Hebreos


Heb 1:1 An Dios, pakapagtaram kaidto sa magña kaganak dian sa magña pro-feta sa manlaenlaen na panahon asin sa manlaenlaen na paagui,

Heb 1:2 Nagtaram sato sa kahurihurihi kan magña aldao na ini dian sa saiyang Aki, na saiyang ibinugtak na paramana kan gabos na bagay, na huli saiya man lina-lang nia an magña kinaban;

Heb 1:3 Na sia huling iyo an banaag nin sai­yang kamurawayan, asin an tunay na ladawan nin saiyang pagka-Dios, asin nagkakapot kan gabos na bagay huli kan tataramon nin saiyang kapangya-rihan, pakaliniga nia kan magña kasa-lan, sia tominukao sa too kan Kapang-yarihan sa kaitaasan;

Heb 1:4 Na huli kaiyan sia naguin orog ki sa magña angel, huli ta sia nagmana nin orog kahalangkao na gñaran ki sa sainda.

Heb 1:5 Huli ta sa kiisay sa magña angel nagtaram sia kasuarin man, Ika iyo an sakong Aki, Ipinagñaki taka gñunian? asin sa liwat, Ako maguiguin Ama nia, Asin sia maguiguin Aki kong lalaki?

Heb 1:6 Asin sa liwat kan darahon nia an pagñanay sa kinaban sia nagsabi, Asin an gabos na angel nin Dios sumamba saiya.

Heb 1:7 Asin dapit kan magña angel sia nagsasabi, Guiniguibo niang magña doros an saiyang magña angel. Asin naglalaad na kalayo an saiyang magña paralingkod:

Heb 1:8 Alagad dapit kan Aki sia nagsasabi, An saimong trono, O Dios, magda-danay sagkod lamang; Asin an cetro nin katanosan iyo an cetro kan saimong kahadean.

Heb 1:9 Namotan mo an katanosan, asin saimong Dios, Kan lana nin kaogmahan nin labi naogñisan mo an karatan; Kaya linahidan ka nin Dios, an pa ki sa saimong magña kapua.

Heb 1:10 Asin, Ika, Kagurangñan, sa kapinonan nagbugtak kan pasisikadan nin daga, Asin an kalagñitan anan na guibo kan saimong magña kamot:

Heb 1:11 Sinda mapapara; alagad ika mag-dadanay: Asin sinda gabos madadaan siring sa sarong gubing;

Heb 1:12 Asin siring sa sarong alikboy lolo-koton mo sinda, Siring sa gubing, asin sinda maliliwat: Alagad ika iyo man guiraray, Asin an saimong magña taon dai matatapus.

Heb 1:13 Alagad sa kiisay sa magña angel nagtaram sia kasuarin man, Tumukao ka sa too ko, Sagkod na maguibo ko an saimong magña kaiwal na batayan nin saimong magña bitis?

Heb 1:14 Bakong sinda gabos magña para-lingkod na espiritu na sinogo sa paggui-bo kan paglingkod manogñod sa magña magmamana nin kaligtasan?



Heb 2:1 Kaya kita kaipuhan na tumao nin orog na pagigñat kan magña bagay na nadagñog, ta tibaad kun kita maka-bulag dian.

Heb 2:2 Huli ta kun an tataramon na itina-ram huli sa magña angel nagdanay, asin an gabos na kalapasan asin kasumbika-lan nagkamit nin matanos na balos;

Heb 2:3 Paano na kita makadulag, kun kita magpabaya kan siring kadakulang kalig­tasan? na iyan pakataraman kaidto kan Kagurangnan, pinatotoohan sato kan magña nakadagñog;

Heb 2:4 An Dios man nagpatotoo sa kaiba-han ninda, huli sa magña tanda asin magña gñagñalasan, asin sa manlaenlaen na kapangyarihan, patin sa magña balaog nin Espiritu Santo sono sa sai-yang boot.

Heb 2:5 Huli ta dai nia ipinasakop sa magña angel an madatong na kinaban, na dapit kaiyan kami nagtataram.

Heb 2:6 Alagad igua nin saro na nagpatotoo sa sarong lugar, na an sabi, Ano an tauo, ta naguiguiromdoman mo? Ó an Aki nin tauo, ta sinosongko mo?

Heb 2:7 Sia guinibo mong hababa nin kadikit ki sa magña angel; Sia kinoronahan mo nin kamura-wayan asin kaomawan,Asin ibinugtak mo sa ibabao kan magña guibo nin saimong magña kamot:

Heb 2:8 Ipinasakop mo an gabos na bagay sa irarom nin saiyang magña bitis. Ta huling ipinasakop nia saiya an gabos na bagay, dai siang tinada na dai ipina­sakop saiya. Alagad gñunian dai ta pa nahihiling na an gabos na bagay sakop na nia.

Heb 2:9 Alagad nahihiling ta an guinibong hababa nin kadakit ki sa magña angel, si Jesus, na nakokoronahan nin kamurawa-yan asin kaomawan huli kan kasakitan nin kagadanan, tagñaning huli sa biyaya nin Dios manamitan nia an kagadanan manogñod sa lambang tauo.

Heb 2:10 Huli ta agñay saiya na an gabos na bagay manogñod saiya, asin an gabos na bagay huli saiya, sa pagdara sa kamura-wayan nin balakid na aki, na magsang-kap huli sa kasakitan kan kagguibo kan saindang kaligtasan.

Heb 2:11 Huli ta an nagpapakangbanal asin an magña pinapakangbanal anan guikan sa saro: na huli kaiyan dai sia nasosopog na magapod saindang magña tugang,

Heb 2:12 Na an sabi, Ipapahayag ko an saimong gñaran sa sakong magña tugang, Sa tahao kan congregacion aawiton ko an saimong kaomawan.

Heb 2:13 Asin sa liwat, Ako mananarig sa saiya. Asin sa liwat, Uya, ako asin an magña aki na itinao sa sako nin Dios.

Heb 2:14 Kaya huling an magña aki kada-may sa laman asin sa dugo, sia man sa siring na paagui nakiambit dian kaiyan; tagñaning huli sa kagadanan malaglag. nia an igua kan kapangyarihan nin kagadanan, na iyo an diablo;

Heb 2:15 Asin ikaligtas nia an gabos na huli sa takot sa kagadanan magña sakop kan kaoripnan sa bilog nindang pagkabuhay.

Heb 2:16 Huli ta sa katotoohan bakong sa magña angel sia nagtatao nin tabang, kundi sia nagtatao nin tabang sa banhi ni Abaraham.

Heb 2:17 Kaya maninigo saiya na sa gabos na bagay makabaing sa saiyang magña tugang, tagñaning sia maguin mahehe-rakon asin maimbod na halangkao na sacerdote sa magña bagay na manogñod sa Dios, sa pagbayad manogñod sa magña kasalan kan banuaan.

Heb 2:18 Ta huling sia man sana nagtios na pinagsugotan, sia makakasorog sa magña pinagsusugotan.



Heb 3:1 Kaya magña tugang na banal, ma­gña kadamay dian sa lagñitnon na pagapod, horophoropa nindo an Apos-tol asin Halangkao na Sacerdote nin satong pagtubod, na iyo si Jesus;

Heb 3:2 Na sia maimbod sa nagpamugtak saiya, na siring man si Moises sa bilog niang harong.

Heb 3:3 Huli ta sia ibinilang na agñay sa orog na kamurawayan ki kan ki Moises, isiring na an nagtogdok kan harong igua nin orog na kaomawan ki kan harong.

Heb 3:4 Huli ta an lambang harong igua nin kagguibo, alagad an kagguibo kan gabos na bagay iyo an Dios.

