San Marcos


Mar 1:1 An kapinonan kan evangelio ni Jesu-Cristo, an Aki nin Dios.

Mar 1:2 Siring sa nasusurat sa ki Isaias na profeta, Uya, isinosobol ko an sakong sorogoon sa enotan nin saimong lalauogon, Na sia an magaandam kan saimong dalan;

Mar 1:3 An tigñog nin sarong nagkukurahao sa patag, Andamon nindo an dalan nin Kagurangnan, Tanoson an saiyang magña aaguihan.

Mar 1:4 Si Juan napadigdi, na namuniag sa patag asin nanhulit kan buniag sa pag-solsol sa kapatawadan nin magña kasa-lan.

Mar 1:5 Asin napaduman sa saiya an gabos na taga Judea, asin an gabos na taga Jerusalem; asin binuniagan nia sinda duman sa salog nin Jordan, na nagbobo-royboy kan saindang magfia kasalan.

Mar 1:6 Asin si Juan naggubing nin balukag nin camello, asin may sarong hagkos na anit sa saiyang habayan, asin nagkakan nin doron asin dogos.

Mar 1:7 Asin sia naghulit, na an sabi, May madigdi sa hudian ko na orog pang mapangyari ki sa sako, na alagñan gñani ako na dumoko asin na humubad kan bogkos nin saiyang sapin.

Mar 1:8 Ako nagbuniag saindo sa tubig; alagad sia mabuniag saindo sa Espiritu Santo.

Mar 1:9 Asin nangyari kaidtong magña al-dao, na si Jesus nagdatong hale sa Naza-ret nin Galilea, asin binuniagan sia ni Juan sa Jordan.

Mar 1:10 Asin tolos man kan paghawas sa tubig, nahiling nia na an lagñit nabuka-san, asin an Espiritu siring sa salampati naghilig sa saiya:

Mar 1:11 Asin an sarong tigñog naghale sa kalagñitan, Ika an sakuyang namomotan na Aki, sa saimo naoogma ako.

Mar 1:12 Asin tolos man inalao sia kan Espi­ritu pasiring sa patag.

Mar 1:13 Asin nasa patag sia apat na polong aldao na sinugotan ni Satanas; asin sia kasararo kan magña mabagñis na hayop; asin an magña angel naglingkod saiya.

Mar 1:14 Gñunian, kan mabilango na si Juan, si Jesus nagdatong sa Galilea, na naghuhulit kan evangelio nin Dios,

Mar 1:15 Na an sabi, An panahon naotob na, asin an kahadean nin Dios harani na: magsorolsol kamo, asin magturubod sa evangelio.

Mar 1:16 Asin sa paglakao sa baybayon kan dagat nin Galilea, nahiling nia si Simon asin si Andres na tugang ni Simon na nagtataktak kan hikot sa dagat; huli ta sinda magña parasira.

Mar 1:17 Asin si Jesus nagsabi sainda, Madia kamo sa hudian ko, asin guiguibohon ko kamo na maguin parasira nin tauo.

Mar 1:18 Asin tolos man binayaan ninda an magña hikot, asin nagsonod saiya.

Mar 1:19 Asin pakaoroenbtan, nahiling nia si Santiago na aki ni Zebedeo, asin si Juan na tugang nia, na sinda man nasa saka-yan; nagsasaripot kan magñahikot.

Mar 1:20 Asin tolos man inapod nia sinda: asin binayaan ninda an saindang ama na si Zebedeo sa sakayan kaiba kan magña parapatandan, asin nagsonod sa hudian nia.

Mar 1:21 Asin sinda nagralaog sa Caperna­um; asin tolos man sa aldao nin sabbath naglaog sia sa sinagoga asin nagtokdo.

Mar 1:22 Asin sinda naggñaralas kan saiyang pagtokdo: huli ta pinagtokdoan nia sinda siring sa may kapangyarihan, asin bakong siring kan magña escriba.

Mar 1:23 Asin igua sa saindang sinagoga nin sarong lalaki na may espiritung marom-pot; asin sia nagkurahao,

Mar 1:24 Na an sabi, Anong labot mi saimo, Jesus ika na taga Nazaret? napadigdi ka sa paglaglag samo? Midbid ko kun siisay ka, an Banal nin Dios.

Mar 1:25 Asin tinuyao sia ni Jesus, na an sabi, Dai ka magguirong, asin lumuas ka sa saiya.

Mar 1:26 Asin an espiritung marompot, pakapanooga saiya, nagkurahao sa halangkao na tigñog, asin nagluas sa saiya.

Mar 1:27 Asin sinda gabos naggñaralas, mala gñani ta nagpaharapothapotan sinda, na an sabi, Ano ini? sarong bagong pag­tokdo! sa kapangyarihan nagboboot sia minsan sa magña espiritung marompot, asin sinda minakuyog saiya.

Mar 1:28 Asin tolos man an saiyang dagñog nakalakop sa bilog na daga nin Galilea.

Mar 1:29 Asin tolos man, pakaluas ninda sa sinagoga, nagralaog sinda sa harong ni Simon asin ni Andres, kaiba si Santiago asin si Juan.

Mar 1:30 An panugagñan na babae ni Simon naghihigda ta may lagñat; asin tolos man sinabihan sia ninda dapit saiya:

Mar 1:31 Asin dinolok nia sia asin kinaptan sa kamot, patin binagñon; asin an sai-yang lagñat nawara, asin sia naglingkod sainda.

Mar 1:32 Asin pagsolnop kan aldao, dinara sa saiya an gabos na naghehelang, asin an may magña demonio.

Mar 1:33 Asin an bilog na banua natipon sa tata.

Mar 1:34 Asin sia nagpaomay nin dakol na may manlaenlaen na helang, asin nagpa-luas nin dakol na demonio; asin dai nia tinogotan na magtaram an magña demo­nio, huli ta sia midbid ninda.

Mar 1:35 Asin sa pagkaaga, haloy pang somi-rang an aldao, sia bominagnon, asin lominuas, patin pominaduman sa sarong lugar na patag, asin dian namibi.

Mar 1:36 Asin si Simon asin an magña kairi-ba nia, nagsoronod saiya;

Mar 1:37 Asin nakua ninda sia, asin sinda nagsarabi saiya, An gabos naghaharanap saimo.

Mar 1:38 Asin sia nagsabi sainda, Paduman kita sa ibang lugar, sa magña karaning banua, tagñaning maghulit man ako dian; huli ta dahel kaini nagluas ako.

Mar 1:39 Asin naglaog sia sa saindang magña sinagoga sa bilog na Galilea, naghuhulit asin nagpapaluas nin magña demonio.

Mar 1:40 Asin nagdolok sa saiya an sarong daoton, nakikimaherak, asin naglolo-hod, patin nagsasabi saiya, Kun boot ka mapapalinig mo ako.

Mar 1:41 Asin huling nahero sa pagkaherak, hinonat nia an saiyang kamot, asin dino-otan nia sia, asin sinabihan, Boot ko; Luminig ka.

Mar 1:42 Asin tolos man an daot nahale sa saiya, asin sia naguin malinig.

Mar 1:43 Asin pinagbotan nia sia nin mari-gon, asin tolos man pinalakao,

Mar 1:44 Patin sinabihan, Hiligña na dai ka magsabi kiisay man: kundi paduman, pumahiling ka sa sacerdote, asin mag-dolot ka huli kan pagkalinigui saimo siring sa ipinagboot ni Moises, sa pagpa-totoo sa sainda.

Mar 1:45 Alagad sia nagluas, asin nagpoon magbalagnibog kaiyan, asin magboyag-yag kan nangyari, mala ta si Jesus dai na nakakalaog na hayag sa ciudad, kundi duduman sia sa luas sa magña lugar na patag: asin nagdaratong sa saiya an magña hale sa gabos na lugar.



Mar 2:1 Asin paglaog nia liwat sa Caper­naum pakalihis nin nagkapirang aldao, nadagñog na duduman sia sa harong.

Mar 2:2 Asin dakol an nagtiripon, kaya dai na nin lugar, minsan sa luas kan tata: asin sia naghulit sainda kan tataramon.

Mar 2:3 Asin may nagdaratong na nagdara sa saiya nin sarong lopog, na naboboligan nin apat.

Mar 2:4 Asin kan dai sinda nakakarani sa saiya huli kan kadaklan, hinaklas ninda an atop sa tagñod nia: asin kan malaglag na ninda idto, itinonton ninda an hamak na nahihigdaan kan lopog.

Mar 2:5 Asin si Jesus, kan mahiling an sain­dang pagtubod, nagsabi sa lopog, Aki, an saimong magña kasalan ipinatawad na.

Mar 2:6 Alagad iguang nagtuturukao duman na magña escriba, na naghohorophorop sa saindang magña puso,

Mar 2:7 Tadao ta siring an pagtaram kan lalaking ini? sia naglalanghad: siisay an makakapagpatawad nin magña kasalan kundi saro, an Dios?

Mar 2:8 Asin tolos man si Jesus, pakamidbid sa saiyang isip na sinda naghohoropho­rop nin siring, nagsabi sainda, Tadao ta naghohorophorop kamo kan magña bagay na ini sa saindong magña puso?

Mar 2:9 Arin an orog kasayon, an pagsabi sa lopog, An saimong magfia kasalan ipina­tawad na; o an pagsabi, Buhat, daraha an hamak mo, asin lakao?

Mar 2:10 Alagad tagiianing maaraman nindo na an Aki nin tauo igua nin kapangyari-han sa daga sa pagpatawad nin magña kasalan (nagsabi sia sa lopog),

Mar 2:11 Ako nagsasabi saimo, Buhat, kuaa an saimong hamak, asin lakao sa sai-mong harong.

Mar 2:12 Asin sia nagbuhat, asin tolos man kinua nia an hamak, patin sia nagluas sa atubang nin gabos; mala ta an gabos naggñaralas, asin nagpamuraway sa Dios, na an sabi, Dai pa lamang kit a nakahi-ling nin siring.

Mar 2:13 Asin nagluas sia liwat duman sa baybayon nin dagat; asin an bilog na kadaklan nagdolok sa saiya, asin tinok-doan nia sinda.

Mar 2:14 Asin sa pagagui, nahiling nia si Levi na aki ni Alfeo, na nagtutukao sa pinagbubuhisan, asin sia nagsabi saiya, Suinonod ka sako. Asin sia nagtindog asin nagsonod saiya.

Mar 2:15 Asin nangyari na sia nagtutukao sa kakanan sa harong kaini, asin dakol na magña publicano asin parakasala na nagturukao sa kaibahan ni Jesus asin kan saiyang magña discipulo: huli ta kadakol, asin sinda nagsoronod saiya.

Mar 2:16 Asin an magña escriba asin magña Fariseo, kan mahiling ninda na sia nag-kakakan sa kaibahan kan magña para­kasala asin magiia publicano, nagsarabi sa saiyang magña discipulo, Paano ini ta sia nagkakakan asin nagiinom kaha-rampang kan magña publicano asin magña parakasala?

Mar 2:17 Asin si Jesus, kan madagñog ini, nagsabi sainda, An magña daing helang dai nagñagñaipo nin parabolong, kundi an magña may helang: dai ako napadig-di sa pagapod kan magiia banal, kundi kan magña parakasala.

Mar 2:18 Asin an magña discipulo ni Juan asin an magña Fariseo nagaarayuno: asin sinda nagdorolok asin nagsarabi saiya, Tadao ta nagaarayuno an magña discipu­lo ni Juan asin an magña discipulo ninmagña Fariseo, alagad an saimong magña discipulo dai nagaarayuno?

Mar 2:19 Asin si Jesus nagsabi sainda, Ma-gaarayuno dao an kairiba nin kinasal mantang yaon pa sa kaibahan ninda an novio? Mantang yaon pa sa kaiba­han ninda an novio, dai sinda magaara-yuno.

Mar 2:20 Alagad madatong an magña aldao, na na novio hahaleon sa sainda, asin dagñan na magaarayuno sinda sa aldao na iyan.

Mar 2:21 Dai nin siisay man na minatagob-hang nin bagong genero sa daan na gubing: ta kun siring an takpol na iyan iyo man sana an maguisi kan daan, asin an labot maorog pa logod.

Mar 2:22 Asin dai nin siisay man na mina-bugtak nin bagong arak sa magña daan na anit; ta kun siring an arak maguisi kan magña anit, asin an arak asin an magña anit masasayang: kundi sinda minabugtak kan bagong arak sa magña bagong anit.

Mar 2:23 Asin nangyari na sia nagagui kan aldao nin sabbath sa kaomahan nin trigo; asin an saiyang magña discipulo, sa saindang paglakao nagporoon mag-purukit kan magña ohoy.

Mar 2:24 Asin an magña Fariseo nagsarabi saiya, Hiligna, tadao ta nagguiguiribo sinda sa aldao nin sabbath kan bakong sono sa katogonan?

Mar 2:25 Asin sia nagsabi sainda, Dai nindo nabasa idtong guinibo ni David, kan sia magñaipo, asin magotom, sia, asin an saiyang magña kairiba?

Mar 2:26 Na naglaog sia sa harong nin Dios, kan si Abiatar iyo an halangkao na sacerdote, asin kinakan nia an tinapay na idodolot, na bakong sono sa katogo­nan na kakanon kundi sa magña sacer­dote sana, asin tinao man sa saiyang magña kairiba?

Mar 2:27 Asin sia nagsabi sainda, An sabbath guinibo manogñod sa tauo, asin bakong an tauo manogñod sa sabbath:

Mar 2:28 Kaya an Aki nin tauo iyo an kagu­rangnan kan sabbath.



Mar 3:1 Asin sia naglaog liwat sa sinagoga; asin igua duman nin sarong lalaki na may kamot na alang.

Mar 3:2 Asin sinda nagmasid saiya, kun baga paomayan nia sia sa aldao nin sabbath; tagnaning ikasombong sia ninda.

Mar 3:3 Asin sia nagsabi sa lalaki na may kamot na alang, Tindog sa tahao.

Mar 3:4 Asin sia nagsabi sainda, Sono dao sa katogonan, sa aldao nin sabbath, an pag-guibo nin marahay, o an pagguibo nin maraot? an pagagao nin sarong buhay, o an paggadan? Alagad sinda dai nagguiri-rong.

Mar 3:5 Asin pakapagnalagkalag nia sainda na may kaangotan asin kamondoan, dahel kan katagasan nin saindang magña puso, sia nagsabi sa lalaki, Honata an kamot mo. Asin hinonat nia iyan; asin an saiyang kamot naomayan.

Mar 3:6 Asin an magñaFariseo nagruluas, asin tolos man sa kaibahan kan magña Herodiano nagpaharatolhatolan tumang saiya, kun paanong mapakaraot sia.

Mar 3:7 Asin si Jesus asin an saiyang magña discipulo nagduruman sa dagat: asin an dakulang kadaklan hale sa Galilea nag-sonod; asin hale sa Judea,

Mar 3:8 Asin sa Jerusalem, asin sa Idumea, asin sa ibong nin Jordan, asin sa palibot nin Tiro asin Sidon, an sarong dakulang kadaklan, pakadagñog kan darakulang bagay na guinibo nia, nagduman sa saiya.

Mar 3:9 Asin sia nagtaram sa saiyang magña discipulo, na andamon sa saiya an sarong sadit na sakayan huli kan kadak­lan, tagñaning dai sia pioton ninda:

Mar 3:10 Huli ta sia nagpaomay sa balakid; mala ta an gabos na may sakit nagsoroso saiya tagñaning makadoot saiya.

Mar 3:11 Asin an magña espiritung marom-pot, kun sia nahihiling ninda, nara-laob sa saiyang atubang, asin nakurura-hao, na an sabi, Ika iyo an Aki nin Dios.

Mar 3:12 Asin sia nagboot sainda nin mari-gon na dai sia ibuyagyag.

