Karing Tau Filipos


Php 1:1 Si Pablo asin si Timoteo, na magña oripon ni Cristo Jesus sa gabos na banal na nasa Filipos sa kaibahan kan magña obispo asin magña diacono:

Php 1:2 An biyaya mapa saindo asin an katoninognan hale sa Dios na satong Ama asin sa Kagurangnan na si Jesu-Cristo.

Php 1:3 Ako nagpapasalamat sa sakong Dios sa gabos kong pakaguiromdom saindo,

Php 1:4 Sa guiraray sa gabos kong paggñayo-gñayo dahel saindo gabos, ako naoogma na maggñayogñayo,

Php 1:5 Manogñod sa saindong pakisumaro sa pagpadakula kan evangelio magpoon kan enot na aldao sagkod gñunian;

Php 1:6 Sa paniwala sa bagay na ini, na an nagpoon sa saindo nin marahay na gui-bo, mahaman kaiyan sagkod sa aldao ni Jesu-Cristo:

Php 1:7 Siring na matanos sako na magisip nin siring dahel saindo gabos, huli ta kamo nasa sakong puso, mantang sa sakong magña pagkagapos asin sa pag-simbag patin sa pagpatotoo kan evan­gelio, kamo gabos kadamay ko sa hi yaya.

Php 1:8 Huli ta an Dios iyo an sakong saksi, kun gurano an pagmakolog ko saindo gabos dian sa magña pagkaherak ni Cristo Jesus.

Php 1:9 Asin ini an pamibi ko, na magdag-dag an kasopayan kan saindong pagka-moot sa pakasabot asin sa gabos na pakatalastas;

Php 1:10 Tagñaning mamidbid nindo an magña bagay na orog karahay; na kamo maguin tunay asin dai nin sala sagkod sa aldao ni Cristo;

Php 1:11 Magña pano kan magña bugña nin katanosan, na iyan huli ki Jesu-Cristo, manogñod sa kamurawayan asin kao-mawan nin Dios.

Php 1:12 Gñunian, boot ko, magña tugang, na kamo makaaram na an magña bagay na nangyari sa sako, naguin orog pang nakapaiakop kan evangelio;

Php 1:13 Mala ta an sakong magña gapos sa ki Cristo nahayag sa gabos na bantay sa pretorio, asin sa gabos na iba pa;

Php 1:14 Asin na an kadaklan sa magña tugang sa Kagurangnan, ta napakosog huli kan sakong magña gapos, nagorog sa kaisogan sa pagtaram kan tataramon nin Dios na dai nin takot.

Php 1:15 Sa katotoohan si Cristo ipinaghu-hulit kan nagkapira minsan sa kaorihan asin pakipagiwal; asin an iba man sa marahay na boot:

Php 1:16 An saro nagguiguibo kaiyan sa pag-kamoot, sa pakaaram na ako ibinugtak manogñod sa pagsorog kan evangelio;

Php 1:17 Alagad ipinagbabalagñibog si Cris­to kan iba sa pagkabaragña, bakong sa katunayan, na naghohona na makatao nin kasakitan sa sako sa sakong magña gapos.

Php 1:18 Kaya ano? sana na sa gabos na paagui, minsan sa pagsaguinsaguin ó sa katotoohan, si Cristo ikinakabalagñibog; asin dian kaiyan ako nagoogma, oho, asin magoogma.

Php 1:19 Huli ta ako nakakaaram na ini masagkod sa sakong kaligtasan, huli kan saindong paggñayogñayo asin kan pag-waras kan Espiritu ni Jesu-Cristo,

Php 1:20 Siring sa sakong maigot na pagha-lat asin paglaom, na sa anoman dai ako masosopog, kundi na sa bilog na kaiso­gan, siring sa guiraray, siring man gñu-nian si Cristo mapapadakula sa sakong hawak, minsan huli sa buhay ó sa kaga-danan.

Php 1:21 Huli ta sa sako, an pagkabuhay iyo si Cristo, asin an pagkagadan iyo an pakinabang.

