Ding Dapat


Act 1:1 An enot kong surat saimo, O Teofi-lo, guinibo ko manogñod kan gabos na bagay na pinonan ni Jesus pagguibo-hon asin ipagtokdo,

Act 1:2 Sagkod sa aldao na sia inako sa itaas pakatao nia, huli sa Espiritu Santo, nin togon sa magña apostol na saiyang pinili:

Act 1:3 Na sa sainda man sia nagpahayag na buhay sa balakid na patotoo, na nagpa-pahiling sa laog nin apat na polong aldao pakatapus kan saiyang pagtios, asin nag-tataram sainda kan magña bagay na manonogñod sa kahadean nin Dios.

Act 1:4 Asin kan nasa kaibahan pa ninda, sia nagboot sainda na dai magharale sa Jerusalem, kundi magharalat kan panuga nin Ama, na gñaya, nadagñog nindo sa sako.

Act 1:5 Huli ta si Juan sa katotoohan nag buniag sa tubig; alagad kamo bubunia-gan sa Espiritu Santo na dai mahahaloy poon gñunian.

Act 1:6 Sinda gñani, kan magkatiripon na, nagharapot saiya, na an sabi, Kaguran-gnan, ibabalik mo gñunian an kahadean sa Israel?

Act 1:7 Asin sia nagsabi sainda, Bakong sa saindo an pakaisi kan magña aldao ó magña panahon na ibinugtak nin Ama sa saiyang sadiring kapangyarihan.

Act 1:8 Alagad kamo maako nin kapangya­rihan kun dumatong na saindo an Espi­ritu Santo: asin kamo manini magña saksi ko digdi sa Jerusalem, asin sa bilog na Judea asin Samaria, patin sagkod sa kaporoporohi nin daga.

Act 1:9 Asin pakasabi nia kaining magña bagay, mantang sinda naghihiriling, sia dinara paitaas; asin natago sia sa sain-dang magña mata kan sarong pagñano-ron.

Act 1:10 Asin mantang sinda nagtataragñad sa lagñit sa saiyang paghale, uya, an duang lalaki na nagugubigñan nin mapu-ti nagtindog sa kataed ninda;

Act 1:11 Na sinda man nagsabi, Magña lala-king taga Galilea, tadao ta kamo nagti-tirindog asin nagtataragñad sa lagñit? an Jesus na ini na kinua sa saindo pa lagñit mapadigdi siring kan saiyang paghale pa lagñit na nahiling nindo.

Act 1:12 Dagñan sinda nagbaralik sa Jeru­salem hale sa bukid na inaapod Olivar, na harani sa Jerusalem, na nalalakao kun sabbath.

Act 1:13 Asin pagdaratong, sinda nagsarakat sa sarong cuarto sa itaas, na pinageero-kan ni Pedro asin ni Juan asin ni Santia­go patin ni Andres, ni Felipe asin ni Tomas, ni Bartolome asin ni Mateo, ni Santiago na aki ni Alfeo, asin ni Simon na Celador, patin ni Judas na aki ni San­tiago.

Act 1:14 Ini gabos nagkasararo na magdanay nin maigot sa pamibi, na kairiba an magña babae, asin si Maria na ina nia, patin an magña tugang ni Jesus.

Act 1:15 Asin kan magña aldao na ini, si Pedro nagtindog sa tahao kan magña tugang (asin igua nin kadaklan na tauo na nagkatiripon, na may sangatos may duang polo), asin nagsabi,

Act 1:16 Magña tugang, kaipuhan na mao-tob an kasuratan na isinabi kaidto kan Espiritu Santo sa gñoso ni David manogñod ki Judas na nagñenot kan nagdara-kop ki Jesus.

Act 1:17 Huli ta sia kabilang niato, asin nagako kan saiyang kabtang sa pagling-kod na ini.

Act 1:18 (An tauong ini nakakua nin sarong oma huli kan bayad nin saiyang kasalan; asin sia naghogot, na pominotok sa tahao, asin an saiyang bitoka lominuas na nakawasak.

Act 1:19 Asin ini nakabuyagyag sa gabos na nageerok sa Jerusalem; mala ta an omang iyan inapod sa saindang tatara­mon, Aceldama, na an boot sabihon, An oma nin dugo.)

Act 1:20 Huli ta nasusurat sa libro nin ma-gña Salmo, Malaglag logod an saiyang eerokan, Asin dai nin siisay man na magerok dian: asin, An saiyang katongdan kuaon nin iba.

Act 1:21 Kaya sa magña kairiba niato sa bilog na panahon na an Kagurangnan na si Jesus naglalakao sa kaibahan ta,

Act 1:22 Magpoon sa pagbuniag ni Juan, sagkod sa aldao na sia inako sa itaas hale sa sato, sa magña ini kaipuhan na an saro mani saksi na kaiba ta dapit kan saiyang pagkabuhay liwat.

Act 1:23 Asin ibinugtak ninda an dua, si Jose na inaapod Barsabas na an ika-duang gñaran Justo, asin si Matias.

Act 1:24 Asin sinda namibi, na an sabi, Ika, Kagurangnan, na nakakaaram kan puso nin gabos na tauo, ipahayag mo kun arin sa duang ini an pinili mo,

Act 1:25 Na makasalihid sa paglingkod na ini asin sa pagkaapostol na linapas ni Judas, tagñaning paduman sia sa saiyang sadiring erokan.

Act 1:26 Asin pmaghimaladan ninda sinda; asin nagkapalad si Matias; asin sia ibini-lang na kaiba kan kagsarong apostol.



Act 2:1 Asin pagdatong kan aldao nin Pen­tecostes, sinda gabos nagkakatiri-non sa sarong lugar.

Act 2:2 Asin napanaleng nagdatong an sa­rong tanog na guikan sa lagñit siring sa hagobohob nin makosog na doros, asin iyan nakapano sa bilog na harong na saindang namumugtakan.

Act 2:3 Asin nagturugña sa sainda an magña dila na nagkakabaragña, siring sa laad; asin idto nagtogdon sa lambang saro sa sainda.

Act 2:4 Asin sinda gabos nagkaparano kan Espiritu Santo, asin nagporoon magta-ram sa manlaenlaen na tataramon, siring sa ipinataram sainda kan Espiritu.

Act 2:5 May nagoorontok sa Jerusalem na magña Judio, magña tauong makidios, na hale sa gabos na nacion sa irarom nin lagñit.

Act 2:6 Asin kan madagñog an tanog na ini, an kadaklan nagtiripon, asin naggñara-las, huli ta nadagñog kan lambang saro na sinda nagtataram sa sadiri niang tataramon.

Act 2:7 Asin sinda gabos nagtaraka, asin naggñaralas, na an sabi, Uya, bakong magña taga Galilea ini gabos na nagtata­ram?

Act 2:8 Asin tadao ta an lambang saro sa sato nakakadagñog kan satong sadiring tataramon na namundagan?

Act 2:9 Magña taga Partia, asin magña taga Media, asin magña taga Elam, asin magña nageerok sa Mesopotamia, sa Judea asin sa Capadocia, sa Ponto asin Asia,

Act 2:10 Sa Frigia asin Pamfilia, sa Egipto asin magña sakop nin Libia na kataed nin Cirene, asin magña taga ibang banua na hale sa Roma, magña Judio siring man an magña proselito,

Act 2:11 Magña taga Creta asin magña taga Arabia, kita gabos nakakadagñog sainda na nagtatararam sa satong tataramon kan magña mapangyaring guibo nin Dios.

Act 2:12 Asin sinda gabos nagtaraka, asin nagbororongborong, na nagpaorolayo-lay, Ano an kahologan kaini?

Act 2:13 Alagad an magña iba, sa pagtuya-tuya, nagsarabi, Sinda parano nin ba-gong arak.

Act 2:14 Alagad si Pedro, pagtindog na kai­ba kan kagsaro, sa halangkao na tigñog nagsabi sainda, Kamong magña taga Judea, asin kamo gabos na nagoorontok sa Jerusalem, talastason nindo ini, asin dagñogon nindo an sakong magña tata-ramon.

Act 2:15 Huli ta an magña ini bakong magña lagño, siring sa saindong paghona, huli ta a las nueve pa sana an aldao;

Act 2:16 Alagad ini iyo idtong isinabi ni profeta Joel,

Act 2:17 Asin mangyayari sa magña huring aldao, sabi nin Dios, Ibobobo ko an sakong Espiritu sa gabos na laman: Asin an saindong magña aking lalaki asin magña aking babae maghuhu-rula, Asin an saindong magña barobata makakahiling nin magña kapaha-yagan, Asin an saindong magña gurang magñagñatorogan nin magña pagñatorogan:

Act 2:18 Iyo, asin sa sakong magña oripon na lalaki asin sa sakong magña oripon na babae sa magña aldao Na idto ibobobo ko an sakong Espiritu; asin sinda maghuhurula.

Act 2:19 Asin ako magpapahiling nin magña gñagñalasan sa lagñit, Asin magña tanda sa daga; Dugo, asin kalayo, patin alisgñao nin aso:

Act 2:20 An aldao maguiguin kadikloman, Asin an bulan maguiguin dugo, Bago dumatong an aldao nin Kagurangnan, Idtong dakula asin hayag na aldao:

Act 2:21 Asin mangyayari na an gabos na omapod sa gñaran nin Kagu­rangnan makakaligtas.

Act 2:22 Kamong magña taga Israel, dagño­gon nindo an magña tataramon na ini: Si Jesus na taga Nazaret, lalaking nao-yonan nin Dios dian sa saindo sa magña mapangyaring guibo asin magña gñagña­lasan patin magña tanda na guinibo nin Dios huli sa saiya sa tahao nindo, siring sa saindong naaaraman;

Act 2:23 Sia na itinao siring sa dating mawot asin naaraman nin Dios, ipina-pako nindo asin ipinagadan sa kamot nin magña masiwawa:

Act 2:24 Na sia binuhay liwat nin Dios, pakahubada kan magña sakit nin kagadanan: huli ta dai nahimo na sia mapo-golan kaini.

Act 2:25 Huli ta si David nagsabi dapit sa­iya, Nahiling kong danay an Kagurangnan sa atubang ko; Huli ta sia nasa too ko, tagñaning dai ako mahero:

Act 2:26 Kay a naragña an sakong puso, asin nagogma an sakong dila; Asin man an sakong laman mag-eerok sa paglaom:

Act 2:27 Huli ta dai mo pababayaan an sakong kalag na masa infierno, Ni itotogot mo an saimong Banal na makahiling nin kalapaan.

Act 2:28 Ipinamidbid mo sako an magña dalan ninbuhay; Papanoon mo ako nin kaogmahan kan saimong lalauogon.

Act 2:29 Magña tugang, ako makakasabi saindo nin hayag dapit ki patriarca David, na sia nagadan asin ilinobong, asin an saiyang lolobgñan nasa sato sagkod sa aldao na ini.

Act 2:30 Alagad huling profeta, asin naka-kaisi na an Dios nagsumpa saiya na sa bugña kan saiyang habayan mabugtak sia nin saro sa saiyang trono;

Act 2:31 Huling naaraman nia ini, sia nag-taram dapit sa pagkabuhay-liwat kan Cristo, na sia dai pinabayaan na masa infierno, ni an saiyang laman na maka-; hiling nin kalapaan.

Act 2:32 An Jesus na ini binuhay liwat nin Dios, na kaiyan kami gabos magña saksi.

Act 2:33 Kay a huling initaas sa toong kamot nin Dios, asin ominako sa Ama kan panuga na Espiritu Santo, ibinobo nia ini, na saindong nahihiling asin nada-dagñog.

Act 2:34 Huli ta si David dai nagsakat sa kalagñitan: kundi sia man sana nagsabi, An Kagurangnan nagsabi sa sakong Kagurangnan, Tumukao ka sa too ko,

Act 2:35 Sagkod na ibugtak ko an saimong magña kaiwal sa irarom nin sai­mong magña bitis.

Act 2:36 Kaya pakatalastason nin tunay kan bilog na harong nin Israel, na an Jesus na ini na ipinako nindo guinibo nin Dios na Kagurangnan asin Cristo.

Act 2:37 Kan madagñog ninda ini, sinda nagkarulugad sa puso, asin nagsarabi ki Pedro asin sa ibang magña apostol, Ma­gña tugang, ano an guiguibohon mi?

Act 2:38 Asin si Pedro nagsabi sainda, Mag-sorolsol kamo, asin magkaburuniagan an lambang saro sa saindo sa gñaran ni Jesu-Cristo sa kapatawadan kan sain-dong magña kasalan; asin kamo maako kan balaog nin Espiritu Santo.

Act 2:39 Huli ta sa saindo an panuga, asin sa saindong magña aki, asin sa gabos na nasa harayo, sa gabos na apodon sa saiya nin Kagurangnan tang Dios.

Act 2:40 Asin sa balakid pang tataramon, sia nagpatotoo asin nagsadol sainda, na an sabi, Lumigtas kamo sa kapagarakian na ininabiko.

Act 2:41 Dagñan sinda na nagarako kan sai-yang tataramon binuruniagan: asin an magña nakadagdag sa sainda sa aldao na iyan may tolong ribo katauo.

Act 2:42 Asin sinda nagdaranay nin maigot sa katokdoan asin sa paropakinabang nin magña apostol sa pagbaraak nin tinapay asin sa pamibi.

