elpelet,

6 Kag si Noga, kag si Nefeg, kag si Jafia,

7 Kag si Elisama, kag si Beeliada, kag si Elifelet.

8 ś Kag sang nakabati ang mga Filistinhon nga si David ginhaplas nga hari sa ibabaw sang bug-os nga Israel, ang tanan nga Filistinhon nagtaklad sa pagpangita kay David. Kag nakabati sini si David, kag naggowa batok sa ila.

9 Kag nag-abut ang mga Filistinhon kag nagsulung sa nalupyakan sang mga Refaim.

10 Kag si David nagpamangkot sa Dios, nga nagasiling, Magataklad bala ako batok sa mga Filistinhon? kag itugyan mo bala sila sa akon kamut? Kag ang GINOO nagsiling sa iya, Taklad; kay itugyan ko sila sa imo kamut.

11 Gani nagtaklad sila sa Baal-perazim; kag didto ginlaglag sila ni David. Niyan si David nagsiling, Ang Dios nagbulwang sang akon mga kaaway paagi sa akon kamut kaangay sang pagbulwang sang mga tubig: busa ginhingalanan nila yadto nga duug Baal-perazim.

12 Kag sang ginbayaan nila didto ang ila mga dios, si David naghatag sing sogo, kag ginsonog sila sa kalayo.

13 Kag ang mga Filistinhon nagsulung pa liwat sa nalupyakan.

14 Busa si David nagpamangkot liwat sa Dios; kag ang Dios nagsiling sa iya, Dili ka magtaklad sa olihi nila; likaw ka sa ila, kag sulunga sila sa atubang sang mga kahoy nga morera.

15 Kag kon makabati ka sing tonog sang pagkalas sa mga tuyoktuyokan sang mga kahoy nga morera, niyan maggowa ka sa pag-away: kay ang Dios naggowa una sa imo sa paglaglag sang kasoldadosan sang mga Filistinhon.

16 Busa ginhimo ni David sono sa ginsogo sa iya sang Dios: kag ginlaglag nila ang kasoldadosan sang mga Filistinhon kutub sa Gabaon tubtub sa Gezer.

17 Kag ang kabantugan ni David naglapnag sa bug-os nga kadutaan; kag ang GINOO nagdala sang kahadluk sa iya sa tanan nga pungsud.

KAPITULO 15

KAG si David naghimo sing mga balay sa iya sa siudad ni David, kag nag-aman sing duug nga sa arka sang Dios, kag ginpatindugan ini sing layanglayang.

2 Niyan si David nagsiling, Wala sing bisan sin-o nga magdala sang arka sang Dios kondi ang mga Levinhon: kay ginpili sila sang GINOO sa pagdala sang arka sang Dios, kag sa pag-alagad sa iya sing dayon.

3 Kag gintipon sing tingub ni David ang bug-os nga Israel sa Jerusalem, sa pagpataklad sang arka sang GINOO sa iya duug, nga gin-aman niya tungud sini.

4 Kag gintipon sing tingub ni David ang mga anak ni Aaron, kag ang mga Levinhon:

5 Sa mga anak nga lalaki ni Coat; si Uriel ang puno, kag ang iya mga utud isa ka gatus kag duha ka pulo:

6 Sa mga anak nga lalaki ni Merari; si Asaya ang puno, kag ang iya mga utud duha ka gatus kag duha ka pulo:

7 Sa mga anak nga lalaki ni Gersom; si Joel ang puno, kag ang iya mga utud isa ka gatus kag katloan:

8 Sa mga anak nga lalaki ni Elizafan; si Semaya ang puno, kag ang iya mga utud duha ka gatus:

9 Sa mga anak nga lalaki ni Hebron; si Eliel ang puno, kag ang iya mga utud kawaloan:

10 Sa mga anak nga lalaki ni Uziel; si Aminadab ang puno, kag ang iya mga utud isa ka gatus kag napulo kag duha.

11 Kag ginpatawag ni David si Sadoc kag si Abiatar nga mga pari, kag ang mga Levinhon, si Uriel, si Asaya, kag si Joel, si Semaya, kag si Eliel, kag si Aminadab,

12 Kag nagsiling sa ila, Kamo mga puno sang mga kaamayan sang mga Levinhon: magpakabalaan kamo, kamo kag ang inyo mga utud, agud nga mapataklad ninyo ang arka sang GINOONG Dios sang Israel sa duug nga gin-aman ko tungud sini.

13 Kay bangud nga wala ninyo ginhimo ini sang una, ang GINOO nga aton Dios nagbulwang sa aton, kay wala naton sia pagpangitaa sono sa nagakaigo nga pagsolondan.

14 Gani ang mga pari kag mga Levinhon nagpakabalaan sang ila mga kaugalingon sa pagpataklad sang arka sang GINOONG Dios sang Israel.

15 Kag ginyayongan sang mga anak sang mga Levinhon ang arka sang Dios sa ila mga abaga sa mga yayongan sini, subong sang ginsogo ni Moises sono sa polong sang GINOO.

16 Kag si David nagpamolong sa mga puno sang mga Levinhon sa pagtangdo sang ila mga utud nga mga manug-amba, nga may mga tolonggon sang lanton, mga salterio kag mga arpa kag mga apiping, nga nagapatonog, paagi sa pagbayaw sang tingug nga may kasadya.

17 Gani ang mga Levinhon nagtangdo kay Heman nga anak nga lalaki ni Joel; kag sa iya mga utud, si Asaf nga anak nga lalaki ni Berequias; kag sa mga anak nga lalaki ni Merari, nga ila mga utud, si Etan nga anak nga lalaki ni Cusaias;

18 Kag upud sa ila ang ila mga utud, sa ikaduha ka pasonod, si Zacarias, si Ben, kag si Jaaziel, kag si Semiramot, kag si Jehiel, kag si Uni, si Eliab, kag si Benaya, kag si Maasias, kag si Matitias, kag si Elifele, kag si Micnias, kag si Obed-edom, kag si Jeiel, nga mga manugbantay sang mga gawang.

19 Gani ang mga manug-amba, si Heman, si Asaf, kag si Etan, gintangdo sa pagpatonog nga may mga apiping nga saway;

20 Kag si Zacarias, kag si Aziel, kag si Semiramot, kag si Jehiel, kag si Uni, kag si Eliab, kag si Maasias, kag si Benaya, nga may mga salterio sa Alamot;

21 Kag si Matitias, kag si Elifele, kag si Micnias, kag si Obed-edom, kag si Jeiel, kag si Azazias, nga may mga arpa sa Seminit sa paglabaw.

22 Kag si Kenanias, puno sang mga Levinhon, nagdumala sang ambahanon: nagtudlo sia sang ambahanon, bangud nga sampaton sia.

23 Kag si Berequias kag si Elcana mga manugbantay sang gawang nga sa arka.

24 Kag si Sebanias, kag si Jehosafat, kag si Nataneel, kag si Amasai, kag si Zacarias, kag si Benaya, kag si Eliezer, ang mga pari, nagpatonog sang mga budyong sa atubangan sang arka sang Dios: kag si Obed-edom kag si Jehias mga manugbantay sang gawang nga sa arka.

25 ś Gani si David, kag ang mga tigulang sang Israel, kag ang mga kapitan sang mga linibo, nagkadto sa pagpataklad sang arka sang katipan sang GINOO gikan sa balay ni Obed-edom nga may kasadya.

26 Kag nahanabu, sang ginbuligan sang Dios ang mga Levinhon nga nagyayong sang arka sang katipan sang GINOO, nga nagdolot sila sing pito ka tinday nga baka nga lalaki kag pito ka carnero nga lalaki.

27 Kag si David napanaptan sing kunup nga lino nga mapino, kag ang tanan nga mga Levinhon nga nagyayong sang arka, kag ang mga manug-amba, kag si Kenanias nga pangolo sang ambahanon upud sang mga manug-amba: kay David man may natakud nga efod nga lino.

28 Sa amo ginpataklad sang bug-os nga Israel ang arka sang katipan sang GINOO nga may hinugyaw, kag may tonog sang cornetin, kag may mga budyong, kag may mga apiping, nga nagapatonog upud sa mga salterio kag mga arpa.

29 ś Kag nahanabu, sang pagsulud sang arka sang katipan sang GINOO sa siudad ni David, nga si Micol nga babaye nga anak ni Saul nga nagagawa sa bintana nakakita kay haring David nga nagasaut kag nagasayaw: kag gintamay niya sia sa iya tagiposoon.

KAPITULO 16

GANI gindala nila ang arka sang Dios, kag ginpahamtang ini sa tunga sang layanglayang nga ginpatindug ni David sa iya: kag nagdolot sila sang mga halad nga sinonog kag mga halad sa paghidait sa atubangan sang Dios.

2 Kag sang pagkatapus ni David pagdolot sang mga halad nga sinonog kag sang mga halad sa paghidait, ginpakamaayo niya ang katawohan sa ngalan sang GINOO.

3 Kag ginpanagtag niya sa tagsatagsa sang Israel, sa lalaki kag babaye, sa tagsatagsa ang isa ka barita nga tinapay, kag isa ka gulut nga unud, kag isa ka prasko sang alak.

4 ś Kag gintangdo niya ang pila sang mga Levinhon sa pag-alagad sa atubangan sang arka sang GINOO, kag sa pagsulat sang mga maragtas, kag sa pagpasalamat kag sa pagdayaw sa GINOONG Dios sang Israel:

5 Si Asaf ang puno, kag si Zacarias ang ikaduha sa iya, si Jeiel, kag si Semiramot, kag si Jehiel, kag si Matitias, kag si Eliab, kag si Benaya, kag si Obed-edom: kag si Jeiel, nga may mga salterio kag may mga arpa; apang si Asaf nagpatonog nga may mga apiping;

6 Si Benaya man kag si Jahaziel nga mga pari nga may mga budyong sing dalayon sa atubangan sang arka sang katipan sang Dios.

7 ś Niyan sa sadtong adlaw ginhatag ni David sing nahauna ining salmo sa pagpasalamat sa GINOO sa kamut ni Asaf kag sang iya mga utud.