Php 1:22 Alagad kun an pagkabuhay sa laman,—kun ini magbugña huli sa sa­kong guibo, kun siring, dai ako naka­kaaram kun arin an pipilion ko.

Php 1:23 Kundi ako napipiot sa tagña kai-ning dua, na may pagmawot na maka-hale na asin masa kaibahan ni Cristo; huli ta iyan an prog pa karahay:

Php 1:24 Alagad an pagdanay sa laman orog na kaipuhan dahel saindo.

Php 1:25 Asin huling igua kan panarig na ini, ako nakakaaram na ako magdada-nay, oho, asin magdadanay sa kaibahan nindo gabos, manogñod sa saindong pag-talobo asin kaogmahan sa pagtubod;

Php 1:26 Tagñaning an saindong pagmura-way dian ki Cristo Jesus magsopay sa sako huli kan sakong pakiiba liwat sa saindo.

Php 1:27 Sana na an saindong pamumuhay maguin agñay sa evangelio ni Cristo: tagñaning, minsan ako pumadian sa pag-hiling saindo, ó dai, madagñog ko an saindong kamugtakan, na kamo nagda-danay sa saro sanang espiritu, na sa sarong kalag nakikipaglaban manogñod kan pagtubod sa evangelio;

Php 1:28 Asin sa anoman dai napapatakot kan magña kaiwal: na sa sainda iyan hayag na tanda kan saindang pagkatu-nao, alagad kan saindong kaligtasan, asin iyan hale sa Dios;

Php 1:29 Huli ta ini itinogot saindo dahel ki Cristo, bako sanang magtubod sa saiya, kundi na magtios man dahel saiya:

Php 1:30 Na igua man kan kahorasaan na nahiling nindo sako, asin gñunian nada-dagñog nindo na nasa sako.



Php 2:1 Kaya kun igua nin tibaad nang pag-sadol dian ki Cristo; kun igua nin tibaad nang karagñahan nin pagkamoot, kun igua nin tibaad nang pakisumaro kan Espiritu, kun igua nin tibaad nang magña pagkaherak asin kalodokan,

Php 2:2 Sangkapa nindo an sakong kaogma-han, na kamo masa saro sanang pagisip, na igua nin iyo man sanang pagkamoot, na magkaborogkos sa saro sanang pagi­sip;

Php 2:3 Na dai magguibo nin anoman huli sa pagkabaragña ó sa kapalangkawan, kundi sa kapakumbabaan nin pagisip na ibilang kan saro an saro na marahay ki sa saiya man sana;

Php 2:4 Na an siisay man sa saindo dai mag-mangno kan saiyang magña sadiri sana, kundi an lambang saro man sa saindo kan magña sadiri nin iba.

Php 2:5 Mapa saindo an pagisip na ini, na nasa ki Cristo Jesus man:

Php 2:6 Na sia, minsan kabaing nin Dios, dai naghona na an pakapantay,sa Dios sarong bagay na maninigong agawon,

Php 2:7 Kundi nagpakang-daing-halaga sa saiya man sana, na bominaing sa sarong oripon, na naguin kabaing nin magña tauo;

Php 2:8 Asin palibhasa kabaing nin tauo, sia nagpakumbaba sa saiya man sana, na nagkuyog sagkod sa kagadanan, oho, an kagadanan sa cruz.

Php 2:9 Kaya man sia pinahalangkao nin marahay nin Dios, asin tinawan kan gña-ran na nasa itaas nin gabos na gñaran;

Php 2:10 Tagñaning sa gñaran ni Jesus mag-lohod an gabos na tohod, kan magña nasa lagñit, asin magña nasa ibabao nin daga, patin magña nasa irarom nin daga,

Php 2:11 Asin tagñaning an gabos na dila magpatotoo na si Jesu-Cristo iyo an Kagurangnan, manogñod sa kamurawa-yan nin Dios na Ama.

Php 2:12 Kaya, magña namomotan ko, si­ring na kamo nagkuyog sa guiraray, bakong siring sa nasa atubang ko sana, kundi orog na gñunian na dai ako, hamana nindo an saindong kaligtasan sa takot asin takig;

Php 2:13 Huli ta an Dios iyo an nagguiguibo dian sa saindo na bumoot asin gumibo, manogñod sa saiyang marahay na boot.

