BIKOL EPHESIANS


Eph 1:1 Si Pablo, na apostol ni Cristo Jesus huli sa kabotan nin Dios, sa magñabanal na nasa Efeso, asin sa magña maimbod dian ki Cristo Jesus.

Eph 1:2 An biyaya mapa saindo asin an katoninogñan hale sa Dios na satong Ama asin sa Kagurangnan na si Jesu-Cristo.

Eph 1:3 Pagomawon an Dios asin Ama nin satong Kagurangnan na si Jesu-Cristo, na nagbendicion sato kan gabos na bendi­cion na espiritual sa magña lagñitnon na kamugtakan dian ki Cristo:

Eph 1:4 Siring sa pagkapili nia sato dian sa saiya bago lalagñon an kinaban, tagna-ning kita maguin banal asin daing digta sa pagkamoot sa atubang nia:

Eph 1:5 Na itinalaga kita sa pagpaniakia na maguin aki nia huli ki Jesu-Cristo, siring sa pinagmarahay kan saiyang kabotan.

Eph 1:6 Manognod sa kaomawan kan kamu-rawayan nin saiyang biyaya, na saiyang itinao sa sato na daing bayad huli kan Namomotan:

Eph 1:7 Na dian sa saiya igua kita kan satong katubosan huli kan saiyang dugo, kan kapatawadan kan satong magña kalapasan, sono sa magña kayamahan kan saiyang biyaya,

Eph 1:8 Na pinapagsopay nia manogñod sato sa gabos na kadonogñan asin paka-sabot,

Eph 1:9 Na ipinatalastas sato an tagong-hilom nin saiyang kabotan, siring sa saiyang pinagmarahay na saiyang mina-wot sa saiya.

Eph 1:10 Manognod sa pagandam kan kapa-nahonan, sa pagbiriyo kan gabos na bagay dian ki Cristo, an magña bagay na nasa kalagñitan, asin an magña bagay na nasa daga;

Eph 1:11 Dian sa saiya, sabi ko, na sa saiya man guinibo kitang pamana, pakatala-gahan siring sa pagmawot kan nagguigui-bo kan gabos na bagay sono sa hatol kan saiyang boot;

Eph 1:12 Sa katuyohan na kita maguin kao­mawan kan saiyang kamurawayan, kita na naglaom kaidto pa ki Cristo:

Eph 1:13 Na sa saiya kamo man, pakadagñog kan tataramon kan katotoohan, an evan-gelio nin saindong kaligtasan,-na sa saiya, pakatubod man, kamo tinandaan kan Espiritu Santo nin panuga,

Eph 1:14 Na iyo an sangra kan satong pama­na, sa pagtubos kan sadiri nin Dios, manogñod sa kaomawan kan saiyang kamurawayan.

Eph 1:15 Huli kaini man, pakadagñog ko kan pagtubod na nasa saindo dian sa Kagurangnan na si Jesus, asin kan pag-kamoot na saindong ipinapahayag sa gabos na banal,

Eph 1:16 Dai ako nagoontok nin pagpasala-mat manogñod saindo, na sinasambit ko kamo sa sakong magña pamibi;

Eph 1:17 Tagñaning an Dios nin satong Kagurangnan na si Jesu-Cristo, an Ama nin kamurawayan, tumao sa saindo nin Espiritu nin kadonogñan asin kapahaya-gan sa pakasabot dapit saiya;

Eph 1:18 Na paliwanagan an magña mata nin saindong puso, tagñaning makaaram kamo kun ano an paglaom kan saiyang pagapod, kun ano an magña kayamanan kan kamurawayan nin saiyang pamana sa magña banal,

Eph 1:19 Asin kun ano an labilabing kada-kulaan kan saiyang kapangyarihan ma­nogñod sato na nagtutubod, siring kan pagguibo kan kosog nin saiyang kapang­yarihan.