8 Pasalamat kamo sa GINOO, tawga ang iya ngalan, ipakilala ninyo ang iya mga binuhatan sa mga katawohan.

9 Amba kamo sa iya, amba sing mga salmo sa iya, hambal kamo sang tanan niya nga makatilingala nga mga binuhatan.

10 Himaya kamo sa iya balaan nga ngalan: magkalipay ang mga tagiposoon sang mga nagapangita sa GINOO.

11 Pangitaa ninyo ang GINOO kag ang iya kusug, pangitaa sa gihapon ang iya nawung.

12 Dumduma ang iya makatilingala nga mga binuhatan nga nahimo niya, ang iya mga katanhagaan, kag ang mga paghukom sang iya baba;

13 O kamo nga kaliwat ni Israel nga iya alagad, kamo nga mga anak ni Jacob, nga iya mga pinili.

14 Sia ang GINOO nga aton Dios; ang iya mga paghukom yara sa bug-os nga duta.

15 Dumduma ninyo ang iya katipan sa gihapon; ang polong nga ginsogo niya sa isa ka libo nga mga kaliwatan;

16 Ang katipan nga ginhimo niya upud kay Abraham, kag ang iya sumpa kay Isaac;

17 Kag ginpalig-on niya ini kay Jacob nga kasogoan, kag kay Israel sa dayon nga katipan,

18 Nga nagasiling, Sa imo ihatag ko ang duta sang Canaan, ang bahin nga inyo panublion;

19 Sang kamo pila pa lamang, pila gid lamang, kag mga dumuloong sa sini.

20 Kag sang nagasaylosaylo sila gikan sa pungsud pa pungsud, kag gikan sa isa ka ginharian pa isa ka katawohan;

21 Wala sia magtugut sang bisan sin-o nga tawo nga maghimo sing malain sa ila; hoo, bangud sa ila ginbadlong niya ang mga hari,

22 Nga nagasiling, Dili pagtanduga ang akon hinaplas, kag dili pagsakita ang akon mga manalagna.

23 Amba kamo sa GINOO, bug-os nga duta; ipahayag sa adlawadlaw ang iya kaluwasan.

24 Isugid ang iya himaya sa tunga sang mga pagano; ang iya makatilingala nga mga binuhatan sa tanan nga pungsud.

25 Kay daku ang GINOO, kag pagdayawon sing daku: sia man kahadlukan labaw sa tanan nga dios.

26 Kay ang tanan nga dios sang katawohan mga diosdios: apang ang GINOO naghimo sang mga langit.

27 Kadungganan kag pagkahalangdon yara sa atubangan niya; kabaskug kag kalipay yara sa iya duug.

28 Hatagi ninyo ang GINOO, kamo nga mga panimalay sang katawohan, hatagi ninyo ang GINOO sang himaya kag sang kusug.

29 Hatagi ninyo ang GINOO sang himaya nga nagakaigo sa iya ngalan: dala kamo sing dolot, kag kadto sa atubangan niya: simbaha ang GINOO sa kagayonan sang pagkabalaan.

30 Magkahadluk sa atubangan niya, bug-os nga duta: ang kalibutan man palig-onon, agud nga indi ini mationg.

31 Magkasadya ang mga langit, kag magkalipay ang duta: kag magsiling ang mga tawo sa tunga sang mga pungsud, Ang GINOO nagahari.

32 Magdaguub ang dagat, kag ang iya kabug-osan: magkasadya ang mga latagon, kag ang tanan nga yara sa iya.

33 Niyan ang mga kahoy sang kagulangan magaamba sa atubangan sang GINOO, kay nagakari sia sa paghukom sang duta.

34 O magpasalamat kamo sa GINOO; kay maayo sia; kay ang iya kalooy nagapadayon sa gihapon.

35 Kag isiling ninyo, luwasa kami, O Dios sang amon kaluwasan, kag tipona kami sing tingub, kag luwasa kami sa mga pagano, agud nga makapasalamat kami sa imo balaan nga ngalan, kag makahilimaya sa imo pagdayaw.

36 Dalayawon ang GINOONG Dios sang Israel sa gihapon kag sa walay katapusan. Kag ang bug-os nga katawohan nagsiling, Amen, kag nagdayaw sa GINOO.

37 ś Gani ginbilin niya didto sa atubangan sang arka sang katipan sang GINOO si Asaf kag ang iya mga utud, sa pag-alagad sing dalayon sa atubangan sang arka, sono sa ginkinahanglan sang buluhaton sa tagsa ka adlaw:

38 Kag si Obed-edom pati sang ila mga utud, kan-uman kag walo; si Obed-edom man, nga lalaking anak ni Jedutun, kag si Hosa, mangin mga manugbantay sang gawang:

39 Kag si Sadoc nga pari, kag ang iya mga utud nga mga pari, didto sa atubangan sang tabernakulo sang GINOO sa mataas nga duug nga yadto sa Gabaon,

40 Sa pagdolot sing mga halad nga sinonog sa GINOO sa ibabaw sang halaran sang mga halad nga sinonog sing dalayon sa kaagahon kag sa kahaponon, kag sa paghimo sono sa tanan nga nasulat sa kasogoan sang GINOO, nga iya ginsogo sa Israel;

41 Kag upud sa ila si Heman kag si Jedutun, kag ang iban nga napilian, nga nasambit sa ngalan, sa pagpasalamat sa GINOO, bangud nga ang iya kalooy nagapadayon sa gihapon;

42 Kag upud sa ila si Heman kag si Jedutun, nga may mga budyong kag mga apiping sa mga magapatonog, kag may mga tulunggon sang lanton sang Dios. Kag ang mga lalaking anak ni Jedutun mga manugbantay sang gawang.

43 Kag ang bug-os nga katawohan nagpauli ang tagsa ka tawo sa iya balay: kag si David nagpauli sa pagpakamaayo sang iya panimalay.

KAPITULO 17

KARON nahanabu, sang si David nagalingkod sa iya balay, nga nagsiling si David kay Natan nga manalagna, Yari karon, ako nagapuyo sa isa ka balay nga mga cedro, apang ang arka sang katipan sang GINOO yara nagapabilin sa idalum sang mga kumbung.

2 Niyan si Natan nagsiling kay David, Himoa ang tanan nga yara sa imo tagiposoon; kay ang Dios nagaupud sa imo.

3 ś Kag nahanabu sa among gab-i, nga ang polong sang Dios nag-abut kay Natan, nga nagasiling,

4 Lakat kag isugid kay David nga akon alagad, Amo ini ang ginasiling sang GINOO, Dili mo ako pagpatindugan sing balay nga akon puluy-an:

5 Kay wala ako makapuyo sa balay kutub sang adlaw nga ginpataklad ko ang Israel tubtub sining adlaw; kondi nga nagsaylosaylo sa layanglayang pa layanglayang, kag gikan sa isa ka tabernakulo pa isa.

6 Sa bisan diin nga ginlaktan ko upud sa bug-os nga Israel, nagpamolong bala ako sing isa ka polong sa bisan sin-o sang mga hukom sang Israel, nga ginsogo ko nga magpahalab sang akon katawohan, nga nagasiling, Ngaa bala nga wala ninyo ako pagpatindugi sing isa ka balay nga mga cedro?

7 Busa karon amo ini ang isiling mo sa akon alagad nga si David, Amo ini ang ginasiling sang GINOO sang mga kasoldadosan, Ginkuha ko ikaw sa palasudlan sang mga carnero, gikan sa pagsonod sa mga carnero, agud nga manginpangolo ka sa akon katawohan nga Israel:

8 Kag ako nag-upud sa imo bisan diin ka magkadto, kag ginpapas ko gikan sa atubangan mo ang tanan nga imo kaaway, kag ginhimoan ko ikaw sang ngalan kaangay sang ngalan sang kadalagkuan nga mga tawo nga yara sa kalibutan.

9 Labut pa magatangdo ako sing duug nga sa akon katawohan nga Israel, kag magatanum sa ila, kag magapuyo sila sa ila nga duug, kag indi na paghalinon; kag ang mga anak sang pagkamalaut indi na maglaglag sa ila, subong sang sa una,

10 Kag kutub sa tion nga nagsogo ako sing mga hukom nga magdumala sa akon katawohan nga Israel. Labut pa daugon ko ang tanan mong kaaway. Labut pa nagasugid ako sa imo nga ang GINOO magapatindug sa imo sing balay.

11 ś Kag mahanabu, kon matuman na ang imo mga adlaw nga dapat ka isimpon sa imo mga kaamayan, nga ako magabangon sang imo kaliwat sa olihi nimo, nga magagikan sa imo mga lalaking anak; kag palig-onon ko ang iya ginharian.

12 Sia magapatindug sa akon sing balay, kag ako magapalig-on sang iya trono sing dayon.

13 Ako mangin-iya amay, kag sia mangin-akon anak nga lalaki: kag indi ko pagkuhaon sa iya ang akon kalooy, subong sang pagkuha ko sini sa iya nga nahauna sa imo:

14 Kondi paluntaron ko sia sa akon balay kag sa akon ginharian sa gihapon: kag ang iya trono mangin malig-on sa walay katapusan.

15 Sono sa tanan sini nga polong, kag sono sa tanan sining palanan-awon, sa amo nagpamolong si Natan kay David.

16 ś Kag si David nga hari nagsulud kag naglingkod sa atubangan sang GINOO, kag nagsiling, Sin-o bala ako, O GINOONG Dios, kag ano bala ang akon balay, nga gindala mo ako tubtub sa amo sini?

17 Kag walay sapayan ini diotay nga butang sa imo mga mata, O Dios; kay nagpamolong ka man nahanungud sang balay sang imo alagad sa malayo pa nga palaabuton, kag gintamud mo ako sono sa kahimtangan sang tawong halangdon, O GINOONG Dios.

18 Ano pa bala ang mahambal ni David sa imo nga sa kadungganan sang imo alagad? kay kilala mo ang imo alagad.

19 O GINOO, tungud sa imo alagad, kag sono sa imo kaugalingon nga tagiposoon, ginhimo mo ini tanan nga pagkadaku, sa pagpakilala sini tanan nga dalagkung mga butang.

20 O GINOO, walay kaangay sa imo, kag walay bisan ano nga Dios luwas sa imo, sono sa tanan nga nabatian namon sang amon mga idulungug.

21 Kag ano bala nga isa ka pungsud sa duta ang kaangay sang imo katawohan nga Israel, nga ginkadtoan sang Dios sa pagtubus nga mangin-iya kaugalingon nga katawohan, sa paghatag sa imo sing ngalan nga daku kag makakulugmat, sa pagtabog sing mga pungsud sa atubangan sang imo katawohan, nga imo gintubus gikan sa Egipto?

22 Kay ang imo katawohan nga Israel ginhimo mo nga imo kaugalingon nga katawohan sing dayon; kag ikaw, GINOO, nangin-ila Dios.

23 Busa karon, GINOO, palig-ona sing dayon ang butang nga imo napamolong nahanungud sa imo alagad kag nahanungud sa iya balay, kag himoa sono sa imo nasiling.

24 Magmalig-on gid ini, agud nga padakuon sing dayon ang imo ngalan, nga nagasiling, Ang GINOO sang mga kasoldadosan amo ang Dios sang Israel, isa ka Dios sa Israel: kag ang balay sang imo alagad nga si David magmalig-on sa atubangan mo.

25 Kay ikaw, O Dios ko, nagsugid sa imo alagad nga patindugan mo sia sing balay: busa ang imo alagad nakakita sa iya tagiposoon nga magpangamuyo sa imo atubangan.

26 Kag karon, GINOO, ikaw Dios, kag nagsaad sining kaayohan sa imo alagad:

27 Busa karon ini magpahamuut sa imo sa pagpakamaayo sang balay sang imo alagad, agud nga magpadayon ini sa atubangan mo sa gihapon: kay ikaw nagapakamaayo, O GINOO, kag ini pagapakamaayohon sa gihapon.

KAPITULO 18

KARON sa tapus sini nahanabu, nga ginlaglag ni David ang mga Filistinhon, kag gindaug sila, kag gin-agaw ang Gat kag ang iya mga banwa sa kamut sang mga Filistinhon.

2 Kag ginlaglag niya ang Moab; kag ang mga Moabnon nangin-alagad kay David, kag nagdala sing mga regalo.

3 ś Kag gindaug ni David si Hadarezer nga hari sang Soba tubtub sa Hamat, sang nagkadto sia sa pagpalig-on sang iya ginsakpan sa ubay sang suba nga Eufrates.

4 Kag si David nag-agaw sa iya sing isa ka libo ka kangga, kag pito ka libo ka manugkabayo, kag duha ka pulo ka libo ka hangaway nga nagalakat: ginkitinan ni David man ang tanan nga kabayo sa kangga, apang ginhawiran sa ila ang isa ka gatus ka kangga.