Mar 3:13 Asin sia nagtukad sa bukid, asin nagapod sa saiya kan saiyang magña binoot; asin sinda nagduruman sa saiya.

Mar 3:14 Asin sia nagpili nin kagdua, tagña­ning sinda masa kaibahan nia, asin tagñaning masogo na maghulit,

Mar 3:15 Asin na magkaigua nin kapangyari-han sa pagpaluas nin magña demonio:

Mar 3:16 Asin si Simon tinawan nia nin ika-duang gñaran na Pedro;

Mar 3:17 Asin si Santiago na aki ni Zebedeo, asin si Juan na tugang ni Santiago; asin sinda tinawan nia nin ikaduang gñaran na Boanerges, na an kahologan, Magña aki ni dagoldol:

Mar 3:18 Asin si Andres, asin si Felipe, asin si Bartolome, asin si Mateo, asin si Tomas, asin si Santiago na aki ni Alfeo, asin si Tadeo, asin si Simon na Cananita,

Mar 3:19 Patin si Judas Iscariote, na iyo man an nagpasaloib saiya.

Mar 3:20 Asin sia naglaog sa sarong harong. Asin an kadaklan nagtiripon liwat, mala ta sinda dai na gñani makakakan nin tinapay.

Mar 3:21 Asin an saiyang magña katood, kan madagñog ini, nagruluas sa pagdakop saiya: huli ta sinda nagsarabi, Sia naro-rogñao.

Mar 3:22 Asin an magña escriba na naghara-le sa Jerusalem nagsarabi, Yaon saiya si Beelzebub, asin, Huli kan poon nin magña demonio nagpapaluas sia kan magña demonio.

Mar 3:23 Asin inapod nia sinda sa saiya, asin sinabihan sa magña halimbawa, Paanong mapaluas ni Satanas si Satanas?

Mar 3:24 Asin kun an sarong kahadean ma-bagña tumang sa saiya man sana, an kahadean na iyan dai makakatindog.

Mar 3:25 Asin kun an sarong harong maba-gña tumang sa saiya man sana, an harong na iyan dai makakatindog.

Mar 3:26 Asin kun si Satanas tominindog tumang sa saiya man sana, asin naba-bagña, dai sia makakatindog, kundi may katapusan.

Mar 3:27 Alagad dai nin siisay man na maka-kalaog sa harong nin makosog, asin makaratak kan saiyang magña rogaring, kun dai nia gñona gaposon an makosog; asin dagñan sia makaratak kan saiyang harong.

Mar 3:28 Sa katotoohan ako nagsasabi sain-do, An gabos na kasalan ipapatawad sa magña aki nin tauo, asin an anoman na langhad na saindang ipaglanghad:

Mar 3:29 Alagad an siisay man na maglang-had tumang sa Espiritu Santo dai nangad nin kapatawadan, kundi sia nag-kasala kan kasalan na daing katapusan:

Mar 3:30 Huli ta sinda nagsarabi, Sia igua nin espiritung marompot.

Mar 3:31 Asin nagdaratong an saiyang ina asin an saiyang magña tugang; asin man-tang nasa luas sinda nagsogo na ipina-apod sia.

Mar 3:32 Asin an kadaklan nagtutukao sa saiyang palibot; asin sinda nagsabi sai­ya, Uya, an saimong ina asin an saimong magña tugang nasa sa luas hinahanap ka.

Mar 3:33 Asin sia nagsimbag sainda, asin nagsabi, siisay an sakong ina asin an sakong magñatugang?

Mar 3:34 Asin pakapagnalagkalag sainda na nakatukao sa palibot nia, nagsabi, Uya, an sakong ina asin an sakong magña tugang!

Mar 3:35 Huli ta an siisay man na minaguibo kan kabotan nin Dios, ini iyo an sakong tugang na lalaki, asin tugang na babae patin ina.



Mar 4:1 Asin sia nagpoon liwat magtokdo sa baybayon nin dagat. Asin nagka-tiripon sa saiya an dakulaon na kadak­lan, nin huli kaini naglaog sia sa sarong sakayan sa dagat, asin nagtukao;asin an bilog na kadaklan nasa baybayon.

Mar 4:2 Asin sia nagtokdo sainda nin balakid na bagay sa magña halimbawa, asin nagsabi sainda sa saiyang pagtokdo.

Mar 4:3 Paghinaniog kamo: Uya, an para-sabwag nagluas sa pagsabwag:

Mar 4:4 Asin nangyari, sa pagsabwag nia, an ibang banhi naholog sa guilid nin dalan, asin nagdaratong an magñagamgam asin tinuruka ninda idto.

Mar 4:5 Asin an iba naholog sa magapo na daing dakol na daga; asin nabuhay tolos, huli ta bakong hararom an daga:

Mar 4:6 Alagad kan pagsirang kan aldao, natotong; asin huli ta kulang nin gamot, kaya naloyos.

Mar 4:7 Asin an iba naholog sa matonok, asin an magña tonok nagtaralobo, asin rinalamos idto, asin dai nagburugña.

Mar 4:8 Patin an iba naholog sa marahay na daga, asin nagburugña, nagtaralobo asin nagdarakula; asin nagtarao, manolong polo, asin magñanom na polo, patin manangatos.

Mar 4:9 Asin sia nagsabi, An igua nin magña taligña sa pagdagñog, maghinaniog.

Mar 4:10 Asin kan sia na sana, an magña nasa palibot nia na kaibahan kan kagdua nagharapot saiya dapit kan magña halimbawa.

Mar 4:11 Asin sia nagsabi sainda, Sa saindo itinao an tagong-hilom nin kahadean nin Dios: alagad sa magña nasa luas, an gabos na bagay guiniguibo sa magña halimbawa:

Mar 4:12 Tagñaning sa paghiling sinda maka-hiling, asin dai makamansay; asin sa pag­dagñog sinda makadagñog, asin dai makasabot; tagñaning dai sinda mag-bakle, asin patawadon.

Mar 4:13 Asin sia nagsabi sainda, Dai kamo nakakasabot kan halimbawang ini? asin paanong makasabot kamo kan gabos na halimbawa?

Mar 4:14 An parasabwag nagsasabwag kan tataramon.

Mar 4:15 Asin ini iyo idtong magña nasa gui­lid nin dalan, na nasabwagan kan tata­ramon; asin pakadagñog ninda, tolos man minadatong si Satanas, asin kinu-kua an tataramon na nakasabwag na sa sainda.

Mar 4:16 Asin ini man iyo idtong magña nakasabwag sa magapo, na sinda paka-dagñog kan tataramon, tolos man mina-ako kaiyan sa kaogmahan;

Mar 4:17 Asin kulang sinda nin gamot, kun-di minatagal sa halipot na panahon; dagñan, kun minadatong an kasakitan ó paglamag dahel kan tataramon, tolos man sinda nasisingkog.

Mar 4:18 Asin an iba iyo idtong magña naka­sabwag sa matonok; ini iyo idtong magña nagdagnog kan tataramon,

Mar 4:19 Asin an kahaditan kan kinaban, asin an kadayaan nin kayamanan, asin an horot nin iba pang magña bagay na nalaog, minalamos kan tataramon, asin iyan dai minabugña.

Mar 4:20 Asin ini iyo idtong magña naka­sabwag sa marahay na daga; na naghihi-naniog kan tataramon, asin nagaako kaiyan, patin nagbubugña, manolong polo, asin magnanom na polo, patin manangatos.

Mar 4:21 Asin sia nagsabi sainda, Dinadara dao an ilao tagñaning ibugtak sa irarom nin takadan, o sa irarom nin hamak, asin bakong sa bugtakan nin ilao?

Mar 4:22 Huli ta dai nin natatago na dai mahahayag; ni anoman na hinihilom kundi na iyan maliliwanagan.

Mar 4:23 Kun siisay man igua nin magña taligña sa pagdagñog, maghinaniog.

Mar 4:24 Asin sia nagsabi sainda, Magigñat kamo kan saindong nadadagñog: ta an sokol na isinosokol nindo, ibabalik iyan na isokol man saindo; asin labi pa an itatao saindo.

Mar 4:25 Huli ta an igua, sa saiya itatao: asin an dai, sa saiya kukuaon minsan an saiya na.

Mar 4:26 Asin sia nagsabi, Kaya an kahadean nin Dios, siring baga kun an sarong tauo magwasak nin banhi sa daga;

Mar 4:27 Asin magtorog asin magbagñon sa bangui asin sa aldao, asin an banhi mabuhay asin magtalobo, na dai nia naaaraman kun paano.

Mar 4:28 An daga minabugna sa saiya man sana; an dahon griona, dagnan an ohoy, dagrian an matimgas na tipasi sa ohoy.

Mar 4:29 Tara kun an bugria hinog na, tolos man ilinuluas nia an tigpas, huli ta an tiganihan nagabot na.

Mar 4:30 Asin sia nagsabi, Sa ano ta iaaguid an kahadean nin Dios? o sa anong halim-bawa ipapahayag ta iyan?

Mar 4:31 Iyan nakakaaguid sa pisog nin mos-taza, na, kun itinatanom sa daga, min­san iyan sadagnoton sa gabos na banhi sa daga,

Mar 4:32 Alagad, kun iyan nakatanom na, minatalobo, asin minalabi pa sa gabos na torotinanom, asin minasagña nin dara-kula; huli kaini an magña gamgam nin lagñit makakatogdon sa irarom nin saiyang limpoy.

Mar 4:33 Asin sa balakid na magña siring na halimbawa ipinagtaram nia an tatara­mon sainda, siring sa saindang pakasa-bot kaiyan;

Mar 4:34 Asin kun daing halimbawa dai sia nataram sainda: alagad kun sa saiyang sadiring magña discipulo sana isinasay-say nia an gabos na bagay.

Mar 4:35 Asin sa aldao na iyan, pagsolnop kan aldao sia nagsabi sainda, Tumala-bok kita sa ibong.

Mar 4:36 Asin pakabayae kan kadaklan, dinara sia ninda siring sa pagkamugtak nia sa sakayan. Asin may ibang magña sakayan na kairiba nia.

Mar 4:37 Asin nagabot an dakulang baguio nin doros, asin an magña alon nagralaog sa sakayan, mala ta an sakayan mapa-pano na.

Mar 4:38 Asin sia duduman sa olin natoto-rog sa colchon: asin pinukao ninda sia, asin sinabihan, Paratokdo, dai ka naki-kilabot na magadan kita?

Mar 4:39 Asin sia nagmata, asin sinaway nia an doros, patin sia nagsabi sa dagat, Toninong, ontok. Asin an doros nagontok, asin nagtoninong.

Mar 4:40 Asin sia nagsabi sainda, Tadao ta natatakot kamo? Dai pa kamo nin pag-tubod?

Mar 4:41 Asin sinda nagkatarakot nin maku-ri, asin nagpaorolayolay, Siisay dao ini, na minsan an doros asin an dagat nag-kukuyog saiya?



Mar 5:1 Asin nagdaratong sinda sa ibong kan dagat, sa daga nin magña taga Gergesa.

Mar 5:2 Asin kan makahawas na sia sa saka-yan, tolos man an sarong tauo na may espiritung marompot nagsabat saiya hale sa magña lolobgñan,

Mar 5:3 Na sia nageerok sa magñalolob-gnan: asin dai nin siisay man na nakaga-pos pa saiya, minsan kan magña cadena;

Mar 5:4 Huli ta parating guinagapos sia nin magñapandog asin magña cadena, asin an magña cadena pinaparatod nia, asin an magña pandog pinoporotol: asin dai nin siisay man na may kosog sa pagpo-gol saiya.

Mar 5:5 Asin sa guiraray, aldao-bangui, sa magña iolobgñan asin sa kabukidan sia nagkukurahao asin nagsasadiring mag-lugad sa saiya man sana nin magña gapo.

Mar 5:6 Asin kan mahiling nia si Jesus sa harayo, sia nagdalagan asin nagsamba saiya;

Mar 5:7 Asin pagkurahao sa halangkao na tigñog, sia nagsabi, Anong labot ko sai-mo, Jesus, ika na Aki nin Dios na kaho-rohalangkawe? ipinagboboot ko saimo na magsumpa ka sa Dios na dai mo ako pasakitan.

Mar 5:8 Huli ta sia nagsabi saiya, Lumuas ka sa tauo, ika na espiritung marompot.

Mar 5:9 Asin sia naghapot saiya, Ano an gnaran mo? Asin sia nagsimbag saiya, An gnaran ko Legion; huli ta kami dakol.

Mar 5:10 Asin sia nakimaherak saiya nin maigot na dai nia sinda isobol sa luas kaidtong daga.

Mar 5:11 Gnunian, igua duman sa guilid nin bolod nin sarong dakulang kadaklan nin magña orig na nagsusurungkal.

Mar 5:12 Asin sinda nakimaherak saiya, na an sabi, Padumanon mo kami sa magña orig, tagñaning lumaog kami sa sainda.

Mar 5:13 Asin tinogotan nia sinda. Asin nag-ruluas an magña espiritung marompot asin nagralaog sa magña orig; asin an magña orig nagralampao sa sarong ampas pasiring sa dagat, an bilang may duang ribo; asin sinda nagkaralamos sa dagat.

Mar 5:14 Asin an magña nagataman kaidto nagdurulag, asin nagbarareta kaidto sa banua, asin sa oma. Asin sinda nagduru-man sa paghiling kun ano idtong nang-yari.

Mar 5:15 Asin nagdorolok sinda ki Jesus, asin naghiriling kaidtong may magña demonio na nagtutukao, may gubing na asin nasa saiyang marahay na isip, sia na nagkaigua nin legion: asin sinda nagka­tarakot.

Mar 5:16 Asin an magña nakahiling kaidto, nagpahayag sainda kan nangyari sa may magña demonio, asin dapit sa magiia orig.

Mar 5:17 Asin sinda nagporoon makimahe-rak saiya na maghale sa saindang daga.

Mar 5:18 Asin paglaog nia sa sakayan, idtong nagkaigua nin magña demonio nakima­herak saiya na makaiba saiya.

Mar 5:19 Asin dai nia sia tinogotan, alagad nagsabi saiya, Paduman ka sa harong mo, sa saimong magiia katood, asin sabi-han mo sinda kun gurano kadarakulang bagay an guinibo nin Kagurangnan sa saimo, asin kun paanong naherak sia saimo.

Mar 5:20 Asin sia naglakao, asin nagpoon magpahayag sa Decapolis kun gurano kadarakulang bagay an guinibo ni Jesus sa saiya: asin an gabos na tauo naggña-ralas.

Mar 5:21 Asin kan si Jesus makatalabok na liwat sa sakayan sa ibong, an sarong dakulang kadaklan nagkatiripon sa sai­ya; asin sia nasa baybayon.

Mar 5:22 Asin nagdatong an saro kan magña poon nin sinagoga, na an gnaran Jairo; asin kan mahiling sia, naglaob sa sai-yang pamitisan,

Mar 5:23 Asin nakimaherak saiya nin mari-gon, na an sabi, An sadit kong aking babae naghihigñagdan: ako nakikimahe-rak saimo na paduman ka, asin ibugtak mo an saimong kamot saiya, tagñaning maomayan sia asin mabuhay.

Mar 5:24 Asin sia ominiba saiya; asin an sarong dakulang kadaklan nagsonod sai­ya, asin piniot ninda sia.

Mar 5:25 Asin an sarong babae, na pinaga-awasan nin dugo sa kagdua nang taon,

Mar 5:26 Asin nagtios na nin balakid na bagay sa dakol na parabolong, asin nao-bos nang ikabayad an gabos niang sadiri, asin dai lamang nin kaguinhawaan, at a gñani nagoorog logod,

Mar 5:27 Pakadagnog nia kan magña bagay dapit ki Jesus, nagsalak sia sa kadaklan sa likodan, asin nagtikuil kan saiyang gubing.

