BIKOL ROMANS


Rom 1:1 Si Pablo, na oripon ni Jesu-Cristo, inapod na maguin apostol, asin linaen manogñod sa evangelio nin Dios,

Rom 1:2 Na saiyang ipinanuga kaidto huli sa saiyang magña profeta dian sa magña banal na kasuratan,

Rom 1:3 Dapit kan saiyang Aki na namundag sa banhi ni David dapit sa laman,

Rom 1:4 Na sia ipinahayag na Aki nin Dios na may kapangyarihan, dapit sa espiritu nin kabanalan, huli kan pagkabuhay liwat sa magña gadan; na iyo si Jesu-Cristo na satong Kagurangnan,

Rom 1:5 Na huli sa saiya kami nagako kan biyaya asin kan pagkaapostol, sa pag-pakuyog sa pagtubod sa gabos na nacion dahel sa saiyang gñaran;

Rom 1:6 Na sa sainda kamo man, magña inapod na maguin magña ki Jesu-Cristo:

Rom 1:7 Sa gabos na nasa Roma, magña namomotan nin Dios, inapod na maguin magña banal: Mapa saindo an biyaya asin an katoninogñan hale sa Dios na satong Ama asin sa Kagurangnan na si Jesu-Cristo.

Rom 1:8 Sa enot, ako nagpapasalamat sa sakong Dios huli ki Jesu-Cristo dapit sa saindo gabos, na an saindong pagtubod nababareta sa bilog na kinaban.

Rom 1:9 Huli ta saksi ko an Dios na sakong pinaglilingkodan sa sakong espiritu dian sa evangelio kan saiyang Aki, na ako nagguiguiromdom saindo nin daing yotong sa sakong magña pamibi,

Rom 1:10 Na naghahagad, ta tibaad pa gñapit booton run Dios na ako makadian sa saindo.

Rom 1:11 Huli ta ako nagmamawot na maka­hiling saindo, sa pagwaras sa saindo nin balaog nin espiritu, tagñaning kamo maparigon;

Rom 1:12 Na an boot sabihon, tagñaning ako sa kaibahan nindo maragña dian sa sain­do, an lambang saro sa sato huli sa pagtubod kan iba, an saindo asin an sako man.

Rom 1:13 Asin habo ako, magña tugang, na kamo dai makaafam na sa balakid na panahon ako nagmawot na makadian sa saindo (asin sagkod gñunian naoolang), tagñaning ako magkaigua nin bugña dian sa saindo man, na siring kan dian sa ibang Gentil.

Rom 1:14 Ako may utang sa magña Griego asin man sa magña Barbaro, sa magña madonong asin man sa magña mang-mang.

Rom 1:15 Kaya, siring sa sakong makakaya-nan, ako andam na maghulit kan evan-gelio sa saindo man na yaon sa Roma.

Rom 1:16 Huli ta ako dai nasosopog kan evangelio: huli ta iyan iyo an kapang-yarihan nin Dios sa kaligtasan kan lam-bang saro na minatubod; sa Judio gñona asin sa Griego man.

Rom 1:17 Huli ta dian kaiyan napapahayag an katanosan nin Dios hale sa pagtubod sagkod sa pagtubod: siring sa nasusurat, Alagad an magña matanos mabubuhay huli sa pagtubod.

Rom 1:18 Huli ta an kaangotan nin Dios nahahayag hale sa lagñit tumang sa gabos na karatan asin kabikoan nin magña tauo, na nagoolang kan katotoo-han sa kabikoan;

Rom 1:19 Huli ta idtong naaaraman ninda dapit sa Dios nahahayag dian sa sainda; huli ta iyan ipinahayag nin Dios sa sain­da.

Rom 1:20 Huli ta an magña bagay nia na dai nahihiling magpoon pa kan paglalagña kan kinaban, na iyo an saiyang daing katapusan na kapangyarihan asin pagka-dios, nahihiling na nin malinao, huling namamansayan dian sa magña bagay na naguinibo; tagñaning sinda dai magkai­gua nin sarahotan:

Rom 1:21 Huli ta sinda, minsan nakakamid-bid sa Dios, dai nagpamuraway saiya siring sa sia an Dios, ni nagpasalamat; kundi naguin magña maabhao sa sain-dang magña pagisip, asin an saindang puso na daing pakamate pinadiklom.

Rom 1:22 Sa pagsabi na sinda magña madonong, sinda naguin magña mangmang,

Rom 1:23 Asin rinibayan ninda an kamura-wayan kan Dios na bakong matutuna-won kan kaaguid na ladawan nin tauo na matutunawon, asin nin magña gam-gam, asin nin magña hayop na may apat na bitis, patin magña nagkakanap!

Rom 1:24 Kaya sinda pinabayaan nin Dios dian sa magña horot nin saindang magña puso sa karupitan, tagñaning sopogon ninda an saindang magña hawak sa sain­da man sana:

Rom 1:25 Huli ta rinibayan ninda an kato-toohan nin Dios kan kaputikan, asin sinda nagsamba asin naglingkod sa magña linalang asin bakong sa Kagla-lang, na sia pinagoomao sagkod lamang. Auot pa.

Rom 1:26 Huli kaini sinda pinabayaan nin Dios sa magña horot na makasosopog: ta rinibayan kan saindang magña babae an tunay na kagamitan kan bakong tunay na kagamitan:

Rom 1:27 Asin siring man an magña lalaki, sa pagbaya kan tunay na kagamitan nin babae, nagpanlaad sa saindang horot sa sainda man sana, lalaki sa lalaki, naggui-guibo nin makasosopog, asin nagkaka-mit sa sainda man sana kan bayad na maninigo sa saindang kasalan,

Rom 1:28 Asin siring na sinda nagsikual sa Dios sa saindang pakamidbid, an Dios nagpabaya sainda sa sarong pagisip na masumbikal, sa pagguibo kaidtong ma­gña bagay na dai maninigo;

Rom 1:29 Na sinda parano nin gabos na kabi­koan, karatan, pagkaara, karaksotan; parano nin kaurihan, pangadan, pagiri-wal, kadayaan, katampalasanan;

Rom 1:30 Magña parasotsot, magña parali-bak, magña naoogñis sa Dios, magña pararaway, magña maabhawon, magña mapalangkawon, magña paratugdas nin karatan, magña masuhay sa magña magurang,

Rom 1:31 Magña mayong pakasabot, magña paralapas nin tipan, magña mayong tunay na pagkamoot, magña mayong pagkaherak:

Rom 1:32 Na sinda, minsan nakakamidbid kan katogonan nin Dios, na an magña nagguiguibo nin siring na magña bagay maninigo sa kagadanan, bako sanang minaguibo kaiyan, kundi minaoyon pa sa magña nagguiguibo kaiyan.



Rom 2:1 Kaya ika, O tauo, mayo nang sara-hotan, minsan siisay ka na nagho-hokom: huli ta sa paghokom mo sa iba, nagsisilot ka sa saimo man sana; huli ta ika na naghohokom nagguiguibo nin siring man sana,

Rom 2:2 Asin kita nakakaaram na an pag­hokom nin Dios sono sa katotoohan tumang sa magña nagguiguibo nin siring na magña bagay.

Rom 2:3 Asin naghohonahona ka kaini, O tauo, na naghohokom sa magña naggui­guibo kan siring na magña bagay, asin ika man sana nagguiguibo kaiyan, na ika makakadulag sa paghokom nin Dios?

Rom 2:4 O hinahalean mo nin halaga an ma­gña kayamanan nin saiyang kabootan, asin pakatios, patin pakatagal, asin dai mo naaaraman na an kabootan nin Dios minadara saimo sa pagsolsol?

Rom 2:5 Alagad oyon sa saimong katagasan asin pusong habong magsolsol nagri-rimpos ka sa saimo man sana nin kaa-ngotan sa aldao nin kaangotan asin nin pagpahayag kan matanos na paghokom nin Dios;

Rom 2:6 Na sia mabayad sa lambang tauo kaidtong togñod sa saiyang magña guibo:

Rom 2:7 Buhay na daing katapusan sa magña nagdadanay sa guibong marahay, na nag-hahanap nin kamurawayan asin kaoma-wan patin dai pagkalapa:

Rom 2:8 Alagad sa magña parapakiiwal, asin dai nagsosonod sa katotoohan kundi nagsosonod sa kabikoan, kaangotan asin kabaldian,

Rom 2:9 Kahorasaan asin kasakitan, sa kalag nin lambang tauo na nagguiguibo nin maraot, sa Judio gñona asin sa Griego man;

Rom 2:10 Alagad kamurawayan asin kaoma-wan patin katoninogñan sa lambang tauo na nagguiguibo nin marahay, sa Judio gñona asin sa Griego man.

Rom 2:11 Huli ta sa Dios dai nin pinapalaen na tauo.

Rom 2:12 Huli ta an gabos na nagkasala sa luas kan katogonan, sa luas kan kato-gonan magagadan: asin an gabos na nag­kasala sa irarom kan katogonan, sa kato­gonan hohokoman.

Rom 2:13 Huli ta bakong an magña parada-gñog kan katogonan an magña matanos sa atubang nin Dios, kundi an magña nagootob kan katogonan an papakang-matanoson;

Rom 2:14 (Huli ta kun an magña Gentil na mayo kan katogonan nagguiguibo kan nasa katogonan siring sa saindang nama-matean, an magña siring, na mayo kan katogonan, iyo an katogonan sa sainda man sana:

Rom 2:15 Huli ta sinda nagpapahayag kan guibo kan katogonan na nasusurat sa saindang magña puso, na pinapatotoo-han kan saindang marahay na pakamid-bid, asin an saindang magña pagisip nag-sosombong tumang sa sainda man sana ó nagtatao nin katanosan);

Rom 2:16 Sa aldao na an Dios mahokom kan magña hilom nin magña tauo, sono sa sakong evangelio, huli ki Jesu-Cristo.

Rom 2:17 Alagad kun ika nagdadara kan gñaran na Judio, asin nagsasarig sa kato­gonan, asin nagoogma sa Dios,

Rom 2:18 Asin nakakaaram kan saiyang ka-botan, asin minaoyon kan magña bagay na orog karahay, ta natokdoan ka sa katogonan,

Rom 2:19 Patin nananarig na ika iyo an para-kabit sa magña buta, ilao sa magña nasa kadikloman,

Rom 2:20 Parasague sa magña mangmang, paratokdo sa magña aki, na igua ka dian sa katogonan kan kabilogan nin kado-nogñan asin kan katotoohan;

Rom 2:21 Kaya ika na nagtotokdo sa iba, dai ka nagtotokdo sa saimo man sana? Ika na naghuhulit na dai maghabon, nagha-habon ka?