Heb 3:5 Asin si Moises sa katotoohan maim­bod sa bilog niang harong, siring sa ori-pon, sa pagpatotoo kaidtong magña isasabi gñapit;

Heb 3:6 Alagad si Cristo, siring sa aki, sa saiyang harong; na kita iyo an saiyang harong kun papagdanayon ta sagkod sa katapusan an satong kaisogan asin an pagmuraway kan satong paglaom.

Heb 3:7 Kaya siring sa isinasabi kan Espiritu Santo, Gñunian kun dadagñogon nindo an saiyang tigñog,

Heb 3:8 Dai nindo pagpatagason an sain-dong magña puso, siring kan pagpaangot, Siring kan aldao kan pagtokso duman sa kapatagan,

Heb 3:9 Saen tinokso ako kan saindong magña kaganak huli sa pagbalo sako, Asin nahiling an sakong magña guibo sa apat na polong taon.

Heb 3:10 Kaya dai ko naoyonan an kapaga-rakian na ini, Asin ako nagsabi, Sinda danay na nasasala sa saindang puso: Alagad dai sinda tatao kaidto kan sakong magña paagui;

Heb 3:11 Siring sa isinumpa ko sa sakong kaangotan, Dai sinda makakalaog sa sakong kapahigñaloan.

Heb 3:12 Magigñat kamo, magña tugang, tibaad magkaigua sa kiisay man sa sain-do nin maraot na puso nin dai pagtu­bod, sa pakabulag sa buhay na Dios:

Heb 3:13 Kundi magpasaradolsadol kamo aroaldao, mantang pinagaapod Gñunian; tibaad an siisay man sa saindo mapata-gas kan kadayaan nin kasalan:

Heb 3:14 Huli ta kita nakikinabang ki Cristo, kun papagdanayon ta sagkod sa katapu­san an kapinonan kan satong panarig:

Heb 3:15 Mantang sinasabi, Gñunian kun dadagñogon nindo an saiyang tigñog, Dai nindo pagpatagason an sain­dong magña puso, siring kan pagpaangot.

Heb 3:16 Huli ta saisay, kan pakadagñog nin-da, nagpaangot? bakong sinda gabos na naghale sa Egipto huli ki Moises?

Heb 3:17 Asin sa kiisay sia naangot sa apat na polong taon? bakong sa magña nag-kasala, na an saindang magña hawak nagkapurukan sa kapatagan?

Heb 3:18 Asin sa kiisay sia nagsumpa na sinda dai makakalaog sa saiyang kapa­higñaloan, kun bakong sa magña ma-sumbikal?

Heb 3:19 Asin nahihiling ta na sinda dai nakalaog huli sa dai pagtubod.



Heb 4:1 Kaya matakot kita, tibaad an siisay man sa sato dai makaabot sa panu-gang nawawalat pa na iyo an paglaog sa saiyang kapahigñaloan.

Heb 4:2 Huli ta sa katotoohan pinaghulitan na kita kan marahay na bareta, siring man sainda: alagad an tataramon na nadagñog dai pinakinabagñan kan naka-dagñog, huli ta iyan dai nakasaro sain-da sa pagtubod.

Heb 4:3 Huli ta kita na nagtubod naglalaog sa kapahigñaloan na iyan; siring sa saiyang isinabi, Siring sa isinumpa ko sa sakong kaangotan, Dai sinda makakalaog sa sakong kapahigñaloan: minsan an magña guibo natapus na magpoon kan pagJalagña kan kinaban.

Heb 4:4 Huli ta sa sarong lugar sia nagsabi nin siring kaini dapit kan ikapitong aldao, Asin an Dios nagpahigñalo sa gabos niang guibo sa ikapitong aldao;

Heb 4:5 Asin sa liwat digdi, Sinda dai makakalaog sa sakong kapahigñaloan.

Heb 4:6 Kaya huling nagdadanay na an nag-kapira lumaog dian kaiyan, asin idtong magña napaghulitan kan marahay na bareta dai nakalaog huli sa kasumbika-lan,

Heb 4:7 Sia nagtalaan liwat nin sarong aldao, Gñunian, an sabi sa ki David, pakalihis nin halawig na panahon (siring sa isina­bi na kaidto), Gñunian kun dadagñogon nindo an saiyang tigñog, Dai nindo pagpatagason an sain-dong magña puso.

Heb 4:8 Huli ta kun sinda tinawan ni Josue nin kapahigñaloan, dai na kutana sia nagtaram pakatapus kaidto dapit sa ibang aldao.

Heb 4:9 Kaya igua pang natatada na sabbath nin kapahigñaloan manogñod sa banua-an nin Dios.

Heb 4:10 Huli ta idtong lominaog na sa sai­yang kapahigñaloan, nagpahigñalo na man sa saiyang magña guibo, siring kan guinibo nin Dios.

Heb 4:11 Kaya magmaigot kita na makalaog sa kapahigñaloan na iyan, tagñaning dai nin siisay man na maholog sa siring na padara nin kasumbikalan.

Heb 4:12 Huli ta an tataramon nin Dios buhay, asin nagguiguibo, asin matarom pa ki sa arin man na minasbad na may duang tarom, asin makakalagbas minsan sagkod sa pagbulag kan kalag asin espiri-tu, kan magña pagsokmolan asin hotok, patin madale sa pagmidbid kan magña kaisipan asin magña mawot nin puso.

Heb 4:13 Asin dai nin linalang na dai naha-hayag sa saiyang paghiling: kundi an gabos huba asin bukas sa atubang kan magña mata kaidtong pagtatawan ta nin kahusayan.

Heb 4:14 Kaya huling igua nin sarong daku-lang halangkao na sacerdote na nakaagui na sa kalagñitan, si Jesus na Aki nin Dios, magdanay kita sa satong pagtu­bod.

Heb 4:15 Huli ta dai kita nin sarong halang­kao na sacerdote na dai mahehero sa pakamate kan satong magña kaluyahan; kundi saro na pinagsugotan sa gabos na bagay siring sato, alagad dai nin kasalan.

Heb 4:16 Kaya sa bilog na kaisogan magdo-lok kita sa trono nin biyaya, tagñaning makaako nin pagkaherak, asin makakua nin biyaya na makakatabang sato sa panahon nin pagñagñaipo.



Heb 5:1 Huli ta an gabos na halangkao na sacerdote pakakuaa hale sa magña tauo, ibinubugtak manogñod sa magña tauo dian sa magña bagay na manogñod sa Dios, tagñaning sia makapagdolot nin magña balaog asin magña atang manogñod sa magña kasalan:

Heb 5:2 Na sia sa kabootan makakatios kan magña mangmang asin magña nalalaga-lag, huli ta sia man nalilibotan nin kalu­yahan;

Heb 5:3 Asin huii kaiyan sia maninigo na magdolot manogñod sa magña kasalan na bako sanang manogñod sa magña tauo kundi manogñod saiya man.

Heb 5:4 Asin dai nin siisay man na nakaka-kua kaining kaomawan manogñod sa saiya man sana, kun dai sia inaapod nin Dios, siring ki Aaron.

Heb 5:5 Siring man si Cristo dai nagpamu-raway sa saiya man sana na naguin halangkao na sacerdote, kundi idtong nagsabi saiya, Ika iyo an sakong Aki, Ipinagñaki taka gñunian:

Heb 5:6 Siring man sa isinabi nia sa ibang lugar, Ika sarong sacerdote sagkod lamang Siring sa orden ni Melquisedec.

Heb 5:7 Na sia kan magña aldao nin saiyang laman, pakapagdolot nin magña pamibi asin paggñayogñayo na may makosog na pagtagñis asin magña luha sa makakalig-tas saiya sa kagadanan, asin pakadagño-ga saiya huli kan saiyang takot na dios-non,

Heb 5:8 Sia minsan Aki, Alagad nakanood nin pagkuyog huli kan magña bagay na saiyang tinios;

Heb 5:9 Asin pakasangkapa, sia naguin kag-guibo kan dai nin katapusan na kaligta-san sa gabos na nagkukuyog saiya;

Heb 5:10 Na ibinugtak nin Dios na halang-kao na sacerdote, siring sa orden ni Melquisedec.