Act 2:43 Asin an takot nagdatong sa lam­bang tauo: asin balakid na gñagñalasan asin magña tanda an guiniribo nin magña apostol.

Act 2:44 Asin an gabos na nagturubod nag-kakatiripon, asin an gabos nindang sadiri, rogaring nin gabos;

Act 2:45 Asin ipinagpabakal ninda an sain-dang magña sadiri asin magña kasangka-pan, asin pinagbaragña ninda sa gabos, siring sa kaipuhan nin lambang saro.

Act 2:46 Asin aroaldao sinda nagkakasararo sa pagdanay sa templo, asin sa pagba­raak nin tinapay sa harong, asin sinda nagkakarakan na may kaogmahan asin karahayan nin puso.

Act 2:47 Na nagooromao sa Dios, asin na-ooyonan kan bilog na banuaan. Asin aroaldao idinadagdag nin Kagurangnan sa sainda an magña naliligtas.



Act 3:1 Si Pedro asin si Juan nagtukad sa templo sa oras nin pamibi, na a las tres.

Act 3:2 Asin an sarong lalaki na pilay mag-poon pa sa tulak nin saiyang ina, dinara duman, na ini ibinubugtak ninda aro­aldao sa tata kan templo na inaapod Magayon, tagñaning maghagad nin limos sa magña naglalaog sa templo.

Act 3:3 Kan mahiling nia si Pedro asin si Juan na naglalaog sa templo, sia naki-maherak na tawan sia nin limos.

Act 3:4 Asin si Pedro, na kaiba ni Juan, pakatorohoki saiya, nagsabi, Hiligña kami.

Act 3:5 Asin sia naghiling sainda na nagha-halat na magako nin anoman sa sainda.

Act 3:6 Alagad si Pedro nagsabi, Dai ako nin pirak, ni bulawan; alagad an nasa sako itatao ko saimo. Sa gñaran ni Jesu-Cristo na taga Nazaret, lumakao ka.

Act 3:7 Asin kinapotan nia sa toong kamot, asin pinatindog sia: asin tolos man an saiyang magña bitis asin magña bokobo-ko nagkorosog,

Act 3:8 Asin paglokso, sia nakatindog, asin nagpoon maglakao; asin sia naglaog na kaiba ninda sa templo, naglalakao, asin naglolokso, patin nagoomao sa Dios.

Act 3:9 Asin nahiling sia kan gabos na tauo na sia naglalakao asin nagoomao sa Dios:

Act 3:10 Asin namidbid ninda na sia iyo idtong nakatukao na nakikilimos sa tatang Magayon kan templo; asin sinda nagkaparano nin paggñalas asin pagtaka dahel kan nangyari saiya.

Act 3:11 Asin mantang pinopogolan nia si Pedro asin si Juan, an gabos na tauo nag-daralagan sa sainda sa inaapod na pin-toan ni Salomon, na naggñagñaralas.

Act 3:12 Asin kan mahiling idto ni Pedro, sia nagsimbag sa magña tauo, Kamong magña taga Israel, tadao ta naggñagña­ralas kamo sa lalaking ini? ó tadao ta tinotorohokan nindo kami, na garong sa samong sadiring kapangyarihan ó kaba-nalan pinalakao mi sia?

Act 3:13 An Dios ni Abraham, asin ni Isaac, patin ni Jacob, an Dios nin satong magña kaganak nagpamuraway kan sai­yang oripon na si Jesus, na saindong itinao asin pinaindahan sa atubang ni Pilato, kan pinagmarahay na nia na sia butasan.

Act 3:14 Alagad pinaindahan nindo an Banal asin Matanos, asin hinagad nindo na itogot saindo an sarong paragadan,

Act 3:15 Asin guinadan nindo an Principe nin buhay; na sia binuhay liwat nin Dios sa magña gadan; na kaiyan kami magña saksi.

Act 3:16 Asin sa pagtubod sa saiyang gña-ran, ini, na saindong nahihiling asin namimidbid, pinakosog kan saiyang gña-ran: iyo, an pagtubod sa saiya iyo an nagtao sa Making ini kaining tunay na kaomayan sa atubang nindo gabos.

Act 3:17 Asin gñunian, magña tugang, na-araman ko na huli sa dai nindo pakasa-bot guinibo nindo idto, siring man an saindong magña poon.

Act 3:18 Alagad inotob nin Dios idtong ipinahayag na sa gñoso kan gabos na profeta, na an saiyang Cristo magtitios.

Act 3:19 Kaya magsorolsol kamo, asin mag-barakle, tagñaning an saindong magña kasalan mapara, na huli kaiyan dumatong an magña panahon nin kaguinhawaan na hale sa atubang nin Kagurangnan;

Act 3:20 Asin tagñaning sogoon nia an Cris­to na itinalaga sa saindo, si Jesus:

Act 3:21 Na sia kaipuhan na akoon nin lagñit sagkod sa magña panahon nin pag-pabalik sa kadatihan kan gabos na bagay, na isinabi nin Dios sa gñoso nin saiyang magña banal na profeta, mag-poon kaidto pa.

Act 3:22 Si Moises sa katotoohan nagsabi, An Kagurangnan na Dios mapatindog sa saindo, hale sa saindong magña tugang, nin sarong profeta na siring sa sako; sa saiya kamo maghihinaniog kan gabos na bagay na isasabi nia saindo.

Act 3:23 Asin mangyayari, na an lambang kalag na dai maghinaniog sa profetang iyan tutunawon sa tahao nin banuaan.

Act 3:24 Iyo, asin an gabos na profeta mag-poon ki Samuel, sagkod kan magña nag-soronod saiya, an gabos na nagtararam nagbarareta dapit kan magña aldao na ini.

Act 3:25 Kamo an magña aki nin magña profeta, asin kan tipan na guinibo nin Dios sa saindong magña kaganak, na an sabi ki Abraham, Asin sa saimong banhi an gabos na kapagarakian sa daga beben-dicionan.

Act 3:26 Sa saindo gñona, pakapatindoga nin Dios kan saiyang Oripon, sia sinogo nia na magbendicion saindo, sa pagpa-bakle saindo sa saindong magña kasalan.



Act 4:1 Asin mantang sinda nagtataram sa magña tauo, nagdorolok sa sainda an magña sacerdote asin an capitan sa templo, patin an magña Saduceo,

Act 4:2 Na nagkairinit huli ta sinda nagtok-do sa magña tauo, asin nagbalagñibog dian ki Jesus kan pagkabuhay liwat sa magña gadan.

Act 4:3 Asin sinda dinakop ninda asin ibi-nugtak sa bilangoan sagkod sa pagkaaga: huli ta bangui na.

Act 4:4 Alagad balakid sa magña nakada-gñog kan tataramon nagturubod; asin may magña limang ribo an kabilagñan nin magña lalaki.

Act 4:5 Asin nangyari pagkaaga, na nagti-ripon sa Jerusalem an magña poon ninda asin an magña magurang patin an magña escriba;

Act 4:6 Si Anas na halangkao na sacerdote, asin si Caifas, asin si Juan, asin si Alejan­dro, patin an gabos na kapagaraki kan halangkao na sacerdote.

Act 4:7 Asin pakabugtakan ninda sainda sa tahao, sinda nagharapot, Sa anong kapangyarihan, ó sa kiisay na gñaran guinibo nindo ini?

Act 4:8 Dagñan si Pedro, pano kan Espi-ritu Santo, nagsabi sainda, Kamong magña poon nin banuaan asin magña magurang,

Act 4:9 Kun kami sa aldao na ini oguidon dapit sa marahay na guibo na guinibo mi sa sarong lopog kun sa anong paagui naomayan sia;

Act 4:10 Maaraman nindo gabos asin kan bilog na banuaan nin Israel, na sa gña­ran ni Jesu-Cristo na taga Nazaret na saindong ipinako sa cruz, na binuhay liwat nin Dios sa magña gadan, huli nangad sa saiya an tauong ini nagtitin-dog sa atubang nindo marahay na.

Act 4:11 Sia an gapo na hinalean nin halaga nindo na magña paratogdok, na naguin pamayohan nin angulo.

Act 4:12 Asin sa iba pa mayo nin kaligtasan: huli ta dai na nin ibang gñaran sa irarom nin lagñit, na itinao sa magña tauo, na sukat makaligtas sato.

Act 4:13 Asin kan mahiling ninda an kaiso-gan ni Pedro asin ni Juan, asin kan mamidbid na sinda magña tauong daing inadalan asin magña mangmang, sinda naggñaralas; asin namidbid ninda na sin­da magña nani kaiba ni Jesus.

Act 4:14 Asin kan mahiling ninda an tauong pinaomayan na nagtitindog sa tahao ninda, dai sinda nakapagsabi nin ano-man na tumang kaidto.

Act 4:15 Alagad pakapaluasa ninda sainda sa hokoman, sinda nagpaorolayolay,

Act 4:16 Na an sabi, Ano an guiguibohon ta sa magña tauong ini? huli ta sa katotoo-han, naaaraman kan gabos na nagoontok sa Jerusalem an sarong hayag na gñagña-lasan na guinibo ninda; asin dai ta iyan mapapaindahan.

Act 4:17 Alagad tagñaning iyan dai na ma-kabuyagyag sa magña tauo, patakoton ta sinda na magpoon gñunian dai na sin­da magtaram sa kiisay man sa gñaran na ini.

Act 4:18 Asin sinda inapod ninda asin pinag-botan na dai na nangad sinda magtaram ni magtokdo sa gñaran ni Jesus.

Act 4:19 Alagad si Pedro asin si Juan nag-simbag asin nagsabi sainda, Hokoman nindo kun matanos sa atubang nin Dios an pagdagñog nin orog saindo ki sa Dios:

Act 4:20 Huli ta dai mahihimo na dai kami magtaram kan magña bagay na samong nahiling asin nadagñog.

Act 4:21 Asin sinda, pakapatakota pa,binu-tasan huli ta dai ninda nakukuaan nin anoman na dahelan na sinda mapadusa-han, huli kan magña tauo: ta an gabos na tauo nagpamuraway sa Dios huli kan nangyari.

Act 4:22 Huli ta an lalaking napaomayan labi nang apat na polong taon.

Act 4:23 Asin pakabutasi, sinda nagbalik sa saindang pagiriba, asin nagbareta kan gabos na isinabi sainda kan magña poon nin magña sacerdote asin kan magña magurang.

Act 4:24 Asin sinda, pakadagñog kaidto, nakasararong magkururahao sa Dios, na an sabi, O Kagurangnan, ika na nagguibo kan lagñit asin kan daga asin kan dagat patin kan gabos na yaon dian:

Act 4:25 Na huli kan Espiritu Santo, nagsabi ka, sa gñoso kan samong amang si Da­vid na saimong oripon, Tadao ta nagpaabhao an magña Gentil, Asin an magña tauo nagisip nin magña basang na bagay?

Act 4:26 An magña hade sa daga nagtirindog, Asin an magña poon nagtiripon Tumang sa Kagurangnan, asintumang sa saiyang Linahidan:

Act 4:27 Huli ta sa katotoohan, sa ciudad na ini, si Herodes asin si Poncio Pilato, asin an magña Gentil sagkod kan magña tauo sa Israel nagtiripon tumang sa saimong banal na Oripon na si Jesus, na saimong Linahidan,

Act 4:28 Sa pagguibo kan gabos na itinalaga na mangyari kan saimong kamot asin kan saimong kahatolan.

Act 4:29 Asin gñunian, Kagurangnan, hili-gña an sain dang magña pagpatakot: asin tawan sa saimong magña oripon an pakataram kan saimong tataramon sa bilog na kaisogan,

Act 4:30 Mantang nahohonat an saimong kamot sa pagpaomay; asin tagñaning an magña tanda asin magña gñagñalasan mahimo sa gñaran kan saimong banal na Oripon na si Jesus.

Act 4:31 Asin pakapamibi ninda, nataniog an lugar na sain dang pinagtitiriponan; asin sinda gabos nagkaparano kan Espi­ritu Santo, asin sa kaisogan nagtararam kan tataramon nin Dios.

Act 4:32 Asin an gabos na nagturubod nag-kasararo sana nin puso asin kalag: asin dai ni saro na nagsabi na arin man kan saiyang sadiri rogaring nia; kundi an gabos na bagay sadiri kan gabos.

Act 4:33 Asin sa dakulang kapangyarihan, an magña apostol nagpatotoo dapit kan pagkabuhay liwat nin Kagurangnan na si Jesus: asin an dakulang biyaya nasa sain­da gabos.

Act 4:34 Huli ta dai nin siisay man sa sain­da na nagkukulang: ta ipinagpabakal kan gabos na kagsadiri an saindang magña daga asin magña harong, asin dinara ninda an magña kabaklanan kan gabos na ipinagpabakal,

Act 4:35 Asin ibinugtak idto sa pamitisan kan magña apostol: asin an lambang saro binagñaan siring sa kinakaipuhan nia.

Act 4:36 Si Jose, na tinawan kan magña apostol nin ikaduang gñaran na Bernabe (na an boot sabihon, Aki nin karagña-han), sarong Levita na taga Chipre,

Act 4:37 May sarong oma, asin ipinabakal nia idto, asin dinara an pirak, patin ibinugtak sa pamitisan kan magña apos­tol.