Mar 5:28 Huli ta sia nagsabi, Kun ako maka-tikuil lamang kan saiyang gubing, mao-omayan ako.

Mar 5:29 Asin tolos man napongpong an pagawas kan saiyang dugo; asin nama-tean nia sa saiyang hawak na naomayan na sia kan saiyang helang.

Mar 5:30 Asin tolos man si Jesus, pakaaram sa saiya man sana na an kapangyarihan nagluas sa saiya, nagsalignoy sa kadak­lan, asin nagsabi, Siisay an nagtikuil kan sakong gubing?

Mar 5:31 Asin an saiyang magña discipulo nagsarabi saiya, Nahiling mo na pinipiot ka kan kadaklan, asin nagsasabi ka, Siisay an nagtikuil sako?

Mar 5:32 Asin sia nagñalagkalag sa paghi-ling kan nagguibo kaidto.

Mar 5:33 Alagad an babae, natatakot asin tinatakigan patin nakakaisi kan nangyari saiya, nagdolok asin naglaob sa atubang nia, asin nagsabi saiya kan gabos na katotoohan.

Mar 5:34 Asin sia nagsabi saiya, Aki, an saimong pagtubod iyo an nagpaomay saimo; lakao sa katoninongñan, asin maomayan ka kan saimong helang.

Mar 5:35 Mantang sia nagtataram pa, nagda-tong an magña hale sa harong kan poon nin sinagoga, na nagsabi, An saimong aki gadan na: tadao ta pinapagal mo pa an Paratokdo?

Mar 5:36 Alagad si Jesus, na dai nakilabot kan tataramon na isinabi, nagsabi sa poon nin sinagoga, Dai ka matakot, tubod sana.

Mar 5:37 Asin dai sia nagtogot na siisay man omiba saiya, kundi si Pedro, asin si Santiago, patin si Juan na tugang ni Santiago.

Mar 5:38 Asin sinda nagdaratong sa harong kan poon nin sinagoga; asin nahiling nia an karibokan, asin an magñanagtata-gñis, asin nananambitan nin makuri.

Mar 5:39 Asin sia, kan makalaog na, nagsabi sainda, Tadao ta nagriribok kamo asin nagtatagñis? an aki bakong gadan, kundi torog.

Mar 5:40 Asin sinda nagologolog saiya. Ala-gad, kan mapaluas na an gabos, kinua nia an ama kan aki asin an ina patin an magña kairiba nia, asin naglaog sa na-mugtakan kan aki.

Mar 5:41 Asin pakakapote kan aki sa kamot, sia nagsabi saiya, Talitha cumi; na an boot sabihon, Daraga, ako nagsasabi saimo, Bagnon.

Mar 5:42 Asin tolos man an daraga nagba-gñon, asin naglakao; huli ta sia kagdua nang taon. Asin tolos man sinda naggña-ralas nin makuring paggñalas.

Mar 5:43 Asin sia nagboot sainda nin mari-gon na dai nin siisay man na makaisi kaini: asin sia nagboot na tawan idto nin kakanon.



Mar 6:1 Asin sia naghale dian; asin nagda-tong sa sadiri niang daga; asin an saiyang magña discipulo nagsoronod saiya.

Mar 6:2 Asin kan pagdatong kan sabbath sia nagpoon magtokdo sa sinagoga: asin dakol, sa pagdagñog saiya, an naggnara-las, na an sabi, Saen nagkua an lalaking ini kaining magña bagay? asin, Ano an kadonogñan na itinao sa lalaking ini, asin ano dao an kahologan kan magña gñagñalasan na guinibo kan saiyang magña kamot?

Mar 6:3 Bako ini an panday, an aki ni Maria, asin tugang ni Santiago, asin ni Jose, asin ni Judas, asin ni Simon? asin bakong uya an saiyang magña tugang na babae sa kaibahan ta? Asin sinda nagka-siringkog saiya.

Mar 6:4 Asin si Jesus nagsabi sainda, Daing profeta na mayong halaga, kundi sa sadiri niang daga, asin sa sadiri niang magña kapagaraki, patin sa sadiri niang harong.

Mar 6:5 Asin dian dai sia nakapagguibo nin anoman na gñagñalasan, kundi na nag-bugtak sia kan saiyang kamot sa kadikit na naghehelang, asin nagpaomay sainda.

Mar 6:6 Asin sia naggnalas huli kan saindang dai pagtubod. Asin sia naglibot sa magña barrio, nagtotokdo.

Mar 6:7 Asin inapod nia sa saiya an kagdua, asin pinonan sindang pagsogoon manua-dua; asin tinawan sinda nin kapangyari-han sa magña espiritung marompot;

Mar 6:8 Asin pinagbotan sinda na dai mag-dara nin anoman sa saindang pagbaklay, kundi sogkod sana; daing tinapay, ni takupis, ni pirak sa saindang sopot;

Mar 6:9 Kundi magsandalias: asin, sia nagsa­bi, dai kamo magsolog nin duang gu-bing.

Mar 6:10 Asin sia nagsabi sainda, Saen man na harong kamo lumaog, magontok kamo dian sagkod na kamo maghale.

Mar 6:11 Asin an arin man na lugar na dai omako, ni dumagñog saindo, sa pagluas nindo dian, pagpagon nindo an kabo-kabo sa saindong magña bitis, sa pagpa-totoo sa sainda.

Mar 6:12 Asin sinda nagluas, asin naghulit na an magña tauo magsorolsol.

Mar 6:13 Asin sinda nagpaluas nin balakid na demonio, asin naglahid nin lana sa balakid na naghehelang, asin nagpaomay sainda.

Mar 6:14 Asin si hadeng Herodes nakada-gñog dapit kaiyan; huli ta an saiyang gñaran nakalakop na: asin sia nagsabi, Si Juan Bautista nabuhay liwat sa magña gadan, kaya an magña kapangyarihan na ini nangyayari sa saiya.

Mar 6:15 Alagad an iba nagsarabi, Iyan si Elias. Asin an iba nagsarabi, Sarong profeta, siring sa saro kan magña pro­feta.

Mar 6:16 Alagad si Herodes, pakadagñog kai­yan, nagsabi, Si Juan na sakong pinogo-tan, sia nabuhay liwat.

Mar 6:17 Huli ta si Herodes iyo an nagsogo na dakopon si Juan, asin nagpagapos saiya sa bilangoan, dahel ki Herodias, na agom ni Felipe na saiyang tugang; huli ta inagom nia sia.

Mar 6:18 Huli ta si Juan nagsabi ki Herodes, Bakong sono sa katogonan na sadirihon mo an agom nin saimong tugang.

Mar 6:19 Asin si Herodias naangot saiya, asin nagmauot na gadanon sia; alagad dai nia iyan naguibo;

Mar 6:20 Huli ta si Herodes takot ki Juan, ta aram nia na sia matanos asin banal, asin ilinikay nia sia. Asin kun sia nadadagñog nia, nahahandal sia nin makuri; asin hinihinaniog nia nin maogma.

Mar 6:21 Asin pagdatong kan sarong agñay na aldao, na si Herodes, sa aldao na sai­yang ikinamundag, nagandam nin sarong panhapon sa saiyang magña maguinoo, asin magña halangkao na capitan, patin magña poon sa Galilea;

Mar 6:22 Asin kan an aking babae ni Hero­dias lumaog asin tumarok, naoyonan si Herodes asin an magña kairiba nia sa pagkakan; asin an hade nagsabi sa dara-ga, Hagad sako kan anoman na boot mo, asin ta itatao ko iyan saimo.

Mar 6:23 Asin sia nagsumpa saiya, An ano­man na hagadon mo sako, itatao ko sai­mo, sagkod sa kabagña kan sakong kaha-dean.

Mar 6:24 Asin sia nagluas, asin nagsabi sa sai­yang ina, Ano an hagadon ko? Asin sia nagsabi, An payo ni Juan Bautista.

Mar 6:25 Asin sia tolos man naglaog nin madale sa hade, asin naghagad, na an sabi, Boot ko na gñunian tolos itao mo sako sa sarong tolodan an payo ni Juan Bautista.

Mar 6:26 Asin an hade namondo nin makuri; alagad dahel kan saiyang magña sumpa, asin kan magña duduman sa pagkakan, dai sia nagsayuma saiya.

Mar 6:27 Asin tolos man an hade nagsogo nin sarong soldado sa saiyang bantay, asin nagboot na darahon an sa iyang payo: asin sia napaduman asin pinogo-tan nia si Juan sa bilangoan,

Mar 6:28 Asin dinara nia an saiyang payo sa sarong tolodan, asin itinao iyan sa dara-ga; asin kan daraga sa saiyang ina.

Mar 6:29 Asin an saiyang magñadiscipulo kan makadagñog dapit kaiyan, nagdu-ruman asin kinua ninda an saiyang bang-kay, asin ibinugtak sa sarong lolobgñan.

Mar 6:30 Asin an magña apostol nagtiripon ki Jesus; asin sinda nagorosip saiya kan gabos na bagay na guiniribo asin itino-rokdo ninda.

Mar 6:31 Asin sia nagsabi sainda, Madia, sib-lag kamo sa sarong lugar na patag, asin magpahigñalo nin kadikit. Huli ta dakol an magña nagaarabot asin naghaharale, asin ta dai na gñani sinda nin panahon sa pagkakan.

Mar 6:32 Asin sinda nagsarakay pasiring sa sarong patag sa siblag.

Mar 6:33 Asin nahiling kan magña tauo an saindang paghale, asin balakid an naka-midbid sainda, asin sinda gabos nagdara-lagan hale sa gabos na banua, asin na-enot sainda.

Mar 6:34 Asin sia nagluas asin nahiling nia an sarong dakulang kadaklan, asin sia naherak sainda, huli ta sinda garong magña carnero na dai nin paraataman: asin sia nagpoon magtokdo sainda nin balakid na bagay.

Mar 6:35 Asin kan hapon nang gayo, an sai­yang magña discipulo nagdorolok sa saiya, na nagsabi, Ining lugar patag, asin an oras nakalihis na:

Mar 6:36 Pahaleon mo na sinda, tagñaning magduruman sa magña oma asin barrio sa palibot, asin magbarakal kan sain­dang makakakan.

Mar 6:37 Alagad sia nagsimbag asin nagsabi sainda, Tawan nindo sinda nin maka­kakan. Asin sinda nagsarabi saiya, Ano, maduruman kami asin mabarakal nin duang gatos na denariong halaga nin tinapay, asin matarao sainda nin maka­kakan?

Mar 6:38 Asin sia nagsabi sainda, Pira an tinapay nindo? lakao, hiligña nindo. Asin kan maisihan ninda, nagsarabi, Lima, asin duang sira.

Mar 6:39 Asin pinagbotan nia sinda na mag-turukao an gabos sa doot, torotompok.

Mar 6:40 Asin sinda nagturukao sa magña tompok na manangatos, asin manlimang polo.

Mar 6:41 Asin kinua nia an limang tinapay asin an duang sira, asin pagtagñad sa lagñit, benendicionan nia, asin binara-gña an magña tinapay; asin itinao nia sa magña discipulo tagnaning iburugtak sa atubang ninda; asin an duang sira bina-ragña nia sa sainda gabos.

Mar 6:42 Asin nagkarakan an gabos, asin nagkabarasog.

Mar 6:43 Asin pinagtiripon ninda an magña kabtang, kagduang kararao na parano, asin siring man an magñasira.

Mar 6:44 Asin an nagkarakan kan magña tinapay, limang ribong lalaki.

Mar 6:45 Asin tolos man pinirit nia an sai­yang magña discipulo na magralaog sa sakayan, asin magerenot saiya sa ibong pa Betsaida, mantang sia nagpapahale pa kan kadaklan.

Mar 6:46 Asin pakapahalea sainda, napadu­man sia sa bukid ta mamimibi.

Mar 6:47 Asin kan bangui na, an sakayan nasa tahao na nin dagat, asin sia nagsaro-saro sa daga.

Mar 6:48 Asin kan mahiling nia na sinasakit sinda sa paggaod, huli ta an doros song-song, kan may a las tres na an bangui nagdagñadang sia sa sainda, na naglala-kao sa ibabao kan dagat; asin sia malihis kutana sainda:

Mar 6:49 Alagad sinda, kan mahiling sia na naglalakao sa ibabao kan dagat, nagho-rona na idto fantasma, asin nagkurura-hao;

Mar 6:50 Huli ta sinda gabos nakahiling saiya, asin nagkatirikbahan. Alagad sia tolos man nagtaram asin nagsabi sainda, Magogma kamo: iyo ako; dai kamo matakot.

Mar 6:51 Asin sia nagsangkay sa saindang sakayan: asin an doros nagoñtok: asin sinda nagkatirikbahan nin makuri;

Mar 6:52 Huli ta sinda dai nakasabot dapit kan magña tinapay, kundi an saindang puso matagas.

Mar 6:53 Asin kan sinda makatalabok na, nagdaratong sinda sa daga sa Genesaret, asin nagfondo sa baybayon.

Mar 6:54 Asin kan makaluas na sinda sa sakayan, tolos man namidmidan sia kan magñatauo,

Mar 6:55 Asin sinda nagdaralagan sa bilog na palibot, asin nagporoon magdarara sa saiya, saen man madagnog ninda na duduman sia, kan magña naghehelang sa saindang magña hamak.

Mar 6:56 Asin saen man sia lumaog, sa magña barrio, o sa magñabanua, o sa oma, ibinubugtak ninda an magña nag­hehelang sa magña sadan, asin nakiki-maherak saiya na togotan sinda na makatikuil lamang kan gayad nin sai-yang gubing: asin an gabos na nakatikuil saiya nagkaoromayan.



Mar 7:1 Asin nagkatiripon sa saiya an magña Fariseo, asin an nagkapirang magña escriba hale sa Jerusalem,

Mar 7:2 Asin nakahiling na an nagkapira kan saiyang magña discipulo nagkakakan kan saindang tinapay sa magña kamot na may digta, na an boot sabihon, dai hinanawan.

Mar 7:3 (Huli ta an magña Fariseo asin an gabos na Judio, kun dai naghahanao nin maigot kan saindang magña kamot, dai minakakan, sa pagotob kan magña osi-pon nin magña magurang;

Mar 7:4 Asin kun hale sa sadan, kun dai nag­hahanao, dai sinda minakakan: asin igua pang balakid na bagay na saindang inara-ko na otobon, magña paghugas nin magña copa, asin magña koron, patin magña lalagan na kalongkaki.)

Mar 7:5 Asin an magña Fariseo asin an magña escriba nagharapot saiya, Tadao ta dai nagsosonod an saimong magña discipulo kan magña osipon nin magña magurang, kundi nagkakarakan kan tinapay sa magña kamot na may digta?

Mar 7:6 Asin sia nagsabi sainda, Marahay nangad an pagkahula ni Isaias dapit sain-do, magña parasaguinsaguin, siring sa nasusurat, An banuaan na ini naggagalang sako sa saindang magiia gñabil, Alagad an saindang puso harayo sako.

Mar 7:7 Tara sayang sana an pagsaramba ninda sako, Na nagtotokdo kan magña osipon nin tauo na pinakang togon.

Mar 7:8 Binabayaan nindo an togon nin Dios, asin iniignatan an magña osipon nin tauo.

Mar 7:9 Asin sia nagsabi sainda, Marahay nangad an pagsikual nindo kan togon nin Dios, tagñaning maigñatan nindo an saindong magña osipon.