5 Kag sang nag-abut ang mga Sirianhon sang Damasco sa pagtabang kay Hadarezer nga hari sang Soba, ginpatay ni David sa mga Sirianhon ang duha ka pulo kag duha ka libo ka tawo.

6 Niyan si David nagbutang sing mga garison sa Siria-damasco; kag ang mga Sirianhon nangin-alagad kay David, kag nagdala sing mga regalo. Sa amo gintipigan sang GINOO si David bisan diin magkadto sia.

7 Kag ginkuha ni David ang mga taming nga bulawan nga yara sa mga alagad ni Hadarezer, kag gindala sila sa Jerusalem.

8 Subong man gikan sa Tibhat, kag sa Cun, mga siudad ni Hadarezer, nagkuha si David sing madamu gid nga saway, nga sa sini naghimo si Salomon sing dagat nga saway, kag mga haligi, kag mga suludlan nga saway.

9 ś Karon sang si Tou nga hari sang Hamat nakabati kon paano nga si David naglaglag sang bug-os nga kasoldadosan ni Hadarezer nga hari sang Soba;

10 Ginpadala niya si Hadoram nga iya lalaking anak kay haring David, sa pagpamangkot sang iya kahimtangan, kag sa pagpanginbulahan sa iya, bangud nga nagpakig-away sia kay Hadarezer, kag gindaug sia; (kay si Hadarezer nag-away kay Tou;) kag gindala niya ang tanan nga sari sang mga suludlan nga bulawan kag pilak kag saway.

11 ś Ini sila man gindedicar ni haring David sa GINOO, pati sang pilak kag bulawan nga gindala niya gikan sining tanan nga mga pungsud; gikan sa Edom, kag sa Moab, kag sa mga anak ni Amon, kag sa mga Filistinhon, kag sa Amalec.

12 Labut pa si Abisai nga anak nga lalaki ni Seruia nagpatay sang mga Edomnon sa nalupyakan sang asin sang napulo kag walo ka libo.

13 ś Kag ginbutangan niya sing mga garison sa Edom; kag ang tanan nga Edomnon nangin-alagad kay David. Sa amo gintipigan sang GINOO si David bisan diin magkadto sia.

14 ś Gani si David naghari sa bug-os nga Israel, kag ginhimo niya ang katarungan kag pagkamatarung sa bug-os niyang katawohan.

15 Kag si Joab nga lalaking anak ni Seruia manugdumala sang kasoldadosan; kag si Jehosafat nga lalaking anak ni Ahilud manugsulat sang mga maragtas.

16 Kag si Sadoc nga lalaking anak ni Ahitub, kag si Abimelec nga lalaking anak ni Abiatar, mga pari; kag si Savsa escriba;

17 Kag si Benaya nga lalaking anak ni Jehoiada manugdumala sang mga Keretnon kag mga Peletnon; kag ang mga lalaking anak ni David mga puno sa palibut sang hari.

KAPITULO 19

KARON nahanabu sa tapus sini, nga napatay si Nahas nga hari sang mga anak ni Amon, kag naghari nga tal-us niya ang iya lalaking anak.

2 Kag si David nagsiling, Ako magapakita sing kalolo kay Hanun nga lalaking anak ni Nahas, bangud nga ang iya amay nagpakita sing kalolo sa akon. Kag nagpadala si David sing mga manugbalita sa paglipay sa iya nahanungud sang iya amay. Gani ang mga alagad ni David nag-abut sa duta sang mga anak ni Amon kay Hanun, sa paglipay sa iya.

3 Apang ang mga prinsipe sang mga anak ni Amon nagsiling kay Hanun, Nagahunahuna ka bala nga si David nagapadungug sa imo amay, sa bagay nga nagpadala sia sing mga manuglipay sa imo? wala bala magkari ang iya mga alagad sa imo sa pag-usisa, kag sa paglaglag, kag sa paglampitaw sang duta?

4 Busa ginpadakup ni Hanun ang mga alagad ni David, kag ginkiskisan sila, kag ginguhaban ang ila mga panapton sa tunga, tubtub sa ila mga buli, kag ginpalakat sila.

5 Niyan may pila ka tawo nga naglakat, kag nagsugid kay David kon paano ang pagtatap sa mga tawo. Kag nagpadala sia sa pagsugata sa ila: kay ang mga tawo nahuya sing daku. Kag ang hari nagsiling, Pabilin kamo sa Jerico tubtub nga magtubo ang inyo mga bungut, kag ugaling magpauli.

6 ś Kag sang nakita sang mga anak ni Amon nga nanginmangil-ad sila kay David, si Hanun kag ang mga anak ni Amon nagpadala sing isa ka libo ka talanton nga pilak sa paghinakay sing mga kangga kag mga manugkabayo gikan sa Mesopotamia, kag gikan sa Siria-maaca, kag gikan sa Soba.

7 Gani naghinakay sila sang katloan kag duha ka libo ka mga kangga, kag sang hari sang Maaca kag sang iya katawohan; nga nag-abut kag nagpahamtang sa atubangan sang Medeba. Kag nagtipon sing tingub ang mga anak ni Amon gikan sa ila mga siudad, kag nagkadto sa pag-away.

8 Kag sang nakabati sini si David, ginpadala niya si Joab, kag ang bug-os nga kasoldadosan sang gamhanan nga mga lalaki.

9 Kag naggowa ang mga anak ni Amon, kag nagpaagisud sa inaway sa atubangan sang gawang sang siudad: kag ang mga hari nga nag-abut didto sila ila sa latagon.

10 Karon sang nakita ni Joab nga ang inaway napahamtang batok sa iya sa atubangan kag sa likod, nagpili sia sa tanan nga pinili nga lalaki sang Israel, kag ginpaagisud sila batok sa mga Sirianhon.

11 Kag ang nabilin sang katawohan gintugyan niya sa kamut ni Abisai nga iya utud nga lalaki, kag nagpaagisud sila ila batok sa mga anak ni Amon.

12 Kag sia nagsiling, Kon ang mga Sirianhon mangintama kabakud sa akon, niyan buligan mo ako: apang kon ang mga anak ni Amon mangintama kabakud sa imo, niyan ako magabulig sa imo.

13 Magpakaisug, kag magpakaisganan kita tungud sa aton katawohan, kag tungud sa mga siudad sang aton Dios: kag himoon sang GINOO inang maayo sa iya itololok.

14 Gani si Joab kag ang katawohan nga nag-upud sa iya nagpalapit sa inaway sa atubangan sang mga Sirianhon; kag sila nagpalagyo gikan sa atubangan niya.

15 Kag sang nakita sang mga anak ni Amon nga ang mga Sirianhon nagpalagyo, sila man nagpalagyo gikan sa atubangan ni Abisai nga utud niya nga lalaki, kag nagsulud sa siudad. Niyan si Joab nag-abut sa Jerusalem.

16 ś Kag sang nakita sang mga Sirianhon nga gintamaan sila sa atubangan sang Israel, nagpadala sila sing mga manugbalita, kag ginpagowa nila ang mga Sirianhon nga yadto sa tabok sang suba: kag si Sofac nga kapitan sang kasoldadosan ni Hadarezer nagpanguna sa ila.

17 Kag ginsugid ini kay David; kag gintipon niya ang bug-os nga Israel, kag nagtabok sa Jordan, kag nag-abut sa ila, kag nagpahamtang sing paagisud sa inaway batok sa ila. Gani sang nakapaagisud na sa inaway si David batok sa mga Sirianhon, nagpakig-away sila batok sa iya.

18 Apang ang mga Sirianhon nagpalagyo gikan sa atubangan sang Israel; kag ginpatay ni David sa mga Sirianhon ang pito ka libo ka tawo nga nag-away sa mga kangga, kag kap-atan ka libo ka hangaway nga nagalakat, kag ginpatay si Sofac nga kapitan sang kasoldadosan.

19 Kag sang nakita sang mga alagad ni Hadarezer nga natamaan sila sa atubangan sang Israel, nagpakighidait sila kay David, kag nangin-alagad sila sa iya: kag ang mga Sirianhon indi na magbulig sa mga anak ni Amon.

KAPITULO 20

KAG nahanabu, nga sa pagsapul sang tuig, sa tion nga nagagowa ang mga hari sa pag-away, nga gindala ni Joab ang kagamhanan sang kasoldadosan, kag ginlaglag ang duta sang mga anak ni Amon, kag nagkadto kag ginkibon ang Raba. Apang si David nagpabilin sa Jerusalem. Kag ginsulung ni Joab ang Raba, kag ginlaglag ini.

2 Kag ginkuha ni David ang purungpurung sang ila hari sa iya olo, kag nakita ini nga nagatimbang sing isa ka talanton nga bulawan, kag ini may mga bato nga bilidhon; kag ginbutang ini sa olo ni David: kag nagdala man sia sing tama ka bugana nga inagaw gikan sa siudad.

3 Kag ginpagowa niya ang katawohan nga yadto didto, kag gin-utud sila sang mga lagari, kag sang mga pakalas nga salsalon, kag sang mga wasay. Amo ini ang ginhimo ni David sa tanan nga siudad sang mga anak ni Amon. Kag si David kag ang bug-os nga katawohan nagbalik sa Jerusalem.

4 ś Kag nahanabu sa tapus sini, nga may inaway sa Gezer batok sa mga Filistinhon; sa sining tion si Sibecai nga Husatnon nagpatay kay Sipai, nga sa mga anak sang higante: kag gindaug sila.

5 Kag may inaway liwat batok sa mga Filistinhon; kag si Elhanan nga lalaking anak ni Jair nagpatay kay Lami nga utud nga lalaki ni Goliat nga Githanon, nga ang olongan sang iya bangkaw kaangay sang likisan sang manughabol.

6 Kag may isa pa ka inaway liwat sa Gat, diin may isa ka lalaki nga mataas gid, nga ang iya mga tudlo sa kamut kag sa tiil duha ka pulo kag apat, anum sa tagsa ka kamut, kag anum sa tagsa ka tiil: kag sia man anak nga lalaki sang higante.

7 Apang sang ginhangkat niya ang Israel, si Jonatan nga lalaking anak ni Simea, nga lalaking utud ni David, nagpatay sa iya.

8 Ini sila natawo sa higante sa Gat; kag napukan sila paagi sa kamut ni David, kag paagi sa kamut sang iya mga alagad.

KAPITULO 21

KAG nagtindug si Satanas batok sa Israel, kag nagsugyot kay David sa pag-isip sang Israel.

2 Kag si David nagsiling kay Joab kag sa mga manugdumala sang katawohan, Lakat, isipa ang Israel kutub sa Beer-seba tubtub sa Dan; kag sugiri ako sang kadamuon nila, agud nga mahibaloan ko ini.

3 Kag si Joab nagsabat, Maghimo ang GINOO sang iya katawohan sing isa ka gatus pa ka pilo sang kadamuon nila: apang, ginoo kong hari, indi bala sila tanan mga alagad sang akon ginoo? ngaa bala niyan nga ginakinahanglan ining butang sang akon ginoo? ngaa bala nga manginkabangdanan sia sang pagpalapas sa Israel?

4 Apang ang polong sang hari naglandas kay Joab. Busa si Joab nagtaliwan, kag naglibut sa bug-os nga Israel, kag nag-abut sa Jerusalem.

