Karing Tau Galacia


Gal 1:1 Si Pablo, na apostol (bakong hale samagña tauo, ni huli sa tauo, kundi huli ki Jesu-Cristo, asin sa Dios na Ama, na nagbuhay liwat saiya sa magña ga-dan),

Gal 1:2 Asin an gabos na tugang na nasa kai-bahan ko, sa magñasimbahan sa Gala-cia:

Gal 1:3 An biyaya mapa saindo asin an katoninogñan hale sa Dios na Ama, asin ki Jesu-Cristo na satong Kagurangnan,

Gal 1:4 Na nagatang sa saiya man sana ma-nogñod sa satong magña kasalan, tagna-ning ikaligtas nia kita sa kinaban na ining maraot, siring sa kabotan kan satong Dios asin Ama:

Gal 1:5 Na mapa saiya an kamurawayan sag-kod lamang? Auot pa.

Gal 1:6 Ako naggñagñalas na kamo mada-leon na nagbulag sa nagapod saindo sa biyaya ni Cristo pasiring sa ibang evan-gelio;

Gal 1:7 Na bakong laen na evangelio: kundi igua nin nagkapira na nagpupurisao sain­do, asin boot na magraot kan evangelio ni Cristo.

Gal 1:8 Alagad minsan kun kami, o sarong angel hale sa lagñit maghulit sa saindo nin evangelio na laen kan ipinaghulit mi sa saindo, magui siang anatema.

Gal 1:9 Siring sa isinabi mi kaidto, siring man isinasabi ko gñunian liwat, Kun iguang maghulit sa saindo nin anoman na evangelio na laen kan inako na nindo, magui siang anatema.

Gal 1:10 Tadao, naghahanap ako gñunian kan marahay na boot nin magña tauo, o nin Dios? o naghihigñoa ako na makapa-ogma sa magña tauo? Kun ako sagkod gñunian nagpapaogma sa magña tauo, bako kutana akong oripon ni Cristo.

Gal 1:11 Huli ta ipinapaisi ko saindo, magñatugang, kun dapit sa evangelio na ipinag­hulit ko, na iyan bakong hale sa tauo.

Gal 1:12 Huli ta dai ko iyan inako hale sa tauo, ni itinokdo sako, kundi iyan nag-datong sa sako huli sa kapahayagan ni Jesu-Cristo.

Gal 1:13 Huli ta nagpakadagñog na kamo dapit kan sakong pamuhay kaidto dian sa religion nin magña Judio, na pinagla-mag ko nin makuri an simbahan nin Dios, asin linaglag ko iyan:

Gal 1:14 Asin ako nagtalobo sa religion nin magña Judio nin labi kan ibang magña kaedad ko sa sakong magña kahimanua, huling ako makuri kamaigñat kan magña osipon nin sakong magña kaganak.

Gal 1:15 Alagad kan pinagmarahay nin Dios, na lominaen sako, poon pa sa tulak nin sakong ina, asin ominapod sako huli kan saiyang biyaya,

Gal 1:16 Na ipahayag nia an saiyang Aki sa sako, tagñaning ipaghulit ko sia dian sa magña Gentil; tolos man ako dai naki-pagolay sa laman asin sa dugo:

Gal 1:17 Ni nagduman sa Jerusalem sa ma­gna apostol na naenot sako: kundi ako napaduman sa Arabia; asin nagbalik ako liwat sa Damasco.

Gal 1:18 Dagñan pakalihis nin tolong taon, ako napaduman sa Jerusalem sa pag-songko ki Cefas, asin nagontok sa kaiba-han nia nin kaglimang aldao.

Gal 1:19 Alagad dai ko nahiling an ibang magña apostol, kundi si Santiago na tugang nin Kagurangñan.

Gal 1:20 Asin dapit kan magña bagay na isinusurat ko sa saindo, uya, sa atubang nin Dios, dai ako nagpuputik.

Gal 1:21 Dagñan ako nagdatong sa magña daga nin Siria asin nin Cilicia.