Mar 7:10 Huli ta si Moises nagsabi, Galagñan mo an saimong ama asin an saimong ina; asin, An nagtataram nin maraot tumang sa ama o ina, sia gadanon:

Mar 7:11 Alagad kamo nagsasarabi, Kun may magsabi sa ama o ina, Idto gabos na ikalingkod ko saimo, Corban, na an boot sabihon, idinolot sa Dios;

Mar 7:12 dai na nindo tinotogotan na gumi-bo nin anoman manogñod sa saiyang ama o sa saiyang ina;

Mar 7:13 Binabasang nindo an tataramon nin Dios dahel kan saindong magña osipon na itinao nindo: asin balakid na bagay na siring kaini an guiniguibo nindo.

Mar 7:14 Asin inapod nia liwat sa saiya an kadaklan, asin sinabihan sinda, Hinanio-ga ako asin sabota nindo gabos:

Mar 7:15 Dai nin anoman sa luas nin tauo na sa paglaog makadigta saiya; kundi an magña bagay na minaluas sa saiya iyo an magña minadigta sa tauo.

Mar 7:16 An igua nin magña taligña sa pagdagñog, maghinaniog.

Mar 7:17 Asin kan makalaog na sia sa harong hale sa kadaklan, an saiyang magña dis­cipulo nagharapot saiya dapit kan halim-bawa.

Mar 7:18 Asin sia nagsabi sainda, Siring an kakulagñan nindo nin pakasabot? Dai nindo nasasabotan na dai nin anoman na minalaog sa tauo hale sa luas na naka-kadigta saiya;

Mar 7:19 Huli ta iyan dai minalaog sa sai-yang puso, kundi sa saiyang tulak, asin minaluas sa lugar na hilom? Ini isinabi nia sa pagpahayag na an gabos na kaka-non malinig.

Mar 7:20 Asin sia nagsabi, Idtong minaluas sa tauo, iyo an minadigta sa tauo.

Mar 7:21 Huli ta guikan sa laog, sa puso nin magña tauo, minaluas an magña maraot na kaisipan, magña pakisaro, magña pag-habon, magña paggadan, magña pag-sambay,

Mar 7:22 Magña pagkaara, magña karatan, kadayaan, maraot na ho rot, marigsot na mata, pagraway, kapaabaoabawan, ka-rognawan:

Mar 7:23 Ini gabos na maraot na bagay minaguikan sa laog asin minadigta sa tauo.

Mar 7:24 Asin sia nagbuhat dian, asin napa-duman sa daga nin Tiro asin Sidon. Asin sia naglaog sa sarong harong, asin habo nia na siisay man makaisi kaidto; alagad dai sia natago.

Mar 7:25 Asin tolos man an sarong babae, na an saiyang aking sadit na babae igua nin sarong espiritung marompot, pakada-gñog dapit saiya, nagduman asin naglo-hod sa saiyang pamitisan.

Mar 7:26 An babae Griega, taga Sirofenicia. Asin sia nakimaherak saiya na paluason nia an demonio sa saiyang aki.

Mar 7:27 Asin sia nagsabi saiya, Pabasoga gñona an magñaaki: huli ta dai manini-go na kuaon an tinapay nin magña aki asin iapon sa magña ayam.

Mar 7:28 Alagad sia nagsimbag asin nagsabi saiya, Iyo man nangad, Kagurangnan; minsan an magña ayam sa irarom nin lamesa, nagkakakan kan magña rokdog nin magña aki.

Mar 7:29 Asin sia nagsabi saiya, Huli kan tataramon na ini, lakao na; an demo­nio lominuas na sa saimong aking babae.

Mar 7:30 Asin sia napaduman sa saiyang harong, asin naabotan nia an aki napapahigda sa hamak, asin an demonio naka-luas na.

Mar 7:31 Asin sia nagluas liwat sa daga nin Tiro, asin nagagui sa Sidon asin sa daga nin Decapolis, pasiring sa dagat nin Galilea.

Mar 7:32 Asin dinara saiya an sarong bogñog na bilot; asin sinda nakimaherak saiya na ibugtak nia an saiyang kamot saiya.

Mar 7:33 Asin isiniblag nia sia sa kadaklan, ilinaog an saiyang magña moro sa magiia taligña kaidto, asin sia naglutab asin tinikuil nia an saiyang dila;

Mar 7:34 Asin pagtagñad sa lagñit, sia nag-taghos, asin nagsabi saiya, Ephata, na an boot sabihon, Mabukas.

Mar 7:35 Asin an saiyang magña taligña nabukas, asin nahubad an bogkos kan saiyang dila, asin sia nagtaram na nin malinao.

Mar 7:36 Asin sia nagboot sainda na dai magosip kiisay man: alagad orog na pinagbobotan nia sinda, orog man na nagbalagñibog sinda.

Mar 7:37 Asin naggñaralas sinda nin daing sokol, na an sabi, Marahay an pagka-guibo nia kan gabos; guiniguibo nia na minsan an magña bogñog makadagñog, asin an magña pula makataram.



Mar 8:1 Sa magña aldao na idto, kan igua liwat nin sarong dakulang kadaklan, asin mayo sindang makakakan, inapod nia sa saiya an saiyang magña discipulo, asin sinabihan sinda,

Mar 8:2 Naheherak ako sa kadaklan, ta tolong aldao na sa kaibahan ko, asin mayong makakakan.

Mar 8:3 Asin kun palakawon ko sinda sa saindang magña harong, na gotom, pan-luluyahon sinda sa dalan; asin an iba sa sainda nagharale sa harayo.

Mar 8:4 Asin an saiyang magña discipulo nagsirimbag saiya, Saen makua digdi sa sarong patag nin tinapay na ikapaba-sog sa magña tauong ini?

Mar 8:5 Asin sia naghapot sainda, Pira an tinapay nindo? Asin sinda nagsarabi, Pito,

Mar 8:6 Asin pinagbotan nia an magña tauo na magturukao sa daga: Asin kinua nia an pitong tinapay, asin pakapagpasala-mat, binaragiia, asin itinao sa saiyang magña discipulo, tagñaning ibugtak sa atubang ninda; asin ibinugtak ninda sa atubang nin magña tauo.

Mar 8:7 Asin igua sindang diit na saradit na sira: asin pakabendicione, nagboot sia na ibugtak man idto sa atubang ninda.

Mar 8:8 Asin sinda nagkarakan, asin nagka-barasog: asin tiniripon ninda an magña kabtang na natada, pitong kararao.

Mar 8:9 Asin sinda may apat na ribo: asin pinalakao nia sinda.

Mar 8:10 Asin tolos man sia naglaog sa saka­yan kairiba an saiyang magña discipulo, asin napaduman sa daga nin Dalmanuta.

Mar 8:11 Asin an magña Fariseo nagruluas asin nagporoon magharapot saiya, na naghaharagad saiya nin sarong tanda na hale sa lagñit, sa pagtokso saiya.

Mar 8:12 Asin sia nagtaghos sa saiyang espi-ritu, na an sabi, Tadao ta an kapagara-kian na ini naghahanap nin sarong tan­da? Sa katotoohan ako nagsasabi sain-do, Dai nin anoman na tanda na itatao sa kapagarakian na ini.

Mar 8:13 Asin binayaan nia sinda, asin sa paglaog liwat sa sakayan, nagtalabok sia pa ibong.

Mar 8:14 Asin sinda nakalignao na magdara nin tinapay; asin dai sindang iba kan sarong tinapay sa sakayan.

Mar 8:15 Asin sia nagboot sainda, na an sabi, Magigñat asin maglikay kamo sa levadu­ra nin magña Fariseo asin sa levadura ni Herodes.

Mar 8:16 Asin sinda nagpasuruhay sa sainda man sana, na an sabi, Dai kita nin tina­pay.

Mar 8:17 Asin si Jesus na nakakaaram kaidto nagsabi sainda, Tadao ta nagpapasuru-hay kamo, huli ta dai kamo nin tinapay? dai pa guiraray kamo nakakahiling ni nakakasabot? pinatagas na nindo an saindong puso?

Mar 8:18 Kamo na may magña mata, dai kamo nakakahiling? asin may magña taligña, dai nakakadagñog? asin dai kamo nakakaromdom?

Mar 8:19 Kan pagbaragñaon ko an limang tinapay sa limang ribo, pirang kararao na parano nin magña kabtang an pinag-tiripon nindo? Sinda nagsarabi saiya, Kagdua.

Mar 8:20 Asin kan an pito sa apat na ribo, pirang kararao nin magña kabtang an pinagtiripon nindo? Asin sinda nagsara­bi saiya, Pito.

Mar 8:21 Asin sia nagsabi sainda, Dai pa gui­raray kamo nakakasabot?

Mar 8:22 Asin sinda nagdaratong sa Betsai­da. Asin sinda nagdara sa saiya nin sarong buta, asin nakimaherak saiya na dootan nia sia.

Mar 8:23 Asin kinapotan nia an kamot kan buta, asin dinara sia sa luas kan barrio; asin kan malutaban nia an saiyang magña mata, asin mabugtakan sia kan saiyang magña kamot, hinapot nia sia, Nakakahiling ka nin anoman?

Mar 8:24 Asin sia nagtagñad, asin nagsabi, Nakakahiling ako nin magña tauo; huli ta nahihiling ko sinda na garong magña kahoy, nagraralakao.

Mar 8:25 Dagñan ibinugtak nia liwat an sai­yang magña kamot sa saiyang magña mata; asin sia nagtorohok, asin naoma-yan, patin nakahiling na nin malinao kan gabos na bagay.

Mar 8:26 Asin pinalakao nia sia sa saiyang harong, na an sabi, Dai ka maglaog min-san sa barrio.

Mar 8:27 Asin si Jesus asin an saiyang magña discipulo nagruluas pasiring sa magña barrio nin Cesarea ni Felipe: asin sa dalan, sia naghapot sa saiyang magña discipulo, na an sabi sainda, Siisay daa ako?

Mar 8:28 Asin sinda nagsirimbag, na an sabi, Si Juan Bautista; asin an iba, Si Elias; alagad an iba man, Saro kan magña profeta.

Mar 8:29 Asin sia naghapot sainda, Alagad, kamo, ano an sabi nindo, siisay ako? Si Pedro nagsimbag asin nagsabi saiya, Ika iyo an Cristo.

Mar 8:30 Asin sia nagboot sainda na dai magsabi kiisay man dapit saiya.

Mar 8:31 Asin sia nagpoon magtokdo sainda, na an Aki nin tauo kaipuhan na magtios nin balakid na bagay, asin na isikual sia nin magña magurang, asin nin magña poon nin magña sacerdote, asin nin magña escriba, asin na gadanon patin na mabuhay liwat sa ikatolong aldao.

Mar 8:32 Asin sia nagtaram kaini sa hayag. Asin isiniblag sia ni Pedro, asin pinonan siang pagtuyawon.

Mar 8:33 Alagad sia, sa pagsaligñoy, asin sa pagkahiling kan saiyang magña discipu-lo, tinuyao si Pedro, asin nagsabi, Padian ka sa likodan ko, Satanas; huli ta dai mo iniisip an magña bagay nin Dios, kundi ah sa magñatauo.

Mar 8:34 Asin inapod nia sa saiya an kadak-lan kairiba kan saiyang magña discipulo, asin sia nagsabi sainda, Kun siisay man boot maglakao sa hudian ko, magpainda sa saiya man sana, asin magpasan kan saiyang cruz, patin magsonod sako.

Mar 8:35 Ta an boot magrimpos kan saiyang buhay mawawaraan kaiyan; asin an mawaraan kan saiyang buhay dahel sako asin kan evangelio, makakarimpos kai­yan.

Mar 8:36 Huli ta ano an pakikinabagnon nin tauo, kun makamtan nia an bilog na kinaban, asin mawara an saiyang buhay?

Mar 8:37 Huli ta ano an itatao nin tauo na ikaribay kan saiyang buhay?

Mar 8:38 Ta an siisay man na masopog dapit sako asin dapit kan sakong magña tata-ramon sa kapagarakian na ini na para-sambay asin parakasala, an Aki nin tauo man masosopog dapit saiya, kun puma-digdi na sa kamurawayan nin saiyang Ama kairiba an magñabanal na angel.



Mar 9:1 Asin sia nagsabi sainda, Sa kato-toohan ako nagsasabi saindo, Igua nin nagkakapira sa magña uya digdi, na sa anoman na paagui, dai magnanamit nin kagadanan, sagkod na mahiling nin-dang pumadigdi an kahadean nin Dios sa kapangyarihan.

Mar 9:2 Asin pakalihis nin anom na aldao, ipinagiba ni Jesus si Pedro, asin si San­tiago, patin si Juan, asin itinukad sinda sa sarong bukid na halangkao, sa lugar na siblag: asin sia naliwat sa atubang ninda;

Mar 9:3 Asin an saiyang magña gubing nag-kikintab sa kaputian, na mayong parala-ba sa daga na makapaputi pa kaidto.

Mar 9:4 Asin nagtugña sainda si Elias kaiba ni Moises: asin sinda nakikiolay ki Jesus.

Mar 9:5 Asin si Pedro nagsimbag asin nag­sabi ki Jesus, Rabbi, marahay na napa-digdi kita: asin magguiribo kita nin tolong payag; saro saimo, saro ki Moi­ses, asin saro ki Elias.

Mar 9:6 Huli ta dai sia tatao kun ano an isimbag; ta sinda nagkatarakot nin makuri.

Mar 9:7 Asin nagabot an sarong pagñano-ron asin naglindong sainda: asin nagluas an sarong tigñog hale sa pagñanoron, Ini iyo an sakong namomotan na Aki, hinaniogon nindo sia.

Mar 9:8 Asin sa panale, sa pagñalagkalag ninda, dai sindang nahiling na siisay man, kundi si Jesus sana sa kaibahan ninda.

Mar 9:9 Asin mantang naglulugsot sinda sa bukid, nagboot sia sainda na dai sinda magsabi kiisay man kan magña nahiling ninda, sagkod na an Aki nin tauo mabu­hay na liwat sa magñagadan.

Mar 9:10 Asin rinimpos ninda ining tatara-mon, na nagpapaharapothapotan sinda kun ano an maguiguin kahologan kan pagkabuhay liwat sa magña gadan.

Mar 9:11 Asin sinda nagharapot saiya, na an sabi, Tadao ta an magña escriba nagsasa-rabi na kaipuhan na si Ellas pumadigdi gñona?

Mar 9:12 Asin sia nagsabi sainda, Si Elias nangad madigdi gñona, asin ibabalik nia an gabos sa kadatihan: asin paano an pagkasurat dapit sa Aki nin tauo na sia magtitios nin balakid na bagay, asin ibibilang sia na dai nin halaga?

Mar 9:13 Alagad ako nagsasabi saindo, na si Elias napadigdi na, asin guinibohan man sia ninda kan boot nindang guibohon, siring sa nasusurat dapit saiya.

Mar 9:14 Asin pagdatong ninda sa magña discipulo, nahiling ninda an sarong dakulang kadaklan sa palibot ninda, asin an magña escriba na nakikitoksohan sainda.

Mar 9:15 Asin tolos man an bilog na kadak­lan, kan mahiling sia, naggñaralas nin makuri, asin nagdaralagan pasiring sa sai­ya sa pagtao nin galang.

Mar 9:16 Asin sia naghapot sainda, Ano an pinakikitoksohan nindo sainda?

Mar 9:17 Asin saro sa kadaklan nagsimbag saiya, Paratokdo, dara ko saimo an sakong aki, na igua nin espiritung pula;

Mar 9:18 Asin saen man sia dinadara kaiyan, linalampog sia: asin sia naglalaway, asin nagpaparagot kan magña gñipon, patin nagñiniwang: asin ako nagtaram sa sai-mong magña discipulo na paluason ninda idto; asin sinda dai nakahimo.

Mar 9:19 Asin sia nagsimbag sainda asin nag­sabi, O kapagarakian na daing pagtubod, sagkod noarin magoontok ako sa kai-bahan nindo? sagkod noarin pagtitioson ko kamo? daraha nindo sia sa sako.