5 ś Kag gintugyan ni Joab ang kabilogan sang kadamuon sang katawohan kay David. Kag tanan sila sa Israel isa ka libo ka libo kag isa ka gatus ka libo ka lalaki nga naggabut sang espada: kag sa Juda apat ka gatus kag kapitoan ka libo ka lalaki nga naggabut sang espada.

6 Apang wala niya pag-isipa sa ila ang Levi kag Benjamin: kay ang polong sang hari kangil-aran kay Joab.

7 Kag ang Dios naakig sining butang; busa ginsakit niya ang Israel.

8 Kag si David nagsiling sa Dios, Nakasala ako sing daku, bangud nga ginhimo ko ining butang: apang karon, ginaampo ko sa imo, paligara ang kasal-anan sang imo alagad; kay ako nakahimo sing binuang gid.

9 ś Kag ang GINOO nagpamolong kay Gad, nga manugpanan-aw ni David, nga nagasiling,

10 Lakat kag isugid kay David, nga nagasiling, Amo ini ang ginasiling sang GINOO, Tatlo ka butang ang ginatanyag ko sa imo: pili ka sang isa sa ila, nga mahimo ko sa imo.

11 Gani si Gad nagkadto kay David, kag nagsiling sa iya, Amo ini ang ginasiling sang GINOO, Pili ka

12 Tatlo ka tuig nga tiggulutum; ukon tatlo ka bulan nga laglagon ka sa atubangan sang imo mga kaaway, samtang ginalambut ka sang espada sang imo mga kaaway; ukon tatlo ka adlaw nga ang espada sang GINOO, ang pagpameste, sa duta, kag ang anghel sang GINOO nagalaglag sa bug-os gid nga mga ginsakpan sang Israel. Busa karon patugsilingi kon ano ang isabat ko sa nagpadala sa akon.

13 Kag si David nagsiling kay Gad, Yari ako sa dakung ital-ital: pahologa ako karon sa kamut sang GINOO; kay daku gid ang iya mga kalooy: apang indi ako pagpahologa sa kamut sang tawo.

14 ś Gani ang GINOO nagpadala sang pagpameste sa Israel: kag napukan sa Israel ang kapitoan ka libo ka tawo.

15 Kag nagpadala ang Dios sing anghel sa Jerusalem sa paglaglag sini: kag sang nagalaglag sia, nakita sang GINOO, kag naghinulsul sia sang malaut, kag nagsiling sa anghel nga naglaglag, Tuman na, karon punggi ang imo kamut. Kag ang anghel sang GINOO nagtindug sa luyo sang linasan ni Ornan nga Jebusnon.

16 Kag ginbayaw ni David ang iya mga mata, kag nakita ang anghel sang GINOO nga nagatindug sa ulut sang duta kag sang langit, nga may espada nga nagabut sa iya kamut nga nauntay sa ibabaw sang Jerusalem. Niyan si David kag ang mga tigulang sang Israel, nga napanaptan sing panapton nga sako, naghalapa sila.

17 Kag si David nagsiling sa Dios, Indi bala ako ang nagsogo nga isipon ang katawohan? ako gid ang nakasala kag nakahimo sing malaut gid; apang ini nga mga carnero, ano bala ang nahimo nila? ginaampo ko sa imo, O GINOO nga akon Dios, patup-a sa akon ang imo kamut, kag sa panimalay sang akon amay; apang indi batok sa imo katawohan nga pagpamatyon sila.

18 ś Niyan ang anghel sang GINOO nagsogo kay Gad nga silingon si David, nga magtaklad si David, kag magpatindug sing halaran sa GINOO sa linasan ni Ornan nga Jebusnon.

19 Kag si David nagtaklad sono sa nasiling ni Gad, nga ginpamolong niya sa ngalan sang GINOO.

20 Kag si Ornan nagbalikid, kag nakita ang anghel; kag ang iya apat ka anak nga lalaki nga nag-upud sa iya nagpanago sila. Karon si Ornan nagalinas sang trigo.

21 Kag sang nag-abut si David kay Ornan, nagtolok si Ornan kag nakita si David, kag naggowa sa linasan, kag naghapa sia sa duta sa atubangan ni David.

22 Niyan si David nagsiling kay Ornan, Ihatag sa akon ang duug sini nga linasan, agud nga magpatindug ako sa iya sing halaran sa GINOO: ihatag mo ini sa akon sa bug-os nga bili: agud nga mapauntat ang kalalat-an sa katawohan.

23 Kag si Ornan nagsiling kay David, Kuhaa ini nga sa imo, kag maghimo ang akon ginoo nga hari sinang maayo sa iya mga mata: yari karon, ginahatag ko sa imo ang mga baka man nga sa mga halad nga sinonog, kag ang mga gamit sa linas nga sa gatong, kag ang trigo nga sa halad nga kalan-on; ginahatag ko ini tanan.

24 Kag si haring David nagsiling kay Ornan, Indi; kondi baklon ko ini sa bug-os gid nga bili: kay indi ako magkuha sang imo tungud sa GINOO, ukon magdolot sing mga halad nga sinonog nga wala sing bili.

25 Gani ginhatag ni David kay Ornan tungud sa duug ang anum ka gatus ka siclo nga bulawan sa timbang.

26 Kag nagpatindug didto si David sing halaran sa GINOO, kag naghalad sing mga halad nga sinonog kag mga halad sa paghidait, kag nagtawag sa GINOO; kag nagsabat sia sa iya gikan sa langit paagi sa kalayo sa halaran sang halad nga sinonog.

27 Kag ginsogo sang GINOO ang anghel; kag gintagub niya liwat ang iya espada.

28 ś Sa sadto nga tion, sang nakita ni David nga nasabat sia sang GINOO sa linasan ni Ornan nga Jebusnon, niyan naghalad sia didto.

29 Kay ang tabernakulo sang GINOO, nga ginhimo ni Moises sa kamingawan, kag ang halaran sang halad nga sinonog yadto sa sadto nga tion sa mataas nga duug sa Gabaon.

30 Apang si David indi makasarang sa pag-atubang sini sa pagpamangkot sa Dios: kay nahadluk sia bangud sang espada sang anghel sang GINOO.

KAPITULO 22

NIYAN si David nagsiling, Amo ini ang balay sang GINOONG Dios, kag amo ini ang halaran sang halad nga sinonog nga sa Israel.

2 Kag nagsogo si David nga tiponon sing tingub ang mga dumuloong nga yara sa duta sang Israel; kag nagbutang sia sing mga cantero sa pagbasbas sing balasbasan nga mga bato sa pagpatindug sang balay sang Dios.

3 Kag naghanda si David sing bugana nga salsalon nga sa mga lansang sa mga takup sang mga gawang, kag sa mga bisagra; kag bugana nga saway nga dimatimbang;

4 Mga kahoy nga cedro man sa kabugana: kay ang mga Sidonhon kag ang mga taga-Tiro nagdala kay David sing madamu nga kahoy nga cedro.

5 Kag si David nagsiling, Si Salomon nga akon anak nga lalaki bataon kag linghud pa, kag ang balay nga ipatindug sa GINOO dapat nga maglakas ka daku, sa kabantugan kag sa himaya sa tanan gid nga kadutaan: busa ako karon magaaman sa sini. Gani si David nag-aman sing bugana sa wala pa sia mapatay.

6 ś Niyan ginpatawag niya si Salomon nga iya anak nga lalaki, kag gintulinan sia sa pagpatindug sing balay sa GINOONG Dios sang Israel.

7 Kag si David nagsiling kay Salomon, Anak ko, nahanungud sa akon, yari sa akon hunahuna ang pagpatindug sing balay sa ngalan sang GINOO nga akon Dios:

8 Apang nag-abut sa akon ang polong sang GINOO, nga nagasiling, Nakapaagay ka sing bugana nga dugo, kag nakahimo sing dalagku nga mga inaway: dili ka magapatindug sing balay sa akon ngalan, bangud nga nakapaagay ka sing madamu nga dugo sa duta sa itololok nakon.

9 Yari karon, matawo sa imo ang isa ka anak nga lalaki, nga mangintawo sia sing kapahuwayan; kag hatagan ko sia sing kapahuwayan sa tanan niya nga kaaway palibut: kay ang iya ngalan manginsi Salomon, kag ako magahatag sing paghidait kag kalinong sa Israel sa iya mga inadlaw.

10 Sia magapatindug sing balay nga sa akon ngalan; kag sia mangin-akon anak nga lalaki, kag ako mangin-iya amay; kag palig-onon ko ang trono sang iya ginharian sa ibabaw sang Israel sa gihapon.

11 Karon, anak ko, mag-upud sa imo ang GINOO; kag mag-uswag ka, kag patinduga ang balay sang GINOO nga imo Dios, subong sang napamolong niya nahanungud sa imo.

12 Lamang, ang GINOO maghatag sa imo sing kaalam kag paghangup, kag magtulin sa imo nahanungud sa Israel, agud nga mabantayan mo ang kasogoan sang GINOO nga imo Dios.

13 Niyan magauswag ka, kon magbantay ka sa paghimo sang mga palatukuran kag sang mga pagsolondan nga gintulin sang GINOO kay Moises nahanungud sa Israel: magpakabakud ka, kag magpakaisug; dili magkahadluk, ukon magkahangawa.

14 Karon, yara, sa akon kasakitan nakaaman ako nga sa balay sang GINOO sing isa ka gatus ka libo ka talanton nga bulawan, kag isa ka libo ka libo ka talanton nga pilak; kag dimatimbang nga saway kag salsalon; kay bugana ini: nakaaman man ako sing mga tablon kag bato; kag madugangan mo sila.

15 Labut pa may yara upud sa imo nga bugana nga mga manugpangabudlay, mga cantero kag mga manugpangabudlay sa bato kag tablon, kag tanan nga bagay sang mga tawo nga sampaton sa tagsa ka bagay nga buluhaton.

16 Nahanungud sa bulawan, sa pilak, kag sa saway, kag sa salsalon, dimaisip. Busa tindug ka, kag magbuhat, kag ang GINOO mag-upud sa imo.

17 ś Nagsogo si David man sa tanan nga prinsipe sang Israel sa pagbulig kay Salomon nga iya anak nga lalaki, nga nagasiling,

18 Wala bala nagaupud sa inyo ang GINOO nga inyo Dios? kag wala bala sia maghatag sa inyo sing kapahuwayan sa tagsa ka luyo? kay sia nagtugyan sa akon kamut sang mga pumuluyo sang duta; kag ang duta nasakup sa atubangan sang GINOO, kag sa atubangan sang iya katawohan.

19 Karon ituhoy ang inyo tagiposoon kag ang inyo kalag sa pagpangita sa GINOO nga inyo Dios; busa tindug, kag patinduga ninyo ang santuario sang GINOONG Dios, sa pagdala sang arka sang katipan sang GINOO, kag sang mga suludlan nga balaan sang Dios, sa sulud sang balay nga palatindugon sa ngalan sang GINOO.

KAPITULO 23

GANI sang tigulang na si David kag busug sa mga inadlaw, ginhimo niya si Salomon nga iya lalaking anak nga hari sa ibabaw sang Israel.

2 ś Kag gintipon niya sing tingub ang tanan nga prinsipe sang Israel, pati ang mga pari kag ang mga Levinhon.

3 Karon gin-isip ang mga Levinhon kutub sa katloan ka tuig kag pa ibabaw: kag ang kadamuon nila sa binilog, sa tinawo, katloan kag walo ka libo.

