Apocalipsis


Rev 1:1 An Kapahayagan ni Jesu-Cristo, na itinao sa saiya nin Dios, na ipahayag sa saiyang magña oripon, an magña bagay na kaipuhan mangyari tolos: asin huli sa saiyang angel, ipinadara asin ipi-nahayag nia iyan sa saiyang oripon na si Juan;

Rev 1:2 Na sia nagpatotoo dapit kan tatara­mon nin Dios, asin dapit kan patotoo ni Jesu-Cristo, sagkod kan gabos na bagay na saiyang nahiling.

Rev 1:3 Paladan an nagbabasa, asin an magña nagdadagñog kan magña tatara­mon kan hula, asin nagootob kan magña bagay na nasusurat dian: huli ta an panahon harani na.

Rev 1:4 Si Juan sa pitong simbahan na nasa Asia: An biyaya mapa saindo asin an katoninogñan, hale saiya na iyo gñunian asin kaidto patin an madatong; asin hale sa pitong Espiritu na nasa atubang kan saiyang trono;

Rev 1:5 Patin hale ki Jesu-Cristo, na iyo an maimbod na saksi, an pagñanay sa magña gadan, asin an poon nin magña hade sa daga. Sa saiya na namomoot sato, asin nagligtas sato sa satong magña kasalan huli kan saiyang dugo;

Rev 1:6 Asin guinibo nia kita na maguin kahadean, na maguin magña sacerdote manogñod sa saiyang Dios asin Ama; mapa saiya an kamurawayan asin an pagsakop sagkod lamang. Auot pa.

Rev 1:7 Uya, sia madatong kaiba kan magña pagñanoron; asin an gabos na mata makakahiling saiya, asin an magña nag-lugad saiya; patin an gabos na tribu sa daga magmomorondo dapit saiya. Siring logod. Auot pa.

Rev 1:8 Ako an Alpha asin an Omega, olay nin Kagurangnan na Dios, na iyo gñu­nian asin kaidto patin an madatong, an Mapangyari sa gabos.

Rev 1:9 Ako si Juan, na saindong tugang asin kadamay sa kasakitan asin sa kaha­dean patin sa pagtios dian ki Jesus, ako kaidto nasa poro na inaapod Patmos, dahel kan tataramon nin Dios asin kan patotoo ni Jesus.

Rev 1:10 Ako nasa Espiritu sa aldao nin Kagurangnan, asin ako nakadagñog sa likodan ko nin dakulang tigñog na siring kan sa trompeta,

Rev 1:11 Na an sabi, Suratan sa libro an nahihiling mo, asin padarahan iyan sa pitong simbahan: sa Efeso, asin sa Smir-na, asin sa Pergamo, asin sa Tiatira, asin sa Sardis, asin sa Filadelfia, patin sa Lao-dicea.

Rev 1:12 Asin ako nagsaligñoy sa paghiling kan tigñog na nagtaram sako. Asin paka-saligñoy ko, ako nakahiling nin pitong candelerong bulawan;

Rev 1:13 Asin sa tahao kan magña candele-ro, saro na kabaing kan aki nin tauo, na nagugubigñan nin gubing na hangan sa bitis, asin nabobogkos sa daghan nin sarong hagkos na bulawan.

Rev 1:14 Asin an saiyang payo asin an sai­yang bohok maputi siring sa maputing balukag nin carnero, maputi siring sa ambon; asin an saiyang magña mata siring sa laad nin kalayo;

Rev 1:15 Asin an saiyang magña bitis siring sa pinakintab na kalongkaki, na siring baga sa lininig sa horno; patin an sai­yang tigñog siring sa tigñog nin dakol na magña tubig.

Rev 1:16 Asin sia igua sa saiyang toong kamot nin pitong bitoon: asin sa saiyang gñoso nagluluas an sarong matarom na minasbad na may duang tarom: asin an saiyang lalauogon siring sa aldao na nag-liliwanag sa bilog niang kakosogan.

Rev 1:17 Asin kan mahiling ko sia, ako napukan siring sa gadan sa saiyang pami-tisan. Asin idinoon nia sako an too niang kamot, na an sabi, Dai ka mata-kot; ako iyo an enot asin an kahurihu-rihi,

Rev 1:18 Asin an Nabubuhay; asin ako kaid­to nagadan, asin uya, ako nabubuhay sagkod lamang, asin ako igua kan magña Have nin kagadanan asin nin Hades.

Rev 1:19 Kaya suratan an magña bagay na nahiling mo, asin an magña bagay na iyo gñunian, asin an magña bagay na mang-yayari pakatapus kaini;

Rev 1:20 An tagong-hilom kan bitoon na nahiling mo sa too kong kamot asin kan pitong candelerong bulawan. An pitong bitoon iyo an magña angel kan pitong simbahan: asin an pitong candelero iyo an pitong simbahan.



Rev 2:1 Suratan mo an angel kan simbahan sa Efeso: An magña bagay na ini iyo an isinabi kaidtong nagkakapot kan pitong bitoon sa too niang kamot, an naglalakao sa tahao kan pitong candele­rong bulawan:

Rev 2:2 Ako nakakaaram kan saimong magña guibo, asin kan saimong kapaga-lan asin pakatios, asin na ika dai maka-katios kan magña maraot na tauo, asin nagbalo kan magña nagsasarabi na sinda magña apostol, asin ta bako, patin nakua mo sindang magña putikon;

Rev 2:3 Asin ika may pakatios asin nagtagal dahel sa gñaran ko, asin dai ka napagal.

Rev 2:4 Alagad ako igua kaini tumang sai-mo, na pinabayaan mo an saimong enot na pagkamoot.

Rev 2:5 Kaya guiromdoma kun saen ka naholog, asin magsolsol ka asin maggui-bo kan magña enot na guibo: ta kun dai, ako madian sa saimo, asin mahale kan saimong candelero sa namumugtakan kaiyan, kun dai ka magsolsol.

Rev 2:6 Alagad ini manogñod saimo, na ika naoogñis kan magña guibo kan magña Nicolaita, na naoogñisan ko man.

Rev 2:7 An igua nin taligña, magdagñog kan ipinagsasabi kan Espiritu sa magña simbahan. Sa makadaog, ako matao nin kakanon na hale sa kahoy nin buhay, na nasa Paraiso nin Dios.

Rev 2:8 Asin suratan mo an angel kan sim­bahan sa Smirna: An magña bagay na ini isinasabi kan enot asin kahurihurihi, na nagadan asin nabuhay liwat:

Rev 2:9 Ako nakakaaram kan saimong kaho-rasaan, asin kan saimong kadukhaan (alagad ika mayaman), asin an paglang-had kan magña nagsasabi na sinda magña Judio, asin sinda bako, kundi sinagoga ni satanas.

Rev 2:10 Dai ka matakot kan magña bagay na pagtitioson mo: uya, ilalaog na kamo kan diablo sa bilangoan, tagñaning kamo mabalo; asin kamo magkakaigua nin kahorasaan sa laog nin sampolong aldao. Magdanay kang maimbod sagkod sa kagadanan, asin ako matao sa saimo kan corona nin buhay.

Rev 2:11 Art igua nin taligña, magdagñog kan ipinagsasabi kan Espiritu sa magña simbahan. An makadaog dai maaano kan ikaduang pagkagadan.

Rev 2:12 Asin suratan mo an angel kan sim­bahan sa Pergamo: An magña bagay na ini isinasabi kan igua kan matarom na minasbad na may duang tarom:

Rev 2:13 Ako nakakaaram kun saen ka nage-erok, dian sa namumugtakan kan trono ni satanas: asin ika nagñagñapot sa sakong gñaran, asin dai nagpainda sa sakong pagtubod minsan kan magña aldao ni Antipas na sakong saksi, an sakong maimbod, na guinadan sa tahao nindo, sa pinageerokan ni satanas.

Rev 2:14 Alagad ako igua nin kadikit tu-mang saimo, huli ta ika igua dian nin nagkapira na nagñagñapot sa katokdoan ni Balaam, na nagtokdo ki Balac na mag-bugtak nin singkogan sa atubang kan magña aki ni Israel, na magkakan kan magña bagay na inatang sa magña lada-wan, asin na magguibo nin pagsambay.

Rev 2:15 Siring man ika igua nin nagkapira na nagñagñapot sa katokdoan kan magña Nicolaita, sa siring na paagui.

Rev 2:16 Kaya magsolsol ka; ta kun dai, ako madian sa saimo sa madale, asin ako makikilaban tumang sainda huli kan minasbad nin sakong gñoso.

Rev 2:17 An igua nin taligña, magdagñog kan ipinagsasabi kan Espiritu sa magña simbahan. Sa makadaog, ako matao kan natatagong mana, asin ako matao sa saiya nin sarong gapong maputi, asin dian sa gapo nasusurat an sarong bagong gñaran, na dai nin siisay man na maka-kaaram kundi an minaako kaiyan.

Rev 2:18 Asin suratan mo an angel kan sim­bahan sa Tiatira: An magña bagay na ini isinasabi kan Aki nin Dios, na may magña matang siring kan laad nin kalayo, asin an saiyang magña bitis siring sa pinakintab na kalongkaki:

Rev 2:19 Ako nakakaaram kan saimong magña guibo, asin kan saimong pagka­moot, asin pagtubod, asin paglingkod, patin pakatios, asin na an magña guibo mong nahuri anan orog ki kan magña naenot.

Rev 2:20 Alagad ako igua kaini tumang sai­mo, na tinotogotan mo an babae na si Jezabel, na nagsasabi na sia profetiza; asin sia nagtotokdo asin nagsasadol sa sakong magña oripon na magsambay, asin magkakan kan magña bagay na ina­tang sa magña ladawan.

Rev 2:21 Asin tinawan ko sia nin panahon na makapagsolsol; asin habo siang mag­solsol kan saiyang pagsambay.

Rev 2:22 Uya, itinatapok ko sia sa higdaan, asin sa dakulang kahorasaan an magña nagsasambay saiya, kun sinda dai magsolsol kan saindang magña guibo.

Rev 2:23 Asin gagadanon ko nin kagadanan an saiyang magña aki; asin an gabos na simbahan makakaaram na ako iyo an nagsisiasat kan magña boot asin magña puso: asin ako matao sa lambang saro sa saindo nin sono sa saindong magña guibo.

Rev 2:24 Alagad ako nagsasabi saindo, sa magña ibang nasa Tiatira, an gabos na dai kan katokdoan na ini, na dai naka­kaaram kan magña hilom ni satanas, siring sa isinasabi ninda; dai ako nabug-tak saindo nin ibang pasan.

Rev 2:25 Minsan siring, an nasa saindo na pogolan nindo sagkod na ako dumatong.

Rev 2:26 Asin an makadaog, asin nagiigñat kan sakong magña guibo sagkod sa kata-pusan, ako matao sa saiya nin kapang-yarihan sa magña nacion:

Rev 2:27 Asin sia maghahade sainda sa sog-kod na batbat, siring kan naroronot na koron kan paraguibong-koron; siring man kan pagkaako ko sa sakong Ama:

Rev 2:28 Asin ako matao sa saiya kan bitoon sa makaaaga.

Rev 2:29 An igua nin taligña, magdagñog kan ipinagsasabi kan Espiritu sa magña simbahan.



Rev 3:1 Asin suratan mo an angel kan sim­bahan sa Sardis: An magña bagay na ini isinasabi kan igua kan pitong Espi­ritu nin Dios, asin kan pitong bitoon: Ako nakakaaram kan saimong magña guibo, na ika igua nin gñaran na ika nabubuhay, asin ta ika gadan.

Rev 3:2 Magpuka ka, asin parigona an magña bagay na natatada, na kaidto magagadan na: huli ta ako dai nakakua nin magña guibo mo na sinangkap sa atubang nin sakong Dios.

Rev 3:3 Kaya guiromdoma kun paano na ika nagako asin nagdagñog; asin otoba iyan, asin magsolsol ka. Kaya kun ika dai magpuka, ako madatong siring sa maha-bon, asin ika dai makakaaram kun anong oras ako madatong sa saimo.