Mar 9:20 Asin sia dinara ninda sa saiya: asin kan mahiling nia sia, tolos man pina-toog sia nin makuri kan espiritu; asin napukan sia sa daga, nagliguid na nagla­laway.

Mar 9:21 Asin sia nagnapot sa ama kaidto, Kasuarin pa ini nagabot sa saiya? Asin sia nagsabi, Pagkaaki pa.

Mar 9:22 Asin iyan, kun gayod itinutuklang sia sa kalayo asin sa magña tubig, tagña-ning gadanon sia: alagad kun ika maka-kaguibo nin anoman, maherak ka, asin tumabang ka samo.

Mar 9:23 Asin si Jesus nagsabi saiya, Kun makakaguibo! An gabos na bagay mang-yayari sa nagtutubod.

Mar 9:24 Tolos man an ama kan aki nag-kurahao, asin nagsabi, Ako nagtutubod; tabagne an sakong dai pagtubod.

Mar 9:25 Asin kan mahiling ni Jesus na an sarong kadaklan nagbiriong magdarala-gan, tinuyao nia an espiritung marom-pot, na an sabi saiya, Ika na espiritung pula asin bognog, ako nagboboot saimo, lumuas ka sa saiya, asin dai ka na sagkod lumaog sa saiya.

Mar 9:26 Asin pakakurahao asin pakapato-oga saiya nin makuri, sia nagluas: asin an aki naguin garong gadan; mala ta an kadaklan nagsarabi, Gadan na.

Mar 9:27 Alagad kinapotan sia ni Jesus sa kamot, asin binagñon sia; asin sia bomi-nuhat.

Mar 9:28 Asin kan makalaog na sia sa harong, an saiyang magña discipulo nag-harapot saiya sa hilom, Tadao ta dai niamo idto napaluas?

Mar 9:29 Asin sia nagsabi sainda, An magña siring kaini dai minaluas huli sa anoman, kundi sa pamibi.

Mar 9:30 Asin sinda nagharale dian, asin nagaragui sa Galilea; asin habo nia na an siisay man makaisi kaiyan.

Mar 9:31 Huli ta sia nagtokdo sa saiyang magña discipulo, asin nagsabi sainda, An Aki nin tauo itatao sa kamot nin magña tauo, asin gagadanon sia ninda; asin kun sia magadan na, pagtolong aldao mabu-buhay sialiwat.

Mar 9:32 Alagad sinda dai nakasabot kan tataramon na ini, asin sinda natakot na maghapot saiya.

Mar 9:33 Asin sinda nagdaratong sa Caper­naum: asin kan sia nasa harong sia nag­hapot sainda, Ano an pinagpasuruhayan nindo sa dalan?

Mar 9:34 Alagad sinda dai nagguirong: huli ta sa dalan sinda nagpasuruhay kun siisay an nagñogñorog kadakula.

Mar 9:35 Asin sia nagtukao, asin inapod nia an kagdua; asin sia nagsabi sainda, Kun an siisay man boot magñenot, sia an mahuhuri sa gabos, asin sorogoon nin gabos.

Mar 9:36 Asin kinua nia an sarong aking sadit, asin ibinugtak sa tahao ninda: asin pakasakloloha nia saiya, sia nagsabi sain da.

Mar 9:37 An siisay man na omako sa gñaran ko kan saro kaining magña saradit na aki, minaako sako: asin an siisay man na omako sako, bakong minaako sako, kundi kaidtong nagsogo sako.

Mar 9:38 Si Juan nagsabi saiya, Paratokdo, nakahiling kami nin nagpapaluas nin magña demonio sa gnaran mo; asin sina-way mi sia, huli ta dai minaiba sato.

Mar 9:39 Alagad si Jesus nagsabi, Dai nindo sia pagsawayon: ta dai nin siisay man na maguibo nin sarong gñagñalasan sa gña-ran ko, na sa panale makasabi nin maraot dapit sako.

Mar 9:40 Huli ta an bakong tumang sato, sa sato iyan.

Mar 9:41 Huli ta an siisay man ng tumao saindo nin sarong vasong tubig na ino-mon, ta kamo magña ki Cristo, sa kato-toohan ako nagsasabi saindo, sa anoman na paagui dai mawawara an balos sa saiya.

Mar 9:42 Asin an siisay man na magpasing-kog sa saro kaining saradit na aki na minatubod sa sako, marahay pa saiya na bitayan sa liog nin sarong gapong guiligñan na dakula, asin itapok sia sa dagat.

Mar 9:43 Asin kun an saimong kamot iyo an makapasingkog saimo, potola iyan: marahay pa saimo na lumaog sa buhay na kimay, ki sa may duang kamot na dumuman sa infierno, sa kalayo na dai mapaparong.

Mar 9:44 Na saen an saindang olod dai naga-gadan, asin an kalayo dai napaparong.

Mar 9:45 Asin kun an saimong bitis iyo an makakapasingkog saimo, potola iyan: marahay pa saimo na lumaog sa buhay na pilay, ki sa may duang bitis, na isog-ba sa infierno.

Mar 9:46 Na saen an saindang olod dai naga-gadan, asin an kalayo dai napaparong.

Mar 9:47 Asin kun an saimong mata iyo an makakapasingkog saimo, hulwata iyan: marahay pa saimo na lumaog sa kaha-dean nin Dios na pikit, ki sa may duang mata na isogba sa infierno;

Mar 9:48 Na saen an saindang olod dai naga-gadan, asin an kalayo dai napaparong.

Mar 9:49 Huli ta an lambang saro hihiramon kan kalayo.

Mar 9:50 An asin marahay: alagad kun an asin tumabang na, paanong mapaasgad pa nindo iyan? Magkaigua kamo nin asin sa saindo man sana, asin magiriba kamong matoninong.



Mar 10:1 Asin sia naghale dian, asin napaduman sa daga nin Judea asin sa ibong nin Jordan: asin an magña kadak-lan nagtiripon liwat sa saiya; asin, siring sa saiyang ugale, tinokdoan nia sinda liwat.

Mar 10:2 Asin nagdorolok sa saiya an magña Fariseo, asin nagharapot sa pagtokso saiya, Sono dao sa katogonan na ibulag kan lalaki an saiyang agom?

Mar 10:3 Asin sia nagsimbag asin nagsabi sain-da, Ano an ipinagboot saindo ni Moi-ses?

Mar 10:4 Asin Sinda nagsarabi, Itinogot ni Moises an pagguibo nin surat sa pag­bulag, asin na ibulag an babae.

Mar 10:5 Alagad si Jesus nagsabi sainda, Huli sa katagasan nin saindong puso, sia nagsurat saindo kaining togon.

Mar 10:6 Alagad poon kan paglalang, Guinibo Nia sindang lalaki asin babae.

Mar 10:7 Dahel kaini an lalaki mabaya sa saiyang ama asin ina, asin maiba sa sai­yang agom;

Mar 10:8 Asin an dua maguiguin sarong laman: mala ta bako na sindang dua, kundi sarong laman.

Mar 10:9 Kaya idtong pinagsaro nin Dios, dai nin siisay man na magbulag sainda.

Mar 10:10 Asin sa harong, an magña discipulo nagharapot liwat saiya dapit kan bagay na ini.

Mar 10:11 Asin sia nagsabi sainda, An siisay man na bumulag kan saiyang agom na babae, asin magagom nin iba, naka-kaguinibo nin pagsambay tumang sa­iya:

Mar 10:12 Asin kun an babae man bumulag kan saiyang agom, asin magpaagom sa iba, nakakaguinibo nin pagpasambay.

Mar 10:13 Asin sinda nagdadarara sa saiya nin magña saradit na aki tagñaning dootan nia sinda: asin tinuruyao sinda kan magña discipulo.

Mar 10:14 Alagad kan mahiling ini ni Jesus, naangot sia asin nagsabi sainda, Pabayae nindo na an magña aking saradit magdo-rolok sa sako; dai nindo sinda pagola-gñon: huli ta sa magña siring an kaha­dean nin Dios.

Mar 10:15 Sa katotoohan ako nagsasabi sain-do, An siisay man na dai omako kan kahadean nin Dios siring sa sadit na aki, dai sia sa anoman na paagui makakalaog dian.

Mar 10:16 Asin sinaklolo nia sinda, asin benendicionan sinda, na binugtakan kan saiyang kamot.

Mar 10:17 Asin kan pagluas nia pasiring sa dalan, may nagdalagan sa saiya, asin sa paglohod, naghapot saiya, Marahay na Paratokdo, ano an guiguibohon ko tagñaning magmana ako kan buhay na daing katapusan?

Mar 10:18 Asin si Jesus nagsabi saiya, Tadao ta inaapod mo akong marahay? mayong marahay kundi saro, an Dios.

Mar 10:19 Tatao ka kan magña togon, Dai ka maggadan, Dai ka magsambay, Dai ka maghabon, Dai ka magsaksi nin putik, Dai ka magdaya, Galagñan mo an sai-mong ama asin ina.

Mar 10:20 Asin sia nagsabi saiya, Paratokdo, ini gabos na bagay pinagigñatan ko poon na aki pa ako.

Mar 10:21 Asin si Jesus, sa pagtorohok saiya, namoot saiya, asin nagsabi saiya, Sarong bagay an nagkukulang saimo: lakao, pabakalan an gabos mong sadiri, asin tawan sa magña dukha, asin magkaka-igua ka nin kayamanan sa lagñit: asin madia, sumonod ka sako.

Mar 10:22 Alagad an saiyang lalauogon naraot kan tataramon, asin naghale sia na ma-mondo: huli ta sia igua nin darakulang sadiri.

Mar 10:23 Asin si Jesus nagñalagkalag, asin nagsabi sa saiyang magña discipulo, Gurano kapawot sa magña mayaman na lumaog sa kahadean nin Dios!

Mar 10:24 Asin an magña discipulo naggña-ralas sa saiyang magña tataramon. Ala-gad si Jesus nagsimbag liwat, asin nag­sabi sainda, Magña aki, gurano kapawot sa magña naniniwala sa kayamanan na lumaog sa kahadean nin Dios!

Mar 10:25 Masayon pa sa sarong camello na omagui sa mata nin sarong dagom, ki sa sarong mayaman na lumaog sa kaha­dean nin Dios.

Mar 10:26 Asin sinda naggñaralas nin labilabi, na an sabi saiya, Siisay gñani an makaka-ligtas?

Mar 10:27 Asin si Jesus, sa pagtorohok sainda, nagsabi, Sa magña tauo ini dai mahihimo, alagad bakong siring sa Dios: ta an gabos na bagay mahihimo nin Dios.

Mar 10:28 Si Pedro nagpoon magsabi saiya, Uya, nagbaya na kami kan gabos, asin nagsonod saimo.

Mar 10:29 Si Jesus nagsabi, Sa katotoohan ako nagsasabi saindo, Dai nin siisay man na nagbaya nin harong, o magña tugang na lalaki, o magña tugang na babae, o ina, o ama, o magña aki, o magña daga, dahel sako, asin dahel kan evangelio,

Mar 10:30 Na dai magkakamit nin mananga-tos gñunian sa panahon na ini, magña harong, asin magña tugang na lalaki, asin magña tugang na babae, asin magña ina, asin magña aki, patin magña daga, na may magña paglamag; asin sa kinaban na madatong, kan buhay na daing katapusan.

Mar 10:31 Alagad balakid an magña nagñe-gñenot na mahuhuri; asin nahuhuri na magñegñenot.

Mar 10:32 Asin sinda nasa dalan, nagtutukad pa Jerusalem; asin si Jesus nagñegñenot sainda: asin sinda naggñaralas; asin an magña nagsosoronod saiya nagkatara-kot. Asin isiniblag nia liwat an kagdua, asin nagpoon magsabi sainda kan magña bagay na mangyayari saiya,

Mar 10:33 Na an sabi, Uya, nagtutukad kita pa Jerusalem; asin an Aki nin tauo ita-tao sa magña poon nin magña sacerdote asin sa magña escriba; asin sisilotan sia ninda na gadanon, asin itatao sia sa magña Gentil:

Mar 10:34 Asin pagoologologon sia ninda, asin lulutaban, asin hahampakon, patin gagadanon sia; asin sa ikatolong aldao mabubuhay sia liwat.

Mar 10:35 Asin nagdolok sa saiya si Santiago asin si Juan, an magña aki ni Zebedeo, na nagsabi saiya, Paratokdo, boot mi na guibohon mo samo an anoman na haga-don mi saimo.

Mar 10:36 Asin sia nagsabi sainda, Ano an boot nindo na guibohon ko saindo?

Mar 10:37 Asin sinda nagsabi saiya, itogot mo samo na makatukao kami, an saro sa too mo asin an saro sa wala mo, sa saimong kamurawayan.

Mar 10:38 Alagad si Jesus nagsabi sainda, Dai nindo naaaraman an hinahagad nindo. Makakainom dao kamo kan copa na iniinom ko? o makakapabuniag kamo kan buniag na ibinubuniag sako?

Mar 10:39 Asin sinda nagsabi saiya, Oho, mahihimo mi. Asin si Jesus nagsabi sainda, An copa na iniinom ko, iinomon nindo: asin sa buniag na ibinubuniag sako, bubuniagan kamo:

Mar 10:40 Alagad an pagtukao sa too ko o sa wala ko, bakong sako an pagtao; kun-di iyan manogñod sa magña inandaman kaiyan.

Mar 10:41 Asin kan madagñog ini kan sam-polo, nagporoon maangot tumang ki Santiago asin ki Juan.

Mar 10:42 Asin inapod sinda ni Jesus sa saiya, asin sinabihan sinda, Naiisihan nindo na an magña pinaniwalaan na magboot sa magña Gentil naghahade sa sainda; asin an saindang magñadarakula naggagara-mit sa sainda nin kapangyarihan.

Mar 10:43 Alagad bakong siring an sa saindo: kundi an siisay man na boot mani dakula saindo, sia an manini paralingkod nindo;

Mar 10:44 Asin an siisay man na boot magñe-not saindo, sia an manini oripon nin gabos.

Mar 10:45 Huli ta an Aki nin tauo man dai napadigdi tagñaning paglingkodan, kun­di tagñaning maglingkod, asin itao nia an saiyang buhay sa pagtubos sa kabala-kidan.

Mar 10:46 Asin sinda nagdaratong sa Jerico: asin pagluas nia sa Jerico kairiba an saiyang magña discipulo asin an daku-lang kadaklan, an aki ni Timeo, si Bar-timeo, sarong butang makililimos, naka-tukao sa guilid nin dalan.

Mar 10:47 Asin kan madagñog nia na iyo idto si Jesus na taga Nazaret, nagpoon siang magkurahao, asin magsabi, Jesus, ika na aki ni David, kaherake ako.

Mar 10:48 Asin balakid an nagsaraway saiya, tagñaning dai sia magguirong: alagad sia nagkurahao nin orog pa logod, Ika na aki ni David, kaherake ako.

Mar 10:49 Asin si Jesus nagontok, asin nag­sabi, Apoda nindo sia. Asin inapod nin­da an buta, asin sinabihan, Magogma ka: buhat, inaapod ka nia.

Mar 10:50 Asin sia, pakawatakan kan saiyang gubing, nagtindog nin madale, asin nag­dolok ki Jesus.

Mar 10:51 Asin si Jesus nagsimbag saiya, asin nagsabi, Ano an boot mo na guibohon ko saimo? Asin an buta nagsabi saiya, Rabboni, na ako magako kan sakong pakahiling.

Mar 10:52 Asin si Jesus nagsabi saiya, Lakao; an saimong pagtubod iyo an nagpaomay saimo. Asin tolos man inako nia an sai­yang pakahiling, asin sia nagsonod saiya sa dalan.