Heb 5:11 Na dapit saiya igua kami nin dakol na ipagsasabi asin mapawot na pagsabo-ton, huli ta kamo maluya sa pagdagñog.

Heb 5:12 Huli ta sa panahon na kamo mani-nigo na kutanang maguin magña para-tokdo, kamo nagñagñaipo pa guiraray na may magtokdo saindo kan magña enot na katokdoan kan magña enot na kahologan kan magña tataramon nin Dios; asin naguin magña siring sa ma­gña nagñagñaipo pa nin gatas, asin bakong kakanon na matagas.

Heb 5:13 Huli ta an siisay man na nagkaka-kan nin gatas dai pa nin kinabatidan sa tataramon nin katanosan; huli ta sia om-boy pa.

Heb 5:14 Alagad an matagas na kakanon manogñod sa magña darakula na, na iyo idtong, huli sa paggamit nakapagpatood kan saindang magña pakamate sa pag-midbid kan marahay asin kan maraot.



Heb 6:1 Kaya sa pagbaya kan magña enot na katokdoan manogñod ki Cristo, magpadagos kita sa enotan pasiring sa pagkasangkap; na dai na sa liwat mag-bugtak kan pasisikadan nin pagsolsol sa magña gadan na guibo, asin nin pagtu-bod sa Dios,

Heb 6:2 Nin katokdoan nin magña buniag, asin nin pagdoon nin magña kamot, asin nin pagkabuhay liwat kan magña gadan, patin nin paghokom na dai nin katapu­san.

Heb 6:3 Asin ini an guiguibohon mi, kun itogot nin Dios.

Heb 6:4 Huli ta dapit kaidtong nagkariliwa-nagan asin nagpakanamit kan balaog na lagñitnon, asin naguin magña may paropakinabang sa Espiritu Santo,

Heb 6:5 Asin nagpakanamit kan marahay na tataramon nin Dios, asin kan magña kapangyarihan kan magña panahon na madatong,

Heb 6:6 Asin dagñan nagkahorolog, dai na mangyayari na sinda mabago pa ma­nogñod sa pagsolsol; huling an Aki nin Dios ipinapako ninda liwat sa cruz manogñod sa sainda man sana, asin ibinubugtak sa hayag na kasopganan.

Heb 6:7 Huli ta an daga na minasaromsom kan oran na sa parati minadatong dian, asin minapatalobo nin magña torotina-nom na maninigo sa magña nagbababol kaiyan, nagaako nin ugay hale sa Dios:

Heb 6:8 Alagad kun iyan minapatalobo nin magña tonok asin magña binit, iyan isinisikual asin madaleng sumpaan; na an kasagkodan kaiyan iyo na totogñon.

Heb 6:9 Alagad, magña namomotan, kami naghahalat sa saindo nin orog karahay na magña bagay, asin magña bagay nin kaligtasan, minsan nagtataram kami nin siring:

Heb 6:10 Huli ta an Dios bakong biko na makaligñao kan saindong guibo asin kan pagkamoot na ipinahayag nindo sa sai­yang gñaran, na kamo naglingkod sa magña banal, asin sagkod gñunian nag-lilingkod pa.

Heb 6:11 Asin kami nagmamawot na an lam-bang saro sa saindo makapahayag kan siring man sanang kahigosan manogñod sa kapanoan nin paglaom sagkod sa katapusan:

Heb 6:12 Na dai kamo maguin magña hoga-kon, kundi magña paraarog kaidtong magña nagmana kan magña panuga huli sa pagtubod asin pakatios.

Heb 6:13 Huli ta kan an Dios manuga ki Abraham, huling dai na sia nin orog pang ikakasumpa, sia nagsumpa huli sa saiya man sana,

Heb 6:14 Na an sabi, Sa katotoohan sa ben-dicion bebendicionan taka, asin sa pag-padakol papadakolon taka.

Heb 6:15 Asin sa siring, huling nakatagal sa pagtios, sia nagkamit kan panuga.

Heb 6:16 Huli ta an magña tauo nagsusumpa huli sa orog kadakula ki sa sainda: asin sa gabos nindang pasuruhay an sumpa iyo an panapus sa pagpatotoo.

Heb 6:17 Kaya an Dios, sa mawot na ikapa-hayag nin labi sa magña paramana kan panuga an pagdanay kan saiyang kaha-tolan, naggamit nin sumpa;

Heb 6:18 Tagñaning sa duang bagay na dai maliliwat, na dian kaiyan dai mangya-yari na an Dios magputik, kit a magkai-gua nin sarong masarig na pagpakosog, kita na magña nagpaampon tagñaning makapogol sa paglaom na ibinugtak sa atubang ta:

Heb 6:19 Na bilang satong bontogon nin kalag, paglaom na tunay asin danay patin nakakalaog sagkod sa laog kan lipod;

Heb 6:20 Na dian siring sa parapagñenot si Jesus lominaog manogñod sato, na naguin halangkao na sacerdote sagkod lamang siring sa orden ni Melquisedec.



Heb 7:1 Huli ta ini si Melquisedec, na hade sa Salem, sacerdote nin Dios na Halangkawon, na sia nagsabat ki Abra­ham kan nagpupuli hale sa pangadan kan magña hade, asin nagbendicion saiya,

Heb 7:2 Na sia man binagñaan ni Abraham kan himoloan kan gabos (huling sa enot, an boot sabihon, sia Hade nin katano-san, asin man Hade sa Salem, na an boot sabihon, Hade nin katoninogñan;

Heb 7:3 Na dai nin ama, dai nin ina, dai nin guinikanan, ni kapinonan nin magña aldao, ni katapusan nin buhay, kundi guinibong kabaing kan Aki nin Dios), nagdadanay na sacerdote sagkod la­mang.

Heb 7:4 Gñunian, horophoropa nindo kun gurano kadakula kan lalaking ini, na sa saiya si Abraham, na patriarca, nagtao nin himoloan kan nagñogñorog karahay na magña sinamsaman.

Heb 7:5 Asin sa katotoohan an magña aki ni Levi na minaako kan katongdan nin pag-kasacerdote igua nin pagboot na magkua sa banuaan nin magña himoloan siring sa katogonan, na an boot sabihon, sa sain-dang magña tugang, minsan sinda gomi-nikan sa habayan ni Abraham:

Heb 7:6 Alagad idtong an saiyang guinika­nan dai ibinibilang na hale sainda nag-kua ki Abraham nin magña himoloan, asin nagbendicion saiya na igua kan magña panuga.

Heb 7:7 Alagad sa dai nin anoman na pasu­ruhay, an hababa benebendicionan kan halangkao.

Heb 7:8 Asin digdi an magña tauong may kagadanan naako nin magña himoloan; alagad duman naako an saro, na pinapa-totoohan na sia buhay.

Heb 7:9 Asin, sa pagsabi nin siring, huli ki Abraham minsan si Levi, na nagaako nin magña himoloan, nagbayad nin magña himoloan;

Heb 7:10 Huli ta namumugtak pa sia sa habayan kan saiyang ama kan sia saba-ton ni Melquisedec.

Heb 7:11 Gñunian, kun igua nin pagkasang-kap sa pagkasacerdote nin magña Levita (huli ta sa irarom kaiyan an banuaan ominako kan katogonan), ano pang kai-puhan na patindogon an ibang sacerdote siring sa orden ni Melquisedec, asin na dai ibilang sa orden ni Aaron?

Heb 7:12 Ta huling an pagkasacerdote nali-wat, kaipuhan man na liwaton an kato­gonan.