Gal 1:22 Asin dai pa ako namimidbid sa lalauogon kan magña simbahan sa Judea na nasaki Crist o:

Gal 1:23 Kundi nadagñog sana nindang sina-sabi, An naglamag sato kaidto gñunian naghuhulit na kan pagtubod na saiyang linalaglag kaidto;

Gal 1:24 Asin sinda nagpamuraway sa Dios huli sako.



Gal 2:1 Dagnan pakalihis nin kagapat na taon, ako napaduman liwat sa Jeru­salem na kaiba si Bernabe, asin ipinagiba ko man si Tito.

Gal 2:2 Asin napaduman ako huli sa kapa-hayagan; asin ibinareta ko sa sainda an evangelio na ipinaghuhulit ko sa magña Gentil, alagad sa hilom sa atubang kan magña may dagñog, tibaad sa anoman na paagui ako magdalagan, o nagdalagan nin basang.

Gal 2:3 Alagad minsan si Tito, na kaiba ko, bago sia Griego, dai pinirit na magpa-turi:

Gal 2:4 Asin na huli kan magña bakong tunay na tugang na dinara sa hilom, asin nagpanlaog sa hilom sa pagtiktik kan samong libertad dian ki Cristo Jesus, tagñaning madara kami ninda sa kaorip-nan:

Gal 2:5 Na sa sainda dai kami nagtogot na pumasakop minsan sarong oras; tagña­ning an katotoohan kan evangelio mag-danay dian sa saindo.

Gal 2:6 Alagad idtong magña may tibaad nang dagñog (minsan siisay sinda, iyan daing halaga sako: an Dios dai nagaako kan kamugtakan nin tauo)—sinda, sabi ko, na may dagñog dai nakatao sa sako nin anoman:

Gal 2:7 Kundi ata gñani, kan mahiling ninda na ako pinaniwalaan kan evangelio nin dai pagpaturi, siring ki Pedro kan evan­gelio nin pagpaturi.

Gal 2:8 (Huli ta an nagpamugtak ki Pedro sa pagkaapostol nin pagpaturi, iyo man an nagpamugtak sako sa magña Gentil);

Gal 2:9 Asin kan mahiling ninda an biyaya na itinao sa sako, si Santiago asin si Cefas patin si Juan, na ibinibilang na magña harigue, nagtao sa sako asin ki Bernabe kan toong kamot nin pakisu-maro, tagnaning kami pumaduman sa magña Gentil, asin sinda sa pagturi;

Gal 2:10 Boot sana ninda na guiromdomon mi an magña dukha; na an bagay na iyan guiguibohon ko nin maigot.

Gal 2:11 Alagad pagdatong ni Cefas sa Antioquia, tinumagñan ko sia sa atu-bagñan, huli ta sia nasala.

Gal 2:12 Huli ta bago dumatong an nagka-pirang hale ki Santiago, sia nagkakan sa kaibahan nin magña Gentil; alagad pag­datong na ninda, sia sominibog asin sominuhay, sa takot kan magña nasa pagturi.

Gal 2:13 Asin an ibang magña Judio bomi-nulag man arog saiya; mala ta minsan si Bernabe nadara man ninda sa saindang pagsaguinsaguin.

Gal 2:14 Alagad kan mahiling ko na sinda dai naglalakao nin matanos sono sa katotoohan kan evangelio, ako nagsabi ki Pedro sa atubang nin gabos, Kun ika, bago Judio, namumuhay siring sa magña Gentil asin bakong siring sa magña Judio, tadao ta pinipirit mo an magña Gentil na mamuhay siring sa magña Judio?

Gal 2:15 Kita na magña Judio sa pagkamun-dag, asin bakong magña parakasala siring sa magña Gentil,

Gal 2:16 Alagad nakakaaram na an tauo dai pinapakangmatanos huli sa magña guibo kan katogonan kundi huli sa pagtubod ki Jesu-Cristo, minsan kita nagtubod ki Cristo Jesus, tagñaning kita pakangma-tanoson huli sa pagtubod ki Cristo, asin bakong huli sa magña guibo kan kato­gonan: huli ta sa magña guibo kan kato­gonan dai nin laman na papakangmata-noson.

