BIKOL JOHN


Joh 1:1 Sa kapinonan iyo an Tataramon, asin an Tataramon nasa kaibahan nin Dios, patin an Tataramon iyo an Dios.

Joh 1:2 Ini sa kapinonan nasa Dios.

Joh 1:3 An gabos na bagay guinibo nia, asin kun dai sia, dai nin anoman na naguibo sa naguinibo.

Joh 1:4 Sa saiya an buhay; asin an buhay iyo an ilao nin magña tauo.

Joh 1:5 Asin an ilao minaliwanag sa kadik-loman, asin an kadikloman dai nakadaog kaiyan.

Joh 1:6 May nagdatong na sarong tauo na sinogo nin Dios, na an gñaran Juan.

Joh 1:7 Ini napadigdi sa pagsaksi, tagñaning sia magpatotoo dapit kan ilao, tagña-ning an gabos magturubod huli saiya.

Joh 1:8 Bako sia an ilao, kundi sia napadig-di sa pagpatotoo dapit kan ilao.

Joh 1:9 Igua nin totoong ilao na napadigdi sa kinaban, na iyan an nagpapaliwanag sa lambang tauo.

Joh 1:10 Sia nasa kinaban na kaidto pa, asin an kinaban guinibo nia, asin dai sia na-midbid kan kinaban.

Joh 1:11 Sia napadigdi sa saiyang magña sadiri, asin sinda na magña sadiri nia dai saiya nagarako.

Joh 1:12 Alagad an gabos na nagarako saiya, tinawan nia nin kapangyarihan na maguin magña aki nin Dios, sinda na magña nagtutubod sa saiyang gñaran:

Joh 1:13 Na sinda namundag bakong sa dugo, ni sa boot nin laman, ni sa boot nin tauo, kundi sa Dios.

Joh 1:14 Asin an Tataramon naguin laman, asin nagerok sa tahao niato (asin nahi-ling ta an saiyang kamurawayan, kamu-rawayan na siring kan sa Aking bogtong nin Ama), pano nin biyaya asin katotoohan.

Joh 1:15 Si Juan nagpatotoo dapit saiya, asin nagkurahao, na an sabi, Ini iyo idtong isinabi ko, An mapadigdi sa hudian ko, naenot sako: huli ta sia naenot pa sako.

Joh 1:16 Huli ta sa saiyang kapanoan kita gabos nagkamit, asin an biyaya sa biyaya.

Joh 1:17 Huli ta an katogonan itinao huli ki Moises; an biyaya asin an katotoohan nagdatong huli ki Jesu-Cristo.

Joh 1:18 Dai nin siisay man na nakahiling sa Dios kasuarin man; an Aking bogtong na nasa daghan nin Ama, sia an nagpa-hayag saiya.

Joh 1:19 Asin ini iyo an patotoo ni Juan, kan an magña Judio nagsogo saiya hale sa Jerusalem nin magña sacerdote asin magña Levita, sa paghapot saiya, Siisay ka?

Joh 1:20 Asin sia nagtuga, na dai nagpainda; asin sia nagtuga, Bako ako an Cristo.

Joh 1:21 Asin sinda naghapot saiya, Siisay ka gñani? Iyo ika si Elias? Asin sia nag-sabi, Bako ako. Iyo ika an profeta? Asin sia nagsimbag, Bako.

Joh 1:22 Sinda gñani nagsabi saiya, Siisay ka? tagnaning kami makatao nin simbag sa magñanagsogo samo? Ano an isasabi mo dapit saimo?

Joh 1:23 Sia nagsabi, Ako iyo an tigñog nin saro na nagkukurahao sa patag, Tanoson nindo an dalan nin Kagurangnan, siring sa isinabi ni Isaias na profeta.

Joh 1:24 Asin sinda sinogo hale sa magña Fariseo.

Joh 1:25 Asin sinda naghapot asin nagsabi saiya, Tadao gñani ta nagbubuniag ka, kun baga bako ka an Cristo, ni si Elias, ni an profeta?

Joh 1:26 Si Juan nagsimbag sainda, na an sabi, Ako nagbubuniag sa tubig: sa tahao nindo may nagtitindog na saro na dai nindo namimidbid,

Joh 1:27 Sia na mapadigdi sa hudian ko alagñan gñani ako na maghubad kan bogkos nin saiyang magña sapin.

Joh 1:28 An magña bagay na ini nangyari sa Betania sa ibong kan Jordan, na saen si Juan nagbubuniag.

Joh 1:29 Pagkaaga, nahiling nia si Jesus na nagdadagñadang sa saiya, asin sia nag-sabi, Uya, an Cordero nin Dios, na nag-hahale kan kasalan nin kinaban!

Joh 1:30 Ini iyo idtong isinabi ko, Sa hu-dian ko madatong an sarong lalaki na naenot sako: huli ta sia naenot pa sako.

Joh 1:31 Asin dai ko sia namidbid; ala-gad tagñaning sia mahayag sa Israel, kaya ako napadigdi sa pagbuniag sa tubig.

Joh 1:32 Asin si Juan nagpatotoo, na an sabi, Nahiling ko an Espiritu na naghihi-lig hale sa lagñit siring sa salampati; asin iyan ominontok saiya.

Joh 1:33 Asin dai ko sia namidbid: alagad an nagsogo sako na magbuniag sa tubig, sia nagsabi sako, An siisay man na mahi-ling mo na hiligan kan Espiritu, asin on-tokan kaiyan, sia iyo an magbubuniag sa Espiritu Santo.

Joh 1:34 Asin nahiling ko, asin pinatotoo-han ko na ini iyo an Aki nin Dios.

Joh 1:35 Pagkaaga liwat si Juan nagtitindog, asin dua kan saiyang magña discipulo;

Joh 1:36 Asin sia nagtorohok ki Jesus na naglalakao, asin nagsabi, Uya, an Corde-ro nin Dios!

Joh 1:37 Asin an duang discipulo nadagñog sia na nagtaram, asin sinda nagsonod ki Jesus.

Joh 1:38 Asin si Jesus nagsaligñoy, asin nahiling nia sinda na nagsosonod, asin sinabihan sinda, Ano an hinahanap nin-do? Sinda nagsabi saiya, Rabbi (na an boot sabihon, Paratokdo), saen ka nagoontok?

Joh 1:39 Sia nagsabi sainda, Madia kamo, asin mahihiling nindo. Sinda gñani nag-duman, asin nahiling ninda an saiyang pinagoontokan; asin sinda nagontok sa kaibahan nia kan aldao na iyan: asin may a las cuatro na an hapon.

Joh 1:40 Saro kan dua na nakadagñog ki Juan, asin nagsonod saiya, iyo si Andres na tugang ni Simon Pedro.

Joh 1:41 Hinanap nia gñona an saiyang tugang na si Simon, asin sinabihan, Nakua mi an Mesias (na an boot sabi-hon, an Cristo).

Joh 1:42 Dinara nia sia ki Jesus. Si Jesus nagtorohok saiya, asin nagsabi, Ika iyo si Simon na aki ni Jonas: ika aapodon Cefas (na an boot sabihon, Pedro ó Gapo).

Joh 1:43 Pagkaaga nagmawot siang padu-man sa Galilea, asin nasabat nia si Feli-pe: asin si Jesus nagsabi saiya, Sumonod ka sako.

Joh 1:44 Si Felipe taga Betsaida, banua ni Andres asin ni Pedro.

Joh 1:45 Hinanap ni Felipe si Natanael, asin sinabihan, Nakua mi idtong isinurat ni Moises sa katogonan, asin kan magña profeta, si Jesus na taga Nazaret, an aki ni Jose.

Joh 1:46 Asin si Natanael nagsabi saiya, Sa Nazaret dao mangyayaring lumuas an anoman na marahay? Si Felipe nagsabi saiya, Madia, asin hiligña.

Joh 1:47 Nahiling ni Jesus si Natanael na nagdadagñadang sa saiya, asin sia nag-sabi dapit saiya, Uya, an sarong tunay na Israelita, na sa saiya dai nin daya!

Joh 1:48 Si Natanael nagsabi saiya, Saen mo ako namidbid? Si Jesus nagsimbag asin nagsabi saiya, Bago ka apodon ni Felipe, kan nagsisirong ka sa higuera, nahiling konaika.

Joh 1:49 Si Natanael nagsimbag saiya, Rab-bi, ika iyo an Aki nin Dios; ika an Hade nin Israel.

Joh 1:50 Si Jesus nagsimbag asin nagsabi saiya, Huli ta ako nagsabi saimo, Nahi-ling ko ika sa irarom kan higuera, mina-tubod ka? makakahiling ka nin magña bagay na darakula pa kaini.

Joh 1:51 Asin sia nagsabi saiya, Sa katotoo-han, sa katotoohan, ako nagsasabi sain-do, Mahihiling nindo an lagñit na bukas, asin an magña ángel nin Dios na nagsasarakat asin naghihirilig sa Aki nin tauo.



Joh 2:1 Asin sa ikatolong aldao iguang kina-sal sa Cana nin Galilea; asin an ina ni Jesus duduman:

Joh 2:2 Asin si Jesus man, asin an saiyang magña discipulo inalok sa kinasal.

Joh 2:3 Asin kan an arak, magkulang an ina ni Jesus nagsabi saiya, Dai na sinda nin arak.

Joh 2:4 Asin si Jesus nagsabi saiya, Babae, ano an labot ko saimo? an oras ko dai pa nadatong.

Joh 2:5 An saiyang ina nagsabi sa magña sorogoon, An anoman na isabi nia sain-do, guibohon nindo.

Joh 2:6 Igua duman nin anom na tapayan na gapo na guinagamit kan magña Judio sa paglilinig, na an lambang saro kaidto nalalaogan nin apat ó limang lata nin tubig.

Joh 2:7 Si Jesus nagsabi sainda, Panoa nin-do an magña tapayan nin tubig. Asin pinano ninda idto sagkod sa gñagña.

Joh 2:8 Dagñan sia nagsabi sainda, Tabo na kamo, asin daraha nindo sa pinaniwala-an sa lamesa. Asin sinda nagdara kaidto.

Joh 2:9 Asin kan manamitan kan pinaniwa-laan sa lamesa an tubig na nani arak, na dai nia naiisihan kun saen hale (alagad naiisihan kan magña sorogoon na nag-tabo kan tubig), inapod an novio kan pinaniwalaan sa lamesa,

Joh 2:10 Asin sinabihan sia, An siisay man minabugtak gñona kan marahay na arak; asin kun an gabos nagpakainom na nin marahay, dagñan minabugtak kan ma-raot: alagad ika, tinago mo an marahay na arak sagkod gñunian.

Joh 2:11 Ining kapinonan kan saiyang magñatanda, guinibo ni Jesus sa Cana nin Galilea, asin ipinahayag nia an sai-yang kamurawayan; asin an saiyang magña discipulo nagturubod saiya.

Joh 2:12 Pakatapus kaini, sia, asin an sai-yang ina, asin an saiyang magña tu-gang, patin an saiyang magña discipulo nagrulugsot sa Capernaum, asin sinda dai nahaloy dian.

Joh 2:13 Asin harani na an Pascua nin magña Judio, asin si Jesus nagtukad sa Jerusalem.

Joh 2:14 Asin naabotan nia sa templo an magña nagpapabakal nin magña vaca asin magña carnero patin magña salam-pati, asin an magña pararibay nin pirak nagtuturukao:

Joh 2:15 Asin sia nagguibo nin sarong ham-pak na pisi, asin pinaluas nia an gabos sa templo, sagkod kan magña carnero, asin magñavaca; asin inola nia an pirak kan magña pararibay, asin tinurumba nia an saindang magña lamesa;

Joh 2:16 Asin sa magña nagpapabakal nin salampati, sia nagsabi, Haleon nindo dig-di an magña bagay na ini; dai nindo gui-bohon an harong nin sakong Ama na harong nin barakalan.

Joh 2:17 An saiyang magña discipulo naka-romdom na idto nasusurat, Hahalonon ako kan pagigñat kan saimong harong.

Joh 2:18 An magña Judio gñani nagsirim-bag asin nagsarabi saiya, Ano an tanda na ipapahiling mo samo, ta nagguiguibo ka kan magña bagay na ini?

Joh 2:19 Si Jesus nagsimbag asin nagsabi sainda, Gabaon nindo an templong ini, asin sa tolong aldao papatindogon ko iyan.

Joh 2:20 An magña Judio gñani nagsarabi, Apat na polo may anom na taon an pag-patogdok kan templong ini, asin papa-tindogon mo iyan sa tolong aldao?

Joh 2:21 Alagad sia nagtaram dapit kan templo nin saiyang hawak.

Joh 2:22 Kaya kan sia mabuhay na liwat sa magña gadan, an saiyang magña disci-pulo nakaromdom na sia nagtaram kai-ni; asin sinda nagtubod sa kasuratan, asin sa tataramon na isinabi ni Jesus.

Joh 2:23 Kan sia nasa Jerusalem sa pascua, kan fiesta, balakid an nagturubod sa saiyang gñaran, pagkahiling kan magña tanda na guinibo nia.

Joh 2:24 Alagad si Jesus dai naniwala sain-da, huli ta aram nia an gabos na tauo,

Joh 2:25 Asin huli ta sia dai nagñagñaipo na siisay man magpatotoo saiya dapit sa tauo; huli ta sia nakakaaram kun ano an nasa tauo.



Joh 3:1 May sarong lalaki sa magña Fariseo, na an gñaran Nicodemo, sarong poon nin magña Judio:

Joh 3:2 Ini nagduman sa saiya na bangui, asin nagsabi saiya, Rabbi, kami naka-kaisi na ika sarong paratokdo na hale sa Dios; huli ta dai nin siisay man na maka-kaguibo kan magña tanda na guiniguibo mo kun an Dios dai nasa saiya.

Joh 3:3 Si Jesus nagsimbag asin nagsabi sai-ya, Sa katotoohan, sa katotoohan, ako nagsasabi saimo, Kun an tauo dai mamundag na bago, sia dai makakahi-ling kan kahadean nin Dios.

Joh 3:4 Si Nicodemo nagsabi saiya, Paano na an tauo mamundag kun sia magu-rang na? makakalaog dao sia liwat sa tulak nin saiyang ina, asin mamundag?

Joh 3:5 Si Jesus nagsimbag, Sa katotoohan, sa katotoohan, ako nagsasabi saimo, Kun an tauo dai mamundag sa tubig asin sa Espiritu, sia dai makakalaog sa kaha-dean nin Dios.

Joh 3:6 An namundag sa laman, laman man; an namundag sa Espiritu, espiritu man.

Joh 3:7 Dai ka maggñalas na ako nagsabi saimo, Kamo kaipuhan na mamundag nabago.

Joh 3:8 An doros minahoyop kun saen an boot kaiyan, asin nadadagnog mo an tanog, alagad dai mo naiisihan kun saen minahale, asin kun saen minaduman: siring man an siisay man na namundag sa Espiritu.

Joh 3:9 Si Nicodemo nagsimbag asin nagsabi saiya, Paanong mangyari an magña bagay na ini?

Joh 3:10 Si Jesus nagsimbag asin nagsabi saiya, Paratokdo ka sa Israel, asin dai ka nakakasabot kan magña bagay na ini?

Joh 3:11 Sa katotoohan, sa katotoohan, ako nagsasabi saimo, Kami nagtataram kan naaaraman mi, asin nagpapatotoo kan nahiling mi; asin kamo dai nagaako kan samong patotoo.

Joh 3:12 Kun inoosipan ko kamo nin magña bagay na kinabanon, asin dai kamo minatubod, paano an pagtubod nindo kun osipan ko kamo nin magña bagay na lagñitnon?

Joh 3:13 Asin dai nin siisay man na nakasa-kat sa lagñit, kundi idtong naghilig hale sa lagñit, an Aki nin tauo na nasa lagñit.

Joh 3:14 Asin siring kan halas na initaas ni Moises sa patag, siring man an Aki nin tauo kaipuhan na iitaas;

Joh 3:15 Tagñaning an siisay man na mina-tubod magkaigua sa saiya nin buhay na dai nin katapusan.

Joh 3:16 Huli ta an Dios namoot na gayo sa kinaban, na itinao nia an saiyang Aking bogtong, tagñaning an siisay man na minatubod sa saiya dai mapahamak, kundi magkaigua nin buhay na dai nin katapusan.

Joh 3:17 Huli ta an Dios dai nagsogo kan saiyang Aki sa kinaban na magsilot kan kinaban; kundi tagñaning an kinaban ikaligtas huli saiya.

Joh 3:18 An minatubod sa saiya, dai sinisi-lotan: an dai minatubod nasilotan na, huli ta dai nagtubod sa gñaran kan Aking bogtong nin Dios.

Joh 3:19 Asin ini iyo an silot, na an ilao napadigdi sa kinaban, asin an magña tauo namoot pang labi sa diklom ki sa liwanag; huli ta an saindang magña gui-bo maraot.

Joh 3:20 Huli ta an siisay man na nagguigui-bo nin maraot naoogñis sa liwanag, asin dai minadolok sa ilao, tagñaning an saiyang magñaguibo dai magkasaragüe.

Joh 3:21 Alagad an nagguiguibo nin kato-toohan minadolok sa ilao, tagñaning an saiyang magña guibo mahayag, na an magña iyan nahaman sa Dios.

Joh 3:22 Pakatapus kaining magña bagay, si Jesus asin an saiyang magña discipulo nagduman sa daga nin Judea; asin duman sia nagontok sa kaibahan ninda, asin nagbubuniag.

Joh 3:23 Asin si Juan man nagbubuniag sa Enon, harani sa Salim, huli ta duman matubig: asin sinda nagduduruman, asin binuburuniagan.

Joh 3:24 Huli ta si Juan dai pa nabilango.

Joh 3:25 Nagkaigua gñani nin pasuruhay an magña discipulo ni Juan asin sarong Judio dapit sa paglilinig.

Joh 3:26 Asin sinda nagdorolok ki Juan asin nagsarabi saiya, Rabbi, idtong kaiba mo duman sa ibong kan Jordan, na pinato-toohan mo, uya, sia nagbubuniag, asin an gabos nagduduruman sa saiya.

Joh 3:27 Si Juan nagsimbag asin nagsabi, An tauo dai nakakapagkamit nin anoman, kun dai iyan itao saiya hale sa lagñit.

Joh 3:28 Kamo man sana magña saksi ko, na ako nagsabi, Bako ako an Cristo, kundi, na ako sinogo sa enotan nia.

Joh 3:29 An igua kan novia iyo an novio: alagad an katood kan novio na nagtitin-dog asin nagdadagñog saiya, nagoogma nin dakula huli kan tigñog kan novio: kaya ining sakong kaogmahan sangkap na.

Joh 3:30 Sia kaipuhan na magtalobo, alagad ako kaipuhan na magina.

Joh 3:31 An minaguikan sa itaas iyo an halangkao sa gabos: an guikan sa daga, taga daga iyan, asin magña sa daga an ipinagtataram: an minaguikan sa lagñit iyo an halangkao sa gabos.

Joh 3:32 An saiyang nahiling asin nadagñog iyan an saiyang pinapatotoohan; asin dai nin siisay man na minaako kan saiyang patotoo.

Joh 3:33 Idtong nagako kan saiyang patotoo nagbugtak kan saiyang tanda, na an Dios totoo.

Joh 3:34 Huli ta an sinogo nin Dios nagtata-ram kan magña tataramon nin Dios: huli ta dai nia sinosokol an pagtao kan Espi-ritu.

Joh 3:35 An Ama namomoot sa Aki, asin an gabos na bagay itinao nia sa saiyang kamot.

Joh 3:36 An minatubod sa Aki igua nin buhay na dai nin katapusan; alagad an dai minakuyog sa Aki dai makakahiling nin buhay, kundi an kaangotan nin Dios nagdadanay saiya.



Joh 4:1 Kan maaraman gñani kan Kagu-rangnan na an magña Fariseo naka-dagñog na si Jesus nagguiguibo asin nag-bubuniag nin magña discipulo na labi pa ki Juan

Joh 4:2 (Minsan si Jesus dai nagbubuniag, kundi an saiyang magña discipulo),

Joh 4:3 Sia naghale sa Judea, asin nagbalik liwat sa Galilea.

Joh 4:4 Asin sia kaipuhan na omagui sa Samaria.