Heb 7:13 Huli ta idtong dapit sa saiya ipinag-sasabi an magña bagay na ini taga ibang tribu, na dian dai nin siisay man na nag-lingkod sa altar.

Heb 7:14 Huli ta hayag na an satong Ka-gurangnan lominuas sa ki Juda, na dapit kan tribung iyan si Moises dai nagtaram nin anoman dapit sa magña sacerdote.

Heb 7:15 Asin an samong isinasabi orog pang hayag, kun sa kabaing ni Melqui­sedec igua nin lominuas na ibang sacer­dote,

Heb 7:16 Na guinibo bakong sono sa pag­boot nin laman, kundi sono sa kapangyarihan nin buhay na dai nin katapusan:

Heb 7:17 Huli ta may patotoo dapit saiya, Ika sacerdote sagkod lamang Siring sa orden ni Melquisedec.

Heb 7:18 Huli ta igua nin pagkaliwat an enot na pagboot huli kan kaluyahan kaiyan asin pagkadai-nin-pakinabang

Heb 7:19 (Huli ta dai nin anoman na nasang-kap an katogonan), asin dian igua nin pagdara nin orog karahay na paglaom, na huli kaiyan kita minarani sa Dios.

Heb 7:20 Asin huling iyan dai mangy ay ari na dai nin pagsumpa

Heb 7:21 (Huli ta sinda sa katotoohan guini-bong magña sacerdote na dai nin sumpa; alagad sia may sumpa kaidtong nagsasa-bi dapit saiya, An Kagurangnan nagsumpa asin dai magbabasol sa saiya man sana, Ika sacerdote sagkod lamang);

Heb 7:22 Sa siring man si Jesus naguin sang-ra nin orog karahay na tipan.

Heb 7:23 Asin sinda sa katotoohan naguin dakolon na sacerdote, ta huli kan kagadanan sinda naoolang sa pagpadagos:

Heb 7:24 Alagad sia, huling nagdadanay sagkod lamang, igua kan pagkasacerdote na dai maliliwat.

Heb 7:25 Kaya man sia makakaligtas sagkod sa katapusan kan magña minadolok sa Dios huli saiya, huling sia danay na buhay sa pagsorog sainda.

Heb 7:26 Huli ta maninigo sa sato an siring na halangkao na sacerdote, banal, dai nin kadayaan, dai nin digta, ibinulag sa magña parakasala, asin guinibong orog kahalangkao ki sa kalagñitan;

Heb 7:27 Na dai nagñagñaipo aroaldao, siring kaidtong magña halangkao na sacerdote, na magdolot nin magña atang manogñod gñona sa saiyang magña kasa-lan, asin dagñan manogñod sa magña kasalan nin banuaan: huli ta ini guinibo na nia nin makasaro manogñod sa gabos na panahon, kan dumolot sia saiya man sana.

Heb 7:28 Huli ta an katogonan nagbubugtak nin magña tauong may kagadanan na maguin magña halangkao na sacerdote; alagad an tataramon kan sumpa paka-lihis kan katogonan nagbugtak nin sarong Aki, na sinangkap sagkod lamang.



Heb 8:1 Gñunian, sa magña bagay na sa-mong isinasabi an nagñogñorog iyo ini: Igua kita nin siring na halangkao na sacerdote na tominukao sa too kan trono nin Kapangyarihan sa kalagñitan,

Heb 8:2 Paralingkod sa santuario, asin sa totoong tabernaculo, na pinatindog nin Kagurangnan, bako nin tauo.

Heb 8:3 Huli ta an gabos na halangkao na sacerdote ibinugtak sa pagdolot nin magña balaog asin magña atang: kaya kaipuhan na ini man na halangkao na sacerdote magkaigua nin ikadolot.

Heb 8:4 Gñunian, kun sia nasa daga, dai sia nangad maguiguin sacerdote, huling igua nin magña nagdodolot kan magña bala­og siring sa katogonan;

Heb 8:5 Na naglilingkod sa arogan asin sa anino kan magña bagay na lagñitnon, siring na si Moises pinatanidan nin Dios kan sia maguibo na kutana kan taberna­culo: huli ta, Hiligña, sabi nia, na guibo-hon mo an gabos na bagay siring sa arogan na ipinahayag saimo duman sa bukid.

Heb 8:6 Alagad gñunian sia nagkamit nin paglingkod na orog karahay, siring na sia man an parasorog nin sarong orog kara­hay na tipan, na hinaman sa orog kara­hay na magña panuga.

Heb 8:7 Huli ta kun idtong enot na tipan dai nin sala, dai na kutana naghanap nin lugar manogñod sa ikadua.

Heb 8:8 Sa pagsague sainda, sia nagsasabi, Uya, madatong an magña aldao, olay nin Kagurangnan, Na ako maguibo nin sarong bagong tipan sa harong ni Israel asin sa harong ni Juda;

Heb 8:9 Bakong siring kan tipan na guinibo ko sa saindang magña kaganak Kan aldao na kinabit ko sinda asin kinua hale sa daga kan Egipto; Huli ta sinda dai nagdanay sa sakong tipan, Asin dai ko sinda pinahalagahan, olay nin Kagurangnan.

Heb 8:10 Huli ta iyo ini an tipan na guiguibo-hon ko sa harong ni Israel Pakatapus kan magña aldao na idto, olay nin Kagurangnan; Ilalagda ko an sakong magña pag-boot sa saindang isip, Asin sa saindang puso man isusurat ko iyan: Asin ako maguiguin Dios sa sainda, Asin sinda maguiguin banuaan sa sako:

Heb 8:11 Asin an siisay man dai na matokdo sa saiyang kahimanua, Ni siisay man sa saiyang tugang, na masabi, Midbida an Kaguran-gnan; Huli ta an gabos makakamidbid sako, Magpoon sa sadagñoton sa sainda sagkod sa orog kadakula.

Heb 8:12 Huli ta ako maguiguin maheherakon sa saindang magña katampala-sanan, Asin an saindang magña kasalan dai ko na guiguiromdomon sagkod lamang.

Heb 8:13 Sa saiyang pagsabi, Sarong bagong tipan, guinibo niang daan idtong enot. Alagad idtong nagdadaan asin naggugu-rang harani na sa pagkapara.



Heb 9:1 Gñunian, minsan idtong enot na tipan igua nin magña pagkukuyo-gon sa pagsamba, asin nin santuario, sarong santuario sa kinaban na ini.

Heb 9:2 Huli ta may sarong tabernaculong inandam, an enot, saen namumugtak an candelero, asin an lamesa, patin an tina-pay na idodolot; na iyan inaapod Banal na lugar.

Heb 9:3 Sa ibong kan ikaduang lipod, an tabernaculo na inaapod Kabanalbanale;

Heb 9:4 Na iyan igua nin bulawan na altar nin incienso, asin an kaban nin tipan na natatalapitapan nin bulawan sa palibot, na dian namumugtak an koron na bula­wan na nalalagan kan mana, asin an sog-kod ni Aaron na nanupang, patin an magña tabla nin tipan;

Heb 9:5 Asin sa ibabao kaiyan an magña kirubin na mamuraway na minalindong kan tukawan nin pagkaherak; na dapit kan magña bagay na iyan dai mi mapag-sarosarong itaram gñunian.

Heb 9:6 Gñunian, pakaandama kan magña bagay na ini, an magña sacerdote mina-laog na danay sa enot na tabernaculo, sa pagotob kan magña paglingkod;

Heb 9:7 Alagad dian sa ikadua an halangkao na sacerdote sana, nin makasaro sa sang-taon, bakong dai nin dugo, na saiyang idinodolot manogñod sa saiya man sana, asin manogñod sa magña kasalaan nin banuaan:

Heb 9:8 An Espiritu Santo nagpapatalastas kaini, na dai pa nahahayag an dalan pasi-ring sa banal na lugar, mantang an enot na tabernaculo nagtitindog pa;

Heb 9:9 Na iyan sarong ladawan sa panahon na ini; na sono kaiyan ipinagdodolot an magña balaog asin magña atang, na dapit sa paghonahona, dai makakasangkap sa nagsasamba,

Heb 9:10 Palibhasa (sa magña kakanon asin magña inomon patin manlaenlaen na paghugas) magña pagkukuyugon sa laman sana, na ipinagboot sagkod sa panahon nin paghirahay.