Act 5:1 Alagad an sarong lalaki na an gña­ran Ananias, kaiba ni Safira na sai-yang agom, nagpabakal nin rogaring,

Act 5:2 Asin nagtago kan kabtang kan kabaklanan, na ini naaraman man kan saiyang agom, asin dinara nia an sarong kabtang, asin ibinugtak idto sa pamiti­san kan magña apostol.

Act 5:3 Alagad si Pedro nagsabi, Ananias, tadao ta sinohot ni Satanas an saimong puso tagñaning magputik ka sa Espiritu Santo, asin magtagb kan kabtang kan kabaklanan kan daga?

Act 5:4 Mantang iyan yaon pa saimo, ba-kong sadiri mo iyan? asin kan iyan ikinapabakal na, bakong nasa kapang-yarihan mo guiraray? Tadao ta nagisip ka kan bagay na ini sa saimong puso? dai ka nagputik sa magña tauo, kundi sa Dios.

Act 5:5 Asin pakadagñog ni Ananias kan magña tataramon na ini, sia napukan asin naotsan: asin nagdatong an maku-ring takot sa gabos na nakadagñog kaidto.

Act 5:6 Asin an magña barobata nagburu-hat, asin pinatos ninda sia, asin dinara sa luas patin ilinobong.

Act 5:7 Asin pakalihis nin may tolong oras, nagdatong an saiyang agom, na dai naka-kaisi kan nangyari.

Act 5:8 Asin si Pedro nagsimbag saiya, Sabi-hi ako kun baga ipinabakal nindo an daga sa siring na halaga? Asin sia nagsa­bi, Oho, sa siring na halaga.

Act 5:9 Alagad si Pedro nagsabi saiya, Tadao ta nagkaoyon kamo na magtukso kan Espiritu nin Kagurangnan? uya, sa tata an magña bitis kan magña naglo-bong kan saimong agom, asin sinda an madara saimo sa luas.

Act 5:10 Asin tolos man sia napukan sa sai­yang pamitisan, asin naotsan: asin an magña barobata nagralaog, asin sia nakua ninda gadan na, asin sia dinara ninda sa luas, patin ilinobong sa kataed kan saiyang agom.

Act 5:11 Asin nagdatong an makuring takot sa bilog na simbahan, asin sa gabos na nakadagñog kan magña bagay na ini.

Act 5:12 Asin balakid na tanda asin gñagña-lasan an naguibo sa magña tauo kan magña kamot kan magña apostol: asin sinda nagkasararo na magtiripon sa pin-toan ni Salomon.

Act 5:13 Asin sa magña iba dai nin siisay man na nangñahas makiiba sainda: min-san siring an magña tauo nagoromao sainda;

Act 5:14 Asin nagorog an pagdagdag sa Kagurangnan kan nagturubod, kadaklan na magña lalaki asin magña babae:

Act 5:15 Mala ta minsan an magña naghehe-lang dinadara ninda sa magña lansagñan asin ibinubugtak ninda sa magña hamak asin magña higdaan, tagñaning, sa paga-gui ni Pedro, malindogñan lamang an iba sa sainda kan saiyang anino.

Act 5:16 Asin nagtiripon man an kadaklan na hale sa magña banua sa palibot nin Jerusalem, na nagdadarara nin magña naghehelang, asin nin magña pinasasa-kitan nin magña espiritung marom-pot: asin sinda gabos nagkaoromayan.

Act 5:17 Dagñan nagtirindog an halangkao na sacerdote asin an gabos na kairiba nia (na sinda magña Saduceo), na parano nin kaurihan.

Act 5:18 Asin dinakop ninda an magña apostol, asin ilinaog sa bilangoan.

Act 5:19 Alagad sarong bangui binukas an magña pinto kan bilangoan kan sarong angel nin Kagurangnan, asin dinara sinda sa luas, asin sinabihan,

Act 5:20 Paduman, asin tumindog kamo sa templo, patin magsabi sa magña tauo kan gabos na tataramon kan Buhay na ini.

Act 5:21 Asin kan madagñog ninda ini, pagkaaga na maatabon pang gayo, sinda nagralaog sa templo, asin nagtorokdo. Dagñan nagdaratong an halangkao na sacerdote asin an magña kairiba nia, asin tiniripon ninda an consejo, asin an gabos na kamaguragñan kan magña aki nin Israel, asin sinda nagsorogo sa bilangoan tagñaning kuaon sinda.

Act 5:22 Alagad pagdatong kan magña ofi-cial, dai na sinda nakua sa bilangoan, asin sinda nagbalik, asin nagbareta,

Act 5:23 Na an sabi, An bilangoan nadatgñan mi na napipintoan nin marahay, asin an magña bantay nagtitindog sa magña tata: alagad kan bukasan mi na, dai kaming nahiling na siisay man sa laog.

Act 5:24 Kan madagñog ining magña tatara-mon kan capitan sa templo asin kan magña poon nin magña sacerdote, sinda nagkaharandal kun ano an maaabtan kaidto.

Act 5:25 Asin may sarong nagdatong na nag-sabi sainda, Uya, an magña lalaki na ibinugtak nindo sa bilangoan nasa tem­plo, nagtitindog asin nagtotokdo sa magña tauo.

Act 5:26 Dagñan an capitan asin an magña oficial nagduruman, asin dinara ninda sinda sa marahay sana; huli ta sinda natakot sa magña tauo ta kun garapoon sinda.

Act 5:27 Asin pakadaraha sainda, inatubang sinda sa consejo. Asin an halangkao na sacerdote nagtaram sainda,

Act 5:28 Na an sabi, Kami nagboot saindo nin maigot na dai kamo magtokdo sa gñaran na ini: asin uya, pinano na nindo an Jerusalem kan saindong katokdoan, asin boot nindong ibugtak sa samo an dugo kan tauong ini.

Act 5:29 Alagad si Pedro asin an magña apostol nagsirimbag, asin nagsarabi, Kami kaipuhan na magkuyog nin orog sa Dios ki sa magña tauo.

Act 5:30 Si Jesus na guinadan nindo asin binitay sa sarong kahoy, binuhay liwat kan Dios nin satong magña kaganak.

Act 5:31 Sia ilinangkao nin Dios sa saiyang too na mani Principe asin Paraligtas, sa pagtao sa Israel nin pagsolsol asin pag-patawad nin magña kasalan.

Act 5:32 Asin kami magña saksi kan magña bagay na ini; asin siring man an Espiritu Santo, na itinao nin Dios sa magña nag-kukuyog saiya.

Act 5:33 Alagad kan madagñog ini, sinda nagkarulugad sa puso, asin nagmarawot na gadanon sinda.

Act 5:34 Dagñan nagtindog sa consejo an sarong Fariseo na an gñaran Gamaliel, madonong sa katogonan, asin iguinaga-lang kan bilog na banuaan, asin nagboot na paluason nin kadikit na oras an magña lalaking idto.

Act 5:35 Asin sia nagsabi sainda, Kamong magña taga Israel, magigñat kamo dapit kan saindong guiguibohon sa magña lalaking ini.

Act 5:36 Huli ta kaidto nagluas si Teudas, na nagsabi na sia dakulang tauo; na sa saiya ominiba an magña lalaki na may apat na gatos: sia guinadan; asin an gabos na nagsoronod saiya nakawarak, asin nawara.

Act 5:37 Pakatapus kaini, nagluas si Judas na taga Galilea sa magña aldao nin pag-lista, asin sia man nakadara nin magña tauo. Sia man nagadan; asin an gabos na nagsoronod saiya nakawarak.

Act 5:38 Asin gñunian ako nagsasabi saindo, Dai kamo makilabot sa magña tauong ini, asin pabayae nindo sinda: ta kun an hulit na ini ó an guibong ini sa magña tauo sana, iyan mapapara:

Act 5:39 Alagad kun sa Dios dai nindo iyan madadaog: ta tibaad kun sa guibong iyan, kamo makiiwal minsan sa Dios.

Act 5:40 Asin sinda ominoyon saiya: asin pakaapoda kan magña apostol, sinda hinampak ninda, asin pinagbotan na dai na magtaram sa gñaran ni Jesus, patin pinahale.

Act 5:41 Sinda gñani nagharale sa atubang kan consejo, na nagoorogma na sinda pinapagkanigo na magtios nin kasopga-nan dahel kan Gñaran.

Act 5:42 Asin aroaldao, sa templo asin sa harong, sinda dai nagontok sa pagtok-do, asin sa paghulit na si Jesus iyo ang Cristo.



Act 6:1 Sa magña aldao na ini, kan nagda-dakol an bilang nin magña discipulo, nangyari an paggoromodgomod kan magña Griegong Judio tumang sa magña Hebreo, huli ta an saindang magña balong babae napapabayaan sa pagwa-waras nin kakanon sa aroaldao.

Act 6:2 Asin tiniripon kan kagdua an kadak-lan nin magña discipulo, asin sinabihan, Bakong agñay na pabayaan mi an tata­ramon nin Dios, asin maglingkod sa magña pagkakan.

Act 6:3 Kaya, magña tugang, maghanap kamo sa saindo nin pitong lalaki na marahay an dagñog, parano kan Espiritu asin nin kadonogñan, na samong ibugtak sa guibong ini.

Act 6:4 Alagad kami magdadanay nin ma-igot sa pamibi, asin sa paghulit kan tata­ramon.

Act 6:5 Asin an gayak nakaoyon sa bilog na kadaklan: asin napili ninda si Esteban, tauong pano nin pagtubod asin kan Es­piritu Santo, asin si Felipe, asin si Pro-coro, asin si Meaner, asin si Timon, asin si Parmenas, asin si Nicolas na proselitio na taga Antioquia;

Act 6:6 Na saindang inatubang sa magña apostol: asin pakapamibi, ibinugtak ninda sa sainda an saindang magña kamot.

Act 6:7 Asin an tataramon nin Dios nagta-lobo; asin an bilang nin magña discipulo nagdakol na gayo sa Jerusalem; asin an sarong dakulang pagiriba nin magña sacerdote naguin magña parasonod kan pagtubod.

Act 6:8 Asin si Esteban, pano nin biyaya asin nin kapangyarihan, nagguibo nin darakulang gñagñalasan asin magña tan-da sa magña tauo.

Act 6:9 Alagad nagburuhat an nagkapira sa sinagoga, na inaapod sinagoga nin magña Libertino, asin sa magña taga Cirene, asin sa magña taga Alenjandria, patin sa magña taga Cilicia asin Asia, na nakipag-suhay ki Esteban.

Act 6:10 Alagad dai ninda natagal an kado­nogrian asin an Espiritu na huli kaiyan sia nagtaram.

Act 6:11 Dagñan sinda nagbayad nin magña lalaki na nagsarabi, Nadagñog mi sia na nagtaram nin magña langhad na tataramon tumang ki Moises asin tumang sa Dios.

Act 6:12 Asin rinibok ninda an magña tauo, asin an magña magurang, patin an ma­gña escriba, asin pagdatong ninda saiya, dinakop sia, asin dinara sa consejo,

Act 6:13 Asin sinda nagburugtak nin magña saksing putik, na nagsarabi, An lalaking ini dai nagoontok sa pagsabi nin magña langhad na tataramon tumang sa mahal na lugar na ini, asin sa katogonan:

Act 6:14 Huli ta nadagñog mi sia na nagsabi, na an Jesus na ini na taga Nazaret malag-lag kan lugar na ini, asin maliwat kan magña kaugalean na itinao sa sato ni Moises.

Act 6:15 Asin an gabos na nagtukao sa con­sejo, sa pagtorohok saiya, nakahiling na an saiyang lalauogon nakaaguid sa la-lauogon nin angel.



Act 7:1 Asin an halangkao na sacerdote nag­sabi, Totoo dao an magña bagay na ini?

Act 7:2 Asin sia nagsabi, Magña tugang asin magña kaganak, paghinaniog kamo: An Dios nin kamurawayan nagtugña sa satong amang si Abraham, kan sia nasa Mesopotamia, bago sia magerok sa Haran,

Act 7:3 Asin nagsabi saiya, Maghale ka sa daga mo, asin sa saimong kapagaraki, asin madia sa daga na itotokdo ko sai-mo.

Act 7:4 Dagñan sia naghale sa daga nin magña taga Caldea, asin nagerok sa Haran; asin paghale dian, kan gadan na an saiyang ama, dinara sia nin Dios sa dagang ini, na saindong eneerokan gñu-nian:

Act 7:5 Asin dai sia nia tinawan dian nin pamana, dai, minsan mabatayan kan saiyang bitis: asin an Dios nanuga na sia matao kaiyan saiya na rogaring, asin sa saiyang banhi pakatapus nia minsan dai pa siang aki.

Act 7:6 Asin an Dios nagtaram nin siring, na an saiyang banhi mageerok sa ibang daga asin na sinda mabibihag asin papa-sakitan sa laog nin apat na gatos na taon.

Act 7:7 Asin an nacion na makabihag sainda sisilotan ko, sabi nin Dios: asin pakatapus kaiyan sinda mahale asin magliling-kod sako sa lugar na ini.

Act 7:8 Asin sia nagtao saiya kan tipan nin pagturi: kaya inaki si Isaac, asin tinuri kan ikawalong aldao; asin inaki ni Isaac si Jacob, asin inaki ni Jacob an kag-duang patriarca.

