Santiago


Jas 1:1 Si Santiago, na oripon nin Dios asin nin Kagurangnan na si Jesu-Cristo, sa kagduang tribu na nasa Pagkawarak, kagalagñan.

Jas 1:2 Ibilang nindong bilog na kaogma-han, magña tugang ko, kun kamo maho-log sa manlaenlaen na sugot;

Jas 1:3 Sa pakaaram na an pagbalo kan saindong pagtubod minaguibo nin paka-tios.

Jas 1:4 Asin togotan nindo na an pakatios magkaigua kan saiyang sangkap na gui-bo, tagñaning kamo maguin sagkap asin bilog, na dai nagkukulang nin anoman.

Jas 1:5 Alagad kun igua sa saindo nin nag­kukulang nin kadonogñan, humagad sia sa Dios, na nagtatao sa gabos nin nagso-sopay asin dai nagsasayuma; asin iyan itatao sa saiya.

Jas 1:6 Alagad humagad sia sa pagtubod, na dai magduadua sa anoman: huli ta an nagduduadua nakakabaing sa alon nin dagat, na ipinapadpad kan doros, asin inaapuak minsan saen.

Jas 1:7 Huli ta an tauong iyan dai maghona na sia maako nin anoman sa Kaguran­gnan;

Jas 1:8 An tauong may duang pagisip, ba-kong danay sa gabos niang dalan.

Jas 1:9 Alagad an tugang na hababa mag­muraway sa saiyang kahalangkawan:

Jas 1:10 Asin an mayaman, na sia ibinaba: huli ta siring kan burak nin doot sia maagui sana.

Jas 1:11 Huli ta an aldao minasirang na may kaibang doros na nakakatotong, asin minaalang kan doot; asin an burak kaiyan naririkdag, asin an kagayonan kaiyan napapahamak: siring man an mayaman mapapahamak sa saiyang magña paglakao.

Jas 1:12 Paladan an tauo na nagtitios nin sugot; huli ta kun sia nabalo na, sia maako kan corona nin buhay, na ipina-nuga nin Kagurangnan sa magña namo-moot saiya.

Jas 1:13 Kun an siisay man pinagsusugotan, dai sia magsabi, Ako pinagsusugotan nin Dios; huli ta an Dios dai masusugo-tan nin maraot, asin sia dai man nagsu-sugot sa kiisay man:

Jas 1:14 Alagad an lambang saro nasusugo-tan, kun sia nabobotong kan saiyang sadiring horot, asin nalulumay.

Jas 1:15 Dagñan an horot kun nagñidam na, nagñagñaki nin kasalan: asin an kasalan kun dakula na, nagñagñaki nin kagada-nan.

Jas 1:16 Dai kamo madayaan, magña namo-motan kong tugang,

Jas 1:17 An gabos na marahay na balaog asin an gabos na sangkap na balaog hale sa itaas, na naghihilig hale sa Ama nin kaliwanagan, na dian sa saiya dai nin pagliwatliwat, ni anino nin paglaenlaen.

Jas 1:18 Sa saiyang sadiring boot ipinagñaki nia kita huli kan tataramon nin katoto-ohan, tagñaning kita maguin bilang magña tinagba sa saiyang magña lina-lang.

Jas 1:19 Kamo nakakaaram kaini, magña namomotan kong tugang. Alagad an gabos na tauo maguin madale sa paghi-naniog, maluay sa pagtaram, maluay sa pagkaangot:

Jas 1:20 Huli ta an kaangotan nin tauo dai nagguiguibo kan katanosan nin Dios.

Jas 1:21 Kaya pakahalea kan gabos na ramog asin kan pagsopay nin karatan, akoa nindo sa kahoyoan an tataramon na nakatanom, na makakaligtas kan saindong magña kalag.

Jas 1:22 Alagad magui kamong magña para­guibo kan tataramon, asin bakb sanang magña paradagñog na nagdadaya sa saindo man sana.

Jas 1:23 Huli ta kun an siisay man para­dagñog kan tataramon, asin bakong paraguibo, sia nakakabaing sa tauo na naghihiling sa salming kan saiyang lalauogon.

Jas 1:24 Huli ta hinihiling nia sia man sana asin minahale, asin tolos man nakaka ligñao kun anong tauo sia.