Joh 4:5 Kaya sia nagdatong sa sarong banua nin Samaria na inaapod Sicar, harani sa daga na itinao ni Jacob sa saiyang aking si José:

Joh 4:6 Asin an bobon ni Jacob duduman. Si Jesus gñani, ta napapagal na kan sai-yang paglakao, nagtukao sa tampi kan bobon. Asin odto na.

Joh 4:7 May nagdatong na sarong babaeng taga Samaria sa pagsakdo; asin si Jesus nagsabi saiya, Painoma man ako.

Joh 4:8 Huli ta an saiyang magña discipulo nagpabanua sa pagbakal nin kakanon.

Joh 4:9 Nagsabi gñani saiya an babaeng taga Samaria, Tadao ta ika, na Judio, nagha-hagad sako nin inomon, na ako babaeng taga Samaria? (Huli ta an magña Judio dai nakikilabot sa magña taga Samaria.)

Joh 4:10 Si Jesus nagsimbag asin nagsabi saiya, Kun naaaraman mo an balaog nin Dios, asin kun siisay an nagsasabi saimo, Painoma man ako; ika naghagad kutana saiya, asin sia matao kutana saimo nin tubig na buhay.

Joh 4:11 An babae nagsabi saiya, Guinoo, dai ka nin anoman na ikasarok, asin an bobon hararom: saen gñani hale an tubig mong buhay?

Joh 4:12 Dakula ka pa dao ki sa satong amang si Jacob, na nagtao sato kaining bobon, na digdi sia naginom, asin an sai-yang magña aki, patin an saiyang magña hayop?

Joh 4:13 Si Jesus nagsimbag asin nagsabi saiya, An siisay man na maginom sa tubig na ini mapapaha liwat:

Joh 4:14 Alagad an siisay man na maginom sa tubig na itatao ko saiya dai na nanga-yod mapapaha; alagad an tubig na itatao ko saiya manini sa saiya borabod nin tubig na magbobolos sagkod sa buhay na dai nin katapusan.

Joh 4:15 An babae nagsabi saiya, Guinoo, tawe ako kan tubig na ini, tagñaning dai na ako mapaha, ni magpadigdi pa sa pag-sakdo.

Joh 4:16 Si Jesus nagsabi saiya, Lakao, apoda an saimong agom, asin pumadigdi kamo.

Joh 4:17 An babae nagsimbag asin nagsabi saiya, Dai akong agom. Si Jesus nagsabi saiya, Marahay an pagkasabi mo, Dai akong agom:

Joh 4:18 Huli ta ika nagkaigua na nin limang agom; asin an kasaroan mo gñunian bako mong agom: an sinabi mong ini katotoohan.

Joh 4:19 An babae nagsabi saiya, Guinoo, namamansayan ko na ika profeta.

Joh 4:20 An samong magña kaganak nagsa-ramba sa bukid na ini; asin kamo nagsa-sarabi, na sa Jerusalem an lugar na mani-nigong pagsambahan.

Joh 4:21 Si Jesus nagsabi saiya, Babae, tubo-da ako, na an oras madatong na minsan sa bukid na ini, dai na nindo sasamba-hon an Ama, ni sa Jerusalem.

Joh 4:22 Kamo nagsasaramba kaidtong dai nindo naaaraman: kami nagsasaramba kaidtong naaaraman mi; huli ta an kalig-tasan guikan sa magña Judio.

Joh 4:23 Alagad an oras madatong, asin gñu-nian iyo na, na an magña tunay na para-samba magsasaramba sa Ama sa espiritu asin katotoohan: huli ta an magña siring hinahanap kan Ama na maguin saiyang magña parasamba.

Joh 4:24 An Dios Espiritu: asin an magña nagsasaramba saiya, kaipuhan na magsa-ramba saiya sa espiritu asin katotoohan.

Joh 4:25 An babae nagsabi saiya, Naaara-man ko na an Mesias madigdi (an ina-apod na Cristo): kun sia digdi na, ipa-pahayag nia sato an gabos na bagay.

Joh 4:26 Si Jesus nagsabi saiya, ako na nag-tataram saimo, iyo sia.

Joh 4:27 Pakatapus kaini nagdatong an sai-yang magña discipulo, asin naggñaralas na sia nakikipagolay sa sarong babae; alagad dai nin siisay man na nagsabi, Ano an hinahanap mo? ó, Tadao ta nakikipagolay ka saiya?

Joh 4:28 Dagñan binayaan kan babae an sai-yang dulay, asin sia napabanua, patin nagsabi sa magña tauo,

Joh 4:29 Madia, hiligña nindo an sarong lalaki na nagsabi sako kan gabos na gui-nibo ko: iyo na dao ini an Cristo?

Joh 4:30 Sinda nagruluas sa banua, asin nag-duruman sa saiya.

Joh 4:31 Mantang nangyari ini, an magña discipulo nakimaherak saiya, na an sabi, Rabbi, pagkakan na.

Joh 4:32 Alagad sia nagsabi sainda, Igua akong kakanon na dai nindo naaaraman.

Joh 4:33 An magña discipulo gñani nagoro-layolay, May nagdara dao sa saiya nin kakanon?

Joh 4:34 Si Jesus nagsabi sainda, An sakong kakanon iyo an pagguibo kan boot kan nagsogo sako, asin an paghaman kan saiyang guibo.

Joh 4:35 Dai kamo nagsasarabi, May apat pang bulan, asin dagñan madatong an tiganihan? Uya, ako nagsasabi saindo, Tingkalagan nindo an saindong magña mata, asin tanao kamo sa kaomahan, ta mapuputi na sa pagani.

Joh 4:36 Asin an nagaani nagaako nin tan-dan, asin nagtitipon nin bugña mano-gñod sa buhay na dai nin katapusan; tagñaning an nagsasabwag asin an naga-ani magkasing magogma.

Joh 4:37 Huli ta digdi kaini an tataramon totoo, An saro nagsasabwag, asin an saro man nagaani.

Joh 4:38 Sinogo ko kamo na magani sa dai nindo pinagpagalan: iba an nagpagal, asin kamo nakinabang kan saindang pinagalan.

Joh 4:39 Asin balakid na Samaritano sa banuang idto na nagturubod sa saiya huli kan tataramon kan babae, na nag-papatotoo, Sinabi nia sako an gabos kong guinibo.

Joh 4:40 Kaya kan an magña Samaritano magduruman sa saiya, sinda nakimahe-rak saiya na omontok sa kaibahan nin-da; asin sia nagontok duman nin duang aldao.

Joh 4:41 Asin balakid pa an nagturubod kan saiyang tataramon;

Joh 4:42 Asin sinda nagsarabi sa babae, Gñunian kami minatubod, bakong huli kan saimong tataramon: huli ta kami man nakadagñog na, asin nakakaaram na ini, sa katotoohan, iyo an Paraligtas nin kinaban.

Joh 4:43 Asin pakatapus kan duang aldao, sia naghale dian pasiring sa Galilea.

Joh 4:44 Huli ta si Jesus man sana an nag-patotoo, na an profeta daing halaga sa sadiri niang daga.

Joh 4:45 Kaya pagdatong nia sa Galilea, inarako sia kan magña taga Galilea, huling nahiling ninda an gabos na bagay na guinibo nia sa Jerusalem kan fiesta: huli ta sinda man nagduruman sa fiesta.

Joh 4:46 Sia gñani napaduman liwat sa Caná nin Galilea, na saen guinibo niang arak an tubig. Asin duman igua nin sarong guinoo na may aking naghehelang sa Capernaum.

Joh 4:47 Kan madagñog nia na si Jesus nag-hale sa Judea pa Galilea, sia napaduman asin nakimaherak saiya na lumugsot, asin paomayan nia an saiyang aking lalaki; huli ta naghihigñagdan.

Joh 4:48 Si Jesus gnani nagsabi saiya, Kun dai kamo makahiling nin magña tanda asin magña gnagnalasan, sa anoman na paagui, dai kamo matubod.

Joh 4:49 An guinoo nagsabi saiya, Guinoo, lumugsot ka, bago magadan an aki ko.

Joh 4:50 Si Jesus nagsabi saiya, Lakao na; an aki mo buhay. An lalaki tominubod kan tataramon na isinabi saiya ni Jesus, asin lominakao.

Joh 4:51 Asin kan sia naglulugsot na, an saiyang magña sorogoon nagsabat saiya, na nagsabi, na an saiyang aki nabuhay.

Joh 4:52 Kaya sia naghapot sainda kan oras na nagpoon siang magrahay. Sinda gñani nagsabi saiya, Kasuodma na may á la una nawara an saiyang lagñat.

Joh 4:53 Kaya an ama nakaaram na an oras na idto iyo an pagsabi saiya ni Jesus, An aki mo buhay: asin sia tominubod, asin an bilog niang harong.

Joh 4:54 Ini an ikaduang tanda na guinibo ni Jesus, kan pakahale nia sa Judea pa Galilea.



Joh 5:1 Pakatapus kaining magña bagay nagkaiguang fiesta nin magña Judio; asin si Jesus nagtukad sa Jerusalem.

Joh 5:2 Asin sa Jerusalem, sa may tata nin magña carnero, igua nin sarong tanke, na inaapod sa Hebreo Betesda, na may limang tampi.

Joh 5:3 Digdi naghihirigda na kadaklan nin magña naghehelang, magña buta, magña pilay, magña nagaalang.

Joh 5:4 huli ta an sarong angel nin Kagurangnan nahilig sa tanke kun panahon, asin nahero kan tubig: dagnan an siisay man na maenot na makabontog pakaheroa kan mbig, naoomayan kan anoman na helang na namamatean.

Joh 5:5 Asin duduman an sarong lalaki na naghehelang sa tolong polo may walong taon na.

Joh 5:6 Kan mahiling sia ni Jesus na naka-higda, asin maisihan na sia haloy na sa saiyang kamugtakan, sinabihan sia, Boot kang maomayan?

Joh 5:7 An naghehelang nagsimbag saiya, Guinoo, dai ako nin siisay man na maka-dara sako sa tanke kun an tubig hinehe-ro: alagad mantang ako nagdadagña-dang, naeenotan ako kan iba.

Joh 5:8 Si Jesus nagsabi saiya, Buhat, kuaa an saimong hamak, asin lakao.

Joh 5:9 Asin tolos man an lalaki naomayan, asin kinua nia an saiyang hamak, asin sia lominakao.

Joh 5:10 Asin an aldao na idto sabbath. Kaya an magña Judio nagsabi sa pinao-mayan, Gñunian sabbath, asin bakong sono sa katogonan na magdara ka kan saimong hamak.

Joh 5:11 Alagad sia nagsimbag sainda, Id-tong nagpaomay sako, sia nagsabi sako, Kuaa an saimong hamak, asin lakao.

Joh 5:12 Sinda naghapot saiya, Siisay an tauong nagsabi saimo, Kuaa an saimong hamak, asin lakao?

Joh 5:13 Alagad an pinaomayan dai tatao kun siisay idto; huli ta si Jesus nawara, huli kan kadaklan sa lugar na idto.

Joh 5:14 Pakatapus sia nakua ni Jesus sa templo, asin sinabihan sia, Uya, naoma-yan ka na: dai ka na magkasala, tagña-ning dai mangyari saimo an orog pa karaot.

Joh 5:15 An lalaki naghale, asin nagsabi sa magña Judio na si Jesus iyo an nagpao-may saiya.

Joh 5:16 Asin huli kaini si Jesus pinaglamag kan magña Judio, huli ta sia nagguibo kaining magña bagay sa sabbath.

Joh 5:17 Alagad si Jesus nagsimbag sainda, An sakong Ama sagkod gnunian naggui-guibo, asin ako nagguiguibo.

Joh 5:18 Kaya huli kaini, an magña Judio naghirigñoa nin orog na gadanon sia, huli ta bako sanang naglapas sia kan sab-bath kundi nagapod pa na an Dios iyo an saiyang sadiring Ama, na nakikipan-tay sa Dios.

Joh 5:19 Si Jesus gñani nagsimbag asin nagsabi sainda, Sa katotoohan, sa katotoo-han, ako nagsasabi saindo, An Aki sana dai makakaguibo nin anoman, kundi idtong nahihiling niang guiniguibo kan Ama: huli ta an gabos na guiniguibo nia, ini man sana an guiniguibo kan Aki.

Joh 5:20 Huli ta an Ama namomoot sa Aki, asin ipinapahayag saiya an gabos na guiniguibo nia; asin ipapahayag saiya an magña guibong orog pa kadarakula kai-ni, tagñaning kamo maggñaralas.

Joh 5:21 Huli ta siring sa Ama na minaba-gñon kan magña gadan asin minatao sainda nin buhay, siring man an Aki minatao nin buhay sa magña boot niang tawan.

Joh 5:22 Huli ta an Ama dai naghohokom sa kiisay man, kundi itinao nia sa Aki an gabos na paghokom;

Joh 5:23 Tagñaning an gabos maggalang sa Aki siring kan paggalang ninda sa Ama. An dai minagalang sa Aki, dai minaga-lang sa Ama na nagsogo saiya.

Joh 5:24 Sa katotoohan, sa katotoohan, ako nagsasabi saindo, An minadagñog kan sakong tataramon, asin minatubod kaid-tong nagsogo sako, igua nin buhay na dai nin katapusan, asin dai na sisilotan, kundi sia nakahale na sa kagadanan pasi-ring sa buhay.

Joh 5:25 Sa katotoohan, sa katotoohan, ako nagsasabi saindo, An oras madatong, asin gñunian iyo na, an magña gadan makakadagñog kan tigñog kan Aki nin Dios; asin an magña makadagñog mag-kakaburuhay.

Joh 5:26 Huli ta siring sa Ama na igua nin buhay sa saiya man sana, siring man tinawan nia an Aki na magkaigua nin buhay sa saiya man sana;

Joh 5:27 Asin tinawan nia sia nin kapang-yarihan sa paghokom, huli ta sia aki nin tauo.

Joh 5:28 Dai kamo maggñalas kaini: huli ta an oras madatong na an gabos na nasa lolobgñan makakadagñog kan saiyang tigñog,

Joh 5:29 Asin magruruluas; an magña nag-guiribo nin marahay, magbuburuhat liwat sa buhay, asin an magña nagguiri-bo nin maraot, sa silot.

Joh 5:30 Sa sako man sana dai ako maka-kaguibo nin anoman: siring sa sakong pakadagñog, naghohokom ako: asin an sakong paghokom matanos; huli ta dai ako naghihigñoa na magguibo kan sa-kong sadiring boot, kundi an boot kan nagsogo sako.

Joh 5:31 Kun ako nagpapatotoo dapit sa sako man sana, an sakong patotoo bakong totoo.

Joh 5:32 Iba an nagpapatotoo dapit sa sako; asin naaaraman ko na an patotoo nia dapit sa sako totoo.

Joh 5:33 Kamo nagpasogo ki Juan, asin sia nagpatotoo dapit kan katotoohan.

Joh 5:34 Alagad an patotoo na inaako ko bakong hale sa tauo: minsan siring ako nagsasabi kaining magña bagay tagna-ning kamo maligtas.

Joh 5:35 Sia an ilao na naglalaad asin nagli-liwanag; asin kamo ominoyon na mago-rogma nin kadikit na panahon sa saiyang liwanag.

Joh 5:36 Alagad an patotoo ko orog pa kan ki Juan; huli ta an magña guibong itinao sako kan Ama na hamanon, an magña guibo man sana na guiniguibo ko, iyo an nagpapatotoo dapit sa sako na ako sinogo kan Ama.

Joh 5:37 Asin an Ama na nagsogo sako, sia an nagpatotoo dapit sa sako. Kasuarin man dai pa nindo nadagñog an saiyang tigñog, ni nahiling an saiyang lalauogon.

Joh 5:38 Asin an saiyang tataramon dai nag-dadanay saindo; huli ta dai kamo nag-tuturubod sa sinogo nia.

Joh 5:39 Kamo nagsisiasat kan magña kasu-ratan, huli ta kamo naghohonahona na dian igua kamo nin buhay na dai nin katapusan; asin an magña ini iyo an nag-papatotoo dapit sa sako;

Joh 5:40 Asin kamo habo na magdolok sa sako, tagñaning kamo magkaigua nin buhay.

Joh 5:41 Ako dai nagaako nin kaomawan na hale sa magña tauo.

Joh 5:42 Alagad aram ko kamo, na dai kamo kan pagkamoot nin Dios dian sa saindo.

Joh 5:43 Ako napadigdi sa gnaran kan sakong Ama, asin dai ako nindo inaako: kun iba an pumadigdi sa saiyang sadiring gñaran, sia an aakoon nindo.

Joh 5:44 Paanong makapagtubod kamo, na kamo nagaako kan kaomawan nin magkasi nindo tauo, asin dai kamo nagha-hanap kan kamurawayan na hale sa kaiyoiyoheng Dios?

Joh 5:45 Dai kamo maghonahona na isu-sumbong ko kamo sa Ama: igua nin saro na nagsosombong saindo, si Moises na saindong pinaglalaoman.

Joh 5:46 Tara kun kamo nagturubod ki Moi-ses, nagtuturubod kutana kamo sa sako; huli ta sia nagsurat dapit sa sako.

Joh 5:47 Alagad kun kamo dai nagtuturu-bod kan saiyang magña surat, paano an pagturubod nindo kan sakong magña tataramon?



Joh 6:1 Pakatapus kan magña bagay na ini si Jesus napaduman sa ibong kan dagat nin Galilea, na iyo an dagat nin Tiberias.

Joh 6:2 Asin an sarong dakulang kadaklan nagsonod saiya, huli ta nahiling ninda an magña tanda na guinibo sa magña naghehelang.

Joh 6:3 Asin si Jesus nagtukad sa bukid, asin dian nagtukao sa kaibahan kan sai-yang magña discipulo.

Joh 6:4 Gñunian, harani na an Pascua, an fiesta nin magña Judio.

Joh 6:5 Si Jesus gñani kan itingkalag nia an saiyang magña mata, asin kan mahiling na an sarong dakulang kadaklan nagdo-dolok sa saiya, nagsabi ki Felipe, Saen kita mabakal nin tinapay tagñaning mag-karakan ini?

Joh 6:6 Asin ini isinabi nia sa pagbatid saiya ta sia nakakaaram na kan guiguibohon nia.

Joh 6:7 Si Felipe nagsimbag saiya, Duang gatos na denariong halaga nin tinapay dai magkakanigo sainda, tagñaning an lambang saro makakakan nin kadikit.

Joh 6:8 Saro kan saiyang magña discipulo, si Andres, tugang ni Simon Pedro, nag-sabi saiya,

Joh 6:9 Igua digdi nin aking lalaki na may limang tinapay na cebada asin duang sadit na sira: alagad gurano pa ini sa siring kadakol?

Joh 6:10 Si Jesus nagsabi, Patukawa nindo an magña tauo. Madoot sa lugar na idto. Kaya an magña lalaki nagturukao, an bilang may limang ribo.

Joh 6:11 Dagñan kinua ni Jesus an magña tinapay; asin pakapagpasalamat, binara-gña nia idto sa magña nakatukao; siring man an magña sira, siring sa makakaya-nan ninda.

Joh 6:12 Asin kan sinda barasog na, sia nag-sabi sa saiyang magña discipulo, Tiripo-na nindo an magña kabtang na nagka-tarada, tagñaning daing mawara.

Joh 6:13 Kaya tiniripon ninda idto, asin nakapano nin kagduang kararao kan magña kabtang kan limang tinapay na cebada na natada kan nagkarakan.

Joh 6:14 Kaya an magña tauo, kan mahiling an tanda na guinibo nia, nagsarabi, Sa katotoohan iyo ini an profeta na mapa-digdi sa kinaban.

Joh 6:15 Si Jesus gñani pagkahiling na sinda madorolok na tagñaning kuaon sia sa pirit, asin guibohon siang hade, nagsib-lag liwat pa bukid, sia sana.

Joh 6:16 Asin kan bangui na, an saiyang magña discipulo nagrulugsot sa dagat;

Joh 6:17 Asin sinda nagralaog sa sarong sakayan, asin nagtaralabok sa dagat pasiring sa Capernaum. Asin madiklom na, asin si Jesus dai pa nadatong sa sain-da.

Joh 6:18 Asin an dagat nagaapwak dahel sa makosog na doros.