Rom 2:22 Ika na nagsasabi na dai magsam-bay, nananambay ka? ika na naoogñis sa magña ladawan, naghahabon ka sa magña templo?

Rom 2:23 Ika na nagoogma dian sa katogo­nan, sa paglapas mo kan katogonan hinahalean mo nin dagñog an Dios?

Rom 2:24 Huli ta an gñaran nin Dios pinag-Jalanghadan sa magña Gentil huli saindo, siring sa nasusurat.

Rom 2:25 Huli ta an pagpaturi sa katotoohan may pakinabang kun ika paraotob kan katogonan: alagad kun ika paralapas kan katogonan, an saimong pagpaturi magui-guin bakong pagpaturi.

Rom 2:26 Kaya kun an dai tinuri magotob kan magña kasogoan kan katogonan, bakong an saiyang pagka-dai-tinuri ibibi-lang na tinuri?

Rom 2:27 Asin bakong an magña dai tinuri, kun omotob kan katogonan siring sa saindang namamatean, an mahokom sai-mo, ika na paralapas kan katogonan, minsan igua ka kan kasuratan asin kan pagturi?

Rom 2:28 Huli ta bakong Judio an Judio sa luas sana; ni an pagturi na sa luas sana, sa laman;

Rom 2:29 Alagad an tunay na Judio iyo an Judio sa laog; asin an tunay na pagturi iyo an sa puso, sa espiritu, bakong sa letra; na an saiyang kaomawan bakong sa magña tauo, kundi sa Dios.



Rom 3:1 Kun siring, ano an kaorogan kan Judio? ó ano an pakinabang kan pagpaturi?

Rom 3:2 Dakol sa gabos na bagay: enot sa gabos, na sinda pinaniwalaan kan magña tataramon nin Dios.

Rom 3:3 Huli ta ano kun may nagkapira na dai nin pagtubod? an dai ninda pagtu-bod makakasayang dao kan kaimbodan nin Dios?

Rom 3:4 Dai nangad: iyo, mamidbid logod na totoo an Dios minsan an gabos na tauo putikon; siring sa nasusurat, Tagñaning mamidbid kang matanos sa saimong magña tataramon, Asin mandaog ka kun dumatong ka sa hokoman.

Rom 3:5 Alagad kun an satong kabikoan nag-papamidbid kan katanosan nin Dios, ano an sasabihon ta? Biko dao an Dios na nagsisilot? (Ako nagtataram siring sa tauo.)

Rom 3:6 Dai nangad: ta kun siring, papanon nin Dios an paghokom sa kinaban?

Rom 3:7 Alagad kun an katotoohan nin Dios huli kan kaputikan ko nagdugang sa saiyang kamurawayan, tadao ta ako man pinaghohokoman pa siring sa paraka-sala?

Rom 3:8 Asin tadao ta dai (siring sa paglibak sato, asin siring sa pinapatotoohan nin iba na kita nagsasarabi), Gumibo kita nin karatan, tagñaning lumuas an kara-hayan? An silot sainda maninigo,

Rom 3:9 Kaya ano? marahay kita ki sa sain­da? Dai nangad: huli ta kaidto isinom-bong ta an magña Judio asin an magña Gentil, na sinda gabos nasa irarom nin kasalan;

Rom 3:10 Siring sa nasusurat, Mayo nin matanos, dai, minsan saro;

Rom 3:11 Mayo nin nakakasabot, mayo nin naghahanap sa Dios;

Rom 3:12 Sinda gabos nagsuruhay, sinda gabos nagkasarayang; mayo nin nagguiguibo nin marahay, dai, minsan saro lamang:

Rom 3:13 An saindang halonan bukas na lolobgñan; sa saindang magña dila sinda nagtaram nin kadayaan: an rara nin magña rimoranon yaon sa irarom nin saindang magña gñabil:

Rom 3:14 An saindang gñoso pano nin magña pagmuda asin nin kapaitan:

Rom 3:15 An saindang magña bitis marikas sa pagpabolos nin dugo;

Rom 3:16 Kalaglagan asin kasakitan an nasa saindang magña dalan;

Rom 3:17 Asin an dalan nin katoninogñan dai ninda namidbid;

Rom 3:18 Mayo nin takot sa Dios sa atubang nin saindang magña mata.

Rom 3:19 Gñunian kita nakakaaram na an anoman na isinasabi kan katogonan isinasabi sa magña nasasakopan kan katogonan; tagñaning an gabos na gñoso matakpan, asin na an bilog na kinaban madara sa irarom. kan paghokom nin Dios:

Rom 3:20 Ta huli sa guibo kan katogonan dai nin laman na papakangmatanoson sa saiyang magña mata; ta huli kan katogonan minadatong an pakamidbid nin kasalan.

Rom 3:21 Alagad gñunian, sa luas kan kato-gonan, ipinahayag an katanosan nin Dios, na pinatotoohan kan katogonan asin kan magña profeta;

Rom 3:22 Na iyo an katanosan nin Dios huli sa pagtubod ki Jesu-Cristo sa gabos na minatubod; ta mayo nin pinapalaen;

Rom 3:23 Ta an gabos nagkasala, asin dai nakaabot kan kamurawayan nin Dios;

Rom 3:24 Na sinda pinakangmatanos kan sai-yang biyaya na daing bayad, huli kan pagtubos na yaon ki Cristo Jesus:

Rom 3:25 Na sia ibinugtak nin Dios na ma-guin katimbang, huli sa pagtubod sa saiyang dugo, sa pagpahayag kan saiyang katanosan huli sa pagpabaya nin Dios, sa saiyang pagkatios, kan magña kasalan na guinibo kaidto;

Rom 3:26 Sa pagpahayag kan saiyang katano­san sa panahon na ini: tagñaning sia ma-midbid na matanos, asin parapakang-matanos sa may pagtubod ki Jesus.

Rom 3:27 Kaya haen na an kapanagsagan? Nahale na. Huli sa anong katogonan? sa magña guibo? Dai: kundi huli sa kato­gonan nin pagtubod.

Rom 3:28 Kaya kita naghohonahona na an tauo pinapakangmatanos huli sa pagtu­bod minsan dai kan magña guibo kan katogonan.

Rom 3:29 O an Dios, Dios nin magña Judio sana? bakong Dios man sia nin magña Gentil? Oho, nin magña Gentil man:

Rom 3:30 Kun totoo na an Dios saro sana, asin papakangmatanoson nia an magña tinuri huli sa pagtubod, asin man an magña dai tinuri huli sa pagtubod.

Rom 3:31 Kun siring sinasayang ta dao an katogonan huli kan pagtubod? Dai nan-gad: pinapakosog ta an katogonan.



Rom 4:1 Ano gñani an sasabihon ta, na sa laman, nakua ni Abraham na satong ama?

Rom 4:2 Huli ta kun si Abraham pinakang­matanos huli sa magña guibo, sia iguang ikakapanagsag; alagad bakong sa atu-bang nin Dios.

Rom 4:3 Huli ta ano an sinasabi kan kasura-tan? Asin si Abraham nagtubod sa Dios, asin idto ibinilang sa saiya na katanosan.

Rom 4:4 Sa saiya na nagguiguibo, an tandan dai ibinibilang na ugay, kundi utang.

Rom 4:5 Alagad sa saiya na dai nagguiguibo, kundi minatubod sa nagpapakangmata-nos kan magña maraot, an saiyang pag­tubod ibinibilang na katanosan.

Rom 4:6 Siring na si David man nagtaram na paladan an tauo na pinakangmatanos nin Dios, minsan dai nin magña guibo,

Rom 4:7 Na an sabi, Paladan idtong an saindang magña katampalasanan ipinatawad, Asin an saindang magña kasalan tinahoban.

Rom 4:8 Paladan an tauo na sa saiya an Kagurangnan daing ibilang na kasalan.

Rom 4:9 An kapaladan dao na ini itinaram sa magña tinuri sana, ó sa magña dai tinu­ri man? huli ta kita nagsasabi, An pag­tubod ni Abraham ibinilang sa saiya na katanosan.

Rom 4:10 Napaano gñani na ikinabilang iyan? kan sia nasa pagpaturi, ó sa dai pagpaturi? Bakong sa pagpaturi, kundi sa dai pagpaturi:

Rom 4:11 Asin inako nia an tanda nin pag­paturi, tala kan katanosan kan pagtubod na nasa saiya kan sia nasa dai pagpaturi: tagñaning sia maguin ama nin gabos na minatubod, minsan sinda nasa dai pag­paturi, tagñaning an katanosan ikabilang sa sainda;

Rom 4:12 Asin ama nin pagpaturi sa sainda na bako sanang nasa pagpaturi, kundi man nagsosonod sa magña guira kan pagtubod kan satong amang si Abraham kan sia nasa dai pagpaturi.

Rom 4:13 Huli ta bakong huli sa katogonan an panuga ki Abraham ó sa saiyang ban-hi na sia an magmana kan kinaban, kun­di huli sa katanosan nin pagtubod.

Rom 4:14 Huli ta kun an magña nasa katogo­nan paramana, an pagtubod nasasayang, asin an panuga dai nin kapakanan:

Rom 4:15 Huli ta an katogonan nagdadara nin silot. Alagad kun saen mayo nin katogonan, mayo man nin kalapasan.

Rom 4:16 Kaya iyan huli sa pagtubod, ta­gñaning maguin huli sa biyaya; tagña-ning an panuga makamtan kan gabos na banhi; bako sana kan magña nasa kato-gonan, kundi man kan magña nasa pag-tubod ni Abraham, na iyo an ama niato gabos.

Rom 4:17 (Siring sa nasusurat, Guinibo ta-kang ama nin dakol na nacion) sa atu-bang kan saiyang tinubod, na iyo an Dios, na nagtatao nin buhay sa magña gadan, asin nagaapod kan magña bagay na dai pa, nin siring baga sa magña iyo na.