4 Sa sini sa ila, duha ka pulo kag apat ka libo magatatap sang buluhaton sang balay sang GINOO; kag ang anum ka libo mga opisyal kag mga hukom:

5 Labut pa apat ka libo ang mga manugbantay sang gawang; kag apat ka libo nagdayaw sa GINOO nga may mga tulunggon nga nahimo ko, siling ni David, sa pagdayaw paagi sini.

6 Kag ginbahinbahin sila ni David sa mga kinabon sono sa mga lalaking anak ni Levi, nga amo, si Gerson, si Coat, kag si Merari.

7 ś Sa mga Gersonhon, si Laadan, kag si Simei.

8 Ang mga lalaking anak ni Laadan; ang puno si Jehiel, kag si Zetam, kag si Joel, tatlo.

9 Ang mga lalaking anak ni Simei; si Selomit, kag si Haziel, kag si Haran, tatlo. Ini sila mga pangolo sang mga kaamayan ni Laadan.

10 Kag ang mga lalaking anak ni Simei amo si Jahat, si Zina, kag si Jeus, kag si Berias. Ining apat mga lalaking anak ni Semei.

11 Kag si Jahat amo ang puno, kag si Ziza ang ikaduha: apang si Jeus kag si Berias walay madamung mga anak nga lalaki; busa sila nahimo nga isa ka pag-isip, sono sa panimalay sang ila amay.

12 ś Ang mga lalaking anak ni Coat; si Amram, si Izhar, si Hebron, kag si Uziel, apat.

13 Ang mga lalaking anak ni Amram; si Aaron kag si Moises: kag si Aaron ginpain, nga magpakabalaan sia sing labi gid ka balaan nga mga butang, sia kag ang iya mga lalaking anak sa gihapon, sa pagsonog sing incienso sa atubangan sang GINOO, sa pag-alagad sa iya, kag sa pagpakamaayo sa iya ngalan sa gihapon.

14 Karon nahanungud kay Moises nga tawo sang Dios, ang iya mga anak nga lalaki ginhingalanan sa tribo ni Levi.

15 Ang mga lalaking anak ni Moises amo si Gersom, kag si Eliezer.

16 Sa mga lalaking anak ni Gersom, si Sebuel ang puno.

17 Kag ang mga lalaking anak ni Eliezer, si Rehabias ang puno. Kag si Eliezer wala na iban nga mga lalaking anak; apang ang mga lalaking anak ni Rehabias tama kadamu.

18 Sa mga lalaking anak ni Izhar; si Selomit ang puno.

19 Sa mga lalaking anak ni Hebron; si Jeria ang nahauna, si Amarias ang ikaduha, si Jahaziel ang ikatlo, kag si Jecameam ang ikap-at.

20 Sa mga lalaking anak ni Uziel; si Mica ang nahauna, kag si Jesias ang ikaduha.

21 ś Ang mga lalaking anak ni Merari; si Mali, kag si Musi. Ang mga lalaking anak ni Mali; si Eleazar, kag si Cis.

22 Kag napatay si Eleazar, kag wala sia sing mga lalaking anak, kondi mga anak nga babaye lamang: kag ang ila mga utud nga lalaki, nga mga lalaking anak ni Cis, nagpangasawa sa ila.

23 Ang mga lalaking anak ni Musi; si Mali, kag si Eder, kag si Jeremot, tatlo.

24 ś Ini sila amo ang mga lalaking anak ni Levi sono sa panimalay sang ila mga kaamayan; ang mga pangolo sang mga kaamayan, sang sila gin-isip sa kadamuon sang mga ngalan sa binilog, nga naghimo sang buluhaton nga sa pag-alagdan sang balay sang GINOO, kutub sa duha ka pulo ka tuig kag pa ibabaw.

25 Kay si David nagsiling, Ang GINOONG Dios sang Israel naghatag sing kapahuwayan sa iya katawohan, agud nga sila makapuyo sa Jerusalem sa gihapon:

26 Kag ang mga Levinhon man; indi na sila magadala sang tabernakulo, ukon sang bisan ano nga mga suludlan nga sa iya pag-alagdan.

27 Kay sono sa katapusan nga mga polong ni David gin-isip ang mga Levinhon kutub sa duha ka pulo ka tuig kag pa ibabaw:

28 Bangud nga ang ila palangakoan amo ang pag-alagad sa mga lalaking anak ni Aaron nga sa pag-alagdan sang balay sang GINOO, sa mga luwang, kag sa mga hulut, kag sa pagpatinlo sang tanan nga butang nga balaan, kag ang buluhaton sang pag-alagdan sa balay sang Dios;

29 Sa mga tinapay nga pahayag, kag sa harina nga mapino nga sa halad nga kalan-on, kag sa mga torta nga walay tapay, kag sa sinang nabibingka sa sartin, kag sa sinang pinirito, kag sa tanan nga bagay sang sukub kag kadakuon;

30 Kag sa pagtindug sa tagsa ka aga sa pagpasalamat kag sa pagdayaw sa GINOO, kag subong man sa kahaponon;

31 Kag sa pagdolot sang tanan nga halad nga sinonog sa GINOO sa mga sabbath, sa mga lati, kag sa mga pandut nga pinat-in, sa kadamuon sono sa tinulin nga ginsogo sa ila, sing dalayon sa atubangan sang GINOO:

32 Kag nga magbantay sila sang tinulin sang tabernakulo sang katilingban, kag sang tinulin sang balaan nga duug, kag sang tinulin sang mga lalaking anak ni Aaron nga ila mga utud, sa pag-alagdan sang balay sang GINOO.

KAPITULO 24

KARON amo ini ang mga binahinbahin sang mga lalaking anak ni Aaron. Ang mga lalaking anak ni Aaron; si Nadab, kag si Abiu, si Eleazar, kag si Itamar.

2 Apang si Nadab kag si Abiu napatay sing una sa ila amay, kag walay mga anak: busa si Eleazar kag si Itamar nagpanghikot sang palangakoan sang pari.

3 Kag si David nagbahinbahin sa ila, si Sadoc sa mga lalaking anak ni Eleazar, kag si Ahimelec sa mga lalaking anak ni Itamar, sono sa ila mga palangakoan sa ila pag-alagdan.

4 Kag may madamu pa nga mga puno nga mga lalaki nga nakita sa mga lalaking anak ni Eleazar sang sa mga lalaking anak ni Itamar; kag sa amo ginbahinbahin sila. Sa mga lalaking anak ni Eleazar, napulog anum ka mga puno nga mga lalaki sang panimalay sang ila mga kaamayan, kag sa mga lalaking anak ni Itamar sono sa panimalay sang ila mga kaamayan, walo.

5 Ginbahinbahin sila sa papalad sing subong, sa alangay; kay ang mga gobernador sang santuario, kag ang mga gobernador sang balay sang Dios, tingub gikan sa mga lalaking anak ni Eleazar, kag gikan sa mga lalaking anak ni Itamar.

6 Kag ang escriba nga si Semaya nga lalaking anak ni Nataneel, isa sang mga Levinhon, nagsulat sa ila sa atubangan sang hari, kag sang mga prinsipe, kag ni Sadoc nga pari, kag ni Ahimelec nga anak nga lalaki ni Abiatar, kag sang mga pangolo sang mga kaamayan sang mga pari kag sang mga Levinhon: ginkuha ang isa ka punong panimalay tungud kay Eleazar, kag ang isa ginkuha tungud kay Itamar.

7 Karon ang nahaunang kapalaran naggowa kay Jehoiarib, ang ikaduha kay Jedaya,

8 Ang ikatlo kay Harim, ang ikap-at kay Seorim,

9 Ang ikalima kay Malquias, ang ikan-um kay Mijamin,

10 Ang ikapito kay Haccoz, ang ikawalo kay Abias,

11 Ang ikasiam kay Jesua, ang ikapulo kay Secania,

12 Ang ikapulog isa kay Eliasib, ang ikapulog duha kay Jaquim,

13 Ang ikapulog tatlo kay Upa, ang ikapulog apat kay Jesebeab,

14 Ang ikapulog lima kay Bilga, ang ikapulog anum kay Imer,

15 Ang ikapulog pito kay Hezir, ang ikapulog walo kay Apises,

16 Ang ikapulog siam kay Petaya, ang ikaduha ka pulo kay Hezekiel,

17 Ang ikaduha ka pulo kag isa kay Jaquin, ang ikaduha ka pulo kag duha kay Gamul,

18 Ang ikaduha ka pulo kag tatlo kay Delaya, ang ikaduha ka pulo kag apat kay Maazias.

19 Amo ini ang pagpasonod sa ila sa pag-alagdan nila sa pagsulud sa balay sang GINOO, sono sa ila pagsolondan, nga ginhatag sa ila ni Aaron nga ila amay, sono sa nasogo sa iya sang GINOONG Dios sang Israel.

20 ś Kag amo ini sila ang sa nabilin sang mga lalaking anak ni Levi: Sa mga lalaking anak ni Amram; si Subael: sa mga lalaking anak ni Subael; si Jehedias.

21 Nahanungud kay Rehabias: sa mga lalaking anak ni Rehabias, ang nahauna si Isias.

22 Sa mga Izharnon; si Selomot: sa mga lalaking anak ni Selomot; si Jahat.

23 Kag ang mga lalaking anak ni Hebron; si Jeria ang nahauna, si Amarias ang ikaduha, si Jahaziel ang ikatlo, si Jecameam ang ikap-at.

24 Sa mga lalaking anak ni Uziel; si Mica: sa mga lalaking anak ni Mica; si Samir.

25 Ang lalaking utud ni Mica amo si Isias: sa mga lalaking anak ni Isias; si Zacarias.

26 Ang mga lalaking anak ni Merari, si Mali kag si Musi: ang mga lalaking anak ni Jaazias; si Beno.

27 ś Ang mga lalaking anak ni Merari sa kay Jaazias; sila ni Beno, kag Soham, kag Zacur, kag Ibri.

28 Gikan kay Mali, si Eleazar, sia wala sing mga anak nga lalaki.

29 Nahanungud kay Cis: ang lalaking anak ni Cis amo si Jerameel.

30 Ang mga lalaking anak man ni Musi; si Mali, kag si Eder, kag si Jerimot. Ini sila mga lalaking anak sang mga Levinhon sono sa panimalay sang ila mga kaamayan.

31 Ini man sila nagpapalad subong sang ila mga utud, nga mga lalaking anak ni Aaron, sa atubangan ni haring David, kag ni Sadoc, kag ni Ahimelec, kag sang mga pangolo sang mga kaamayan sang mga pari kag sang mga Levinhon, ang mga puno nga mga kaamayan subong sang ila manghud nga mga utud.

KAPITULO 25

LABUT PA si David kag ang mga kapitan sang kasoldadosan nagpain nga sa pag-alagdan sang pila sang mga lalaking anak ni Asaf, kag ni Heman, kag ni Jedutun, nga magtagna nga may mga arpa, mga salterio, kag mga apiping: kag ang kadamuon sang mga manugpangabudlay sono sa ila pag-alagdan amo:

2 Gikan sa mga lalaking anak ni Asaf; si Zacur, kag si Jose, kag si Netanias, kag si Asarela, mga lalaking anak ni Asaf, sa idalum sang mga kamut ni Asaf, nga nagtagna sono sa pagmando sang hari.