Mar 11:1 Asin kan naghaharani sinda sa Jerusalem, sa Betfage asin Betania, sa bukid nin magña Oliva, sia nagsogo nin dua kan saiyang magña discipulo,

Mar 11:2 Asin nagsabi sainda, Paduman kamo sa barrio na nasa ibong: asin tolos man sa paglaog nindo duman, makukua nindo an sarong pollino na nagagakod, na dai pa lamang nasangkayan nin si-isay man; hubadon nindo iyan, asin darahon.

Mar 11:3 Asin kun may siisay man na magsa-bi saindo, Tadao ta guiniguibo nindo ini? magsabi kamo, An Kagurangñan nagñagnaipo kaini; asin tolos man ipa-pabalik nia iyan.

Mar 11:4 Asin sinda nagduman, asin nakua ninda an sarong pollino na nagagakod sa may tata, sa luas, sa dalan; asin hinubad ninda idto.

Mar 11:5 Asin an nagkapira sa magña dudu-man nagsabi sainda, Ano an guiniguibo nindo ta hinuhubad an pollino?

Mar 11:6 Asin sinda nagsabi sainda siring sa isinabi ni Jesus: asin tinogotan ninda sindang maghale.

Mar 11:7 Asin dinara ninda an pollino ki Jesus, asin ibinugtak an saindang magña gubing sa ibabao kaiyan; asin sia somi-nangkay dian.

Mar 11:8 Asin balakid an nagbiriklad kan saindang magña gubing sa dalan; asin an magñaiba, magña sagña, na pinorotol ninda sa magña oma.

Mar 11:9 Asin an magñanagñegñenot, asin an magña nagsosonod, nagkururahao, Ho-sanna; Omauon an minadatong sa gña-ran nin Kagurangnan:

Mar 11:10 Omauon an kahadean na minada­tong, an ki David, na ama niato: Hosan-na sa kahorohalangkawe.

Mar 11:11 Asin sia naglaog sa Jerusalem, sa templo; asin pakapagñalagkalag sa gabos na bagay, huli ta bangui na, nagluas sia pa Betania kairiba an kagdua.

Mar 11:12 Asin kan kaagahan, pakahale ninda sa Betania, nagotom sia.

Mar 11:13 Asin kan mahiling nia sa harayo an sarong higuera na madahon, nag-dolok sia, ta tibaad makakua duman nin anoman; asin pagabot nia, dai siang nakua na anoman kundi magña dahon; huli ta bakong panahon nin higos.

Mar 11:14 Asin sia nagsimbag asin nagsabi sa higuera, Magpoon gñunian dai nin siisay man na magkakan nin saimong bugña sagkod noarin man. Asin nadagñog ini kan saiyang magña discipulo.

Mar 11:15 Asin sinda nagdaratong sa Jeru­salem: asin sia naglaog sa templo, asin nagpoon magpaluas kan gabos na magña nagpapabakal asin magña nagbabakal sa templo, asin pinurukan nia an magña lamesa kan magña pararibay nin pirak, asin an magña tukawan kan magña nag­papabakal nin salampati;

Mar 11:16 Asin dai nia tinogotan an siisay man na magdara nin anoman na lalagan sa templo.

Mar 11:17 Asin sia nagtokdo, asin nagsabi sainda, Bakong nasusurat, An harong ko aapodon harong nin pamibi manogñod sa gabos na nacion? alagad iyan guinibo nindong logñib nin magña mahabon.

Mar 11:18 Asin an magña poon nin magña sacerdote asin an magña escriba nagpa-kadagñog kaini, asin naghirigñoa kun paano na magadan sia ninda: huli ta sinda nagkatarakot saiya, ta an bilog na kadaklan naggñaralas sa saiyang pag-tokdo.

Mar 11:19 Asin pagkakahapon naluas sia sa ciudad.

Mar 11:20 Asin kan kaagahan, sa pagagui, nahiling ninda an higuera alang na sag­kod sa gamot.

Mar 11:21 Asin si Pedro, pakaguiromdom, nagsabi saiya, Rabbi, uya, an higuera na sinumpaan mo alang na.

Mar 11:22 Asin si Jesus, sa pagsimbag, nagsabi sainda, Magtubod kamo sa Dios.

Mar 11:23 Sa katotoohan ako nagsasabi sain­do, An siisay man na magsabi sa bukid na ini, Mahale ka, asin makatapok ka sa dagat; asin dai magduadua sa saiyang puso, kundi magtubod na an saiyang sinasabi mangyayari; sia magkakamit kaiyan.

Mar 11:24 Kaya ako nagsasabi saindo, An gabos na bagay na hagadon nindo sa pamibi, magtubod kamo na inaako nin­do, asin kakamtan nindo.

Mar 11:25 Asin kun kamo namimibi, magpatawad, kun igua kamong anoman na tumang sa kiisay man; tagñaning an saindong Ama na nasa lagñit patawadon man kamo kan saindong magña kasa-lan.

Mar 11:26 Alagad kun kamo dai magpatawad, an saindong Ama na nasa lagñit siring man dai magpapatawad kan sa indong magña kasalan.

Mar 11:27 Asin sinda nagdaratong liwat sa Jerusalem: asin mantang sia naglalakao sa templo, nagdorolok sa saiya an magña poon nin magiia sacerdote, asin an magña escriba, patin an magña magu-rang;

Mar 11:28 Asin sinda nagsarabi saiya, Huli sa anong kapangyarihan guiniguibo mo ining magña bagay? o siisay an nagtao saimo kan kapangyarihan na ini sa pag-guibo kaining magña bagay?

Mar 11:29 Asin si Jesus nagsabi sainda, Ako mahapot saindo nin sarong bagay, asin magsirimbag kamo sako, dagñan sasabi-han ko kamo kun huli sa anong kapang­yarihan guiniguibo ko ining magña bagay.

Mar 11:30 An buniag ni Juan, guikan sa lagnit, o sa magña tauo? simbagon ako nindo.

Mar 11:31 Asin sinda naghororophorop sa sainda man sana, na an sabi, Kun mag-sarabi kita, Sa lagnit; sia masabi, Tadao gñani ta dai kamo nagturubod sa saiya?

Mar 11:32 Alagad kun magsarabi kita, Sa magña tauo sinda natakot sa magña tauo: huli ta an gabos ibinibilang si Juan na tunay na profeta.

Mar 11:33 Asin sinda nagsirimbag ki Jesus, na nagsarabi, Dai kami tatao. Asin si Jesus nagsabi sainda, Dai man ako masabi saindo kun huli sa anong kapangyarihan guiniguibo ko ining magña bagay.



Mar 12:1 Dagñan sia nagpoon magtaram sainda sa magña halimbawa. An sarong tauo nagtanom nin sarong uva-san, asin kinodal nia iyan asin kominotkot sia nin sarong tangkeng liguisan, asin nagpatindog nin sarong bantayan, asin ipinagtagorham nia idto sa magña paralate, patin napaduman sa ibang daga.

Mar 12:2 Asin sa tigbugñahan, sinogo nia an sarong oripon sa magña paralate, tagña-ning kumua sa magña paralate nin bugña kan uvasan.

Mar 12:3 Asin sia pinogol ninda, asin pinakol, patin isinobol ninda na dai nin dara.

Mar 12:4 Asin sa liwat sia nagsogo nin sarong oripon; asin sia linugad ninda sa payo, asin guinibohan sia nin makasosopog.

Mar 12:5 Asin sia nagsogo nin saro pa; asin sia guinadan ninda: asin magiia iba pa; pina-parakol an iba, asin guinagaradan an iba.

Mar 12:6 Igua pa sia nin saro, an aking namo-motan: sia sinogo nia sa sainda, sa kahu-rihurihi, na an sabi, Gagalagñan ninda an aki ko.

Mar 12:7 Alagad idtong magiia paralate nag­sarabi sa sainda man sana, Ini iyo an magmamana; madia kamo, gadanon ta sia, asin manini sato an pamana.

Mar 12:8 Asin pinogol ninda sia, asin guina­dan, patin ilinuas sia sa uvasan.

Mar 12:9 Ano gñani an guiguibohon kan kagurangnan nin uvasan? madatong sia asin tutunawon nia an magña paralate, asin itatao an uvasan sa magña iba.

Mar 12:10 Dai pa nindo nabasa minsan ining kasuratan: An gapo na isinikual nin magfia paratogdok, Ini man sana an nani pamayohan nin angulo;

Mar 12:11 Ini hale sa Kagurangnan, Asin makagñagñalas sa satong magña mata?

Mar 12:12 Asin sinda naghirigñoa na dakopon sia; asin sinda nagkatarakot sa kadaklan; huli ta nasabotan ninda na sia nagtaram kan halimbawa tumang sainda: asin sin­da nagbaraya saiya, asin nagharale.

Mar 12:13 Asin sinogo ninda sa saiya an nag-kapira sa magña Fariseo asin sa magña Herodiano, tagñaning madakop sia ninda sa tataramon.

Mar 12:14 Asin sinda, kan pagarabot, nagsa-rabi saiya, Paratokdo, naaaraman mi na ika totoo, asin dai nakikilabot sa kiisay man; huli ta dai ka naghihiling kan kamugtakan nin magña tauo, kundi sa katotoohan nagtotokdo ka kan dalan nin Dios: Sono dao sa katogonan an pagbuhis ki Cesar, o bako?

Mar 12:15 Magtao kami, o dai kami magtao? Alagad sia, pagkamidbid kan saindang pagsaguinsaguin, nagsabi sainda, Tadao ta tinotokso ako nindo? darahe ako nin-do nin sarong denario, tagñaning mahi-ling ko iyan.

Mar 12:16 Asin dinara ninda iyan. Asin sia nagsabi sainda, Kiisay ining ladawan, asin nasusurat? Asin sinda nagsarabi saiya, Ki Cesar.

Mar 12:17 Dagñan si Jesus nagsabi sainda, Itao nindo ki Cesar an ki Cesar, asin sa Dios an sa Dios. Asin sinda naggñaralas nin makuri dapit saiya.

Mar 12:18 Asin nagdorolok sa saiya an magña Saduceo, na nagsasarabi na dai nin pag­kabuhay liwat; asin sinda nagharapot saiya, na an sabi,

Mar 12:19 Paratokdo, si Moises nagsurat sa samo, Kun an sarong lalaki na may tugang magadan, asin may mabayaan na agom na babae na daing aki, an saiyang tugang na lalaki iyo an makua kan sai­yang agom, asin magbuhay nin aki sa saiyang tugang.

Mar 12:20 Igua nin pitong magturugang na lalaki: an enot nakaagom, asin nagadan na daing aki:

Mar 12:21 Asin an ikadua iyo an ominagom saiya, asin nagadan na daing aki; asin siring man an ikatolo:

Mar 12:22 Asin an pito daing nawalat na aki. Sa kahurihurihi, nagadan man an babae.

Mar 12:23 Sa pagkabuhay liwat, kiisay na agom sia duman sa sainda? huli ta an pito nani agom nia.

Mar 12:24 Si Jesus nagsabi sainda, Bakong dahel kaini kamo nasasala, na dai kamo nakakasabot kan magña kasuratan, ni kan kapangyarihan nin Dios?

Mar 12:25 Huli ta kun sinda magkaburuhay na sa magña gadan, dai na sinda nagaara-gom, ni nagpapaaragom; kundi siring sa magña angel sa lagñit.

Mar 12:26 Alagad dapit sa magña gadan, na sinda nabubuhay liwat; dai nindo nabasa sa libro ni Moises, sa aguiagui kan Kili-tis, kun paano na an Dios nagtaram sai­ya, na an sabi, Ako an Dios ni Abraham, asin an Dios ni Isaac, patin an Dios ni Jacob?

Mar 12:27 Sia bakong Dios nin magña gadan, kundi nin magña buhay: nasasala kamo nin makuri.

Mar 12:28 Asin an saro sa magña escriba nag-dolok, asin nakadagñog sainda na nag-papasuruhay, asin pakaaram na marahay an pagkasimbag nia sainda, naghapot saiya, Arin an togon na nagñegñenot sa gabos?

Mar 12:29 Si Jesus nagsimbag, An nagñegñe-not iyo ini, Dagñoga, O Israel; An Kagu-rangñan na satong Dios, an Kagurangñan saro sana:

Mar 12:30 Asin mamotan mo an Kagurangnan mong Dios sa bilog mong puso, asin sa bilog mong kalag, asin sa bilog mong isip, patin sa bilog mong kosog.

Mar 12:31 An ikadua iyo ini, Mamotan mo an saimong kataed siring sa saimo man sana. Dai nin ibang togon na orog pa kaini.

Mar 12:32 Asin an escriba nagsabi saiya, Paratokdo, sa katotoohan marahay an pagkasabi mo na sia saro sana; asin dai na nin iba kundi sia:

Mar 12:33 Asin an pagkamoot saiya sa bilog na puso, asin sa bilog na pakasabot, patin sa bilog na kosog, asin an pag­kamoot sa saiyang kataed siring sa saiya man sana, marahay pa ki sa gabos na dolot na tinototong asin magña atang.

Mar 12:34 Asin kan mahiling ni Jesus na sominimbag sia sa kadonogñan, nagsabi sia saiya, Bako kang harayo sa kahadean nin Dios. Asin pakatapus kaiyan dai na nin siisay man na nangñahas na huma-pot pa saiya nin anoman.

Mar 12:35 Asin kan nagtotokdo sa templo, si Jesus nagsimbag asin nagsabi, Paano na nakakapagsarabi an magña escriba na an Cristo iyo an aki ni David?

Mar 12:36 Si David man sana nagsabi huli kan Espiritu Santo, An Kagurangnan nagsabi sa sakong Kagurangnan, Tumukao ka sa too ko, Sagkod na ibugtak ko an saimong magña kaiwal sa irarom nin magña bitis mo.

Mar 12:37 Si David man sana nagaapod saiya na Kagurangnan, Asin paano na sia aki nia? Asin an magña tauo nagdagñog saiya nin maogma.

Mar 12:38 Asin sa saiyang pagtokdo sia nag­sabi, Maglikay kamo sa magña escriba, na namomoot maglakao sa gubing na haralaba, asin na paggalagñan sa magña sadan,

Mar 12:39 Asin sinda namomoot kan magña sa enotan na tukawan sa magña sinago-ga, asin kan magña haralangkao na kamugtakan sa magña kakanan:

Mar 12:40 Asin na nagsasamsam kan magña harong nin magña babaeng balo, asin mantang, sa sarong sarahotan, naggui-guibo nin haralawig na pamibi; an magña ini magkakamit nin dakula pang silot.

Mar 12:41 Asin sia nagtukao sa kahampang kan caja, asin naghiling kan pagburug-tak kan magña tauo nin pirak sa caja: asin balakid na mayaman an nagbubu-rugtak nin dakol.

Mar 12:42 Asin nagdolok an sarong dukhang babaeng balo, asin nagbugtak nin duang marabilis, na an halaga sarong centavo.

Mar 12:43 Asin inapod nia sa saiya an saiyang magña discipuio, asin sia nagsabi sainda, Sa katotoohan ako nagsasabi saindo, Ining dukhang balo nagbugtak nin labi pa ki sa gabos na nagbuburugtak sa caja:

Mar 12:44 Huli ta sinda gabos nagburugtak kan kalabihan ninda; alagad sia, sa sai­yang kadaihon, nagbugtak kan gabos na saiya, an gabos niang pagbuhay.



Mar 13:1 Asin pagluas nia sa templo, saro sa saiyang magña discipuio nagsabi saiya, Paratokdo, hiligña, karahay na magña gapo, asin kasarig na pagkatog-dok!

Mar 13:2 Asin si Jesus nagsabi saiya, Nahi-hiling mo ining darakulang harong? daing matatada digding gapo sa ibabao nin gapo, na dai gagabaon.