Php 2:14 Guiboha nindo an gabos na bagay na dai nin magña paggomodgomod asin magña pagduadua;

Php 2:15 Tagñaning kamo maguin magña daing kasagüean, asin magña mahoyo, magña aki nin Dios, na dai nin kaninan sa tahao nin sarong biko asin sutil na kapagarakian, na sa tahao ninda kamo nahihiling siring sa magña ilao sa kina-ban,

Php 2:16 Na nagpapahayag kan tataramon nin buhay; tagñaning ako magkaigua nin ipagmuraway sa aldao ni Cristo, na ako dai nagdalagan nin basang ni nagpagal nin basang.

Php 2:17 Oho, asin minsan ako inaatang sa pagsakit asin sa paglingkod kan saindong pagtubod, ako nagoogma, asin nararagña sa kaibahan nindo gabos:

Php 2:18 Asin sa siring man sanang paagui kamo man nagoogma, asin nararagña sa kaibahan ko.

Php 2:19 Alagad ako naglalaom dian sa Kagurangnan na si Jesus na sa madale ikasobol ko si Timoteo sa saindo, tagña-ning ako man masa kaogmahan kun maaraman ko an saindong kamugtakan.

Php 2:20 Huli ta dai ako nin siisay man na may siring sa saiyang pagisip, na magña-gñataman nin tunay kan saindong kamugtakan.

Php 2:21 Huli ta sinda gabos naghahanap kaidtong manogñod sa sainda sana, bakong an manogñod ki Jesu-Cristo.

Php 2:22 Alagad naaraman na nindo an pag-kabatid saiya, na, siring sa aking nagli-lingkod sa ama, siring man sia nagling-kod sa kaibahan ko sa pagpalakop kan evangelio.

Php 2:23 Kaya sia an linalaom kong ikasobol sa madale, kun mahiling ko na kun ano an mangyayari sako:

Php 2:24 Alagad ako nananarig sa Kaguran­gnan na ako man makadian sa saindo sa madale.

Php 2:25 Alagad pinaghona kong kaipuhan na isobol sa saindo si Epafrodito, na sakong tugang asin katabang patin kapua-soldados, asin saindong sorogoon asin paralingkod sa sakong pagñagñaipo:

Php 2:26 Huli ta sia napugñao sa saindo ga­bos, asin nahadit na nin makuri, huli ta kamo nagpakadagñog na sia naghelang:

Php 2:27 Huli ta sia naghelang man nangad asin garo magadan na: alagad naherakan sia nin Dios; asin bakong sia sana, kundi ako man, tagñaning ako dai magkaigua nin kamondoan sa kamondoan.

Php 2:28 Kaya hinigñoa ko nin orog na ika-sobol na sia, tagnaning kun mahiling nindo sia liwat, kamo maogma, asin na ako mainaan nin kamondoan.

Php 2:29 Kaya akoon nindo sia dian sa Kagurangnan sa bilog na kaogmahan; asin galagñan nindo an siring:

Php 2:30 Huli ta dahel sa guibo ni Cristo sia diit pang magadan, na ibinugtak sa paga-laman an saiyang buhay sa paghipno kan kakulagñan kan saindong paglingkod sa sako.



Php 3:1 Sa katapusan, magña tugang, mag-orogma kamo dian sa Kagurangnan. Sa sako, sa katotoohan, bakong mapa-wot an pagsurat sa saindo kan iyo man sanang magña bagay, alagad manogñod saindo iyan marahay.

Php 3:2 Maglikay kamo sa magña ayam, maglikay kamo sa magña paraguibo nin maraot, maglikay kamo sa magña tinuri:

Php 3:3 Huli ta kita iyo an magña tunay na tinuri, na nagsasamba huli sa Espiritu nin Dios, asin nagmumuraway dian ki Cristo Jesus, asin dai nin panarig sa laman.