3 Gikan kay Jedutun: ang mga lalaking anak ni Jedutun; si Gedalias, kag si Zeri, kag si Jesaias, si Hasabias, kag si Matitias, anum, sa idalum sang mga kamut sang ila amay nga si Jedutun, nga nagtagna nga may arpa, sa pagpasalamat kag sa pagdayaw sa GINOO.

4 Gikan kay Heman: ang mga lalaking anak ni Heman; sila ni Bukias, Matanias, Uziel, Sebuel, kag Jerimot, Hananias, Hanani, Eliata, Gidalti, kag Romamti-ezer, Josbecasa, Malloti, Hotir, kag Mahaziot:

5 Ini sila tanan mga lalaking anak ni Heman nga manugpanan-aw sang hari sa mga polong sang Dios, sa pagbayaw sang budyong nga sungay. Kag ginhatagan sang Dios si Heman sing napulog apat ka lalaking anak kag tatlo ka babaying anak.

6 Ini tanan yara sa idalum sang mga kamut sang ila amay nga sa ambahanon sa balay sang GINOO, nga may mga apiping, mga salterio, kag mga arpa, nga sa pag-alagdan sang balay sang Dios, sono sa pagmando sang hari kay Asaf, kay Jedutun, kag kay Heman.

7 Gani ang kadamuon nila, pati ang ila mga utud nga ginton-an sa mga ambahanon sang GINOO, ang tanan nga sampaton, duha ka gatus kag kawaloan kag walo.

8 ś Kag nagpapalad sila, kabon sa atubangan sang kabon, subong sang mga magamay amo man ang mga dalagku, ang manunudlo subong sang tinon-an.

9 Karon ang nahaunang kapalaran naggowa nga kay Asaf kay Jose: ang ikaduha kay Gedalias, sia kag ang iya mga utud kag ang iya mga lalaking anak, napulog duha:

10 Ang ikatlo kay Zacur, sia, ang iya mga lalaking anak, kag ang iya mga utud, napulog duha:

11 Ang ikap-at kay Izri, sia, ang iya mga lalaking anak, kag ang iya mga utud, napulog duha:

12 Ang ikalima kay Netanias, sia, ang iya mga lalaking anak, kag ang iya mga utud, napulog duha:

13 Ang ikan-um kay Bukias, sia, ang iya mga lalaking anak, kag ang iya mga utud, napulog duha:

14 Ang ikapito kay Jesarela, sia, ang iya mga lalaking anak, kag ang iya mga utud, napulog duha:

15 Ang ikawalo kay Jesaias, sia, ang iya mga lalaking anak, kag ang iya mga utud, napulog duha:

16 Ang ikasiam kay Matanias, sia, ang iya mga lalaking anak, kag ang iya mga utud, napulog duha:

17 Ang ikapulo kay Simei, sia, ang iya mga lalaking anak, kag ang iya mga utud, napulog duha:

18 Ang ikapulog isa kay Asareel, sia, ang iya mga lalaking anak, kag ang iya mga utud, napulog duha:

19 Ang ikapulog duha kay Hasabias, sia, ang iya mga lalaking anak, kag ang iya mga utud, napulog duha:

20 Ang ikapulog tatlo kay Subael, sia, ang iya mga lalaking anak, kag ang iya mga utud, napulog duha:

21 Ang ikapulog apat kay Matitias, sia, ang iya mga lalaking anak, kag ang iya mga utud, napulog duha:

22 Ang ikapulog lima kay Jeremot, sia, ang iya mga lalaking anak, kag ang iya mga utud, napulog duha:

23 Ang ikapulog anum kay Hananias, sia, ang iya mga lalaking anak, kag ang iya mga utud, napulog duha:

24 Ang ikapulog pito kay Josbecasa, sia, ang iya mga lalaking anak, kag ang iya mga utud, napulog duha:

25 Ang ikapulog walo kay Hanani, sia, ang iya mga lalaking anak, kag ang iya mga utud, napulog duha:

26 Ang ikapulog siam kay Malloti, sia, ang iya mga lalaking anak, kag ang iya mga utud, napulog duha:

27 Ang ikaduha ka pulo kay Eliata, sia, ang iya mga lalaking anak, kag ang iya mga utud, napulog duha:

28 Ang ikaduha ka pulo kag isa kay Hotir, sia, ang iya mga lalaking anak, kag ang iya mga utud, napulog duha:

29 Ang ikaduha ka pulo kag duha kay Gidalti, sia, ang iya mga lalaking anak, kag ang iya mga utud, napulog duha:

30 Ang ikaduha ka pulo kag tatlo kay Mahaziot, sia, ang iya mga lalaking anak, kag ang iya mga utud, napulog duha:

31 Ang ikaduha ka pulo kag apat kay Romamti-ezer, sia, ang iya mga lalaking anak, kag ang iya mga utud, napulog duha.

KAPITULO 26

NAHANUNGUD sa mga binahinbahin sang mga manugbantay sang gawang: Gikan sa mga Corinhon, si Meselemias nga lalaking anak ni Core, gikan sa mga lalaking anak ni Asaf.

2 Kag ang mga lalaking anak si Meselemias, si Zacarias nga panganay, si Jediael ang ikaduha, si Zebadias ang ikatlo, si Jatniel ang ikap-at,

3 Si Elam ang ikalima, si Jehohanan ang ikan-um, si Elioenai ang ikapito.

4 Labut pa ang mga lalaking anak ni Obed-edom, si Semaya ang panganay, si Jehozabad ang ikaduha, si Joa ang ikatlo, kag si Sacar ang ikap-at, kag si Nataneel ang ikalima,

5 Si Amiel ang ikan-um, si Isacar ang ikapito, si Peuletai ang ikawalo: kay ang Dios nagpakamaayo sa iya.

6 Kay Semaya man, nga iya lalaking anak, nagkalatawo ang mga lalaking anak nga naggahum sa bug-os nga panimalay sang ila amay: kay sila gamhanan nga mga lalaki nga isganan.

7 Ang mga lalaking anak ni Semaya; sila ni Otni, kag Rafael, kag Obed, Elzabad, nga ang ila mga utud isganan nga mga lalaki, si Eliu kag si Semaquias.

8 Ini tanan gikan sa mga lalaking anak ni Obed-edom: sila kag ang ila mga lalaking anak kag ang ila mga utud, mga tawong makasarang sa kusug sa pag-alagdan, kan-uman kag duha gikan kay Obed-edom.

9 Kag si Meselemias may mga lalaking anak kag mga utud, mga tawong isganan, napulog walo.

10 Si Hosa man, gikan sa mga anak ni Merari, may mga lalaking anak; si Simri nga puno, (kay bisan sia indi panganay, apang ginhimo sia nga puno sang iya amay;)

11 Si Helcias ang ikaduha, si Tebalias ang ikatlo, si Zacarias ang ikap-at: ang tanan nga mga lalaking anak kag mga utud ni Hosa napulog tatlo.

12 Sa ila sini amo ang mga binahinbahin sang mga manugbantay sang gawang, sa mga tawong puno, nga may mga palangakoan sa isa kag isa, sa pag-alagad sa balay sang GINOO.

13 ś Kag nagpapalad sila, subong sang mga magamay amo man ang mga dalagku, sono sa panimalay sang ila mga kaamayan, sa tagsa ka gawang.

14 Kag ang kalaparan nayon sa sidlangan naholog kay Selemias. Niyan nahanungud kay Zacarias nga iya anak nga lalaki, manuglaygay nga maalam, nagpapalad sila; kag naggowa ang iya kapalaran nayon sa aminhan.

15 Kay Obed-edom nayon sa bagatnan; kag sa iya mga lalaking anak ang balay sang Asupim.

16 Kay Supim kag kay Hosa ang kapalaran naggowa nayon sa katundan, pati ang gawang nga Sallequet, sa luyo sang dalan nga nagapaibabaw, bantay sa atubangan sang bantay.

17 Nayon sa sidlangan anum ka Levinhon, nayon sa aminhan apat sa isa ka adlaw, nayon sa bagatnan apat sa isa ka adlaw, kag nayon sa Asupim tagduhaduha.

18 Sa Parbar nayon sa katundan, apat sa alagyan, kag duha sa Parbar.

19 Ini sila amo ang mga binahinbahin sang mga manugbantay sang gawang sa tunga sang mga lalaking anak ni Core, kag sa tunga sang mga lalaking anak ni Merari.

20 ś Kag sa mga Levinhon, si Ahias nagtatap sang mga bahandi sang balay sang Dios, kag sang mga bahandi sang gindedicar nga mga butang.

21 Nahanungud sa mga lalaking anak ni Laadan; ang mga lalaking anak sang Gersonhon nga si Laadan, ang punong mga kaamayan, nga iya ni Laadan nga Gersonhon, si Jehieli.

22 Ang mga anak nga lalaki ni Jehieli; si Zetam, kag si Joel nga iya utud nga lalaki, nga nagtatap sang mga bahandi sang balay sang GINOO.

23 Gikan sa mga Amramnon, kag sa mga Izharnon, sa mga Hebronhon, kag sa mga Uzielnon:

24 Kag si Sebuel nga lalaking anak ni Gersom, lalaking anak ni Moises, amo ang manugdumala sang mga bahandi.

25 Kag ang iya mga utud gikan kay Eliezer; ang iya lalaking anak si Rehabias, kag ang iya lalaking anak si Jesaias, kag ang iya lalaking anak si Joram, kag ang iya lalaking anak si Sicri, kag ang iya lalaking anak si Selomot.

26 Ini nga Selomot kag ang iya mga utud nagtatap sang tanan nga mga bahandi sang gindedicar nga mga butang, nga gindedicar sang hari nga si David, kag sang punong mga kaamayan, sang mga kapitan sang mga linibo kag mga ginatus, kag sang mga kapitan sang kasoldadosan.

27 Gikan sa mga inagaw nga nadaug sa mga inaway nagdedicar sila sa pagpakaayo sang balay sang GINOO.

28 Kag ang tanan nga nadedicar ni Samuel nga manugpanan-aw, kag ni Saul nga anak nga lalaki ni Cis, kag ni Abner nga anak nga lalaki ni Ner, kag ni Joab nga anak nga lalaki ni Seruia; kag ang bisan sin-o nga nakadedicar sing bisan ano nga butang, ini sa idalum sang kamut ni Selomot, kag sang iya mga utud.

29 ś Gikan sa mga Izharnon, si Kenanias kag ang iya mga anak nga lalaki naigo sa luwas nga hilikuton sang Israel, nga mga opisyal kag mga hukom.

30 Kag gikan sa mga Hebronhon, si Hasabias kag ang iya mga utud, mga lalaki nga isganan, isa ka libo kag pito ka gatus, mga opisyal sa tunga sang Israel sa sining kilid sang Jordan nayon sa katundan tungud sa tanan nga hilikuton sang GINOO, kag tungud sa pag-alagdan sang hari.

31 Sa tunga sang mga Hebronhon si Jerias amo ang puno, sa tunga sang mga Hebronhon, sono sa ila mga kaliwatan sang iya mga kaamayan. Sa ikakap-atan nga tuig sang paghari ni David ginpangita sila, kag nakita sa tunga nila ang gamhanan nga mga lalaki nga isganan sa Jazer sang Galaad.