Jas 1:25 Alagad an naghihiling sa sangkap na katogonan, sa katogonan nin liber-tad, asin nagdadanay dian, huling bakong paradagñog na naliligñao kundi paraguibo na nagguiguibo, an tauong ini bebendicionan sa saiyang guibo.

Jas 1:26 Kun an siisay man naghohona sa saiya man sana na sia maki-Dios, asin dai nia binubusalan an saiyang dila, kundi nagdadaya sa saiyang puso, an religion kan tauong ini basang sana.

Jas 1:27 An tunay na religion asin dai nin digta sa atubang nin satong Dios asin Ama iyo ini, an pagsongko sa magña daing ama, asin magña babaeng balo sa saindang magña kasakitan, asin an pagli-kay sa saiya man sana na dai madigtaan kan kinaban.



Jas 2:1 Magña tugang ko, dai nindo pag-honaon an pagtubod kan satong Kagurangnan na si Jesu-Cristo, an Ka­gurangnan nin kamurawayan, na may pagpalaenlaen sa magña tauo.

Jas 2:2 Huli ta kun lumaog sa saindong sinagoga an sarong tauo na may singsing na bulawan, asin gubing na mahalaga, asin lumaog man an sarong dukha na may gubing na maati;

Jas 2:3 Asin iguinalang nindo an may gu­bing na mahalaga, asin nasabi kamo, Tumukao ka digdi sa marahay na ka-mugtakan; asin nasabi kamo sa dukha, Magtindog ka dian, ó tumukao ka sa irarom kan sakong babatayan;

Jas 2:4 Dai dao kamo nagguiguibo nin pagpalaenlaen dian sa saindo man sana, asin naguiguin magña hokom na may magña maraot na paghonaho-na?

Jas 2:5 Maghinaniog kamo, magña tugang kong namomotan; bakong pinili nin Dios na an magña dukha dapit sa kina-ban maguin magña mayaman sa pagtu-bod, asin magña paramana kan kaha-dean na saiyang ipinanuga sa magña namomoot saiya?

Jas 2:6 Alagad hinalean nindo nin dagñog an dukha. Bakong pinapasakitan kamo kan magña mayaman, asin sinda man sana minagoyod saindo sa atubang nin magña hokoman?

Jas 2:7 Bakong linalanghadan ninda an sain-dong marahay na gñaran na ipinagaapod saindo?

Jas 2:8 Minsan siring kun otobon nindo an katogonan kan hade, sono sakasuratan, Mamotan mo an saimong kataed siring sa saimo man sana, nagguiguibo kamo nin marahay:

Jas 2:9 Alagad kun kamo nagpapalaenlaen nin magña tauo, kamo nagkakasala, huling pinapamate kan katogonan na siring sa magña paralapas.

Jas 2:10 Huli ta an siisay m,an na magotob kan bilog na katogonan alagad masing-kog sa sarong kabtang, sia nagkakasala sa bilog na katogonan.

Jas 2:11 Huli ta idtong nagsabi, Dai ka mag-sambay, nagsabi man, Dai ka maggadan. Kaya kun ika dai nagsasambay, alagad naggagadan, ika naguiguin paralapas kan katogonan.

Jas 2:12 Magtaram kamo nin siring, asin magguibo nin siring, siring sa magña tauong hohokoman sa katogonan nin libertad.

Jas 2:13 Huli ta an paghokom dai nin pag-kaherak sa magña dai nagpahayag nin pagkaherak: an pagkaherak nananagsag tumang sa paghokom.

Jas 2:14 Magña tugang ko, ano an pakikina-bagñon kun an tauo magsabi na sia may pagtubod, alagad dai nin magña guibo? makakaligtas dao saiya an pagtubod?

Jas 2:15 Kun an tugang na lalaki ó babae huba, asin nagkukulang nin kakanon sa aroaldao,

Jas 2:16 Asin an saro sa saindo magsabi sainda, Lakao kamo sa katoninogñan, mahimbong kamo asin mabasog; alagad dai nindo sinda tinatawan kan magña bagay na kaipuhan sa hawak; ano an pakinabang kaiyan?

Jas 2:17 Siring man an pagtubod, kun iyan dai nin magña guibo, gadan sa saiya man sana.

