Karing Tau ColossiansCol 1:1 Si Pablo, na apostol ni Jesu-Cristo huli sa kabotan nin Dios, asin si Timoteo na satong tugang, Col 1:2 Sa magña banal asin magña maim-bod na tugang dian ki Cristo na nasa Colosas: An biyaya mapa saindo asin an katoninogñan hale sa Dios na satong Ama. Col 1:3 Kami nagpapasalamat sa Dios na Ama nin satong Kagurangnan na si Jesu-Cristo, na namimibing danay manogñod saindo, Col 1:4 Pakadagnog mi kan saindong pag-tubod dian ki Cristo Jesus, asin kan pag-kamoot nindo sa gabos na banal, Col 1:5 Huli kan paglaom na natatagama saindo sa kalagñitan, na saindong nada-gñog kaidto dian sa tataramon nin kato-toohan kan evangelio, Col 1:6 Na iyan nakadatong sa saindo; siring na iyan man sa bilog na kinaban nagbu-bugña asin nagtatalobo, siring kan guini-guibo kaiyan dian sa saindo man, mag-poon kan aldao na madagñog nindo asin mamidbidan an biyaya nin Dios sa kato-toohan; Col 1:7 Siring sa nanodan nindo ki Epafras, na samong namomotan na kapua-ori-pon, na sia maimbod na paralingkod ni Cristo dahel samo, Col 1:8 Na sia man an nagbareta samo kan saindong pagkamoot sa Espiritu. Col 1:9 Huli kaini, kami man, magpoon kan aldao na madagñog mi iyan, dai nago-ontok nin pagpamibi asin nin paghagad manogñod saindo, tagñaning kamo mapano nin pakamidbid kan saiyang kabotan, sa gabos na espiritual na kado-nogñan asin pakasabot, Col 1:10 Na kamo maglakao nin agñay sa Kagurangnan na makapaoyon sa gabos, na nagbubugña nin gabos na marahay na guibo, asin nagtatalobo sa pakamidbid sa Dios; Col 1:11 Magña pinakosog sa gabos na kapangyarihan, sono sa kabagsikan nin saiyang kamurawayan, manogñod sa gabos na pakatios asin pakatagal na may kaogmahan; Col 1:12 Na nagpapasalamat sa Ama na nag-pakanigo sato na makadamay sa pamana kan magña banal sa kaliwanagan; Col 1:13 Na sia an nagligtas sato hale sa kapangyarihan nin kadikloman, asin nagdara sato sa kahadean kan Aki nin saiyang pagkamoot; Col 1:14 Na dian sa saiya igua kita kan satong katubosan, an kapatawadan kan satong magña kasalan: Col 1:15 Na sia iyo an ladawan nin Dios na dai nahihiling, an pagñanay sa gabos na linalang; Col 1:16 Ta huli saiya linalang an gabos na bagay na nasa kalagñitan asin nasa daga, magña bagay na nahihiling asin magña dai nahihiling, minsan magña trono ó magña nasasakopan ó magña principado ó magña kaparigyarihan; an gabos na bagay linalang huli saiya, asin manogilod saiya; Col 1:17 Asin sia iyo an enot sa gabos na bagay, asin sa saiya nahahaman an gabos na bagay. Col 1:18 Asin sia iyo an payo kan hawak na iyo an simbahan: na iyo an kapinonan, an pagñanay sa magña gadan; tagñaning sa gabos na bagay sia an mani orog. Col 1:19 Huli ta binoot nin Ama na dian sa saiya mamugtak an bilog na kapanoan; Col 1:20 Asin huli saiya mapaguli an gabos na bagay manogñod sa saiya man sana, pakaguiboha nia kan katoninogñan huli kan dugo nin saiyang cruz; huli saiya, sabi ko, minsan an magña bagay na nasa ibabao nin daga, ó an magña bagay na nasa kalagñitan. Col 1:21 Asin kamo, na kaidto magña ba-kong kahimanua, asin magña kaiwal sa pagisip huli kan saindong magña maraot na guibo, Col 1:22 Alagad gñunian pinapaguli nia sa hawak nin saiyang laman huli sa kaga-danan, tagñaning ikaatubang kamong banal asin daing kaninan patin daing kasagüean sa atubang nia: Col 1:23 Kun kamo magdanay sa pagtubod, na itinogdok asin pinasarig, asin dai na-hahale sa paglaom kan evangelio na saindong nadagñog, na ipinaghulit sa gabos na linalang na nasa irarom nin lagñit; na ka-iyan ako si Pablo guinibong paralingkod. Col 1:24 Gñunian, ako nagoogma sa sakong magña pagtios