32 Kag ang iya mga utud, mga lalaking isganan, duha ka libo kag pito ka gatus ka punong mga kaamayan, ginhimo ni haring David nga mga manugdumala sang mga Rubenhon, sang mga Gadhanon, kag sang katunga nga tribo sang mga Manasinhon, tungud sa tagsa ka butang nahanungud sa Dios, kag tungud sa mga alatipanon sang hari.

KAPITULO 27

KARON ang kaanakan sang Israel sono sa ila kadamuon, kon sayoron, ang mga punong kaamayan kag ang mga kapitan sang mga linibo kag sang mga ginatus, kag ang ila mga opisyal nga nag-alagad sa hari sa bisan ano nga butang sang mga kinabon, nga nagsulud kag naggowa bulanbulan sa bug-os sang tanan nga tuig, sa tagsa ka kinabon may duha ka pulo kag apat ka libo.

2 Sa ibabaw sang nahauna nga kinabon nga sa nahauna nga bulan amo si Jasobeam nga anak nga lalaki ni Zabdiel: kag sa iya kinabon duha ka pulo kag apat ka libo.

3 Gikan sa mga anak ni Perez amo ang puno sang tanan nga kapitan sang kasoldadosan nga sa nahauna nga bulan.

4 Kag sa ibabaw sang kinabon sang ikaduha nga bulan amo si Dodai nga Ahohanon, kag sa iya kinabon si Miclot nga manugdumala man: sa iya kinabon duha ka pulo kag apat ka libo.

5 Ang ikatlo nga kapitan sang kasoldadosan nga sa ikatlo nga bulan amo si Benaya nga anak nga lalaki ni Jehoiada, isa ka puno nga pari: kag sa iya kinabon duha ka pulo kag apat ka libo.

6 Amo ini yadto nga Benaya, nga gamhanan sa tunga sang katloan, kag pangolo sang katloan: kag sa iya kinabon si Amisabad nga iya anak nga lalaki.

7 Ang ikap-at nga kapitan nga sa ikap-at nga bulan amo si Asael nga utud nga lalaki ni Joab, kag si Zebadias nga iya anak nga lalaki madason sa iya: kag sa iya kinabon duha ka pulo kag apat ka libo.

8 Ang ikalima nga kapitan nga sa ikalima nga bulan amo si Samhut nga Izharnon: kag sa iya kinabon duha ka pulo kag apat ka libo.

9 Ang ikan-um nga kapitan nga sa ikan-um nga bulan amo si Ira, nga anak nga lalaki ni Iques nga Tecoanhon: kag sa iya kinabon duha ka pulo kag apat ka libo.

10 Ang ikapito nga kapitan nga sa ikapito nga bulan amo si Helez nga Pelonhon, gikan sa mga anak ni Efraim: kag sa iya kinabon duha ka pulo kag apat ka libo.

11 Ang ikawalo nga kapitan nga sa ikawalo nga bulan amo si Sibecai nga Husatnon, gikan sa mga Zarhanon: kag sa iya kinabon duha ka pulo kag apat ka libo.

12 Ang ikasiam nga kapitan nga sa ikasiam nga bulan amo si Abiezer nga Anetotnon, gikan sa mga Benjaminhon: kag sa iya kinabon duha ka pulo kag apat ka libo.

13 Ang ikapulo nga kapitan nga sa ikapulo nga bulan amo si Maharai nga Netofanhon, gikan sa mga Zarhanon: kag sa iya kinabon duha ka pulo kag apat ka libo.

14 Ang ikapulog isa nga kapitan nga sa ikapulog isa nga bulan amo si Benaya nga Peratonhon, gikan sa mga anak ni Efraim: kag sa iya kinabon duha ka pulo kag apat ka libo.

15 Ang ikapulog duha nga kapitan nga sa ikapulog duha nga bulan amo si Heldai nga Netofanhon, gikan kay Otniel: kag sa iya kinabon duha ka pulo kag apat ka libo.

16 ś Labut pa sa ibabaw sang mga tribo sang Israel: ang manugdumala sang mga Rubenhon amo si Eliezer, nga anak nga lalaki ni Sicri: gikan sa mga Simeonhon, si Sepatias nga lalaking anak ni Maaca:

17 Gikan sa mga Levinhon, si Hasabias nga lalaking anak ni Kemuel: gikan sa mga Aaronhon, si Sadoc:

18 Gikan sa Juda, si Eliu, isa sang mga utud nga lalaki ni David: gikan sa Isacar, si Omri nga lalaking anak ni Micael:

19 Gikan sa Zabulon, si Ismaias nga lalaking anak ni Obadias: gikan sa Neftali, si Jerimot nga lalaking anak ni Azriel:

20 Gikan sa mga anak ni Efraim, si Oseas nga lalaking anak ni Azazias: gikan sa katunga nga tribo ni Manases, si Joel nga lalaking anak ni Pedaya:

21 Gikan sa katunga nga tribo ni Manases sa Galaad, si Iddo nga lalaking anak ni Zacarias: gikan sa Benjamin, si Jaasiel nga lalaking anak ni Abner:

22 Gikan sa Dan, si Azareel nga lalaking anak ni Jeroham. Ini sila amo ang mga prinsipe sang mga tribo sang Israel.

23 ś Apang si David wala magkuha sang kadamuon nila kutub sa duha ka napulo ka tuig kag paidalum: bangud nga ang GINOO nagsiling nga pabuaron niya ang Israel kaangay sa kabitoonan sang langit.

24 Si Joab nga lalaking anak ni Seruia nagsugud sa pag-isip, apang wala sia makatapus, kay tungud sini nag-abut ang kasingkal sa Israel; kag ang kadamuon wala mabutang sa listahan sang mga maragtas ni haring David.

25 ś Kag ang nagatatap sang mga bahandi sang hari amo si Asmavet nga lalaking anak ni Adiel: kag ang nagatatap sang mga bodega sa mga latagon, sa mga siudad, kag sa mga minoro, kag sa mga castilyo, amo si Jehonatan nga lalaking anak ni Uzias:

26 Kag ang nagatatap sa ila nga mga nagpangabudlay sa uma sa pag-uma sang duta amo si Ezri nga lalaking anak ni Kelub:

27 Kag ang nagatatap sang mga ulubasan amo si Simei nga Ramanhon: ang nagatatap sang patubas sang mga ulubasan sa mga silong nga suluptan sang alak amo si Zadbi nga Sifhanon:

28 Kag ang nagatatap sang mga kahoy nga olivo kag sang mga kahoy nga sicomoro nga yara sa naidalum nga mga kapatagan amo si Baal-hanan nga Gederhanon: kag ang nagatatap sang mga silong nga suluptan sang lana amo si Joas:

29 Kag ang nagatatap sang kabakahan nga nagahalab sa Saron amo si Sitrai nga Saronhon: kag ang nagatatap sang kabakahan nga yara sa mga nalupyakan amo si Safat nga lalaking anak ni Adlai:

30 Ang nagatatap sang mga camelyo man amo si Obil nga Ismaelnon: kag ang nagatatap sang mga asno amo si Jedeias nga Meronohanon:

31 Kag ang nagatatap sang mga panong amo si Jaziz nga Hagarnon. Ini tanan amo ang manugdumala sang mga pagkabutang nga iya ni haring David.

32 Si Jonatan man, nga tiyo ni David, isa ka manuglaygay, tawo nga maalam, kag escriba: kag si Jehiel nga lalaking anak ni Hacmoni upud sa mga lalaking anak sang hari:

33 Kag si Ahitofel amo ang manuglaygay sang hari: kag si Husai nga Arquinhon kaupud sang hari:

34 Kag madason kay Ahitofel amo si Jehoiada nga lalaking anak ni Benaya, kag si Abiatar: kag ang heneral sang kasoldadosan sang hari amo si Joab.

KAPITULO 28

KAG gintipon ni David sa Jerusalem ang tanan nga prinsipe sang Israel, ang mga prinsipe sang mga tribo, kag ang mga kapitan sang mga hut-ong nga nag-alagad sa hari paagi sa pagpasonod, kag ang mga kapitan sang mga linibo, kag ang mga kapitan sang mga ginatus, kag ang mga tulugyanan sang tanan nga pagkabutang kag ginapanag-iyahan sang hari, kag sang iya mga lalaking anak, pati ang mga opisyal, kag ang gamhanan nga mga tawo, kag ang tanan nga mga tawo nga isganan.

2 Niyan si haring David nagtindug sa iya mga tiil, kag nagsiling, Pamatii ako, mga utud ko, kag katawohan ko: Nahatungud sa akon, yari ini sa akon tagiposoon ang pagpatindug sing balay nga palahuwayan nga sa arka sang katipan sang GINOO, kag nga sa palatungan sang aton Dios, kag nakahanda ako nga sa palatindugon:

3 Apang ang Dios nagsiling sa akon, Dili ka magpatindug sing balay nga sa akon ngalan, bangud nga tawo ikaw sang inaway, kag nakapaagay sing dugo.

4 Apang ang GINOONG Dios sang Israel nagpili sa akon sa bug-os nga panimalay sang akon amay nga manginhari sa ibabaw sang Israel sing dayon: kay si Juda ginpili niya nga mangin manugdumala; kag sa panimalay sang Juda, ang panimalay sang akon amay; kag sa mga lalaking anak sang akon amay nahamut-an niya ako nga himoon nga hari sa bug-os nga Israel:

5 Kag sa tanan kong lalaking anak, (kay ginhatagan ako sang GINOO sing madamo nga mga anak nga lalaki,) napili niya ang akon lalaking anak nga si Salomon sa paglingkod sa trono sang ginharian sang GINOO sa ibabaw sang Israel.

6 Kag nagsiling sia sa akon, Si Salomon nga imo anak nga lalaki, sia magapatindug sang akon balay kag sang akon mga luwang: kay napili ko sia nga mangin-akon anak, kag ako mangin-iya amay.

7 Labut pa palig-onon ko ang iya ginharian sing dayon, kon magpadayon sia sa paghimo sang akon mga sogo kag sang akon mga pagsolondan, subong sang sini nga adlaw.

8 Busa karon sa itololok sang bug-os nga Israel nga katilingban sang GINOO, kag sa mga idulungug sang aton Dios, bantayi kag usisaa ninyo ang tanan nga mga sogo sang GINOO nga inyo Dios: agud nga mapanag-iyahan ninyo ini nga maayo nga duta, kag mabilin ini nga panublion sa inyo mga anak sa olihi ninyo sing dayon.

9 ś Kag ikaw, Salomon nga anak ko, kilalahon mo ang Dios sang imo amay, kag alagdon sia sa himpit nga tagiposoon kag sa handa nga hunahuna: kay ang GINOO nagausisa sang tanan nga mga tagiposoon, kag nagahangup sang tanan nga mga painoino sang mga hunahuna: kon pangitaon mo sia, makita sia nimo; apang kon bayaan mo sia, isikway ka niya sing dayon.

10 Talupangda karon; kay ang GINOO nagpili sa imo sa pagpatindug sing balay nga sa santuario: magpakabakud ka, kag himoa ini.

11 ś Niyan ginhatag ni David kay Salomon nga iya anak nga lalaki ang huwaran sang portico, kag sang mga balay sini, kag sang mga duug nga bahandian sini, kag sang mga hulut nga naibabaw sini, kag sang mga hulut sini nga nasulud, kag sang duug sang lingkoran nga pakilooyan,

12 Kag ang huwaran sang tanan nga yara sa iya paagi sa espiritu, nahanungud sa mga luwang sang balay sang GINOO, kag sang tanan nga hulut palibut, sang mga duug nga bahandian sang balay sang Dios, kag sang mga duug nga bahandian sang gindedicar nga mga butang:

13 Kag nga sa mga kinabon sang mga pari kag sang mga Levinhon, kag sa tanan nga buluhaton sang pag-alagdan sang balay sang GINOO, kag sa tanan nga suludlan sang pag-alagdan sa balay sang GINOO.