Php 3:4 Minsan ako man sana makakapana-rig sa laman: kun igua nin siisay man na naghohona na may panarig sa laman, ako labi pa:

Php 3:5 Tinuri sa ikawalong aldao, sa kapa-garakian ni Israel, sa tribu ni Benjamin, Hebreo sa magña Hebreo; dapit sa kato-gonan, Fariseo;

Php 3:6 Dapit sa pagigñat, naglamag kan simbahan; dapit sa katanosan na nasa katogonan, dai nin kanawayan.

Php 3:7 Minsan siring an magña bagay na pakinabang manogñod sako, ibinilang ko an magña iyan na nawara dahel ki Cristo.

Php 3:8 Oho, iyo man nangad, asin ibinilang ko an gabos na bagay siring sa nawara huli kan kahalangkawan kan pakamid-bid ki Cristo Jesus, na sakong Kagu­rangnan: na dahel saiya tinios ko an pagkawara kan gabos na bagay, asin ibinilang ko iyan na tapok, tagñaning makamtan ko si Cristo,

Php 3:9 Asin na makua ako dian sa saiya, na dai kan sadiri kong katanosan, an hale sa katogonan, kundi an huli sa pagtubod ki Cristo, an katanosan na hale sa Dios huli sa pagtubod:

Php 3:10 Tagñaning mamidbid ko sia, asin an kapangyarihan kan saiyang pagkabu-hay liwat, asin an pakisumaro sa saiyang magñakasakitan, na makabaing sa sai­yang kagadanan;

Php 3:11 Kun sa anoman na paagui ako makaabot sa pagkabuhay liwat kan magña gadan.

Php 3:12 Bako na ako nagkamit na, o na ako sangkap na: kundi na ako nagdada-gos, tibaad pa kun ako makapogol dian sa ipinogol man sako ni Cristo Jesus.

Php 3:13 Magña tugang, dai ko ibinibilang na ako nakapogol na, alagad sarong bagay an guiniguibo ko, na linilingña-wan ko an magña bagay na nasa hudian, asin dinadagos ko an magña bagay na nasa enotan,

Php 3:14 Pinupunta ko an pasohan pasiring sa balos kan halangkao na pagapod nin Dios dian ki Cristo Jesus.

Php 3:15 Kaya kita, an magña sangkap na, magisip logod nin siring: asin kun sa anoman kamo nagiisip nin iba, iyan man ipapahayag saindo nin Dios:

Php 3:16 Sana na maglakao kita nin sono sa inabot ta na.

Php 3:17 Magña tugang, magui kamong ma­gña paraarog sako, asin tandaan nindo an magña naglalakao nin siring sa padara na nahiling nindo samo.

Php 3:18 Huli ta dakol an naglalakao, na dapit sainda ako nagsabi nang parati saindo, asin gñunian nagsasabi liwat sa pagtagñis, na sinda magña kaiwal kan cruz ni Cristo:

Php 3:19 Na an saindang kasagkodan iyo an kapahamakan, na an saindang dios iyo an tulak, asin an saindang kamurawayan yaon sa saindang kasopganan, na sinda nagiisip kan magña bagay na kinabanon.

Php 3:20 Alagad an satong pagkaciudadano nasa lagñit; na hale duman man hinahalat ta an Paraligtas, an Kagurangnan na si Jesu-Cristo:

Php 3:21 Na sia an maliwat kan hawak nin satong kahababaan, tagñaning iyan makabaing sa hawak nin saiyang kamu-rawayan, sono sa pagguibo na huli kai-yan sia makakasakop kan gabos na bagay manognod sa saiya man sana.



Php 4:1 Kaya, magña tugang kong namomo-tan asin magña minamawot, sakong kaogmahan asin corona, magdanay ka-mo dian sa Kagurangnan, magña namo-motan.

Php 4:2 Ako nakikimaherak ki Euodias asin ki Sintique, na magkasaro sinda sa pag-isip dian sa Kagurangnan.