dahel saindo, asinhinihip-noan ko sa sako an nagkukulang sa magña kasakitan ni Cristo sa sakong laman dahel sa saiyang hawak, na iyo an simbahan; Col 1:25 Na kaiyan ako guinibong paralingkod, sono sa kapaniwalaan nin Dios na itinao sa sako manoñod saindo, sa pagotob kan tataramon nin Dios, Col 1:26 Na iyo an tagong-hilom na natago magpoon kan maña panahon asin magña kapagarakian: alagad ñunian iyan ipina-hayag na sa saiyang maña banal, Col 1:27 Na sa sainda ikinaogma nin Dios na ipamidbid kun ano an magña kayamanan kan kamurawayan kan tagong-hilom na ini dian sa magña Gentil, na iyo si Cristo dian sa saindo, an paglaom kan kamurawayan: Col 1:28 Na sia an samong ipinagbabalagñi-bog sa pagsadol sa gabos na tauo, asin sa pagtokdo sa lambang tauo kan gabos na kadonogñan, tagnaning ikaatubang mi an lambang tauo na sangkap dian ki Cristo; Col 1:29 Na dian kaiyan ako nagpapagal man, na naghihignoa sono sa saiyang pagguibo, na nagguiguibo digdi sa sako sa kapangyarihan. Col 2:1 Huli ta boot ko na kamo makaaram kun gurano kadakula kan sakong paghignoa manogñod saindo, asin manogñod kan magña nasa Laodicea, patin manogñod kan gabos na dai pa nagpaka-hiling kan sakong lalauogon sa laman; Col 2:2 Tagñaning maragña an saindang magña puso, huling sinda borogkos s^ pagkamoot, asin sa gabos na kayamanan kan kapanoan nin pakasabot, tagñaning sinda makaaram kan tagong-hilom nin Dios, na iyo si Cristo, Col 2:3 Na dian sa saiya natatago an gabos na kayamanan nin kadonogñan asin pakasabot. Col 2:4 Ini isinasabi ko, tagñaning dai nin siisay man na makadaya saindo sa magna tataramon na makakabihag. Col 2:5 Huli ta minsan dai ako dian sa hawak, alagad sa espiritu yaon ako sa kaibahan nindo, na nagoogma asin naghihiling kan saindong kahusayan, asin kan pagdanay kan saindong pagtubod ki Cristo. Col 2:6 Kay a siring kan saindong pagako ki Cristo Jesus na Kagurangnan, siring man maglakao kamo dian sa saiya, Col 2:7 Magña nakagamot asin magña nato-togdok dian sa saiya, asin marigon sa saindong pagtubod, siring sa pagkatokdo saindo, na nagsosopay sa pagpasalamat. Col 2:8 Magigñat kamo tibaad may siisay man na bumihag saindo huli kan saiyang filosofia asin basang na daya, sono sa magña osipon nin magña tauo, sono sa magña enot na katokdoan nin kinaban, asin bakong sono ki Cristo: Col 2:9 Huli ta sa saiya namumugtak an kapanoan kan bilog na pagka-Dios, Col 2:10 Asin kaitio nagkaparano dian sa saiya, na iyo an payo kan gabos na kaha-dean asin kapangyarihan: Col 2:11 Na dian sa saiya kamo tinuri man kan pagturi na bakong guibo nin magña kamot, sa paghalea kan hawak nin laman, dian sa pagturi ni Cristo; Col 2:12 Pakalobogñan sa kaibahan nia dian sa buniag, na dian man nagkaburuhay kamo liwat sa kaibahan nia huli sa pag-tubod sa guibo nin Dios, na nagbuhay saiya liwat sa magña gadan. Col 2:13 Asin kamo, na magña gadan huli kan saindong magña kalapasan asin kan dai pagkaturi kan saindong laman, kamo, sabi ko, binuhay nia sa kaibahan nia, pakapatawadan sato kan gabos tang magña kalapasan; Col 2:14 Na guinisi an papel na tumang sato na nasusuratan kan magña pagboot na tumang sato: na hinale nia iyan, na ipi-nako sa cruz; Col 2:15 Pakabihaga kan magña kahadean asin magña kapangyarihan, ipinahiling nia sinda sa hayag na kasopganan, na nangana sainda dian kaiyan. Col 2:16 Kaya dai nindo togotan an siisay man na maghokom saindo sa kakanon, ó sa inomon, ó dapit sa aldao nin fiesta ó sa bagong bulan ó sa aldao nin sabbath: Col 2:17 Na an magña iyan iyo an anino kan magña bagay na madatong; alagad an hawak ki Cristo. Col 2:18 Dai nindo togotan