Rev 3:4 Alagad ika igua nin nagkapirang gñaran dian sa Sardis na dai nagdigta kan saindang magña gubing: asin sinda malakao sa kaibahan ko na maggugubing nin maputi; huli ta sinda agñay.

Rev 3:5 An makadaog siring na gugubigñan nin magña gubing na maputi; asin dai ko sa anoman na paagui paparaon an sai­yang gñaran sa libro nin buhay, asin mimidbidon ko an saiyang gñaran sa atubang nin sakong Ama, asin sa atu­bang nin saiyang magña angel.

Rev 3:6 An igua nin taligña, magdagñog kan ipinagsasabi kan Espiritu sa magña sim­bahan.

Rev 3:7 Asin suratan mo an angel kan sim­bahan sa Filadelfia: An magña bagay na ini isinasabi kan banal, na iyo an totoo, na iyo an igua kan llave ni David, an nakakabukas asin dai nin siisay man na nakakapinto, asin an nakakapinto asin dai nin siisay man na nakakabukas:

Rev 3:8 Ako nakakaaram kan saimong magña guibo (uya, ibinugtak ko na sa atubang mo an sarong bukas na tata na dai nin siisay man na makakapinto), na ika igua nin kadikit na kapangyarihan, asin nagotob kan sakong tataramon, patin dai nagpainda kan sakong gñaran.

Rev 3:9 Uya, itotogot ko an nagkapira kan magña nasa sinagoga ni satanas, an nag­kapira sa magña nagsasabing sinda magña Judio, asin sinda bako, kundi nagpuputik; uya, guiguibohon ko na sinda dumolok asin sumamba sa sai­mong pamitisan, asin na sinda maka-aram na ako namoot saimo.

Rev 3:10 Huli ta ika nagotob kan tataramon nin sakong pakatios, ililikay taka man sa oras nin pagbalo, an oras na mada­tong sa bilog na kinaban, sa pagbalo kan magña nageerok sa daga.

Rev 3:11 Ako madatong sa madale: pogolan mo an nasa saimo na, tagñaning dai nin siisay man na makakua kan saimong corona.

Rev 3:12 An makadaog, guiguibohon kong harigue sa templo nin sakong Dios, asin sia dai na dian maluas sagkod lamang: asin isusurat ko sa saiya an gñaran nin sakong Dios, asin an gñaran kan ciudad nin sakong Dios, an bagong Jerusalem, na madatong hale sa lagñit hale sa sa kong Dios, asin an sakong sadiring bagong gñaran.

Rev 3:13 An igua nin taligña, magdagñog kan ipinagsasabi kan Espiritu sa magña simbahan.

Rev 3:14 Asin suratan mo an angel kan sim­bahan sa Laodicea: An magña bagay na ini isinasabi kan Auot pa, an maim-bod asin totoong saksi, an kapinonan kan paglalang nin Dios:

Rev 3:15 Ako nakakaaram kan saimong magña guibo, na ika bakong malipot, ni mainit! Magdalita logod na ika malipot ó mainit.

Rev 3:16 Kaya huling ika gabinhod, asin bakong mainit ni malipot, itotopga taka sa sakong gñoso.

Rev 3:17 Huli ta ika nagsasabi, Ako maya-man, asin nakakua nin kayamanan, patin dai nagñagñaipo nin anoman; asin dai ka nakakaaram na ika an nasasakitan asin makaheherak asin dukha asin buta patin huba:

Rev 3:18 Hinahatolan taka na bumakal sako nin bulawan na lininig sa kalayo, tagña-ning ika maguin mayaman; asin nin magña gubing na maputi, tagñaning ma-gubigñan ka, asin tagñaning dai mahayag an kasopganan kan saimong pagkahuba; asin nin bolong na ilalahid sa saimong magña mata tagñaning ika makahiling.

Rev 3:19 An gabos na namomotan ko, sina-saglie ko asin hinahampak; kaya magi-gñat ka asin magsolsol.

Rev 3:20 Uya, ako nagtitindog sa tata asin nagtotoktok: kun an siisay man duma-gñog kan sakong tigñog asin bumukas kan tata, ako malaog dian sa saiya asin makakan sa kaibahan nia, asin sia sa kaibahan ko.

Rev 3:21 An makadaog totogotan kong tumukao sa kaibahan ko sa sakong tro-no; siring na ako man nakadaog, asin tominukao sa kaibahan nin sakong Ama sa saiyang trono.

Rev 3:22 An igua nin taligña, magdagñog kan ipinagsasabi kan Espiritu sa magña simbahan.



Rev 4:1 Pakatapus kan magña bagay na ini, ako nagtagñad, asin uya, an sarong tata nabukas sa lagñit, asin an enot na tigñog na nadagñog ko, sarong tigñog na siring kan sa trompeta na nagtataram sako, na an sabi, Sakat digdi asin ipapa-hayag ko saimo an magña bagay na kai-puhan mangyari pakatapus kaini.

Rev 4:2 Tolos man ako nasa Espiritu: asin uya, an sarong trono namumugtak sa lagñit, asin an saro na nagtutukao sa trono;

Rev 4:3 Asin an nagtutukao, kun paghili-gñon, nakakaaguid sa sarong gapong jas-pe asin sa sardio: asin may hablondawa-ni sa palibot kan trono, na kun paghili-gñon, nakakaaguid sa esmeralda.

Rev 4:4 Asin sa palibot kan trono igua nin duang polo may apat na trono: asin duman sa magña trono, ako nakahiling nin nagtuturukao na duang polo may apat na magurang, na nagugubigñan nin magña gubing na maputi; asin magña coronang bulawan sa saindang magña payo.

Rev 4:5 Asin duman sa trono naghahale an magña kikilat asin magña tigñog patin magña dagoldol: asin igua nin pitong kalayong ilawan na naglalaad sa atubang kan trono, na iyo an pitong Espiritu nin Dios;

Rev 4:6 Asin sa atubang kan trono garo igua nin sarong dagat na salming na naka­kaaguid sa cristal; asin sa tahao kan trono, asin sa palibot kan trono, igua nin apat na buhay na hayop na pano nin magña mata sa atubagñan asin sa likod.

Rev 4:7 Asin an enot na hayop kabaing nin leon, asin an ikaduang hayop kabaing nin vacang ogbon, asin an ikatolong hayop iguang lalauogon na siring sa tauo, patin an ikaapat na hayop kabaing nin naglalayog na aguila.

Rev 4:8 Asin idtong apat na buhay na ha­yop, na igua nin anom na pakpak an lambang saro sa sainda, pano nin magña mata sa palibot asin sa laog: asin sinda dai nin pahigñalo bangui-aldao, na nag-sasarabi, Banal, banal, banal, an Kaguran-gnan na Dios, an Mapangyari sa gabos, na iyo kaidto asin gñunian patin an madatong.

Rev 4:9 Asin kun an magña buhay na hayop tumao nin kamurawayan asin kagala-gñan patin pasalamat sa nagtutukao sa trono, sa saiya na nabubuhay sagkod lamang,

Rev 4:10 Dagñan an duang polo may apat na magurang malaob sa atubang kan nagtu-tukao sa trono, asin masamba saiya na nabubuhay sagkod lamang, patin ma-apon kan saindang magña corona sa atu­bang kan trono, na magsasabi,

Rev 4:11 Agñay ka, samong Kagurangnan asin samong Dios, na magako kan kamu-rawayan asin kan kagalagñan patin kan kapangyarihan: huli ta ika an naglalang kan gabos na bagay, asin huli kan sai-mong kabotan sinda lominuas asin lina-lang.



Rev 5:1 Asin ako nakahiling sa toong kamot kan nagtutukao sa trono nin sarong libro na nasusuratan sa laog asin sa likod, na napipintoan nin higot nin pitong tanda.

Rev 5:2 Asin ako nakahiling nin makosog na angel na nagbabalagñibog sa halangkao na tigñog, Siisay an agñay na bumuka kan libro, asin tumangkas kan saiyang magña tanda?

Rev 5:3 Asin dai ni saro sa lagñit, o sa daga, ó sa irarom nin daga na nakabuka kan libro, o nakatorohok kaiyan.

Rev 5:4 Asin ako nagtagñis nin makuri, huli ta dai ni saro na nakuang agñay na bumuka kan libro, o tumorohok kaiyan:

Rev 5:5 Asin saro sa magña magurang nag-sabi sako, Dai ka magtagñis; uya, an Leon sa tribu ni Juda, an Gamot ni David, nakadaog na makabuka kan libro asin kan pitong tanda kaiyan.

Rev 5:6 Asin ako nakahiling sa tahao kan trono asin kan apat na buhay na hayop, patin sa tahao kan magña magurang, nin sarong Cordero na nagtitindog, na garo guinadan na, na igua nin pitong sugñay, asin pitong mata, na iyo an pitong Espi-ritu nin Dios, na sinogo sa bilog na daga.

Rev 5:7 Asin sia nagdolok asin kinua nia iyan sa toong kamot kan nagtutukao sa trono.

Rev 5:8 Asin kan makua na nia an libro, an apat na buhay na hayop asin an duang polo may apat na magurang nagralaob sa atubang kan Cordero, na igua an lam-bang saro nin arpa asin mangkong bula-wan na pano nin incienso, na iyo an magña pamibi nin magña banal.

Rev 5:9 Asin sinda nagaawit nin bagong awit, na an sabi, Agñay ka na kumua kan libro, asin na bumuka kan magña tanda kaiyan: huli ta ika guinadan, asin bominakal manogñod sa Dios huli kan sai-mong dugo kan gabos na tribu, asin tataramon, asin banuaan, patin nacion,

Rev 5:10 Asin guinibo mo sinda na mani kahadean asin magña sacerdote manogñod sa satong Dios; asin sinda naghahade sa daga.

Rev 5:11 Asin ako nakahiling, asin nakada-gñog nin tigñog nin dakol na angel sa palibot kan trono asin kan magña buhay na hayop patin kan magña magurang; asin an kabilagñan ninda sampolong ribo na manampolong ribo, asin rinibo na manriboribo;

Rev 5:12 Na nagsasarabi sa halangkao na tigñog, Agñay an Corderong gui­nadan na omako kan kapangya­rihan, asin magña kayamanan, asin kadonogñan, asin kabagsikan, asin kagalagñan, asin kamurawayan, patin kaomawan.

Rev 5:13 Asin an gabos na linalang na nasa lagñit, asin nasa daga, asin nasa irarom nin daga, asin nasa dagat, patin an gabos na bagay na yaon sainda, nadagñog kong nagsasarabi, Sa saiya na nagtutukao sa trono, asin sa Cordero, mapa sainda an kaomawan, asin an kagalagñan, asin an kamurawayan, patin an pagsakop sagkod lamang.

Rev 5:14 Asin an apat na buhay na hayop nagsabi, Auot pa. Asin an magña magu­rang naglaob asin nagsamba.



Rev 6:1 Asin nahiling ko kan an Cordero bumuka kan saro sa pitong tanda, asm nadagñog ko an saro sa apat na buhay na hayop na nagsasabi siring sa tigñog nin dagoldol, Madia.

Rev 6:2 Asin ako naghiling, asin uya, an sarong maputing kabayo, asin an nagña-gñabayo igua nin pana; asin may corona na itinao sa saiya: asin sia lominuas na nandadaog asin mandadaog.

Rev 6:3 Asin kan bukahon nia an ikaduang tanda, nadagñog ko an ikaduang buhay na hayop na nagsasabi, Madia.

Rev 6:4 Asin an saro pang kabayo nagluas, mapulang kabayo: asin sa nagñagñabayo dian itinogot an paghale nin katonino-gñan sa daga, asin na sinda maggarada-nan: asin itinao sa saiya an dakulang minasbad.

Rev 6:5 Asin kan bukahon nia an ikatolong tanda, nadagñog ko an ikatolong buhay na hayop na nagsasabi, Madia. Asin ako naghiling, asin uya, an sarong maitom na kabayo; asin an nagñagñabayo dian igua nin timbagñan sa saiyang kamot.

Rev 6:6 Asin ako nakadagñog nin siring sa sarong tigñog sa tahao kan apat na bu­hay na hayop na nagsasabi, An sarong takad na trigo sa halaga nin sarong dena-rio, asin an tolong takad na cebada sa halaga nin sarong denario; asin an lana asin an arak dai mo pagratakan.