Jas 2:18 Iyo, an tauo masabi, Ika igua nin pagtubod, asin ako igua nin magña guibo: pahayagan sako an saimong pag tubod na bulag sa saimong magña guibo, asin ako mapahayag saimo kan sakong pagtubod huli kan sakong magña guibo.

Jas 2:19 Ika nagtutubod na an Dios saro sana; marahay an guiniguibo mo: an magña demonio man nagtutubod, asin nagtatakig.

Jas 2:20 Alagad boot mong maaraman, O tauong hamak, na an pagtubod na bulag sa magña guibo gadan?

Jas 2:21 Bakong si Abraham na satong ama pinakangmatanos huli sa magña guibo, kan idolot nia sa altar si Isaac na saiyang aki?

Jas 2:22 Ika nakakahiling na an pagtubod nagguiguibo na katabang kan saiyang magña guibo, asin an pagtubod nasang-kap huli sa magña guibo;

Jas 2:23 Asin naotob an kasuratan na nag-sasabi, Asin si Abraham nagtubod sa Dios, asin iyan ibinilang sa saiya na kata-nosan; asin sia inapod na katood nin Dios.

Jas 2:24 Kamo nakakahiling na an tauo pinapakangmatanos huli sa magña gui­bo, asin bako sanang huli sa pagtubod.

Jas 2:25 Asin sa siring man na paagui bakong si Rahab na maraot na babae pinakangmatanos huli sa magña guibo, kan akoon nia an magña sinogo, asin palakawon sinda sa ibang dalan?

Jas 2:26 Huli ta siring na an hawak kun bulag sa espiritu gadan, siring man an pagtubod kun bulag sa magña guibo gadan.



Jas 3:1 Magña tugang ko, dai maguin ma­gña paratokdo an kadaklan sa sain­do, sa pakaaram na kita magkakamit nin orog kagabat na silot.

Jas 3:2 Huli ta sa dakol na bagay kita nasi-singkog. Kun igua nin dai nasisingkog sa pagtaram, an siring na tauo sangkap, na nakakabusal kan bilog na hawak.

Jas 3:3 Gñunian, kun binubusalan ta an magña gñoso nin magña kabayo tagña-ning sinda magkuyog sato, napapabirik ta man an bilog nindang hawak.

Jas 3:4 Hiligña man nindo an magña saka-yan, minsan sinda siring kadarakula, asin ipinapadpad nin magña makosog na doros, alagad napapabirik nin saróng sadagñoton na timon kun saen an boot kan paraolin.

Jas 3:5 Siring man an dila sarong sadit na kabtang, asin nananagsag nin daraku-lang bagay. Hiligña kun gurano kadaku-lang kadlagan an nasosolo kan kadikit nakalayo!

Jas 3:6 Asin an dila sarong kalayo: an kina-ban nin karatan sa satong magña kab­tang iyo an dila, na minadigta kan bilog na hawak, asin minasolo kan rueda nin buhay, patin sinosolo kan infierno.

Jas 3:7 Huli ta an gabos na clase nin magña hayop asin magña gamgam, asin magña nagkakanap patin magña bagay sa da-gat, anan napapagaro asin napagaro nin tauo:

Jas 3:8 Alagad dai nin siisay man na tauo na makakapagaro kan dila; sarong mara-ot na dai nagoontok, pano nin hilo na nakakagadan.

Jas 3:9 Huli kaiyan kita nagoomao sa Ka-gurangnan asin Ama; asin huli kaiyan kita nagmumuda sa magña tauo, na gui-nibo sa kabaing nin Dios:

Jas 3:10 Sa iyo man sanang gñoso naluas an pagomao asin an pagmuda. Magña tugang ko, an magña bagay na ini dai maninigong mapaniring.

Jas 3:11 Napaluas dao an sarong burabod sa iyo man sanang loho nin tubig na maha-mis asin mapait?

Jas 3:12 Magña tugang ko, makakabugña dao an higuera nin magña oliva, ó an uvas nin magña higos? Siring man an maasgad na tubig dai makakapaluas nin mahamis.

Jas 3:13 Siisay an madonong asin nakakasa-bot dian sa saindo? ipahayag nia huli kan saiyang marahay na buhay an sai-yang magña guibo sa kahoyoan nin kadonogñan.