an siisay man na maghabon kan saindong balos, huli sa sarong sadiring pagpakumbaba asin pag-samba sa magña angel, na minatindog sa magña bagay na saiyang nahiling, na nagpapaabhao kan saiyang pagisip na sono sa laman, Col 2:19 Asin dai nagdadanay sa Payo, na dian sa saiya an bilog na hawak nagtata-lobo kan pagtalobo na sa Dios, palib-hasa nahihipnoan asin nagkakasorogpon sa magña pagsokmolan asin magña ugat. Col 2:20 Kun kamo nagadan sa kaibahan ni Cristo dapit sa magña enot na katokdo-an nin kinaban, tadao ta minapasakop kamo sa magña pagboot na garo baga kamo nabubuhay sa kinaban, Col 2:21 Dai magkapot, ni magnamit, ni magdotdot. Col 2:22 (Na an magña ini mawawara sa paggamit), sono sa magña pagboot asin magña katokdoan nin magña tauo? Col 2:23 Na an magña bagay na ini, sa kato-toohan, igua nin kabaigñan sa kado-nogñan sa sadiring pagsamba, asin kapa-kumbabaan, asin pagpasakit sa hawak; alagad dai nin tibaad nang halaga tumang sa pagpaoyon kan laman. Col 3:1 Kaya kun kamo nabuhay liwat sa kaibahan ni Cristo, hanapa nindo an magña bagay na nasa itaas, na dian si Cristo, nagtutukao sa too nin Dios. Col 3:2 Bugtakan nindo an saindong pagisip sa magña bagay na nasa itaas, bakong sa magña bagay na nasa ibabao nin daga. Col 3:3 Huli ta kamo nagkagaradan, asin an saindong buhay natatago sa kaibahan ni Cristo dian sa Dios. Col 3:4 Kun si Cristo, na satong buhay, mahayag na, dagñan kamo man rnahaha-yag sa kaibahan nia sa kamurawayan. Col 3:5 Kaya gadanon nindo an saindong magña kabtang na nasa ibabao nin daga: an pagsambay, an karompotan, an ho-rot, an maraot na mawot, asin an kaa-raan, na iyo an pagsamba sa ladawan; Col 3:6 Na dahel kan magña bagay na ini minadatong an kaangotan nin Dios sa magña aki nin kasumbikalan: Col 3:7 Na dian kaidto kamo man naglakao, kan kamo namumuhay sa magña bagay na ini; Col 3:8 Alagad gñunian haleon na nindo man ini gabos: an kaangotan, an kaogñi-san, an pagapi, an pagraway, an magña makasosopog na pagtaram na hale sa saindong gñoso: Col 3:9 Dai kamo magpapurutikputik; man-tang hinale na nindo an daan na pagkatauo sagkod kan saiyang magña gui-bo, Col 3:10 Asin nagsolog na kamo kan bagong pagkatauo, na iyan binabago manogñod sa pagkasabot, kabaing kan ladawan kan naglalang saiya: Col 3:11 Na dian dai magkakaigua nin Griego asin Judio, tinuri asin dai tinuri, barbaro, taga Escita, oripon, hiwas; kundi si Cristo iyo an gabos, asin nasa gabos. Col 3:12 Kaya, siring sa magña pinili nin Dios, magña banal asin namomotan, magsolog kamo nin puso nin pagkahe-rak, kabootan, kapakumbabaan, kaho-yoan, pakatios; Col 3:13 Na magpatiriostios, asin magpata-rawadtawad, kun an siisay man igua nin sombong tumang sa saro; siring na an Kagurangnan nagpatawad saindo, siring man an guibohon nindo: Col 3:14 Asin sa ibabao kaini gabos isolog nindo an pagkamoot, na iyo an bogkos nin pagkasangkap. Col 3:15 Asin togotan nindo an katonino-gñan ni Cristo na maghade sa saindong magña puso, na dian kaiyan man kamo inapod sa sarong hawak; asin magpasa-lamat kamo. Col 3:16 Magerok logod na magsopay sa saindo an tataramon ni Cristo; sa bilog na kadonogñan, na magpatorotorokdo asin magpasaradolsadol nin magña salmo asin magña himno asin magña awit na espiritual, na magawit na may biyaya sa paindong magña puso manogñod sa Dios. Col 3:17 Asin an gabos na guiniguibo nindo, sa tataramon ó sa guibo, guibohon gabos sa gñaran nin Kagurangnan na si Jesus na magpasalamat sa Dios na Ama huli saiya. Col 3:18 Magña agom na babae, magpasa-kop kamo sa saindong magña agom na lalaki, siring sa maninigo sa Kagurangnan. Col 3:19 