Joh 6:19 Kan makagaod na gñani sinda nin may lima ó anom na kilometro, nahiling ninda si Jesus na naglalakao sa ibabao kan dagat, asin naghaharani sa sakayan: asin sinda nagkatarakot.

Joh 6:20 Alagad sia nagsabi sainda, Iyo ako; dai kamo matakot.

Joh 6:21 Dagñan pinalaog ninda sia sa saka-yan: asin tolos man an sakayan nag-doong sa daga na saindang pinaduduma-nan.

Joh 6:22 Kan pagkaaga nahiling kan kadak-lan na duduman sa ibong kan dagat, na dai duman nin ibang sakayan, kundi saro, asin na si Jesus dai naglaog sa sakayan sa kaibahan kan saiyang magña dis-cipulo, kundi na an saiyang magña disci-pulo nagharale na sinda sana

Joh 6:23 (Alagad may nagdoroong na magña sakayan na hale sa Tiberias, harani sa pinagkarakanan nin tinapay pakapagpa-salamat kan Kagurangnan):

Joh 6:24 Kan mahiling gñani kan kadaklan na dai duman si Jesus, ni an saiyang magña discipulo, sinda nagralaog sa magña sakayan asin nagduruman sa Capernaum, sa paghanap ki Jesus.

Joh 6:25 Asin kan makua sia ninda sa ibong kan dagat, sinda nagsarabi saiya, Rabbi, kasuarin ka pa napadigdi?

Joh 6:26 Si Jesus nagsimbag sainda asin nag-sabi, Sa katotoohan, sa katotoohan, ako nagsasabi saindo, Kamo naghaharanap sako, bakong huli ta nakahiling kamo nin magña tanda, kundi huli ta kamo nagkarakan kan magña tinapay, asin nagkabarasog.

Joh 6:27 Dai kamo magparagal manogñod sa kakanon na matutunawon, kundi mano-gñod sa kakanon na nagdadanay sagkod sa buhay na dai nin katapusan, na itatao saindo kan Aki nin tauo: huli ta sia tinandaan kan Ama, na iyo an Dios.

Joh 6:28 Sinda gñani nagsarabi saiya, Ano an kaipuhan na guibohon mi, tagñaning magguibo kami kan magña guibo nin Dios?

Joh 6:29 Si Jesus nagsimbag asin nagsabi sainda, Ini iyo an guibo nin Dios, na magturubod kamo sa saiya na sinogo nia.

Joh 6:30 Kaya sinda nagsarabi saiya, Anong tanda gñani an guiguibohon mo, tagña-ning mahiling mi, asin magturubod kami sa saimo? ano an guiguibohon mo?

Joh 6:31 An satong magña kaganak nagkara-kan kan mana sa patag; siring sa nasu-surat, Tinawan nia sinda nin tinapay na kakanon na hale sa lagñit.

Joh 6:32 Si Jesus gñani nagsabi sainda, Sa katotoohan, sa katotoohan, ako nagsasa-bi saindo, Bako si Moises an nagtao sain-do kan tinapay na hale sa lagñit; kundi an sakong Ama na nagtatao saindo kan totoong tinapay na hale sa lagñit.

Joh 6:33 Huli ta an tinapay nin Dios iyo an naghihilig hale sa lagñit, asin nagtatao nin buhay sa kinaban.

Joh 6:34 Sinda gñani nagsarabi saiya, Kagu-rangnan, tawe kaming dayaday kan tina-pay na ini.

Joh 6:35 Si Jesus nagsabi sainda, Ako an tinapay nin buhay: an minadolok sa sako dai magogotom, asin an minatubod sa sako dai na nangad mapapaha.

Joh 6:36 Alagad ako nagsabi saindo, na kamo minsan nagpakahiling sako dai nagtuturubod.

Joh 6:37 An gabos na itinao sako kan Ama, madolok sa sako; asin an minadolok sa sako, sa anoman na paagui, dai ko sia isisikual.

Joh 6:38 Huli ta ako naghilig hale sa lagñit, bako sa pagguibo kan sadiri kong boot, kundi kan boot kaidtong nagsogo sako.

Joh 6:39 Asin ini iyo an boot kan nagsogo sako, na sa gabos na itinao nia sako dai ako nin mawara, kundi na buhayon iyan liwat sa huring aldao.

Joh 6:40 Huli ta ini iyo an boot kan sakong Ama, na an siisay man na minahiling sa Aki asin minatubod sa saiya, magkaigua nin buhay na dai nin katapusan; asin bubuhayon ko sia liwat sa huring aldao.

Joh 6:41 An magña Judio gñani naggoro-modgomod tumang saiya, huli ta sia nagsabi, Ako an tinapay na naghilig hale sa lagñit.

Joh 6:42 Asin sinda nagsarabi, Bakong iyo ini si Jesus, na aki ni Jose, na an saiyang ama asin ina midbid ta? paano an pag-sabi nia gñunian, Ako naghilig hale sa lagñit?

Joh 6:43 Si Jesus nagsimbag asin nagsabi sainda, Dai kamo maggoromodgomod sa saindo man sana.

Joh 6:44 Dai nin makakadolok sa sako,kun dai sia dagkahon kan Ama na nagsogo sako: asin bubuhayon ko sia liwat sa huring aldao.

Joh 6:45 Nasusurat sa magña profeta, Asin sinda gabos totokdoan nin Dios. An siisay man na nakadagñog sa Ama, asin nakanood, minadolok sa sako.

Joh 6:46 Bako an boot kong sabihon na may tauong nakahiling na sa Ama, kun-di idtong hale sa Dios, sia an nakahiling sa Ama.

Joh 6:47 Sa katotoohan, sa katotoohan, ako nagsasabi saindo, An minatubod igua nin buhay na dai nin katapusan.

Joh 6:48 Ako iyo an tinapay nin buhay.

Joh 6:49 An saindong magña kaganak nag-karakan kan mana sa patag, asin nagka-garadan.

Joh 6:50 Ini iyo an tinapay na naghihilig hale sa lagñit, tagñaning an tauo maka-kakan kaini, asin dai magadan.

Joh 6:51 Ako iyo an buhay na tinapay na naghilig hale sa lagñit: kun an siisay man kumakan kaining tinapay, sia mabubu-hay sagkod lamang: iyo, asin an tinapay na itatao ko iyo an sakong laman mano-gñod sa buhay nin kinaban.

Joh 6:52 An magña Judio gñani nagpasuru-hay, na nagsarabi, Paanong an tauong ini makatao sato kan saiyang laman na kakanon?

Joh 6:53 Si Jesus gñani nagsabi sainda, Sa katotoohan, sa katotoohan, ako nagsa-sabi saindo, Kun dai kamo magkarakan kan laman kan Aki nin tauo, asin magiri-nom kan saiyang dugo, dai kamo nin buhay sa saindo.

Joh 6:54 An minakakan kan sakong laman, asin minainom kan sakong dugo, igua nin buhay na dai nin katapusan; asin bubuhayon ko sia liwat sa huring aldao.

Joh 6:55 Huli ta an sakong laman iyo an totoong kakanon, asin an sakong dugo iyo an totoong inomon.

Joh 6:56 An minakakan kan sakong laman, asin minainom kan sakong dugo nagda-danay sako asin ako saiya.

Joh 6:57 Siring kan pagkasogo sako kan buhay na Ama, asin ako nabubuhay huli kan Ama; siring man an minakakan sako mabubuhay huli sako.

Joh 6:58 Ini iyo an tinapay na naghilig hale sa lagñit: bakong arog kan magña kaga-nak na nagkarakan asin nagkagaradan; an minakakan kaining tinapay mabubu-hay sagkod lamang.

Joh 6:59 An magña bagay na ini isinabi nia sa sinagoga, sa saiyang pagtokdo sa Capernaum.

Joh 6:60 Kaya balakid kan saiyang magña discipulo, kan madagñog ini, nagsarabi, Mapawot na tataramon ini; siisay an makakadagñog kaiyan?

Joh 6:61 Alagad si Jesus, na nakakaisi sa saiya man sana na an saiyang magiia dis-cipulo naggoromodgomod dapit kaini, nagsabi sainda, Nakakapasingkog ini saindo?

Joh 6:62 Ano gñani kun mahiling nindo an Aki nin tauo na sumakat sa namumug-takan niang enot?

Joh 6:63 An espiritu iyo an nagtatao nin buhay; an laman dai pinakikinabagñan: an magña tataramon na isinabi ko sain-do espiritu asin buhay.

Joh 6:64 Alagad igua nin nagkapira sa sain-do na dai minatubod. Huli ta magpoon sa kapinonan, si Jesus nakakaaram kun saisay an magña dai minatubod, asin kun siisay an mapasaloib saiya.

Joh 6:65 Asin sia nagsabi, Huli kaini ako nagsasabi saindo, na dai nin siisay man na makakadolok sa sako kun dai itao saiya kan Ama.

Joh 6:66 Dagñan balakid kan saiyang magña discipulo nagbaraya saiya, asin dai na nagiriba saiya.

Joh 6:67 Kaya si Jesus nagsabi sa kagdua, Mabaraya man kamo?

Joh 6:68 Si Simon Pedro nagsimbag saiya, Kagurangnan, sa kiisay kami padudu-man? ika an igua kan magña tataramon nin buhay na dai nin katapusan.

Joh 6:69 Asin kami nagturubod asin naka-kaaram na ika iyo an Banal nin Dios.

Joh 6:70 Si Jesus nagsimbag sainda, Bakong ako an nagpili saindo na kagdua, asin an saro sa saindo diablo?

Joh 6:71 Sia nagtaram dapit ki Judas na aki ni Simon Iscariote, huli ta sia saro sa kagdua, na iyo an mapasaloib saiya.



Joh 7:1 Asin pakatapus kaining magñaba-gay si Jesus naglakao sa Galilea: huli ta habo siang maglakao sa Judea, ta an magña Judio naghihirigñoa na gada-non sia.

Joh 7:2 Asin harani na an fiesta nin magña Judio, na inaapod fiesta nin magña Payag.

Joh 7:3 An saiyang magña tugang gñani nag-sarabi saiya, Maghale ka digdi, asin paduman ka sa Judea, tagñaning an sai-mong magña discipulo makahiling man kan magña guiniguibo mo.

Joh 7:4 Huli ta dai nin siisay man na mina-guibo nin magña bagay sa hilom, kun sia naghihigñoa na mahayag sa kadaklan. Kun ika nagguiguibo kaining magña bagay, magpahayag ka sa kinaban.

Joh 7:5 Huli ta minsan an saiyang magña tugang dai nagturubod sa saiya.

Joh 7:6 Si Jesus gñani nagsabi sainda, An sakong panahon dai pa nadatong; alagad an saindong panahon dating nahahanda.

Joh 7:7 Dai kamo maoogñisan kan kinaban; alagad ako naoogñisan kaiyan, huli ta ako nagpapatotoo dapit saiya, na an sai-yang magña guibo maraot.

Joh 7:8 Magduruman kamo sa fiesta: ako dai maduman sa fiestang ini; huli ta an panahon ko dai pa naootob.

Joh 7:9 Asin pakasabi nia sainda kaining magña bagay, sia nagontok pa sa Galilea.

Joh 7:10 Alagad kan an saiyang magña tugang nakahale na pasiring sa fiesta, dagñan sia man nagduman, bakong sa hayag, kundi siring baga sa hilom.

Joh 7:11 An magñaJudio gnani nagharanap saiya sa fiesta, asin nagsarabi, Haen sia?

Joh 7:12 Asin nagkaigua nin kanigoan na gorogoro an kadaklan dapit saiya: iguang nagsarabi, Sia marahay na tauo; an iba nagsarabi man, Bako, kundi sia naglalagalag sa kadaklan.

Joh 7:13 Alagad dai nin siisay man na nag-taram sa hayag dapit saiya, huli sa takot sa magña Judio.

Joh 7:14 Alagad kan kabagñaan na an fiesta, si Jesus naglaog sa templo, asin nagtok-do.

Joh 7:15 An magfia Judio gñani naggñaralas, na an sabi, Paano ta tatao ini nin magña surat, na dai lamang nagadal?

Joh 7:16 Si Jesus gñani nagsimbag sainda, asin nagsabi, An sakong katokdoan bako ko, kundi kaidtong nagsogo sako.

Joh 7:17 Kun an siisay man boot gumibo kan saiyang boot, makakaaram sia kan katokdoan, kun baga iyan sa Dios, ó kun ako nagtataram nin hale sa sako man sana.

Joh 7:18 An nagtataram nin hale sa saiya man sana naghahanap kan saiyang sadi-ring kaomawan: alagad an naghahanap kan kamurawayan kaidtong nagsogo saiya, ini totoo, asin dai nin kabikoan sa saiya.

Joh 7:19 Bakong itinao saindo ni Moises an katogonan, alagad dai nin siisay man sa saindo na nagsosonod kan katogonan? Tadao ta naghihirigñoa kamong gadanon ako?

Joh 7:20 An kadaklan nagsimbag, Ika iguang demonio: siisay an naghihigñoang guma-dan saimo?

Joh 7:21 Si Jesus nagsimbag asin nagsabi sainda, Ako nagguibo nin sarong bagay, asin kamo gabos naggñagñaralas.

Joh 7:22 Si Moises nagtao saindo kan pag-turi (bako na idto guikan ki Moises kundi sa magña kaganak); asin sa sab-bath kamo nagtuturi nin lalaki.

Joh 7:23 Kun an lalaki naako nin pagturi sa sabbath, tagñaning an togon ni Moises dai malapas; naaangot kamo sako huli ta sa sabbath ako nagpaomay nangad nin sarong lalaki?

Joh 7:24 Dai kamo maghokom siring sa nahihiling, kundi maghokom kamo nin matanos na paghokom.

Joh 7:25 An nagkapira gñani sa magña taga Jerusalem nagsarabi, Bakong iyo ini an saindang pinaghahanap tagñaning gada-non?

Joh 7:26 Asin uya, sia nagtataram sa hayag, asin dai sia sinasabihan ninda nin ano-man. Naaaraman dao kan magña poon na ini iyo an Cristo?

Joh 7:27 Alagad midbid ta ini kun taga saen: alagad kun an Cristo dumatong na, dai nin makakaisi kun taga saen sia.

Joh 7:28 Si Jesus gñani nagkurahao sa tem-plo, nagtotokdo asin nagsasabi, Kamo tatao sako, asin kun taga saen ako; asin ako dai napadigdi sa sako man sana, kundi an nagsogo sako totoo, na kamo dai tatao saiya.

Joh 7:29 Ako tatao saiya; huli ta ako hale saiya, asin sia an nagsogo sako.

Joh 7:30 Sinda gñani naghirigñoa na dako-pon sia: asin dai nin siisay man na pomi-nogol saiya, huli ta an saiyang oras dai pa nadatong.

Joh 7:31 Asin balakid sa kadaklan an nag-turubod sa saiya; asin sinda nagsarabi, Kun an Cristo dumatong na, magguigui-bo dao sia nin orog pang magña tanda ki sa magña guinibo kan tauong ini?

Joh 7:32 Nadagñog kan magña Fariseo an gorogoro kan kadaklan dapit saiya; asin an magña poon nin magña sacerdote asin an magña Fariseo nagsorogo nin magña oficial na magdakop saiya,

Joh 7:33 Si Jesus gñani nagsabi, Kadikit pang panahon magoontok ako sa kaiba-han nindo, dagnan maduman ako sa nag-sogo sako.

Joh 7:34 Kamo maghaharanap sako, asin dai ako nindo makukua: asin kun saen ako dai kamo makakaduman.

Joh 7:35 An magña Judio gñani nagpaoro-layolay, Saen maduman ini, na dai ta sia makua? maduman dao sia sa Pagkawa-rak sa magña Griego, asin matokdo sa magña Griego?

Joh 7:36 Ano ining tataramon na saiyang isinabi, Kamo maghaharanap sako, asin dai ako nindo makukua; asin kun saen ako, dai kamo makakaduman?

Joh 7:37 Asin kan huring aldao, na daku-lang aldao kan fiesta, si Jesus nagtindog, asin nagkurahao, na an sabi, Kun an siisay man napapaha, pumadigdi sia sa sako, asin ominom.

Joh 7:38 An minatubod sa sako, siring sa sinabi kan kasuratan, hale sa saiya mag-bobolos an magña salog nin tubig na buhay.

Joh 7:39 Alagad sia nagsabi kaini manognod kan Espiritu na aakoon kan magña minatubod sa saiya: huli ta an Espiritu dai pa itinao; huli ta si Jesus dai pa napamuraway.

Joh 7:40 An nagkapira gñani sa kadaklan, kan makadagñog kaining magña tata-ramon, nagsarabi, Sa katotoohan ini iyo an profeta.

Joh 7:41 An iba nagsarabi, Ini iyo an Cristo. Alagad an iba man nagsarabi, Ano, maluas dao an Cristo sa Galilea?

Joh 7:42 Bakong nagsabi an kasuratan na an Cristo maluas sa banhi ni David, asin sa Betlehem, an barrio ni David?

Joh 7:43 Kaya nagkapasuruhay an kadaklan dapit saiya.

Joh 7:44 Asin dinakop kutana sia kan nag-kapira sa sainda; alagad dai nin siisay man na pominogol saiya.

Joh 7:45 An magña oficial gñani nagdolok sa magña poon nin magña sacerdote asin sa magña Fariseo; asin sinda nagsarabi sainda, Tadao ta dai nindo sia dinara?

Joh 7:46 An magña oficial nagsimbag, Dai pa nin tauo na nagtaram nin siring.

Joh 7:47 An magña Fariseo nagsirimbag sainda, Kamo man nalalagalag?

Joh 7:48 Igua dao sa magña poon, ó sa magña Fariseo nin nagtubod sa saiya?

Joh 7:49 Alagad ining kadaklan na dai tatao kan katogonan iyo an sinumpaan.

Joh 7:50 Si Nicodemo nagsabi sainda (id-tong napaduman saiya kaidto, na sia saro sa sainda),

Joh 7:51 Naghohokom dao sa tauo an sa-tong katogonan na dai gñona dagñogon sia, asin isihon kun ano an guinibo nia?

Joh 7:52 Sinda nagsirimbag asin nagsarabi saiya, Ika man taga Galilea? Siasata, asin hiligña na sa Galilea daing minaluas na profeta.

Joh 7:53 Asin sinda nagduruman lambang saro sa saiyang harong.



Joh 8:1 Si Jesus nagduman sa bukid nin magña Oliva.

Joh 8:2 Asin maatab pa sia nagbalik sa tem-plo, asin an gabos na tauo nagdorolok sa saiya; asin sia nagtukao asin nagtokdo sainda.

Joh 8:3 Asin an magña escriba asin an magña Fariseo nagdarara sa saiya nin sarong babae na nadakop sa pagpasam-bay;

Joh 8:4 Asin pakabugtakan saiya sa tahao, sinda nagsarabi saiya, Paratokdo, an babaeng ini nadakop sa pagpasambay, sa guibo nangad.

Joh 8:5 Sa katogonan si Moises nagboot sato na gapoon an magña siring: ano gñani an sasabihon mo dapit saiya?

Joh 8:6 Asin ini isinabi ninda, sa pagtokso saiya, tagñaning magkaigua sinda nin ikasombong tumang saiya. Alagad si Jesus kominadat asin sominurat kan saiyang moro sa daga.

Joh 8:7 Alagad kan dinadagos ninda an pag-hapot saiya, sia tominindog asin somina-bi sainda, An dai nin kasalan sa saindo, omenot na siang gumapo saiya.

Joh 8:8 Asin sia kominadat liwat asin somi-nurat kan saiyang moro sa daga.

Joh 8:9 Asin sinda, pakadagñog kaini, nag-ruluas saro saro, magpoon sa kagurang-guragñi sagkod sa kahuruhudiani. Asin si Jesus iyo sanang nawalat, asin an baba-eng nakatindog sa tahao.

Joh 8:10 Si Jesus tominindog, asin sominabi saiya, Babae, haen na sinda? dai nin siisay man na nagsilot saimo?

Joh 8:11 Asin sia nagsabi, Dai nin siisay man, Kagurangnan. Asin si Jesus nagsa-bi, Ni ako man dai minasilot saimo: lakao na; magpoon gñunian dai ka na magkasala.

Joh 8:12 Si Jesus gñani nagtaran sainda liwat, na an sabi, Ako iyo an ilao nin kinaban: an minasonod sako dai mag-lalakao sa kadikloman, kundi magkaka-igua kan ilao nin buhay.