Eph 1:20 Na saiyang guinibo dian ki Cristo, kan buhayon nia sia liwat sa magña gadan, asin kan patukawon nia sia sa saiyang too sa magña lagñitnon na kamugtakan,

Eph 1:21 Sa itaas na marahay kan gabos na pagboot, asin kapangyarihan, asin kabagsikan, asin kasakopan, patin sa gabos na gñaran na igñinaran, bako sanang sa kinaban na ini, kundi man sa omaaboton:

Eph 1:22 Asin ipinasakop nia an gabos na bagay sa irarom nin saiyang magña bitis, asin itinao sia na mani payo sa gabos na bagay sa simbahan,

Eph 1:23 Na iyo an saiyang hawak, an kapa-noan kaidtong nakakapano kan gabos sa gabos.



Eph 2:1 Asin kamo binuhay nia kan kamo garadan pa huli kan saindong magña kalapasan asin kasalan,

Eph 2:2 Na dian nagralakao kamo kaidto sono sa palakao kan kinaban na ini, sono sa principe kan magña kapangyari­han nin doros, kan espiritu na nagguigui-bo gffunian sa magña aki nin kasumbi-kalan;

Eph 2:3 Na sa tahao ninda kita gabos man namuhay kaidto sa magña horot nin satong laman, na nagguiguibo kan ma­gña mawot nin laman asin nin pagisip, asin sono sa pagkamundag, magña aki nin kaangotan, siring kan magña iba:—

Eph 2:4 Alagad an Dios, na mayaman sa pag-kaherak, huli kan dakula niang pagka-moot na ikinamoot sato,

Eph 2:5 Minsan kan kita garadan pa huli kan satong magña kalapasan, bominuhay sato sa kaibahan ni Cristo (huli sa biya­ya kamo nakaligtas),

Eph 2:6 Asin binagñon nia kita liwat sa kai­bahan nia, asin pinatukao sa kaibahan nia sa magña lagñitnon na kamugtakan, dian ki Cristo Jesus:

Eph 2:7 Tagñaning sa magña panahon na madatong ikapahayag nia an labilabing magña kayamanan nin saiyang biyaya sa saiyang kabootan manogñod sato dian ki Cristo Jesus:

Eph 2:8 Ta huli sa biyaya kamo nakaligtas huli sa pagtubod; asin iyan bakong hale sa saindo, kundi balaog nin Dios;

Eph 2:9 Bakong huli sa magña guibo, tagña-ning dai nin siisay man na managsag.

Eph 2:10 Huli ta kita an saiyang guibo, lina-lang dian ki Cristo Jesus manogñod sa magña marahay na guibo, na inandam nin Dios kaidto pa tagñaning maglakao kita dian.

Eph 2:11 Kaya guiromdoma nindo, na kaid­to kamo na magña Gentil sa laman, na pinagaapod Bakong turi kan magña pinagaapod Turi, sa laman, na guinibo nin magña kamot;

Eph 2:12 Na kamo kan panahon na idto ma­gña bulag ki Cristo, isiniblag sa nacion ni Israel, asin magña bakong kahimanua sa magña tipan kan panuga, na daing paglaom asin dai nin Dios sa kinaban.

Eph 2:13 Alagad gñunian dian ki Cristo Jesus, kamo na magña harayo kaidto naguin harani huli kan dugo ni Cristo.

Eph 2:14 Huli ta sia iyo an satong katoni-nogñan, na nagsaro kan dua, asin nag-gaba kan pagoltan na lanob,

Eph 2:15 Na hinale huli kan saiyang laman an kaangotan, na iyo an katogonan nin magña pagboot na nasa magña kasogo-an; tagñaning malalang nia manogñod saiya an sarong bagong tauo duman sa dua, na gumibo nin katoninogñan;

Eph 2:16 Asin mapaguli sinda sa sarong hawak manogñod sa Dios huli kan cruz, na dian guinadan an kaangotan:

Eph 2:17 Asin sia nagdatong asin naghulit kan katoninogñan sa saindo na nasa harayo, asin katoninogñan sa magña nasa harani:

Eph 2:18 Ta huli saiya kita magkasi naka-dolok sa Ama sa sarong Espiritu.