Rom 4:18 Na sia, sa paglaom, nagtubod tu-mang sa paglaom, tagñaning sia maguin ama nin dakol na nacion, siring sa isina-bi na, Maguiguin siring an saimong ban­hi.

Rom 4:19 Asin sia dai nagluya sa pagtubod, asin ibinilang nia an saiyang hawak siring sa gadan na (ta sia may sangatos nang taon), asin siring sa gadan na an tulak ni Sara;

Rom 4:20 Alagad sa pagtanao nia kan panuga nin Dios, sia dai nagduadua huli sa dai pagtubod, kundi nagkosog huli sa pag­tubod, na nagpapamuraway sa Dios,

Rom 4:21 Asin huli ta bilog an saiyang pana-rig na an saiyang ipinanuga maguiguibo man nia.

Rom 4:22 Kaya man iyan ibinilang sa saiya na katanosan.

Rom 4:23 Ini isinurat bacong dahel saiya sana, na iyan ibinilang sa saiya;

Rom 4:24 Kundi dahel sato man, na iyan ibibilang sa sato na minatubod sa nag-bagñon sa magña gadan ki Jesus na satong Kagurangnan,

Rom 4:25 Na sia itinao manogñod kan satong magña katampalasanan, asin binagñon sa pagpakangmatanos sato.



Rom 5:1 Kaya huling pinakangmatanos huli sa pagtubod, kita may katonino-gñan sa Dios huli sa satong Kagurangnan na si Jesu-Cristo;

Rom 5:2 Na huli sa saiya man kita nakalaog huli sa pagtubod, sa biyaya na satong tinitindogan; asin kita nagoogma sa pag­laom kan kamurawayan nin Dios.

Rom 5:3 Asin bakong iyan sana, kundi kita man nagoogma sa satong magña kahora-saan: sa pakatalastas na an kahorasaan nagbubugña nin pakatagal;

Rom 5:4 Asin an pakatagal, pakapaoyon; asin an pakapaoyon, paglaom;

Rom 5:5 Asin an paglaom dai nakakapaso-pog; huli ta an pagkamoot nin Dios pinabolos sa satong magña puso huli kan Espritu Santo na itinao sa sato.

Rom 5:6 Huli ta, kan kita magña maluya pa, sa kapanahonan si Cristo nagadan dahel sa magña maraot,

Rom 5:7 Huli ta talagsad na an saro pumaga-dan dahel sa sarong matanos: gayod may mangñahas na pumagadan dahel sa sarong marahay na tauo.

Rom 5:8 Alagad ipinamimidbid nin Dios an saiyang sadiring pagkamoot sa sato, huli ta kan kita magña parakasala pa, si Cris­to nagadan dahel sato.

Rom 5:9 Kaya orog pa, huling pinakang­matanos na sa saiyang dugo, kita maka-kaligtas sa kaangotan nin Dios huli saiya.

Rom 5:10 Huli ta kun, kan kita magña kaiwal pa, kita nakapakigoli sa Dios huli kan pagkagadan kan saiyang Aki, lalo na, na kita, na nakapakiguli na, makakaligtas huli kan saiyang buhay;

Rom 5:11 Asin bakong iyan sana, kundi kita nagoogma man sa Dios huli sa satong Kagurangnan na si Jesu-Cristo, na huli saiya kita nagako na kan pakipagoli.

Rom 5:12 Kaya siring na huli sa sarong tauo an kasalan lominaog sa kinaban, asin an kagadanan huli sa kasalan; asin sa siring an kagadanan nakalakop sa gabos na tauo, huli ta an gabos nagkasala: —

Rom 5:13 Huli ta bago dumatong an katogo-nan, an kasalan nasa kinaban na; alagad an kasalan dai ibinibilang kun dai nin katogonan.

Rom 5:14 Minsan siring, an kagadanan nag-hade magpoon ki Adam sagkod ki Moi-ses, minsan sa magña dai nagkasala nin siring kan kalapasan ni Adam, na iyo an kabaing kaidtong madatong,

Rom 5:15 Alagad an ugay bakong siring sa kalapasan. Huli ta kun huli sa kalapa­san kaidtong saro dakol an nagkagara-dan, orog pang lominabi sa dakol na tauo an biyaya nin Dios, asin an ugay huli kan biyaya kan sarong tauo, na si Jesu-Cristo.

Rom 5:16 Asin an ugay bakong siring sa nangyari huli sa sarong nagkasala: huli ta an paghokom gominikan sa saro pasi-ring sa pagsilot, alagad an ugay gomini­kan sa dakol na kalapasan pasiring sa pagpakangmatanos.

Rom 5:17 Huli ta, kun huli sa kalapasan kan saro, an kagadanan naghade huli kan saro; orog pang an magña nagako kan kapanoan nin biyaya asin kan ugay nin katanosan maghahade sa buhay huli kan saro, na iyo si Jesu-Cristo.

Rom 5:18 Kaya, siring na huli sa sarong kala­pasan, an paghokom nagdatong sa gabos na tauo sa pagsilot; siring man huli sa sarong guibo nin katanosan an ugay nag­datong sa gabos na tauo sa pagpakang­matanos nin buhay.

Rom 5:19 Huli ta siring na huli kan pagsuhay kan saro an dakol naguin magña paraka-sala, siring man huli kan pagsonod kan saro, an dakol maguiguin magña mata-nos.

Rom 5:20 Alagad an katogonan naglaog man tagñaning an kalapasan magorog; alagad kun saen nagorog an kasalan, labi pang nagorog an biyaya:

Rom 5:21 Tagñaning, siring na an kasalan naghade sa kagadanan, siring man an biyaya maghade huli sa katanosan sag-kod sa buhay na dai nin katapusan huli ki Jesu-Cristo na satong Kagurangnan.



Rom 6:1 Kaya ano an sasabihon ta? Magda-danay kita sa kasalan tagñaning an biyaya magorog?

Rom 6:2 Dai nangad. Kita na magña gadan dapit sa kasalan, paanong mamuhay pa kita dian?

Rom 6:3 O dai kamo nakakasabot na kita gabos na nagkaburuniagan dian ki Cristo Jesus nagkaburuniagan dian sa saiyang pagkagadan?

Rom 6:4 Kaya kita ilinobong sa kaibahan nia huli kan buniag sa kagadanan: tagña­ning, siring na si Cristo nabuhay liwat sa magña gadan huli kan kamurawayan nin Ama, siring man kita maglakao sa kaba-gohan nin buhay,

Rom 6:5 Huli ta kun kita nakasaro saiya sa kabaing kan saiyang pagkagadan, siring man kita sa kabaing kan saiyang pagka-buhay liwat;

Rom 6:6 Sa pakatalastas kaini, na an satong daan na pagkatauo ipinako sa cruz sa kaibahan nia, tagñaning an hawak nin kasalan mapara, tagñaning kita dai na masa kaoripnan nin kasalan;

Rom 6:7 Huli ta idtong nagadan butas na sa kasalan.

Rom 6:8 Alagad kun kita nagadan sa kaiba­han ni Cristo, kita minatubod na kita mabubuhay man sa kaibahan nia;

Rom 6:9 Huli ta naaaraman ta na si Cristo, huling binuhay liwat sa magña gadan, dai na magagadan: an kagadanan dai na makakasakop saiya.

Rom 6:10 Huli ta sa kagadanan na saiyang ikinagadan, sia nagadan nin makasaro dapit sa kasalan: alagad sa buhay na sai­yang ipinamumuhay, sia nabubuhay dapit sa Dios.

Rom 6:11 Siring man ibilang nindo na kamo man magña gadan dapit sa kasalan, ala­gad magña buhay dapit sa Dios dian ki Cristo Jesus.

Rom 6:12 Kaya dai nindo togotan an kasalan na maghade sa saindong hawak na ma-gagadanon, na kamo pakuyogon kan magña horot kaiyan:

Rom 6:13 Ni idolot nindo an saindong magña kabtang nin hawak sa kasalan na maguin kasangkapan nin kabikoan;kundi idolot nindo kamo man sana sa Dios siring sa magña nabuhay sa magña gadan, asin an saindong magña kabtang nin hawak na maguin magña kasangkapan nin katano­san manogñod sa Dios.

Rom 6:14 Huli ta an kasalan dai na magha­hade saindo: huli ta kamo dai na nasa irarom nin katogonan, kundi nasa irarom nin biyaya.

Rom 6:15 Kaya ano? Magkakasala kita huli ta dai na kita nasa irarom nin katogonan, kundi nasa irarom nin biyaya? Dai nangad.

Rom 6:16 Dai kamo nakakaaram na kamo magña oripon kan saindong dinodolotan kan saindong buhay sa pagkuyog saiya; kun kan kasalan, sa kagadanan, ó kan pagsonod, sa katanosan?

Rom 6:17 Alagad salamat sa Dios, ta minsan kamo naguin magña oripon nin kasalan, kamo naguin masonod sa puso kaidtong paagui nin pagtokdo na huli kaiyan kamo naligtas;

Rom 6:18 Asin huling naligtas na sa kasalan, kamo naguin magña oripon nin katano-san.

Rom 6:19 Ako nagtataram siring sa tauo huli kan kaluyahan kan saindong laman: huli ta siring na kamo nagdolot kan saindong magña kabtang nin hawak na maguin magña oripon nin karupitan asin nin karatan pa karatan, siring man gñunian idolot nindo an saindong magña kabtang nin hawak, na maguin magña oripon nin katanosan sa pagpakangbanal.

Rom 6:20 Huli ta kan kamo magña oripon nin kasalan, kamo dai nasasakopan nin katanosan.

Rom 6:21 Ano gñani an saindong pinakina-bang kan panahon na idto dian sa magña bagay na ikinasosopog na nindo gñu­nian? huli ta an kasagkodan kan magña bagay na idto iyo an kagadanan.

Rom 6:22 Alagad gñunian, huling ilinigtas na sa kasalan, asin naguin magña oripon na nin Dios, kamo igua na kan saindong pakinabang sa pagpakangbanal, asin in kasagkodan iyo an buhay na dai nin katapusan.

Rom 6:23 Huli ta an bayad nin kasalan iyo an kagadanan; alagad an ugay nin Dios iyo an buhay na dai nin katapusan dian ki Cristo Jesus na satong Kagurangnan.