Mar 13:3 Asin kan sia nakatukao sa bukid nin magña Oliva, sa kahampang kan templo, si Pedro asin si Santiago asin si Juan patin si Andres, nagharapot saiya sa hilom,

Mar 13:4 Sabihi kami, noarin mangyayari an magña bagay na ini? asin ano an tanda kun an magñabagay na ini madale nang mangyari?

Mar 13:5 Asin si Jesus nagpoon magsabi sain­da, Magigñat kamo na dai kamo lagala-gon nin siisay man.

Mar 13:6 Balakid an madirigdi sa gñaran ko, na magsasarabi, Ako iyo sia; asin mala-galag sinda nin dakol.

Mar 13:7 Asin kun makadagñog kamo nin dapit sa magña ralaban, asin magña bare-ta nin pagralaban, dai kamo matikba-han: kaipuhan na an magña bagay na ini mangyari; alagad bako pa iyan an kata-pusan.

Mar 13:8 Huli ta an nacion matindog tumang sa nacion, asin kahadean tumang sa kahadean: magkakaigua nin magña linog sa manlaenlaen na lugar; magkakaigua nin magñago tom; an magña bagay na ini iyo an kapinonan nin magña kasaki-tan.

Mar 13:9 Alagad magigñat kamo sa saindo man sana: huli ta itatao kamo ninda sa magña consejo; asin sa magña sinagoga hahampakon kamo; asin matindog kamo sa atubang nin magña gobernador asin magña hade dahel sako, sa pagpatotoo sa sainda.

Mar 13:10 Asin kaipuhan na an evangelio ika-hulit gñona sa gabos na nacion.

Mar 13:11 Asin kun darahon asin itao kamo ninda sa hokoman, dai kamo mahadit dapit kan saindong itataram: alagad kun ano an ipasabong saindo sa oras na iyan, iyan an itaram nindo; huli ta bakong kamo an magtataram kundi an Espiritu Santo.

Mar 13:12 Asin an tugang itatao nin tugang sa kagadanan, asin nin ama an saiyang aki; asin an magña aki matindog tumang sa saindang magña magurang, asin mapa-gadan sainda.

Mar 13:13 Asin maoogñisan kamo kan gabos na tauo dahel sa gñaran ko: alagad an makatagal sagkod sa katapusan, ini an makakaligtas.

Mar 13:14 Alagad kun mahiling na nindo an makagñorogñirhat na pagkatunao, na nagtitindog sa lugar na dai nia manini-gong mamugtakan (an nagbabasa mag-sabot), dagñan an magña nasa Judea magdurulag sa magña bukid:

Mar 13:15 Asin an nasa ibabao kan atop dai na maghilig, ni maglaog, na magkua nin anoman sa saiyang harong:

Mar 13:16 Asin an duduman sa oma, dai na magpuli na magkua kan saiyang alik-boy.

Mar 13:17 Tara herak man kan magña bados asin magña nagpapasoso sa magña aldao na iyan!

Mar 13:18 Asin mamibi kamo na iyan dai mangyari sa tiglipotan.

Mar 13:19 Huli ta an magiia aldao na iyan manini kahorasaan, na dai pang kaaguid na nangyari magpoon sa kapinonan nin kinaban na linalang nin Dios sagkod gñunian, ni minsan noarin pa man.

Mar 13:20 Asin kun an magiia aldao na iyan dai pinahalipot nin Kagurangnan, dai kutana nin laman na makakaligtas; alagad dahel sa magña pinili na pinili nia, pinahalipot nia an magña aldao.

Mar 13:21 Dagñan, kun siisay man magsabi saindo, Uya, digdi an Cristo; o, Uya, duman, dai kamo magturubod.

Mar 13:22 Huli ta may matirindog na bakong magña tunay na Cristo, asin bakong magña tunay na profeta, asin magpapa-hayag nin magña tanda asin gñagnala-san, tagñaning laglagon ninda, kun sukat, an magña pinili.

Mar 13:23 Kaya magigñat kamo: uya, sinabi-han ko na kamo kan gabos na bagay.

Mar 13:24 Alagad sa magña aldao na iyan, pakatapus kan kahorasaan, an aldao madiklom, asin an bulan dai maliwanag,

Mar 13:25 Asin an magiia bitoon mahorolog sa lagñit; asin an magña kapangyarihan nin kalagñitan magkakataraniog.

Mar 13:26 Dagnan mahihiling ninda an Aki nin tauo na nagdadatong sa magña pagñanoron, na may kapangyarihan asin kamurawayan.

Mar 13:27 Asin dagñan sosogoon nia an magña angel, asin titiriponon ninda an saiyang magña pinili hale sa apat na doros, magpoon sa kaporoporohi nin daga sagkod sa kaporoporohi nin lagñit.

Mar 13:28 Sa higuera maghinonod kamo kan saiyang halimbawa: kun an saiyang sagña nagsosoli asin nagdadahon, naa-araman nindo na an tiginitan harani na;

Mar 13:29 Siring man kamo, kun mahiling na nindo na nangyayari na ining magña bagay, saboton nindo na sia harani na, nasa magña tata na.

Mar 13:30 Sa katotoohan ako nagsasabi sain­do, An kapagarakian na ini dai malihis sagkod na maotob ini gabos na bagay.

Mar 13:31 An lagñit asin an daga makakali-his: alagad an sakong magña tataramon dai makakalihis.

Mar 13:32 Alagad dapit kan aldao o kan oras na iyan daing nakakaisi, minsan an magña angel sa lagñit, ni an Aki, kundi an Ama.

Mar 13:33 Magigñat kamo, magpuka asin mamibi: huli ta dai nindo naaaraman kun noarin an panahon.

Mar 13:34 Siring sa sarong tauo na napadu-man sa ibang daga, na pakabayae kan saiyang harong, asin pakatogona kan saiyang magña oripon, lambang saro sa saiyang guibo, nagboot man sa para-bantay sa tata na magpuka.

Mar 13:35 Magpuka gñani kamo: huli ta dai nindo naaaraman kun noarin maabot an kagurangñan nin harong, kun sa hapon, o sa matagñang bangui, o sa pag-toraok nin manok, o sa aga;

Mar 13:36 Tibaad sa pagabot niang panale, maabotan kamong torog.

Mar 13:37 Asin an isinasabi ko saindo, isinasabi ko sa gabos, Magpuka kamo.



Mar 14:1 Gñunian, pakalihis nin duang aldao, iyo na an fiesta nin pascua asin nin tinapay na daing levadura: asin an magña poon nin magñasacerdote asin an magñaescriba naghirigñoa kun paanong madakop sia sa daya, asin magadan sia:

Mar 14:2 Huli ta sinda nagsarabi, Bakong sa kafiestahan, tagñaning dai magkaigua nin karibokan an magña tauo.

Mar 14:3 Asin kan sia nasa Betania, sa harong ni Simon na daoton, mantang naka-tukao sia sa lamesa, nagdolok an sa­rong babae, na may darang lalagan na alabastro, na pano nin unguentong nardo na kanigoan an halaga; asin pinasa nia an lalagan, asin ibinobo sa saiyang payo.

Mar 14:4 Alagad igua sa saindang nagkaara-ngot, na an sabi, Sa anong katuyohan sinayang ining unguento?

Mar 14:5 Huli ta ining unguento ikinapagpa-bakal pa kutana nin labing tolong gatos na denario, asin ikinatao sa magña dukha. Asin sinda naggoromodgomod tumang sa babae.

Mar 14:6 Alagad si Jesus nagsabi, Pabayae nindo sia; tadao ta pinagbabasol nindo sia? guinibohan nia ako nin marahay na guibo.

Mar 14:7 Huli ta an magñadukha parating nasa saindo, asin sa anoman na panahon na boot nindo, maguiguibohan nindo sinda nin karahayan: alagad ako bakong parating nasa saindo.

Mar 14:8 Sia nagguibo kan saiyang makaka-yanan: naglahid na sia sa hawak ko sa paglobong bago ako magadan.

Mar 14:9 Sa katotoohan ako nagsasabi sain­do, Saen man ipaghulit an evangelio sa bilog na kinaban, an guinibo man kai-ning babae masasabihan sa pagguirom-dom sa saiya.

Mar 14:10 Asin si Judas Iscariote, na saro kan kagdua, napaduman sa magña poon nin magña sacerdote, tagñaning ikatao nia sia sa sainda.

Mar 14:11 Asin sinda kan madagñog iyan, nagogma, asin nagtuga na tatawan sia nin pirak. Asin sia naghigñoa kun paanong ikatao nia sia sa masayon na paagui.

Mar 14:12 Asin kan enot na aldao kan tina­pay na daing levadura, kan maguibo na ninda an atang sa pascua, an saiyang magña discipulo nagsarabi saiya, Saen an boot mo na kami paduman, asin magandam tagñaning magkakan ka kan pascua?

Mar 14:13 Asin sia nagsogo nin dua kan sai­yang magña discipulo, asin nagsabi sain­da, Paduman kamo sa ciudad, asin duman may masabat saindo na sarong lalaki na may darang sarong dulay na tubig: sonodon nindo sia;

Mar 14:14 Asin saen man sia lumaog, magsabi kamo sa kagharong, An Paratokdo nag­sasabi, Haen an cuarto nin pananauhon na pagkakakanan ko kan pascua sa kai-bahan kan sakong magiia discipulo?

Mar 14:15 Asin itotokdo nia man sana sa saindo an sarong dakulang cuarto sa itaas, sangkap asin andam na: asin dian magandam kamo manogñod sato.

Mar 14:16 Asin an magña discipulo nagdu-man, asin naglaog sa ciudad, asin nakua ninda siring sa pagkasabi nia sainda: asin inandam ninda an pascua.

Mar 14:17 Asin kan bangui na, nagdatong sia kairiba an kagdua.

Mar 14:18 Asin mantang sinda nagtutukao asin nagkakakan, si Jesus nagsabi, Sa katotoohan ako nagsasabi saindo, Saro sa saindo na nagkakakan na kaiba ko, magpapasaloib sako.

Mar 14:19 Sinda nagpoon magmorondo, asin nagsarabi saiya, sarosaro, Ako dao?

Mar 14:20 Asin sia nagsabi sainda, Saro sa kagdua, an minakua sa kaibahan ko sa pingan.

Mar 14:21 Huli ta an Aki nin tauo niaduman siring sa nasusurat dapit saiya: alagad herak man sa tauong iyan na huli saiya an Aki nin tauo ipagpasaloib! marahay pa sa tauong iyan na dai namundag.

Mar 14:22 Asin mantang nagkakarakan sinda, sia nagkua nin tinapay, asin pakaben-dicione, binaraak nia iyan, asin itinao sa sain da, asin nagsabi, Kua kamo: ini iyo an hawak ko,

Mar 14:23 Asin sia nagkua nin sarong copa, asin pakapagpasalamat, itinao nia sa sainda: asin sinda gabos nagirinom kai-yan.

Mar 14:24 Asin sia nagsabi sainda, Ini iyo an dugo ko kan tipan, na pinapabolos manogñod sa dakol.

Mar 14:25 Sa katotoohan ako nagsasabi sain-do, Ako dai na mainom kan bugiia nin uvas, sagkod sa aldao na inomon ko iyan na bago sa kahadean nin Dios.

Mar 14:26 Asin pakaawit ninda nin sarong himno, nagduruman sinda sa bukid nin magña Oliva.

Mar 14:27 Asin si Jesus nagsabi sainda, Kamo gabos magkakasiringkog: huli ta nasusu­rat, Lulugadon ko an pastor, asin an magña carnero magkakawararak.

Mar 14:28 Alagad pagkabuhay ko liwat, magñegñenot ako sa saindo sa Galilea.

Mar 14:29 Alagad si Pedro nagsabi saiya, Min-san an gabos magkasiringkog, alagad ako dai.

Mar 14:30 Asin si Jesus nagsabi saiya, Sa katotoohan ako nagsasabi saimo, na gñunian, sa banguing ini, bago magtura-ok an manok nin makadua, papaindahan mo ako nin makatolo.

Mar 14:31 Alagad sia nagtaram sa marigon na pagpasarig, Minsan pa maipuhan na magadan ako kaiba mo, dai taka papain­dahan. Siring man nagsarabi sinda gabos.

Mar 14:32 Dagñan sinda nagdaratong sa sarong lugar na inaapod Getsemani: asin sia nagsabi sa saiyang magñadiscipulo, Turukao kamo digdi mantang ako nami-mibi.

Mar 14:33 Asin ipinagiba nia si Pedro asin si Santiago patin si Juan, asin nagpoon siang mahandal, asin mahorasa nin makuri.

Mar 14:34 Dagñan sia nagsabi sainda, Mamon-doon na gayo an kalag ko na haros ika-gadan: pawalat kamo digdi, asin mag-puka.

Mar 14:35 Asin sia napaenotan nin kadikit, asin lominaob sa daga, asin namibi na, kun sukat, an oras makalihis sa saiya.

Mar 14:36 Asin sia nagsabi, Abba, Ama, an gabos na bagay mahihimo mo; halea sa sake an copang ini: alagad bakong an boot ko kundi an saimo.

Mar 14:37 Asin nagdolok sia asin nadatogñan sindang tororog, asin nagsabi ki Pedro, Simon, natotorog ka? dai ka nakapag-puka nin sarong oras?

Mar 14:38 Magpuka kamo asin mamibi, tagna-ning dai makalaog sa sugot: an espiritu nagmamawot nangad, alagad an laman maluya.

Mar 14:39 Asin nagbalik sia liwat duman, asin namibi, na nagsabi nin iyo man sanang magña tataramon.

Mar 14:40 Asin nagdolok sia liwat, asin nada-togñan sindang tororog, huli ta an sain-dang magña mata nagagabatan na; asin dai sinda tatao kun ano an isimbag saiya.

Mar 14:41 Asin nagdolok sia sa ikatolo, asin nagsabi sainda, Matorog na kamo, asin magpahigñalo na: igo na; an oras nag-datong na; uya, an Aki nin tauo ipina-pasaloib sa kamot nin magñaparakasala.

Mar 14:42 Bagñon kamo, paduman na kit a: uya na, an nagpapasaloib sako.

Mar 14:43 Asin tolos man, mantang sia nag-tataram pa, si Judas, saro kan kagdua, nagdatong asin kaiba nia an sarong kadaklan na may magña minasbad asin samulig, hale sa magña poon nin magña sacerdote asin sa magña escriba asin magña magurang.

Mar 14:44 An nagpasaloib saiya nagtao sa sainda nin sarong tanda, na an sabi, An sakong hadokan, sia iyan; dakopon nin­do sia asin darahon na pagigñatan.

Mar 14:45 Asin pagdatong nia, tolos man nag-dolok sia sa saiya, asin nagsabi, Rabbi; asin hinadokan nia sia.

Mar 14:46 Asin sia dinarasmagan asin pinoro-gol ninda.

Mar 14:47 Alagad an saro sa sainda na naka-tindog duman naglapnot kan saiyang minasbad asin tinigbas nia an oripon kan halangkao na sacerdote, na napalong an saiyang taligña.

Mar 14:48 Asin si Jesus nagsimbag asin nag­sabi sainda, Nagruluas kamo sa pagda-kop sako na siring sa sarong mahabon, may magña minasbad asin samulig?

Mar 14:49 Aroaldao ako kaiba nindo sa tem-plo na nagtotokdo, asin dai ako nindo dinakop: tara ini nangyari tagñaning maotob an magñakasuratan.

Mar 14:50 Asin sinda gabos nagbaraya saiya asin nagdurulag.

Mar 14:51 Asin an sarong barobata nagsonod saiya, na nakaalikboy nin sarong tamong na lino, ta huba: asin pinorogol ninda sia;

Mar 14:52 Alagad binayaan nia an tamong, asin dominulag na huba.