Jas 3:14 Alagad kun kamo igua nin mapait na kaurihan asin pagkabagña sa saindong puso, dai kamo managsag, asin dai mag-putik tumang sa katotoohan.

Jas 3:15 An kadonogñan na ini bakong kadonogñan na hale sa itaas, kundi sa daga, sa laman, sa diablo.

Jas 3:16 Huli ta kun saen an kaurihan asin pagkabagña, dian igua nin karibokan asin gabos na guibong maraot.

Jas 3:17 Alagad an kadonogñan na hale itaas, enot na gayo tunay, dagrian mati wasay, maboot, masayon na pakimahe-rakan, pano nin pagkaherak asin magña marahay na bugña, dai nagliliwatliwat, dai nin pagsaguinsaguin.

Jas 3:18 Asin an bugña nin katanosan itina-tanom sa katoninogñan manogñod sa magña nagguiguibo nin katoninogñan.



Jas 4:1 Saen minaguikan an magña ralaban asin saen minaguikan an magña iriwal dian sa saindo? bakong iyan mina­guikan digdi, sa saindong magña pagpao-yon na nagraralaban sa saindong magña kabtang?

Jas 4:2 Kamo naghohorot, asin dai nagka-kamit: kamo naggagadan, asin naaara, asin dai nakakakua: kamo nakikiiwal asin nakikilaban; dafkamo nagkakamit, huli ta dai kamo naghahagad.

Jas 4:3 Kamo naghahagad asin dai nagaako, huli ta sala an saindong paghagad, tagña-ning gamiton nindo iyan sa saindong magña pagpaoyon.

Jas 4:4 Kamong magña parapasambay, dai kamo nakakaaram na an pakipagkatood sa kinaban iyo an pakipagiwal sa Dios? Kaya an siisay man na boot maguin katood kan kinaban naguiguin kaiwal nin Dios.

Jas 4:5 Ó naghohona kamo na an kasuratan nagsasabi nin basang? Nagmamawot dao nin kaurihan an espiritu na pinapagerok nia sa sato?

Jas 4:6 Alagad sia nagtatao nin orog na biyaya. Kaya an kasuratan nagsasabi, An Dios minatumang sa magña mapa-langkao, alagad minatao nin biyaya sa magña mapakumbaba.

Jas 4:7 Kaya pumasakop kamo sa Dios; alagad tumumang kamo sa diablo, asin sia madulag sa saindo.

Jas 4:8 Rumani kamo sa Dios, asin sia marani sa saindo. Magña parakasala, hanawe nindo an saindong magña kamot; asin kamo na iguang duang pag-isip, linigui nindo an saindong magña puso.

Jas 4:9 Magsakit kamo, asin magmondo, patin magtagñis: guiboha nindong ka-mondoan an saindong paggñisi, asin an saindong kaogmahan maguin kamon-doan.

Jas 4:10 Magpakumbaba kamo sa atubang nin Kagurangnan, asin papalangkawon kamo nia.

Jas 4:11 Magña tugang, dai kamo magparili-baklibakan. An naglilibak sa tugang, ó naghohokom sa saiyang tugang, nagta-taram tumang sa katogonan, asin nag­hohokom kan katogonan: alagad kun ika naghohokom kan katogonan, bako kang paraotob kan katogonan, kundi sarong hokom.

Jas 4:12 Saro sana an paratao kan katogo­nan asin hokom, sia na makakaligtas asin makakalaglag: alagad siisay ka na naghohokom sa saimong kataed?

Jas 4:13 Madia na, kamo na nagsasabi, Gñunian ó sa aga kami maduman sa siring na ciudad, asin maontok duman nin sangtaon, asin mabariwas, patin magpakinabang:

Jas 4:14 Mantang dai kamo nakakaaram kun ano an mangy ay ari sa aga. Ano an saindong buhay? Huli ta kamo sarong alopoop na minatugña sa kadikit na panahon, asin napapara sana.

Jas 4:15 Maninigo kutana kamong magsabi, Kun booton nin Kagurangnan, kami mabubuhay, asin maguibo kaini ó kai-yan.

Jas 4:16 Alagad gñunian kamo nananagsag sa saindong magña kapaabaoabawan: an gabos na siring na kapanagsagan anan maraot.