Rev 6:7 Asin kan bukahon nia an ikaapat na tanda, nadagñog ko an tigñog kan ika­apat na buhay na hayop na nagsasabi, Madia.

Rev 6:8 Asin ako naghiling, asin uya, an sarong malungsing kabayo: asin an nagñagñabayo dian igua nin gñaran na Kagadanan; asin an Hades nagsonod saiya. Asin itinao sa sainda an kapangya-rihan sa ikaapat na kabtang kan daga na mangadan sa minasbad, asin sa gotom, asin sa kagadanan, patin sa magña maba-gñis na hayop sa daga.

Rev 6:9 Asin kan bukahon nia an ikalimang tanda, nahiling ko sa irarom kan altar an magña kalag kan magña guinadan huli kan tataramon nin Dios asin huli kan patotoo na saindang kinaptan.

Rev 6:10 Asin sinda nagkurahao sa halang-kao na tigñog, na an sabi, Sagkod noa-rin, O Kagurangnan, na banal asin totoo, na dai mo hohokoman asin sisigñilon an samong dugo sa magña nageerok sa daga?

Rev 6:11 Asin may itinao sa lambang saro sa sainda na maputing gubing; asin isinabi sa sainda, na sinda mapahigñalo pa nin kadikit na panahon, sagkod na an sain­dang magña kapua-oripon man asin an saindang magña tugang, na gagaradanon siring sainda, makaotob na kan saindang paglakao.

Rev 6:12 Asin nahiling ko kan bukasan nia an ikaanom na tanda, asin nangyari an makosog na linog; asin an aldao omini-tom siring sa sopot na balukag, asin an bulan na bilog naguin siring sa dugo;

Rev 6:13 Asin an magña bitoon sa lagñit nagkahorolog sa daga, siring kan magña hilao na bugña nin higuera na naririk-dag kun an higuera nayoyogyog nin ma­kosog na doros.

Rev 6:14 Asin an lagñit nahale siring sa rollo kun linolokot; asin an gabos na bukid asin magña poro nagkaharale sa saindang magña kamugtakan.

Rev 6:15 Asin an magña hade sa daga, asin an magña principe, asin an magña poon na kapitan, asin an magña mayaman, asin an magña makosog, patin an gabos na oripon asin magña hiwas, nagtarago sa magña logñib asin sa magña gapo nin kabukidan;

Rev 6:16 Asin sinda nagsasarabi sa magña bukid asin sa magña gapo, Rumpagui kami nindo, asin tagoa kami nindo sa lalauogon kan nagtutukao sa trono, asin sa kaangotan kan Cordero:

Rev 6:17 Huli ta an dakulang aldao kan sain­dang kaangotan nagdatong na; asin siisay an makakatagal?



Rev 7:1 Pakatapus kaini ako nakahiling nin apat na angel na nagtitindog sa apat na canto kan daga, na nagpopogol kan apat na doros nin daga, tagñaning dai nin doros na maghoyop sa daga, ó sa dagat, ó sa arin man na kahoy.

Rev 7:2 Asin ako nakahiling nin saro pang angel na nagsakat hale sa siragñan, na igua kan tanda kan Dios na buhay: asin sa halangkao na tigñog sia nagkurahao sa apat na angel na tinogotan na magra-tak kan daga asin kan dagat,

Rev 7:3 Na an sabi, Dai nindo pagratakan an daga, ni an dagat, ni an magña kahoy, sagkod na matandaan mi na sa agñog an magña oripon nin satong Dios.

Rev 7:4 Asin nadagñog ko an kabilagñan kan magña tinandaan, sangatos may apat na polo may apat na ribo, na tinan­daan hale sa gabos na tribu kan magña aki ni Israel:

Rev 7:5 Sa tribu ni Juda kagduang ribo an tinandaan; Sa tribu ni Ruben kagduang ribo; Sa tribu ni Gad kagduang ribo;

Rev 7:6 Sa tribu ni Aser kagduang ribo; Sa tribu ni Neftali kagduang ribo; Sa tribu ni Manases kagduang ribo;

Rev 7:7 Sa tribu ni Simeon kagduang ribo; Sa tribu ni Levi kagduang ribo; Sa tribu ni Isacar kagduang ribo;

Rev 7:8 Sa tribu ni Zabulon kagduang ribo; Sa tribu ni Jose kagduang ribo; Sa tribu ni Benjamin kagduang ribo an tinandaan.

Rev 7:9 Pakatapus kan magña bagay na ini ako naghiling, asin uya, an sarong daku-lang kadaklan, na dai nin siisay man na makakabilang, hale sa gabos na nacion, asin sa gabos na tribu asin magña banua-an patin magña tataramon, na nagtiti-rindog sa atubang kan trono asin sa atu­bang kan Cordero, na nagugubigñan nin magña maputing gubing, asin iguang magña palma sa saindang magña kamot;

Rev 7:10 Asin sinda nagkukururahao sa halangkao na tigñog, na nagsasarabi, An pagligtas mapa sa satong Dios na nagtutukao sa trono, asin mapa sa Cordero.

Rev 7:11 Asin an gabos na angel nagtitirin-dog sa palibot kan trono, asin sa palibot kan magña magurang asin kan apat na buhay na hayop; asin sinda nagralaob sa atubang kan trono, asin nagsaramba sa Dios,

Rev 7:12 Na an sabi, Auot pa: An kaomawan, asin kamurawayan, asin kadonogñan, asin pasalamat, asin kagalagñan, asin kapangyarihan, patin kabag-sikan mapa sa satong Dios sagkod lamang. Auot pa.

Rev 7:13 Asin an saro sa magña magurang nagsimbag, na an sabi sako, An magña ini na nagugubigñan nin magña mapu­ting gubing, saisay sinda, asin saen sinda nagharale?

Rev 7:14 Asin ako nagsabi saiya, Kaguran-gnan ko, ika nakakaaram. Asin sia nag­sabi sako, An magña ini iyo an nagharale sa dakulang kahorasaan, asin sinda nag-hugas kan saindang magña gubing, asin nagpaputi kaiyan sa dugo kan Cordero.

Rev 7:15 Kaya sinda yaon sa atubang kan trono nin Dios; asin sinda naglilingkod saiya bangui-aldao sa saiyang templo: asin an nagtutukao sa trono mabiklad kan saiyang tabernaculo sa ibabao nin-da.

Rev 7:16 Dai na nangad sinda magogotom, ni mapapaha pa; dai na sinda tatamaan kan aldao, ni kan anoman na init:

Rev 7:17 Huli ta an Cordero na nasa tahao kan trono iyo an manini pastor ninda, asin madara sainda sa magña burabod nin magña tubig nin buhay: asin an Dios mapahid kan gabos na luha sa saindang magña mata.



Rev 8:1 Asin kan bukahon nia an ikapitong tanda, nangyari na ominontok an anoman na tanog sa lagñit sa laog nin kabagñang oras.

Rev 8:2 Asin nahiling ko an pitong angel na nagtitindog sa atubang nin Dios; asin may itinao sa sainda na pitong trom-peta.

Rev 8:3 Asin saro pang angel nagdatong, asin nagtindog sa ibabao kan altar na may bulawan na incensario; asin may itinao sa saiya na dakol na incienso tagñaning idagdag nia iyan sa magña pamibi kan gabos na banal sa ibabao kan altar na bulawan na nasa atubang kan trono.

Rev 8:4 Asin an aso kan incienso, kaiba kan magña pamibi kan magña banal, nagitaas sa atubang nin Dios hale sa kamot kan angel.

Rev 8:5 Asin kinua kan angel an incensario; asin pinano nia idto kan kalayo sa altar, asin inapon idto sa daga: asin nangyari an magña dagoldol, asin magña tigñog, asin magña kikilat, patin an linog.

Rev 8:6 Asin an pitong angel na igua kan pitong trompeta nagarandam sa pagpa-tanog.

Rev 8:7 Asin an enot nagpatanog, asin nago-ran nin hielo asin kalayo, na may kasa-lak na dugo, asin iyan naghogpa sa daga: asin an ikatolong kabtang kan daga nasolo, asin an ikatolong kabtang kan magña kahoy nasolo, patin an gabos na hilao na doot nasolo.

Rev 8:8 Asin an ikaduang angel nagpatanog, asin sarong siring sa dakulang bukid na naglalaad nin kalayo naholog sa dagat: asin an ikatolong kabtang kan dagat naguin dugo;

Rev 8:9 Asin nagadan an ikatolong kabtang kan magña linalang na nasa dagat, an magña igua nin buhay; asin an ikatolong kabtang kan magña sakayan naraot.

Rev 8:10 Asin an ikatolong angel nagpata­nog, asin may naholog hale sa lagñit na dakulang bitoon, na naglalaad siring sa karaba, asin iyan naholog sa ikatolong kabtang kan magña salog, asin sa magña burabod nin magña tubig;

Rev 8:11 Asin an gñaran kan bitoon inaapod Ajenjo: asin an ikatolong kabtang kan magña tubig naguin ajenjo; asin dakol na tauo an nagadan kan magña tubig, huli ta iyan naguin magña mapait.

Rev 8:12 Asin an ikaapat na angel nagpata­nog, asin tinamaan an ikatolong kabtang kan aldao, asin an ikatolong kabtang kan bulan, patin an ikatolong kabtang kan magña bitoon; tagñaning domiklom an ikatolong kabtang ninda, asin an ika­tolong kabtang nin aldao dai magliwa-nag, asin siring man an bangui.

Rev 8:13 Asin ako nakahiling, asin ako nakadagñog nin sarong aguila na naglalayog sa tahao nin lagñit, na nagsasabi sa halangkao na tigñog, Herak man, herak man, herak man, kan magña nageerok sa daga, huli kan magña tigñog kan trom-peta kan tolong angel na mapatanog pa.



Rev 9:1 Asin an ikalimang angel nagpata­nog, asin ako nakahiling nin sarong bitoon na naholog sa daga hale sa lagñit: asin itinao sa saiya an llave kan hararom na bogñao;

Rev 9:2 Asin binukasan nia an hararom na bogñao; asin may ominitaas na aso hale sa bogñao siring kan aso nin sarong da­kulang horno; asin dominiklom an aldao asin an doros huli kan aso kan bogñao.

Rev 9:3 Asin hale sa aso nagluas sa daga an magña doron; asin tinawan sinda nin kapangyarihan, siring na an magña oyang sa daga igua nin kapangyarihan.

Rev 9:4 Asin ipinagboot sainda na dai mag-ratak kan doot sa daga, ni kan arin man na hilao na bagay, ni kan arin man na kahoy, kundi kan magña tauo sana na dai kan tanda nin Dios sa saindang magña agñog.

Rev 9:5 Asin ipinagboot sainda na dai ninda sinda paggadanon, kundi na pasakitan nin limang bulan: asin an pasakit sainda siring kan pasakit kan oyang, kun iyan minasogod sa tauo.

Rev 9:6 Asin sa magña aldao na iyan an magña tauo maghahanap nin kagadanan, asin sa anoman na paagui dai ninda makukua iyan; asin sinda magmamawot na magadan, asin an kagadanan mag-dudulag sainda.

Rev 9:7 Asin an hechura kan magña doron siring sa magña kabayo na inandam sa pakilaban; asin sa saindang magña payo may magña garo coronang bulawan, asin an saindang magña lalauogon siring sa lalauogon nin magña tauo.

Rev 9:8 Asin sinda igua nin magña bohok na siring kan bohok nin magña babae: asin an saindang magña gñipon siring kan magña gñipon nin magña leon.

Rev 9:9 Asin sinda igua nin magña takop sa daghan, na siring sa magña batbat na takop sa daghan; asin an ragobnob kan saindang magña pakpak siring kan ragot nin magña carruaje nin dakol na kabayo na nagdadaralagan pasiring sa ralaban.

Rev 9:10 Asin sinda may magña ikog na si­ring kan sa magña oyang, asin igua nin magña sogod; asin nasa saindang magña ikog an kapangyarihan sa pagkolog sa magña tauo sa laog nin limang bulan.