Act 7:9 Asin an magña patriarca nagkaururi ki Jose, asin ipinaoakal sia ninda sa Egipto: asin an Dios kaiba nia,

Act 7:10 Asin nagligtas saiya sa gabos niang kasakitan, asin nagtao saiya nin karaha-yan asin kadonogñan sa atubang ni Fara-on na hade sa Egipto; asin sia guinibo niang gobernador sa Egipto asin sa bilog niang harong.

Act 7:11 Dagñan nagdatong an pangotom asin dakulang kasakitan sa bilog na Egip­to asin Canaan: asin an satong magña kaganak daing nakukuang kakanon.

Act 7:12 Alagad kan madagñog ni Jacob na may kakanon sa Egipto, sinogo nia gño-na an satong magña kaganak.

Act 7:13 Asin sa ikadua, namidbid si Jose kan saiyang magña tugang; asin an kapa-garaki ni Jose nahayag ki Faraon.

Act 7:14 Asin pinasogoan ni Jose, asin ipina-apod sa saiya an saiyang amang si Jacob, asin an gabos na kapagaraki nia, pitong polo may lima katauo.

Act 7:15 Asin si Jacob nagduman sa Egipto; asin sia nagadan asin an satong magña kaganak;

Act 7:16 Asin sinda dinara sa Siquem, asin ibinugtak sa lolobgñan na binakal ni Abraham nin pirak sa magña aki ni Ha-mor sa Siquem.

Act 7:17 Alagad kan naghaharani na an panahon kan kapanugaan na ipinanuga nin Dios ki Abraham, an banuaan nag-talobo asin nagdakol sa Egipto,

Act 7:18 Sagkod na nagluas sa Egipto an ibang hade na dai nakamidbid ki Jose.

Act 7:19 Ini nagpasaloib kan satong kapa­garaki, asin nagpasakit kan satong magña kaganak, tagñaning itapok ninda an saindang magña aking saradit tagña­ning dai magkaburuhay.

Act 7:20 Sa panahon na iyan namundag si Moises, asin sia magayon na gayo; asin sia inataman nin tolong bulan sa harong nin saiyang ama:

Act 7:21 Asin kan sia itapok na, naporot sia kan aking babae ni Faraon, asin inata­man sia na mani sadiri niang aki.

Act 7:22 Asin si Moises tinokdoan kan gabos na kadonogñan nin magña taga Egipto; asin sia mapangyari sa saiyang magña tataramon asin magña guibo.

Act 7:23 Alagad kan sia may apat na polong taon na, naisipan nia na songkoon an saiyang magña tugang na magña aki ni Israel.

Act 7:24 Asin kan mahiling nia an saro sa sainda na pinagdadaogdaog, sinorog nia sia, asin binalos asin guinadan nia an taga Egipto:

Act 7:25 Asin naghona sia na an saiyang magña tugang nakasabot na an Dios, huli sa saiyang kamot, nagtatao sainda nin kaligtasan; alagad dai sinda naka­sabot.

Act 7:26 Asin kan sominonod na aldao, mantang nagiiwal sinda, sia napahiling sainda, asin boot nia kutanang pagulion sinda, na an sabi, Magña guinoo, kamo magtugang; tadao ta nagiiwal kamo?

Act 7:27 Alagad idtong nagkasala sa saiyang kataed nagtuklang saiya, asin nagsabi, Siisay an nagbugtak saimo na maguin poon asin hokom niamo?

Act 7:28 Boot mong gadanon ako, siring kan paggadan mo kasuodma kan taga Egipto?

Act 7:29 Asin si Moises nagdulag sa sinabing ini, asin nagerok sa daga nin Madian, na saen sia nagñaki nin dua.

Act 7:30 Asin kan maotob na an apat na polong taon, nagtugña saiya sa patag kan bukid nin Sinai an sarong angel sa laad nin kalayo sa kilitis.

Act 7:31 Asin kan mahiling idto ni Moises, sia naggñalas: asin pagdolok nia na mamasid kaidto, nagdatong sa saiya an tigñog nin Kagurangnan,

Act 7:32 Ako iyo an Dios kan saimong magña kaganak, an Dios ni Abraham, asin ni Isaac, patin ni Jacob. Asin si Moises tinakigan, asin dai na nangñahas nahumiling.

Act 7:33 Asin an Kagurangnan nagsabi sai­ya. Halea an magña sapin sa saimong magña bitis: huli ta an lugar na saimong natitindogan banal na daga.

Act 7:34 Nahiling ko nangad an kasakitan kan sakong banuaan na nasa Egipto, asin nadagñog ko an saindang inagragñay, asin ako naghilig sa pagligtas sainda: asin madia, ta sosogoon taka sa Egipto.

Act 7:35 An Moises na ini na saindang isini-kual, asin sinabihan, Siisay an nagbugtak saimo na maguin poon asin hokom? sia an sinogo nin Dios na maguin poon asin paraligtas huli sa kamot kan angel na nagtugña sa saiya sa kilitis.

Act 7:36 Ini an nagpaluas sainda, pakaguibo nin magña gñagñalasan asin magria tanda sa Egipto, asin sa dagat na Mapula, patin sa patag sa laog nin apat na polong taon.

Act 7:37 Ini iyo idtong Moises na nagsabi sa magña aki ni Israel, An Dios mapatindog sa saindo, hale sa saindong magria tugang, nin sarong profeta na siring sa sako.

Act 7:38 Ini iyo idtong nasa pagiriba sa patag na kaiba kan angel na nagtaram saiya sa bukid nin Sinai, asin kaiba kan satong magña kaganak: asin an nagako nin magña buhay na tataramon, tagña-ningitao sasato:

Act 7:39 Na sia habong sonodon kan satong magña kaganak, kundi sia isinikual ninda, asin an saindang magria puso nag-baralik sa Egipto,

Act 7:40 Asin sinda nagsarabi ki Aaron, Iguibo mo kami nin magña dios na ma-gnenot samo: huli ta dapit kan Moises na ini, na nagpaluas samo sa daga nin Egipto, dai kami nakakaaram kun ano na an nangyari sa saiya.

Act 7:41 Asin sa magña aldao na idto, sinda nagguiribo nin sarong vacang ogbon, asin nagdorolot nin atang sa ladawan, asin nagorogma sa magria guibo kan saindang magña kamot.

Act 7:42 Alagad an Dios nagtalikod, asin pinabayaan nia sinda na magrilingkod sa hukbo nin lagñit, siring sa nasusurat sa libro nin magña profeta, Dinolotan dao ako nindo nin magña hayop na guinadan asin magña atang Sa apat na polong taon sa patag, O harong ni Israel?

Act 7:43 Asin dinara nindo an kinorobong ni Moloc, Asin an bitoon kan dios na siRefan, An magña ladawan na guinibo nindo tagñaning sambahon sinda: Asin dadarahon ko kamo sa ibong kan Babilonia.

Act 7:44 An satong magña kaganak nagka-igua kan tabernaculo nin pagpatotoo sa patag, siring sa ipinagboot nia ki Moises na guibohon siring sa arogan na nahiling nia.

Act 7:45 Na iyan, sa kapanahonan, dinara kan satong magria kaganak na kairiba ni Josue kan sinda lumaog sa rogaring kan magña nacion na pinahale nin Dios sa atubagñan kan satong magña kaganak, sagkod sa magña aldao ni David;

Act 7:46 Na nakapaoyon sa mata nin Dios, asin naghagad na makakua nin erokan manogñod sa Dios ni Jacob.

Act 7:47 Alagad itinogdok sia ni Salomon nin harong.

Act 7:48 Minsan siring an Kahorohalangka-we dai nageerok sa magria harong na guinibo nin magria kamot; siring sa sina-bi kan profeta,

Act 7:49 An lagñit iyo an sakong trono, Asin an daga iyo an batayan nin sakong magria bitis: Anong harong an guiguibohon nindo sa sako? Sabi nin Kagurangnan: O ano an lugar na pagpapahigñaloan ko?

Act 7:50 Bakong an kamot ko an gominibo kaini gabos na bagay?

Act 7:51 Kamong magria matagas an liog, asin bakong turi sa puso asin sa magria taligña, kamo danay na minatumang sa Espiritu Santo: kun ano an guinibo kan saindong magña kaganak, siring man an guiniguigo nindo.

Act 7:52 Arin sa magña profeta an dai pinaglarnag kan saindong magria kaga­nak? asin guinadan ninda idtong magña nagpahayag kaidto dapit kan pagdatong kan Banal; na sa saiya gñunian, kamo naguin magria parapasaloib asin paraga-dan;

Act 7:53 Kamo na nagarako kan katogonan siring sa ipinagboot kan magria angel, asin dai nagorotob.

Act 7:54 Kan madagñog ninda an magña bagay na ini, nagkarulugad an saindang magña puso, asin nagraragot an saindang magña gñipon tumang sa saiya.

Act 7:55 Alagad sia, huling pano kan Espi-ritu Santo, nagtagñad sa lagñit, asin nahiling nia an kamurawayan nin Dios, asin si Jesus nagtitindog sa too nin Dios,

Act 7:56 Asin sia nagsabi, Uya, nahihiling kong bukas an kalagñitan, asin an Aki nin tauo nagtitindog sa too nin Dios.

Act 7:57 Alagad sinda nagkururahao sa ha-langkao na tigñog, asin nagtarakop kan saindang magña taligña, asin nagdoros-mog saiyang sarabay;

Act 7:58 Asin sia inalao ninda sa luas kan ciudad, asin guinarapo: asin an magña saksi nagbugtak kan saindang magña gubing sa pamitisan nin sarong baroba-ta na an gñaran Saulo.

Act 7:59 Asin guinarapo ninda si Esteban, na nagaapod sa Kagurangnan, na an sabi, Kagurangnan na Jesus, akoa an sakong Espiritu.

Act 7:60 Asin sia naglohod, asin nagkurahao sa halangkao na tigñog, Kagurangnan, dai mo ibilang na sainda an kasalan na ini. Asin pakataram nia kaini, sia nato-rog. Asin si Saulo ominoyon na gadanon sia.



Act 8:1 Asin kan aldao na idto, nagpoon an sarong dakulang paglamag tumang sa simbahan sa Jerusalem; asin sinda gabos nakawarak sa magña daga nin Judea asin Samaria, alagad an magña apostol dai.

Act 8:2 Asin ilinobong si Esteban nin magña tauong makidios, asin pinagtagnisan sia nin makuri.

Act 8:3 Alagad linaglag ni Saulo an simba­han, na naglalaog sa lambang harong, asin guinogoyod nia an magña lalaki asin magña babae, asin ilinalaog sinda sa bilangoan.

Act 8:4 Kaya an magña nagpakawarak nagri-libot, na naghuhulit kan tataramon.

Act 8:5 Asin si Felipe nagduman sa ciudad nin Samaria, asin nagbalagñibog sa sain­da kan Cristo.

Act 8:6 Asin an magña kadaklan nagkasara-rong maghinaniog kan magña bagay na itinaram ni Felipe, pagkadagñog nin­da asin pagkahiling kan magña gñagñalasan na guinibo nia.

Act 8:7 Huli ta dakol sa magña may espiri-tung marompot an linuasan kaiyan, na nagjcukurahao sa halangkao na tigñog: asin balakid na lopog asin magña pilay an naomayan.

Act 8:8 Asin nagkaigua nin dakulang kaog-mahan sa ciudad na iyan.

Act 8:9 Alagad may sarong lalaki na an gñaran Simon, na kaidto sa ciudad nag-guiguibo nin magña salamangka, asin pinapagñalas nia an magña tauo sa Samaria, na nagsasabi na sia sarong dakulang tauo:

Act 8:10 Na sa saiya sinda gabos naghihi-naniog, magpoon sa labi kasadit sagkod sa labi kadakula, na nagsasarabi, An tauong ini iyo an kapangyarihan nin Dios na inaapod Dakula.

Act 8:11 Asin sinda naghinaniog saiya, huli ta sa haloy nang panahon pinagñalas nia sinda kan saiyang magña salamangka.

Act 8:12 Alagad kan sinda nagtubod na ki Felipe na naghulit kan magña marahay na bareta dapit kan kahadean nin Dios, asin kan gñaran ni Jesu-Cristo, sinda binuniagan, magña lalaki asin magña babae.

Act 8:13 Asin si Simon man nagtubod; asin pakabuniagui, sia nagdanay sa kaiba-han ni Felipe; asin kan mahiling nia an magña tanda asin darakulang gñagñala-san na guinibo, sia naggñalas.

Act 8:14 Asin kan madagñog kan magña apostol na nasa Jerusalem na an Samaria nagako kan tataramon nin Dios, sinogo ninda sa sainda si Pedro asin si Juan:

Act 8:15 Na sinda, kan pagdatong, namibi manogñod sa sainda, tagñaning akoon ninda an Espiritu Santo:

Act 8:16 Huli ta dai pa iyan naghilig sa kiisay man sa sainda: sinda nabuniagan sana sa gñaran ni Jesus na Kagurangnan.

Act 8:17 Dagñan ibinugtak ninda sa sainda an saindang magña kamot, asin sinda nagako kan Espiritu Santo.

Act 8:18 Kaya kan mahiling ni Simon na sa pagbugtak kan magña kamot, nin magña apostol itinao an Espiritu Santo, tinangro nia sinda nin pirak,

Act 8:19 Na an sabi, tawe man ako kan kapangyarihan na ini, tagñaning an siisay man na bugtakan ko kan sakong magña kamot magako kan Espiritu San­to.