Eph 2:19 Kaya bako na kamong bakong maghimanua asin magña parapakierok, kundi kamo magkasi ciudadano sa kai-bahan nin magña banal, asin magña sa kapagarakian nin Dios,

Eph 2:20 Na itinotogdok sa ibabao kan pasi-sikadan nin magña apostol asin magña profeta, na an pamayohan na gapo kan angulo iyo si Cristo Jesus;

Eph 2:21 Na sa saiya, an lambang harong na nagkakasorogpon nin marahay, nagtata-lobo na maguin sarong mahal na templo sa Kagurangnan;

Eph 2:22 Na dian kamo man itinotogdok manogñod sa erokan nin Dios sa Espi­ritu.



Eph 3:1 Huli kaini, ako si Pablo, an bilango ni Cristo Jesus dahel saindo magña Gentil,

Eph 3:2 Kun baga kamo nakadagñog na kan kapamahalaan kan biyaya nin Dios na itinao sa sako manogñod saindo;

Eph 3:3 Kun paano na sa kapahayagan ipi-nahayag sako an tagong-hilom, siring sa isinurat ko kaidto sa diit na tataramon,

Eph 3:4 Na dian, kun basahon nindo, mata-talastas nindo an sakong pakasabot sa tagong-hilom ni Cristo;

Eph 3:5 Na kan ibang magña panahon dai ipinahayag sa magña aki nin magña tauo, siring na gñunian ipinahayag na sa saiyang magña banal na apostol asin, magña profeta huli kan Espiritu;

Eph 3:6 Na an magñaGentil magña kapua-paramana, asin kapua-kabtang kan hawak asin kapua-parapakinabang kan panuga dian ki Cristo Jesus huli kan evangelio,

Eph 3:7 Na kaiyan ako guinibong paraling-kod, sono sa balaog kan biyaya nin Dios na itinao sa sako siring sa pagguibo kan saiyang kapangyarihan.

Eph 3:8 Sa sako, na sadit sa orog kasadit sa gabos na banal, itinao an biyayang ini na maghulit sa magña Gentil kan dai maro-rop na magña kayamanan ni Cristo;

Eph 3:9 Asin na magpatalastas sa gabos na tauo kun ano an kapamahalaan kan tagong-hilom na sa halawig na panahon natago dian sa Dios na naglalang kan gabos nabagay;

Eph 3:10 Sa katuyohan na gñunian ikapa-hayag an magña kadonogñan nin Dios sa magña principado asin kapangyarihan sa magña lagñitnon na kamugtakan huli kan simbahan,

Eph 3:11 Siring sa daing katapusan na katu­yohan na saiyang minawot dian ki Cristo Jesus na satong Kagurangnan:

Eph 3:12 Na sa saiya igua kita nin kaisogan asin pakadolok na may panarig huli kan satong pagtubod sa saiya.

Eph 3:13 Kaya, hinahagad ko na kamo dai malonosan huli kan sakong magña kaho-rasaan manogñod saindo, na iyan iyo an saindong kamurawayan.

Eph 3:14 Huli kaini ilinolohod ko an sakong magña tohod sa Ama,

Eph 3:15 Na sa saiya nagkua nin gilaran an gabos na kapagarakian sa lagñit asin sa daga,

Eph 3:16 Tagñaning itogot nia saindo, siring sa magña kayamanan nin saiyang kamu­rawayan, na kamo pakosogon kan kapangyarihan huli kan saiyang Espiritu dian sa pagkatauo sa laog;

Eph 3:17 Tagñaning si Cristo magerok sa saindong magña puso huli sa pagtubod; tagñaning kamo, huling nakagamot asin napasarig sa pagkamoot,

Eph 3:18 Kumosog sa pakasabot, sa kaiba-han kan gabos na banal, kan kahalak-bagñan asin kahalabaan asin kahalangka-wan patin kahararoman,

Eph 3:19 Asin sa pakaaram kan pagkamoot ni Cristo na minalampas sa kadonogñan, taganing kamo mapano sagkod sa bilog na kapanoan nin Dios.