Jas 4:17 Kaya sa tataong gumibo nin mara-hay asin dai minaguibo kaiyan, sa saiya iyan kasalan.



Jas 5:1 Madia na, kamong magña maya­man, magtagñis kamo asin magu-gñal huli kan saindong magña kasakitan na madatong sa saindo.

Jas 5:2 An saindong magña kayamanan nag-kararaot, asin an saindong magña gubing kinarakan nin bokbok.

Jas 5:3 An saindong bulawan asin pirak tinarakla; asin an saindang takla manini patotoo tumang saindo, asin makakan kan saindong laman nin siring sa kalayo. Kamo nagrimpos na kan saindong kaya­manan sa huring magña aldao.

Jas 5:4 Uya, nagkukurahao an tandan kan magña paraaldao na nagani sa saindong magña oma, na saindong pinogol huli sa daya: asin an magña kinurahao kan magña nagani nakaabot sa magña taligña kan Kagurangnan nin magña hukbo.

Jas 5:5 Kamo namuhay sa daga sa pagpao-yon, asin kinua na nindo an saindong kaogmahan; pinakakan na nindo an sain­dong magña puso sa aldao nin paggadan.

Jas 5:6 Sinilotan nindo, guinadan nindo an matanos; sia dai minatumang saindo.

Jas 5:7 Kaya, magña tugang, magtios kamo sagkod sa pagdatong nin Kagurangnan. Uya, an parababol naghahalat kan maha-lagang bugña nin daga, na nagtitios ma-nogñod kaiyan, sagkod na iyan omako kan amay asin huring oran.

Jas 5:8 Magtios man kamo; parigona nindo an saindong magña puso: huli ta an pag­datong nin Kagurangnan harani na.

Jas 5:9 Magña tugang, dai kamo magpa-sorosorombong, tagñaning dai kamo hokoman: uya, an hokom nagtitindog sa atubang kan magña tata.

Jas 5:10 Magña tugang ko, kuaa nindo na arogan sa pagsakit asin sa pagtios an magña profeta na nagtaram sa gñaran nin Kagurangnan.

Jas 5:11 Uya, inaapod tang paladan an nakatagal: nadagñog na nindo an pa-katios ni Job, asin nahiling an kato-yohan nin Kagurangnan, na an Ka­gurangnan pano nin pagkaherak asin maboot.

Jas 5:12 Alagad sa gabos, magña tugang ko, dai kamo magsumpa, minsan huli kan lagñit, ni huli kan daga, ni huli sa ano-man na sumpa: kundi an saindong oho mani oho, asin an saindong dai mani dai; tagñaning dai kamo maholog sa silot.

Jas 5:13 May nagsasakit dian sa saindo? mamibi sia. May nasa kaogmahan? magawit sia nin pagomao.

Jas 5:14 May naghehelang dian sa saindo? omapod sia kan magña magurang kan simbahan; asin sinda mamibi manogñod saiya, na lahidan sia nin lana sa gñaran nin Kagurangnan:

Jas 5:15 Asin an pamibi nin pagtubod maligtas sa naghehelang, asin babagño-non sia nin Kagurangnan; asin kun sia nakaguinibo nin magña kasalan, iyan ipapatawad saiya.

Jas 5:16 Kaya magpaturugatuga kamo kan saindong magña kasalan, asin mamibi an lambang saro manogñod sa iba, tagña­ning magkaoromayan kamo; an paggña-yogñayo nin banal nakakahimo nin dakol sa pagguibo kaiyan.

Jas 5:17 Si Elias sarong tauo na may magña pakamate siring sato, asin sia namibi nin maigoton na dai omoran; asin dai omi-noran sa ibabao nin daga sa tolong taon asin anom na bulan.

Jas 5:18 Asin sia namibi liwat; asin an lagñit tominao nin oran, asin an daga pomina-luas kan saiyang bugña.

Jas 5:19 Magña tugang ko, kun an saro sa saindo nalalagalag sa katotoohan, asin may saro na makapabakle saiya,

Jas 5:20 Makaaram sia, na an nakapabakle nin parakasala sa pagkalagalag sa saiyang dalan, makakaligtas nin sarong kalag sa kagadanan, asin makakatahob nin ka-daklan na kasalan.



AMAZING GRACE BIBLE INSTITUTE