Rom 7:1 O dai kamo nakakasabot, magña tugang (huli ta ako nagtataram sa magña tatao kan katogonan), na an katogonan nagsasakop sa tauo kun sia nabubuhay pa?

Rom 7:2 Huli ta an babae na may agom naga-gapos kan katogonan sa saiyang agom mantang an agom nabubuhay pa; alagad kun an agom magadan, sia ligtas na sa togon dapit sa agom.

Rom 7:3 Kaya, kun sia, mantang an agom nabubuhay pa, makisaro sa ibang lalaki, sia aapodon na parapasambay; alagad kun an saiyang agom magadan, sia ligtas na sa togon; kaya sia bako nang para­pasambay minsan pa sia ikasal sa ibang lalaki.

Rom 7:4 Kaya, magña tugang ko, kamo man naguin magña gadan dapit sa katogonan huli kan hawak ni Cristo; tagñaning kamo masadirihan kan saro na binuhay liwat sa magña gadan, tagñaning kita magbugña manogñod sa Dios.

Rom 7:5 Huli ta kan kita nasa laman pa, an magña horot nin kasalan, na gominikan sa katogonan, nagtao sa satong magña kabtang nin hawak nin bugña manogñod sa kagadanan.

Rom 7:6 Alagad gñunian kita ilinigtas sa katogonan, huling nagadan manogñod kaidtong satong nagagaposan; kaya kita naglilingkod sa kabagohan nin espiritu, asin bakong sa kagadanan nin letra.

Rom 7:7 Kaya ano an sasabihon ta? Kasalan an katogonan? Dai nangad. Minsan siring ako dai kutana nakamidbid nin kasalan kun bakong huli kan katogonan: huli ta ako dai kutana nakamidbid nin pagkaara kun an katogonan dai nagsabi, Dai ka maara:

Rom 7:8 Alagad an kasalan, pakakua nin aguihan, nagtao sako, huli kan katogo­nan, nin manlaenlaen na pagkaara: huli ta sa luas kan katogonan an kasalan gadan.

Rom 7:9 Asin ako kaidto nabuhay sa luas kan katogonan: alagad kan an katogo­nan dumatong, an kasalan nabuhay liwat, asin ako nagadan;

Rom 7:10 Asin an katogonan na pa buhay nakua ko na pa kagadanan:

Rom 7:11 Huli ta an kasalan, pakakua nin aguihan, huli kan katogonan nagdaya sako, asin huli kaiyan naggadan sako,

Rom 7:12 Kaya an katogonan banal, asin an pagboot banal, asin matanos, patin marahay.

Rom 7:13 Kaya nangyari dao na an marahay naguin kagadanan sa sako? Dai nangad. Kundi an kasalan, tagñaning ikapahayag na kasalan sa pagtao sako nin kagadanan huli kaidtong marahay: — tagñaning huli kan katogonan an kasalan maguin orog na kasalan.

Rom 7:14 Huli ta kita nakakaaram na an katogonan espiritual; alagad ako laman, ipinabakal sa kaoripnan nin kasalan.

Rom 7:15 Huli ta an guiniguibo ko dai ko naaaraman: huli ta bakong an boot ko an guiniguibo ko; kundi an naoogñisan ko, iyo an guiniguibo ko.

Rom 7:16 Alagad kun an habo ko, iyo an guiniguibo ko, ako naoyon na an kato-gonan marahay.

Rom 7:17 Kaya bako nang ako an nagguigui-bo kaiyan, kundi an kasalan na nageerok sa sako.

Rom 7:18 Huli ta ako nakakaaram na sa sako, na an boot sabihon, sa sakong laman, dai nin marahay na bagay na nageerok: huli ta an pagmawot nasa sako, alagad dai an pagguibo kan marahay.

Rom 7:19 Huli ta dai ko guiniguibo an mara­hay na minamawot ko: alagad an mara-ot na hinahaboan ko iyo an guiniguibo ko.

Rom 7:20 Alagad kun an guiniguibo ko idtong hinahaboan ko, bako nang ako an nagguiguibo kaiyan kundi an kasalan na nageerok sa sako.

Rom 7:21 Kaya nakukua ko ining katogonan, na an maraot nasa sako, ako na boot gumibo nin marahay.

Rom 7:22 Huli ta ako nagoogma dian sa kato­gonan nin Dios sa irarom nin sakong boot:

Rom 7:23 Alagad ako nakakahiling nin laen na katogonan sa magña kabtang nin sakong hawak, na minatumang kan katogonan nin sakong pagisip, asin minadara sako sa pagkabihag sa irarom kan katogonan nin kasalan na nasa saku-yang magña kabtang nin hawak.

Rom 7:24 Herak man sa sako! Siisay an ma-kakaagao sako sa hawak kan kagadanan na ini?

Rom 7:25 Ako nagpapasalamat sa Dios huli ki Jesu-Cristo na satong Kagurangnan. Kaya gñani ako man sana sa pagisip nag-lilingkod sa katogonan nin Dios; alagad sa laman, sa katogonan nin kasalan.



Rom 8:1 Kaya gñunian mayo na nin silot sa magña yaon ki Cristo Jesus.

Rom 8:2 Huli ta an katogonan kan Espiritu nin buhay dian ki Cristo Jesus iyo an nagligtas sako sa katogonan nin kasalan asin nin kagadanan.

Rom 8:3 Huli ta an dai naguiguibo kan kato­gonan, huli ta iyan maluya huli kan laman, sa pagsogoa nin Dios kan saiyang sadiring Aki sa kabaing nin laman na parakasala, asin huli kan kasalan, sinilo-tan nia an kasalan sa laman:

Rom 8:4 Tagñaning an kinakaipo kan katogo­nan maotob sa sato, na dai naglalakao sono sa laman, kundi sono sa Espiritu.

Rom 8:5 Huli ta an magña nabubuhay sono sa laman, nagiisip kan magña bagay na sono sa laman; alagad an magña sono sa Espiritu, kan magña bagay na sa Espi­ritu.

Rom 8:6 Huli ta an pagisip nin laman iyo an kagadanan; alagad an pagisip kan Espiri­tu iyo an buhay asin katoninogñan:

Rom 8:7 Huli ta an pagisip nin laman tumang sa Dios; huli ta iyan dai minapasakop sa katogonan nin Dios, asin dai nangad mangyayari:

Rom 8:8 Asin an magña nasa laman dai makakapaogma sa Dios.

Rom 8:9 Alagad kamo dai nasa laman, kundi nasa Espiritu, kun totoo na an Espiritu nin Dios nageerok sa saindo. Alagad kun an siisay man mayo kan Espiritu ni Cris­to, sia bakong sadiri nia.

Rom 8:10 Asin kun si Cristo nasa saindo, an hawak gadan, huli kan kasalan; alagad an Espiritu buhay huli kan katanosan.

Rom 8:11 Alagad kun an Espiritu kaidtong nagbagñon ki Jesus sa magña gadan nageerok sa saindo, idtong nagbagñon ki Cristo Jesus sa magña gadan matao man nin buhay sa saindong magña hawak na magagadanon huli kan saiyang Espiritu na nageerok sa saindo.

Rom 8:12 Kaya gñani, magña tugang, kita magña may utang, bakong sa laman, na mamuhay sono sa laman:

Rom 8:13 Huli ta kun kamo mamuhay sono sa laman, kamo kaipuhan na magadan; alagad kun huli kan Espiritu gadanon nindo an magña guibo nin hawak kamo mabubuhay.

Rom 8:14 Huli ta an gabos na pinapasonod kan Espiritu nin Dios, iyo an magña aki nin Dios.

Rom 8:15 Huli ta kamo dai nagako liwat kan espiritu nin kaoripnan na masa katako-tan; kundi kamo nagako kan espiritu nin pagpaniakia, na huli kaiyan kita naga-apod, Abba, Ama.

Rom 8:16 An Espiritu man sana nagpapato-too kaiba kan satong espiritu na kita magña aki nin Dios:

Rom 8:17 Asin kun magña aki, magña para-mana; magña paramana nin Dios, asin kapua-paramana ni Cristo; kun totoo na kita magtios na kadamay nia, tagñaning kita mapamuraway man sa kaibahan nia.

Rom 8:18 Huli ta ibinibilang ko na an magña kasakitan sa panahon na ini alagñan na itimbang sa kamurawayan na ipapaha-yag sa sato.

Rom 8:19 Huli ta an odok na paglaom kan linalang naghahalat kan pagpahayagan kan magña aki nin Dios.

Rom 8:20 Huli ta an linalang ipinasakop sa kasayagñan, bakong sa sadiring boot kaiyan, kundi huli sa nagpasakop kai-yan.

Rom 8:21 Sa paglaom na an linalang man sana makaligtas man sa kaoripnan nin kalapaan pasiring sa pakaligtas kan kamurawayan kan magña aki nin Dios.

Rom 8:22 Huli ta kita nakakaaram na an bilog na linalang nagaagragñay na sararo sana asin nagtitios kan kolog nin pagña-ki sagkod gñunian.

Rom 8:23 Asin bakong iyan sana, kundi kita man, na igua kan magña tinagba kan Espiritu, minsan kita man sana naga­agragñay sa irarom nin satong boot, na naghahalat kan pagpaniakia sato, na iyo an pagtubos kan satong hawak.

Rom 8:24 Huli ta sa paglaom kita nakaligtas: alagad an paglaom na nahihiling bakong paglaom: huli ta siisay an naglalaom kan saiyang nahihiling?

Rom 8:25 Alagad kun kita naglalaom kan dai ta nahihiling, dagñan kita naghahalat kaiyan sa pakatios.

Rom 8:26 Asin sa siring man na paagui an Espiritu nagtatabang sa satong kaluya-han: huli ta kita dai tataong mamibi nin siring sa maninigo; alagad an Espiritu man sana nagsosorog sato, na may paga-gragñay na dai masabi;

Rom 8:27 Asin an nagsisiasat nin magña puso nakakaaram kun ano an iniisip kan Espi­ritu, huli ta sia nagsosorog sa magña banal siring sa boot nin Dios.

Rom 8:28 Asin kita nakakaaram na sa magña namomoot sa Dios, an gabos na bagay nagtatarabang sa karahayan, sa sainda na magña inapod siring sa saiyang katuyo-han,

Rom 8:29 Huli ta an magña namidbid nia kaidto pa, tinalaanan man nia na maka-baing sa ladawan kan saiyang Aki, tagña­ning sia an maguin pagñanay sa dakol na magturugang:

Rom 8:30 Asin an magña tinalaanan nia, inapod man nia: asin an magña inapod nia, sinda pinakangmatanos man nia: asin an magña pinakangmatanos nia, sinda pinamuraway man nia.