Rev 9:11 Asin an bilang hade ninda iyo an angel kan bogñao: an saiyang gñaran sa Hebreo Abaddon, asin sa Griego Apo-lyon.

Rev 9:12 An enot na Herak man nakalihis na: uya, pakalihis kaini madatong pa an duang Herak man.

Rev 9:13 Asin an ikaanom na angel nagpa­tanog, asin ako nakadagñog nin sarong tigñog hale sa magña sugñay kan altar na bulawan na nasa atubang nin Dios,

Rev 9:14 Na nagsasabi sa ikaanom na angel na igua kan trompeta, Hubade an apat na angel na nagagapos dian sa dakulang salog na Eufrates.

Rev 9:15 Asin hinubadan an apat na angel, na inandam manogñod sa oras asin sa aldao asin bulan patin taon, na sinda mangadan kan ikatolong kabtang nin magña tauo.

Rev 9:16 Asin an kabilagñan kan magña hukbo kan magña parakabayo iguang duang manampolong ribo na manoro-sampolong ribo: nadagñog ko an kabi­lagñan ninda.

Rev 9:17 Asin siring kaiyan an pagkahiling ko kan magña kabayo sa pagñatorogan, asin kan magña nagñagñabayo sainda, na igua nin magña takop sa daghan na siring sa kalayo asin sa jacinto patin sa azufre: asin an magña payo kan magña kabayo siring kan magña payo nin magña leon; asin sa saindang magña gñoso nagluluas an kalayo asin aso patin azufre.

Rev 9:18 Huli kaining tolong damat nagadan an ikatolong kabtang nin magña tauo, huli kan kalayo asin kan aso patin kan azufre, na nagluluas sa saindang magña gñoso.

Rev 9:19 Huli ta an kapangyarihan kan magña kabayo nasa saindang gñoso asin sa saindang magña ikog: huli ta an sain­dang magña ikog nakakaaguid sa magña halas, asin igua nin magña payo; asin huli kaiyan sinda nagñogñolog.

Rev 9:20 Asin an natada sa magña tauo na dai nagkagaradan kaining magña damat, dai pa guiraray nagsorolsol kan magña guibo nin saindang magña kamot, na sinda dai na magsaramba sa magña demonio, asin sa magña ladawan na bulawan, asin pirak, asin kalongkaki, asin gapo, patin kahoy; na dai nakakahi-ling, ni nakakadagñog, ni nakakalakao;

Rev 9:21 Asin sinda dai nagsorolsol kan sain­dang magña paggadan, ni kan saindang magña pagsalamangka, ni kan saindang pagsambay, ni kan saindang magña pag-habon.



Rev 10:1 Asin ako nakahiling nin saro pang makosog na angel na naghihilig hale sa lagñit, na nagugubigñan nin pa-gñanoron; asin an hablondawani nasa saiyang payo, asin an saiyang lalauogon siring sa aldao, asin an saiyang magña bitis siring sa magña harigueng kalayo;

Rev 10:2 Asin sia igua sa saiyang kamot nin sadit na librong nabibiklad: asin ibina-tay nia sa dagat an too niang bitis, asin an wala sa daga;

Rev 10:3 Asin sia nagkurahao sa halangkao na tigñog, siring sa leon na naggñagñarob: asin kan sia kumurahao, an pitong dagoldol nagpaluas kan saindang magña tigñog.

Rev 10:4 Asin kan an pitong dagoldol puma-luas kan saindang magña tigñog, ako magsusurat na kutana; asin ako naka­dagñog nin tigñog hale sa lagñit na nagsasabi, Hilomon mo an magña bagay na itinaram kan pitong dagoldol, asin dai mo iyan ipagsurat.

Rev 10:5 Asin an angel na nahiling kong nag-titindog sa dagat asin sa daga, nagitaas kan saiyang toong kamot pa lagñit,

Rev 10:6 Asin nagsumpa huli saiya na nabu-buhay sagkod lamang, na naglalang kan lagñit asin kan magña bagay na yaon dian, asin kan daga asin kan magña bagay na yaon dian, patin kan dagat asin kan magña bagay na yaon dian, na dai nanin pagabala:

Rev 10:7 Alagad sa magña aldao kan tigñog kan ikapitong angel, kun sia mapatanog na, dagñan matatapus an tagong-hilom nin Dios, sono sa marahay na bareta na saiyang ipinahayag sa saiyang magña oripon na magña profeta.

Rev 10:8 Asin an tigñog na nadagñog ko hale sa lagñit, nadagñog ko liwat na nagtata-ram sako, na an sabi, Lakao, kuaa an libro na nabibiklad sa kamot kan angel na nagtitindog sa dagat asin sa daga.

Rev 10:9 Asin ako nagduman sa angel, asin nagsabi saiya na itao nia sa sako an sadit na libro. Asin sia nagsabi sako, Kuaa, asin kakana iyan; asin iyan mapapait kan saimong tulak, alagad sa saimong gñoso iyan manini mahamis siring sa dogos.

Rev 10:10 Asin kinua ko an sadit na libro sa kamot kan angel, asin kinakan ko iyan; asin sa sakong gñoso idto mahamis siring sa dogos: asin kan makakan ko na idto, an sakong tulak naguin mapait.

Rev 10:11 Asin sinda nagsabi sako, Kaipuhan na ika maghula liwat sa dakol na banua-an asin magña nacion asin magña tata-ramon patin magña hade.



Rev 11:1 Asin may itinao sa sako na gaho na kabaing nin sarong sogkod: asin saro nagsabi, Tindog, asin sokola an templo nin Dios, asin an altar, patin an magña nagsasamba dian.

Rev 11:2 Asin an patio sa luas kan templo pabayaan mo sa luas, asin dai mo pagso-kolon, huli ta iyan itinao na sa magña nacion: asin an mahal na ciudad babata-yan ninda sa laog nin apat na polo may duang bulan.

Rev 11:3 Asin totogotan ko an sakong duang saksi, asin sinda maghuhula sa laog nin sangribo may duang gatos may anom na polong aldao, na maggugubing nin magaspang.

Rev 11:4 Ini iyo an duang kahoy na oliva asin an duang candelero, na nagtitindog sa atubang kan Kagurangnan nin daga.

Rev 11:5 Asin kun an siisay man magmawot na kumolog sainda, maluas an kalayo sa saindang gñoso asin matotong kan saindang magña kaiwal; asin kun an siisay man magmawot na kumolog sain­da, kaipuhan na sia gadanon nin siring.

Rev 11:6 An magña ini may kapangyarihan sa pagpinto kan lagñit, na dai magoran sa magña aldao nin saindang paghula: asin sinda may kapangyarihan sa magña tubig sa pagguibo kaiyan na mani dugo, asin sa paghampak sa daga nin gabos na damat, minsan makapira na booton ninda.

Rev 11:7 Asin kun matapus na ninda an sain­dang pagpatotoo, an hayop na masa-kat hale sa bogñao makikilaban sainda, asin madaog sainda, patin magadan sainda.

Rev 11:8 Asin an saindang magña bangkay mahuhutad sa lansagñan kan dakuiang ciudad, na sa espiritu inaapod Sodoma asin Egipto, na dian man an saindang Kagurangnan ipinako sa cruz.

Rev 11:9 Asin hale sa magña banuaan asin magña tribu asin magña tataramon patin magña nacion, an magña tauo maghihi-ling kan saindang magña bangkay sa tolong aldao may kabagña, asin dai matogot na an saindang magña bangkay ilobong.

Rev 11:10 Asin an magña nageerok sa daga magoorogma dapit sainda, asin mara-ragña; asin magpapataraotao nin magña regalo; huli ta ining duang profeta nag-purisao kan magña nageerok sa daga.

Rev 11:11 Asin pakalihis kan tolong aldao may kabagña an hinagños nin buhay hale sa Dios lominaog sa sainda, asin sinda tominindog; asin nagdatong an dakuiang takot sa magña nakahiling sainda.

Rev 11:12 Asin sinda nakadagñog nin halang-kao na tigñog hale sa lagñit na nagsasabi sainda, Sakat kamo digdi. Asin sinda nagsakat sa lagñit sa pagñanoron; asin nahiling sinda kan saindang magña kaiwal.

Rev 11:13 Asin kan oras na iyan, nangyari an makosog na linog, asin an ikasampolong kabtang kan ciudad nagaba; asin an nag-kagaradan sa linog pitong ribo katauo: asin an iba nagkakurubhanan, asin nag-pamururaway sa Dios nin lagñit.

Rev 11:14 An ikaduang Herak man nakalihis na: uya, an ikatolong Herak man mada-tong tolos man.

Rev 11:15 Asin an ikapitong angel nagpata­nog; asin nagsonod an haralangkao na tigñog sa lagñit, asin sinda nagsabi, An kahadean kan kinaban naguin kahadean kan satong Kaguran-gñan, asin kan saiyang Cristo: asin sia maghahade sagkod laman.

Rev 11:16 Asin an duang polo may apat na magurang na nagtuturukao sa saindang magña trono sa atubang nin Dios, nagra-laob asin nagsaramba sa Dios,

Rev 11:17 Naan sabi, Kami nagpapasalamat saimo, O Kagurangnan na Dios, na Mapang-yari sa gabos, na iyo gñunian asin kaidto; huli ta ika nagkamit kan saimong dakulang kapangyarihan, asin naghade.

Rev 11:18 Asin an magña nacion nagkaaran-got, asin an saimong kaangotan nagdatong, asin an panahon sa paghokom sa magña gadan, asin an panahon sa pagtao kan balos sa saimong magña oripon na ma­gña profeta, asin sa magña banal, patin sa magña natatakot sa sai­mong gñaran, an saradit asin an darakula: asin an panahon sa paglaglag kan magña naglalaglag kan daga.

Rev 11:19 Asin an templo nin Dios na nasa lagñit nabukas; asin nahiling sa saiyang templo an kaban kan saiyang tipan; asin nangyari an magña kikilat, asin magña tigñog, asin magña dagoldol, asin linog, patin darakulang oran na hielo.



Rev 12:1 Asin an sarong dakulang tanda nahiling sa lagñit: sarong babae na nagugubigñan kan aldao, asin an bulan sa irarom kan saiyang magña bitis, asin sa saiyang payo sarong corona na igua nin kagduang bitoon;

Rev 12:2 Asin sia bados; asin sia nagkukura-hao, huling pinoporosan, asin nakokolo-gan huli kan pagaaki.

Rev 12:3 Asin nahiling an saro pang tanda sa lagñit: asin uya, an sarong dakulang mapulang dragon, na igua nin pitong payo asin sampolong sugñay, asin sa sai­yang magña payo igua nin pitong co­rona.

Rev 12:4 Asin an saiyang ikog naggogoyod kan ikatolong kabtang kan magña bitoon sa lagñit, asin itinapok nia iyan sa daga: asin an dragon nagtitindog sa atubang kan babae na nasa pagñaki, tagñaning halonon nia an aki kun mamundag na.

Rev 12:5 Asin sia nagñaki nin aking lalaki, na maghahade kan gabos na nacion sa sogkod na batbat: asin an saiyang aki inagao pasiring sa Dios, asin sa saiyang trono.

Rev 12:6 Asin an babae nagdulag pasiring sa kapatagan, saen igua sia nin lugar na inandam nin Dios, tagñaning duman sia atamanon ninda sa laog nin sangribo may duang gatos may anom na polong aldao.

Rev 12:7 Asin nangyari an ralaban sa lagñit: si Miguel asin an saiyang magña angel nagruluas sa pakilaban sa dragon; asin an dragon asin an saiyang magña angel nakilaban.

Rev 12:8 Asin sinda dai nakadaog, minsan an saindang kamugtakan dai na nakua sa lagñit.

Rev 12:9 Asin hinolog an dakulang dragon, an gurang na halas, an inaapod Diablo asin Satanas, an paradaya sa bilog na kinaban; sia hinolog sa daga asin an sai­yang magña angel hinolog sa kaibahan nia.