Joh 8:13 An magña Fariseo gñani nagsarabi saiya, Ika nagpapatotoo dapit sa saimo man sana; an patotoo mo bakong totoo.

Joh 8:14 Si Jesus nagsimbag asin nagsabi sainda, Minsan ako nagpapatotoo dapit sa sako man sana, an sakong patotoo totoo; huli ta ako nakakaaram kun saen ako hale, asin kun saen ako maduman; alagad kamo dai nakakaaram kun saen ako hale, asin kun saen ako maduman.

Joh 8:15 Kamo naghohorokom sono sa laman; ako dai naghohokom sa kiisay man.

Joh 8:16 Iyo, asin kun ako naghohokom, an sakong paghokom matanos; huli ta ako bakong saro sana, kundi ako asin an Ama na nagsogo sako.

Joh 8:17 Iyo, asin sa saindong katogonan nasusurat, na an patotoo nin duang tauo totoo.

Joh 8:18 Ako iyo an nagpapatotoo dapit sa sako man sana, asin an Ama na nagsogo sako nagpapatotoo dapit sako.

Joh 8:19 Sinda gñani nagsarabi saiya, Haen an saimong Ama? Si Jesus nagsimbag, Kamo dai tatao sako, ni sa sakong Ama: kun kamo tatao sako, tatao man kutana kamo sa sakong Ama.

Joh 8:20 An magña tataramon na ini isinabi nia sa may caja, kan sia nagtotokdo sa templo: asin dai nin siisay man na domi-nakop saiya; huli ta an saiyang oras dai pa nadatong.

Joh 8:21 Sia gñani nagsabi sainda liwat, Ako mahale, asin kamo maghaharanap sako, asin magkakagaradan sa saindong kasa-lan: sa dudumanan ko, dai kamo maka-kaduman.

Joh 8:22 An magña Judio gñani nagsarabi, Maghohogot sia, ta sia nagsasabi, Sa dudumanan ko, dai kamo makakaduman?

Joh 8:23 Asin sia nagsabi sainda, Kamo magña taga ibaba; ako taga itaas: kamo magña taga digdi sa kinaban na ini; ako bakong taga digdi sa kinaban na ini.

Joh 8:24 Kaya ako nagsabi saindo, nakamo magkakagaradan sa saindong magña kasalan: huli ta kun dai kamo magturu-bod na ako iyo sia, magkakagaradan kamo sa saindong magña kasalan.

Joh 8:25 Sinda gñani nagsarabi saiya, Siisay ka? Si Jesus nagsabi sainda, Idtong isina-bi ko na saindo magpoon sa kapinonan.

Joh 8:26 Ako igua nin balakid na bagay na itataram asin ihohokom dapit saindo: alagad an nagsogo sako totoo; asin an magña bagay na nadagnog ko saiya, ini an magña pinagtataram ko sa kinaban.

Joh 8:27 Sinda dai nakasabot na sia nagta-taram sainda dapit sa Ama.

Joh 8:28 Si Jesus gñani nagsabi, Kun ika-itaas na nindo an Aki nin tauo, dagñan kamo makakaaram na ako iyo sia, asin na dai ako nagguiguibo nin anoman sa sako man sana, kundi ako nagtataram kaining magña bagay, siring sa pagka-tokdo sako kan Ama.

Joh 8:29 Asin an nagsogo sako nasa sako: dai ako nia pinabayaan; huli ta guinigui-bo ko guiraray an magña bagay na naka-kapaogma saiya.

Joh 8:30 Sa pagtaram nia kan magña bagay na ini, balakid an nagturubod sa saiya.

Joh 8:31 Si Jesus gñani nagsabi sa magña Judio na minatubod sa saiya, Kun mag-daranay kamo sa sakong magña tatara-mon, kamo magña tunay kong disci-pulo;

Joh 8:32 Asin maaaraman nindo an katotoo-han, asin bubutasan kamo kan katotoo-han.

Joh 8:33 Sinda nagsirimbag saiya, Kami banhi ni Abraham, asin dai pa nangad kami naoripon nin siisay man: tadao ta nagsasabi ka, Kamo bubutasan?

Joh 8:34 Si Jesus nagsimbag sainda, Sa kato-toohan, sa katotoohan, ako nagsasabi saindo, An siisay man na nagkakasala oripon nin kasalan.

Joh 8:35 Asin an oripon dai nagdadanay sa harong sagkod noarin man: an aki nagdadanay sagkod noarin man.

Joh 8:36 Kaya kun butasan kamo kan Aki, kamo an maguiguin tunay na butas.

Joh 8:37 Ako nakakaaram na kamo banhi ni Abraham; alagad kamo naghihirigñoa na gadanon ako, huli ta an sakong tata-ramon dai nagkakanigo sa saindo.

Joh 8:38 Ako nagtataram kaidtong nahiling ko sa sakong Ama: asin kamo man nag-guiguiribo kaidtong nadagñog nindo sa saindong ama.

Joh 8:39 Sinda nagsirimbag asin nagsarabi saiya, An samong ama iyo si Abraham. Si Jesus nagsabi sainda, Kun kamo magña aki ni Abraham nagguiguiribo kutana kamo kan magña guibo ni Abra-ham.

Joh 8:40 Alagad gñunian kamo naghihiri-gñoang gadanon ako, tauo na nagsabi saindo kan katotoohan, na nadagñog ko sa Dios: bako ini an guinibo ni Abra-ham.

Joh 8:41 Kamo nagguiguiribo kan magña guibo nin saindong ama. Sinda nagsarabi saiya, Kami dai ipinagnaki sa pagsaram-bayan; kami igua nin sarong ama, an Dios.

Joh 8:42 Si Jesus nagsabi sainda, Kun an Dios iyo an saindong ama, namomoot kutana kamo sako: huli ta ako napa-digdi hale sa Dios: huli ta ako dai napa-digdi sa sako man sana, kundi sia an nagsogo sako.

Joh 8:43 Tadao ta kamo dai nakakasabot kan sakong pagtaram? An dahelan ta kamo dai naghihinaniog kan sakong tataramon.

Joh 8:44 Kamo guikan sa saindong ama na diablo, asin an magña horot kan sain-dong ama iyo an boot nindong guibo-hon. Sia paragadan magpoon sa kapi-nonan, asin dai nagtitindog sa katotoo-han, huli ta dai nin katotoohan sa saiya. Kun sia nagtataram nin putik, sia nag-tataram kan sadiri nia: huli ta sia puti-kon, asin an ama kaiyan.

Joh 8:45 Alagad huli ta ako nagsasabi kan katotoohan, kamo dai nagtuturubod sako.

Joh 8:46 Siisay sa saindo an makakasudia sako na ako nagkasaia? Kun ako nag-sasabi nin katotoohan, tadao ta dai kamo nagtuturubod sako.

Joh 8:47 An sa Dios nagdadagñog kan magña tataramon nin Dios: kaya dai nindo dinadagñog iyan huli ta kamo bakong sa Dios.

Joh 8:48 An magña Judio nagsirimbag asin nagsarabi saiya, Bakong marahay an pag-kasabi mi, na ika Samaritano, asin igua ka nin demonio?

Joh 8:49 Si Jesus nagsimbag, Ako dai nin demonio; kundi ako naggagalang sa sakong Ama, asin ako sinosopog nindo.

Joh 8:50 Alagad ako dai naghahanap kan sakong sadiring kaomawan: may saro na naghahanap kaiyan, asin naghohokom.

Joh 8:51 Sa katotoohan, sa katotoohan, ako nagsasabi saindo, Kun an tauo magotob kan sakong tataramon, dai nia nangad mahihiling an kagadanan.

Joh 8:52 An magña Judio nagsarabi saiya, Gñunian kami nakakaaram na ika igua nin demonio. Si Abraham nagadan, asin an magña profeta; asin ika nagsasabi, Kun an tauo magotob kan sakong tata-ramon, dai nia nangad mananamitan an kagadanan.

Joh 8:53 Dakula ka pa dao sa samong amang si Abraham, na nagadan? asin an magña profeta nagkagaradan: siisay ka sa pag-honahona mo?

Joh 8:54 Si Jesus nagsimbag, Kun ako nag-papamuraway sa sako man sana, an sakong kamurawayan dai nin halaga: an sakong Ama iyo an magpapamuraway sako; an sinasabi nindo na sia iyo an saindong Dios;

Joh 8:55 Asin kamo dai tatao saiya: alagad ako tatao saiya; asin kun ako magsabi, dai ako tatao saiya, manini ako putikon na siring saindo: alagad ako tatao saiya, asin nagootob kan saiyang tataramon.

Joh 8:56 An saindong amang si Abraham nagogma sa paghiling kan sakong aldao; asin nahiling nia iyan, asin naogma.

Joh 8:57 An magña Judio gñani nagsarabi saiya, Dai ka pa nin limang polong taon, asin nahiling mo na si Abraham?

Joh 8:58 Si Jesus nagsabi sainda, Sa kato-toohan, sa katotoohan, ako nagsasabi saindo. Dai pa namundag si Abraham, iyo na ako.

Joh 8:59 Kaya sinda nagpororot nin magña gapo tagñaning gapoon sia ninda: alagad si Jesus nagtago, asin nagluas sa tempio.



Joh 9:1 Asin sa pagagui nia, nahiling nia an sarong lalaking buta magpoon sa pagkamundag.

Joh 9:2 Asin an saiyang magña discipulo nagharapot saiya, na an sabi, Rabbi, siisay an nagkasala, ini ó an saiyang magña magurang, ta sia namundag buta?

Joh 9:3 Si Jesus nagsimbag, Ini day nagka-sala, ni an saiyang magña magurang: kundi tagñaning an magña guibo nin Dios mapahayag sa saiya.

Joh 9:4 Kaipuhan na guibohon ta an magña guibo kaidtong nagsogo sako, na aldao pa: an bangui madatong na dai nin siisay man na makakaguibo.

Joh 9:5 Mantang ako nasa kinaban, ako iyo an ilao nin kinaban.

Joh 9:6 Pakasabi nia nin siring, sia lominu-tab sa daga, asin gominibo nin laboy sa lutab, asin linahidan nia kan laboy an magña mata kan buta,

Joh 9:7 Asin sinabihan nia sia, Lakao, pa-gñuramos sa tanke nin Siloe (na an boot sabihon, Sinogo). Sia gñani nagduman, asin nagñuramos, asin nagbalik naka-kahiling na.

Joh 9:8 An magña kataed gñani, asin an magña nakahiling saiya kaidto, na sia makililimos, nagsarabi, Bakong iyo ini idtong nakatukao, asin nakikilimos?

Joh 9:9 An iba nagsarabi, Iyo ini: an iba man nagsarabi, Bako, kundi ini nakaka-omaguid saiya. Sia nagsabi, Iyo ako.

Joh 9:10 Kay a sinda nagsarabi saiya, Napa-ano gñani an pagkabuklat kan saimong magña mata?

Joh 9:11 Sia nagsimbag, An lalaki na ina-apod Jesus gominibo nin laboy, asin linahidan nia an sakong magña mata, asin sinabihan ako, Paduman ka sa Siloe, asin pagñuramos: kaya ako napaduman asin nagñuramos, asin nakamtan ko an pakahiling.

Joh 9:12 Asin sinda nagsarabi saiya, Haen sia? Sia nagsabi, Inda.

Joh 9:13 Dinara ninda sa magña Fariseo an tauo na kan enot buta.

Joh 9:14 Asin idto sabbath kan pagguibo ni Jesus nin laboy, asin pagpabuklat kan saiyang magña mata.

Joh 9:15 An magña Fariseo gñani nagharapot saiya liwat kun napaano an pagka-kamti nia kan pakahiling. Asin sia nag-sabi sainda, Binugtakan nia nin laboy an sakong magña mata, asin ako nagñu-ramos, asin ako nakakahiling.

Joh 9:16 An nagkapira gñani sa magña Fari-seo nagsarabi, An tauong ini bakong hale sa Dios, huli ta dai sia nagootob kan sabbath. Alagad an iba nagsarabi, Paano na an tauong parakasala maka-guibo nin siring na magiia tanda? Asin sinda nagkapasuruhay.

Joh 9:17 Sinda gñani nagsarabi liwat sa buta, Ano an sasabihon mo dapit saiya ta binuklat nia an saimong magña mata? Asin sia nagsabi, Sia profeta.

Joh 9:18 Kaya an magña Judio dai nagturu-bod saiya, na sia dating buta, asin nag-kamit nin pakahiling, sagkod na ipina-apod ninda an magña magurang kaid­tong nagkamit kan saiyang pakahiling,

Joh 9:19 Asin sinda pinaghapot, na an sabi, Iyo ini an saindong aking lalaki, na sain-dong sinasabi na namundag buta? napa­ano gñani ta sia nakakahiling na gñu-nian?

Joh 9:20 An saiyang magña magurang nag­simbag asin nagsabi, Kami nakakaaram na ini an aki ming lalaki, asin na sia namundag buta:

Joh 9:21 Alagad kun napaano ta sia nakaka­hiling na gñunian, dai kami nakakaaram; ó kun siisay an nagbuklat kan saiyang magña mata, dai kami nakakaaram; hapoton nindo sia; sia may edad na; sia an magsaysay dapit sa saiya man sana.

Joh 9:22 Ining magña bagay isinabi kan sai­yang magña magurang, ta sinda natakot sa magña Judio: huli ta an magña Judio nagkaoroyon na, na an siisay man na matuga na sia iyo an Cristo; papahaleon sa sinagoga.

Joh 9:23 Kaya an saiyang magña magurang nagsabi, Sia may edad na; hapoton nin­do sia.

Joh 9:24 Kaya inapod ninda liwat an tauong dating buta, asin sinabihan sia. Magtao ka nin kamurawayan sa Dios; kami nakakaaram na an tauong ini parakasala.

Joh 9:25 Sia gñani nagsimbag, Kun sia para­kasala dai ako nakakaaram: sarong bagay an naaaraman ko, na ako minsan dating buta, gñunian nakakahiling na.

Joh 9:26 Sinda gñani nagsarabi saiya, Ano an guinibo nia saimo? pinaano nia an pagbuklat kan saimong magña mata?

Joh 9:27 Sia nagsimbag sainda, Sinasabihan ko pa sana kamo, asin dai kamo naghi-rinaniog; tadao ta boot nindong mada-gñog liwat? boot man kamo na mani saiyang magña discipulo?

Joh 9:28 Asin sinda nagraraway saiya, asin nagsarabi, Ika an saiyang discipulo; alagad kami magña discipulo ni Moises.

Joh 9:29 Kami nakakaaram na an Dios nag-taram ki Moises: alagad dapit kan Ma­king ini, dai kami nakakaaram kun taga saen sia.

Joh 9:30 An lalaki nagsimbag asin nagsabi sainda, Iyan an makagñagñalas na dai nindo naaaraman kun taga saen sia, alagad sia nakabuklat kan sakong magña mata.

Joh 9:31 Kita nakakaaram na an Dios dai nagdadagnog sa magña parakasala: ala­gad kun an siisay man parasamba sa Dios, asin nagguiguibo kan saiyang boot, sia an dinadagñog nia.

Joh 9:32 Magpoon sa kapinonan nin kina-ban, dai pa nangad nadagñog na an siisay man nakabuklat kan magña mata nin tauo na namundag buta.

Joh 9:33 Kun an lalaking ini bakong hale sa Dios, dai sia kutana makakaguibo nin anoman.

Joh 9:34 Sinda nagsirimbag asin nagsarabi saiya, Ika namundag na lobos sa magña kasalan, asin nagtotokdo ka samo? Asin sia ilinuas ninda.

Joh 9:35 Nadagñog ni Jesus na sia ilinuas ninda; asin kan makua sia, sinabihan nia, Minatubod ka sa Aki nin Dios?

Joh 9:36 Sia nagsimbag asin nagsabi, Siisay sia, Kagurangnan, tagñaning ako tumu-bod sa saiya?

Joh 9:37 Si Jesus nagsabi saiya, Nahiling mo na sia, asin sia an nakikiolay saimo.

Joh 9:38 Asin sia nagsabi, Kagurangnan, minatubod ako. Asin sia nagsamba sai­ya.

Joh 9:39 Asin si Jesus nagsabi, Sa paghokom ako napadigdi sa kinaban na ini, tagña­ning an magña dai nakakahiling maka-hiling; asin an magña nakakahiling, maguin magña buta.

Joh 9:40 Idtong magña Fariseo na kairiba nia nagpakadagñog kaini, asin nagsara­bi saiya, Ano, magña buta man kami?

Joh 9:41 Si Jesus nagsabi sainda, Kun kamo magña buta dai kutana kamo nin kasa­lan: alagad gñunian kamo nagsasarabi, Kami nakakahiling: kaya an saindong kasalan nagdadanay.



Joh 10:1 Sa katotoohan, sa katotoohan, ako nagsasabi saindo, An dai minalaog sa tata kan toril nin magña carnero, kundi minasakat sa ibang aguihan, an siring mahabon asin tulisan.

Joh 10:2 Alagad an minalaog sa tata iyo an pastor kan magña carnero.

Joh 10:3 Sia binubukasan kan bantay sa tata; asin an magña carnero minadagñog kan saiyang tigñog: asin inaapod nia an sai­yang sadiring magña carnero kan gñaran, asin dinadara sinda sa luas.

Joh 10:4 Asin kun ikinaluas na nia an gabos niang sadiri, sia minaenot sainda, asin an magña carnero minasonod saiya; huli ta midbid ninda an saiyang tigñog.

Joh 10:5 Asin sa dai ninda midbid, sinda dai minasonod, kundi minadulag sa saiya: huli ta dai ninda midbid an tigñog nin iba.

Joh 10:6 An halimbawang ini sinabi ni Jesus sainda: alagad dai sinda nakasabot kun ano idtong magña bagay na sinabi nia sainda.

Joh 10:7 Si Jesus gñani nagsabi sainda liwat, Sa katotoohan, sa katotoohan, ako nag­sasabi saindo, Ako iyo an tata nin magña carnero.

Joh 10:8 An gabos na nagkaerenot sako magña mahabon asin magña tulisan: alagad an magña carnero dai naghina-niog sainda.

Joh 10:9 Ako iyo an tata; kun an siisay man lumaog huli sako, sia makakaligtas, asin makakalaog, asin makakaluas, patin makakakua nin sabsabon.

Joh 10:10 An mahabon dai minadigdi, kundi sa paghabon, asin sa paggadan, patin sa pagraot: ako napadigdi tagñaning sinda magkaigua nin buhay, asin na sinda magkaigua kaiyan nin dai makaya-nan.

Joh 10:11 Ako iyo an marahay na pastor: an marahay na pastor minatao kan saiyang buhay dahel sa magña carnero.

Joh 10:12 An parapatandan nabakong pastor, asin bakong kagsadiri kan magña carne­ro, kun nahihiling nia an lobo na nag-dadagñadang, minabaya sa magña carne­ro asin minadulag, patin sinda inaagao asin winawagas kan lobo:

Joh 10:13 Sia minadulag huli ta sia parapa­tandan, asin dai nin pagmakolog sa magña carnero.

Joh 10:14 Ako iyo an marahay na pastor; asin ako nakakamidbid kan sakong ma­gña sadiri, asin an sakong magña sadiri nakakamidbid sako.

Joh 10:15 Siring sa pakamidbid sako kan Ama, asin ako nakakamidbid sa Ama; asin ako minatao kan sakong buhay dahel sa magña carnero.

Joh 10:16 Asin igua pa ako nin ibang magña carnero na dai digdi sa toril na ini: sinda man kaipuhan na darahon ko, asin sinda magdadagñog kan sakong tigñog; asin sinda maguiguin sarong aripompon, na may sarong pastor.

Joh 10:17 Huli kaini an Ama namomoot sako, huli ta itinatao ko an sakong buhay, tagñaning kuaon ko liwat iyan.

Joh 10:18 Dai nin siisay man na makakakua sako kaiyan, kundi ako man sana an minatao kaiyan. Igua akong kapangyari-han sa pagtao kan buhay ko, asin igua akong kapangyarihan sa pagkua kaiyan liwat. An pagboot na ini inako ko sa sakong Ama.

Joh 10:19 Nagkapasuruhay liwat an magña Judio huli kaining magña tataramon.