Rom 8:31 Kaya ano an sasabihon ta kan magña bagay na ini? Kun an Dios kata-bang ta, siisay an tumang sato?

Rom 8:32 Sia na minsan an saiyang sadiring Aki dai nia ilinikay, kundi itinao dahel sato gabos, tadao ta dai sia makatao man sato kan gabos na bagay sa kaiba­han nia?

Rom 8:33 Siisay an masombong nin anoman tumang sa magña pinili nin Dios? An Dios iyo an nagpapakangmatanos;

Rom 8:34 Siisay an nagsisilot? Si Cristo Jesus na nagadan, oho, marahay pa, na na-buhay liwat sa magña gadan, na nasa too nin Dios, na sia man nagsosorog sato.

Rom 8:35 Siisay an mabulag sato sa pagka-moot ni Cristo? an kahorasaan, ó an kasakitan, ó an paglamag, ó an pango-tom, ó an kahobaan, ó an pagalaman, ó an minasbad?

Rom 8:36 Siring sa nasusurat, Dahel saimo kami guinagadan sa bilog na aldao; Kami ibinilang na siring sa magña carnero na bonoon.

Rom 8:37 Dai, sa gabos na bagay na ini kami orog pa ki sa magña nandaog huli saiya na namoot samo.

Rom 8:38 Huli ta ako minatubod, na minsan an kagadanan, ni an buhay, ni an angel, ni an magña principado, ni. an magña uya na, ni an magña madatong pa, ni an magña kapangyarihan,

Rom 8:39 Ni an kalangkawan, ni an kararo-man, ni an anoman na linalang, dai makakapabulag sato sa pagkamoot nin Dios, na yaon ki Cristo Jesus na satong Kagurangnan.



Rom 9:1 Sa gñaran ni Cristo ako nagtataram nin katotoohan, dai ako nagpupu-tik, sa gñaran kan Espiritu Santo an sakong paghonahona nagpapatotoo sa sako,

Rom 9:2 Na ako igua nin dakulang kamon­doan asin danay na kolog sa sakong puso,

Rom 9:3 Huli ta boot ko kutana na maka-bulag ki Cristo dahel kan sakong magña tugang, an sakong magña kadudugo dapit sa laman:

Rom 9:4 Na magña Israelita, na sa sainda an pagpaniakia, asin an kamurawayan, asin an tipan, asin an pagtao kan katogonan, asin an pagsamba, patin an magña panu-ga;

Rom 9:5 Na sa sainda an magña magurang, asin sa sainda gominikan si Cristo dapit sa laman, na sia nasa ibabao nin gabos, Dios na pinagoomao sagkod lamang. Auot pa.

Rom 9:6 Alagad bakong siring baga sa an tataramon nin Dios nasayang. Huli ta bakong an gabos na taga Israel magña Israelita:

Rom 9:7 Nin huli ta sinda magña banhi ni Abraham magña aki na gabos: kundi, Sa ki Isaac aapodon an saimong magña banhi.

Rom 9:8 Na sa kasayodan, bakong an magña aki nin laman an magña aki nin Dios; kundi an magña aki nin panuga iyo an ibinibilang na banhi.

Rom 9:9 Huli ta uya an tataramon na panu­ga, Sa siring na panahon madatong ako, asin si Sara magkakaigua nin aking lalaki.

Rom 9:10 Asin bakong ini sana; kundi si Rebeca man na nagñidam na sa saro, sa ki Isaac na satong ama –

Rom 9:11 Huli ta an dai pa namundag, ni nakaguinibo nin marahay ó maraot, tagñaning an katuyohan nin Dios siring sa pagkapili magdanay, bakong huli sa magña guibo kundi huli sa nagaapod,

Rom 9:12 Iyan isinabi saiya, An matua magli-lingkod sa gñohod.

Rom 9:13 Siring sa nasusurat, Ki Jacob na-moot ako, alagad ki Esau naogñis ako.

Rom 9:14 Kaya anong sasabihon ta? Igua dao nin kabikoan sa Dios? Dai nangad,

Rom 9:15 Huli ta sia nagsasabi ki Moises, Maheherak ako sa maheherakan ko, asin magmamakolog ako sa pagmama-kologan ko.

Rom 9:16 Kaya iyan bakong sa nagboboot, ni sa nagdadalagan, kundi sa Dios na igua nin pagkaherak.

Rom 9:17 Huli ta an kasuratan nagsasabi ki Faraon, Manogñod kan katuyohan na ini pinatindog taka tagñaning ikapaha-yag ko dian sa saimo an sakong kapang-yarihan, asin na an sakong gñaran ikaba-lagñibog sa bilog na kinaban,

Rom 9:18 Kaya naheherakan nia an boot nia; asin pinapatagas nia an boot nia.

Rom 9:19 Masabi ka gayod sako, Tadao na naghahanap pa sia nin sala? Huli ta siisay an makakatagal kan saiyang boot?

Rom 9:20 Dai O tauo, alagad, siisay ka na nakikipagsimbagan sa Dios? Makakasabi dao an guinibo sa nagguibo kaiyan, Tadao ta guinibo mo ako nin siring?

Rom 9:21 O dai dao nin kapangyarihan sa laboy an paraguibo nin koron na gumi-bo sa sarong kabtang nin masa nin sarong lalagan na makakaomao asin nin saro na makakasopog?

Rom 9:22 Ano, kun an Dios, sa pagmauot na magpahayag kan saiyang kaangotan, asin magpamidbid kan saiyang kapangyari­han, nagtagal sa dakulang pagtios kan magña lalagan nin kaangotan na manini-gong parasaon:

Rom 9:23 Asin sa pagpamidbid kan magña kayamanan nin saiyang kamurawayan, sa magña lalagan nin pagkaherak na sai­yang inandam kaidto pa manogñod sa kamurawayan.

Rom 9:24 Na iyo kita na saiyang inapod, bakong sa magña Judio sana, kundi sa magña Gentil man?

Rom 9:25 Siring sa isinabi nia man sa Oseas, Aapodon ko na sakong banuaan, an bako kong banuaan kaidto; Asin na sakong namomotan. an bako kong namomotan kaidto.

Rom 9:26 Asin mangyayari, sa lugar na pinag-sabihan sainda, Kamo bako kong banuaan, Dian aapodon sindang magña aki nin Dios na buhay.

Rom 9:27 Asin si Isaias nagkurahao dapit ki Israel, Kun an bilang kan magña aki ni Israel maguin siring kan baybay sa da-gat, an magña matada sana an makaka-ligtas:

Rom 9:28 Huli ta an Kagurangnan maotob kan saiyang tataramon sa kinaban, na tatapuson iyan asin hahayokogñon.

Rom 9:29 Asin siring sa isinabi ni Isaias kaidto, Kun an Kagurangnan nin magña hukbo dai kita winalatan nin banhi, Naguin siring kutana kita kan Sodoma, asin nakaarog kan Gomorra,

Rom 9:30 Kaya anong sasabihon ta? Na an magña Gentil na dai nagsoronod sa kata­nosan, nakaabot nin katanosan, an kata-nosan na sa pagtubod:

Rom 9:31 Alagad si Israel sa pagsonod kan togon nin katanosan, dai nakaabot sa togon na iyan,

Rom 9:32 Tadao? Huli ta dai ninda iyan hina-nap huli sa pagtubod, kundi garo baga sa magña guibo. Sinda nagkasiringkod sa gapong singkogan;

Rom 9:33 Siring sa nasusurat, Uya, ako mabugtak sa Sion nin gapong singkogan, asin gapong dasmagan: Asin an minatubod sa saiya dai masosopog.



Rom 10:1 Magña tugang, an mawot nin sakong puso asin paggñayogñayo sa Dios anan manogñod sainda na sinda maligtas.

Rom 10:2 Huli ta ako nagpapatotoo na sinda igua nin pagigñat sa Dios, alagad bakong sono sa pakasabot.

Rom 10:3 Huli ta sa dai pakaaram kan katano­san nin Dios, asin sa paghigñoa na maka-patindog kan saindang sadiri, dai sinda nagpasakop sa katanosan nin Dios,

Rom 10:4 Huli ta si Cristo iyo an kaotoban kan katogonan sa katanosan sa lambang saro na minatubod,

Rom 10:5 Huli ta si Moises nagsusurat na an tauo na nagguiguibo kan katanosan na nasa katogonan mabubuhay huli kaiyan.

Rom 10:6 Alagad an katanosan na sa pagtubod nagsasabi nin siring, Dai ka magsabi sa saimong puso, Siisay an masakat sa lagñit? (na an boot sabihon, na darahon si Cristo sa ibaba:)

Rom 10:7 O, Siisay an mahilig sa bugñao? (na an boot sabihon, na darahon si Cristo sa itaas hale sa magña gadan.)

Rom 10:8 Alagad ano an sabi? An tataramon harani saimo, sa saimong gñoso, asin sa saimong puso: na iyo an tataramon nin pagtubod na samong ipinaghuhulit:

Rom 10:9 Huli ta kun ika magtuga kan sai­mong gñoso na si Jesus iyo an Kaguran­gnan asin magtubod sa saimong puso na binagñon sia nin Dios sa magña gadan, ika maliligtas.

Rom 10:10 Huli ta sa puso an tauo nagtutubod sa katanosan, asin sa gñoso an pagtuga guiniguibo sa kaligtasan.

Rom 10:11 Huli ta an kasuratan nagsasabi, An siisay man na minatubod sa saiya dai masosopog.

Rom 10:12 Huli ta dai nin pinapalaen sa Judio asin sa Griego: ta an Kagurangnan iyo man sana an Kagurangnan nin gabos asin mayaman manogñod sa gabos na naga-apod sa saiya:

Rom 10:13 Huli ta an siisay man na magapod sa gñaran nin Kagurangnan maliligtas.

Rom 10:14 Kaya paanong sinda magapod sa dai ninda tinubod? asin paanong sinda magtubod sa dai ninda nadagñog? asin paanong sinda makadagñog kun dai nin parahulit?