Act 8:20 Alagad si Pedro nagsabi saiya, Matunao na kaiba mo an saimong pirak; huli ta naghona ka na dahel sa pirak kakamtan mo an balaog nin Dios.

Act 8:21 Dai kang pakinabang ni kapaladan sa bagay na ini; huli ta an saimong puso bakong matanos sa atubang nin Dios.

Act 8:22 Magsolsol ka gñani kan karatan mong ini, asin makimaherak ka sa Dios, tibaad pa ipatawad saimo an horot nin saimong puso.

Act 8:23 Huli ta nahihiling ko na ika nasa apdo nin kapaitan, asin sa gapos nin karatan.

Act 8:24 Asin si Simon nagsimbag asin nag­sabi, Ipakimaherak ako nindo sa Kagu-rangnan, na dai mangyari sa sako an arin man kan magña bagay na isinabi nindo.

Act 8:25 Sinda gñani, pakapagpatotoo asin pakasabi kan tataramon nin Kagurang-nan, nagpuli sa Jerusalem, asin naghulit kan evangelio sa balakid na barrio kan magña taga Samaria.

Act 8:26 Alagad an sarong angel nin Kagu-rangnan nagtaram ki Felipe, na an sabi, Tindog, asin paduman ka sa timogan, sa lugsotan na hale sa Jerusalem pa Gaza: na ini patag.

Act 8:27 Asin sia nagtindog asin nagduman: asin uya, an sarong lalaking taga Etiopia, capon, na may dakulang kapangyarihan sa pinaghahadean ni Candace, hadeng babae kan magña taga Etiopia, na nag-kakapot kan bilog na kayamanan kai-yan, na sia napa Jerusalem sa pagsamba;

Act 8:28 Asin sia nagpupuli na asin nagtu-tukao sa saiyang carruaje, patin nagba-basa ki profeta Isaias.

Act 8:29 Asin an Espiritu nagsabi ki Felipe, Rumani ka, asin makiiba ka sa carrua-jeng ini.

Act 8:30 Asin si Felipe nagdalagan sa saiya, asin nadagñog nia sia na nagbabasa ki profeta Isaias, asin sia nagsabi, Nakaka-sabot ka kan binabasa mo?

Act 8:31 Asin sia nagsabi, Papanon ko kun daing magtokdo sako? Asin sia nakimaherak ki Felipe na lumunad asin tumu-kao sa kataed nia.

Act 8:32 An kabtang nin kasuratan na bina­basa nia iyo ini, Sia dinara sa gadanan na siring sa carnero; Asin siring sa corderong pula sa atubang nin paraopao kan saiyang balukag, Siring man dai nia binuka an sai­yang gñoso:

Act 8:33 Sa saiyang pagpakumbaba hinalean sia kan manonogñod saiyang katanosan: Siisay an magpapahayag kan sai­yang kapagarakian? Huli ta an saiyang buhay hinale sa daga.

Act 8:34 Asin an capon nagsimbag ki Felipe asin nagsabi, Sabihi ako, dapit kiisay an profeta nagtataram kaini? dapit saiya, ó dapit sa iba?

Act 8:35 Asin binukas ni Felipe an saiyang gñoso, asin magpoon sa kasuratan na ini, pinaghulit nia saiya si Jesus.

Act 8:36 Asin sa paglakao, sinda nagdatong sa sarong tubig; asin an capon nagsabi, Uya, may tubig, ano an nakakaolang na mabuniagan ako?

Act 8:37 Asin si Felipe nagsabi, Kun ika minatu-bod sa bilog mong puso mangyayari na. Asin sia nagsimbag asin nagsabi, Ako minatubod na si Jesu-Cristo iyo an Aki nin Dios.

Act 8:38 Asin sia nagboot na paontokon an carruaje: asin sindang dua naglugsad sa tubig, si Felipe asin an capon; asin binuniagan nia sia.

Act 8:39 Asin paghawas ninda sa tubig, ina-gao si Felipe kan Espiritu nin Kagu-rangnan; asin dai na sia nahiling kan capon, ta sia nagdagos sa saiyang pag­lakao maogma.

Act 8:40 Alagad si Felipe nakua sa Azoto; asin sa paglakao, sia naghuhulit kan evangelio sa gabos na banua, sagkod na sia nagdatong sa Cesarea.



Act 9:1 Alagad si Saulo na naghahagños pa nin magña pagpatakot asin pag-gadan tumang sa magña discipulo nin Kagurangnan, nagduman sa halangkao na sacerdote,

Act 9:2 Asin naghagad sa saiya nin magña surat sa Damasco, sa magña sinagoga tagñaning kun sia makakua nin magña lalaki ó magña babae na nasa Dalan, madara nia sindang gapos sa Jerusalem.

Act 9:3 Asin mantang sia nagbabaklay, nangyari na sia nagdadagñadang sa Da­masco: asin panale sanang pinalibotan sia nin sarong liwanag na hale sa lagñit:

Act 9:4 Asin sia naholog sa daga, asin naka-dagñog nin sarong tigñog, na an sabi saiya, Saulo, Saulo, tadao ta pinaglala-mag mo ako?

Act 9:5 Asin sia nagsabi, Siisay ka, Kagu­rangnan? Asin sia nagsabi, Ako iyo si Jesus na saimong pinaglalamag:

Act 9:6 Alagad tindog, asin lumaog ka sa ciudad, asin sasabihon saimo an kaipu-han mong guibohon.

Act 9:7 Asin an magña lalaki na kairiba nia sa pagbaklay, nagtirindog na dai naka-pagtaram, na nakakadagñog kan tigñog, alagad daing nahihiling na siisay man.

Act 9:8 Asin si Saulo nagbuhat sa daga; asin pagbuklat kan saiyang magña mata, dai siang nahiling na anoman; asin kinabit ninda sia sa kamot, asin dinara sa Da­masco.

Act 9:9 Asin tolong aldao sia na dai naka-hiling, asin dai nagkakan, ni naginom.

Act 9:10 Asin may sarong discipulo sa Da­masco, na an gñaran Ananias; asin an Kagurangnan nagsabi saiya sa pagñatoro-gan, Ananias. Asin sia nagsabi, Uya ako, Kagurangnan.

Act 9:11 Asin an Kagurangnan nagsabi sai­ya, Tindog, asin paduman ka sa dalan na inaapod Tanos, asin ipaghapot mo sa harong ni Judas an sarong lalaki na gñinagñaranan Saulo na taga Tarso: huli ta uya sia, namimibi;

Act 9:12 Asin sia nakahiling nin sarong lalaki na gñinagñaranan Ananias, na nalaog asin nabugtak saiya kan saiyang kamot tagñaning akoon nia an saiyang pakahiling.

Act 9:13 Alagad si Ananias nagsimbag, Kagurangnan, ako nakadagñog sa dakol dapit sa tauong ini, kun guranong kara-tan an guinibo nia sa saimong magña banal sa Jerusalem:

Act 9:14 Asin igua sia digdi nin kapangyari-han hale sa magña poon nin magña sacerdote sa paggapos kan gabos na nagaapod kan saimong gñaran.

Act 9:15 Alagad an Kagurangnan nagsabi saiya, Paduman ka: huli ta sia sarong pinili kong kasangkapan na magdara kan sakong gñaran sa atubang nin magña Gentil asin magña hade, asin sa magña akini Israel:

Act 9:16 Huli ta ipapahayag ko sa saiya kun pirang magña bagay an kaipuhan niang tioson dahel sa gñaran ko.

Act 9:17 Asin si Ananias nagduman asin naglaog sa harong; asin pakabugtakan nia kan saiyang magña kamot sa saiya, sia nagsabi, Tugang na Saulo, an Kagu­rangnan na si Jesus na nagtugña sa saimo sa dalan sa pagpadigdi mo, nagsogo sako sa saimo, tagñaning akoon mo an saimong pakahiling, asin mapano ka kan Espiritu Santo.

Act 9:18 Asin tolos man nagkahorolog sa saiyang magña mata an magña garong kiskis, asin inako nia an pakahiling; asin sia nagtindog asin binuniagan; asin paka-kakan sia kominosog.

Act 9:19 Asin sia nagontok nin nagkapirang aldao sa kaibahan kan magña discipulo sa Damasco.

Act 9:20 Asin tolos man sa magña sinagoga ipinaghulit nia si Jesus, na iyo an Aki nin Dios.

Act 9:21 Asin an gabos na nakadagñog saiya naggñaralas, asin nagsarabi, Bakong iyo ini idtong sa Jerusalem naglaglag kan gabos na nagaapod kan gñaran na ini? asin sia napadigdi sa katuyohan na ini, tagñaning madara nia sindang gapos sa atubang kan magña poon nin magña sacerdote.

Act 9:22 Alagad si Saulo nagorog logod sa kakosogan, asin naribok nia an magña Judio sa Damasco, na pinapatotoohan nia na ini iyo an Cristo.

Act 9:23 Asin pakalihis nin dakol na aldao, an magña Judio nagpaharatolhatol na gadanon sia:

Act 9:24 Alagad an saindang homa naisihan ni Saulo. Asin sin da nagbantay man kan magña pintoan aldao-bangui tagñaning magadan ninda sia:

Act 9:25 Alagad kinua siang bangui kan sai-yang magña discipulo, asin itinonton sa luas kan kota sa sarong alat.

Act 9:26 Asin pagdatong nia sa Jerusalem, boot siang makisaro sa magña discipulo: asin sinda gabos natakot saiya, na dai nagtuturubod na sia discipulo.

Act 9:27 Alagad kinua sia ni Bernabe, asin dinara sa magña apostol, asin binaretaan sinda kan pakahiling nia kan Kaguran-gnan sa dalan asin na sia nakiolay saiya, asin kun paano na sia sa Damasco nag-hulit nin maigot sa gñaran ni Jesus.

Act 9:28 Asin sia kaiba ninda sa paglakao-lakao sa Jerusalem,

Act 9:29 Na naghuhulit sa kaisogan sa gña­ran nin Kagurangnan: asin sia nagtaram asin nakipagsuhay sa magña Griegong Judio; alagad sinda naghihirigñoang gadanon sia.

Act 9:30 Asin kan an magña tugang maka-aram kaidto, dinara sia ninda sa Cesarea, asin isinobol sa Tarso.

Act 9:31 Kaya an simbahan sa bilog na Judea, asin Galilea, patin Samaria nag-kaigua nin katoninogñan, na nagkoko-sog; asin nagdadakol, na naglalakao sa takot sa Kagurangnan, asin sa karagña-han nin Espiritu Santo.

Act 9:32 Asin nangyari na kan si Pedro nag­lalakao sa gabos na lugar, napaduman man sia sa magña banal na nagoorontok sa Lydda.

Act 9:33 Asin natagboan nia dian an sarong lalaki na gñinagñaranan Eneas, na wa-long taon na sa higdaan; ta sia lopog.

Act 9:34 Asin si Pedro nagsabi saiya, Eneas, pinaomayan ka ni Jesu-Cristo: tindog, asin saraya an saimong higdaan. Asin tolos man sia nagtindog.

Act 9:35 Asin nahiling sia kan gabos na nageerok sa Lydda, asin sa Sarona, asin sinda nagbarakle sa Kagurangnan.

Act 9:36 May sarong discipula sa Joppe na gñinagñaranan Tabita, na an boot sabi-hon Dorcas: an babaeng ini pano nin magña marahay na guibo asin nin magña paglimos na guiniguibo nia.

Act 9:37 Asin nangyari kan magña aldao na idto, na sia naghelang, asin nagadan: asin pakarigosa saiya, ibinugtak sia nin­da sa bidang sa itaas.

Act 9:38 Asin huli ta an Lydda harani sa Joppe, an magña discipulo, kan mada-gñog na si Pedro duduman, nagsogo sa saiya nin dua katauo na nakimaherak saiya, Dai ka magabala na dumigdi sa samo.

Act 9:39 Asin si Pedro nagbuhat, asin omin ba sainda. Asin pagdatong nia, dinara sia ninda sa bidang: asin an gabos na babaeng balo nagtirindog sa kataed nia, na nagtataragñis asin nagpapahiriling kan magña bado asin magña gubing na guinibo ni Dorcas kan sia nasa sainda pa,

Act 9:40 Tara pinaluas sinda gabos ni Pedro, asin sia naglohod asin namibi;asin paga-tubang nia sa bangkay, sia nagsabi, Tabi­ta, buhat. Asin binuklat nia an saiyang magña mata; asin kan mahiling nia si Pedro, sia tominukao.

Act 9:41 Asin iguinaogao nia saiya an sai­yang kamot, asin pinatindog nia sia: asin pakaapoda nia kan magña banal, asin kan magña babaeng balo, pinaatubang nia siang buhay.

Act 9:42 Ini nakabuyagyag sa bilog na Jop­pe: asin balakid an nagturubod sa Kagu­rangnan.

Act 9:43 Asin nangyari na sia nagontok nin dakol na aldao sa Joppe sa kaibahan ni Simon na paraloto nin anit.



Act 10:1 Sa Cesarea igua nin sarong lalaki na inaapod Cornelio, capitan sa pagiriba nin magña soldado na taga Italia,

Act 10:2 Tauong makidios, na natatakot sa Dios, sagkod kan bilog niang harong, asin naglilimos nin dakol sa magña tauo, patin danay na namimibi sa Dios.