Rev 12:10 Asin ako nakadagñog nin halang-kao na tigñog sa lagñit, na an sabi, Gñunian nagdatong na an kaligta-san, asin an kapangyarihan, asin an kahadean nin satong Dios, patin an kabagsikan kan saiyang Cristo: huli ta an parasombong kan satong magña tugang hinolog na, an nagsosombong sainda sa atubang nin satong Dios bangui-aldao.

Rev 12:11 Asin sia nadaog ninda huli kan dugo kan Cordero, asin huli kan tatara-mon nin saindang patotoo; asin sinda dai namoot sa saindang buhay minsan sagkod sa kagada-nan.

Rev 12:12 Kaya magorogma kamo, O kalagñi-tan, asin kamo na nageerok dian. Herak man kan daga asin kan dagat: huli ta an diablo hominilig na dian sa saindo, na igua nin dakulang kaangotan, sa pakaaram na sia igua nin kadikit sanang panahon.

Rev 12:13 Asin kan mahiling kan dragon na sia hinolog sa daga, linamag nia an babae na nagñaki kan aking lalaki.

Rev 12:14 Asin itinao sa babae an duang pak-pak kan dakulang aguila, tagñaning sia lumayog pasiring sa kapatagan sa sai-yang lugar, na saen sia pinagataman sa sarong panahon, asin magña panahon, patin kabagñang panahon, bulag sa ha-las.

Rev 12:15 Asin an halas pominaluas sa sai-yang gñoso sa likodan kan babae nin tubig na siring sa sarong salog, tagñaning ikapaanod nia sia kan solog.

Rev 12:16 Asin an daga tominabang sa babae, asin binuka kan daga an saiyang gñoso, asin hinalon kaiyan an salog na lominuas sa gñoso kan dragon.

Rev 12:17 Asin an dragon naangot nin makuri sa babae, asin nagluas sa pakilaban tumang sa magña natada kan saiyang banhi, na nagootob kan magña togon nin Dios, asin namomogol sa patotoo ni Jesus: asin sia nagtindog sa baybayon nin dagat.



Rev 13:1 Asin ako nakahiling nin sarong hayop na nagtutugña sa dagat, na igua nin sampolong sugñay asin pitong payo, asin sa saiyang magña sugñay igua nin sampolong corona, asin sa saiyang magña payo magña gñaran nin langhad.

Rev 13:2 Asin an hayop na nahiling ko siring sa leopardo, asin an saiyang magña bitis siring kan sa oso, asin an saiyang gñoso siring kan gñoso nin leon: asin itinao sa saiya kan dragon an saiyang kapangyari-han, asin an saiyang trono, patin an dakulang kabagsikan.

Rev 13:3 Asin nahiling ko an saro kan saiyang magña payo na garo linugad sagkod sa kagadanan; asin an saiyang lugad na makakagadan naomayan: asin an bilog na daga naggñalas dapit kan hayop;

Rev 13:4 Asin sinda nagsaramba sa dragon, huli ta itinao nia an saiyang kapang-yarihan sa hayop; asin sinda nagsaramba sa hayop, na an sabi, Siisay an nakaka-baing sa hayop? asin siisay an makaka-pakilaban saiya?

Rev 13:5 Asin itinao sa saiya an gñoso na nagtataram nin darakulang bagay asin magña langhad; asin itinogot saiya an kapangyarihan sa pagpadagos sa laog nin apat na polo may duang bulan.

Rev 13:6 sin binuka nia an saiyang gñoso sa paglanghad tumang sa Dios, sa paglang-had tumang sa saiyang gñaran, asin sa saiyang tabernaculo, patin sa magña nageerok sa lagñit.

Rev 13:7 Asin itinogot saiya na makilaban tumang sa magña banal, asin makadaog sainda: asin itinogot saiya an kapang­yarihan sa gabos na tribu asin magña banuaan asin magña tataramon patin magña nacion.

Rev 13:8 Asin an gabos na nageerok sa daga masamba saiya, an gabos na an saindang magña gñaran, magpoon kan paglalagña kan kinaban, dai ikinasurat sa libro nin buhay kan Cordero na guinadan.

Rev 13:9 Kun an siisay man igua nin taligña, sia magdagñog.

Rev 13:10 Kun an siisay man oyon sa pagka-bihag, sia maduman sa pagkabihag: kun an siisay man gumadan sa minasbad, kaipuhan man na sa minasbad sia gada-non. Uya digdi an pakatios asin an pagtubod kan magña banal.

Rev 13:11 Asin ako nakahiling nin saro pang hayop na nagluluas hale sa daga; asin sia igua nin duang sugñay siring sa cor­dero, asin sia nagtaram siring sa dragon.

Rev 13:12 Asin sia naggagamit kan bilog na kapangyarihan kan enot na hayop sa atubang nia. Asin guiniguibo nia an daga asin an magña nageerok dian na magsamba kan enot na hayop, na an saiyang lugad na makakagadan naoma­yan.

Rev 13:13 Asin sia nagguiguibo nin daraku­lang tanda, mala ta sia nakakapahilig nin kalayo sa daga hale sa lagñit sa atubang nin magña tauo.

Rev 13:14 Asin sia nagdadaya sa magña nage-erok sa daga huli kan magña tanda na itinogot na maguibo nia sa atubang kan hayop; na nagsasabi sa magña nageerok sa daga, na sinda magguibo nin ladawan kan hayop na igua kan lugad nin minas-bad asin nabuhay.

Rev 13:15 Asin itinogot saiya an pagtao nin guinhawa sa ladawan, an ladawan kan hayop, tagñaning an ladawan kan hayop makataram, asin makagadan kan gabos na dai magsamba sa ladawan kan hayop.

Rev 13:16 Asin guiniguibo nia an gabos, an saradit asin an darakula, an magña mayaman asin magña dukha, asin an magña hiwas asin an magña gapos, na tawan sinda nin tanda sa saindang toong kamot, ó sa saindang agñog;

Rev 13:17 Asin tagñaning dai nin siisay man na makapagbakal ó makapagpabakal, kundi an igua sana kan tanda, an gñaran kan hayop ó an kabilagñan kan saiyang gñaran.

Rev 13:18 Uya digdi an kadonogñan. An igua nin pakasabot, bilagñon nia an kabilagñan kan hayop: huli ta iyo iyan an kabilagñan nin sarong tauo: asin an saiyang kabilagñan Anom na gatos may anom na polo may anom.



Rev 14:1 Asin ako naghiling, asin uya, an Cordero nagtitindog sa bukid nin Sion, asin sa kaibahan nia an sangatos may apat na polo may apat na ribo, na igua kan saiyang gñaran, asin kan gñaran kan saiyang Ama, na nasusurat sa sain­dang magña agñog.

Rev 14:2 Asin ako nakadagñog nin tigñog hale sa lagñit, siring sa tigñog nin dakol na magña tubig, asin siring sa tigñog nin makosog na dagoldol: asin an tigñog na nadagñog ko siring kan tigñog kan magña paraarpa na nagaarpa:

Rev 14:3 Asin sinda garong nagaawit nin sarong bagong awit sa atubang kan trono, asin sa atubang kan apat na buhay na hayop asin kan magña magu-rang: asin dai nin siisay man na nakano-od kan awit kundi an sangatos may apat na polo may apat na ribo, idtong magña binakal hale sa daga.

Rev 14:4 An magña ini iyo an dai nagkadirig-taan nin magña babae; huli ta sinda ma­gña mabini. An magña ini iyo an nagso-nodsonod sa Cordero saen man sia padu-man. An magña ini binakal hale sa magña tauo, na mani magña tinagba manogñod sa Dios asin manogñod sa Cordero.

Rev 14:5 Asin sa saindang gñoso dai nin nakuang putik: sinda dai nin kaninan.

Rev 14:6 Asin ako nakahiling nin saro pang angel na naglalayog sa tahao nin lagñit, na igua nin daing katapusan na marahay na bareta na ipagbabalagñibog sa magña nageerok sa daga, asin sa gabos na nacion asin tribu asin tataramon patin banuaan;

Rev 14:7 Asin sia nagsasabi sa halangkao na tigñog, Matakot kamo sa Dios, asin magtao sa saiya nin kamurawayan; huli ta an oras nin saiyang paghokom nag-datong na: asin magsamba kamo sa kag-lalang kan lagñit asin kan daga asin dagat patin magña burabod nin magña tubig.

Rev 14:8 Asin saro pa, an ikaduang angel, nagsonod, na an sabi, Naholog na, naho-log na an dakulang Babilonia, na nagpai-nom sa gabos na nacion kan arak nin kaangotan kan saiyang pagsambay.

Rev 14:9 Asin saro pang angel, an ikatolo, nagsonod sainda, na nagsasabi sa halang­kao na tigñog, Kun an siisay man nagsa-samba kan hayop asin kan saiyang lada­wan, asin nagaako nin tanda sa saiyang agñog, ó sa saiyang kamot,

Rev 14:10 Sia man mainom kan arak nin kaangotan nin Dios, na inandam na daing salak sa copa nin saiyang kaango­tan; asin sia pasasakitan sa kalayo asin azufre sa atubang kan magña banal na angel, asin sa atubang kan Cordero:

Rev 14:11 Asin an aso kan saindang kasaki-tan magñtaas sagkod lamang; asin an magña nagsasamba kan hayop asin kan saiyang ladawan dai nin kapahigñaloan bangui-aldao, asin an nagaako kan tanda kan saiyang gñaran.

Rev 14:12 Uya digdi an pakatios kan magña banal, an magña nagootob kan magña togon nin Dios asin kan pagtubod ni Jesus.

Rev 14:13 Asin ako nakadagñog nin tigñog hale sa lagñit na nagsasabi, Isurat mo, Paladan an magña gadan na nagagadan sa Kagurangnan magpoon gñunian: oho, olay kan Espiritu, tagñaning sinda maka-pahigñalo sa saindang magña pagpagal; huli ta an saindang magña guibo minaso-nod sainda.

Rev 14:14 Asin ako naghiling, asin uya, an sarong pagñanoron na maputi; asin sa ibabao kan pagñanoron ako nakahiling nin sarong nagtutukao na nakakaaguid sa aki nin tauo, na igua sa saiyang payo nin coronang bulawan, asin sa saiyang kamot igua nin sarong matarom na tig-pas.

Rev 14:15 Asin saro pang angel nagluas sa templo, na nagkukurahao sa halangkao na tigñog sa nagtutukao sa ibabao kan pagñanoron, Aponan an saimong tigpas, asin magani ka: huli ta an oras sa paga-ni nagdatong na; huli ta an anihon nin daga hinog na.

Rev 14:16 Asin inapon sa daga kan nag­tutukao sa ibabao kan pagñanoron an saiyang tigpas, asin an daga naani-han.

Rev 14:17 Asin saro pang angel nagluas sa templo na nasa lagñit, sia man igua nin matarom na tigpas.

Rev 14:18 Asin saro pang angel nagluas sa altar, sia na igua nin kapangyarihan sa kalayo; asin sia nagapod sa halangkao na tigñog sa igua kan matarom na tigpas, na an sabi, Aponan an saimong matarom na tigpas, asin gonoa an magña bagui-koy kan magña uvas nin daga; huli ta an saiyang magña uvas hinog na.

Rev 14:19 Asin inapon kan angel an saiyang tigpas sa daga, asin guinono an magña bugña nin daga, patin ilinaog sa liguisan nin uvas, sa dakulang liguisan kan ka­angotan nin Dios.

Rev 14:20 Asin an liguisan binatayan sa luas kan ciudad, asin may nagluas na dugo sa liguisan, na nakasagkod sa magña bosal kan magña kabayo, sa rayo na may tolong gatos may duang polong kilo-metro.



Rev 15:1 Asin ako nakahiling nin saro pang tanda sa lagñit, dakula asin ma-kagñagñalas, pitong angel na may pi­tong damat, na iyo an magña huri, huli ta dian matatapus an kaangotan nin Dios.

Rev 15:2 Asin ako nakahiling nin sarong garo dagat na salming na may salak na kala­yo; asin an magña nakadaog kan hayop, asin kan saiyang ladawan, patin kan kabilagñan kan saiyang gñaran, nagti-tindog sa kataed kan dagat na salming, na may magña arpa nin Dios.