Eph 3:20 Gñunian, sa saiya na makakaguibo nin labi kaorog kan gabos tang hinahagad o iniisip, sono sa kapangyarihan na nagguiguibo dian sa sato,

Eph 3:21 Mapa saiya an kamurawayan dian sa simbahan asin dian ki Cristo Jesus sa gabos na kapagarakian sagkod lamang asin noarin pa man. Auot pa.



Eph 4:1 Kaya ako, na bilango sa Kaguran­gnan, nakikimaherak saindo na maglakao nin agñay sa pagapod na ina-pod saindo,

Eph 4:2 Sa bilog na kapakumbabaan asin kahoyoan, sa pakatios, na magpatirios-tiosan sa pagkamoot;

Eph 4:3 Na maigot sa pagñataman kan pag-kasaro dian sa Espiritu sa gapos nin katoninogñan.

Eph 4:4 May sarong hawak, asin sarong Espiritu, siring na kamo man inapod sa sarong paglaom kan kamo apodon;

Eph 4:5 Sarong Kagurangñan, sarong pag-tubod, sarong buniag,

Eph 4:6 Sarong Dios asin Ama nin gabos, na nasa ibabao nin gabos, asin nasa tahao nin gabos, patin nasa gabos.

Eph 4:7 Alagad sa lambang saro sa sato itinao an biyaya sono sa sokol kan balaog ni Cristo.

Eph 4:8 Kaya sia nagsasabi, Kan sia sumakat sa kaitaasan, dina-ra niang bihag an pagkabihag, Asin tinawan nin magña balaog an magña tauo.

Eph 4:9 (Gñunian ining, Sia sumakat, ano iyan kundi na sia hominilig man sa ma­gña kamugtakan na nasa irarom nin daga?

Eph 4:10 An naghilig iyo man sana an nag-sakat sa kaoroitaasi kan gabos na lagñit, tagñaning mapano nia an gabos na bagay.)

Eph 4:11 Asin sia nagtao nin nagkapirang apostol; asin nin nagkapirang profeta; asin nin nagkapirang evangelista; patin nin nagkapirang paraataman asin para-tokdo;

Eph 4:12 Manogñod sa pagsangkap sa magña banal, manogñod sa pagguibo kan pag-lingkod, manogñod sa pagpakosog kan hawak ni Cristo:

Eph 4:13 Sagkod na kita gabos makaabot sa paukasararo sa pagtubod, asin sa paka-midbid kan Aki nin Dios sa sarong pag-katauo na sangkap, sa sokol kan kada-kulaan kan kapanoan ni Cristo:

Eph 4:14 Tagñaning dai na kita maguin siring sa magña aki, na ipinagpapalidpa-lid asin pinagdadaradara nin gabos na doros nin katokdoan, huli sa kadayaan nin magña tauo, sa katosohan, sono sa kaliksihan nin kasal?an;

Eph 4:15 Kundi sa pagtaram nin katotoo-han sa pagkamoot, magtalobo sa gabos na bagay dian saiya, na iyo an payo, si Cristo;

Eph 4:16 Na sa saiya an bilog na hawak nag-kasararo nin marahay asin nagkaborog-kos huli kan pagkasorogpon kan gabos, siring sa maninigong pagguibo kan lam­bang kabtang, an hawak nagdadagdag sa pagpakosog sa saiya man sana sa pag­kamoot.

Eph 4:17 Kaya ako nagsasabi kaini, asin nag-papatotoo sa Kagurangnan, na kamo dai maglakao siring sa paglakao man kan magña Gentil, sa kapaabaoabawan kan saindang pagisip,

Eph 4:18 Huling nadidikloman an saindang pagisip, bulag sa buhay nin Dios, huli kan kakablasan na nasa sainda, huli kan pagtagas kan saindang puso;

Eph 4:19 Na sinda, huling dai na nakaka-mate, tominao sa sainda man sana sa karigsokan, sa pagguibo kan gabos na karupitan sa kapasloan.