Act 10:3 Nahiling niang hayag sa pagñato-rogan, may a las tres an aldao, an sarong angel nin Dios, na nagrani sa saiya asin nagsabi saiya, Cornelio.

Act 10:4 Asin sia, pagtorohok saiya, huling natakot, nagsabi, Ano, Kagurangnan? Asin sia nagsabi saiya, An saimong magña pamibi asin magña paglimos nakaabot sa atubang nin Dios na sarong romdoman.

Act 10:5 Asin gñunian magsogo ka nin magña tauo sa Joppe, asin padigdihon mo an sarong inaapod Simon, na an ikaduang gñaran Pedro:

Act 10:6 Sia nakikisakat sa harong ni Simon na paraloto nin anit, na nasa tampi nin dagat.

Act 10:7 Asin pakahale kan angel na nagta-ram saiya, inapod nia an dua nin saiyang magña sorogoon, asin an sarong solda-dong makidios sa magña danay na nag-lilirigkod saiya;

Act 10:8 Asin kan ikasaysay na nia sainda an gabos, sinogo nia sinda sa Joppe.

Act 10:9 Asin pagkaaga, mantang sinda nag-babaklay, asin nagdadagñadang sa ba-nua, si Pedro nagsakat sa atop ta ma-mimibi, kan may a las doce na:

Act 10:10 Asin sia nagotom asin boot kuma-kan: alagad mantang sinda naggagaroga-ro, sia pinagñalipadgñan;

Act 10:11 Asin nahiling niang bukas an la­gñit, asin naghihilig an sarong lalagan na garong halakbang na tamong, na itino-tonton sa daga sa apat na poro:

Act 10:12 Na duduman an manlaenlaen na hayop sa daga na may apat na bitis, asin magña hayop na nagkakanap, patin magña gamgam nin lagñit.

Act 10:13 Asin nagdatong sa saiya an sarong tigñog, Pedro, buhat; bono, asin kuma-kan ka.

Act 10:14 Dagñan si Pedro nagsabi, Dai, Kagurangnan; huli ta dai pa lamang ako nagkakan nin anoman na ipinagñagñalad ó maramog.

Act 10:15 Asin an tigñog nagdatong guiraray sa saiya, An lininig nin Dios dai mo pagapodon na maramog.

Act 10:16 Asin ini nangyari nin makatolo: asin tolos man an lalagan inako sa lagñit.

Act 10:17 Asin mantang si Pedro nagbobo-rongborong sa saiyang boot kun ano an kahologan kaidtong pagñatorogan, uya, an magña tauong sinogo ni Cornelio nag­datong sa tata, pakapaghapot ninda dapit kan harong ni Simon,

Act 10:18 Asin sinda nagapod asin naghapot kun si Simon na an ikaduang gñaran Pedro nakikisakat dian.

Act 10:19 Asin mantang si Pedro naghoho-rophorop dapit kan pagñatorogan, an Espiritu nagsabi saiya, Uya, an tolo ka-tauo naghahanap saimo.

Act 10:20 Alagad tindog, asin hilig, patin omiba ka sainda na dai magduadua: huli ta ako an nagsogo sainda.

Act 10:21 Asin hinilig ni Pedro an magña tauo, asin sinabihan, Uya, ako iyo an hinahanap nindo: ano dao an dahelan kan saindong pagdigdi?

Act 10:22 Asin sinda nagsabi, Si Cornelio, sarong capitan, lalaking matanos, asin natatakot sa Dios, patin marahay an dagñog sa bilog na nacion nin magña Judio, sinabihan nin Dios, sa gñoso nin sarong banal na angel, na magpasogo sa saimo na paduman sa saiyang harong, asin na magdagñog sa saimo nin magña tataramon. Kaya inapod nia sinda sa laog, asin pinasakat.

Act 10:23 Asin pagkaaga, sia nagbuhat asin ominiba sainda, asin inihahan sia nin nagkapirang tugang na magña taga Joppe.

Act 10:24 Asin kan sominonod na aldao, sinda lominaog sa Cesarea. Asin si Cor­nelio naghahalat sainda, pakatipona kan saiyang magña kapagaraki asin magña katood na minamahal.

Act 10:25 Asin nangyari paglaog ni Pedro, na si Cornelio nagsabat saiya, asin nagiaob sa saiyang pamitisan, patin nagsamba saiya.

Act 10:26 Alagad pinatindog sia ni Pedro, na sinabihan, Tomindog ka; ako tauo man.

Act 10:27 Asin mantang sia nakikipagolay saiya, sia naglaog, asin nadatgñan nia an dakol na nagkakatiripon:

Act 10:28 Asin sia nagsabi sainda, Kamo man sana nakakaisi na bakong sono sa kato-gonan na an sarong Judio makisakat ó makilabot sa taga ibang daga; alagad ipinamidbid sako nin Dios na an siisay man na tauo dai ko pagapodon na ipina­gñagñalad ó maramog:

Act 10:29 Kaya ako man, pagapoda sako, napadigdi na daing pagsuhay. Kaya ako naghahapot kun sa anong katuyohan ako pinadigdi nindo.

Act 10:30 Asin si Cornelio nagsabi, May apat na aldao na sagkod sa oras na ini, ako nagpapamibi kan sa a las tres sa harong ko; asin uya, an sarong lalaki nagtindog sa atubang ko na nagugubigñan nin makintab,

Act 10:31 Asin nagsabi, Cornelio, nadagñog an pamibi mo, asin an saimong magña limos naguin romdoman sa atubang nin Dios.

Act 10:32 Kaya, sumogo ka sa Joppe, asin ipaapod mo si Simon na an ikaduang gñaran Pedro; sia nakikisakat sa harong ni Simon na paraloto nin anit na nasa tampi nin dagat.

Act 10:33 Kaya tolos man ako nagpasogo sa saimo; asin marahay an guinibo mo na napadigdi ka. Kaya gñunian, uya, kami gabos sa atubang nin Dios, tagñaning magdagñog kan gabos na ipinagboot saimo nin Kagurangnan.

Act 10:34 Asin binukas ni Pedro an saiyang gñoso, asin sia nagsabi, Sa katotoohan ako nakakaisi na an Dios dai nagpapa-laen nin magña tauo:

Act 10:35 Alagad sa arin man na nacion, an natatakot saiya asin nagguiguibo nin katanosan iyo an inaako nia.

Act 10:36 An tataramon ipinadara nin Dios sa magña aki ni Israel, na ipinaghuhulit an magña marahay na bareta nin kati-wasayan sa gñoso ni Jesu-Cristo (sia iyo an Kagurangnan nin gabos).

Act 10:37 Kamo gabos nakakaisi kan tatara­mon na ini na nakabuyagyag sa bilog na Judea, magpopn sa Galilea, siring sa buniag na ipinaghulit ni Juan;

Act 10:38 Si Jesus na taga Nazaret, na lina-hidan nin Dios kan Espiritu Santo asin nin kapangyarihan: na naglibot sa pag-guibo nin karahayan, asin sa pagpaomay kan gabos na pinapasakitan nin diablo; huli ta an Dios nasa saiya.

Act 10:39 Asin kami magña saksi kan gabos na bagay na saiyang guinibo sa daga nin magña Judio, asin sa Jerusalem; na sia man guinadan ninda, na binitay sa kahoy.

Act 10:40 Sia binuhay liwat nin Dios sa ikatolong aldao, asin guinibo nia na sia mahayag,

Act 10:41 Bakong sa gabos na tauo, kundi sa magña saksi na pinili kaidto nin Dios, na iyo kami na nagkarakan asin nagirinom sa kaibahan nia, pagkabuhay nia liwat sa magña gadan.

Act 10:42 Asin kami pinagbotan nia na mag-hulit sa magña tauo, asin magpatotoo na ini iyo idtong itinalaga nin Dios na mani Hokom nin magña buhay asin nin magña gadan.

Act 10:43 Sa saiya nagpatotoo an gabos na profeta, na huli sa saiyang gñaran an lam-bang minatubod sa saiya magkakamit nin kapatawadan nin magña kasalan.

Act 10:44 Mantang si Pedro nagtataram pa kan magña tataramon na ini, an Espiritu Santo naghilig sa gabos na nagdadagñog kan tataramon.

Act 10:45 Asin sinda na kairiba ni Pedro na magña tinuri, naggñaralas huli ta ibino-bo man an balaog nin Espiritu Santo sa magña Gentil.

Act 10:46 Huli ta nadagñog ninda sindang nagtaram nin manlaenlaen na tatara­mon, asin nagpamuraway sa Dios.

Act 10:47 Dagñan si Pedro nagsimbag, May makapagñalad dao kan tubig na dai ini magkaburuniagan na nagarako na kan Espiritu Santo na siring man samo?

Act 10:48 Asin sia nagboot na buniagan sinda sa gñaran ni Jesu-Cristo. Dagñan naki-maherak sinda saiya na omontok nin magña pirang aldao.



Act 11:1 Nadagñog kan magña apostol asin magña tugang na nasa Judea, na an magña Gentil man nagarako kan tata­ramon nin Dios.

Act 11:2 Asin pagabot ni Pedro sa Jerusalem, nakipagsuhay saiya an magña tinuri,

Act 11:3 Na an sabi, Ika nakisakat sa magña tauong dai tinuri, asin nakikakan sa sainda.

Act 11:4 Alagad si Pedro nagpoon asin nag-saysay sainda nin pasonodsonod, na an sabi,

Act 11:5 Ako duduman sa banua nin Joppe namimibi: asin nahiling ko sa pagñato-rogan na naghihilig an sarong lalagan na siring sa halakbang na tamong, na itino-tonton sa apat na poro hale sa lagñit, asin nagdatong sagkod sa sako:

Act 11:6 Na pakatorohoki ko kaidto, namas-dan asin nahiling ko an magña hay op sa daga na may apat na bitis asin magña hayop na marigñis asin magña hayop na nagkakanap, patin magña gamgam nin lagñit.

Act 11:7 Asin nadagñog ko man an sarong tigñog na nagsasabi sako, Tindog, Pedro; bono, asin kumakan ka.

Act 11:8 Alagad ako nagsabi, Dai, Kaguran-gnan: huli ta dai pa lamang nin anoman na ipinagñagñalad ó maramog na naka-laog sa sakong gñoso.

Act 11:9 Alagad an tigñog hale sa lagñit nag-simbag guiraray sako, An lininig nin Dios dai mo pagapodon na maramog.

Act 11:10 Asin ini nangyari nin makatolo: asin an gabos binaton liwat pa lagñit.

Act 11:11 Asin uya, tolos man nagdatong sa harong na naoontokan mi an tolong lalaki na magña sinogo sa sako hale sa Cesarea.

Act 11:12 Asin an Espiritu nagboot sako na omiba sainda, na dai magpalaen. Asin nagiriba man sako ining anom na tu-gang; asin naglaog kami sa harong kan lalaki.

Act 11:13 Asin sia nagosip samo na nahiling nia an sarong angel sa saiyang harong, na nakatindog asin nagsabi, Sumogo ka sa Joppe, asin padigdihon mo si Simon na an ikaduang gñaran Pedro;

Act 11:14 Na sia magsasabi saimo nin magña tataramon na ikakaligtas mo, asin kan bilog mong harong.

Act 11:15 Asin pagpoon kong magtaram, nag-hilig an Espiritu Santo sa sainda, na siring man sa sato kaidto.

Act 11:16 Dagñan ako nakaromdom kan tata­ramon nin Kagurangnan, na an sabi, Si Juan sa katotoohan nagbuniag sa tubig; alagad kamo bubuniagan sa Espiritu Santo.

Act 11:17 Kaya kun an Dios nagtao sa sainda nin balaog na siring kan itinao sa sato kan kita tumubod sa Kagurangnan na si Jesu-Cristo, siisay ako na makasuhay sa Dios?

Act 11:18 Kaya kan madagñog ninda an magña bagay na ini, dai sinda nagguiri-rong, kundi nagpamururaway sa Dios, na an sabi, Kun siring itinogot man nin Dios sa magña Gentil an pagsolsol na pa buhay.

Act 11:19 Kaya idtong magña nagpakawarak huli kan kasakitan na nagdatong dapit ki Esteban, nagbaraklay sagkod sa Feni-cia, asin sa Chipre, patin sa Antioquia, na naghuhulit kan tataramon sa magña Judio sana.

Act 11:20 Alagad may nagkapira sa sainda magña taga Chipre asin Cirene, na paga bot sa Antioquia, nagtaram sa magña Griego man, na ipinaghuhulit an Kagu­rangnan na si Jesus.

Act 11:21 Asin nasa sainda an kamot nin Kagurangnan: asin an kadaklan na nag-turubod nagbarakle sa Kagurangnan.

Act 11:22 Asin an bareta dapit sainda naka-abot sa magña taligña nin simbahan sa Jerusalem: asin sinogo ninda si Bernabe sagkod sa Antioquia:

Act 11:23 Na pagdatong, sia naogma pagka-hiling nia kan biyaya nin Dios; asin sina-dol nia an gabos na magdaranay sinda sa pagmawot nin puso sa pagdayopot sa Kagurangnan:

Act 11:24 Huli ta sia marahay na tauo, asin pano kan Espiritu Santo asin nin pagtu-bod: asin dakol na tauo an nakadagdag sa Kagurangnan.