Heb 9:11 Alagad huling si Cristo nagdatong nang halangkao na sacerdote kan magña marahay na bagay na madatong, huli kan orog kadakula asin orog kasangkap na tabernaculo, na bakong guibo nin magña kamot, na an boot sabihon, bakong sa kinaban na ini;

Heb 9:12 Asin bakong huli sa dugo nin magña kanding asin magña vacang ogbon, kundi huli sa saiyang sadiring dugo, sia lominaog sa banal na lugar nin makasaro manogñod sa gabos na pana­hon, pakapagkamit kan pagtubos na dai nin katapusan.

Heb 9:13 Huli ta kun an dugo nin magña kanding asin nin magña mangsad asin an abo nin vacang babae, kun iwiniwirik sa magña nadigtaan, nakapabanal mano­gñod sa kalinigan nin laman:

Heb 9:14 Gurano pa dao kalabi an dugo ni Cristo, na huli kan Espiritu na dai nin katapusan, dominolot sa saiya man sana na dai nin kaninan sa Dios, na makalinig kan saindong magña paghonahona sa magña guibong gadan tagñaning mag-lingkod sa buhay na Dios?

Heb 9:15 Asin huli kaini sia iyo an parasorog nin bagong tipan, tagñaning, huling nangyari na an kagadanan sa pagtubos kan magña kalapasan na nasasakopan kan enot na tipan, an magña inapod njagako kan panuga na pamana na dai run katapusan.

Heb 9:16 Huli ta kun igua nin tipan kaipu-han man na mangyari an kagadanan kan nagguibo kaiyan.

Heb 9:17 Huli ta an tipan may kakosogan na kun ominagui na an kagadanan: huli ta iyan daing kakosogan mantang buhay pa an nagguibo kaiyan.

Heb 9:18 Kaya minsan an enot na tipan dai nagkaigua nin kakosogan kun dai nin dugo.

Heb 9:19 Huli ta kan ikataram na ni Moises sa banuaan an gabos na pagboot sono sa katogonan, kinua nia an dugo nin magña vacang ogbon asin nin magña kanding, sagkod tubig asin mapulang balukag nin carnero patin hisopo, asin winirikan nia an libro man sana asin an bilog na banuaan,

Heb 9:20 Na nagsasabi, Ini iyo an dugo nin tipan na ipinagboot nin Dios manogñod saindo.

Heb 9:21 Siring man winirikan nia kan dugo an tabemaculo asin an gabos na lalagan na guinagamit sa paglingkod.

Heb 9:22 Asin sono sa katogonan, ako garo nang sumabi, An gabos na bagay nalili-nig nin dugo, asin kun dai nin pagpabu-los nin dugo dai nin kapatawadan.

Heb 9:23 Kaya naipuhan na an magña hinu-wad sa magña bagay na lagñitnon mag-karilinigan kan magña bagay na ini; alagad an magña bagay man sanang lagñitnon, kan magña atang na orog karahay ki kan magña ini.

Heb 9:24 Huli ta si Cristo dai lominaog sa sarong banal na lugar na guinibo nin magña kamot, na inarog sa tunay; kundi sa lagñit man sana, na gñunian makiki-atubang sa Dios manogñod sato:

Heb 9:25 Asin dai man maninigo na sia magdolot nin parati sa saiya man sana siring kan halangkao na sacerdote na minalaog sa banal na lugar taontaon na may darang dugong bakong saiya;

Heb 9:26 Ta kun dai, kaipuhan na sia mag-tios nin parati poon kan paglalagña kan kinaban: alagad gñunian sa makasaro sa katapusan nin magña panahon, sia naha- yag nang nakakahale kan kasalan huli kan pagatang nia sa saiya man sana.

Heb 9:27 Asin huling ipinanogñod sa magña tauo na magadan nin makasaro, asin pakatapus kaiyan an paghokom;

Heb 9:28 Siring man si Cristo, pakadolotan nin makasaro sa pagpasan kan magña kasalan nin kadaklan, matugña liwat, bulag sa kasalan, sa magña naghahalat saiya manogñod sa kaligtasan.



Heb 10:1 Huli ta an katogonan na igua nin anino kan magña karahayan na madatong, bakong an ladawan nangad kan magña bagay, na huli kan magña siring na pagatang taon-taon na saindang danay na idinodolot, dai nangad maka-kasangkap sa magña napaampon dian.

Heb 10:2 Ta kun iyo, bakong maontok na sinda sa pagdolot kaiyan? huli ta kun nalinigan na an magña parasamba, dai na kutana sinda magmamate nin magña kasalan.

Heb 10:3 Alagad sa magña atang na iyan igua nin pagguiromdom nin magña kasalan taon-taon.

Heb 10:4 Huli ta dai mahihimo na an dugo nin magña mangsad asin magña kanding makahale nin magña kasalan.

Heb 10:5 Kaya kan sia pumadigdi sa kinaban, sia nagsabi, Habo ka nin atang asin dolot, Kundi inandaman mo ako nin hawak;

Heb 10:6 Sa magña bilog na dolot na tino-tong asin magña atang manogñod sa kasalan dai ka nasonoan:

Heb 10:7 Dagñan ako nagsabi, Uya, ako napa-digdi (sa pamayohan kan libro nasusurat dapit sako) Sa pagguibo kan saimong boot, O Dios.

Heb 10:8 Sinasabi sa itaas, Magña atang asin magña dolot asin magña bilog na dolot na tinotong patin magña atang mano­gñod sa kasalan habo ka, ni nasosonoan kaiyan (na an magña iyan idinodolot sono sa katogonan),

Heb 10:9 Dagñan sia nagsabi, Uya, ako napa-digdi sa pagguibo kan saimong boot. Hinahale nia an enot, tagñaning mapamugtak nia an ikadua.

Heb 10:10 Na huli kan kabotan na iyan kita napakangbanal huli kan pagdolot kan hawak ni Jesu-Cristo nin makasaro ma-nogñod sa gabos na panahon.

Heb 10:11 Asin sa katotoohan an gabos na sacerdote minatindog aroaldao na nagli-lingkod asin nagdodolot sa parati kan siring man sanang magña atang, na iyan dai nangad makakahale nin magña kasa-lan:

Heb 10:12 Alagad sia, pakadolot manogñod sa magña kasalan nin sarong atang mano­gñod sa gabos na panahon, tominukao sa too nin Dios;

Heb 10:13 Na magpoon kaidto sia naghahalat, sagkod na an saiyang magña kaiwal maguin batayan kan saiyang magña bitis.

Heb 10:14 Ta huli sa sarong pagdolot sinang-kap nia sagkod lamang an magña pina-kangbanal.

Heb 10:15 Asin an Espiritu Santo man nagpa-patotoo sa sato; huli ta pakasabi nia,

Heb 10:16 Ini iyo an tipan na guiguibohon ko sa sainda Pakalihis kan magña aldao na idto, olay nin Kagurangnan: Ibubugtak ko an sakong magña pagboot dian sa saindang puso, Asin sa saindang pagisip man isu-surat ko iyan dagñan sia nagsasabi,

Heb 10:17 Asin an saindang magña kasalan asin an saindang magña katampalasa-nan dai ko na guiguiromdomon sagkod lamang.