Eph 4:20 Alagad bakong siring an nanodan nindoki Cristo;

Eph 4:21 Kun totoo na sia nadagñog nindo, asin na kamo natokdoan dian sa saiya, siring na an katotoohan nasa ki Jesus:

Eph 4:22 Kun totoo na hinale na nindo, dapit sa enot nindong pamumuhay, an daan, na pagkatauo na nagoorog an pag-raot sa paghanap kan magña horot nin kadayaan;

Eph 4:23 Asin na kamo nabago na sa espi­ritu kan saindong pagisip,

Eph 4:24 Asin naggubing na kan bagong pagkatauo na linalang sono sa Dios sa katanosan asin sa kabanalan nin kato­toohan.

Eph 4:25 Kaya, pakahalea kan kaputikan. magtaram kamo nin katotoohan an lambang saro sa saiyang kataed: huli ta kita magña kabtang kan saro sa saro.

Eph 4:26 Maangot kamo, asin dai magkasala; dai nindo pasolnopon an aldao sa sain­dong kaangotan:

Eph 4:27 Ni tawan nin lugar an diablo.

Eph 4:28 An naghabon, dai na maghabon; kundi marahay pa na sia magpagal, na magguibo huli kan saiyang magña kamot kan bagay na marahay, tagñaning mag-kaigua sia nin ikatao sa nagñagñaipo.

Eph 4:29 Dai kamo magpaluas nin maraot na tataramon sa saindong gñoso, kundi an marahay sa pagparigon siring sa kinakai-puhan, tagñaning makatao nin biyaya sa magña nagdadagñog.

Eph 4:30 Asin dai nindo pagpamondoon an Espiritu Santo nin Dios, na sa saiya kamo natandaan manogñod sa aldao nin pagtubos.

Eph 4:31 An gabos na kapaitan, asin kaango­tan. asin kaogñisan, asin karibokan, patin rilibakan magkaharale sa saindo, sagkod kan gabos na karatan:

Eph 4:32 Asin magpahererakherakan kamo, magña mamomoton, na magpatarawad-tawadan kamo, siring na an Dios man nagpatawad saindo dian ki Cristo.



Eph 5:1 Kaya magui kamong magña para-arog sa Dios, siring sa magña aking namomotan;

Eph 5:2 Asin maglakao sa pagkamoot, siring na si Cristo man namoot saindo, asin ominatang sa saiya man sana dahel sato, sarong atang asin dolot sa Dios na maguin alimio nin mahamot na parong.

Eph 5:3 Alagad an pagsambay asin an gabos na karompotan, o kaaraan, dai nangad iyan minsan manabihan dian sa saindo, siring sa maninigo sa magña banal;

Eph 5:4 Ni an karamogan, ni an sa rugñao na orolay, ni an sorobahan, na dai mani­nigo: kundi marahay pa an magña pag-pasalamat.

Eph 5:5 Huli ta sa katotoohan naaaraman nindo ini, na dai nin parapakisaro, ni marompot na tauo, ni maaraon, na para-samba sa ladawan, na igua nin anoman na pamana sa kahadean ni Cristo asin nin Dios.

Eph 5:6 Dai kamo magpadaya sa kiisay man sa magña basang na tataramon: ta huli kan magña bagay na ini nadatong an kaangotan nin Dios sa magña aki nin kasumbikalan.

Eph 5:7 Kaya dai kamo makipagdamay sainda;

Eph 5:8 Huli ta kaidto kamo kadikloman, alagad gñunian kaliwanagan dian sa Kagurangnan: maglakao kamo siring sa magña aki nin liwanag.

Eph 5:9 (Huli ta an bugña kan liwanag yaon sa gabos na karahayan asin katanosan patin katotoohan),

Eph 5:10 Na baloon kun ano an nakakaogma sa Kagurangnan;

Eph 5:11 Asin dai kamo makisumaro sa magña daing pakinabang na guibo nin kadikloman, kundi marahay pa na sa-gueon nindo iyan;

Eph 5:12 Huli ta an magña bagay na guini-guibo ninda sa hilom makasosopog min­san sabihon sana.