Joh 10:20 Asin balakid sa sainda nagsarabi, Igua sia nin demonio, asin narorogñao; tadao ta naghihinaniog kamo saiya?

Joh 10:21 An iba nagsarabi, Bako ini an magña tataramon nin may demonio. Makakabuklat dao an demonio kan magña mata nin magña buta?

Joh 10:22 Asin idto an fiesta nin Pagdodolot sa Jerusalem:

Joh 10:23 Asin idto tiglipotan; asin si Jesus naglalakao sa templo, sa may pintoan ni Salomon.

Joh 10:24 An magña Judio gñani nagtiripon sa palibot nia, asin nagsarabi saiya, Sag-kod noarin mo kami pagpapahalaton? Kun ika iyo an Cristo, sabihi na kami nin sayod.

Joh 10:25 Si Jesus nagsimbag sainda, Ako nagsabi na saindo, asin dai kamo nagtu-turubod: an magña guibo na guiniguibo ko sa gñaran nin sakong Ama, ini an magña nagpapatotoo dapit sako.

Joh 10:26 Alagad dai kamo nagtuturubod, huli ta bako kamong magña carnero ko.

Joh 10:27 An sakong magña carnero mina-dagñog kan sakong tigñog, asin midbid ko sinda, asin sinda minasonod sako:

Joh 10:28 Asin ako nagtatao sainda nin bu­hay na dai nin katapusan; asin sinda dai nangad mapapahamak, asin dai nin siisay man na makakaagao sainda sa sakong kamot.

Joh 10:29 An sakong Ama na nagtao sainda sa sako, iyo an dakula sa gabos; asin dai nin siisay man na makakaagao sainda sa kamot nin sakong Ama.

Joh 10:30 Ako asin an Ama saro sana.

Joh 10:31 An magña Judio nagpororot liwat nin magña gapo tagñaning gapoon sia ninda.

Joh 10:32 Si Jesus nagsimbag sainda, Balakid an magña marahay na guibo na ipinaha-yag ko saindo hale sa Ama; huli sa arin kan magña guibong idto boot nindong gapoon ako?

Joh 10:33 An magña Judio nagsirimbag saiya, Huli sa marahay na guibo dai mi ika guinagapo, kundi huli sa paglanghad; asin huli ta ika, na tauo nagpapakang-Dios.

Joh 10:34 Si Jesus nagsimbag sainda, Bakong nasusurat sa saindong katogonan, Ako nagsabi, Kamo magña dios?

Joh 10:35 Kun inaapod nia sindang magña dios, idtong magña inabotan kan tata­ramon nin Dios (asin an kasuratan dai malalapas),

Joh 10:36 Nagsasarabi kamo dapit kaidtong pinakangbanal kan Ama, asin sinogo sa kinaban, Ika naglalanghad; huli ta ako nagsabi, Ako iyo an Aki nin Dios?

Joh 10:37 Kun ako dai nagguiguibo kan magña guibo nin sakong Ama, dai kamo magturubod sako.

Joh 10:38 Alagad kun ako nagguiguibo kai­yan, minsan dai kamo nagtuturubod sako, magturubod kamo sa magña gui­bo: tagñaning kamo makanood asin makasabot na an Ama nasa sako, asin ako nasa Ama.

Joh 10:39 Sinda naghirigñoa liwat na dako-pon sia: asin sia nakadulag sa saindang kamot.

Joh 10:40 Asin sia nagduman liwat sa ibong kan Jordan, sa pinagbubuniagan ni Juan kaidto; asin duman sia nagontok.

Joh 10:41 Asin balakid an nagdorolok sa sai-ya; asin sinda nagsarabi, Si Juan sa kato-toohan dai nagguibo nin tanda: alagad an gabos na bagay na isinabi ni Juan dapit kaini totoo.

Joh 10:42 Asin balakid duman an nagturubod sa saiya.



Joh 11:1 May sarong lalaking naghehelang, si Lazaro na taga Betania, barrio ni Maria asin ni Marta na saiyang tugang.

Joh 11:2 Asin ini iyo idtong Maria na nag-lahid nin unguento sa Kagurangnan, asin nagpahid sa saiyang magña bitis kan sai­yang bohok, na an saiyang tugang na si Lazaro naghehelang.

Joh 11:3 An magtugang gñani nagpasogo sa saiya, na an sabi, Kagurangnan, uya, idtong namomotan mo naghehelang.

Joh 11:4 Alagad kan madagñog ini ni Jesus, sia nagsabi, An helang na ini dai ikaka-gadan, kundi sa kamurawayan nin Dios, tagñaning an Aki nin Dios mapamura-way huli kaiyan.

Joh 11:5 Si Jesus namoot ki Marta, asin sa saiyang tugang na babae, patin ki Lazaro.

Joh 11:6 Kan madagñog gñani nia na si Laza­ro naghehelang, sia nagontok pa nin duang aldao duman sa naoontokan nia.

Joh 11:7 Dagñan pakatapus kaini sia nagsabi sa saiyang magña discipulo, Paduman kita liwat sa Judea.

Joh 11:8 An magña discipulo nagsarabi saiya, Gñunian pa sana an magña Judio nag­hirigñoa na gapoon ika; asin paduduman ka liwat?

Joh 11:9 Si Jesus nagsimbag, Dai nin kag-duang oras an aldao? Kun an tauo mag-lakao na aldao, dai sia masisingkog, huli ta nahihiling nia an liwanag kaining kinaban.

Joh 11:10 Alagad kun an tauo maglakao na bangui, sia masisingkog, huli ta an liwanag dai saiya.

Joh 11:11 Ining magña bagay isinabi nia; asin pakatapus kaini sia nagsabi sainda, An satong katood na si Lazaro natotorog; tara ako maduman tagñaning pukawon ko sia.

Joh 11:12 An magña discipulo gñani nagsara­bi saiya, Kagurangnan, kun sia natoto­rog, sia maoomayan.

Joh 11:13 Si Jesus nagtaram dapit kan sai­yang kagadanan: alagad sinda naghoro-nahona na sia nagtaram dapit kan pag-higñalo sa pagkatorog.

Joh 11:14 Dagñan si Jesus gñani nagsabi sain­da nin sayod, Si Lazaro gadan.

Joh 11:15 Asin ako naoogma dahel sa saindo, na ako dai duman, tagñaning magturu-bod kamo; minsan siring paduman kita sa saiya.

Joh 11:16 Si Tomas gñani na inaapod Didi-mo, nagsabi sa saiyang magña kapua dis­cipulo, Paduman man kita, tagñaning kita magadan sa kaibahan nia.

Joh 11:17 Kaya pagdatong ni Jesus, nakua nia na sia apat nang aldao sa lolobgñan.

Joh 11:18 An Betania may tolong kilometro hale sa Jerusalem;

Joh 11:19 Asin balakid sa magña Judio an nagduruman ki Marta asin ki Maria, sa pagragña sainda dapit kan saindang tugang na lalaki.

Joh 11:20 Kan madagñog gñani ni Marta na si Jesus madatong, sia napaduman sa pagsabat saiya: alagad si Maria nakatu-kao pa sa harong.

Joh 11:21 Si Marta gñani nagsabi ki Jesus, Kagurangnan, kun uya ka digdi, dai kutana nagadan an sakong tugang.

Joh 11:22 Alagad minsan gñunian naaaraman ko na an gabos mong hagadon sa Dios, itatao saimo nin Dios.

Joh 11:23 Si Jesus nagsabi saiya, An saimong tugang mabubuhay liwat.

Joh 11:24 Si Marta nagsabi saiya, Naaaraman ko na sia mabubuhay liwat sa huring aldao.

Joh 11:25 Si Jesus nagsabi saiya, Ako iyo an pagkabuhay liwat, asin an buhay: an minatubod sa sako, minsan magadan, mabubuhay;

Joh 11:26 Asin an siisay man na nabubuhay asin minatubod sa sako, dai nangad magagadan. Minatubod ka kaini?

Joh 11:27 Si Marta nagsabi saiya, Oho, Ka-gurangnan: ako minatubod na ika iyo an Cristo, an Aki nin Dios, an mapadigdi sa kinaban.

Joh 11:28 Asin pakasabi nia kaini, sia nagha-le, asin inapod nia sa hilom si Maria na saiyang tugang, na an sabi, An Paratok-do uya digdi, asin nagaapod saimo.

Joh 11:29 Asin pagkadagñog nia kaidto, sia nagbuhat nin madale asin nagduman sa saiya.

Joh 11:30 (Si Jesus dai pa nakakaabot sa barrio, kundi duduman pa sa lugar na nasabatan saiya ni Marta.)

Joh 11:31 An magña Judio gñani na kairiba nia sa harong, na nagraragña saiya, pag-kahiling ninda na si Maria tominindog nin madale, asin lominuas, nagsoronod saiya ta naghohoronahona na sia madu-man sa lolobgñan sa pagtagñis.

Joh 11:32 Si Maria gñani, kan pagdatong sa namugtakan ni Jesus, asin pagkahiling saiya, naglaob sa saiyang pamitisan, na nagsasabi Kagurangnan, kun uya ka dig­di, dai kutana nagadan an sakong tugang.

Joh 11:33 Kan mahiling gñani ni Jesus na sia asin an magña Judio na kairiba nia nagtataragñis, sia nagagragñay sa saiyang espiritu, asin nahero sa pagkaherak,

Joh 11:34 Patin nagsabi, Saen nindo sia ibi-nugtak? Sinda nagsarabi saiya, Kagu­rangnan, madia, asin hiligña.

Joh 11:35 Si Jesus nagtagñis.

Joh 11:36 An magña Judio gñani nagsarabi, Hiligña, kun gurano an pagkamoot nia saiya.

Joh 11:37 Alagad an iba sa sainda nagsarabi, Dai dao maguiguibo man kan tauong ini na nagpabuklat kan magña mata kaid-tong dating buta, na ini dai magadan?

Joh 11:38 Si Jesus gñani nagagragñay liwat sa saiya man sana, asin napaduman sa lolobgñan. Idto sarong logñib, asin may sarong gapo na ipininto duman.

Joh 11:39 Si Jesus nagsabi, Halea nindo an gapo. Si Marta na tugang kan nagadan, nagsabi saiya, Kagurangnan, sa panahon na ini an bangkay lapa na: huli ta apat nang aldao an pagkagadan nia.

Joh 11:40 Si Jesus nagsabi saiya, Dai ako nagsabi saimo na kun tumubod ka mahi-hiling mo an kamurawayan nin Dios?

Joh 11:41 Kaya hinale ninda an gapo. Asin si Jesus nagtagñad, asin nagsabi, Ama, ako nagpapasalamat saimo na dinagñog mo ako.

Joh 11:42 Asin ako nakakaaram na sa guira-ray dinadagñog mo ako: alagad dahel sa kadaklan na uya digdi, ako nagsabi kaini, tagñaning sinda magturubod na ika an nagsogo sako.

Joh 11:43 Asin pakasabi nia nin siring, sia nagkurahao sa halangkao na tigñog, Lazaro, lumuas ka.

Joh 11:44 Idtong nagadan lominuas, nagaga-pos an kamot asin an bitis kan magña generong sa gadan; asin napapatos nin sarong podong an saiyang lalauogon. Si Jesus nagsabi sainda, Hubadi nindo sia, asin palakawa.

Joh 11:45 Balakid gñani sa magña Judio na nagsorongko ki Maria, asin nagpakahi-ling kan guinibo ni Jesus, an nagturubod sa saiya.

Joh 11:46 Alagad an nagkapira sa sainda nag-duruman sa magña Fariseo, asin nagoro-sip sainda kan magña guinibo ni Jesus.

Joh 11:47 Kay a an magña poon nin magña sacerdote asin an magña Fariseo nagti-ripon kan consejo, asin nagsarabi, Ano an satong guiguibohon? huli ta an tauong ini nagguiguibo nin balakid na tanda.

Joh 11:48 Kun pabayaan ta sia nin siring, an gabos magtuturubod sa saiya: asin an magña taga Roma madirigdi asin maha-rale kan satong lugar asin kan satong nacion.

Joh 11:49 Alagad an saro sa sainda, si Caifas, na iyo an halangkao na sacerdote kan taon na iyan, nagsabi sainda, Kamo dai lamang nin naaaraman,

Joh 11:50 Ni nakakaisi kamo na marahay sa saindo na an sarong tauo magadan dahel sa banuaan, asin na an bilog na nacion dai mapahamak.

Joh 11:51 Sia nagsabi kaini bako sa sadiri niang boot: kundi huli ta sia an halang­kao na sacerdote kan taon na iyan, sia naghula na si Jesus magagadan dahel sa nacion;

Joh 11:52 Asin bako sanang dahel kan na­cion, kundi tagñaning matipon nia an magña aki nin Dios na nakawagas.

Joh 11:53 Kay a magpoon kan aldao na iyan sinda nagpaharatolhatol tagñaning sia ikapagadan ninda.

Joh 11:54 Si Jesus gñani dai na naglakao sa hayag sa magña Judio, kundi nagduman sa sarong daga na harani sa patag, sa sarong banua na inaapod Efraim; asin sia nagontok duman kairiba an saiyang magña discipulo.

Joh 11:55 Asin harani na an Pascua nin magña Judio: asin bago kan Pascua bala-kid an nagturukad sa Jerusalem hale sa kaomahan, sa paglilinig.

Joh 11:56 Sinda gñani nagharanap ki Jesus, asin nagpaorolayolay mantang sinda nasa templo, Ano an paghonahona nin-do? Dai dao sia madigdi sa fiesta?

Joh 11:57 An magña poon nin magña sacer-dote asin an magña Fariseo nagboroot na, an siisay man na makaisi kun haen sia, magpahayag kaiyan, tagñaning dako-pon ninda sia.



Joh 12:1 Si Jesus gñani, anom na aldao pa bago omabot an Pascua, nagdu­man sa Betania, na naoontokan ni Laza-ro, na binuhay liwat ni Jesus sa magña gadan.

Joh 12:2 Kaya inandaman sia ninda duman nin sarong pamanguihan: asin si Marta naglingkod; alagad si Lazaro saro sa magña nakatukao duman sa lamesa sa kaibahan nia.

Joh 12:3 Si Maria gñani nagkua nin sarong librang unguentong nardo, na kanigoan an halaga, asin linahidan nia an magña bitis ni Jesus, asin pinahidan an saiyang magña bitis kan saiyang bohok: asin an harong napano kan parong nin unguen-to.

Joh 12:4 Alagad si Judas Iscariote, saro kan saiyang magña discipulo, na mapasaloib saiya, nagsabi,

Joh 12:5 Tadao ta dai ipinagbakal an unguen-tong ini nin tolong gatos na denario, asin itinao sa magña dukha?

Joh 12:6 Ini isinabi nia, bakong huli ta nag-mamakolog sia sa magña dukha; kundi huli ta sia mahabon, asin huli ta nasa saiya an sopot, nagkukua sia kan ilina-laog dian.

Joh 12:7 Si Jesus gñani nagsabi, Pabayae nin-do sia; manogñod sa aldao nin paglo-bong sako inandam nia iyan.

Joh 12:8 Huli ta an magña dukha parating nasa saindo; alagad ako bakong parating nasa saindo.

Joh 12:9 An magña harababang tauo gñani kan magña Judio, nakadagñog na sia duduman: asin sinda nagduruman, ba­kong huli sana ki Jesus, kundi tagña­ning mahiling man ninda si Lazaro na binuhay nia liwat sa magña gadan.

Joh 12:10 Alagad an magña poon nin magña sacerdote nagpaharatolhatol tagñaning si Lazaro ikapagadan man ninda;

Joh 12:11 Ta huli sa saiya balakid na Judio an nagbaraya, asin nagturubod na ki Jesus.

Joh 12:12 Kan pagkaaga an sarong dakulang kadaklan na nagdaratong sa fiesta, kan madagñog ninda na si Jesus maabot sa Jerusalem,

Joh 12:13 Nagkurua nin magña sagña nin palma, asin nagruluas sa pagsabat saiya, asin nagkururahao, Hosanna: Omawon an minadatong sa gñaran nin Kaguran-gnan, an Hade nin Israel.

Joh 12:14 Asin si Jesus, pakakua nin sarong asnong sadit, sominangkay dian; siring sa nasusurat,

Joh 12:15 Dai ka matakot, aking babae ni Sion: uya, an saimong Hade minada­tong, nakasangkay sa ogbon nin asna.

Joh 12:16 An magña bagay na ini dai nag-kasarabotan kan saiyang magña discipu­lo sa enot: alagad kan si Jesus mapamu-raway na, dagñan naromdoman ninda na an magña bagay na ini anan na nasu­surat dapit saiya, asin na guiniribo ninda sa saiya an magña bagay na ini.

Joh 12:17 An kadaklan, gñani, na kairiba nia kan apodon nia si Lazaro sa lolobgñan, asin pabuhaton sia sa magña gadan, sinda an nagpatotoo.

Joh 12:18 Dahel kaini man an kadaklan nag­duman sa pagsabat saiya, huli ta nada-gñog na guinibo nia an gñagñalasan na ini.

Joh 12:19 Kaya an magña Fariseo nagsarabi sa sainda man sana, Hiligña ta mayo na kamong naguiguibong anoman; uya, an kinaban nagsosonod na sa saiya.

Joh 12:20 Kan panahon nin fiesta, igua nin nagkapirang Griego sa magña nagturu-kad sa pagsamba.

Joh 12:21 An magña ini gñani nagdorolok ki Felipe na taga Betsaida sa Galilea, asin nakimaherak saiya, na an sabi, Guinoo, kami boot makahiling ki Jesus.

Joh 12:22 Si Felipe nagdolok asin nagsabi ki Andres: asin si Andres asin si Felipe nag­dolok asin nagsabi ki Jesus.

Joh 12:23 Asin si Jesus nagsimbag sainda, na an sabi, An oras nagdatong na, na an Aki nin tauo mapamuraway.

Joh 12:24 Sa katotoohan, sa katotoohan, ako nagsasabi saindo, Kun an pisog nin trigo dai maholog sa daga asin magadan, iyan sana an nagdadanay; alagad kun maga­dan iyan magbubugña nin dakol.

Joh 12:25 An namomoot sa saiyang buhay, mawawaraan kaiyan; asin an naoogñis sa saiyang buhay sa kinaban na ini, maka-karimpos kaiyan sa buhay na dai nin katapusan.

Joh 12:26 Kun an siisay man maglingkod sako, magsonod sako; asin kun saen ako, duman man an sakong oripon: kun an siisay man maglingkod sako, sia mama-halon nin sakong Ama.

Joh 12:27 Gñunian napupurisao an sakong kalag, asin ano an sasabihon ko? Ama, iligtas mo ako sa oras na ini. Alagad dahel kaini ako napadigdi sa oras na ini.

Joh 12:28 Ama, pamurawaya an saimong gñaran. Dagñan nagdatong an sarong tigñog hale sa lagñit, na an sabi, Napa-muraway ko na iyan, asin papamura-wayon ko liwat.

Joh 12:29 An kadaklan gñani na duduman asin nakadagñog kaiyan, nagsarabi na nagdagoldol: an iba nagsarabi, Sarong angel nakiolay saiya.

Joh 12:30 Si Jesus nagsimbag asin nagsabi, Bakong dahel sako nagdatong an tigñog na ini, kundi dahel saindo.

Joh 12:31 Gñunian iyo an paghokom sa kinaban na ini: gñunian papaluason an poon kaining kinaban.

Joh 12:32 Asin kun ako iitaas sa daga, dadag-kahon ko sa sako an gabos na tauo.

Joh 12:33 Ini isinabi nia sa pagpasabot kun sa anong paagui sia magagadan.

Joh 12:34 An kadaklan gñani nagsimbag sai­ya, Nadagñog mi sa katogonan na an Cristo magdadanay sagkod lamang: asin tadao ta nagsasabi ka, An aki nin tauo kaipuhan na iitaas? Siisay ining Aki nin tauo?

Joh 12:35 Si Jesus gñani nagsabi sainda, Kadi-kit na sanang panahon na an ilao masa saindo: magralakao kamo na an ilao nasa saindo pa tagñaning dai kamo aboton kan diklom: asin an naglalakao sa kadikloman dai nakakaaram kun saen sia paduduman.

Joh 12:36 Mantang an ilao nasa saindo pa, magturubod kamo sa ilao, tagñaning kamo maguin magña aki kan ilao. An magña bagay na ini isinabi ni Jesus, dagñan sia naghale, asin nagtago sainda.