Gal 2:17 Alagad kun, mantang kita naghi-higñoa na pakangmatanoson dian ki Cristo, kita man sana makuang magña parakasala, si Cristo dao paralingkod nin kasalan? Dai nangad.

Gal 2:18 Huli ta kun patindogon ko liwat an magña bagay na sakong linaglag, nagpa-patotoo ako sa sako man sana na ako paralapas.

Gal 2:19 Ta ako, huli kan katogonan, naga-dan sa katogonan, tagñaning ako mabu-hay manogñod sa Dios.

Gal 2:20 Ako ipinako sa cruz kadamay ni Cristo; asin bako na ako an nabubuhay, kundi si Cristo an nabubuhay sa sako: asin an buhay na ipinamumuhay ko gñunian sa laman, ipinamumuhay ko sa pagtubod na yaon sa Aki nin Dios, na namoot sako, asin ominatang sa saiya man sana huli sako.

Gal 2:21 Dai ko sinasayang an biyaya nin Dios: huli ta kun an katanosan huli sa katogonan, kun siring daing kapakanan an pagkagadan ni Cristo.



Gal 3:1 O rugñao na magña taga Galacia, siisay an naglumay saindo, na sa atubang nin saindong magña mata si Jesu-Cristo ipinahayag na ipinako sa cruz?

Gal 3:2 Ini sana an boot kong maaraman saindo, Inako nindo an Espiritu huli sa magña guibo kan katogonan, o huli sa paghinaniog dapit sa pagtubod?

Gal 3:3 Ano, siring kamo karugñao? paka-poon nindo sa Espiritu, magña sangkap na kamo gñunian sa laman?

Gal 3:4 Nagtios kamo nin dakol na bagay sa basang sana? kun iyan totoong basang sana.

Gal 3:5 Kaya idtong nagtatao sa saindo kan Espiritu asin nagguiguibo nin magña gñagñalasan dian sa saindo, nagguiguibo sia kaiyan huli sa magña guibo kan kato­gonan, o huli sa paghinaniog dapit sa pagtubod?

Gal 3:6 Siring na si Abraham nagtubod sa Dios, asin ibinilang iyan sa saiya na kata­nosan.

Gal 3:7 Kaya talastason nindo na an magña nasa pagtubod, an magña siring iyo an magña aki ni Abraham.

Gal 3:8 Asin an kasuratan, sa pakahiling na an Dios magpapakangmatanos kan ma­gña Gentil huli sa pagtubod, naghulit kan evangelio ki Abraham kaidto pa, na an sabi, sa saimo an gabos na nacion maguiguin paladan.

Gal 3:9 Kaya an magña nasa pagtubod ma­gña paladan sa kaibahan kan maimbod na Abraham.

Gal 3:10 Huli ta an gabos na nasa magña guibo kan katogonan nasasakopan kan silot: huli ta nasusurat, Sinumpaan an gabos na dai nagdadanay sa gabos na bagay na nasusurat sa libro kan katogo­nan sa pagguibo kaiyan.

Gal 3:11 Gñunian, hayag na dai nin siisay man na pinapakangmatanos kan kato­gonan sa atubang nin Dios: huli ta, An matanos mabubuhay huli sa pagtubod;

Gal 3:12 Asin an katogonan bakong sa pag­tubod; alagad, An nagguiguibo kaiyan mabubuhay dian.

Gal 3:13 Tinubos kita ni Cristo sa sumpa kan katogonan, huling sia naguin sumpa dahel sato; huli ta nasusurat, Sinumpaan an siisay man na nabibitay sa kahoy:

Gal 3:14 Tagñaning an bendicion ki Abra­ham dumatong sa magña Gentil dian ki Cristo Jesus; tagñaning huli sa pagtubod omako kita kan panuga nin Espiritu.