Magña agom na lalaki, mamotan nindo an saindong magña agom na babae, asin dai kamo maguin mapait sainda. Col 3:20 Magña aki, magkuyog kamo sa saindong magña magurang sa gabos na bagay, huli ta ini nakakapaogma sa Kagurangnan. Col 3:21 Magña ama, dai nindo pagpaango-ton an saindong magña aki, tagñaning dai sinda manluya. Col 3:22 Magña oripon, magkuyog kamo sa gabos na bagay sa saindong magña kagurangnan sa laman; na bakong sa pagling-kod sa mata, siring kan magña parapaoyori sa magña tauo, kundi sa katunayan nin puso, na natatakot sa Kagurangnan: Col 3:23 An gabos na guiniguibo nindo, guibohon nindo nin sa puso, na siring kun sa Kagurangnan, asin bakong sa magña tauo; Col 3:24 Sa pakaaram na sa Kagurangnan kamo maako kan balos nin pamana: kamo naglilingkod sa Kagurangnan na si Cristo. Col 3:25 Huli.ta an nagguiguibo nin sala maako liwat kan manogñod sa sala na saiyang guinibo: asin dai nin siisay man na papalaenon. Col 4:1 Magña kagurangnan, itao nindo sa saindong magña oripon an matanos asin sarama; sa pakaaram na kamo man igua nin Kagurangnan sa lagñit. Col 4:2 Magdanay kamo nin maigot sa pamibi, na dian kaiyan nagpupuka na may pagpasalamat; Col 4:3 Siring man na mamibi manogñod samo, tagñaning an Dios bumukas sa samo nin tata manogñod sa tataramon, tagñaning ikapagtaram mi an tagong-hilom ni Cristo, na huli kaiyan ako man nagagapos; Col 4:4 Tagñaning ikapagpahayag ko iyan siring sa maninigo kong ipagtaram. Col 4:5 Maglakao kamo sa kadonogñan manogñod sa magña nasa luas, na tubo-son an panahon. Col 4:6 Magkaigua logod sa guiraray nin biyaya an saindong tataramon, na hini-ram nin asin, tagñaning makanood kamo kun paano an saindong pagsimbag sa lambang saro. Col 4:7 An gabos kong kamugtakan isasay-say saindo ni Tiquico, an tugang na namomotan asin maimbod na paraling-kod patin kapua-oripon dian sa Kagurangnan: Col 4:8 Na sia isinobol ko dian sa saindo manogñod sa katuyohan na ini, tagñaning maaraman nindo an samong kamugtakan, asin tagñaning maragña nia an saindong magña puso; Col 4:9 Sa kaibahan ni One'simo, na maimbod asin namomotan na tugang, na saro sa saindo. An gabos na nangyayari digdi isasabi ninda saindo. Col 4:10 Si Aristarco na sakong kapua-bilango minataong galang sa saindo, asin si Marcos na pinsan ni Bernabe (na dapit saiya nagako kamo nin magña pagboot; kun sia pumadian sa saindo, akoon sia nindo), Col 4:11 Asin si Jesus na inaapod Justo; na sinda anan sa magña tinuri: an magña ini sana an sakong katabang sa kahadean nin Dios, magña lalaki na naguin kara-gñahanko. Col 4:12 Minataong galang sa saindo si Epa-fras, na saro sa saindo, sarong oripon ni Cristo Jesus, danay na naghihigñoa manogñod saindo sa saiyang magña pamibi, tagñaning kamo makatindog na sangkap asin may bilog na paniwala sa gabos na boot nin Dios. Col 4:13 Huli ta sia pinapatotoohan ko, na sia igua nin dakulang kapagalan manogñod saindo, asin manogñod sa magña nasa Laodicea, patin manogñod sa magña nasa Hierapolis. Col 4:14 Si Lucas, an namomotan na para-bolong, asin si Demas minataong galang sa saindo. Col 4:15 Tawan nindo nin galang an magña tugang na nasa Laodicea, asin si Nimfas, patin an simbahan na nasa saindang harong. Col 4:16 Asin kun an surat na ini nabasa na dian sa saindo, ipabasa man iyan sa simbahan kan magña taga Laodicea; asin basahon man nindo an surat na hale sa Laodicea. Col 4:17 Asin sabihan nindo si Arquipo, Igñatan mo na maotob mo an pagling-kod na saimong inako sa Kagurangnan. Col 4:18 An kagalagñan ko, si Pablo, huli sa sakong kamot. Guiromdoma nindo an sakong magña gapos. An biyaya mapa saindo. |