Joh 12:37 Alagad minsan sia nagguibo nin siring kadakol na magña tanda sa atu-bang ninda, dai sinda nagturubod sa saiya:

Joh 12:38 Tagñaning maotob an tataramon na sinabi ni Isaias na profeta, Kagurangnan, siisay an nagtubod kan samong bareta? Asin sa kiisay ipinahayag an takiag nin Kagurangnan?

Joh 12:39 Huli kaini dai sinda makatubod; huli ta nagsabi pa si Isaias,

Joh 12:40 Binota nia an saindang magña mata, asin pinatagas nia an saindang puso; Tagñaning kan saindang magña mata dai sinda makahiling, asin kan saindang puso dai sinda maka-mansay, Asin magbakle, Asin paomayan ko sinda.

Joh 12:41 An magña bagay na ini isinabi ni Isaias huli ta nahiling nia an saiyang kamurawayan; asin sia nagtaram dapit saiya.

Joh 12:42 Minsan siring balakid sa magña poon an nagturubod sa saiya; alagad huli sa magña Fariseo dai sinda nagpahayag; tagñaning dai sinda pahaleon sa sinagoga:

Joh 12:43 Huli ta sinda namoot pa nin orog sa kamurawayan nin magña tauo ki sa kamurawayan nin Dios.

Joh 12:44 Si Jesus nagkurahao asin nagsabi, An minatubod sa sako, bakong sa sako minatubod, kundi sa nagsogo sako.

Joh 12:45 Asin an naghihiling sako naghihi-ling kaidtong nagsogo sako.

Joh 12:46 Ako napadigdi na ilao sa kinaban, tagñaning an siisay man na minatubod sa sako dai magdanay sa kadikloman.

Joh 12:47 Asin kun an siisay man magdagñog kan sakong magña tataramon, asin dai magotob kaiyan, dai ko sia sinisilotan: huli ta ako dai napadigdi sa kinaban sa pagsilot kan kinaban, kundi sa pagligtas kan kinaban.

Joh 12:48 An minasikual sako, asin dai mi-naako kan sakong magña tataramon, iguang nagsisilot saiya: an tataramon na itinaram ko, ini man sana an magsisilot saiya sa huring aldao.

Joh 12:49 Huli ta ako dai nagtaram hale sa sako man sana; kundi an Ama na nag­sogo sako, sia an nagtao sako nin pag-boot kun ano an sakong isasabi asin kun ano an sakong itataram.

Joh 12:50 Asin ako nakakaaram na an sai-yang pagboot iyo an buhay na dai nin katapusan; kaya an gabos na sinasabi ko, sono sa pagkasabi sako nin Ama, siring man an tinataram ko.



Joh 13:1 Bako kan fiesta nin Pascua, si Jesus nakakaisi na nagdatong na an saiyang oras sa paghale digdi sa kina­ban pasiring sa Ama, sia na namoot sa saiyang magña sadiri digdi sa kinaban, sia namoot sainda sagkod sa katapusan.

Joh 13:2 Asin sa pagpamangui, kan ikabug-tak na nin diablo sa puso ni Judas Isca-riote, aki ni Simon, na magpasaloib saiya,

Joh 13:3 Si Jesus, na nakakaisi na itinao na nin Ama an gabos na bagay sa saiyang kamot, asin na sia hale sa Dios asin maduman sa Dios,

Joh 13:4 Nagtindog sa pagkakan, asin nag-hukas kan saiyang gubing; asin sia nag-kua nin sarong toalla, asin naghagkos kaiyan.

Joh 13:5 Dagñan nagola sia nin tubig sa sarong palangana, asin nagpoon magha-nao kan magña bitis kan magña discipu-lo, asin magpahid kaiyan kan toalla na nahahagkos saiya.

Joh 13:6 Asin sia nagdolok ki Simon Pedro. Sia nagsabi saiya, Kagurangnan, ika an maghahanao kan sakong magña bitis?

Joh 13:7 Si Jesus nagsimbag asin nagsabi sai­ya, An guiniguibo ko dai mo nasasabo-tan gñunian; alagad masasabotan mo gñapit.

Joh 13:8 Si Pedro nagsabi saiya, Dai ka nan-gad maghanao kan sakong magña bitis. Si Jesus nagsimbag saiya, Kun dai ko ika hanawan, dai ka magkakaigua nin paki-nabang sa sako.

Joh 13:9 Si Simon Pedro nagsabi saiya, Kagu­rangnan, bako sana an sakong magña bitis, kundi man an sakong magña kamot asin sakong payo.

Joh 13:10 Si Jesus nagsabi saiya, An nagka-rigos na dai na kaipuhan maghanao kun­di sa magña bitis, ta malinig na an ga­bos:asin kamo magña malinig na, alagad bako an gabos.

Joh 13:11 Huli ta tatao na sia kun siisay an magpapasaloib saiya; kaya sia nagsabi, Bakong kamo gabos magña malinig.

Joh 13:12 Kaya pakahanawe nia kan saindang magña bitis, asin pakakuaa kan saiyang gubing, patin pakatukao liwat, sia nag­sabi sainda, Nasasabotan nindo an gui-nibo ko saindo?

Joh 13:13 Ako inaapod nindo, Paratokdo, asin, Kagurangnan: asin marahay an pag­kasabi nindo; huli ta ako iyo mannan-gad.

Joh 13:14 Kun ako gñani na Kagurangnan asin Paratokdo, naghanao kan saindong magña bitis, kamo man maninigong magpaharanaohanawan kan saindong magña bitis.

Joh 13:15 Huli ta tinawan ko kamo nin aro-gan, tagñaning kamo man magguibo nin siring kan guinibo ko saindo.

Joh 13:16 Sa katotoohan, sa katotoohan, ako nagsasabi saindo, An oripon bakong orog sa saiyang kagurangnan; ni an sino-go ki sa nagsogo saiya.

Joh 13:17 Kun kamo nakakaaram kan magña bagay na ini, kamo magña paladan kun guibohon nindo ini.

Joh 13:18 Dai ako nagtataram dapit saindo gabos: ako tatao kan sakong magña pinili: alagad tagñaning maotob an kasuratan, An nagkakakan kan sakong tinapay nagitaas tumang sako kan sai-yang bool.

Joh 13:19 Magpoon gñunian ako magsasabi saindo na dai pa nangyayari, tagñaning kun mangyari na magturubod kamo na ako iyo sia.

Joh 13:20 Sa katotoohan, sa katotoohan, ako nagsasabi saindo, An minaako kan siisay man na sinogo ko minaako sako; asin an minaako sako minaako kan nagsogo sako.

Joh 13:21 Pakasabi ni Jesus nin siring, sia napurisao sa espiritu, asin nagpatotoo, na nagsabi, Sa katotoohan, sa katotoo­han, ako nagsasabi saindo, na saro sa saindo magpapasaloib sako.

Joh 13:22 An magña discipulo nagpahiriling-hiligñan, na nagboborongborong kun siisay an pinagsasabi nia.

Joh 13:23 Sa lamesa igua nin nagsasandig sa daghan ni Jesus, saro kan saiyang magña discipulo, an namomotan ni Jesus.

Joh 13:24 Si Simon Pedro gñani nagpasabot asin nagsabi saiya, Sabihi kami kun siisay an pinagsasabi nia.

Joh 13:25 Sia, na napapasandig sa daghan ni Jesus, nagtagñad asin nagsabi saiya, Kagurangnan, siisay?

Joh 13:26 Si Jesus gñani nagsimbag, Sia iyo idtong tatawan ko kaining tinapay na ibobontog ko. Kaya pakabontogan nia kan tinapay, itinao nia idto ki Judas, aki ni Simon Iscariote.

Joh 13:27 Asin pakahogñit nia kan tinapay, linaog sia ni Satanas. Si Jesus gñani nag­sabi saiya, An guiniguibo mo guibohon mo tolos.

Joh 13:28 Alagad dai nin siisay man sa lame­sa na nakasabot kun sa anong katuyo-han isinabi nia ini saiya.

Joh 13:29 Ta an iba naghonahona na huli ta si Judas iyo an nagkakapot kan sopot, si Jesus nagsabi saiya, Bumakal ka kan satong magña kaipuhan sa fiesta; ó, na sia tumao sa magña dukha.

Joh 13:30 Sia gñani pakaako kan tinapay tolos man nagluas: asin idto ban-gui.

Joh 13:31 Kan sia gñani makaluas na, si Jesus nagsabi, Gñunian an Aki nin tauo napa-pamuraway, asin an Dios napapamura-way sa saiya;

Joh 13:32 Asin an Dios papamurawayon sia sa saiya man sana, asin tolos man sia papamurawayon nia.

Joh 13:33 Magña saradit na aki, kadikit pang panahon na ako masa saindo. Kamo maghaharanap sako: asin siring sa isinabi ko sa magña Judio, Sa dudumanan ko, kamo dai makakaduman; siring man gñunian ako nagsasabi saindo.

Joh 13:34 Sarong bagong togon an itinatao ko saindo, na kamo magkaminoroot-mootan; siring kan pagkamoot ko sain­do, na kamo magkaminorootmootan.

Joh 13:35 Huli kaini kamo mamimidbid kan gabos na kamo magña discipulo ko, kun kamo magkaminorootmootan.

Joh 13:36 Si Simón Pedro nagsabi saiya, Kagurangnan, Saen ka maduman? Si Jesus nagsimbag, Sa dudumanan ko dai ka makakasonod gñunian; alagad ma-kakasonod ka gñapit.

Joh 13:37 Si Pedro nagsabi saiya, Kaguran­gnan, tadao ta dai ako makakasonod saimo gñunian? An sakong buhay itatao ko manogñod saimo.

Joh 13:38 Si Jesus nagsimbag, Itatao mo an saimong buhay manogñod sako? Sa katotoohan, sa katotoohan, ako nagsa­sabi saimo, An manok dai maturaok sagkod na mapaindahan mo ako nin makatolo.



Joh 14:1 Dai mahadit an saindong magña puso: magturubod kamo sa Dios, magturubod man kamo sa sako.

Joh 14:2 Sa harong nin sakong Ama balakid an magña ontokan; kun bakong siring, ako nagsabi kutana saindo; huli ta ako maduman sa pagandam saindo nin lugar.

Joh 14:3 Asin kun ako magduman asin magandam saindo nin lugar, ako madig-di liwat, asin ipagiiba ko kamo; tagfla-ning kun saen ako, duman man kamo.

Joh 14:4 Asin sa dudumanan ko, tatao kamo kan dalan.

Joh 14:5 Si Tomas nagsabi saiya, Kaguran-gnan, dai kami tatao kun saen ka madu-man; paano gñani na makaaram kami kan dalan?

Joh 14:6 Si Jesus nagsabi saiya, Ako iyo an dalan, asin an katotoohan, patin an buhay: dai nin siisay na makakadolok sa Ama, kun bakong huli sako.

Joh 14:7 Kun kamo tatao sako, tatao man kutana kamo sa sakong Ama: magpoon gñunian kamo tatao na saiya, asin naka­hiling na saiya.

Joh 14:8 Si Felipe nagsabi saiya, Kaguran-gnan, pahiligñan samo an Ama, asin ini igo na samo.

Joh 14:9 Si Jesus nagsabi saiya, Haloy nang panahon na ako nasa saindo, asin dai ka tatao sako, Felipe? an nakahiling sako, nakahiling sa Ama; tadao ta nagsasabi ka, Pahiligñan samo an Ama?

Joh 14:10 Dai ka minatubod na ako nasa Ama, asin an Ama nasa sako? An magña tataramon na isinasabi ko saindo, dai ko ipinagtataram hale sa sako man sana: kundi an Ama na nagdadanay sako nag-guiguibo kan saiyang magña guibo.

Joh 14:11 Magturubod kamo sako na ako nasa Ama, asin an Ama nasa sako; ó kun dai, magturubod kamo sako huli sa magña guibo na sana.

Joh 14:12 Sa katotoohan, sa katotoohan, ako nagsasabi saindo, An minatubod sa sako, an magña guibo na guiniguibo ko, maguiguibo man nia; asin orog pa kai-ning magña guibo an maguiguibo nia; huli ta ako maduman sa Ama.

Joh 14:13 Asin an anoman na hagadon nindo sa gñaran ko guiguibohon ko, tagñaning an Ama mapamuraway sa Aki.

Joh 14:14 Kun kamo maghagad nin anoman sa gñaran ko, guiguibohon ko iyan.

Joh 14:15 Kun kamo namomoot sako, mao-tob kamo kan sakong magña togon.

Joh 14:16 Asin ako makikimaherak sa Ama, asin sia matao saindo nin ibang Para-ragña, tagñaning sia rnasa saindo sagkod lamang,

Joh 14:17 An Espiritu nin katotoohan: na dai maaako nin kinaban; huli ta iyan dai nakakahiling, asin dai tatao saiya: kamo tatao saiya; huli ta sia nagdadanay sain­do, asin masa saindo.

Joh 14:18 Dai ko kamo babayaan na magña ilo: ako madigdi sa saindo.

Joh 14:19 Kadikit pang panahon, asin an kinaban dai na makakahiling sako; ala-gad kamo makakahiling sako: huli ta ako buhay, kamo man mabubuhay.

Joh 14:20 Sa aldao na iyan kamo makakaa-ram na ako nasa sakong Ama, asin kamo sa sako, patin ako sa saindo.

Joh 14:21 An igua kan sakong magña togon asin minaotob kaiyan, iyo an namo­moot sako: asin an namomoot sako mamomotan kan sakong Ama, asin ako mamomoot saiya, asin ipapahayag ko ako saiya.

Joh 14:22 Nagsabi saiya si Judas (bakong si Iscariote), Kagurangnan, ano an nang-yari ta ika magpapahayag sa samo, asin bakong sa kinaban?

Joh 14:23 Si Jesus nagsimbag asin nagsabi saiya, Kun an tauo namomoot sako, sia maotob kan sakong tataramon: asin an sakong Ama mamomoot saiya, asin kami madian sa saiya, asin maerok saiya.

Joh 14:24 An dai namomoot sako dai mina­otob kan sakong magña tataramon: asin an tataramon na nadadagñog nindo bakong sako, kundi sa Ama na nagsogo sako.

Joh 14:25 An magña bagay na ini isinabi ko saindo, mantang ako nasa saindo pa.

Joh 14:26 Alagad an Pararagña, an Espiritu Santo, na sosogoon kan Ama sa gñaran ko, sia an magtotokdo saindo nin gabos na bagay, asin magpapaguiromdom sain­do kan gabos na isinabi ko saindo.

Joh 14:27 Katiwasayan an iwinawalat ko saindo; an sakong katiwasayan itinatao ko saindo: bakong siring kan pagtao kan kinaban an pagtao ko saindo. Dai mahadit an saindong puso, ni matakot.

Joh 14:28 Kamo nakadagñog na na ako nag­sabi saindo, Ako mahale, asin ako ma­digdi sa saindo. Kun kamo namomoot sako, kamo nagorogma kutana, ta ako maduman sa Ama: huli ta an Ama orog sa sako.

Joh 14:29 Asin gñunian ako nagsabi na sain­do na dai pa nangyayari, tagñaning kun mangyari na, magturubod kamo.

Joh 14:30 Magpoon gñunian ako dai na mag-tataram saindo nin dakol, huli ta mada-tong an poon nin kinaban: asin sia dai nin anoman sa sako;

Joh 14:31 Alagad tagñaning an kinaban makaaram na ako namomoot sa Ama, asin sono sa pagboot sako nin Ama, siring man an guiniguibo ko. Magtirin-dog kamo, asin magharale kita digdi.



Joh 15:1 Ako iyo an tunay na poon nin uvas, asin an sakong Ama iyo an paraataman.

Joh 15:2 An lambang sagña sa sako na dai nagbubugña, hinahale nia: asin an lam­bang sagña na nagbubugña linilinig nia, tagñaning magbugña nin orog.

Joh 15:3 Kamo magña malinig na huli kan tataramon na ipinagtaram ko saindo.

Joh 15:4 Magdaranay kamo sako, asin ako saindo. Siring sa sagña na dai makaka-bugña sa saiya man sana, kun dai mag-danay sa poon; ni kamo man, kun dai kamo magdaranay sako.

Joh 15:5 Ako iyo an poon, kamo an magña sagña: an nagdadanay sako, asin ako saiya, iyo an nagbubugña nin dakol: huli ta kun kamo bulag sa sako, dai kamo makakaguibo nin anoman.

Joh 15:6 Kun an tauo dai magdanay sako, sia itinatapok siring sa sagña, asin naaalang; asin sinda pinoporot, asin isinosogba sa kalayo, patin natototong.

Joh 15:7 Kun kamo magdaranay sako, asin an sakong magña tataramon magdara­nay saindo, hagad kamo kan anoman na boot nindo, asin iyan guiguibohon saindo.

Joh 15:8 Digdi kaini an sakong Ama napa-pamuraway, na kamo magburugña nin dakol; asin kamo manini magña discipu-loko.

Joh 15:9 Siring kan pagkamoot sako kan Ama, siring man an pagkamoot ko sain­do: magdaranay kamo sa sakong pagka­moot.

Joh 15:10 Kun kamo magorotob kan sakong magña togon, kamo magdadaranay sa sakong pagkamoot; siring kan pagotob ko kan magña togon nin sakong Ama, asin kan pagdanay ko sa saiyang pagkamoot.

Joh 15:11 An magña bagay na ini itinaram ko saindo, tagñaning an sakong kaog-mahan masa saindo, asin an saindong kaogmahan masangkap.

Joh 15:12 Ini an sakong togon, na kamo magkaminorootmootan, siring kan pag­kamoot ko saindo.

Joh 15:13 Dai nin pagkamoot na omorog pa kaini, na itao nin tauo an saiyang buhay dahel sa saiyang magña katood.

Joh 15:14 Kamo iyo an sakong magña katood kun kamo magguiribo kan magña ipinag-boboot ko saindo.

Joh 15:15 Dai ko na kamo aapodon na magña oripon; huli ta an oripon dai nakakaisi kan guiniguibo kan saiyang kaguran-gnan: alagad inapod ko kamong magña katood; huli ta an gabos na bagay na nadagñog ko sa Ama ipinahayag ko saindo.

Joh 15:16 Bako kamo an nagpili sako, kundi ako an nagpili saindo, asin nagpamugtak saindo, tagñaning kamo magralakao asin magburugña, asin na an saindong bugila magdanay: tagñaning an gabos na haga-don nindo sa Ama, sa gñaran ko, itao nia saindo.

Joh 15:17 An magña bagay na ini ipinagbo-boot ko saindo, tagñaning kamo magka­minorootmootan.

Joh 15:18 Kun an kinaban naoogñis saindo, tatao na kamo na iyan naogñis na sako bago saindo.

Joh 15:19 Kun kamo sa kinaban, an kinaban namomoot kutana sa saiyang sadiri: alagad huli ta kamo bakong sa kinaban, kundi na magña pinili ko hale sa kina­ban, kaya an kinaban naoogñis saindo.

Joh 15:20 Guiromdoma nindo idtong tatara­mon na isinabi ko saindo, An oripon bakong orog sa saiyang kagurangnan. Kun ako pinaglamag ninda, kamo man pagraralamagon; kun sinda nagotob kan sakong tataramon, sinda maotob man kan saindong tataramon.

Joh 15:21 Alagad ini gabos guiguibohon nin­da saindo dahel sa sakong gñaran huli ta dai sinda tatao kan nagsogo sako.

Joh 15:22 Kun ako dai nagdigdi asin nagta-ram sain da, dai kutana sinda nagkaigua nin kasalan: alagad gñunian dai na sinda nin sarahotan sa saindang kasalan.

Joh 15:23 An naoogñis sako naoogñis man sa sakong Ama.

Joh 15:24 Kun ako dai nagguibo sa tahao nin-da nin magña guibo na dai pa naguinibo nin siisay man, dai kutana sinda nag-kaigua nin kasalan: alagad gñunian sinda nagpakahiling asin nagkaorogñis na sako asin sa sakong Ama.

Joh 15:25 Alagad ini nangyayari tagñaning maotob an tataramon na nasusurat sa saindang katogonan, Sinda nagkaorogñis sako dai nin dahelan.