Eph 5:13 Alagad an gabos na bagay kun sinasague nahahayag huli kan liwanag: huli ta an gabos na nahahayag anan kaliwanagan.

Eph 5:14 Kaya sia nagsasabi, Pagmata, ika na natotorog, asin pagbagñon sa magña gadan, asin si Cristo masirang sa saimo.

Eph 5:15 Kaya maanan nindo nin marahay kun paano an saindong paglakao, bakong siring sa mangmang, kundi siring sa madonong;

Eph 5:16 Na tuboson an panahon, huli ta an magña aldao maraot.

Eph 5:17 Kaya dai kamo maguin rugñao, kundi magsabot kun ano an boot nin Kagurangnan.

Eph 5:18 Asin dai kamo maburat sa arak, na dian kaiyan an karibokan, kundi mapa-no kamo kan Espiritu;

Eph 5:19 Na magorolayolay kamo sa magña salmo asin magña himno patin magña awit na espiritual, na nagaawit asin nagoogma sa saindong puso sa Kagu­rangnan;

Eph 5:20 Na nagpapasalamat guiraray sa gabos na bagay sa Dios na Ama, sa gna-ran nin satong Kagurangnan na si JesuCristo;

Eph 5:21 Na magpasarakopsakop kamo dian sa pagkatakot ki Cristo,

Eph 5:22 Magña agom na babae, magpasa-kop kamo sa saindong sadiring magña agom na lalaki, nin siring kan sa Kagu-rangnan.

Eph 5:23 Huli ta an agom na lalaki iyo an payo kan agom na babae, siring na si Cristo man iyo an payo kan simbahan, na sia man sana an paraligtas kan hawak.

Eph 5:24 Alagad siring na an simbahan sakop ni Cristo, maguin siring man an magña agom na babae sa saindang magña agom na lalaki sa gabos na bagay.

Eph 5:25 Magña agom na lalaki, mamotan nindo an saindong sadiring magña agom na babae, siring na si Cristo man namoot sa simbahan, asin ominatang sa saiya man sana dahel kaiyan;

Eph 5:26 Tagñaning mapakangbanal nia iyan, pakalinigui kaiyan sa paghugas sa tubig huli kan tataramon,

Eph 5:27 Tagñaning ikaatubang ma an sim­bahan sa saiya man sana, siring sa ma-murawayon na simbahan, mayo nin digta o korondot, o anoman na kabaing kaiyan; kundi na iyan maguin banal asin mayong kaninan.

Eph 5:28 Siring man an magña agom na lalaki maninigong mamoot sa saindang sadiring magña agom na babae siring sa saindang sadiring magña hawak. An na-momoot sa saiyang agom na babae namomoot sa saiya man sana:

Eph 5:29 Huli ta dai nin siisay man na naogñis sa saiyang sadiring laman; kun­di pinapakakan asin inaataman iyan, nin siring ki Cristo man sa simbahan;

Eph 5:30 Huli ta kita magña kabtang kan sai­yang hawak.

Eph 5:31 Huli kaini an lalaki mabaya sa sai­yang ama asin ina, asin madayopot sa saiyang agom na babae; asin an dua maguiguin sarong laman.

Eph 5:32 An tagong-hilom na ini dakula: ala-gad ako nagtataram dapit ki Cristo asin kan simbahan.

Eph 5:33 Minsan siring an lambang saro sa saindo mamoot sa saiyang sadiring agom na babae siring sa saiya man sana; asin an agom na babae matakot sa saiyang agom na lalaki.



Eph 6:1 Magña aki, magkuyog kamo sa sain­dong magña magurang sa Kaguran­gnan: huli ta iyo ini an matanos.

Eph 6:2 Galagñan mo an saimong ama asin ina (na iyo an enot na togon na may panuga),

Eph 6:3 Tagñaning mapakarahay ka, asin mabuhay ka nin halawig sa ibabao nin daga.

Eph 6:4 Asin, kamo magña ama, dai nindo pagpaangoton an saindong magña aki: kundi padakulaon sinda sa pagsague asin sa hatol nin Kagurangnan.