Act 11:25 Asin sia nagduman sa Tarso sa paghanap ki Saulo;

Act 11:26 Asin kan makua nia sia, dinara nia sa Antioquia. Asin nangyari sa bilog na taon na sinda nakisomaro sa simbahan asin nagtokdo sa dakol na tauo; asin an magña discipulo enot na paggñaranan magña Cristiano sa Antioquia.

Act 11:27 Sa magña aldao na ini may nagda-ratong sa Antioquia na magña profeta hale sa Jerusalem.

Act 11:28 Asin nagtindog an saro sa sainda, na an gñaran Agabo, asin naghula huli kan Espiritu na magkakaigua nin daku-lang pangotom sa bilog na kinaban: na ini nangyari sa magña aldao ni Claudio.

Act 11:29 Asin an magña discipulo naggara-yak, lambang saro siring sa saiyang makakayanan, na magpadara nin tabang sa magña tugang na nageerok sa Judea:

Act 11:30 Na ini guinibo ninda, na ipinadara iyan sa magña magurang huli sa kamot ni Bernabe asin ni Saulo.



Act 12:1 Sa magña panahon na idto, hino-nat ni Herodes an saiyang magña kamot sa pagpadusa kan nagkapira sa simbahan.

Act 12:2 Asin guinadan nia sa minasbad si Santiago, na tugang ni Juan.

Act 12:3 Asin pagkahiling nia na ini ikinaog-ma nin magña Judio, dinagos man niang ipadakop si Pedro. Asin id to an magña aldao nin tinapay na dai nin levadura.

Act 12:4 Asin kan madakop na sia, ibinugtak nia sa bilangoan, asin itinao sa apat na boniog na magña soldado, tagñaning bantayan sia; ta sia nagiisip na pakalihis kan Pascua itao nia sia sa magña tauo.

Act 12:5 Kaya si Pedro binantayan sa bilan­goan: alagad guinibo kan simbahan an maigot na pamibi sa Dios manogñod saiya.

Act 12:6 Asin kan madale na siang itao ni Herodes, kan bangui man sanang iyan si Pedro, na gapos nin duang cadena, nag-kakatorog sa tahao nin duang soldado: asin an magña bantay sa pinto nagba-bantay kan bilangoan.

Act 12:7 Asin uya, an sarong angel nin Kagu-rangnan tominaed sa saiya, asin an sarong ilao lominiwanag sa bilangoan: asin tinalpi nia si Pedro sa kaguiriran, asin pinukao, na an sabi, Bumuhat ka nin madale. Asin nagkahorolog an ma-gña cadena sa saiyang magña kamot.

Act 12:8 Asin an angel nagsabi saiya, Maghag-kos ka, asin bugkosa an saimong magña sapin. Asin guinibo nia iyan. Asin sia nagsabi saiya, Isolog mo an saimong gubing, asin sumonod ka sako.

Act 12:9 Asin sia nagluas asin nagsonod; asin dai siang pakaaram na totoo idtong gui­nibo kan angel, kundi sia naghona na sia nakahiling nin sarong pagñatorogan.

Act 12:10 Asin pakalihis ninda sa enot asin sa ikaduang bantay, nagdatong sinda sa tatang batbat na pasiring sa ciudad; na nagsadiring magbukas sa sainda: asin sinda nagluas, asin nakalakao nin sarong lansagñan; asin tolos man binayaan sia kan angel.

Act 12:11 Asin si Pedro, kan maulian na, nag­sabi, Gñunian ako nakakaaram sa kato-toohan na an Kagurangnan nagsogo kan saiyang angel asin nagligtas sako sa kamot ni Herodes, asin sa gabos na pinaghahalat kan magña Judio.

Act 12:12 Asin kan maisip na nia ining nangyari, sia napaduman sa harong ni Maria, na ina ni Juan na an ikaduang gñaran Marcos; na duman dakol an nagkakatiri-pon asin namimibi.

Act 12:13 Asin pagtoktok nia sa pinto kan tata, an sarong daraga na an gñaran Rode nagdolok sa pagbukas.

Act 12:14 Asin kan mamidbid nia an tigñog ni Pedro, sa dakukng kaogmahan dai nia binukasan an tata, kundi nagdalagan sa laog, asin nagbareta na si Pedro nagtitin-dog sa tata.

Act 12:15 Asin sinda nagsarabi saiya, Naroro-gñao ka. Alagad sia nagpatotoo na iyo man nangad. Dagñan sinda nagsarabi, An saiyang angel iyan.

Act 12:16 Alagad si Pedro nagdanay sa pag­toktok: asin pakabukasi ninda nahUing sia, asin sinda naggñaralas.

Act 12:17 Alagad pinasabot nia sinda kan sai­yang kamot na dai magguirirong, asin sia nagsaysay sainda kun napaano an pagkapaluasa saiya kan Kagurangnan sa bilangoan. Asin sia nagsabi, Ibareta nin-do an magña bagay na ini ki Santiago asin sa magña tugang. Asin sia naghale, asin nagduman sa ibang lugar.

Act 12:18 Asin pagkaaga, bakong diit an kari-bokan kan magña soldado dapit kan nangyari ki Pedro.

Act 12:19 Asin kan hanapon sia ni Herodes, asin dai nakua, inoguid nia an magña bantay, asin sia nagboot na gadanon sinda. Asin sia naghale sa Judea pasiring sa Cesarea, asin nagerok dian.

Act 12:20 Si Herodes naangot nin makuri sa magña taga Tiro asin taga Sidon: asin sinda nagkasararo na magduman sa sai­ya, asin kan katood na ninda si Blasto, na pinaniniwalaan sa harong kan hade, sinda nagharagad nin katiwasayan, huli ta an daga ninda nabubuhay hale sa daga kan hade.

Act 12:21 Asin sa sarong aldao na talaan, si Herodes naggubing nin sa hade, asin nag-tukao sa trono, patin nagtaram sainda.

Act 12:22 Asin an magña tauo nagkururahao, Tigñog nin sarong dios, asin bakong sa tauo.

Act 12:23 Asin tolos man hinampak sia kan angel nin Kagurangnan, huli ta dai sia nagtao kan kamurawayan sa Dios; asin sia kinakan nin magña olod, asin naot-san.

Act 12:24 Alagad an tataramon nin Dios nag-talobo asin nagdakol.

Act 12:25 Asin kan maotob na ni Bernabe asin ni Saulo an saindang paglingkod, sinda nagbalik hale sa Jerusalem na kaiba si Juan na an ikaduang gñaran Marcos.



Act 13:1 Igua sa simbahan sa Antioquia nin magña profeta asin magña para-tokdo, si Bernabe, asin si Simeon na inaapod Niger, asin si Lucio na taga Cirene, asin si Manaen na tugang sa gatas ni Herodes na tetrarca, patin si Saulo.

Act 13:2 Asin mantang sinda naglilingkod sa Kagurangnan, asin nagaayuno, an Espiri-tu Santo nagsabi, Laena nindo sa sako si Bernabe asin si Saulo, manogñod sa guibo na inapodan ko sainda.

Act 13:3 Dagñan pakaayuno, asin pakapami-bi, patin pakabugtaki sainda kan magña kamot, pinalakao sinda.

Act 13:4 Kaya sinda na magña sinogo nin Espiritu Santo nagduman sa Seleucia; asin paghale dian sinda nagsakay pa Chipre.

Act 13:5 Asin kan sinda nasa Salamina, ipinagbalagñibog ninda an tataramon nin Dios sa magña sinagoga nin magña Judio: asin si Juan man katabang ninda.

Act 13:6 Asin kan malakao na ninda an bilog na poro sagkod sa Pafo, nasompogñan ninda an sarong Judiong salamangkero, madayang profeta, na an gñaran Bar-Jesus;

Act 13:7 Na sia kaiba kan proconsul na si Sergio Paulo, Making may pakasabot. Ipinaapod kaini si Bernabe asin si Saulo, asin nagmauot na magdagñog kan tata­ramon nin Dios.

Act 13:8 Alagad si Elimas na salamangkero (ta iyo iyan an boot sabihon kan saiyang gñaran) nakisuhay sainda, na naghihi-gñoang maolang sa pagtubod an proconsul.

Act 13:9 Alagad si Saulo na inaapod man Pablo, pano kan Espiritu Santo, nagto-rohok saiya,

Act 13:10 Asin nagsabi, O tauong pano nin gabos na kadayaan asin karatan, ika na aki nin diablo, kaiwal nin gabos na kata-nosan, dai ka maontok sa pagraot kan magña matanos na dalan nin Kaguran­gnan?

Act 13:11 Asin gñunian, uya, an kamot nin Kagurangnan nasa saimo, asin ika mabu-buta, na dai makakahiling kan aldao sa sarong panahon. Asin tolos man nagda-tong sa saiya an alopoop asin kadiklo man; asin sia naglibot sa paghanap nin makakabit saiya.

Act 13:12 Dagñan kan mahiling an nangyari, an proconsul nagtubod na naggñagñalas sa katokdoan nin Kagurangnan.

Act 13:13 Dagñan si Pablo asin an saiyang kairiba nagsakay hale sa Pafo asin nag-doong sa Perga nin Pamfilia: asin bina-yaan sinda ni Juan ta nagpuli sa Jeru­salem.

Act 13:14 Alagad sinda, pakaagui sa Perga, nagdatong sa Antioquia nin Pisidia; asin sinda naglaog sa sinagoga, sa aldao nin sabbath, asin nagtukao.

Act 13:15 Asin pakatapus kan pagbasa nin katogonan asin nin magña profeta, an magña poon kan sinagoga nagsogo sain­da, na nagsabi, Magña tugang, kun igua kamong anoman na ihuhulit sa magña tauo, magsabi na kamo.

Act 13:16 Asin si Pablo nagtindog, asin, paka-pasabot kan kamot, nagsabi, Magña taga Israel, asin kamong magña natatakot sa Dios, maghinaniog kamo:

Act 13:17 An Dios kaining banuaan na Israel iyo an nagpili kan satong magña kaga-nak, asin nagpalangkao kan banuaan, kan sinda magerok sa daga nin Egipto, asin nagpaluas sainda duman sa mapang-yaring kamot.

Act 13:18 Asin sa may apat na polong taon sa patag, sinaklolo nia sinda siring sa amang nagaataman.

Act 13:19 Asin pakalaglag nia nin pitong nacion sa daga nin Canaan, itinao nia saindang pamana an daga ninda, sa may apat na gatos may limang polong taon.

Act 13:20 Asin pakatapus kan magña bagay na ini, tinawan nia sinda nin magña hokom sagkod ki profeta Samuel.

Act 13:21 Asin dagñan nagharagad sinda nin hade: asin itinao sainda nin Dios si Saul, aking lalaki ni Cis, sa tribu ni Benjamin sa laog nin apat na polong taon.

Act 13:22 Asin pakahalea saiya, guinibo nia si David na maguin hade ninda; na sa saiya man sia nagpatotoo, na an sabi, Nakua ko si David, aki ni Jesse, lalaking nakaoyon sa sakong puso, na sia magui-bo kan gabos na kabotan ko.

Act 13:23 Sa banhi kan lalaking ini, pinabu-hat nin Dios sa Israel, siring sa saiyang panuga, an sarong Paraligtas, si Jesus;

Act 13:24 Kan si Juan, bago sia dumatong, maghulit kan buniag sa pagsolsol sa gabos na tauo sa Israel.

Act 13:25 Asin mantang si Juan nagootob kan saiyang katongdan, sia nagsabi, Si-isay ako sa paghona nindo? Bako ako sia. Alagad uya, may madatong sa hudian ko na an saiyang magña sapin sa bitis alagñan akong maghubad.

Act 13:26 Magña tugang, magña aki kan kapagarakian ni Abraham, asin an magña nasa saindo na natatakot sa Dios, sa sato ipinadara an tataramon kan kaligtasan na ini.

Act 13:27 Huli ta an magña nageerok sa Jeru­salem, asin an saindang magña poon, huli sa dai pakamidbid saiya, ni kan tigñog nin magña profeta na binabasa sa lambang sabbath, nagorotob kaiyan sa pagsilot saiya.

Act 13:28 Asin minsan sinda dai nakakua sa saiya nin dahelan sa kagadanan, hinagad ninda ki Pilato na ipagadan sia.

Act 13:29 Asin kan maotob na ninda an gabos na nasusurat dapit sa saiya, sia tinangal ninda sa kahoy, asin ibinugtak sia sa sarong lolobgñan.

Act 13:30 Alagad sia binuhay liwat nin Dios sa magña gadan:

Act 13:31 Asin sia nahiling sa dakol na aldao kaidtong magña kairiba nia na nagtu-rukad hale sa Galilea pa Jerusalem, na gñunian magña saksi nia sa magña tauo.

Act 13:32 Asin kami nagdadara sa saindo nin marahay na bareta kan panuga na guini­bo sa magña kaganak,

Act 13:33 Na ini inotob nin Dios sa satong magña aki sa pagbuhay nia liwat ki Jesus; siring sa nasusurat man sa ika-duang salmo, Ika iyo an sakong aki, ipinagñaki taka gñunian.

Act 13:34 Asin dapit kan pagbuhaya nia saiya sa magña gadan, na gñunian dai na mabalik sa kalapaan, sia nagtaram nin siring, Itatao ko sa saindo an magña banal asin totoong panuga ki David.