Rev 15:3 Asin sinda nagaarawit kan awit ni Moises na oripon nin Dios, asin kan awit kan Cordero, na an sabi, Dakula asin makagñagñalas an sai­mong magña guibo, Kagurangnan na Dios, na Mapangyari sa gabos; matanos asin totoo an saimong magña dalan, ika na Hade nin magña panahon.

Rev 15:4 Siisay an dai matatakot, O Kagu­rangnan, asin dai magpapamura-way kan saimong gñaran? huli ta ika sana an banal; huli ta an gabos na nacion madorolok asin masa-ramba sa atubang mo; huli ta an saimong magña matanos na guibo ipinahayag na.

Rev 15:5 Asin pakatapus kan magña bagay na ini, ako naghiling, asin an templo kan tabernaculo nin patotoo sa lagñit nabu-kas;

Rev 15:6 Asin nagluas sa templo an pitong angel na igua kan pitong damat, asin nagugubigñan nin mahalagang gapo, malinig asin nagkikintab, asin nabobog-kos an saindang magña daghan nin magña hagkos na bulawan.

Rev 15:7 Asin saro sa apat na buhay na hayop tominao sa pitong angel nin pitong mangkong bulawan, na parano kan kaangotan nin Dios, na nabubuhay sagkod lamang.

Rev 15:8 Asin an templo napano nin aso hale sa kamurawayan nin Dios, asin hale sa saiyang kapangyarihan; asin dai nin siisay man na nakalaog sa templo, sag­kod na natapus an pitong damat kan pitong angel.



Rev 16:1 Asin ako nakadagñog nin halang-kao na tigñog hale sa templo, na nagsasabi sa pitong angel, Paduman kamo, asin iola nindo sa daga an pitong mangko nin kaangotan nin Dios.

Rev 16:2 Asin an enot nagduman, asin nagola kan saiyang mangko sa daga; asin idto naguin maraot asin magabat na lugad sa magña tauo na igua kan tanda kan ha-yop, asin nagsamba kan saiyang ladawan.

Rev 16:3 Asin an ikadua nagola kan saiyang mangko sa dagat; asin idto naguin dugo siring kan sa gadan na tauo; asin naga-dan an gabos na buhay na kalag, an magña bagay na nasa dagat.

Rev 16:4 Asin an ikatolo nagola kan saiyang mangko sa magña salog, asin sa magña burabod nin magña tubig; asin idto naguin dugo.

Rev 16:5 Asin nadagñog ko an angel kan ma­gña tubig na nagsasabi, Ika matanos, ika na iyo gñunian asin kaidto, ika na Banal, huli ta ika naghokom nin siring:

Rev 16:6 Huli ta sinda nagpabolos kan dugo nin magña banal asin magña profeta, asin ika an nagpainom sainda nin dugo: sinda agñay.

Rev 16:7 Asin nadagñog ko an altar na nag­sasabi, Oho, O Kagurangnan na Dios, na Mapangyari sa gabos, totoo asin mata­nos an saimong magña paghokom.

Rev 16:8 Asin an ikaapat nagola kan saiyang mangko sa aldao; asin itinogot kaiyan na magtotong kan magña tauo sa ka-layo.

Rev 16:9 Asin an magña tauo natotong sa makuring init: asin sinda nagralanghad kan gñaran nin Dios, na igua nin kapang-yarihan sa magña damat na ini; asin sinda dai nagsorolsol sa pagtao sa saiya nin kamurawayan.

Rev 16:10 Asin an ikalima nagola kan saiyang mangko sa trono kan hayop; asin an saiyang kahadean dominiklom; asin pi-nagkaragat ninda an saindang magña dila huli sa kolog,

Rev 16:11 Asin sinda nagralanghad sa Dios nin lagñit huli kan saindang magña kolog, asin saindang magña lugad, asin sinda dai nagsorolsol kan saindang magña guibo.

Rev 16:12 Asin an ikaanbm nagola kan sai­yang mangko sa dakulang salog na gñinagñaranan Eufrates; asin an tubig kaiyan nahobas, tagñaning maandam an dalan manogñod sa magña hade na madatong hale sa siragñan.

Rev 16:13 Asin nahiling kong nagluluas sa gñoso kan dragon, asin sa gñoso kan hayop, patin sa gñoso kan bakong tunay na profeta, an tolong marompot na espi-ritu na garo magña talapang:

Rev 16:14 Huli ta idto magña espiritu nin magña demonio, na nagguiguibo nin magña tanda; na nagduduman sa magña hade kan bilog na kinaban, tagñaning tiponon sinda manogñod sa ralaban sa dakulang aldao nin Dios, na Mapangyari Sa gabos.

Rev 16:15 (Uya, ako madatong siring sa mahabon. Paladan an nagpupuka, asin nagñgñat kan saiyang magña gubing, tagñaning dai sia maglakao na huba, asin mahiling ninda an saiyang kasopganan.)

Rev 16:16 Asin sinda tiniripon ninda sa lugar na sa Hebreo inaapod Armagedon.

Rev 16:17 Asin an ikapito nagola kan saiyang mangko sa doros; asin may nagluas na halangkao na tigñog sa templo, hale sa trono, na an sabi, Tapus na:

Rev 16:18 Dagñan nagkaigua nin magña kiki-lat asin magña tigñog patin magña dagoldol; asin nangyari an makosog na linog, na dai pang nangyaring siring kakosog na linog, asin siring kamapang-yari, magpoon na magkaigua nin magña tauo sa daga.

Rev 16:19 Asin an dakulang ciudad nagkato-lo, asin an magña ciudad kan magña nacion nagkagaraba: asin an dakulang Babilonia naguiromdoman sa atubang nin Dios, na sia cawan kan copa nin arak nin kakurihan kan saiyang kaangotan.

Rev 16:20 Asin an gabos na poro nagduru-lag, asin an magña bukid dai na nagka-kurua.

Rev 16:21 Asin naholog sa magña tauo hale sa lagñit an darakulang oran na hielo, na an gabat nin lambang gapo siring sa sarong talento: asin an magña tauo nagralang­had sa Dios huli kan damat nin oran na hielo; huli ta an damat kaiyan makuring gayo.



Rev 17:1 Asin nagdatong an saro kan pitong angel na igua kan pitong mangko, asin nakiolay sako, na an sabi, Madia digdi, ipapahayag ko saimo an silot sa dakulang maraot na babae na nagtutu-kao sa ibabao nin dakol na magña tubig;

Rev 17:2 Na sa saiya nagsambay an magña hade sa daga, asin an magña nageerok sa daga nagkabururat kan arak nin sai-yang pagpasambay.

Rev 17:3 Asin ako dinara nia sa espiritu duman sa patag: asin ako nakahiling nin babae na nagñagñabayo sa sarong hayop na mapula, pano nin magña gñaran nin langhad, asin igua nin pitong payo asin sampolong sugñay.

Rev 17:4 Asin an babae nagugubigñan nin purpura asin nin mapula, asin nasasamnohan nin bulawan asin mahalagang gapo patin magña perlas, na igua sa saiyang kamot nin copang bulawan na pano nin magña kaogñisan, na iyo an magña marompot na bagay nin saiyang pagpasambay.

Rev 17:5 Asin sa saiyang agñog an sarong gñaran nasusurat, TAGONG-HILOM, DAKULANG BABILONIA, AN INA KAN MAGHA MARAOT NA BABAE ASIN NIN magñaKAOGNISAN SA DAGA.

Rev 17:6 Asin nahiling ko an babae na naburat kan dugo kan magña banal, asin kan dugo kan magña guinadan huli ki Jesus. Asin kan mahiling ko sia ako napagñalas nin makuring paggñalas.

Rev 17:7 Asin an angel nagsabi sako, Tadao ta napagñalas ka? Isasabi ko saimo an tagong-hilom kan babae asin kan hayop na nagdadara saiya, na igua kan pitong payo asin kan sampolong sugñay.

Rev 17:8 An hayop na nahiling mo iyo kaid-to, asin gñunian bako na; asin maluas na sa bogñao, asin maduman na sa pagka-tunao. Asin an magña nageerok sa daga, na an saindang magña gñaran dai ikina-surat sa libro nin buhay magpoon kan paglalagña kan kinaban, sinda mapapa-gñalas kun mahiling ninda an hayop, na sia iyo kaidto, asin gñunian bako na, pa tin madatong.

Rev 17:9 Uya an kaisipan na may kadonio-gñan. An pitong payo pitong bolod, na dian nagtutukao an babae:

Rev 17:10 Asin sinda pitong hade; an lima naholog na, an saro uya na, an saro dai pa minadatong; asin kun sia dumatong na, sia kaipuhan na magdanay nin kadi-kit na panahon.

Rev 17:11 Asin an hayop na iyo kaidto, asin gñunian bako na, iyo man an ikawalo, asin kaiba kan pito; asin sia maduman sa pagkatunao.

Rev 17:12 Asin an sampolong sugñay na nahi­ling mo, iyo an sampolong hade, na dai pa minaako nin kahadean; alagad sinda nagaako nin kapangyarihan siring sa magña hade, sa kaibahan kan hayop, sa sarong oras.

Rev 17:13 An magña ini igua nin saro sanang kaisipan, asin itinatao ninda sa hayop an saindang kapangyarihan asin kabag-sikan.

Rev 17:14 An magña ini makikilaban tumang sa Cordero, asin dadaogon sinda kan Cordero, huli ta sia iyo an Kagurangñan nin magña kagurangnan, asin an Hade nin magña hade; asin mandadaog man an magña nasa kaibahan nia, an magña inapod asin magña pinili patin magña maimbod.

Rev 17:15 Asin sia nagsabi sako, An magña tubig na saimong nahiling, na natutuka-wan kan maraot na babae, magña banua-an, asin magña kadaklan, asin magña nacion, patin magña tataramon.

Rev 17:16 Asin an sampolong sugñay na sai­mong nahiling, asin an hayop, an magña ini maoogñis sa maraot na babae, asin sia sasamsaman ninda asin huhubaan, asin kakakanon an saiyang laman, patin tototogñon sia sa kalayo.

Rev 17:17 Huli ta ibinugtak nin Dios sa sain­dang magña puso an pagguibo kan sai­yang kaisipan, asin an pagkasararo sa sarong pagisip, patin an pagtao kan sain­dang kahadean sa hayop, sagkod na magkaorotob an magña tataramon nin Dios.

Rev 17:18 Asin an babae na saimong nahiling iyo an dakulang ciudad, na naghahade sa magña hade sa daga.



Rev 18:1 Pakatapus kan magña bagay na ini ako nakahiling nin saro pang angel na naghihilig hale sa lagñit, na igua nin dakulang kapangyarihan; asin an daga naliwanagan kan saiyang kamurawayan.

Rev 18:2 Asin sia nagkurahao sa halangkao na tigñog, na an sabi, Naholog na, naholog na an dakulang Babilonia, asin nagui nang erokan nin magña demonio, asin laoman nin gabos na marompot na espi-ritu, patin togdonan nin gabos na ma­rompot asin makaoogñis na gamgam.

Rev 18:3 Ta huli kan arak nin kaangotan kan saiyang pagpasambay an gabos na nacion naholog na; asin an magña hade sa daga nagsambay saiya, asin an magña parabariwas sa daga nagrayaman huli kan kapangyarihan kan saiyang kasigña-wan.

Rev 18:4 Asin ako nakadagñog nin saro pang tigñog hale sa lagñit, na nagsasabi, Ma­dia, banuaan ko, maghale kamo dian saiya, tagñaning dai kamo madamay kan saiyang magña kasalan, asin na dai kamo magkamit kan saiyang magña damat:

Rev 18:5 Huli ta an saiyang magña kasalan nakaabot na sagkod sa lagñit, asin nagui-romdoman nin Dios an saiyang magña karatan.

Rev 18:6 Tawan nindo sia siring kan pagtao nia, asin balosan nindo sia nin makadua siring sa saiyang magña guibo: dian sa copa na saiyang pinagsalakan, isalak nindo sia nin makadua.

Rev 18:7 Kun gurano kalabi an saiyang pag-pamuraway asin pagpaoyon sa saiya man sana, siring man an itao nindo sa saiya na kasakitan asin kamondoan: huli ta sia nagsasabi sa saiyang puso, Ako nagtutukao na hadeng babae, asin bako akong balo, patin sa anoman na paagui dai ako makakahiling nin kamondoan.