Mar 14:53 Asin dinara ninda si Jesus sa halangkao na sacerdote: asin nagtiripon sa saiya an gabos na poon nin magña sacerdote asin an magña magurang patin an magña escriba.

Mar 14:54 Asin si Pedro nagsonod saiya sa harayo, sagkod sa laog nin patio kan halangkao na sacerdote; asin sia nagtu-tukao kaiba kan magña oficial na nag-papahimbong sa kalayo.

Mar 14:55 An magña poon nin magña sacer­dote asin an bilog na consejo naghara-nap nin saksing tumang ki Jesus, tagña-ning ikapagadan sia; asin dai sinda naka-kua.

Mar 14:56 Huli ta balakid an magñanagsarak-si nin putik tumang saiya, asin an sain-dang magña pagsaksi dai nagkabaragay.

Mar 14:57 Asin may nagtirindog, asin nag-saraksi nin putik tumang saiya, na an sabi,

Mar 14:58 Nadagñog mi sia na nagsabi, Gaga-baon ko an templong ini na guinibo nin kamot, asin sa laog nin tolong aldao mapatindog ako nin saro na bakong guibo nin kamot.

Mar 14:59 Asin minsan pa sa bagay na ini dai nagkabaragay an saindang pagsaraksi.

Mar 14:60 Asin an halangkao na sacerdote nagtindog sa tahao, asin naghapot ki Jesus, na an sabi, Dai ka masimbag nin anoman? ano an ipinagsasaksi kan magña ini tumang saimo?

Mar 14:61 Alagad sia dai nagguirong, asin dai nagsimbag nin anoman. Sa liwat an halangkao na sacerdote naghapot, asin nagsabi saiya, lyo ika an Cristo, an Aki nin Pinagoomao?

Mar 14:62 Asin si Jesus nagsabi, lyo ako: asin mahihiling nindo an Aki nin tauo na matukao sa too kan Kapangyarihan, asin mapadigdi na nasa magña pagnanoron nin lagñit.

Mar 14:63 Dagñan guinisi kan halangkao na sacerdote an saiyang magñagubing, asin sia nagsabi, Ano pa an kaipuhan ta sa magña saksi?

Mar 14:64 Nagkadaragnog na nindo an lang-had: ano an paghonahona nindo? Asin sinda gabos nagoroyon na sia manini-gong gadanon.

Mar 14:65 Asin pinonan kan iba na pagluta-ban sia, asin pagtahoban an saiyang lalauogon, asin pagsontokon sia, patin pagsabihan, Toode; asin pinagsorontok sia kan magña oficial.

Mar 14:66 Asin mantang si Pedro nasa ibaba sa patio, nagdolok an saro kan magña sorogoon na babae kan halangkao na sacerdote;

Mar 14:67 Asin pagkahiling ki Pedro na nag-papahimbong, sia nagtorohok saiya, asin nagasabi, Ika man kaiba kan taga Naza-ret, na si Jesus.

Mar 14:68 Alagad sia nagpainda, na an sabi, Dai ako nakakaaram ni nakakasabot kan pinagsasabi mo: asin nagiuas sia sa tat a; asin tominuraok an man ok.

Mar 14:69 Asin nahiling sia kan sorogoon na babae, asin nagpoon liwat magsabi sa magña duduman, Ini saro sa sainda.

Mar 14:70 Alagad sia nagpainda liwat. Asin pakalihis naman nin diit na panahon, idtong magñanakatindog duman nagsa-rabi ki Pedro, Totoo man nangad na ika saro sa sainda; ta ika taga Galilea.

Mar 14:71 Alagad sia nagpoon magmuda, asin magsumpa, Dai ko namimidbid an lala-king ini na pinagsasabi nindo.

Mar 14:72 Asin tolos man, sa ikadua, tomi-nuraok an manok. Asin si Pedro naka-guiromdom kan tataramon na isinabi saiya ni Jesus, Bago an manok tumu-raok nin makadua papaindahan mo ako nin makatolo. Asin kan mahorophorop nia idto, sia nagtagñis.



Mar 15:1 Asin tolos man pagkaaga, an ma-gna poon nin magña sacerdote kaiba kan magña magurang asin kan magña escriba, patin kan bilog na con-sejo nagpaharatolhatol, asin guinapos ninda si Jesus, asin dinara sia, patin itinao ki Pilato.

Mar 15:2 Asin si Pilato naghapot saiya, Iyo ika an Hade nin magña Judio? Asin sia, sa pagsimbag, nagsabi saiya, Ika an nag-sasabi.

Mar 15:3 Asin an magña poon nin magña sacerdote nasorombong nin balakid na bagay tumang saiya.

Mar 15:4 Asin si Pilato naghapot saiya liwat, na an sabi, Dai ka masimbag nin ano-man? hiligña kun gurano kadakol na bagay an ipinagsosorombong tumang saimo.

Mar 15:5 Alagad si Jesus dai nagsimbag nin anoman; mala ta si Pilato naggñalas.

Mar 15:6 Sa kafiestahan may ugale sia sa pag-butas sa sainda nin sarong bilango, na hagadon ninda saiya.

Mar 15:7 Asin may saro na inaapod Barrabas, na nabibilango kaiba kan magña nagtu-mang sa gobierno, na sinda duman sa insurreccion guminadan nin tauo.

Mar 15:8 Asin an kadaklan nagdolok sa saiya asin nagpoon maghagad na gomibo sa sainda siring sa saiyang ugale.

Mar 15:9 Asin si Pilato nagsimbag sainda, na an sabi, Boot nindo na butasan ko sa saindo an Hade nin magña Judio?

Mar 15:10 Huli ta naaaraman nia na huli sa kaorihan, itinao sia sa saiya kan magña poon nin magñasacerdote.

Mar 15:11 Alagad an kadaklan pinasonod kan magñapoon nin magiia sacerdote na marahay pang butasan nia sa sainda si Barrabas.

Mar 15:12 Asin si Pilato nagsimbag liwat, asin nagsabi sainda, Ano gñani an guiguibo-hon ko sa saindong inaapod na Hade nin magña Judio?

Mar 15:13 Asin sinda nagkururahao liwat, Ipako sia sa cruz.

Mar 15:14 Asin si Pilato nagsabi sainda, Ta-dao, anong karatan an guinibo nia? Alagad sinda nagkururahao nin makuri, Ipako sia sa cruz.

Mar 15:15 Kaya sa mawot ni Pilato na mapa-sonoan an kadaklan, binutasan nia sa sainda si Barrabas, asin itinao si Jesus, pakahampaka saiya, tagñaning ipako sa cruz.

Mar 15:16 Asin dinara sia kan magña soldado sa laog kan patio, na iyo an Pretorio; asin tiniripon ninda an bilog na pagiriba.

Mar 15:17 Asin guinubigñan sia ninda nin purpura; asin pakasalapid nin sarong coronang tonok, ibinugtak iyan ninda saiya;

Mar 15:18 Asin sinda nagporoon maggaralang saiya, Tara, Hade nin magiia Judio!

Mar 15:19 Asin pinokol ninda sia sa payo nin sarong gaho, asin linutaban sia, asin nag-rolohod sinda na nagsasamba saiya.

Mar 15:20 Asin pakaologologa saiya, hinuka-san sia kan purpura, asin guinubigñan kan saiyang gubing. Asin ilinuas sia nin­da tagñaning ipako sia sa cruz.

Mar 15:21 Asin pinirit ninda an sarong naga-agui, na hale sa oma, si Simon na taga Cirene, ama ni Alejandro asin si Rufo, na omiba, tagñaning magpasan kan sai­yang cruz.

Mar 15:22 Asin dinara sia ninda sa lugar na inaapod Golgota, na an boot sabihon, An lugar nin bogño.

Mar 15:23 Asin tinangro sia ninda nin arak na sinalakan nin mirra: alagad dai nia idto inako.

Mar 15:24 Asin ipinako ninda sia sa cruz, asin pinagbaragna ninda sa sainda an saiyang magña gubing, na pinagsurugalan ninda kun arin an kuaon kan lambang saro.

Mar 15:25 Asin a las nueve na, asin ipinako ninda sia sa cruz.

Mar 15:26 Asin an sombong tumang saiya nasusurat sa itaas, AN HADE NIN MAGÑAJUDIO.

Mar 15:27 Asin ipinako man na kaiba nia an duang tulisan; an saro sa saiyang too, asin an saro sa saiyang wala.

Mar 15:28 Asin naotob an kasuratan, na nagsasabi, Asin ibinilang sia sa kaibahan nin magñaparalapas.

Mar 15:29 Asin an magña nagaragui nagturu-yatuya saiya, na nagtaragñotagño kan saindang magña payo, asin nagsasarabi, Ah! ika na magaba kan templo, asin sa laog nin tolong aldao mapatindog kai-yan,

Mar 15:30 Lumigtas ka sa saimo man sana, asin tumangal ka sa cruz.

Mar 15:31 Siring man sana an magña poon nin magña sacerdote kairiba an magña escriba nagorologolog saiya, na an sabi, Nagligtas sia sa iba; sa saiya man sana dai nakakaligtas.

Mar 15:32 Tumangal na sa cruz an Cristo, an Hade nin Israel, tagñaning mahiling mi asin magtubod kami. Asin an magña kaiba niang napapako sa cruz nagologo-log saiya.

Mar 15:33 Asin kan odto na, nangyari an kadikloman sa bilog na daga, sagkod sa a las tres.

Mar 15:34 Asin pag-a-las-tres si Jesus nagkura-hao sa halangkao na tigñog, Eli, Eli, lama sabactani? na an boot sabihon, Dios ko, Dios ko, tadao ta pinabayaan mo ako?

Mar 15:35 Asin an iba na magña duduman, kan madagñog ini, nagsarabi, Uya, sia nagaapod ki Elias.

Mar 15:36 Asin an saro nagdalagan, asin paka-bontogan kan sarong esponja sa suka, tinogod nia iyan sa sarong gaho, asin ipinainom saiya, asin sia nagsabi, Paba-yae; hiligñon ta kun baga dumigdi si Elias sa pagtangal saiya.

Mar 15:37 Asin si Jesus nagkurahao sa halang­kao na tigñog, asin hinonod nia an saiyang espiritu.

Mar 15:38 Asin an lipod sa templo naguisi na nagkadua, magpoon sa itaas sagkod sa ibaba.

Mar 15:39 Asin kan mahiling kan capitan, na nakatindog sa kahampang nia, na siring an pagkahonod nia kan espiritu, sia nag­sabi, Totoong gayo na ini iyo an Aki nin Dios.

Mar 15:40 Asin igua man nin magña babae na nagtataranao sa harayo: na sa sainda duduman si Maria Magdalena, asin si Maria na ina ni Santiago na sadang asin ni Jose, patin si Salome;

Mar 15:41 Na sinda kan sia duduman pa sa Galilea, nagsoronod asin nagrilingkod saiya; asin iba pang balakid na babae na nagturukad sa Jerusalem, kairiba nia.

Mar 15:42 Asin pagsolnop kan aldao, huli ta an aldao na idto iyo an Pagandam, na iyo an vispera kan sabbath.

Mar 15:43 Nagdatong si Jose na taga Arima-tea, concejal na iguinagalang, na sia man naghahalat kan kahadean nin Dios; asin sia nangñahas na laogon si Pilato, asin hagadon an bangkay ni Jesus.

Mar 15:44 Asin si Pilato naggñalas kun sia gadan na: asin pakaapoda nia kan capi­tan, pinaghapot nia sia kun haloy nang nagadan.

Mar 15:45 Asin kan matalastasan nia ini sa capitan, itinogot nia an bangkay ki Jose.

Mar 15:46 Asin sia nagbakal nin generong lino, asin pakatangala saiya, pinatos nia sia sa generong lino, asin ibinugtak sia sa sarong lolobgnan na tinuki sa sarong gapo; asin pinaliguid nia an sarong gapo sa tata kan lolobgñan.

Mar 15:47 Asin nahiling ni Maria Magdalena, asin ni Maria na ina ni Jose an binugta-kan saiya.



Mar 16:1 Asin pakalihis kan sabbath, si Maria Magdalena, asin si Maria na ina ni Santiago, patin si Salome, nagbarakal nin magña pahamot, tagñaning paduman sin da sa paglahid saiya.

Mar 16:2 Asin maatabon pa, kan enot na aldao nin semana, nagdaratong sinda sa lolobgñan pagsirang kan aldao.

Mar 16:3 Asin sinda nagpaorolayolay, Siisay dao an satong mapapahale kan gapo sa tata kan lolobgiian?

Mar 16:4 Asin sa pagtagnad, nahiling ninda na an gapo nahale na: huli ta idto labilabi kadakula.

Mar 16:5 Asin paglaog sa lolobgiian, nahiling ninda an sarong barobata na nagtutukao sa too, na naggugubing nin puti; asin sinda nagkatirikbahan.

Mar 16:6 Asin sia nagsabi sainda, Dai kamo magkatirikbahan: hinahanap nindo si Jesus na taga Nazaret, na ipinako sa cruz: sia nabuhay liwat; dai na sia digdi: hiligña nindo an lugar na binugtakan ninda saiya!

Mar 16:7 Tara lakao kamo, sabihan nindo an saiyang magñadiscipulo asin si Pedro, Sia magñegñenot saindo sa Galilea; duman mahihiling nindo sia, siring sa isinabi nia saindo.

Mar 16:8 Asin sinda nagruluas, asin nagduru-lag sa lolobgñan; huli ta inabot sinda nin takot asin takig: asin dai sinda nagsarabi nin anoman sa kiisay man; huli ta sinda nagkatarakot.

Mar 16:9 Pagkabuhay nia liwat na maatabon pa kan enot na aldao nin semana, nagpa-hiling siang enot ki Maria Magdalena na pinaluasan nia nin pitong demonio.

Mar 16:10 Sia nagduman asin nagbareta sa magña naguin kairiba ni Jesus, mantang sinda nagmomorondo asin nagtataragñis.

Mar 16:11 Asin kan madagñog ninda na sia buhay na, asin nahiling ni Maria Magda­lena, dai sinda nagturubod.

Mar 16:12 Asin pakatapus kan magñabagay na ini, napahayag sia sa ibang paagui sa dua sa sainda, mantang sinda naglalakao pa oma.

Mar 16:13 Asin sinda nagduman asin ibinareta ninda idto sa iba: minsan sinda dai man tinubodan.

Mar 16:14 Asin pakatapus napahayag sia sa kagsaro mantang sinda nagtuturukao sa pagkakan; asin tinuyao nia sinda kan saindang dai pagtubod asin katagasan nin puso, ta dai sinda nagturubod sa magña nakahiling saiya pagkabuhay nia liwat.

Mar 16:15 Asin sia nagsabi sainda, Paduman kamo sa bilog na kinaban, asin ipaghulit nindo an evangelio sa gabos na linalang.

Mar 16:16 An magtubod asin mabuniagan makakaligtas; alagad an dai magtubod sisilotan.

Mar 16:17 Asin an magñatandang ini masa sa magña nagtutubod: sa gñaran ko magpa-paluas sinda nin magñademonio; mag-tataram sinda sa magña bagong tatara-mon;

Mar 16:18 Magkakapot sinda nin magña halas; asin kun makainom sinda nin anoman na makakagadan, dai sinda kaiyan ma-aano; magdodoon sinda kan saindang magña kamot sa magiia naghehelang, asin sinda maoomayan.

Mar 16:19 Kaya gñani an Kagurangnan na si Jesus, pakataram nia sainda, inako sia sa lagñit, asin tominukao sa too nin Dios.

Mar 16:20 Asin sinda nagruluas, asin naghu-rulit sa gabos na lugar, asin an Kagu­rangnan nagtatabang sainda, asin nagpa-patotoo kan tataramon huli sa magña tanda na nangyari. Auot pa.



AMAZING GRACE BIBLE INSTITUTE