Joh 15:26 Alagad pagdatong kan Pararagña, na sosogoon ko sa saindo hale sa Ama, An Espiritu nin katotoohan, na mina-guikan sa Ama, sia an magpapatotoo dapit sako:

Joh 15:27 Asin kamo man magpapatotoo, huli ta kamo nasa kaibahan ko magpoon sa kapinonan.



Joh 16:1 An magña bagay na ini itinaram ko saindo tagñaning dai kamo magkasiringkog.

Joh 16:2 Kamo paruruluason sa magña sina-goga: iyo, an oras madatong na an siisay man na gumadan saindo, magiisip na sia naglilingkod sa Dios.

Joh 16:3 An magña bagay na ini guiguibohon ninda, huli ta dai sinda tatao sa Ama, ni sako.

Joh 16:4 Alagad an magña bagay na ini itina­ram ko saindo, tagñaning kun an sain­dang oras dumatong na, kamo maka-guiromdom kaiyan, na ako nagsabi sain­do, Asin an magña bagay na ini dai ko isinabi saindo sa kapinonan huli ta ako nasa saindo pa.

Joh 16:5 Alagad gñunian ako maduman sa nagsogo sako; asin dai nin siisay man sa saindo na naghahapot sako, Saen ka maduman?

Joh 16:6 Alagad huli ta ako nagtaram saindo kan magña bagay na ini, napano nin kamondoan an saindong puso.

Joh 16:7 Minsan siring ako nagsasabi saindo nin katotoohan: Marahay sa saindo na ako humale; huli ta kun ako dai mag-hale, an Pararagña dai madigdi sa saindo; alagad kun ako paduman, sosogoon ko sia sa saindo.

Joh 16:8 Asin pagdatong nia, papamateon nia an kinaban dapit sa kasalan, asin sa kata-nosan, patin sa paghokom:

Joh 16:9 Dapit sa kasalan, huli ta sinda dai nagtuturubod sa sako;

Joh 16:10 Dapit sa katanosan, huli ta ako maduman sa Ama, asin dai na ako nindo mahihiling;

Joh 16:11 Dapit sa paghokom, huli ta an poon kaining kinaban nahokoman na.

Joh 16:12 Igua pa ako nin dakol na isasabi saindo, alagad kamo dai makakatagal kaiyan gñunian.

Joh 16:13 Alagad pagdatong nia, an Espiritu nin katotoohan, sia an magñegñenot saindo sa gabos na katotoohan: huli ta dai sia magtataram hale sa saiya man sana; kundi an gabos na madagñog nia iyo an ipagtataram nia: asin sia magpa-pahayag saindo kan magña bagay na madatong.

Joh 16:14 Sia magpapamuraway sako: huli ta sia magkukua hale sako, asin magpa-pahayag kaiyan saindo.

Joh 16:15 An gabos na sadiri nin Ama anan sako: kaya ako nagsabi, na sia magku­kua hale sako, asin magpapahayag kai­yan saindo.

Joh 16:16 Kadikit pang panahon, asin dai na kamo makakahiling sako; asin kadikit naman na panahon, asin kamo maka­kahiling sako.

Joh 16:17 An nagkapira gñani kan saiyang magña discipulo nagpaorolayolay, Ano ining isinasabi nia sato, Kadikit pang panahon, asin kamo dai na makakahiling sako; asin kadikit naman na panahon, asin kamo makakahiling sako: asin, Huli ta ako maduman sa Ama?

Joh 16:18 Kaya sinda nagsarabi, Ano ining isinasabi nia, Kadikit pang panahon? Dai kita nakakasabot kan isinasabi nia.

Joh 16:19 Si Jesus nakasabot na sinda boot magharapot saiya, asin sia nagsabi sain-da, Naghaharapotan kamo sa saindo man sana kaini na ako nagsabi, Kadikit pang panahon, asin kamo dai na maka­kahiling sako, asin kadikit naman na panahon, asin kamo makakahiling sako?

Joh 16:20 Sa katotoohan, sa katotoohan, ako nagsasabi saindo, na kamo magtataragñis asin magaaragragñay, alagad an kinaban magoogma: kamo magmomorondo, alagad an saindong kamondoan maguiguin kaogmahan.

Joh 16:21 An babae kun nagñagñaki may kamondoan, huli ta nagdatong na an sai-yang oras: alagad kun sia namundagan na, sia day na nakakaguiromdom kan kasakitan, huli kan kaogmahan na namundag an sarong tauo sa kinaban.

Joh 16:22 Kaya kamo igua gñunian nin kamondoan: alagad mahihiling ko kamo liwat, asin an saindong puso magoogma, asin dai nin siisay man na mahale sa saindo kan saindong kaogmahan.

Joh 16:23 Asin sa aldao na iyan dai na kamo maghaharapot sako nin anoman. Sa katotoohan, sa katotoohan, ako nagsasa-bi saindo, An anoman na hagadon nindo sa Ama itatao saindo sa gñaran ko.

Joh 16:24 Sagkod gñunian dai pa kamo nag-hagad nin anoman sa gñaran ko: mag-haragad kamo asin magaarako kamo, tagñaning an saindong kaogmahan ma-sangkap.

Joh 16:25 An magria bagay na ini itinaram ko saindo sa magña halimbawa: an oras madatong, na ako dai na magtataram saindo sa magña halimbawa, kundi mag-papahayag saindo nin sayod dapit kan Ama.

Joh 16:26 Sa aldao na iyan kamo maghaha-ragad sa gñaran ko: asin ako dai nag-sasabi saindo, na ako makikimaherak sa Ama dahel saindo;

Joh 16:27 Huli ta an Ama man sana namo-moot saindo, huli ta kamo namoot sako, asin tominubod na ako hale sa Ama.

Joh 16:28 Ako naghale sa Ama, asin ako nag-digdi sa kinaban: babayaan ko liwat an kinaban, asin maduman ako sa Ama.

Joh 16:29 An saiyang magña discipulo nag-sarabi, Uya, nagtataram ka na nin sayod, asin dai ka na nagtataram sa halimbawa.

Joh 16:30 Gñunian kami tatao na ika naka-kaisi kan gabos, asin dai na nagñagñaipo na siisay man maghapot pa saimo: huli kaini kami minatubod na ika hale sa Dios.

Joh 16:31 Si Jesus nagsimbag sainda, Mina­tubod na kamo?

Joh 16:32 Uya, an oras madatong, asin nag­datong na, na kamo magkakawararak, lambang saro sa saiyang sadiri, asin babayaan ako nindo na magsarosaro: alagad minsan siring dai ako nagsasarosaro, huli ta an Ama nasa kaibahan ko.

Joh 16:33 An magña bagay na ini itinaram ko saindo, tagñaning sa sako magkaigua kamo nin katiwasayan. Sa kinaban igua kamo nin kamondoan: alagad magorog-ma kamo; nadaog ko an kinaban.



Joh 17:1 An magña bagay na ini itinaram ni Jesus; asin pagtagñad sa lagñit, sia nagsabi, Ama, an oras nagdatong na; pamurawaya an saimong Aki, tagñaning pamurawayon ka kan Aki.

Joh 17:2 Siring kan pagtao mo saiya nin kapangyarihan sa gabos na laman, tagña­ning magtao sia nin buhay na dai nin katapusan sa gabos na itinao mo saiya.

Joh 17:3 Asin ini iyo an buhay na dai nin katapusan, na sinda makamidbid saimo, na ika sana an tunay na Dios, asin ki Jesu-Cristo na saimong sinogo.

Joh 17:4 Ako nagpamuraway saimo sa daga, huli sa paghaman ko kan guibo na itinao mo sako.

Joh 17:5 Asin gñunian, Ama, pamurawaya ako huli sa saimo man sana kaidtong kamurawayan na kinamtan ko sa kaiba­han mo na dai pa nin kinaban.

Joh 17:6 Ako nagpahayag kan saimong gña­ran sa magña tauo na itinao mo sako hale sa kinaban: magña sadiri mo sinda, asin itinao mo sinda sako; asin sinda nagorotob kan saimong tataramon.

Joh 17:7 Gñunian sinda nakakaaram na an gabos na bagay na itinao mo sako, gui-kan sa saimo:

Joh 17:8 Huli ta an magña tataramon na itinao mo sako, itinao ko sainda; asin sinda nagako kaiyan asin nakaaram na ako hale man nangad sa saimo, asin sinda nagturubod na ika an nagsogo sako.

Joh 17:9 Ako nakikimaherak manogñod sain­da: dai ako nakikimaherak manogñod sa kinaban, kundi manogñod sa magña itinao mo sako; huli ta sinda magña sadiri mo:

Joh 17:10 Asin an gabos na sako anan na sai­mo, asin an magña saimo anan sako: asin ako napapamuraway sa sainda.

Joh 17:11 Ako dai na sa kinaban, asin an magña ini nasa kinaban, asin ako madian sa saimo. Amang banal, igñate sinda sa saimong gñaran na itinao mo sako, tagñaning sin da maguin saro, siring sato.

Joh 17:12 Mantang ako nasa kaibahan ninda, inigñatan ko sinda sa saimong gñaran na itinao mo sako: asin binantayan ko sin-da, asin dai nin saro sa sainda na napa-hamak, kundi an aki nin kapahamakan; tagñaning an kasuratan maotob.

Joh 17:13 Alagad gñunian ako madian sa sai­mo; asin an magña bagay na ini itinaram ko digdi sa kinaban, tagñaning masang-kap dian sainda an sakong kaogmahan.

Joh 17:14 An saimong tataramon itinao ko na sainda; asin an kinaban naogñis sain­da, huli ta bako sindang sa kinaban, siring sako na bakong sa kinaban.

Joh 17:15 Dai ako nakikimaherak na haleon mo sinda sa kinaban, kundi na ilikay mo sinda sa maraot.

Joh 17:16 Bako sindang sa kinaban, siring sako na bakong sa kinaban.

Joh 17:17 Pakangbanala sinda sa katotoohan: an saimong tataramon iyo an katotoo­han.

Joh 17:18 Siring sa pagkasogo mo sako sa kinaban, siring man sinogo ko sinda sa kinaban.

Joh 17:19 Asin dahel sainda ako nagpapa-kangbanal, tagñaning sinda man mapa-banal sa katotoohan.

Joh 17:20 Bako sanang manogñod kan magña ini ako nakikimaherak, kundi kaidto man na magña nagtuturubod sa sako huli kan saindang tataramon;

Joh 17:21 Na sinda gabos maguin saro; siring Ama, na ika nasa sako, asin ako sa sai-mo, na sinda man mapa sato: tagñaning an kinaban magtubod na ika an nagsogo sako.

Joh 17:22 Asin an kamurawayan na itinao mo sako, itinao ko sainda; tagñaning sinda maguin saro, siring na kita saro;

Joh 17:23 Ako sa sainda, asin ika sa sako, tagñaning sinda maguin saro nangad; tagñaning an kinaban makaaram na ika an nagsogo sako, asin namoot sainda, siring kan pagkamoot mo sako.

Joh 17:24 Ama, ako nagmamawot na idto man na magña itinao mo sako masa kai­bahan ko kun saen ako, tagñaning sinda makahiling kan sakong kamurawayan na itinao mo sako: huli ta ika namoot sako bago lalagñon an kinaban.

Joh 17:25 O Amang matanos, an kinaban dai nakamidbid saimo, alagad ako nakamid-bid saimo; asin an magña ini nagpaka-midbid na ika an nagsogo sako;

Joh 17:26 Asin ipinamidbid ko sainda an sai­mong gñaran, asin ipapamidbid ko iyan; tagñaning an pagkamoot na iminoot mo sako mapa sainda, asin ako sa sainda.



Joh 18:1 Pakasabi ni Jesus kaining magña tataramon, nagluas sia kairiba an saiyang magña discipulo pa ibong kan sapa nin Cedron, na duman may tatan-man na saen sia asin an saiyang magña discipulo lominaog.

Joh 18:2 Si Judas man, na magpapasaloib saiya, tatao kan lugar na iyan; huli ta si Jesus dayaday na nagduduman kairiba an saiyang magña discipulo.

Joh 18:3 Dagñan pakaakoa ni Judas kan sarong tompok nin magña soldado, asin kan magña oficial, na hale sa magña poon nin magña sacerdote asin sa magña Fariseo, napaduman na may magña farol asin magña karaba patin magña hamo.

Joh 18:4 Si Jesus gñani, ta nakakaisi kan gabos na bagay na mangyayari saiya, nagluas asin nagsabi sainda, Siisay an saindong hinahanap.

Joh 18:5 Sinda nagsirimbag saiya, Si Jesus na taga Nazaret. Si Jesus nagsabi sainda, Ako iyo sia. Asin si Judas man na nag-pasaloib saiya, nagtitindog sa kaibahan ninda.

Joh 18:6 Kan pagsabi nia gñani sainda, Ako iyo sia, sinda nagsiribog, asin nagka-turumba sa daga.

Joh 18:7 Kaya sa liwat sia naghapot sainda, Siisay an saindong hinahanap? Asin sinda nagsarabi, Si Jesus na taga Naza­ret.

Joh 18:8 Si Jesus nagsimbag, Ako nagsabi na saindo na ako iyo sia; kun ako gñani an hinahanap nindo, pabayae nindo na magralakao an magña ini:

Joh 18:9 Tagñaning maotob an tataramon na isinabi nia, Sa magña itinao mo sa sako, dai akong nawara na siisay man.

Joh 18:10 Si Simon Pedro gñani, na may minasbad, linapnot idto, asin tinigbas an oripon kan halangkao na sacerdote, asin napalong an sa too niang taligña. An gñaran kan oripon Malco.

Joh 18:11 Kaya si Jesus nagsabi ki Pedro, Sa-rogña an minasbad mo: an copa na iti-nao kan Ama sa sako, dai ko iinomon iyan?

Joh 18:12 Kaya dinakop asin guinapos si Jesus kan magña soldado, asin kan poon na capitan, patin kan magña oficial nin magña Judio.

Joh 18:13 Asin dinara gñona sia ki Annas; ta sia iyo an panugagñan ni Caifas, na iyo an halangkao na sacerdote sa taon na iyan.

Joh 18:14 Si Caifas iyo an naghatol sa magña Judio, na marahay pa na an sarong tauo magadan sa lugar kan banuaan.

Joh 18:15 Asin si Simon Pedro nagsonod ki Jesus, asin saro pang discipulo. An dis-cipulong iyan midbid kan halangkao na sacerdote, asin lominaog na kaiba ni Jesus sa patio kan halangkao na sacer­dote.

Joh 18:16 Alagad si Pedro nagtitindog sa luas kan tata. Kaya idtong discipulo na mid-bid kan halangkao na sacerdote, nagluas asin nakiolay sa babaeng nagbabantay sa tata, asin pinalaog si Pedro.

Joh 18:17 An babae gñani na nagbabantay sa tata nagsabi ki Pedro, Saro ka man kan magña discipulo kan lalaking ini? Sia nagsabi, Bako ako.

Joh 18:18 An magña oripon asin an magña oficial, pakabaga nin oring, nagtitirindog duman; huli ta malipot; asin sinda nag-papahimbong: asin si Pedro man kaiba nindang nagtitindog asin nagpapahim-bong.

Joh 18:19 An halangkao na sacerdote gñani naghapot ki Jesus dapit kan saiyang magña discipulo, asin kan saiyang pag-tokdo.

Joh 18:20 Si Jesus nagsimbag saiya, Ako nag-taram nin hayag sa kinaban; asin ako parating nagtotokdo sa magña sinagoga, asin sa templo, na pinagtitiriponan kan gabos na Judio; asin dai ako nagtaram nin anoman sa hilom.

Joh 18:21 Tadao ta naghahapot ka sako? hapota an magña nakadagñog sako, kun ano an isinabi ko sainda: uya, an magña ini tatao kan magña isinabi ko.

Joh 18:22 Asin pakasabi kaini ni Jesus, tinap-long sia kan saro sa magña oficial na nagtitindog duman, na an sabi, Siring an pagsimbag mo sa halangkao na sacer­dote?

Joh 18:23 Si Jesus nagsimbag saiya, Kun ako nagtaram nin maraot, patotoohan mo an karat an: alagad kun marahay, tadao ta tinaplong mo ako?

Joh 18:24 Ipinadara sia gñani ni Annas, na gapos ki Caifas na halangkao na sacer­dote.

Joh 18:25 Asin si Simon Pedro nagtitindog asin nagpapahimbong. Sinda gñani nag-sarabi saiya, Saro ka man kan saiyang magña discipulo? Sia nagpainda asin nagsabi, Bako ako.

Joh 18:26 Saro kan magña oripon kan halang­kao na sacerdote, na pinsan kaidtong pinalogñan ni Pedro nin taligña, nagsabi, Bakong nahiling ko ika sa tatanman na kaiba nia?

Joh 18:27 Si Pedro gñani nagpainda liwat: asm tolos man tominuraok an manok.

Joh 18:28 Dinara gñani ninda si Jesus hale ki Caifas sagkod sa Pretorio: asin maatab pa; asin sinda dai nagralaog sa Pretorio, tagñaning dai sinda madigtaan kundi tagñaning makakakan kan pascua.

Joh 18:29 Si Pilato gñani nagluas sa sainda asin nagsabi, Anong sombong an dara nindo tumang sa tauong ini?

Joh 18:30 Sinda nagsirimbag asin nagsarabi saiya, Kun an tauong ini bakong para-guibong maraot, dai mi kutana sia itinao sa saimo.

Joh 18:31 Si Pilato gñani nagsabi sainda, Kuaon nindo sia, asin hokoman nindo siring sa saindong katogonan. An magña Judio nagsarabi, Bakong sono sa katogo­nan na kami magpagadan kiisay man:

Joh 18:32 Tagñaning maotob an tataramon na isinabi ni Jesus, na nagpapahayag kun sa anong kagadanan sia magagadan.

Joh 18:33 Si Pilato gñani naglaog liwat sa Pre-torio, asin nagapod ki Jesus, patin nag-sabi saiya, Iyo ika an Hade nin magña Judio?

Joh 18:34 Si Jesus nagsimbag, Ika man sana an nagsasabi kaini, 6 iba an nagsabi sai-mo kaiyan dapit sako?

Joh 18:35 Si Pilato nagsimbag, Tadao, Judio ako? An sadiri mong nacion asin an magña poon nin magña sacerdote iyo an nagtao saimo sa sako: ano an guinibo mo?

Joh 18:36 Si Jesus nagsimbag, An sakong kahadean bakong sa kinaban na ini: kun an sakong kahadean sa kinaban na ini, makikiiwal kutana an sakong magña sorogoon tagñaning dai ako ikatao sa magña Judio: kundi gñunian an sakong kahadean bakong guikan digdi.

Joh 18:37 Si Pilato gñani nagsabi saiya, Hade ka palan? Si Jesus nagsimbag, Ika an nagsasabi na ako hade. Ako namundag dahel kaini, asin ako napadigdi sa kina­ban dahelan kaini, tagñaning ako mag-patotoo kan katotoohan. An gabos na nasa katotoohan nagdadagñog kan sa­kong tigñog.

Joh 18:38 Si Pilato nagsabi saiya, Ano an katotoohan? Asin pakasabi nia kaini lominuas sia liwat sa magña Judio, asin nagsabi sainda, Ako daing nakukuang anoman na kasalan saiya.

Joh 18:39 Alagad igua akong kaugalean na ako magbutas sa saindo nin saro sa Pas-cua: boot gñani nindo na butasan ko sa saindo an Hade nin magña Judio?

Joh 18:40 Kaya sinda nagkururahao liwat, na an sabi, Bakong an tauong ini, kundi si Barrabas. Si Barrabas sarong tulisan.



Joh 19:1 Kaya kinapotan ni Pilato si Jesus, asin hinampak sia.

Joh 19:2 Asin an magña soidado nagsalapid nin sarong coronang tonok, asin ibinug-tak ninda idto sa saiyang payo, asin gui-nubigñan sia nin purpura;

Joh 19:3 Asin sinda nagdorolok sa saiya, asin nagsarabi, Tara, Hade nin magña Judio! asin tinaplong sia ninda.

Joh 19:4 Asin si Pilato nagluas liwat, asin nagsabi sainda, Uya, inaatubang ko sia sa saindo, tagñaning maisihan nindo na dai akong nakukuang anoman na kasa­lan sa saiya.

Joh 19:5 Si Jesus gñani nagluas, na may coronang tonok, asin gubing na purpura. Asin si Pilato nagsabi sainda, Uya, an tauo!