Rev 18:8 Kaya sa sarong aldao madatong an saiyang magña damat, kagadanan, asin kamondoan, patin gotom; asin sia toto-togñon sa kalayo; huli ta makosog an Kagurangnan na Dios na naghokom saiya.

Rev 18:9 Asin an magña hade sa daga, na nag­sambay asin nagpasigñao saiya, magta-taragñis asin magaaragragñay dapit saiya, kun mahiling na ninda an aso kan saiyang pagkasolo.

Rev 18:10 Na magtitirindog sa harayo huli sa takot kan saiyang kasakitan, na magsa-sarabi, Herak man, herak man, kan da­kulang ciudad, an Babilonia, an masarig na ciudad! huli ta sa sarong oras nagda-tong an saimong silot.

Rev 18:11 Asin an magña parabariwas sa daga nagtataragñis asin nagmomorondo dapit saiya, huli ta dai na nin siisay man na nagbabakal kan saindang magña tienda;

Rev 18:12 Magña tiendang bulawan, asin pirak, asin mahalagang gapo, asin magña perlas, asin magña linong fino, asin pur-pura, asin seda, patin escarlata; asin gabos na kahoy na mahamot, asin gabos na lalagan na marfil, asin gabos na lala-gan na magña mahalagang kahoy, asin nin kalongkaki, asin batbat, patin mar-mol;

Rev 18:13 Asin canela, asin magña recado, asin incienso, asin unguento, asin kamangyan, asin arak, asin lana, asin guinalpong, asin trigo, asin magña vaca, patin magña carnero; asin magña tien­dang kabayo asin magña carruaje patin magña oripon; asin magña kalag nin magña tauo.

Rev 18:14 Asin an magña bugña na pinagho-rot kan saimong kalag nawara na saimo, asin an gabos na bagay na managom asin magayon nawara na saimo, asin dai na iyan makukua nin siisay man sagkod lamang.

Rev 18:15 An magña parabariwas kan magña bagay na ini, na napa3'aman nia, matirin-dog sa harayo huli sa takot kan saiyang kasakitan, na magtataragñis asin mag-momorondo;

Rev 18:16 Na magsasarabi, Herak man, herak man, kan dakulang ciudad, sia na nagu-gubigñan kaidto nin linong fino asin purpura patin escarlata, asin nasasamno-han nin bulawan asin mahalagang gapo patin perlas!

Rev 18:17 Huli ta sa sarong oras natunao an siring kadakulang magña kayamanan. Asin an gabos na patron sa sakayan, asin an gabos na nagsasakay saen man, asin magña parasakay, patin an gabos na nabubuhay huli sa dagat, nagtirindog sa harayo,

Rev 18:18 Asin nagkururahao mantang sinda nagtataranao kan aso kan saiyang pagka-solo, na an sabi, Anong ciudad an naka-kabaing kan dakulang ciudad?

Rev 18:19 Asin sinda nagsaraboag nin kabo-kabo sa saindang magña payo, asin nag­kururahao, na nagtataragñis asin nagmo-morondo, na an sabi, Herak man, herak man, kan dakulang ciudad, na dian saiya an gabos na igua nin magña sakayan sa dagat napanyaman huli kan saiyang magña kayamanan! huli ta sa sarong oras sia nadaihan.

Rev 18:20 Magorogma kamo dapit saiya, ika lagñit, asin kamong magña banal, asin kamong magña apostol, patin kamong magña profeta; huli ta hinokom nin Dios saiya an saindong paghokom.

Rev 18:21 Asin sarong makosog na angel kominua nin sarong gapo na siring sa dakulang guiligñan, asin hominologka-idto sa dagat, na nagsasabi, Sa siring kakosog na pagkaholog, an Babilonia, na dakulang ciudad, ihoholog, asin dai na makukua sagkod lamang.

Rev 18:22 Asin an tigñog nin magña paraarpa asin magña musico asin magña paraflau-ta patin magña paratrompeta dai na sagkod madadagñog dian saimo; asin dai nin panday, sa anoman na guibo, na makukua pa dian saimo; asin an ragot nin guiligñan dai na sagkod madadagñog dian saimo;

Rev 18:23 Asin an liwanag nin ilawan dai na sagkod maliwanag dian saimo; asin an tigñog nin novio asin nin novia dai na sagkod madadagñog dian saimo: huli ta an saimong magña parabariwas iyo an magña principe sa daga; ta huli kan sai­mong padaya an gabos na nacion nada-yaan.

Rev 18:24 Asin dian saiya nakua an dugo nin magña profeta asin nin magña ba­nal, asin kan gabos na guinaradan sa daga.



Rev 19:1 Pakatapus kan magña bagay na ini, ako nakadagñog nin garo sarong halangkao na tigñog nin dakulang kadaklan sa lagñit, na an sabi, Aleluya; An kaligtasan, asin an kamurawayan, patin an kapangyarihan, sadiri nin satongDios.

Rev 19:2 Huli ta totoo asin matanos an sai­yang magña paghokom; huli ta hinoko-man nia an dakulang maraot na babae, na nagratak kan daga huli kan saiyang pagpasambay, asin sinigñil nia an dugo kan saiyang magña oripon sa kamot kan babae.

Rev 19:3 Asin sa liwat sinda nagsabi, Aleluya. Asin an saiyang aso magñtaas sagkod lamang.

Rev 19:4 Asin an duang polo may apat na magurang asin an apat na buhay na hayop nagralaob, asin nagsaramba sa Dios na nagtutukao sa trono, na nagsa-sarabi, Auot pa; Aleluya.

Rev 19:5 Asin sarong tigñog nagluas sa trono, na an sabi, Magoromao kamo sa satong Dios, kamo gabos na saiyang magña oripon, kamo na natatakot saiya, an saradit asin an darakula.

Rev 19:6 Asin ako nakadagñog nin garo sarong tigñog nin dakulang kadaklan, asin siring sa tigñog nin dakol na magña tubig, patin siring sa tigñog nin magña makosog na dagoldol, na an sabi, Aleluya: huli ta naghahade an Kagurangñan na satong Dios, na Mapangyari sa gabos.

Rev 19:7 Magogma kita asin magragña nin makuri, asin magpamuraway kita saiya: huli ta an pagkasal kan Cordero nagdatong na, asin an saiyang agom nagandam na.

Rev 19:8 Asin itinogot saiya na sia maggu-bing nin linong fino, makintab asin malinig: huli ta an linong fino iyo an magña matanos na guibo kan magña banal.

Rev 19:9 Asin sia nagsabi sako, Isurat mo, Paladan an magña inalok sa pamangui-han sa boda kan Cordero. Asin sia nag­sabi sako, Ini an totoong magña tatara-mon nin Dios.

Rev 19:10 Asin ako naglaob sa saiyang pami-tisan sa pagsamba saiya. Asin sia nagsabi sako, Hiligña na dai ka magguibo kai-yan: ako kapua-oripon mo, asin kan sai­mong magña tugang na namomogol kan patotoo ni Jesus: magsamba ka sa Dios: huli ta an patotoo ni Jesus iyo an espi-ritu nin paghula.

Rev 19:11 Asin nahiling ko an lagñit na na-bukas; asin uya, an sarong maputing kabayo, asin an nagñagñabayo dian inaapod Maimbod asin To too; asin sa katanosan sia naghohokom asin naki-kilaban.

Rev 19:12 Asin an saiyang magña mata laad nin kalayo, asin sa saiyang payo an dakol na corona; asin sia igua nin nasu-surat na gñaran na dai nin siisay man na nakakaaram kundi sia sana.

Rev 19:13 Asin sia nagugubigñan nin gubing na winirikan nin dugo: asin an saiyang gñaran inaapod An Tataramon nin Dios.

Rev 19:14 Asin nagsoronod saiya an magña hukbo na nasa lagñit na nagñagñara-bayo sa magña maputing kabayo, asin sinda nagugubigñan nin finong lino, maputi asin malinig.

Rev 19:15 Asin sa saiyang gñoso nagluluas an sarong matarom na minasbad, tagna-ning lugadon nia kaiyan an magña nacion: asin sia maghahade sainda sa sogkod na batbat: asin binabatayan nia an liguisan nin uvas nin kakurihan kan kaangotan nin Dios na Mapangyari sa gabos.

Rev 19:16 Asin sia igua sa saiyang gubing asin sa saiyang paa nin nasusurat na gñaran, HADE NIN magñaHADE, ASIN KAGURANGNAN NIN magñaKA-GURANGNAN.

Rev 19:17 Asin ako nakahiling nin sarong angel na nagtitindog sa aldao; asin sia nagkurahao sa halangkao na tigñog, na nagsasabi sa gabos na gamgam na nag-lalayog sa tahao nin lagñit, Madia asin magtiripon kamo sa dakulang paman­guihan nin Dios;

Rev 19:18 Tagñaning kamo magkakan kan laman nin magña hade, asin kan laman nin magña capitan, asin kan laman nin magña makosog na tauo, asin kan laman nin magña kabayo, asin kan magña na­gñagñabayo dian, patin kan laman nin gabos na tauo, kan magña hiwas asin magña gapos, asin kan saradit asin dara-kula.

Rev 19:19 Asin nahiling ko an hayop, asin an magña hade sa daga, patin an saindang magña hukbo, na nagkatiripon sa paki-laban tumang sa nagñagñabayo sa kaba­yo, asin tumang sa saiyang hukbo.

Rev 19:20 Asin an hayop nadakop, asin sa kaibahan nia an bakong tunay na pro-feta na nagguibo kan magña tanda sa atubang nia, na huli kaiyan dinayaan nia an magña nagako kan tanda kan hayop asin an nagsaramba kan saiyang lada-wan: sindang dua inapon na buhay sa danao nin kalayo na naglalaad nin azufre:

Rev 19:21 Asin an natada guinaradan sa minasbad kan nagñagñabayo sa kabayo, an minasbad na nagluluas sa saiyang gñoso: asin an gabos na gamgam nagka-barasog kan saindang laman.



Rev 20:1 Asin nahiling ko an sarong angel na naghihilig hale sa lagñit, na igua kan Have sa bogñao asin sarong dakulang cadena sa saiyang kamot.

Rev 20:2 Asin dinakop nia an dragon, an gurang na halas, na iyo an Diablo asin Satanas, asin guinapos nia sia sa laog nin sangribong taon,

Rev 20:3 Asin hinolog sia sa bogñao, asin pinintoan nia idto, asin tinandaan iyan sa ibabao nia, tagñaning dai na sia maka-daya sa magña nacion, sagkod na mata-pus an sangribong taon: pakatapus kaini kaipuhan na sia buhian nin kadikit na panahon.

Rev 20:4 Asin ako nakahiling nin magña tro-no, asin sinda nagturukao dian, asin an paghokom itinao sa sainda: asin nahiling ko an magña kalag kan magña pinogotan nin payo huli kan patotoo ni Jesus, asin huli kan tataramon nin Dios, asin an magña dai nagsamba kan hayop, ni kan saiyang ladawan, asin dai nagako kan tanda sa saindang agñog asin sa saindang kamot; asin sinda nabuhay asin naghade sa kaibahan ni Cristo sa laog nin sangri­bong taon.

Rev 20:5 An iba kan magña gadan dai nabu­hay sagkod na matapus an sangribong taon. Ini iyo an enot na pagkabuhay liwat.

Rev 20:6 Paladan asin banal an igua nin kab-tang dian sa enot na pagkabuhay liwat: sa sainda an ikaduang kagadanan dai na nin kapangyarihan; kundi sinda magui-guin magña sacerdote nin Dios asin ni Cristo, patin maghahade sa kaibahan nia sa laog nin sangribong taon.

Rev 20:7 Asin kun matapus na an sangribong taon, si Satanas paluluason sa saiyang bilangoan.

Rev 20:8 Asin maluas sa pagdaya sa magña nacion na nasa apat na canto nin daga, sa ki Gog asin ki Magog, tagñaning tipo-non sinda sa ralaban: na an kabilagñan ninda siring kan baybay nin dagat.