Gal 3:15 Magña tugang, ako nagtataram siring sa tauo: Minsan an tipan nin tauo sana, kun pinatotoohan na, dai nin siisay man na minasayang kaiyan, o minadagdag.

Gal 3:16 Sa ki Abraham itinaram an magña panuga, asin sa saiyang banhi. Sia dai nagsasabi, Asin sa magña banhi, na siring sa dakol; kundi siring sa saro, Asin sa saimong banhi, na iyo si Cristo.

Gal 3:17 Kaya ini an sabi ko: Sarong tipan na pinatotoohan kaidto nin Dios, an katogonan, na nagdatong pakalihis nin apat na gatos may tolong polong taon, dai naghale nin halaga, tagñaning dai masayang an panuga.

Gal 3:18 Huli ta kun an pamana huli sa katogonan, bako na iyan huli sa panuga: alagad itinogot iyan nin Dios ki Abra­ham huli sa panuga.

Gal 3:19 Kun siring, ano na an katogonan? Iyan idinagdag huli kan magña kalapa-san, sagkod na dumatong an banhi sa pinanugaan; asin iyan ipinadara huli kan magña angel sa kamot nin sarong parasorog.

Gal 3:20 Gñunian, an parasorog bakong sa saro; alagad an Dios saro sana.

Gal 3:21 Kun siring an katogonan tumang sa magña panuga nin Dios? Dai nangad: Huli ta kun nagkaiguang katogonan na itinao na makakabuhay, totoo kutana na an katanosan nasa katogonan.

Gal 3:22 Alagad sinakop kan kasuratan an gabos na bagay sa irarom nin kasalan, tagnaning an panuga huli sa pagtubod ki Jesu-Cristo ikatao sa magña nagtu-tubod.

Gal 3:23 Alagad bago dumatong an pagtu­bod, kita nabilango sa irarom kan kato­gonan, linaom manognod sa pagtubod na ipapahayag gñapit.

Gal 3:24 Kaya an katogonan naguin satong paraaling sa pagdara sato ki Cristo, ta­gñaning kita pakangmatanoson huli sa pagtubod.

Gal 3:25 Alagad gñunian na an pagtubod nagdatong na, dai na kita nasasakopan nin paraaling.

Gal 3:26 Huli ta kamo gabos magña aki nin Dios huli sa pagtubod dian ki Cristo Jesus.

Gal 3:27 Huli ta an gabos sa saindo na nag-kaburuniagan dian ki Cristo, iguinubing na ninda si Cristo.

Gal 3:28 Dai nin Judio ni Griego, dai nin oripon ni hiwas, dai nin lalaki ni babae; huli ta kamo gabos saro sana dian ki Cristo Jesus.

Gal 3:29 Asin kun kamo magña ki Cristo, magña banhi kamo ni Abraham, magña paramana siring sa panuga.



Gal 4:1 Alagad ako nagsasabi, na mantang an paramana sadit pa, dai sia nin kalaenan sa oripon minsan sia iyo an kagurangñan nin gabos;

Gal 4:2 Kundi sia nasasakop nin magña paraataman asin magña pinaniwalaan sagkod sa panahon na itinalaan kan ama.

Gal 4:3 Siring man kita, kan kita saradit pa, naoripon kan magñaenot na katokdoan nin kinaban.

Gal 4:4 Alagad kan an kapanahonan dumatong na, isinobol nin Dios an saiyang Aki, namundag sa babae, namundag sa irarom kan katogonan,

Gal 4:5 Tagñaning matubos nia an magña nasa irarom kan katogonan, tagñaning kita magkamit kan pagpaniakia.

Gal 4:6 Asin huling kamo magña aki, isino­bol nin Dios an Espiritu kan saiyang Aki sa satong magña puso, na nagkukurahao, Abba, Ama.

Gal 4:7 Mala ta bako ka nang oripon, kundi aki; asin kun aki, paramana huli sa Dios.