Rom 10:15 Asin paanong sinda makapaghulit kun dai sinda sogoon? siring sa nasusu­rat, Kanigoan kagayon kan magña bitis kan magña nagdadara kan magña maog-mang bareta nin magña marahay na bagay!

Rom 10:16 Alagad bakong sinda gabos naghi-naniog kan maogmang bareta. Huli ta si Isaias nagsasabi, Kagurangnan siisay an nagtubod kan samong bareta?

Rom 10:17 Kaya an pagtubod minadatong huli sa pagdagñog, asin an pagdagñog huli sa tataramon ni Cristo,

Rom 10:18 Alagad ako nagsasabi, Dai dao sin­da nagpakadagñog? Iyo, nagpakadagñog nangad, An saindang tigñog nakalakop sa bilog na daga, Asin an saindang magña tataramon sa kaporoporohi nin kinaban.

Rom 10:19 Alagad ako nagsasabi, Dai dao nakaaram si Israel? Sa enot si Moises nagsasabi, Papagñimonon ko kamo sa sarong bakong nacion, Papaangoton ko kamo sa nacion na daing pakasabot.

Rom 10:20 Asin si Isaias maisogon, asin nag­sasabi, Nakua ako kan magña dai nagha-hanap sako; Nahayag ako sa magña dai nagoosi-sa dapit sako.

Rom 10:21 Alagad dapit ki Israel sia nagsasabi, Sa bilog na aldao hinonat ko an sakong magña kamot sa sarong masumbikal asin matabil na banuaan.



Rom 11:1 Gñunian, ako nahapot, Isinikual nin Dios an saiyang banuaan? Dai nangad. Huli ta ako man Israelita, sa banhi ni Abraham, sa tribu ni Benjamin.

Rom 11:2 Dai isinikual nin Dios an saiyang banuaan na saiyang midbid kaidto pa. O dai kamo nakakaaram kan sinasabi kan kasuratan dapit ki Elias? kun pa-anong sia nakimaherak sa Dios tumang ki Israel:

Rom 11:3 Kagurangnan, guinaradan ninda an saimong magña profeta, guinaraba ninda an saimong magña altar; asin ako sana an nawalat, asin hinahanap ninda an sakong buhay.

Rom 11:4 Alagad ano an isinimbag nin Dios sa-iya? May natatada pa akong pitong ribo katauo, na dai pa minalohod ki Baal.

Rom 11:5 Siring man, minsan gñunian igua nin natatada siring sa pagkapili kan biyaya.

Rom 11:6 Alagad kun iyan huli sa biyaya, bako nang huli sa magña guibo: ta kun siring an biyaya bako nang biyaya.

Rom 11:7 Kaya ano? Idtong pinaghahanap ni Israel, dai nia nakua; alagad an magña pinili iyo an nakakua kaiyan, asin an iba pinatagas:

Rom 11:8 Siring sa nasusurat, Tinawan sinda nin Dios nin espiritu nin pagkananok, magña mata na dai makakahiling, asin magña taligña na dai makakadagñog sag-kod gñunian na aldao.

Rom 11:9 Asin si David nagsasabi, Magui logod siod asin silo an sain­dang lamesa, Asin singkogan asin balos sa sainda:

Rom 11:10 Dumiklom logod an saindang magña mata, tagñaning dai sinda magpa-kahiling, Asin pabuktota sinda sagkod lamang.

Rom 11:11 Kaya ako nagsasabi, Nagkasiring-kog dao sinda tagñaning magkadaras-mag? Dai nangad: alagad huli kan sain­dang pagkadasmag an kaligtasan naka-abot sa magña Gentil; tagñaning magñi-mon sinda.

Rom 11:12 Gñunian, kun an saindang pagka­dasmag iyo an kayamanan nin kinaban, asin an nawara ninda iyo an kayamanan nin magña Gentil; gurano pa dao an saindang kapanoan?

Rom 11:13 Alagad ako nagtataram saindo na magña Gentil. Nin huli ta ako apostol nin magña Gentil pinahahalagahan ko an sakong paglingkod.

Rom 11:14 Tibaad pa kun sa siring na paagui mapaara ko an magña kadudugo ko, asin maligtas an nagkapira sa sainda.

Rom 11:15 Huli ta kun an pagsikualan sainda iyo an pakipagoli kan kinaban, ano dao an pagakoa sainda kun bakong buhay hale sa magña gadan?

Rom 11:16 Asin kun an tinagba banal, siring man an gabos: asin kun an gamot banal, siring man an magña sagña.

Rom 11:17 Alagad kun an nagkapira sa magña sagña nagkabarare, asin ika, na lagalag na oliva, nakatogod sa magña sagña, asin sa kaibahan ninda nakinabang sa gamot kan duga kan kahoy na oliva;

Rom 11:18 Dai ka managsag tumang sa magña sagña: alagad kun ika managsag, bakong ika an nagtatao nin buhay sa gamot, kundi an gamot sa saimo.

Rom 11:19 Gayod ika masabi, Binarare an magña sagña tagñaning itogod ako.

Rom 11:20 Marahay; huli kan saindang dai pagtubod binarare sinda, asin ika nagtitindog huli kan saimong pagtubod. Dai ka magpaabaoabao, kundi na matakot:

Rom 11:21 Ta kun dai guinalagñan nin Dios an magña dating sagña, dai ka man gaga-lagñan.

Rom 11:22 Kaya hiligña an kabootan asin an katagasan nin Dios: katagasan sa magña naholog; alagad an kabootan nin Dios sa saimo, kun ika magdanay sa saiyang ka­bootan: ta kun dai, ika man popotolon.

Rom 11:23 Asin sinda man, kun dai magdanay sa saindang dai pagtubod, itotogod huli ta an Dios makakatogod sainda liwat.

Rom 11:24 Huli ta kun ika pinotol sa dating lagalag na oliva, asin tumang sa kauga-lean itinogod ka sa marahay na oliva; ini pa dao, na dating magña sagña, an dai itogod sa saindang sadiring poon.

Rom 11:25 Huli ta habo ako, magña tugang, na dai kamo makaaram kaining tagong-hilom, tagñaning dai kamo magdonong-donogñan sa saindong sadiring magña kaisipan, na an diit na katagasan nang-yari na sa Israel, sagkod na an kapanoan kan magña Gentil dumatong;

Rom 11:26 Kaya an bilog na Israel maliligtas: siring sa nasusurat, Madatong hale sa Sion an Paraligtas; Hahaleon nia ki Jacob na pakaligñao sa Dios:

Rom 11:27 Asin iyo ini an sakong tipan sa sainda, Kun haleon ko na an saindang magña kasalan.

Rom 11:28 Mapadapit kan evangelio, sinda magña kaiwal dahel saindo: alagad mapadapit kan pagpili, sinda magña namomotan dahel kan magña kaganak.

Rom 11:29 Huli ta dai pinagsosolsolan an magña balaog asin an pagapod nin Dios.

Rom 11:30 Huli ta siring na kamo kaidto magña masumbikal sa Dios, alagad gñu-nian nagkamit nin pagkaherak huli kan saindang kasumbikalan,

Rom 11:31 Siring man gñunian sinda naguin masumbikal, tagñaning huli kan pagka­herak na ipinahayag saindo, sinda man magkamit gñunian nin pagkaherak.

Rom 11:32 Huli ta linaom nin Dios an gabos sa kasumbikalan, tagñaning maherakan nia an gabos.

Rom 11:33 O an kahararoman kan magña ka-yamanan nin kadonogñan asin nin pag-kaaram nin Dios! Dai nangad marororop an saiyang magña paghokom, asin dai nangad masososog an saiyang magña paagui!

Rom 11:34 Huli ta siisay an nakatalastas kan kaisipan nin Kagurangnan? ó siisay an naguin saiyang kahatol?

Rom 11:35 O siisay an tominao gñona sa saiya, tagñaning mabayadan sia liwat?

Rom 11:36 Huli ta hale sa saiya, asin huli saiya, patin manogñod saiya an gabos na bagay. Mapasaiya an kamurawayan sag­kod lamang. Auot pa.



Rom 12:1 Kaya, magña tugang, ako nakiki-maherak saindo huli kan magña pagkaherak nin Dios, na idolot nindo an saindong magña hawak na siring sa buhay na atang, banal, maaako nin Dios, na iyo an saindong espiritual na pag-samba.

Rom 12:2 Asin dai kamo mahaman siring sa kinaban na ini: kundi mahaman kamo huli kan pagkabago kan saindong isip, tagñaning mabalo nindo kun ano an marahay, asin maaako, patin sangkap na boot nin Dios.

Rom 12:3 Ta ako nagsasabi, huli kan biyaya na itinao sa sako, sa lam bang saro sa saindo, na dai sia magisip sa saiya man sana nin halangkao pa kan maninigo; kundi na magisip sa kamayokodan, siring sa sokol kan pagtubod na itinao nin Dios sa lambang saro.

Rom 12:4 Huli ta kun paano na kita sa sarong hawak igua nin dakol na kabtang, asin an gabos na kabtang daing pararehong katongdan:

Rom 12:5 Siring man kita na dakol, saro sanang hawak dian ki Cristo, asin an lambang saro kabtang nin iba.

Rom 12:6 Asin huli ta igua kita nin manlaen­laen na balaog, siring sa biyaya na itinao sa sato, kun sa paghula, maghula siring sa sokol nin satong pagtubod;

Rom 12:7 O kun sa paglingkod, maglingkod; ó kun sa pagtokdo, magtokdo;

Rom 12:8 O kun sa pagsadol, magsadol; an nagtatao, magtao sa marahay na boot; an nagboboot, sa kahigosan; an naggui-guibong herak, sa kaogmahan.

Rom 12:9 An pagkamoot dai maguin sa pag-saguinsaguin. Ikaogñis an maraot; duma-yopot sa marahay.

Rom 12:10 Magkamorootmootan kamo man sana sa pagkamoot na samagturugang;sa kagalagñan, magpagaralanggalang kamo;

Rom 12:11 Sa guibo, bakong magña hogakon; magña malaad sa espiritu; naglilingkod sa Kagurangnan;

Rom 12:12 Nagoogma sa paglaom; matios sa kasakitan; nagdadanay nin maigot sa pamibi;

Rom 12:13 Makipagdamay sa magña pagñaipo nin magña banal; maguin parapasakat.