Rev 20:9 Asin sinda nagturukad sa kalakba-gñan nin daga, asin pinalibotan ninda an campo kan magña banal, asin an namo-motan na ciudad: asin an kalayo naghi-lig hale sa lagñit, asin nagtunao sainda.

Rev 20:10 Asin an diablo na nagdaya sainda inapon sa danao nin kalayo asin azufre, na saen namumugtak man an hayop asin an bakong tunay na profeta; asin sinda pasasakitan bangui-aldao sagkod lamang.

Rev 20:11 Asin nahiling ko an sarong daku-lang maputing trono, asin an nagtutukao dian, na sa atubang nia an daga asin an lagñit nagdulag; asin dai nang lugar na nakua manogñod sainda.

Rev 20:12 Asin nahiling ko an magña gadan, an darakula asin an saradit, na nagtiti-rindog sa atubang kan trono; asin an magña libro biniriklad: asin saro pang libro biniklad, na iyo an libro nin buhay: asin hinokoman an magña gadan huli kan magña bagay na nasusurat duman sa magña libro, sono sa sain­dang magña guibo.

Rev 20:13 Asin itinao kan dagat an magña gadan na nasa saiya; asin itinao kan kagadanan asin kan Hades an magña gadan na nasa sainda: asin sinda gabos hinokoman sono sa saindang magña guibo.

Rev 20:14 Asin an kagadanan asin an Hades inapon sa danao nin kalayo. Ini iyo an ikaduang kagadanan, an danao nin kalayo.

Rev 20:15 Asin an dai nakuang nasusurat sa libro nin buhay inapon sa danao nin kalayo.



Rev 21:1 Asin ako nakahiling nin bagong lagñit, asin bagong daga: huli ta an enot na lagñit asin an enot na daga nakalihis na; asin an dagat dai na.

Rev 21:2 Asin nahiling ko an mahal na ciu­dad, an bagong Jerusalem, na naghihilig hale sa lagñit hale sa Dios, na inandam siring sa novia na sinamnohan mano­gñod sa saiyang agom.

Rev 21:3 Asin ako nakadagñog nin halangkao na tigñog hale sa trono, na an sabi, Uya, an tabernaculo nin Dios nasa magña tauo, asin sia mageerok sa kaibahan ninda, asin sinda maguiguin saiyang magña banuaan, asin an Dios man sana masa sa kaibahan ninda, asin manini Dios ninda.

Rev 21:4 Asin papahidon nia an gabos na luha sa saindang magña mata; asin an kagadanan madadai na; dai na sagkod magkakaigua nin pagmondo, ni pag-tagñis, ni kolog: an magña enot na bagay nakalihis na.

Rev 21:5 Asin an nagtutukao sa trono nagsa-bi, Uya, guiguibohon kong bago an gabos na bagay. Asin sia nagsabi, Isurat mo: huli ta an magña tataramon na ini maimbod asin totoo.

Rev 21:6 Asin sia nagsabi sako, An magña ini nangyari na. Ako an Alpha asin an Omega, an kapinonan asin an katapu-san. Tatawan ko, na dai nin bayad, an napapaha sa burabod nin tubig nin buhay.

Rev 21:7 An makadaog magmamana kan ma­gña bagay na ini; asin ako maguiguin saiyang Dios, asin sia maguiguin sakong aki.

Rev 21:8 Alagad dapit sa magña matatakton, asin dai nagtutubod, asin makababaldi, asin magña paragadan, asin magña para-sambay, asin magña salamangquero, asin magña parasamba sa ladawan, patin gabos na putikon, an saindang kabtang masa sa danao na naglalaad nin kalayo asin azufre; na iyo an ikaduang kagada-nan.

Rev 21:9 Asin nagdatong an saro kan pitong angel na igua kan pitong mangko asin nagdadara kan pitong huring damat; asin sia nakiolay sako, na an sabi, Madia dig-di, ipapahayag ko saimo an novia, an agom kan Cordero.

Rev 21:10 Asin sa espiritu ako dinara nia sa sarong dakula asin halangkao na bukid, asin ipinahayag nia sako an mahal na ciudad nin Jerusalem, na naghihilig hale sa lagñit hale sa Dios,

Rev 21:11 Na igua kan kamurawayan nin Dios: an liwanag kaiyan nakakabaing sa orog kahalagang gapo, siring sa ga-pong jaspe, malinao siring sa cristal.

Rev 21:12 Na igua nin kotta na dakula asin halangkao; na igua nin kagduang tata, asin sa magña tata kagduang angel; asin may magña gñaran na nasusurat dian, na iyo an magña gñaran kan kagduang tribu kan magña aki ni Israel:

Rev 21:13 Sa siragñan tolong tata; asin sa amihanan tolong tata; asin sa timogan tolong tata; patin sa solnopan tolong tata.

Rev 21:14 Asin an kotta kan ciudad may kag­duang pasisikadan, asin dian an kag­duang gñaran kan kagduang apostol kan Cordero.

Rev 21:15 Asin idtong nakiolay sako igua nin panokol na gahong bulawan sa pagsokol kan ciudad, asin kan magña tata kaiyan, patin kan kotta kaiyan.

Rev 21:16 Asin an ciudad cuadrado, asin an kalabaan kaiyan siring man sana kan kalakbagñan: asin sinokol nia kan gaho an ciudad, duang ribo may apat na gates na kilometro: an kalabaan asin an kalak­bagñan patin kalangkawan pararejo.

Rev 21:17 Asin sinokol nia an kotta kaiyan, sangatos may apat na polo may apat na maniko, siring sa sokol nin lalaki, na iyo an angel.

Rev 21:18 Asin an kana kan kotta kaiyan jas­pe: asin an ciudad anas na bulawan, siring kan malinao na salming.

Rev 21:19 An magña pasisikadan kan kotta kan ciudad nasasamnohan kan gabos na manlaenlaen na mahalagang gapo. An enot na pasisikadan jaspe; an ikadua, zafiro; an ikatolo, calcedonia; an ika-apat, esmeralda.

Rev 21:20 An ikalima, sardonica; an ikaanom, sardio; an ikapito, crisolito; an ikawalo, berilo; an ikasiam, topacio; an ikasan-polo, crisopraso; an ikakagsaro, jacinto; an ikakagdua, amatista.

Rev 21:21 Asin an kagduang tata kagduang perlas; an lambang saro kan gabos na tata guinibo sa sarong perlas: asin an lansagñan kan ciudad anas na bulawan, siring sa silag na salming.

Rev 21:22 Asin dai ako nakahiling dian nin templo: huli ta an Kagurangñan na Dios na Mapangyari sa gabos, asin an Cor­dero, iyo an templo dian.

Rev 21:23 Asin an ciudad dai na nagkakaipo kan aldao, ni kan bulan, na magliwanag dian: huli ta an kamurawayan nin Dios iyo an nagliliwanag dian, asin an ilao kaiyan iyo an Cordero.

Rev 21:24 Asin an magña nacion maglalakao sa tahao kan liwanag kaiyan: asin an magña hade sa daga madara dian kan saindang kamurawayan.

Rev 21:25 Asin an magña tata kaiyan dai sa anoman na paagui pagpipintoan kun aldao (huli ta dai dian magkakaigua nin bangui):

Rev 21:26 Asin dadarahon ninda dian an kamurawayan asin an kagalagñan kan magña nacion:

Rev 21:27 Asin sa anoman na paagui dai dian makakalaog an anoman na bagay na maati, ó an nagguiguibo nin makababal-di asin nin kaputikan: kundi idto sanang magña nasusurat sa libro nin buhay kan Cordero.



Rev 22:1 Asin sia nagpahayag sako nin salog kan tubig nin buhay, makintab siring sa cristal, na nagluluas sa trono nin Dios asin kan Cordero,

Rev 22:2 Sa tahao kan lansagñan kaiyan. Asin sa magibong na tampi kan salog dudu-man an kahoy nin buhay, na igua nin kagduang manlaenlaen. na bugña, na nagbubugña bulan-bulan: asin an magña dahon kan kahoy manogñod sa kaoma-yan kan magña nacion.

Rev 22:3 Asin dai na sagkod magkakaigua nin sumpa: asin an trono nin Dios asin kan Cordero mamumugtak dian: asin an sai­yang magña oripon maglilingkod saiya;

Rev 22:4 Asin sinda makakahiiing kan sai­yang lalauogon; asin an saiyang gñaran matatala sa saindang magña agñog.

Rev 22:5 Asin dai na sagkod magkakaigua nin bangui; asin sinda dai na magkakaipo nin liwanag nin ilao, ni liwanag nin aldao; huli ta an Kagurangñan na Dios iyo an matao sainda nin liwanag: asin sinda maghahade sagkod lamang.

Rev 22:6 Asin sia nagsabi sako, An magña tataramon na ini maimbod asin totoo: asin an Kagurangnan, an Dios kan ma­gña espiritu kan magña profeta, nagsogo kan saiyang angel sa pagpahayag sa sai­yang magña oripon kan magña bagay na kaipuhan mangyari tolos.

Rev 22:7 Asin uya, ako madatong sa madale. Paladan an nagootob kan magña tatara­mon kan hula sa librong ini.

Rev 22:8 Asin ako si Juan iyo an nakadagñog asin nakahiling kan magña bagay na ini. Asin kan ako makadagñog asin maka-hiling, ako naglaob sa pagsamba sa pami-tisan kan angel na nagpahayag sako kan magña bagay na ini.

Rev 22:9 Asin sia nagsabi sako, Hiligña na dai ka magguibo kaiyan: ako kapua-oripon mo asin kan saimong magña tugang na magña profeta, patin kan magña nago­otob kan magña tataramon sa librong ini: magsamba ka sa Dios.

Rev 22:10 Asin sia nagsabi sako, Dai mo pag-hilomon an magña tataramon kan hula sa librong ini; huli ta an panahon harani na.

Rev 22:11 An tauong biko magdanay sa kabi-koan: asin an maramog magdanay na maramog: asin an matanos magdanay sa katanosan: asin an banal magdanay sa kabanalan.

Rev 22:12 Uya, ako madatong sa madale, asin an sakong balos dara ko, sa pagtao sa lambang saro sono sa saiyang guibo.

Rev 22:13 Ako an Alpha asin an Omega, an enot asin an kahurihurihi, an kapino-nan asin an katapusan.

Rev 22:14 Paladan an magña naghuhugas kan saindang magña gubing, tagñaning sinda magkaigua nin kapangyarihan sa pagdo-lok sa kahoy nin buhay, asin makalaog sa ciudad sa magña tata.

Rev 22:15 Sa luas an magña ayam asin an magña salamangquero, asin an magña parasambay, asin an magña paragadan, asin an magña parasamba sa ladawan, patin an gabos na namomoot sa paggui-bo nin kaputikan.

Rev 22:16 Ako si Jesus nagsogo kan sakong angel sa pagpatotoo saindo dapit kan magña bagay na ini manogñod sa magña simbahan. Ako iyo an gamot asin an gominikan ki David, an bitoon na makintab asin makaaaga.

Rev 22:17 Asin an Espiritu asin an novia nag-sasabi, Madia. Asin an nakakadagñog, sumabi sia, Madia. Asin an napapaha, dumolok sia: an boot, ominom kan tubig nin buhay na daing bayad.

Rev 22:18 Ako nagpapatotoo sa gabos na nakakadagñog kan magña tataramon kan hula sa librong ini, Kun an siisay man magdagdag kaiyan, dadagdagan sia nin Dios kan magña damat na nasusurat sa librong ini:

Rev 22:19 Asin kun an siisay man magina kan magña tataramon sa libro kaining hula, hahaleon nin Dios an saiyang kabtang sa kahoy nin buhay, asin sa mahal na ciu­dad, na nasusurat sa librong ini.

Rev 22:20 Idtong nagpapatotoo kan magña bagay na ini nagsasabi. Oho: ako mada­tong sa madale. Auot pa: madia, Kagu­rangnan na Jesus.

Rev 22:21 An biyaya kan Kagurangnan na si Jesus mapa sa magña banal. Auot pa.



AMAZING GRACE BIBLE INSTITUTE