Gal 4:8 Minsan siring, kaidto, sa dai paka-midbid sa Dios, kamo nasa kaoripnan kan magña bakong tunay na Dios:

Gal 4:9 Alagad gñunian na kamo nakamid-bid na sa Dios, o marahay pa, na kamo namidbid na nin Dios, tadao ta nag-babalik liwat kamo sa magña maluya asin dukhang enot na katokdoan, na dian boot kamong maguin oripon liwat?

Gal 4:10 Kamo nagootob nin magña aldao, asin magña bulan, asin magña panahon, patin magña taon.

Gal 4:11 Natatakot ako dapit saindo, tibaad sa anoman na paagui ako nagpagal nin basang dian sa saindo.

Gal 4:12 Magña tugang, ako nakikimaherak saindo, magui kamong siring sako, huli ta ako man naguiguin siring saindo. Dai kamo nagguibo nin anoman na sala sako:

Gal 4:13 Alagad kamo nakakaaram na huli sa kahelagñan nin laman, ako an enot na nakahulit saindo kan evangelio:

Gal 4:14 Asin idtong sarong sugot saindo sa sakong laman, dai nindo ikinaognis, ni isinikual; kundi inako ako nindo siring sa sarong angel nin Dios, siring ki Cristo Jesus.

Gal 4:15 Kaya haen an saindong kaogma-han? huli ta ako nagpapatotoo saindo, na, kun mahihimo pa sana, hinulwat kutana nindo an saindong magña mata asin itinao sa sako.

Gal 4:16 Kaya ano, nagui na akong kaiwal nindo, sa pagsabi saindo kan katotco-han?

Gal 4:17 Hinahanap kamo ninda ninmaigot sa maraot na kaisipan; iyo, minamawot ninda na ibulag kamo, tagnaning hanapon nindo sinda.

Gal 4:18 Alagad marahay na paghanapon nin maigot sa gabos na panahon mano­gñod sa marahay na bagay; asin bako sanang kun ako nasa kaibahan nindo.

Gal 4:19 Magña saradit kong aki, na sakong pinagsasakitan liwat sagkod na si Cristo matala dian sa saindo-

Gal 4:20 Alagad boot kong masa kaibahan nindo gñunian, asin na liwaton ko an sakong tigñog; huli ta ako nahahadit dapit saindo.

Gal 4:21 Sabihi ako nindo, kamo na nagma-mawot na pumasakop sa katogonan, dai nindo nadadagñog an katogonan?

Gal 4:22 Huli ta nasusurat, na si Abraham nagkaigua nin duang aking lalaki, an saro sa oripon na babae, asin an saro sa hiwas na babae.

Gal 4:23 Minsan siring an aki sa oripon na babae namundag siring sa laman; alagad an aki sa hiwas na babae namundag huli sa panuga.

Gal 4:24 Na an magña bagay na ini igua nin kahologan: huli ta an magña babaeng ini iyo an duang tipan; an saro hale sa bukid nin Sinai, na nagaaki manogñod sa kaoripnan, na iyo si Agar.

Gal 4:25 An Agar na ini iyo an bukid nin Sinai sa Arabia, na kabaing kan Jerusa­lem gñunian: huli ta sia nasa kaoripnan kaiba kan saiyang magña aki.

Gal 4:26 Alagad an Jerusalem na nasa itaas hiwas, na iyo an satong ina.

Gal 4:27 Huli ta nasusurat, Magogma ka, ika na bawas na dai nagñagñaki; Magawit ka asin magkurahao, ika na dai nagsasakit: Huli ta dakol pa an magña aki kan pinabayaan ki kan babaeng may agom.

Gal 4:28 Gñunian, magña tugang, kita, si­ring ki Isaac, magña aki nin panuga.

Gal 4:29 Alagad siring kaidto na an ipina-gñaki siring sa laman naglamag kan namundag siring sa Espiritu, siring man gñunian.

Gal 4:30 Minsan siring ano an sinasabi kan kasuratan? Sikualan an babaeng oripon asin an saiyang aki: huli ta an aki kan babaeng oripon dai magmamana sa kai­bahan kan aki kan babaeng hiwas.

