Kang FilemonPhm 1:1 Si Pablo, na bilango ni Cristo Jesus, asin si Timoteo na satong tugang, sa ki Filemon na samong namomotan asin kapua-paralingkod, Phm 1:2 Asin ki Apia na samong tugang na babae, asin ki Arquipo na samong kapua-soldados, patin sa simbahan na yaon sa saimong harong: Phm 1:3 An biyaya mapa saindo asin an katoninogñan hale sa Dios na satong Ama asin sa Kagurangñan na si Jesu-Cristo. Phm 1:4 Ako nagpapasalamat sa sakong Dios sa guiraray, na sinasambit taka sa sakong magña pamibi, Phm 1:5 Sa pakadagñog ko kan saimong pagkamoot, asin kan pagtubod na nasa saimo sa Kagurangnan na si Jesus$ asin sa gabos na banal; Phm 1:6 Tagñaning an pakisumaro kan saimong pagtubod may maguibo manogñod ki Cristo, dian sa pakasabot kan gabos na marahay na bagay na nasa saindo. Phm 1:7 Huli ta ako nagkaigua nin dakulang kaogmahan asin karagñahan sa saimong pagkamoot, ta huli saimo, tugang, an magña puso nin magña banal nakaguin-hawa. Phm 1:8 Kaya, minsan ako igua kan bilog na kaisogan dian ki Cristo na magboot saimo kan maninigo, Phm 1:9 Alagad dahel sa pagkamoot, pinagmarahay kong makimaherak saimo, pa-libhasa ako si Pablo magurang na, asin gñunian bilango man ni Cristo Jesus: Phm 1:10 Ako nakikimaherak saimo manogñod sa sakong aking si Onesimo, na ipinagñaki ko sa sakong pagkabilango, Phm 1:11 Na sia kaidto dai mo pinakikina-bagñan, alagad gñunian may pakina-bang na sa saimo asin sa sako: Phm 1:12 Na sia man sana pinapapuli ko dian sa saimo, na sia garo man sana an sakong puso: Phm 1:13 Na sia boot ko kutanang magdanay digdi sako tagñaning sa kasalihid mo sia makapaglingkod sako sa magña gapos kan evangelio: Phm 1:14 Alagad kun bakong sa kabotan mo dai ako maguibo nin anoman; tagñaning an saimong karahayan dai gumikan sa kapiritan, kundi sa sadiring boot. Phm 1:15 Huli ta sia gayod nabulag saimo sa sarong panahon, tagñaning sia mapa saimo na sagkod lamang; Phm 1:16 Bako nang siring sa oripon, kundi labi pa ki sa oripon, sarong tugang na namomotan, lalo na sako, alagad gurano pa dao saimo, dian sa laman asin man sa Kagurangnan. Phm 1:17 Kaya kun ako ibinibilang mong ka-iba, akoon mo sia siring sa ako man sana. Phm 1:18 Alagad kun sia nagkasala saimo nin anoman, ó nagkautang nin anoman, ibugtak mo iyan na sakong utang; Phm 1:19 Ako si Pablo nagsusurat sa sakong sadiring kamot, babayadan ko iyan: iyan dai ko isinasabi saimo na ika nagka-kautang sako sagkod pa kan saimong buhay. Phm 1:20 Oho, tugang, paogmaha ako dian sa Kagurangnan: paguinhawaha an sakong puso dian ki Cristo. Phm 1:21 Huling may paniwala sa saimong pagkuyog, ako nagsusurat sa saimo sa pakaaram na ika maguibo nin labi pa ki sa sakong isinasabi. Phm 1:22 Alagad sa gabos kaini andaman mo man ako nin maoontokan; ta ako nag-lalaom na huli kan saindong magña pamibi ako itotogot saindo. Phm 1:23 Minataong galang sa saimo si Epa-fras, na sakong kapua-bilango dian ki Cristo Jesus; Phm 1:24 Asin siring man si Marcos, si Aris-tarco, si Demas, si Lucas, na sakong magña kapua-paralingkod. Phm 1:25 An biyaya nin satong Kagurangnan na si Jesu-Cristo masa saindong espiritu. Auot pa. |