Joh 19:6 Kan mahiling sia gñani kan magña poon nin magña sacerdote asin kan magña oficial, nagkururahao sinda, na an sabi, Ipako sia sa cruz, ipako sia sa cruz! Si Pilato nagsabi sainda, Kuaon nindo sia, asin pakoan nindo sa cruz: huli ta dai akong nakukuang anoman na kasalan sa saiya.

Joh 19:7 An magña Judio nagsirimbag saiya, Igua kami nin sarong togon, asin siring sa togon na iyan sia maninigong gada-non, huli ta sia nagpapakang Aki nin Dios.

Joh 19:8 Kaya kan madagñog ni Pilato ining tataramon, ominorog an saiyang takot;

Joh 19:9 Asin naglaog sia liwat sa Pretorio, asin nagsabi ki Jesus, Taga saen ka? Ala-gad dai sia tinawan ni Jesus nin anoman na simbag.

Joh 19:10 Si Pilato gñani nagsabi saiya, Dai ka minataram sako? dai mo naiisihan na ako igua nin kapangyarihan sa pagbutas saimo, asin igua nin kapangyarihan sa pagpako saimo sa cruz?

Joh 19:11 Si Jesus nagsimbag saiya, Dai ka kutana nin kapangyarihan na tumang sako, kun dai iyan itinao saimo hale sa itaas: kaya an nagtao sako sa saimo igua nin orog pang kasalan.

Joh 19:12 Dagñan si Pilato naghigñoa na butasan sia: alagad an magña Judio nag­kururahao, na an sabi, Kun butasan mo ini, bako kang katood ni Cesar: an siisay man na nagpapakang hade nagtutumang ki Cesar.

Joh 19:13 Kan madagñog gñani ni Pilato ining magña tataramon, ilinuas nia si Jesus, asin tominukao sia sa hokoman, sa lugar na inaapod na Palitada, tara sa Hebreo, Gabbatha.

Joh 19:14 An aldao na idto iyo an Pagandam sa Pascua: may a las doce na. Asin sia nagsabi sa magña Judio, Uya, an sain-dong Hade.

Joh 19:15 Sinda gñani nagkururahao, Halea sia, halea sia, ipako sia sa cruz. Si Pilato nagsabi sainda, ipako ko sa cruz an sain-dong Hade? An magña poon nin magña sacerdote nagsirimbag, Dai kaming hade kundi si Cesar.

Joh 19:16 Dagñan gñani itinao nia sia sa sain­da, tagñaning ipako sa cruz.

Joh 19:17 Kinua gñani ninda si Jesus: asin sia, pasan an saiyang cruz, nagluas sa sa­rong lugar na inaapod An lugar nin bo-gño, na an gñaran sa Hebreo, Golgota:

Joh 19:18 Na duman ipinako ninda sia sa cruz, asin kaiba nia, dua pa, saro sa ma-gibongibong, asin si Jesus sa tahao.

Joh 19:19 Asin si Pilato nagsurat man nin sarong paisi, asin ibinugtak idto sa pamayohan kan cruz. Asin an nasusurat, SI JESUS NA TAGA NAZARET, AN HADE NIN MAGÑA JUDIO.

Joh 19:20 An paisi gñaning ini nabasa nin balakid na Judio, huli ta an lugar na pinakoan ki Jesus harani sa ciudad; asin idto nasusurat sa Hebreo, sa Latin, asin sa Griego.

Joh 19:21 An magña poon nin magña sacer­dote nin magña Judio nagsarabi gñani ki Pilato, Dai mo ipagsurat, An Hade nin magña Judio; kundi, na sia nagsabi, Ako Hade nin magña Judio.

Joh 19:22 Si Pilato nagsimbag, An isinurat ko, isinurat ko na.

Joh 19:23 An magña soldado gñani, pakapa-koan ki Jesus, kinua ninda an saiyang magña gubing, asin pinagapat, sa lam-bang soldado sarong kabtang; asin siring man an alikboy: tara an alikboy dai nin tahe, hinabol magpoon sa itaas sagkod sa ibaba.

Joh 19:24 Sinda gñani nagpaorolayolay, Dai ta ini pagguision, kundi pagsurugalan ta, kun mapakiisay iyan: tagñaning maotob an kasuratan, na nagsabi, Pinagbaragña ninda sa sainda an sakong magña gubing, Asin an sakong alikboy pinagsurugalan ninda.

Joh 19:25 Guinibo gñani an magña bagay na ini kan magña soldado. Asin nagtitirin-dog sa kataed kan cruz ni Jesus an sai­yang ina, asin an tugang nin saiyang ina, si Maria na agom ni Cleofas, patin si Maria Magdalena.

Joh 19:26 Kan mahiling gñani ni Jesus na nagtitindog duman an saiyang ina, asin an discipulo na namomotan nia, sia nag­sabi sa saiyang ina, Babae, uya, an sai-mong aki!

Joh 19:27 Dagñan sia nagsabi sa discipulo, Uya, an saimong ina! Asin magpoon sa oras na iyan dinara sia kan discipulo sa saiyang harong.

Joh 19:28 Pakatapus kaini, si Jesus, na naka-kaaram na an gabos na bagay tapus na, tagñaning maotob an kasuratan, nag­sabi, Ako napapaha.

Joh 19:29 Igua duman nin sarong lalagan na pano nin suka: kaya tinogod ninda sa hisopo an sarong esponja na ibinontog sa suka, asin itinoon ninda sa saiyang gñoso.

Joh 19:30 Kan maako na gñani ni Jesus an suka, sia nagsabi, Tapus na: asin idinoko nia an saiyang payo, asin hinonod an saiyang espiritu.

Joh 19:31 An magña Judio gñani, huli ta an aldao na idto iyo an Pagandam, tagña­ning an magña bangkay dai magkawara-lat sa cruz sa sabbath (huli ta an sabbath na iyan dakulang aldao), hinagad ninda ki Pilato na barareon an saindang magña tabay, asin na haleon sinda duman.

Joh 19:32 An magña soldado gñani nagda-ratong, asin binarare ninda an magña tabay kan naenot, asin kan saro na napa-pako sa cruz na kaiba nia:

Joh 19:33 Alagad pagabot ninda ki Jesus, asin kan mahiling na sia gadan na, dai na ninda binare an saiyang magña tabay:

Joh 19:34 Alagad binono an saiyang herog kan saro kan magña soldado na may garod, asin tolos man bominolos an dugo asin tubig.

Joh 19:35 Asin an nakahiling kaini nagpato-too, asin an saiyang patotoo tunay na gayo: asin sia nakakaaram na an saiyang sinasabi totoo, tagñaning kamo man magturubod.

Joh 19:36 Huli ta an magña bagay na ini nangyari, tagñaning maotob an kasura­tan, Daing tolang sia na mababare.

Joh 19:37 Asin may iba pang kasuratan na nagsasabi, Totorohokan ninda sia na saindang binono.

Joh 19:38 Asin pakatapus kan magña bagay na ini, si Jose na taga Arimatea, na dis-cipulo ni Jesus, kundi sa hilom sana sa takot sa magña Judio, naghagad ki Pila-to na togotan siang maghale kan bang-kay ni Jesus: asin tinogotan sia ni Pila-to. Napaduman sia gñani, asin hinale nia an bangkay ni Jesus.

Joh 19:39 Asin si Nicodemo man, idto na sa enot nagduman sa saiya na bangui, nag-datong na may darang sarong pinagsalak na mirra asin acibar, na may sangatos na libra.

Joh 19:40 Kaya kinua ninda an bangkay ni Jesus, asin pinatos idto sa magña gene-rong lino na may pahamot, siring sa kaugalean nin magña Judio sa paglobong.

Joh 19:41 Duman sa lugar na pinakoan saiya, may sarong tatanman; asin sa tatanman sarong bagong lolobgñan, na dai pa nin siisay man na ibinugtak dian.

Joh 19:42 Kaya dian ibinugtak ninda si Jesus, huli kan Pagandam nin magña Judio (ta an lolobgñan harani).



Joh 20:1 Kan enot na aldao nin semana si Maria Magdalena napaduman sa lolobgñan, na madiklom pa, asin nahi-ling nia na an gapo nahale na sa lolob­gñan.

Joh 20:2 Sia gñani nagdalagan, asin nagdu­man ki Simon Pedro, asin sa sarong discipulo na namomotan ni Jesus, asin nagsabi sainda, Hinale ninda an Kagu-rangnan sa lolobgñan, asin dai mi naa-araman kun saen sia ibinugtak.

Joh 20:3 Si Pedro gñani asin idtong sarong discipulo, nagluas asin nagduman sa lo­lobgñan.

Joh 20:4 Asin sindang dua nagdalagan: asin naombasan si Pedro kan sarong disci­pulo, asin sia naenot dumatong sa lolob­gñan;

Joh 20:5 Asin paghorohod asin pagtanao sa laog, nahiling nia an magña generong lino na napapadapla; alagad dai sia nag-laog.

Joh 20:6 Nagdatong man gñani si Simon Pedro na nagsosonod saiya, asin naglaog sa lolobgñan; asin nahiling nia an magña generong lino na napapadapla,

Joh 20:7 Asin an podong na nasa saiyang payo, na dai kaiba kan magña generong lino, kundi nalolokot na bulag.

Joh 20:8 Dagñan naglaog man an sarong dis­cipulo, na naenot dumatong sa lolob­gñan, asin nahiling nia asin tominubod sia,

Joh 20:9 Huli ta dai pa sinda tatao kan kasu-ratan, na sia kaipuhan na mabuhay liwat sa magña gadan.

Joh 20:10 Kaya an magña discipulo nagbalik sa saindang harong.

Joh 20:11 Alagad si Maria nagtitindog sa luas kan lolobgñan nagtatagñis: mantang nagtatagñis, sia naghorohod asin nagta-nao sa laog kan lolobgñan;

Joh 20:12 Asin nahiling nia an duang angel na nakagubing nin puti, nagtutukao, saro sa pamayohan asin saro sa pamitisan kan namugtakan kan bangkay ni Jesus.

Joh 20:13 Asin sinda nagsabi saiya, Babae, tadao ta nagtatagñis ka? Sia nagsabi sainda, Huli ta hinale ninda an sakong Kagurangnan, asin dai ko naaaraman kun saen sia ninda ibinugtak.

Joh 20:14 Pakasabi nia kaini, nagsaligñoy sia, asin nahiling nia si Jesus na nagtitindog, asin dai nia namidbid na iyo idto si Jesus.

Joh 20:15 Si Jesus nagsabi saiya, Babae, tadao ta nagtatagñis ka? siisay an hina-hanap mo? Sia, sa paghonahona na iyo idto an jardinero, nagsabi saiya, Kun ika, po, an naghale saiya, sabihi ako kun saen mo ibinugtak sia, asin kukuaon ko sia.

Joh 20:16 Si Jesus nagsabi saiya, Maria. Sia bominirik asin nagsabi saiya sa Hebreo, Rabboni; na an boot sabihon, Paratok-do.

Joh 20:17 Si Jesus nagsabi saiya, Dai mo ako pagdootan; huli ta dai pa ako nakakasa-kat sa Ama: alagad paduman ka sa sakong magña tugang, asin sabihi sinda, Masakat ako sa sakong Ama asin saindong Ama, asin sakong Dios asin sain-dong Dios.

Joh 20:18 Si Maria Magdalena nagduman, asin nagosip sa magfla discipulo, Nahi-ling ko an Kagurangnan; asin na sia nag-sabi saiya kan magña bagay na ini.

Joh 20:19 Dagñan kan bangui na, kan aldao na iyan na enot sa semana, asin kan pinto na an magña tata sa pinagtitiripo-nan kan magña discipulo, dahel sa takot sa magña Judio, nagdatong si Jesus, asin nagtindog sa tahao, patin nagsabi sain-da, Katiwasayan mapa saindo.

Joh 20:20 Asin pakasabi kaini, ipinahiling nia sainda an saiyang magña kamot asin an saiyang herog. An magña discipulo gñani nagkaorogma kan mahiling ninda an Kagurangnan.

Joh 20:21 Si Jesus gilani nagsabi sainda liwat, Katiwasayan mapa saindo: siring sa pag-kasogo sako kan Ama, siring man sino-sogo ko kamo.

Joh 20:22 Asin pakasabi kaini, hinayopan nia sinda, asin sinabihan, Akoa nindo an Espiritu Santo:

Joh 20:23 An kiisay man na magña kasalan na ipatawad nindo, iyan ipapatawad sainda; an kiisay man na magña kasalan na dai nindo ipatawad, iyan dai ipapatawad.

Joh 20:24 Alagad si Tomas na inaapod Didi-mo, saro kan kagdua, dai sa sainda kan pagdatong ni Jesus.

Joh 20:25 An magña ibang discipulo gñani nagsarabi saiya, Nahiling mi an Kagu-ragnan. Alagad sia nagsabi sainda, Kun dai ko mahiling sa saiyang magña kamot an magña tanda nin pako, asin kun dai ko ikalaog an sakong moro sa magña pinakoan, asin ikalaog an sakong kamot sa saiyang herog, dai ako matubod.

Joh 20:26 Asin pakalihis nin walong aldao an saiyang magña discipulo duduman liwat sa laog, asin si Tomas kaiba ninda. Si Jesus nagdatong, mantang pinto an ma­gña tata, asin nagtindog sa tahao, patin nagsabi, Katiwasayan mapa saindo.

Joh 20:27 Dagñan sia nagsabi ki Tomas, Abo-tan an saimong moro, asin hiligña an sakong magña kamot, asin abotan an saimong kamot, asin laogan sa sakong herog: asin bakong dai ka magtubod kundi magtubod.

Joh 20:28 Si Tomas nagsimbag asin nagsabi saiya, Kagurangnan ko, asin Dios ko.

Joh 20:29 Si Jesus nagsabi saiya, Huli ta ako nahiling mo, nagtubod ka: paladan an magña dai nakahiling alagad nagtubod.

Joh 20:30 Iba pang balakidon na tanda gña­ni an guinibo ni Jesus sa atubang kan magña discipulo, na dai nasusurat sa librong ini;

Joh 20:31 Alagad an magña ini nasusurat, tagñaning magturubod kamo na si Jesus iyo an Cristo, an Aki nin Dios; asin tagñaning sa pagtubod na iyan magkai-gua kamo nin buhay sa saiyang gñaran.



Joh 21:1 Pakatapus kan magña bagay na ini, si Jesus nagpahiling liwat sa saiyang magña discipulo sa dagat nin Tiberias; asin sia napahiling sa siring na paagui.

Joh 21:2 Nagkatiripon si Simon Pedro, asin si Tomas, na inaapod Didimo, asin si Natanael na taga Cana sa Galilea, asin an duang aki ni Zebedeo, patin dua pa kan saiyang magña discipulo.

Joh 21:3 Si Simon Pedro nagsabi sainda, Ako maninira. Sinda nagsarabi saiya, Kami man maiba saimo. Sinda nagharale, asin nagrulunad sa sakayan; asin sa banguing idto dai sindang nadakop.

Joh 21:4 Alagad kan nagaalagaag na, si Jesus duduman sa baybayon: alagad an magfla discipulo dai nagpakamidbid na idto iyo si Jesus.

Joh 21:5 Si Jesus gñani nagsabi sainda, Magña aki, igua kamong anoman na makaka-kan? Sinda nagsirimbag saiya, Dai.

Joh 21:6 Asin sia nagsabi sainda, Taktakan nindo an hikot sa too kan sakayan, asin kamo makakakua. Sinda gñani nagtak-tak, asin gñuniah sinda dai na nagpapa-kagoyod kaidto huli kan kadakolan nin sira.

Joh 21:7 Idtong discipulo gñani na namomo-tan ni Jesus nagsabi ki Pedro, An Kagu­rangnan ini. Kaya pakadagñog ni Simon Pedro na iyo idto an Kagurangnan, sia nagsolog kan saiyang bado (huli ta sia hukas), asin nagsogbo sa dagat.

Joh 21:8 Alagad an ibang discipulo nagguiri-lid sa sadit na sakayan (huli ta sinda bakong harayo, kundi may sangatos na metro hale sa baybayon), asin naggogo-royod kan hikot na pano nin sira.

Joh 21:9 Kaya pakahawas ninda, nahiling ninda an magña bagang naglalaad, asir an sarong sira na nasa ibabao, patin an tinapay.

Joh 21:10 Si Jesus nagsabi sainda, Pagdara kamo digdi nin sira sa magña nadakop nindo.

Joh 21:11 Si Simon Pedro gñani nagsakat sa sakayan, asin guinoyod nia sa baybayon an hikot na pano nin darakulang sira, sangatos may limang polo may tolo: asin minsan siring kadakol an sira dai naguisi an hikot.

Joh 21:12 Si Jesus nagsabi sainda, Madia, asin mamarahao na kamo. Asin dai nin siisay man sa magña discipulo na nangflahas maghapot saiya, Siisay ka? ta namidbid ninda na iyo idto an Kagurangnan.

Joh 21:13 Si Jesus nagdolok asin nagkua kan tinapay, patin nagtao sainda, asin siring man kan sira.

Joh 21:14 Ini iyo an ikatolong pagpahiling ni Jesus sa magña discipulo, poon na sia mabuhay liwat sa magña gadan.

Joh 21:15 Kaya pakapamarahao ninda, si Jesus nagsabi ki Simon Pedro, Simon, aki ni Jonas, namomoot ka sako nin orog ki sa magña ini? Sia nagsabi sa­iya, Oho, Kagurangnan; ika nakakaisi na ako namomoot saimo. Sia nagsabi saiya, Pasabsaba an sakong magña cordero.

Joh 21:16 Sia nagsabi saiya liwat sa ikadua, Simon, aki ni Jonas, namomoot ka sako? Sia nagsimbag saiya, Oho, Kagu­rangnan; ika nakakaisi na ako namo­moot saimo. Sia nagsabi saiya, Atamana an sakong magña carnero.

Joh 21:17 Sia nagsabi saiya sa ikatolo, Simon, aki ni Jonas, namomoot ka sako? Si Pedro namondo huli ta sia nagsabi saiya sa ikatolo, Namomoot ka sako? Asin sia nagsimbag saiya, Kagurangnan, ika naka­kaisi kan gabos na bagay; ika nakakaisi na ako namomoot saimo. Si Jesus nag­sabi saiya, Pasabsaba an sakong magña carnero.

Joh 21:18 Sa katotoohan, sa katotoohan, ako nagsasabi saimo, Kan ika aki pa, ika nagsasadiring maghigot kan saimong hagkos, asin naglalako kun saen an boot mo: alagad kun ika gumurang na, ika maghohonat kan saimong magña kamot, asin iba an maghahagkos asin magdadara saimo sa hinahaboan mo.

Joh 21:19 Ini itinaram nia sa pagpasabot kun sa anong kagadanan papamurawayon nia an Dios. Asin pakataram nia kaini, sia nagsabi saiya, Sumonod ka sako.

Joh 21:20 Sa pagsaligñoy ni Pedro, nahiling nia na nagsosonod an discipulo na namomotan ni Jesus; na kan pagpaman-gui sia man an nagsandig sa saiyang dag-han, asin nagsabi, Kagurangnan, siisay an mapasaloib saimo?

Joh 21:21 Si Pedro gñani, pagkahiling saiya, nagsabi ki Jesus, Kagurangnan, ano an guiguibohon kan tauong ini?

Joh 21:22 Si Jesus nagsabi saiya, Kun booton ko na sia maghalat sagkod na ako duma-tong, ano an labot mo? sumonod ka sako.

Joh 21:23 Kaya an tataramon na ini nakabu-yagyag sa magña katugagñan, na idtong discipulo dai magagadan: alagad si Jesus dai nagsabi saiya, na dai sia magagadan; kundi, Kun boot on ko na sia maghalat sagkod na ako dumatong, ano an labot mo?

Joh 21:24 Ini iyo an discipulo na nagpapa-totoo kan magña bagay na ini, asin nag-surat kaining magña bagay; asin kami nakakaisi na an saiyang patotoo totoong gayo.

Joh 21:25 Asin igua pa nin balakid na bagay na guinibo ni Jesus, na kun ini gabos isurat, sa luba ko, minsan an kinaban dai magkakanigo na bugtakan kan magña libro na ikakasurat.



AMAZING GRACE BIBLE INSTITUTE