Eph 6:5 Magña oripon, magkuyog kamo sa saindong magña kagurangnan sa laman sa takot asin takig, sa katunayan nin saindong puso nin siring sa ki Cristo;

Eph 6:6 Bakong siring sa magña paralingkod sa mata, asin parapaoyon sa magña tauo; kundi siring sa magña oripon ni Cristo, na nagguiguibo kan boot nin Dios guikan sa puso;

Eph 6:7 Na maglingkod sa marahay na boot, siring sa Kagurangnan, asin bakong sa magña tauo:

Eph 6:8 Sa pakaaram na an anoman na kara-hayan na guiniguibo nin lambang saro, iyan man sana an aakoon nia liwat sa Kagurangnan, minsan sia gapos o butas.

Eph 6:9 Asin, kamo magña kagurangnan, gumibo nin siring man sana sa sainda, asin pabayaan an magña pagpatakot: sa pakaaram na an Kagurangnan ninda asin nindo man nasa lagñit, asin dian sa saiya dai nin pinapalaen na tauo.

Eph 6:10 Sa katapusan, magpakakosog kamo dian sa Kagurangnan, asin dian sa kako-sogan nin saiyang kapangyarihan.

Eph 6:11 Isolog nindo an bilog na pagñalasag nin Dios, tagñaning makatindog kamo tumang sa magña katosohan nin diablo.

Eph 6:12 Huli ta an satong pakiiwal bakong tumang sa laman asin sa dugo, kundi tumang sa magña principado, tumang sa magña kapangyarihan, tumang sa magña paraboot nin kinaban sa kadikioman na ini, tumang sa magña karatan na espiri-tual sa magña lagñitnon na kamugtakan.

Eph 6:13 Kaya gamita nindo an bilog na pagñalasag nin Dios, tagñaning makapa-numang kamo sa maraot na aldao, asin makatindog pakatapus kan gabos.

Eph 6:14 Kaya tumindog kamo, pakahaba-yan nindo kan katotoohan, asin paka-sologan kan katanosan na takop sa daghan,

Eph 6:15 Asin pakasapini kan saindong magña bitis kan pagñandam kan evange-lio nin katoninogñan;

Eph 6:16 Sa gabos kaini, na gamiton an kam-pilan nin pagtubod, na huli kaiyan masi-sigbo nindo an gabos na naglalaad na bosogñi Maraot.

Eph 6:17 Asin gamita nindo an kaligtasan na takop sa payo, asin an minasbad nin Espiritu, na iyo an tataramon nin Dios:

Eph 6:18 Na kaiba an gabos na pamibi asin paggñayogñayo sa Espiritu sa gabos na panahon, asin na magdanay sa pag-puka asin sa paggñayogñayo manogñod sa gabos na banal,

Eph 6:19 Asin manogñod sako, tagñaning itao sa sako an pakataram sa pakabuka kan sakong gñoso, sa maisog na pagpa-midbid kan tagong-hilom kan evangelio.

Eph 6:20 Na huli kaiyan ako sarong sogo na nakakadenahan; tagñaning dian kaiyan ako makapagtaram sa kaisogan, siring sa maninigo kong ipagtaram.

Eph 6:21 Alagad tagñaning kamo man maka-aram kan sakong kamugtakan, kun maano ako, an gabos na iyan isasabi saindo ni Tiquico, an tugang na namo-motan asin maimbod na paralingkod dian sa Kagurangnan:

Eph 6:22 Na sia isinobol ko sa saindo mano­gñod kaiyan, tagñaning masabotan nin­do an samong kamugtakan, asin ma-ragña nia an saindong magña puso.

Eph 6:23 An katoninogñan masa magña tugang, asin an pagkamoot na may pag­tubod, hale sa Dios na Ama asin sa Kagurangnan na si Jesu-Cristo.

Eph 6:24 An biyaya masa gabos na namo-moot sa satong Kagurangnan na si Jesu-Cristo sa pagkamoot na dai matutunao.



AMAZING GRACE BIBLE INSTITUTE