Heb 10:18 Gñunian, kun igua nin kapatawa-dan kan magña ini, dai na nin pagdolot manogñod sa kasalan.

Heb 10:19 Kaya, magña tugang, huling igua kita nin kasarigan sa paglaog dian sa banal na lugar huli kan dugo ni Jesus,

Heb 10:20 Dian sa dalan na ipinanogñod nia sato, sarong bago asin buhay na dalan, pasiring sa ibong kan lipod, na an boot sabihon, an saiyang laman;

Heb 10:21 Asin huling igua nin dakulang sacerdote na nagboboot sa haiong nin Dios;

Heb 10:22 Dumolok kita na may tunay na puso, sa kapanoan nin pagtubod, na an satong magña puso, sa pagwirik, nalini-gan kan maraot na paghonahona: asin an satong hawak nahugasan nin malinig na tubig.

Heb 10:23 Pogolan ta nin marahay an pagtu­bod nin satong paglaom na iyan dai mataniog; huli ta maimbod idtong nanuga;

Heb 10:24 Asin magpamaromangno kita na magpasaradolsadol sa pagkamoot asin sa magña marahay na guibo;

Heb 10:25 Na dai pagpabayaan an satong pag-torotiripon siring kan kaugalean nin nag-kapira, kundi na magpasaradolsadol kita; asin lalo na, ta nahihiling nindo na an aldao naghaharani.

Heb 10:26 Huli ta kun magkakasala kita sa katuyohan pakaako ta kan pakamidbid kan katotoohan, dai nang natatadang atang manogñod sa kasalan,

Heb 10:27 Kundi sarong daing liban na maka-tatakot na paghalat nin silot, asin kaba-gñisan nin kalayo na mahamil kan magña kaiwal.

Heb 10:28 An tauo na naghale nin halaga kan katogonan ni Moises nagagadan na dai nin pagkaherak sa patotoo nin dua ó tolongsaksi:

Heb 10:29 Gurano pa dao kakolog, sa pag­honahona nindo, an silot na manini-gong ihokom sa nagbatay kan Aki nin Dios, asin naghonahona na bakong banal an dugo kan tipan na ipinakangbanal saiya, patin nagologolog kan Espiritu nin biyaya?

Heb 10:30 Huli ta tatao kita kan nagsabi, Sa sako an pagbalos, ako an mabalos. Asin sa liwat, An Kagurangnan mahokom sa saiyang banuaan.

Heb 10:31 Makatatakot na bagay an pagka-holog sa magña kamot kan buhay na Dios.

Heb 10:32 Alagad guiromdoma nindo an magña enot na aldao, na pakatapus na kamo maliwanagan, kamo nagtagal nin dakulang pakilaban sa magña kasakitan;

Heb 10:33 Na kun minsan, kamo guinigui-bong gñigñisihan sa magña pagologolog asin magña pasakit; asin kun minsan, nakakadamay sa magña pinagguiguibo-han nin siring.

Heb 10:34 Huli ta kamo nagkaigua nin pagka-herak sa magña nagagapos, asin inako nindo sa kaogmahan an pagagawa kan saindong magña rogaring, sa pakaaram na igua kamo manogñod saindo nin sarong orog karahay na rogaring asin na nagdadanay.

Heb 10:35 Kaya dai nindo isikual an saindong kapanarigan, na igua nin dakulang katimbang na balos.

Heb 10:36 Huli ta kamo nagñagñaipo nin pakatios, tagñaning, pakaguibo nindo kan boot nin Dios, kamo omako kan panuga.

Heb 10:37 Huli ta sa kadikit pang panahon, An madatong madatong, asin dai magaabala.

Heb 10:38 Alagad an sakong banal mabubuhay huli sa pagtubod: Asin kun sia sumibog, an sakong kalag dai maoogma sa saiya.

Heb 10:39 Alagad bako kitang kaibahan kan magña nagsiribog pasiring sa pagkatu-nao; kundi kan magña may pagtubod manogñod sa pagligtas kan kalag.



Heb 11:1 Gñunian, an pagtubod iyo an ka-tunayan kan magña bagay na pinaglalaom, an tanda kan magña bagay na dai nahihiling.

Heb 11:2 Huli ta dian kaiyan an magña magu-rang napatotoohan.

Heb 11:3 Huli sa pagtubod kita nakakatalas-tas na an magña kinaban nahaman huli kan tataramon nin Dios, mala ta an nahihiling dai guinibo hale sa magña bagay na nahihiling.

Heb 11:4 Huli sa pagtubod si Abel nagdolot sa Dios nin orog karahay na atang ki kan ki Cain, na huli kaiyan sia napatotoohan na sia matanos, ta an Dios nagpapatotoo dapit sa saiyang magña balaog: asin huli kaiyan sia, minsan gadan na, nagtataram pa.

Heb 11:5 Huli sa pagtubod si Enoc ibinalio tagñaning sia dai makahiling nin kagada-nan; asin dai sia nakua, huli ta ibinalio sia nin Dios: huli ta igua nin nagpatotoo saiya na, bago sia ibalio, sia nakapasono sa Dios:

Heb 11:6 Asin kun dai nin pagtubod dai mahihimo na makapasono saiya; huli ta an minadolok sa Dios kaipuhan na tumubod na sia iyo nangad, asin na sia iyo an parabalos sa magña naghahanap saiya.

Heb 11:7 Huli sa pagtubod si Noe, pakapa-tanidi nin Dios dapit kan magña bagay na dai pa nahihiling, huling nahero nin diosnon na pagkatakot, nagandam nin dahong sa pagligtas kan saiyang harong; na huli kaiyan hinokoman nia an kina­ban, asin sia naguin paramana kan kata-nosan na sono sa pagtubod.

Heb 11:8 Huli sa pagtubod si Abraham, kan sia apodon, nagkuyog na pumaduman sa lugar na saiyang mamanahon; asin sia naglakao na dai nakakaaram kun saen sia maduman.

Heb 11:9 Huli sa pagtubod sia nakihimanua sa daga na panuga, siring sa daga na bako niang sadiri, na nageerok sa magña tolda kaiba si Isaac asin si Jacob, magña kapua-paramana nia kan iyo man sanang panuga:

Heb 11:10 Huli ta sia naghanap kan ciudad na igua nin magña pasisikadan, na an kag-togdok asin kagguibo kaiyan iyo an Dios.

Heb 11:11 Huli sa pagtubod minsan si Sara man sana nagako nin kapangyarihan sa pagñidam nin banhi kan sia lihis na sa edad, huling ibinilang niang maimbod idtong nanuga:

Heb 11:12 Kaya man sa saro, na garo gadan na, gominikan an kadaklan na siring kahibog kan magña bitoon sa lagñit asin siring kan baybay, na nasa baybayon nin dagat, na dai nabibilang.

Heb 11:13 Ini gabos nagkagaradan sa pagtu­bod, na dai nagkamit kan magña panu­ga, alagad pakahiling asin pakatanao ninda kaiyan sa harayo, asin pakapag-patotoo ninda na sinda magña parapa-kihimanua asin magña parabaklay sa kinaban.

Heb 11:14 Huli ta an magña nagsasabi nin siring nagpapahayag na sinda naghaha­nap nin daga na saindang sadiri.

Heb 11:15 Asin kun talagang sinda naggui-guiromdom kan daga na saindang hinalean, makakapuli kutana sinda.

Heb 11:16 Alagad gñunian sinda nagmamawot nin orog karahay na daga, na iyo an lagñitnon: kaya an Dios dai nasosopog dapit sainda na sia pagapodon na sain­dang Dios; huli ta inandaman nia sinda nin sarong ciudad.