Rom 12:14 Omawa nindo an magña naglala-mag saindo: omawa nindo asin dai nin­do pagmudahon.

Rom 12:15 Magogma kamo sa kaibahan kan magña nagoogma: magtagñis kamo sa kaibahan kan magña nagtatagñis.

Rom 12:16 Magkasararo sana kamo nin pagi-sip sa saindo man sana. Dai kamo magi-sip kan magña halangkao na bagay, kun-di makiiba kamo sa magña mahoyo. Dai kamo magdonongdonogñan sa saindong magña kaisipan.

Rom 12:17 Dai kamo magbalos sa kiisay man nin maraot sa maraot. Maghorophorop kamo kan magña bagay na makakaomao sa atubang nin gabos na tauo.

Rom 12:18 Kun mahihimo, siring sa maaagod nindo, magkaigua kamo nin katonino-gñan sa gabos na tauo.

Rom 12:19 Dai kamo magbalos, magña namo-motan ko, kundi na tawan nindo nin lugar an kaangotan nin Dios: Huli ta nasusurat, Sa sako an pagbalos; ako an mabalos, sabi nin Kagurangnan.

Rom 12:20 Alagad kun an saimong kaiwal magotom, pakakana; kun mapaha, pai-noma: huli ta sa siring na guibo, ika nag-tatambak nin magña baga nin kalayo sa saiyangpayo.

Rom 12:21 Dai ka magpadaog sa maraot; kun­di na daogon mo an maraot kan mara­hay.



Rom 13:1 An lambang tauo magpasakop sa haralangkao na kapangyarihan: huli ta mayo nin kapangyarihan na bakong sa Dios; asin an gabos na ka­pangyarihan itinalaga nin Dios.

Rom 13:2 Kaya an minatumang sa kapangya­rihan minatumang kan pagboot nin Dios: asin an magña minatumang, maako sinda nin silot.

Rom 13:3 Huli ta an magña poon bakong kata-kutan sa marahay na guibo, kundi sa maraot. Asin boot mo na dai matakot sa kapangyarihan? guiboha an marahay, asin ika oomawon kaiyan.

Rom 13:4 Huli ta sia paralingkod nin Dios sa karahayan mo. Alagad kun ika maggui-bo kan maraot, matakot ka; huli ta dai nia dinadara an minasbad nin basang lamang: huli ta sia paralingkod nin Dios, parabalos nin kaangotan sa nagguiguibo nin maraot.

Rom 13:5 Kaya maninigo na kamo magpasa­kop, bako sanang huli kan kaangotan, kundi huli man kan paghonahona.

Rom 13:6 Ta huli man kaini kamo nagbubu-his; huli ta sinda magña paralingkod nin Dios, na danay na nagguiguibo kaiyan.

Rom 13:7 Itao sa gabos an manonogñod sain-da: buhis, sa bubuhisan; bayad, sa baba-yadan; takot, sa matatakotan; kagala­gñan, sa gagalagñan,

Rom 13:8 Dai kamo magkautang sa kiisay man nin anoman, kundi na magkaminoroot-mootan; huli ta an namomoot sa sai-yang kataed nakaotob na kan katogo-nan.

Rom 13:9 Kaya, Dai ka magsambay, Dai ka maggadan, Dai ka maghabon, Dai ka maara, asin kun igua pa nin ibang togon, iyan uya na sa tataramon na ini, Mamo-tan mo an saimong kataed siring sa sai-mo man sana.

Rom 13:10 An pagkamoot dai nagguiguibo nin maraot sa saiyang kataed: kaya an pag­kamoot iyo an kaotoban kan katogo-nan.

Rom 13:11 Asin ini, sa pagmidbid kan pana-hon na maninigo nang magmata kita sa pagkatorog: huli ta gñunian an kalig­tasan harani na sato ki kaidto kan tumu-bod kita.

Rom 13:12 An bangui makakaagui na, asin an aldao uya na: kaya isikual ta an magña guibo nin kadikloman, asin isolog ta an pagñalasag na gubing nin kaliwanagan.

Rom 13:13 Maglakao kita nin agñay na siring baga sa aldao; bakong sa kasigñawan asin sa pagburat, bakong sa maraot na horot asin sa karigsokan, bakong sa pakiiwal asin sa pagñimon.

Rom 13:14 Kundi isolog nindo an Kaguran-gnan na si Jesu-Cristo, asin dai kamo magandam manogñod sa laman sa pag-sonod kan magña horot kaiyan.



Rom 14:1 Alagad akoa nindo an maluya sa pagtubod, bakong sa pagpasuru-hay sa saradit na bagay.

Rom 14:2 An saro minatubod na makakapag-kakan kan gabos na bagay: alagad an maluya nagkakakan nin magña gugu-layon.

Rom 14:3 An nagkakakan dai maghale nin halaga sa dai nagkakakan; asin an dai nagkakakan dai maghokom sa nagka­kakan: huli ta inako sia nin Dios.

Rom 14:4 Siisay ka na naghohokom kan ori-pon nin iba? sa saiyang kagurangnan sia nagtitindog ó nahoholog. Iyo, sia pati-tindogon; huli ta an Kagurangnan igua nin kapangyarihan sa pagpatindog saiya.

Rom 14:5 An iba may pinapaorog na aldao ki sa iba: sa iba man parareho sana an gabos na aldao. An lambang saro mag-kaigua nin sangkap na pakasabot.

Rom 14:6 An nagpapaorog nin aldao, nagpa-paorog kaiyan manogñod sa Kaguran­gnan: asin an nagkakakan, nagkakakan manogñod sa Kagurangnan, huli ta sia nagpapasalamat sa Dios; asin an dai nag­kakakan, dai nagkakakan manogñod sa Kagurangnan, asin nagpapasalamat sa Dios.

Rom 14:7 Huli ta mayo sa sato nin nabubuhay sa saiya man sana, asin mayo nin naga-gadan sa saiya man sana.

Rom 14:8 Huli ta kun kita nabubuhay, nabu­buhay kita manogñod sa Kagurangnan: asin kun kita nagagadan, nagagadan kita manogñod sa Kagurangnan: kaya kun kita nabubuhay, ó nagagadan, sadiri kita nin Kagurangnan.

Rom 14:9 Ta huli kaini si Cristo nagadan asin nabuhay liwat, tagñaning sia maguin Kagurangnan nin magña gadan asin nin magña nabubuhay.

Rom 14:10 Alagad ika, tadao ta naghohokom ka sa saimong tugang? ó ika man, tadao ta hinahalean mo nin halaga an saimong tugang? huli ta kita gabos matindog sa atubang kan hokoman nin Dios.

Rom 14:11 Huli ta nasusurat, Siring na ako nabubuhay, sabi nin Kagurangnan, sa sako malohod an lambang tohod, Asin an lambang dila magtutuga sa Dios.

Rom 14:12 Kaya an lambang saro sa sato ma-kikipagsaray sa Dios,

Rom 14:13 Kaya dai na kita magpahorokom-hokoman: kundi marahay pang magisip nin siring, na daing magbugtak nin sing-kogan ó dasmagan sa aguihan nin sai­yang tugang.

Rom 14:14 Ako nakakaaram, asin naniniwala sa Kagurangnan na si Jesus na dai nin anoman na sa saiya man sana maramog: kundi sa naghohonahona na iyan mara­mog, sa saiya iyan maramog.

Rom 14:15 Ta kun huli sa kakanon an saimong tugang nagmomondo, dai ka na naglala-kao sa pagkamoot. Dai mo paglaglagon kan saimong kakanon idtong huli sa saiya si Cristo nagadan.

Rom 14:16 Kaya dai nindo itogot na an sain-dong karahayan pagsabihon na maraot:

Rom 14:17 Huli ta an kahadean nin Dios ba­kong pagkakan asin paginom, kundi katanosan asin katoninogñan patin ka-ogmahan dian sa Espiritu Santo.

Rom 14:18 Huli ta sa bagay na ini, an nagli-lingkod ki Cristo naoogmahan nin Dios, asin naooyonan nin magña tauo.

Rom 14:19 Kaya sumonod kita sa magña bagay na nakakapatoninong, asin sa magña bagay na ikakapakosog kan saro sa saro.

Rom 14:20 Dai mo paglaglagon an guibo nin Dios dahel sa kakanon. An gabos na bagay sa katotoohan malinig: minsan siring iyan maraot sa tauo na nagkaka­kan tumang sa saiyang paghonahona.

Rom 14:21 Marahay na dai magkakan nin laman, ni maginom nin arak, ni mag-guibo nin anoman na masisingkogan nin saimong tugang.

Rom 14:22 An pagtubod na nasa saimo, rimposa sa saimo sa atubang nin Dios. Maogma an dai naghohokom sa saiya man sana kan naooyonan nia.

Rom 14:23 Alagad an nagduduadua sinilotan na kun kumakan, huli ta sia nagkakakan na bakong sa pagtubod; asin an anoman na bakong sa pagtubod kasalan,



Rom 15:1 Kaya kita na magña makosog ma-ninigong rnagpasan kan magña kaluyahan nin magña maluya, asin ba­kong magpaoyon sa sato man sana.

Rom 15:2 An lambang saro sa sato magpaog-ma sa saiyang kataed sa karahayan, sa pagpakosog.

Rom 15:3 Huli ta si Cristo man dai nagpaoyon sa saiya man sana; kundi, siring sa nasu-surat. An magña pagologolog kan magña nagologolog saimo naghorogpa sa sako.

Rom 15:4 Huli ta an gabos na isinurat kaidto, isinurat sa pagtokdo sato, tagñaning huli sa pakatagal asin sa karagñahan kan magña kasuratan, magkaigua kita nin paglaom.

Rom 15:5 An Dios nin pakatagal asin nin karagñahan tumao logod sa saindo nin saro sanang pagisip an saro sa saro siring ki Cristo Jesus:

Rom 15:6 Tagñaning magkasararo sana kamo sa sarong gñoso sa pagpamuraway kan Dios asin Ama nin satong Kagurangnan na si Jesu-Cristo,

Rom 15:7 Kaya magpaarakoako kamo siring ki Cristo na nagako man saindo sa kamura-wayan nin Dios.