Php 4:3 Oho, ako nakikimaherak man sai-mo, maimbod na kahinuang, na taba-gñan mo an magña babaeng ini, huli ta sinda nagpagal sa kaibahan ko dian sa evangelio, sa kaibahan man ni Clemente asin kan iba pang magña katabang ko na an saindang magña gñaran nasa libro nin buhay.

Php 4:4 Magorogma kamo nin danay dian sa Kagurangnan: ako masabi liwat,. mago-rogma kamo.

Php 4:5 Ipamidbid nindo sa gabos na tauo an saindong kahoyoan. An Kaguran­gnan harani na.

Php 4:6 Sa anoman dai kamo mahadit; kundi sa gabos na bagay huli sa pamibi asin paggñayogñayo na may pagpasa-lamat, ipahayag nindo sa Dios an sain­dong magña hinahagad.

Php 4:7 Asin an katoninogñan nin Dios, na minalampas sa gabos na pakasabot, maigñat kan saindong magña puso asin kan saindong magña pagisip dian ki Cristo Jesus.

Php 4:8 Sa katapusan, magña tugang, an gabos na totoo, an gabos na iguinaga-lang, an gabos na matanos, an gabos na inabini, an gabos na makawiwili, an gabos na marahay an dagñog; kun igua nin tibaad nang karahayan, asin kun igua nin tibaad nang kaomawan, maghorophorop kamo kan magña bagay na ini.

Php 4:9 An magña bagay na saindong nano-dan, asin nakamtan, asin nadagñog patin nahiling sa sako, an magñaiyan an gui-bohon nindo: asin an Dios nin katoni­nogñan mapapa saindo.

Php 4:10 Alagad ako nagoogma nin makuri sa Kagurangnan, na gñunian sa kahalo-yan nabuhay guiraray an saindong pag-guiromdom sako; na talagang nagisip na kamo kaiyan, kundi dai kamo natawan nin lugar.

Php 4:11 Bako na ako nagtataram dapit sa kakulagñan: huli ta nakanood ako na manigoan minsan sa anoman na kamug-takan.

Php 4:12 Tatao akong magpakababa, asin tatao man akong masa pagsopay: sa anoman na bagay asin sa gabos na bagay nakanood ako kan hilom sa pagkabasog asin sa pagkagotom, sa kaiguahon asin sa kadaihon.

Php 4:13 Ako makakaguibo kan gabos na bagay dian sa saiya na nagpapakosog sako.

Php 4:14 Minsan siring marahay an guinibo nindo na nakisumaro kamo sa sakong kasakitan.

Php 4:15 Asin kamo man sana nakakaaram, magña taga Filipos, na sa pagpoon kan evangelio, paghale ko sa Macedonia, dai nin simbahan na nakisumaro sako dapit sa pagtao asin pagako, kundi kamo sana;

Php 4:16 Huli ta minsan duman sa Tesaloni-ca nagpadara kamo nin makasaro asin makadua, manogñod sa sakong kaipu-han.

Php 4:17 Bakong huli ta ako naghahanap kan balaog; kundi ako naghahanap kan bugña na nagdadagdag manogñod sain­do.

Php 4:18 Alagad igua ako kan gabos na bagay, asin nagsosopay: ako nabasog pakaakoa ko ki Epafrodito kan magña bagay na hale saindo, sarong alimio nin mahamot na parong, sarong atang na maaako, makakapaogma sa Dios.

Php 4:19 Asin an sakong Dios mahipno kan gabos nindong kakulagñan sono sa sai­yang magña kayamanan sa kamurawa-yan dian ki Cristo Jesus.

Php 4:20 Gñunian, mapa sa satong Dios asin Ama an kamurawayan sagkod noarin man. Auot pa.

Php 4:21 Tawan nindo nin galang an gabos na banal dian ki Cristo Jesus. An magña tugang na kaiba ko minataong galang sa saindo.

Php 4:22 An gabos na banal minataong galang sa saindo, orog na an magña nasa harong ni Cesar.

Php 4:23 An biyaya nin Kagurangnan na si Jesu-Cristo masa saindong espiri-tu.



AMAZING GRACE BIBLE INSTITUTE