14 Naghatag sia sing bulawan sa timbang nga sa mga butang nga bulawan, tungud sa tanan nga gamit sang tanan nga bagay sang pag-alagdan; sing pilak man tungud sa tanan nga gamit nga pilak sa timbang, tungud sa tanan nga gamit sang tagsa ka sahi sang pag-alagdan:

15 Sa timbang man nga sa mga kandilero nga bulawan, kag sa ila mga suga nga bulawan, sa timbang nga sa tagsa ka kandilero, kag sa mga suga sini: kag nga sa mga kandilero nga pilak sa timbang, sa kandilero, kag sa mga suga man sini, sono sa naigoan sang tagsa ka kandilero.

16 Kag naghatag sia sing bulawan sa timbang nga sa mga latok sang tinapay nga pahayag, nga sa tagsa ka latok; kag subong man sang pilak nga sa mga latok nga pilak:

17 Kag puro nga bulawan nga sa mga kaw-it sa unud, kag sa mga yahong, kag sa mga tagayan: kag sa mga batiya nga bulawan naghatag sia sing bulawan sa timbang nga sa tagsa ka batiya; kag subong man pilak sa timbang nga sa tagsa ka batiya nga pilak:

18 Kag nga sa halaran sang incienso sing bulawan nga naulay sa timbang; kag sing bulawan nga sa huwaran sang kangga sang mga querubin, nga nagahumlad sang ila mga pakpak, kag nagtabon sang arka sang katipan sang GINOO.

19 Ini tanan, siling ni David, ginpahangup ako sang GINOO paagi sa pagsulat nga ang iya kamut sa ibabaw nakon, ang tanan nga buluhaton sono sa sini nga huwaran.

20 Kag nagsiling si David kay Salomon nga iya anak nga lalaki, Magpakabakud kag magpakaisug, kag himoa ini: dili magkahadluk ukon magkahangawa: kay ang GINOONG Dios, bisan ang akon Dios, magaupud sa imo; sia indi magpabaya sa imo, ukon magbiya sa imo, tubtub nga matapus mo ang tanan nga buluhaton nga sa pag-alagdan sang balay sang GINOO.

21 Kag, yari karon, ang mga kinabon sang mga pari kag sang mga Levinhon, sila manginkaupud nimo nga sa bug-os nga pag-alagdan sang balay sang Dios: kag may mga magaupud sa imo sa tanan nga bagay sang buluhaton nga tagsa ka tawo nga sampaton nga may kabubut-on, nga sa bisan ano nga bagay sa pag-alagdan: ang mga prinsipe man kag ang bug-os nga katawohan yara sa bug-os mo nga sogo.

KAPITULO 29

LABUT PA si David nga hari nagsiling sa bug-os nga katilingban, Si Salomon nga akon anak nga lalaki, nga amo lamang ang ginpili sang Dios, bataon kag linghud pa, kag ang buluhaton daku: kay ang palacio indi tungud sa tawo, kondi tungud sa GINOONG Dios.

2 Karon nakaaman ako sa bug-os ko nga kusug tungud sa balay sang akon Dios sang bulawan nga sa mga butang nga hilimoon sa bulawan, kag sang pilak nga sa mga butang nga pilak, kag sang saway nga sa mga butang nga saway, sang salsalon nga sa mga butang nga salsalon, kag sang kahoy nga sa mga butang nga kahoy; sang mga bato nga onice, kag mga bato nga inugtampok, mga bato nga nagaigpat, kag sang sarisari nga mga duag, kag tanan nga bagay sang mga bato nga bilidhon, kag mga bato nga marmol sing bugana.

3 Labut pa, bangud nga natuhoy ko ang akon gugma sa balay sang akon Dios, gikan sa may akon ako nga kaugalingon nga pagkabutang nga bulawan kag pilak, ginhatag ko ini sa balay sang akon Dios, labaw kag kapin pa sa tanan nga akon naaman nga sa balaan nga balay,

4 Tatlo ka libo ka talanton nga bulawan, gikan sa bulawan sang Ofir, kag pito ka libo ka talanton nga pilak nga inulay, nga inugtaklap sa mga dingding sang mga balay:

5 Ang bulawan nga sa mga butang nga bulawan, kag ang pilak nga sa mga butang nga pilak, kag nga sa tanan nga bagay sang buluhaton sang mga kamut sang mga manugpadugi. Kag sin-o bala niyan ang nagadolot sing kinabubut-on, sa pagpasagrado sang iya kaugalingon sini nga adlaw sa GINOO?

6 ś Niyan ang mga pangolo sang mga kaamayan kag ang mga prinsipe sang mga tribo sang Israel, kag ang mga kapitan sang mga linibo kag sang mga ginatus, pati ang mga manugdumala sang buluhaton sang hari, nagdolot sing kinabubut-on,

7 Kag naghatag sing bulawan nga sa pag-alagdan sang balay sang Dios nga lima ka libo ka talanton kag napulo ka libo ka darico, kag sing pilak nga napulo ka libo ka talanton, kag sing saway nga napulog walo ka libo ka talanton, kag sang salsalon nga isa ka gatus ka libo ka talanton.

8 Kag sila nga may ila nga mga bato nga bilidhon naghatag sila sa bahandi sang balay sang GINOO, sa pagpangamut ni Jehiel nga Gersonhon.

9 Niyan ang katawohan nagkasadya, bangud nga nakadolot sila sing kinabubut-on, kay sa himpit nga tagiposoon nagdolot sila sing kinabubut-on sa GINOO: kag si David nga hari man nagkasadya sa dakung kalipay.

10 ś Busa si David nagpakamaayo sa GINOO sa atubangan sang bug-os nga katilingban: kag si David nagsiling, Pagpakamaayohon ka, GINOONG Dios sang Israel nga amon amay, sa gihapon kag sa walay katapusan.

11 Imo, O GINOO, ang pagkadaku, kag ang gahum, kag ang himaya, kag ang pagdaug, kag ang pagkahalangdon: kay ang tanan nga yara sa langit kag sa duta imo; imo ang ginharian, O GINOO, kag ikaw ginbayaw subong nga pangolo labaw sa tanan.

12 Ang kamanggaran kag kadungganan nagagikan sa imo, kag ikaw nagahari sa tanan; kag yara sa imo kamut ang gahum kag kusug; kag yara sa imo kamut ang pagpadaku, kag sa paghatag sing kusug sa tanan.

13 Busa karon, Dios namon, nagapasalamat kami sa imo, kag nagadayaw sang imo mahimayaon nga ngalan.

14 Apang sin-o bala ako, kag ano ang akon katawohan, nga sarang kami sa pagdolot sa sining bagay sing kinabubut-on gid? kay ang tanan nga butang nagagikan sa imo, kag gikan sa imo kaugalingon naghatag kami sa imo.

15 Kay mga dumuloong kami sa atubangan mo, kag mga manlulugayaw, subong sang tanan namon nga mga kaamayan: ang amon mga adlaw sa duta subong sang landong, kag walay isa nga nagapabilin.

16 O GINOO nga amon Dios, ini tanan nga sinuput nga naaman namon sa pagpatindug sa imo sing balay nga sa imo balaan nga ngalan nagagikan sa imo kamut, kag imo tanan kaugalingon.

17 Nakilala ko man, Dios ko, nga ikaw nagatilaw sang tagiposoon, kag may kahamuut sa pagkatarung. Nahatungud sa akon, sa pagkatarung sang akon tagiposoon gindolot ko sing kinabubut-on ini tanan nga butang: kag karon nakita ko nga may kalipay ang imo katawohan, nga nagatambong diri, sa pagdolot sing kinabubut-on sa imo.

18 O GINOONG Dios ni Abraham, ni Isaac, kag ni Israel, nga amon mga kaamayan, hupti ini sing dayon sa painoino sang mga hunahuna sang tagiposoon sang imo katawohan, kag amana ang ila mga tagiposoon sa imo:

19 Kag hatagi si Salomon nga akon anak nga lalaki sing tagiposoon nga himpit, sa pagbantay sang imo mga sogo, sang imo mga pagpamatuud, kag sang imo mga palatukuran, kag sa paghimo sini tanan nga mga butang, kag sa pagpatindug sang palacio, nga tungud sini nagpanigana ako.

20 ś Kag si David nagsiling sa bug-os nga katilingban, Karon pakamaayoha ninyo ang GINOO nga inyo Dios. Kag ang bug-os nga katilingban nagpakamaayo sa GINOONG Dios sang ila mga kaamayan, kag nagduko sila sang ila mga olo, kag nagsimba sa GINOO, kag sa hari.

21 Kag naghalad sila sing mga halad sa GINOO, kag nagdolot sing mga halad nga sinonog sa GINOO sa madason sadtong adlaw, sing isa ka libo ka tinday nga baka nga lalaki, isa ka libo ka carnero nga lalaki, kag isa ka libo ka cordero, pati sang ila mga halad nga ilimnon, kag mga halad nga bugana nga sa bug-os nga Israel:

22 Kag nagkaon kag nag-inum sila sa atubangan sang GINOO sa sadtong adlaw nga may dakung kasadya. Kag ginhimo nila nga hari si Salomon nga anak nga lalaki ni David sa ikaduhang tion, kag ginhaplas sia sa GINOO nga manginpunong gobernador, kag si Sadoc nga manginpari.

23 Niyan si Salomon naglingkod nga hari sa trono sang GINOO sa tal-us ni David nga iya amay, kag nag-uswag sia; kag ang bug-os nga Israel nagtuman sa iya.

24 Kag ang tanan nga prinsipe, kag ang gamhanan nga mga tawo, kag subong man ang tanan nga lalaking anak ni haring David, nagpasakup sila kay Salomon nga hari.

25 Kag ang GINOO nagpadaku kay Salomon sing lakas sa itololok sang bug-os nga Israel, kag naghatag sa iya sing subong nga harianon nga pagkahalangdon nga wala pa maagum sang bisan sin-ong hari nga una sa iya sa Israel.

26 ś Sa amo si David nga anak nga lalaki ni Jesse naghari sa ibabaw sang bug-os nga Israel.

27 Kag ang tion nga naghari sia sa Israel kap-atan ka tuig; pito ka tuig naghari sia sa Hebron, kag katloan kag tatlo ka tuig naghari sia sa Jerusalem.

28 Kag napatay sia sa maayong katigulangon, nga puno sang kaadlawan, kamanggaran, kag kadungganan: kag naghari nga tal-us niya si Salomon nga iya anak nga lalaki.

29 Karon ang mga binuhatan ni David nga hari, ang nahauna kag ang katapusan, yari karon, nasulat sila sa libro ni Samuel nga manugpanan-aw, kag sa libro ni Natan nga manalagna, kag sa libro ni Gad nga manugpanan-aw,

30 Pati ang bug-os niyang paghari kag ang iya kagamhanan, kag ang mga tion nga nag-agi sa iya, kag sa Israel, kag sa tanan nga ginharian sang mga kadutaan.

AMAZING GRACE BIBLE INSTITUTE