Gal 4:31 Kaya, magña tugang, bako kitang magña aki kan babaeng oripon, kundi kan babaeng hiwas.



Gal 5:1 Manogñod sa libertad kita ilinigtas ni Cristo: kaya magdanay kamo, asin dai na magpasakop liwat sa sakal nin kaoripnan.

Gal 5:2 Uya, ako si Pablo nagsasabi saindo, na, kun kamo magako kan pagpaturi, kamo dai nin anoman na pakikinaba-gñon ki Cristo.

Gal 5:3 Oho, ako nagpapatotoo liwat sa lambang tauo na minaako kan pagpatu­ri, na sia kaipuhan na gumibo kan bilog na katogonan.

Gal 5:4 Kamo nakabulag ki Cristo, kamo na boot pakangmatanoson huli kan katogo­nan; kamo nakabutas sa biyaya.

Gal 5:5 Ta kami huli kan Espiritu, sa pag-tubod naghahalat kan paglaom nin katanosan.

Gal 5:6 Huli ta dian ki Cristo Jesus minsan an pagpaturi dai nin pakinabang, ni an dai pagpaturi; kundi an pagtubod na nagguiguibo huli sa pagkamoot.

Gal 5:7 Kamo kaidto nagdadalagan nin ma­rahay; siisay an nagolang saindo na dai na kamo magkuyog kan katotoohan?

Gal 5:8 An pagsadol na ini bakong hale sa nagaapod saindo.

Gal 5:9 An kadikit na levadura minapaos-bog kan bilog na masa.

Gal 5:10 Ako may paniwala saindo dian sa Kagurangnan, na dai kamo magiisip nin iba: alagad an nagpupurisao saindo iyo an magtitios kan saiyang silot, minsan siisay sia.

Gal 5:11 Alagad ako, magña tugang, kun ako naghuhulit pa kan pagpaturi, tadao ta pinaglalamag pa ako? kun siring an sisingkogan kan cruz nahale na.

Gal 5:12 Boot ko na an nagriribok saindo makalihis pa sa pagpaturi.

Gal 5:13 Huli ta kamo, magña tugang, ina-pod manogñod sa libertad; alagad dai nindo gamiton an saindong libertad sa pagpaoyon sa laman, kundi huli sa pag­kamoot magparilingkodan kamo.

Gal 5:14 Huli ta an bilog na katogonan nao-otob sa saro sanang tataramon, na iyo ini: Mamotan mo an saimong kataed siring sa saimo man sana.

Gal 5:15 Alagad kun kamo nagpapakaragat-kagatan asin nagpapaharalonhalonan, magigñat kamo na dai man kamo mag-kaorobos.

Gal 5:16 Alagad ako nagsasabi, Maglakao kamo sa Espiritu, asin dai kamo magoo-tob kan horot nin laman.

Gal 5:17 Huli ta an laman naghohorot tu-mang sa Espiritu, asin an Espiritu tumang sa laman; huli ta an magña ini nagkakatumang; tagñaning dai kamo makaguibo kan magña bagay na boot nindo.

Gal 5:18 Alagad kun kamo kinakabit kan Espiritu, dai kamo nasasakopan kan katogonan.

Gal 5:19 Gnunian, hayag an magña guibo nin laman, na iyo: an pagsambay, karompotan, karigsokan,

Gal 5:20 Pagsamba sa ladawan, hoklob, kamorondoan, iriwal, magñapagnimon, magña kaangotan, pagsuruhay, pagka-baragña, pagkaralaenlaen,

Gal 5:21 Magña kaurihan, magña pagburat, magña kapasloan, asin an magña kabaing kaiyan; na kaiyan kamo pinapatanidan o, siring sa pagpatanid ko saindo kaid, na an magña nagguiguibo kan magña bagay na iyan dai magmamana kan kahadean nin Dios.