Heb 11:17 Huli sa pagtubod si Abraham, huling binalo, idinolot nia si Isaac: iyo, sia na nagako sa kaogmahan kan magña panuga nagdodolot kan saiyang aking bogtong;

Heb 11:18 Sia na kaidto sinabihan, sa ki Isaac aapodon an saimong banhi:

Heb 11:19 Sa paghonahona na an Dios maka-kapabagñon minsan hale sa magña ga-dan; na hale dian man garo man sana inako nia sia liwat.

Heb 11:20 Huli sa pagtubod benendicionan ni Isaac si Jacob asin si Esau, manogñod sa magña bagay na madatong.

Heb 11:21 Huli sa pagtubod benendicionan ni Jacob, kan sia naghihigñagdan na, an lambang saro kan magña aki ni Jose; asin sia nagsamba na naghohongko sa poon kan saiyang sogkod.

Heb 11:22 Huli sa pagtubod si Jose, kan hara-ni na an saiyang kagadanan, nakanabi dapit kan paghale kan magña aki ni Israel; asin nagtao nin pagboot dapit kan saiyang magña tolang.

Heb 11:23 Huli sa pagtubod si Moises, pagka-mundag, tinago nin tolong bulan kan saiyang magña magurang, huli ta nahi-ling ninda na sia magayonon na aki; asin sinda dai natakot sa pagboot kan hade.

Heb 11:24 Huli sa pagtubod si Moises, kan dakula na, nagsayuma na pagapodon na aki kan aking babae ni Faraon;

Heb 11:25 Na pinagmarahay nia na makida-may na pasakitan sa kaibahan kan banuaan nin Dios, ki sa magpaoyon sa kaogmahan nin kasalan sa kadikit na panahon;

Heb 11:26 Na ibinilang nia na an magña pago-logolog dian ki Cristo orog pang kaya-manan ki kan magña rimpos na kaya-manan kan Egipto: huli ta sia nagtanao kan katimbang na balos.

Heb 11:27 Huli sa pagtubod sia nagbaya sa Egipto, na dai natakot sa kaangotan kan hade; huli ta sia nagtagal siring sa naka-kahiling kaidtong dai nahihiling.

Heb 11:28 Huli sa pagtubod sia nagotob kan Pascua asin kan pagwirik nin dugo, tagñaning an paragadan kan magña pagñanay dai dumoot sainda.

Heb 11:29 Huli sa pagtubod sinda nakaagui sa dagat na Mapula na siring sa dagang mara: na an magña taga Egipto, kan bumalong gumibo kaiyan, nagkaralan-topan.

Heb 11:30 Huli sa pagtubod nagkapurukan an magña kotta sa Jerico pakalibota ninda kaiyan sa pitong aldao.

Heb 11:31 Huli sa pagtubod si Rahab na maraot na babae dai napahamak sa kai­bahan kan magña masumbikal, paka-akoa nia sa katoninogñan kan magña tiktik.

Heb 11:32 Asin ano pa an sasabihon ko? huli ta an panahon magkukulang sako kun ako magbareta dapit ki Gedeon, ki Barac, ki Samson, ki Jefte, ki David asin ki Samuel, patin kan magña profeta:

Heb 11:33 Na sinda huli sa pagtubod nandaog nin magña kahadean, nakaguibo nin katanosan, nagkamit nin magña panuga, nakatakop nin magña gñoso nin magña leon,

Heb 11:34 Nakasigbo kan kapangyarihan nin kalayo, nakalikay sa tarom nin minas-bad, napakosog hale sa kaluyahan, naguin mapangyari sa ralaban, nakapa-dulag nin magña hukbo nin magña taga ibang daga.

Heb 11:35 An magña babae nagarako kan saindang magña gadan huli sa pagka-buhay liwat; asin an nagkapira pinasaki-tan, ta dai nagako kan saindang kakal-dahan; tagñaning sinda magkamit nin orog karahay na pagkabuhay liwat:

Heb 11:36 Asin an nagkapira binalo sa magña pagologolog asin sa magña hampak, asin laen pa kaiyan sa magña pagkagapos asin sa pagkabilango:

Heb 11:37 Sinda pinaggarapo, pinagralagadi, pinagsurugotan, guinaradan sa minas-bad: sinda naggurubing nin magña anit nin carnero asin nin magña kanding; huling magña dukha, pinasakitan, pinag-basangbasang

Heb 11:38 (Na sa sainda an kinaban bakong agñay), nagdudurulag sa magña kapata-gan, asin sa magña kabukidan, asin sa magña logñib, patin sa magña kotkot nin daga.

Heb 11:39 Asin ini gabos, minsan pinatotoo-han huli kan saindang pagtubod, dai nagkamit kan panuga,

Heb 11:40 Huli ta an Dios nagandam nin orog karahay na bagay manogñod sato, tagña-ning kun dai kita, dai sinda masangkap.



Heb 12:1 Kaya, huling kita nalilibotan nin siring kadakulang pagñanoron nin magña saksi, pabayaan ta man an gabos na kagabatan, asin an kasalan na masa-yon na makakabit sato, asin dumalagan kita sa pakatios dian sa paorombasan na nasa atubang ta,

Heb 12:2 Na magtanao ki Jesus na kagguibo asin parasangkap kan satong pagtubod, na huli kan kaogmahan na ibinugtak sa atubang nia, tinios nia an cruz, dai pina-halagahan an kasopogan, asin tominu-kao sia sa too kan trono nin Dios.

Heb 12:3 Kaya paghorophoropa nindo idtong nagtios kan siring na paglibak nin magña parakasala tumang saiya, na dai kamo mapagal na manluya sa saindong magña kalag.

Heb 12:4 Dai pa kamo nanumang sagkod sa dugo, sa pakipaglaban tumang sa kasa­lan:

Heb 12:5 Asin naligñawan nindo an pagsadol na naghahatol saindo siring sa magña aki, Aki ko, dai mo pagbasangbasagñon an padusa nin Kagurangnan, Ni manluya ka kun sinasague nia;

Heb 12:6 Huli ta an namomotan nin Kagu-rangnan saiyang pinapadusahan, Asin hinahampak nia an gabos na aki na saiyang inaako.

Heb 12:7 Kamo nagtitios manogñod sa padu­sa; an Dios nakikilabot saindo siring sa magña aki; huli ta siisay an aki na dai pinadudusahan kan saiyang ama?

Heb 12:8 Alagad kun kamo dai pinapadusa­han, na dian an gabos nagpagñagui, kun siring kamo magña aki sa luas, asin bakong magña bulaos na aki.

Heb 12:9 Laen pa kaiyan, nagkaigua kita nin magña ama sa laman na nagpadusa sato, asin sinda guinalagñan ta: bako dao na kita orog nang pumasakop sa Ama nin magña espiritu, asin mabuhay?

Heb 12:10 Huli ta sinda sa katotoohan nag­padusa sato sa nagkapirang aldao siring sa pinagmarahay ninda; alagad sia manogñod sa satong pakinabang, tagña-ning kita makaambit sa saiyang kabana-lan.

Heb 12:11 An gabos na padusa gñunian garo bakong makaoogma kundi makamo-mondo; alagad gñapit iyan minatao nin bugñang matoninong sa magña nagpa-tood dian, an bugña nin katanosan.

Heb 12:12 Kaya itaasan nindo an magña kamot na natotonton asin an magña tohod na lopog;

Heb 12:13 Asin gumibo kamo nin magña tanos na dana manogñod sa saindong magña bitis, tagñaning an pilay dai mala-po, kundi maomayan.

Heb 12:14 Sunoda nindo an katoninogñan sa kaibahan nin gabos na tauo, asin an kabanalan na kun mayo kaiyan dai nin siisay man na makakahiling sa Kagu­rangnan:

Heb 12:15 Na magmaan nin marahay tibaad an siisay man dai makaabot sa biyaya nin Dios; tibaad may gamot nin kapai-tan na sumupang nin karibokan saindo, asin dian kaiyan an kadaklan madig-taan;

Heb 12:16 Tibaad kun igua nin parasambay, ó basang na tauo, siring ki Esau, na huli sa sarong kakanon nagpabakal kan sai­yang pagkamatua;

Heb 12:17 Huli ta kamo nakakaaram na paka-tapus, minsan sia nagmawot na mag-mana kan bendicion, sia isinikual; huli ta dai na nia naliwat an pagisip kan saiyang ama, minsan sia naghigñoa na maghanap kaiyan sa magña luha.