Rom 15:8 Huli ta ako nagsasabi na si Cristo guinibong paralingkod sa pagturi ma-nogñod sa katotoohan nin Dios, tagña­ning mapatotoohan nia an magña panu-ga na itinao sa magña kaganak,

Rom 15:9 Asin tagñaning an magña Gentil magpamuraway sa Dios huli kan saiyang pagkaherak; siring sa nasusurat, Kaya ako magoomao sa saimo sa kaibahan nin magña Gentil, Asin magaawit sa saimong gñaran.

Rom 15:10 Asin sia nagsabi liwat, Magorogma kamo, magña Gentil; sa kaibahan kan saiyang banuaan.

Rom 15:11 Asin sa liwat, Pagomao sa Kagurangnan, kamo gabos na Gentil; Asin magomao saiya an gabos na banuaan.

Rom 15:12 Asin sa liwat si Isaias nagsasabi, Magkakaigua nin gamot si Isai, Asin an matindog sa paghade sa magña Gentil; Sa saiya an magña Gentil magla-laom.

Rom 15:13 Gñunian an Dios nin paglaom pa-noon logod kamo nin gabos na kaog-mahan asin katoninogñan sa pagtubod, tagñaning magsopay kamo sa paglaom, asin sa kapangyarihan nin Espiritu San­to.

Rom 15:14 Asin ako man naniniwala dapit saindo, magña tugang ko, na kamo man sana magña pano nin karahayan, pano nin gabos na pakatalastas, asin nakaka-pagpaharatolhatol man.

Rom 15:15 Alagad ako orog nang nangñagña-has sa pagsurat sa saindo, sa pagkolibat saindo huli kan biyaya na itinao sa sako nin Dios,

Rom 15:16 Na ako maguin paralingkod ni Cristo Jesus sa magña Gentil sa pagwaras kan evangelio nin Dios, tagñaning an pagdolotan kan magña Gentil maako, huling pinakangbanal kan Espiritu San­to.

Rom 15:17 Kaya igua ako nin ipinagmumu-raway dian ki Cristo Jesus sa magña bagay na manogñod sa Dios.

Rom 15:18 Huli ta dai ako magñagñahas na magtaram nin anoman na bakong guini-bo ni Cristo huli sa sako, tagñaning mag-kuyog an magña Gentil, sa tataramon asin sa guibo,

Rom 15:19 Sa kapangyarihan nin magña tan da asin gñagñalasan, sa kapangyarihan nin Espiritu Santo; mala ta magpoon sa Jerusalem, asin sa bilog na palibot, sag-kod sa Ilirico ikinapaghulit ko na nin marahay an evangelio ni Cristo;

Rom 15:20 Oho, tinuyo ko na maghulit kan evangelio, bakong duman sa nanabihan na si Cristo, tagñaning dai ako magtog-dok sa ibabao kan pasisikadan nin iba;

Rom 15:21 Kundi, siring sa nasusurat, An magña dai nabaretaan dapit saiya makakahiling, Asin an magña dai nagpakadagñog makakasabot.

Rom 15:22 Kaya man ako naolang nin daya-day sa pakapadian sa saindo:

Rom 15:23 Alagad gñunian, huling mayo nang lugar sa kadagaan na ini, asin huling nag-mamawot akong makapadian sa saindo sa balakid nang taon na ominagui,

Rom 15:24 Kun ako pumaduman sa España (ta ako nagmamawot sa sakong pag-lakao na mahiling kamo, asin na dara-hon ako nindo pasiring duman, kun nanigoan na gñona ako sa pakiiba sa­indo) —

Rom 15:25 Alagad gñunian ako mapa Je­rusalem sa paglingkod sa magña ba­nal.

Rom 15:26 Huli ta pinagmarahay kan Mace­donia asin kan Acaya na magarambagan manogñod sa magña dukha sa magña banal duman sa Jerusalem.

Rom 15:27 Iyo, iyan an saindang kaogmahan; ta sinda magña may utang sa sainda. Huli ta kun an magña Gentil nakinabang kan saindang magña bagay na dapit sa kalag, maninigo man na sinda magling-kod sa sainda sa magña bagay dapit sa hawak.

Rom 15:28 Kaya kun matapus ko na ini, asin madara ko na sa sainda an balaog na ini, maagui ako dian sa saindo pasiring sa España.

Rom 15:29 Asin ako nakakaaram na kun ako dumatong na sa saindo, madatong ako pano nin biyaya ni Cristo.

Rom 15:30 Gñunian ako nakikimaherak sain­do, magña tugang, huli kan satong Kagu-rangnan na si Jesu-Cristo, asin huli sa pagkamoot kan Espiritu, na tabagñan ako nindo sa pagagragñay sa Dios ma­nogñod sako;

Rom 15:31 Na ako iligtas sa magña masumbi-kal na nasa Judea, asin na an sakong paglingkod manogñod sa Jerusalem maoyonan kan magña banal;

Rom 15:32 Tagñaning sa kaogmahan ako ma-kaabot sa saindo huli sa kabotan nin Dios, asin makapahigñalo man sa kai-bahan nindo.

Rom 15:33 Gñunian an Dios nin katoninogñan mapa saindo gabos. Auot pa.



Rom 16:1 Ipinamimidbid ko saindo si Febe na satong tugang, na diaconisa sa simbahan na nasa Cencrea:

Rom 16:2 Na sia akoon nindo sa Kagurangnan, nin agñay sa magña banal asin na taba­gñan nindo sia sa anoman na bagay na maipuhan nia sa saindo: huli ta sia man nakatabang na sa dakol, asin sa sako man.

Rom 16:3 Magtaong galang kamo ki Prisca, asin ki Aquila, na magña katabang ko dian ki Cristo Jesus;

Rom 16:4 Na idinolot ninda an saindang magña liog dahel kan sakong buhay; na sa sainda bakong ako sana an nagtatao nin pasalamat, kundi man an gabos na simbahan nin magña Gentil:

Rom 16:5 Asin magtaong galang kamo sa sim­bahan na nasa saindang harong. Tawan nindo nin galang si Epeneto, na sakong namomotan, na sia iyo an enot na bugña sa Asia manogñod ki Cristo.

Rom 16:6 Tawan nindo nin galang si Maria, na sia nagpagal nin labilabi manogñod sain­do.

Rom 16:7 Tawan nindo nin galang si Androni-co asin si Junia, na sakong magña kadu-dugo, asin magña kairiba ko sa pagkabi-lango, na magña bantog sa magña apos-tol, na sinda man naenot pa sako dian ki Cristo.

Rom 16:8 Tawan nindo nin galang si Amplia-to, na sakong namomotan dian sa Kagu­rangnan.

Rom 16:9 Tawan nindo nin galang si Urbano, na satong katabang dian ki Cristo, asin si Estaquis na sakong namomotan.

Rom 16:10 Tawan nindo nin galang si Apeles, na nabalo na dian ki Cristo, Tawan nin­do nin galang an magña nasa harong ni Aristobulo.

Rom 16:11 Tawan nindo nin galang si Hero-dion, na sakong kadudugo. Tawan nindo nin galang an magña nasa harong ni Nar-ciso, na magña nasa Kagurangnan.

Rom 16:12 Tawan nindo nin galang si Trifena asin si Trifosa, na magña nagpapagai dian sa Kagurangnan. Tawan nindo nin galang si Persida, na namomotan, na nagpagal nin labilabi dian sa Kaguran-gnan.

Rom 16:13 Tawan nindo nin galang si Rufo, na pinili dian sa Kagurangnan, asin an saiyang ina asin sako man.

Rom 16:14 Tawan nindo nin galang si Asincri-to, si Flegonte, si Hermes, si Patrobas, si Hermas, asin an magña tugang na yaon sa sainda,

Rom 16:15 Tawan nindo nin galang si Filologo asin si Julia, si Nereo, asin an saiyang tugang na babae, asin si Olimpas, patin an gabos na banal na yaon sa sainda.

Rom 16:16 Magpagaralangalang kamo sa ha-dok na banal. Tinatawan kamo nin galang kan gabos na simbahan ni Cristo.

Rom 16:17 Gñunian nakikimaherak ako sain-do, magña tugang, na tandaan nindo an magña nagpapabulag asin nagpapasing-kog tumang sa katokdoan na nanodan na nindo: asin bumulag kamo sa sainda.

Rom 16:18 Huli ta an magña siring dai nagli-lingkod sa satong Kagurangnan na si Cristo, kundi sa saindang sadiring tulak; asin huli kan saindang malinig asin managom na tataramon dinadayaan nin-da an magña puso kan magña kulapos.

Rom 16:19 Huli ta an saindong pagkuyog nakabalagñibog sa gabos na tauo. Kaya ako nagoogma sa saindo; alagad boot ko na magpakadonong kamo sa karahayan, asin magña kulapos sa karatan.

Rom 16:20 Asin an Dios nin katoninogñan sa madale maronot ki Satanas sa irarom nin saindong magña bitis. An biyaya nin satong Kagurangnan na si Jesu-Cristo mapa saindo,

Rom 16:21 Tinatawan kamo nin galang ni Timoteo, na katabang ko; asin ni Lucio asin ni Jason patin ni Sosipatro, na sa-kong magña kadudugo.

Rom 16:22 Ako si Tercio, na nagsusurat kaini, minatao saindo nin galang sa Kaguran­gnan,

Rom 16:23 Tinatawan kamo nin galang ni Gayo na pinagsasakatan ko, asin kan bilog na simbahan. Tinatawan kamo nin galang ni Erasto na tesorero kan ciudad, asin ni Cuarto na tugang.

Rom 16:24 An biyaya nin Kagurangnan tang Jesu-Cristo mapa saindo gabos. Auot pa.

Rom 16:25 Gñunian, sa saiya na makakapari-gon saindo siring sa sakong evangelio asin sa paghulit ni Jesu-Cristo, siring sa kapahayagan kan tagong-hilom na dai ipinahayag kan magña panahon na daing katapusan,

Rom 16:26 Alagad gñunian ipinahayag na, asin huli kan magña kasuratan kan magria profeta, siring sa pagboot kan daing katapusan na Dios, ipinahayag sa gabos na nacion sa pagpakuyog sa pagtubod:

Rom 16:27 Sa iyo sanang madonong na Dios, huli ki Jesu-Cristo na sa saiya an kamu-rawayan sagkod lamang. Auot pa.



AMAZING GRACE BIBLE INSTITUTE