Gal 5:22 Alagad an bugña kan Espiritu iyo an pagkamoot, kaogmahan, katonino-gñan, pakatios, kabootan, karahayan, kaimbodan,

Gal 5:23 Kahoyoan kamayokodan; tumang sa magña siring dai nin katogonan.

Gal 5:24 Asin ipinako na sa cruz kan magña nasa ki Cristo Jesus an saindang laman sagkod kan magña mawot asin magña horot kaiyan.

Gal 5:25 Kun kita nabubuhay sa Espiritu, maglakao man kita sa Espiritu.

Gal 5:26 Dai kita maguin magña mapaa-baoabao na magpaoroarangot, asin mag-paororiori.



Gal 6:1 Magña tugang, minsan kun an saro maholog sa anoman na pakalapas, kamo na magña espiritual, bagñona nindo an siring sa espiritu nin kahoyoan; na magmaan ka sa saimo man sana tibaad kun ika man mapagsugotan.

Gal 6:2 Magpahorohinuang kamo kan sain-dong magña pasan, asin sa siring otobon nindo an katogonan ni Cristo.

Gal 6:3 Huli ta kun an siisay man naghoho-na na sia may halaga, kun sia bakong anoman, sia nagdadaya sa saiya man sana.

Gal 6:4 Alagad an lambang saro magpatotoo kan saiyang guibo, asin dagnan sia mag-kakamit kan saiyang pagmuraway dapit sa saiya man sana, asin bakong an dapit sa saiyang kataed.

Gal 6:5 Huli ta an lambang saro magpasan kan saiyang sadiring pasan.

Gal 6:6 Alagad idtong tinokdoan dian sa tataramon makipagdamay sa nagtotok-do kan gabos na marahay na bagay.

Gal 6:7 Dai kamo madayaan; an Dios dai mapagologolog: huli ta an anoman na itinatanom nin tauo, iyan man sana an saiyang aanihon.

Gal 6:8 Huli ta an nagtatanom manogñod sa saiyang laman, magaani sa laman nin pagkatunao; alagad an nagtatanom ma­nogñod sa Espiritu, magaani sa Espiritu nin buhay na dai nin katapusan.

Gal 6:9 Asin dai kita mapagal sa pagguibo nin karahayan: huli ta sa kapanahonan magaani kita, kun dai kita malonosan.

Gal 6:10 Kaya, mantang igua kita nin panahon, gumibo kita nin karahayan sa gabos na tauo, asin orog na sa magña nasa kapagarakian sa pagtubod.

Gal 6:11 Hilgña nindo kun sa gurano kada-rakulang letra ako nagsurat sa saindo sa sakong sadiring kamot.

Gal 6:12 An gabos na nagmamawot na makapahiling nin marahay sa laman, sin-da an nagpipirit saindo na magpaturi kamo; tagñani sanang dai sinda paglama-gon huli kan cruz ni Cristo.

Gal 6:13 Huli ta minsan an magña nagako kan pagpaturi dai nagootob kan kato­gonan; kundi sinda nagmamawot na kamo turion, tagñaning sinda makapag-pamuraway sa saindong laman.

Gal 6:14 Alagad ipaharayo logod sako nar magpamuraway, kun bakong sa cruz nin satong Kagurangnan na si Jesu-Cris-to, na huli saiya an kinaban napako sa cruz manognod sako, asin ako mano­gnod sa kinaban.

Gal 6:15 Huli ta bakong anoman an pagpa-turi, ni an dai pagpaturi, kundi an ba-gong linalang.

Gal 6:16 Asin an gabos na maglakao sono sa pagboot na ini, an katoninogñan asin an pagkaherak mapa sainda, asin sa Israel nin Dios.

Gal 6:17 Magpoon gñunian dai nin siisay man na magribok sako; huli ta daradara kong nalalagda sa sakong hawak an magña tanda ni Jesus.

Gal 6:18 Magña tugang, an biyaya nin sa­tong Kagurangnan na si Jesu-Cristo mapa sa saindong espiritu. Auot pa.



AMAZING GRACE BIBLE INSTITUTE