Heb 12:18 Huli ta kamo dai nakaabot sa bukid na madodotan, asin na naglalaad nin kalayo, asin sa kaitoman, asin sa kadikloman, asin sa baguio,

Heb 12:19 Asin sa tanog nin trompeta, patin sa tigñog nin magña tataramon; na an tigñog na iyan pinakimaherakan kan magña nakadagñog na dai na sinda pagtaraman pa;

Heb 12:20 Huli ta dai ninda matagal idtong ipinagboboot, Minsan kun hayop an dumoot sa bukid, iyan gagapoon;

Heb 12:21 Asin makagñigñirhat idtong anio, mala ta si Moises nagsabi, Ako natatakot asin tinatakigan nin kanigoan:

Heb 12:22 Kundi kamo nagdatong sa bukid nin Sion, asin sa ciudad nin buhay na Dios, an lagñitnon na Jerusalem, asin sa dai nabibilang na magña hukbo nin magña angel,

Heb 12:23 Sa katiriponan nin gabos asin sim-bahan kan magña pagñanay na nalilista sa lagñit, asin sa Dios na Hokom nin gabos, asin sa magña espiritu nin magña matanos na sinangkap,

Heb 12:24 Asin sa ki Jesus na parasorog nin bagong tipan, patin sa dugo na pan-wirik na nagtataram nin orog karahay ki kan dugo ni Abel.

Heb 12:25 Magigñat kamo na dai nindo isi-kual an nagtataram. Huli ta kun sinda dai nakadulag kan isikual ninda idtong nagpatanid sainda sa daga, orog pa na dai makakadulag kita, na magña nagsi-sikual kan nagpapatanid hale sa lagñit:

Heb 12:26 Na kaidto an saiyang tigñog naka-taniog kan daga: alagad gñunian sia nanuga, na an sabi, Tataniogon ko nin makasaro pa bako sana an daga, kundi man an lagñit.

Heb 12:27 Asin an tataramon na ini, Maka­saro pa, nagñagñahologan kan paghale kan magña bagay na nataniog, siring kan magña bagay na guinibo, tagñaning an magña bagay na dai nataniog magdanay.

Heb 12:28 Kaya, sa pagako nin kahadean na dai matataniog, magkaigua kita nin biyaya, na huli kaiyan kita makadolot nin paglingkod na makakapasono sa Dios, sa kagalagñan asin sa katakotan:

Heb 12:29 Huli ta an satong Dios sarong kala-yong nakakatunao.



Heb 13:1 Pagpadanayon an pagkamoot kan magña tugang.

Heb 13:2 Dai kamo maligñao na magpahayag nin pagkamoot sa magña nakikihima-nua: ta huli kaiyan an nagkapira naka-pagpasakat nin magña angel, na dai nakaaram.

Heb 13:3 Guiromdoma nindo an magña naga-gapos, siring sa magña nagagapos sa kai-bahan ninda; an magña pinagbabasang-basang siring sa kamo man sana sa hawak.

Heb 13:4 Galagñan nin gabos an pagarago-man, asin na dai pagdigtaan an higdaan: huli ta an magña parapakisaro asin an magña parasambay hohokoman nin Dios.

Heb 13:5 Dai kamo magkaigua kan pagka­moot sa pirak; manigoan na kamo kan magña bagay na nasa saindo: huli ta sia man sana nagsabi, Sa anoman na paagui dai ako mapasudia saimo, dai taka man sa anoman na paagui pababayaan.

Heb 13:6 Kaya sa kaisogan kita nagsasabi, An Kagurangnan iyo an sakong paratabang; dai ako matatakot: Ano an maguiguibo sako nin tauo?

Heb 13:7 Guiromdoma nindo an magña na-moon saindo kaidto, an magña tauong nagtaram saindo kan tataramon nin Dios; asin sa paghorophorop nindo kan kasagkodan kan saindang pamumuhay, arogon nindo an saindang pagtubod.

Heb 13:8 Si Jesu-Cristo iyo man sana kasuod-ma asin gñunian, oho, patin sagkod lamang.

Heb 13:9 Dai kamo magpadara sa manlaen-laen asin dai midbid na magña katok-doan: huli ta marahay na an puso mapa-sarig huli sa biyaya; bakong sa magña kakanon, na an magña naglakao dian dai nakinabang.

Heb 13:10 Igua kitang altar, na dian kaiyan dai nin katanosan na magkakan an magña naglilingkod sa tabernaculo.

Heb 13:11 Huli ta tinototong sa luas kan cam-po an magña hawak kan magña hayop na idto, na an saindang dugo dinadara kan halangkao na sacerdote sa banal na lugar.

Heb 13:12 Huli kaiyan si Jesus man, tagña­ning mapakangbanal nia an banuaan huli kan saiyang sadiring dugo, nagtios sa luas kan tata.

Heb 13:13 Kaya paduman kita sa saiya sa luas kan campo, na nagdadara kan saiyang pagologolog.

Heb 13:14 Huli ta dai kita digdi nin ciudad na nagdadanay, kundi kita naghahanap. kaidtong madatong.

Heb 13:15 Kaya huli saiya danay kitang mag-dolot nin atang nin pagomao sa Dios, na iyo an bugña nin magña gñabil na nag-tutuga kan saiyang gñaran.

Heb 13:16 Alagad an pagguibo nin marahay asin an pakisumaro dai nindo pagligña-wan: huli ta an siring na magña atang naooyonan nin Dios.

Heb 13:17 Kuyoga nindo an magña namo-moon saindo, asin pumasakop kamo sainda: huli ta sinda nagpupuka dahel kan saindong magña kalag, siring kan magña magtatao nin kahusayan; tagña-ning guibohon ninda iyan sa kaogma-han, asin bakong sa kamondoan: huli ta sa siring dai kamong pakikinaba-gñon.

Heb 13:18 Mamibi kamo manogñod samo: huli ta kami naniniwala na kami igua nin marahay na paghonahona, na nagmama-wot na mamuhay nin marahay sa gabos na bagay.

Heb 13:19 Asin sinasadol ko kamo nin orog pa na gumibo kaini, tagñaning ako ika-balik sa saindo sa orog kadale.

Heb 13:20 Gñunian, an Dios nin katonino-gñan na kominua liwat hale sa magña gadan kan dakulang pastor kan magña carnero huli kan dugo nin tipan na dai nin katapusan, si Jesus na satong Kagu-rangnan,

Heb 13:21 Sumangkap saindo sa gabos na marahay na bagay sa pagguibo kan sai­yang kabotan, na nagguiguibo dian sato kaidtong nakakaogma sa saiyang paghi-ling, huli ki Jesu-Cristo; na mapa saiya an kamurawayan sagkod lamang. Auot pa.

Heb 13:22 Alagad sinasadol ko kamo, magña tugang, na tagalon nindo an tataramon nin pagsadol: huli ta ako nagsurat sain­do sa kadikit na tataramon.

Heb 13:23 Talastason nindo na an satong tugang na si Timoteo binutasan na; na kun sia dumatong tolos, magiiba kami sa pagsongko saindo.

Heb 13:24 Tawan nindo nin galang an gabos na namomoon saindo, asin an gabos na banal. An magña taga Italia minataong galang sa saindo.

Heb 13:25 An biyaya mapa saindo gabos. Auot pa.



AMAZING GRACE BIBLE INSTITUTE