Act 13:35 Huli ta sia nagsasabi man sa ibang salmo, Dai mo itotogot na an saimong Banal makahiling nin kalapaan.

Act 13:36 Huli ta si David, kan saiyang pana-hon, pakapaglingkod sa kabotan nin Dios, natorog, asin ilinobong sa kaiba-han kan saiyang magña kaganak, patin nakahiling nin kalapaan:

Act 13:37 Alagad idtong binuhay liwat nin Dios dai nakahiling nin kalapaan.

Act 13:38 Kaya maaraman nindo, magña tugang, na huli sa lalaking ini ipinagba-balagñibog sa saindo an kapatawadan nin magña kasalan.

Act 13:39 Asin huli sa saiya, an lambang minatubod pinapakang-matanos sa ga­bos na bagay na dai saindo mapapa-kangmatanosan kan katogonan ni Moi-ses.

Act 13:40 Kaya magigñat kamo ta tibaad mangyari sa saindo an itinaram sa magña profeta:

Act 13:41 Magña mapagduhagui, hiligña nin­do, asin maggñalas kamo, patin mapahamak kamo, Huli ta ako nagguiguibd nin sarong guibo sa saindong magña aldao, Guibo na sa anoman na paagui dai nindo tutubodoh, minsan sabihon iyan saindo.

Act 13:42 Asin pagluas ninda, sinda nakima-herak sainda na an magña tataramon na ini itaram liwat sainda sa masonod na sabbath.

Act 13:43 Asin pakahale kan katiriponan sa sinagoga, dakol sa magña Judio asin sa magña makidios na proselito an nagsoro-nod ki Pablo asin ki Bernabe; na sinda, sa pagtaram, nagsadol sainda na magda-ranay sa biyaya nin Dios.

Act 13:44 Asin kan sominonod na sabbath, nagkatiripon haros an bilog na banua sa pagdagñog kan tataramon nin Dios.

Act 13:45 Alagad kan mahiling kan magña Judio an kadaklan, sinda nagkaparano nin kaurihan, asin nakisuhay sa magña bagay na itinaram ni Pablo, asin sia pinagrawayan.

Act 13:46 Dagñan si Pablo asin si Bernabe nagtaram sa kaisogan, na an sabi, Kai-puhan na an tataramon nin Dios isabi gñona sa sain do. Alagad huli ta isinikual ini nindo, asin kamo naghokom sa sain-do man sana na kamo bakong maninigo sa buhay na dai nin katapusan, uya, kami maduman sa magña Gentil.

Act 13:47 Huli ta siring an pagkasogo samo kan Kagurangnan, na an sabi, Ibubugtak takang ilao sa magña Gentil, Tagñaning ika mani kaligtasan sagkod sa kaporoporohi nin daga.

Act 13:48 Asin kan madagñog ini kan magña Gentil, sinda nagkaorogma asin nagpa-mururaway kan tataramon nin Dios: asin nagturubod an gabos na itinalaga sa buhay na dai nin katapusan.

Act 13:49 Asin an tataramon nin Kaguran­gnan nakalakop sa magña dagang idto.

Act 13:50 Alagad an magña Judio nagsotsot sa magña babaeng makidios asin iguina-galang, asin sa magña halangkao na tauo sa banua, na gumibo nin paglamag tumang ki Pablo asin ki Bernabe, asin pinaluas sinda sa saindang daga.

Act 13:51 Alagad pinagpag ninda tumang sa sainda an kabokabo sa saindang magña bitis, asin sinda nagduman sa Iconio.

Act 13:52 Asin an magña discipulo nagkapa­rano nin kaogmahan, asin kan Espiritu Santo.



Act 14:1 Asin nangyari sa Iconio, na sinda nagibang maglaog sa sinagoga nin magña Judio, asin sinda nagtaram nin marahay, mala ta nagturubod an daku-lang kadaklan nin magña Judio asin nin magña Griego.

Act 14:2 Alagad sinotsotan kan magña Ju-diong masuhay an magña Gentil na mag-kaigua nin maraot na boot tumang sa magña tugang.

Act 14:3 Kaya sinda nagorontok duman nin haloy na panahon, na nagtataram sa kaisogan huli sa Kagurangnan na nagpa-patotoo kan tataramon nin saiyang biyaya, sa pagtao nin magña tanda asin magña gñagñalasan na guiguibohon kan saindang magña kamot.

Act 14:4 Alagad nabagña an kadaklan sa banua; asin an sarong kabtang nagdanay sa magña Judio, asin an saro sa magña apostol.

Act 14:5 Asin kan mahaman na an gayak kan magña Gentil asin kan magña Judio na kaiba an saindang magña poon sa pag-sopog asin sa paggapo sainda,

Act 14:6 Sinda nakaaram dapit kaidto, asin nagdulag pasiring sa Listra asin Derbe, magña banua nin Licaonia, asin sa dagang palibot:

Act 14:7 Asin dian sinda naghulit kan evan­gelio.

Act 14:8 Asin may sarong lalaki sa Listra, na dai nahehero an magña bitis, lopog poon pa sa tulak nin saiyang ina, na kasuarin man dai nakalakao.

Act 14:9 Ini nakadagñog ki Pablo na nagta­taram: na kan torohokan nia sia, asin mahiling na sia may pagtubod tagña­ning mapaomayan,

Act 14:10 Si Pablo nagsabi sa halangkao na tigñog, Tindog nin tanos. Asin sia lomi-nokso, asin lominakao.

Act 14:11 Asin an kadaklan, pagkahiling kan guinibo ni Pablo, nagkurahao, na an, sabi sa tataramon nin Licaonia, An magña dios naghilig sa sato sa kabaing nin tauo.

Act 14:12 Asin si Bernabe inapod ninda Jupi­ter, asin si Pablo, Mercurio, huli ta sia an nagtaram nin dakol.

Act 14:13 Asin an sacerdote ni Jupiter, na an saiyang templo nasa atubang nin banua, nagdara nin magña vaca asin magña coronang burak sa magña tata, asin maguibo kutana nin pkgatang sa kaiba-han kan kadaklan.

Act 14:14 Alagad kan madagñog ini kan magña apostol na si Bernabe asin si Pablo, guinisi ninda an saindang magña gubing, asin nagdalagan sa tahao kan kadaklan, na nagkukurahao.

Act 14:15 Asin nagsasabi, Magña guinoo, tadao ta guiniguibo nindo an magña bagay na ini? Kami man magña tauo na may pakamateng arog saindo, asin nagdadara sa saindo nin marahay ua bareta, tagñaning sa magña bagay na ining basang magharale kamo pasiring sa Dios na buhay, na nagguibo kan lagñit, asin kan daga, asin kan dagat, patin kan gabos na yaon dian:

Act 14:16 Na sa magña panahon na nakaagui na, pinabayaan nia an gabos na nacion na magralakao sa saindang sadiring magña dalan.

Act 14:17 Alagad minsan siring dai sia nagpa-baya na dai magkaigua nin saksi, na sia nagguibo nin marahay, asin nagtao sa saindo nin magña oran na hale sa lagñit, asin magña panahon na tigbugñahan, na pinapano nia an saindong magña puso nin kakanon asin nin kaogmahan.

Act 14:18 An magña tataramon na ini nagka-niring sana na makaolang sainda sa pag-guibo kan atang.

Act 14:19 Alagad may nagdaratong na magña Judio hale sa Antioquia asin sa Iconio: asin pakasotsoti ninda kan kadaklan, guinapo ninda si Pablo, asin guinoyod sa luas kan banua, ta sinda naghona na sia gadan na.

Act 14:20 Alagad man tang an magña discipu-lo nagtitirindog sa palibot nia, sia nag-buhat, asin naglaog sa banua: asin pagkaaga sia nagduman sa Derbe na kaiba si Bernabe.

Act 14:21 Asin pakahulit ninda kan evangelio sa banuang idto, asin pakaguibo nin dakol na discipulo, sinda nagbalik sa Listra, asin sa Iconio, patin sa Antio­quia,

Act 14:22 Na nagpapakosog kan magña kalag nin magña discipulo, na sinasadol sinda na magdaranay sa pagtubod, asin na kita kaipuhan na lumaog sa kahadean nin Dios, huli sa balakid na kasakitan.

Act 14:23 Asin pakabugtak ninda nin magña magurang sa lambang simbahan, asin pakapamibi na may pagayuno, sinda idinolot ninda sa Kagurangnan na sain­dang tinubod.

Act 14:24 Asin sinda nagagui sa Pisidia, asin nagdatong sa Pamfilia.

Act 14:25 Asin pakahulit ninda kan tatara­mon sa Perga, nagdagos sinda sa Atalia;

Act 14:26 Asin dian nagsakay sinda pa Antio­quia, na saen sinda idinolot sa biyaya nin Dios manogñod sa guibo na saindang

Act 14:27 Asin pagdatong ninda, tiniripon ninda an simbahan, asin ibinareta sainda an gabos na bagay na guinibo nin Dios sa kaibahan ninda, asin na sia nagbukas sa magña Gentil kan tata nin pagtubod.

Act 14:28 Asin sinda nagontok nin haloy na panahon sa kaibahan nin magña disci­pulo.



Act 15:1 May nagkapirang lalaki na nagda-tong hale sa Judea, asin nagtokdo sa magña tugang, na an sabi, Kun dai kamo turion siring sa kaugalean ni Moises dai kamo makakaligtas.

Act 15:2 Asin kan si Pablo asin si Bernabe magkaigua nin kanigoan na karibokan asin pakisuhay sa sainda, pinili kan magña tugang na si Pablo asin si Bernabe asin an nagkapira sa sainda, na magdu-ruman sa Jerusalem sa magña apostol asin sa magña magurang dapit kan bagay na ini.

Act 15:3 Sinda gñani, pakadorodoroan kan simbahan, nagaragui sa Fenicia asin Samaria, na nagbabareta kan pagbakle nin magña Gentil: asin sinda nakatao nin dakulang kaogmahan sa gabos na tugang.

Act 15:4 Asin pagdaratong sa Jerusalem, ina-rako sinda kan simbahan asin kan magña apostol patin kan magña magurang, asin sinda nagbareta sainda kan gabos na gui­nibo nin Dios sa kaibahan ninda.

Act 15:5 Alagad an nagkapira sa secta nin magña Fariseo na nagturubod, nagtin-dog asin nagsabi, Kaipuhan na sinda turion, asin pagbotan na magotob kan katogonan ni Moises.

Act 15:6 Asin an magña apostol asin an magña magurang nagtiripon sa pagoro-lay dapit kan bagay na ini.

Act 15:7 Asin pakatapus nin halauig na pag-pasuruhay, si Pedro nagtindog, asin nag­sabi sainda, Magña tugang, kamo naka-kaisi na kaidto pa an Dios nagpili dian sa saindo, na huli sa sakong gñoso an magña Gentil nakadagñog kan tatara­mon nin evangelio, asin nagturubod.

Act 15:8 Asin an Dios na nakakamidbid kan puso, nagpatotoo sainda, na nagtao sain­da kan Espiritu Santo nin siring sa sato;

Act 15:9 Asin dai nia sinda pinalaen sa sato, na huli sa pagtubod lininig nia an sain-dang magña puso.

Act 15:10 Kaya gñunian, tadao ta tinotokso nindo an Dios, na kamo magbugtak nin sakal sa loong nin magña discipulo, na dai ta nadara ni kan satong magña kaga-nak?

Act 15:11 Alagad kita minatubod na kita makakaligtas, siring man sinda, huli sa biyaya nin Kagurangnan na si Jesus.

Act 15:12 Asin an bilog ha kadaklan dai nag-guirong; asin sinda naghinaniog ki Ber­nabe asin ki Pablo na nagbabareta kan magña tanda asin magña gñagñalasan na guinibo niri Dios sa magña Gentil huli sa sainda.

Act 15:13 Asin pakatapus kan saindang pag-taram, si Santiago nagsimbag, na an sabi,

Act 15:14 Magña tugang, dagñoga ako nindo: Si Simon nagsaysay sato dapit kan pag-songko nin Dios sa magña Gentil, sa pag-kua dian sa sainda nin sarong banuaan manogñod sa saiyang gñaran.

Act 15:15 Asin digdi minaoyon an tataramon nin magña profeta; siring sa nasusurat,

Act 15:16 Pakatapus kan magña bagay na ini ako mabalik, Asin mapatindog liwat kan tabernaculo ni David, na nagaba; Asin ako mahirahay liwat kan saiyang magña pagkagaba, Asin iyan titindogon ko:

Act 15:17 Tagñaning maghanap kan Kagu­rangnan an matada sa magña tauo, Asin an gabos na Gentil na dian sa sainda inaapod an sakong gñaran,

Act 15:18 Olay nin Kagurangnan, na kaidto pa nagpapahayag kan magña bagay naini.

Act 15:19 Nin huli kaini, an sakong paghokom iyo, na dai ta ribokon idtong magña nagbakle sa Dios sa magña Gentil;

Act 15:20 Kundi na sura tan ta sinda na maglikay sa magña nadigtaan nin magña ladawan, asin sa pakisaro, asin sa laman nin tinook, patin sa dugo.

Act 15:21 Huli ta si Moises, magpoon sa magña naenot na panahon, igua sa lam-bang banua nin magña naghuhulit dapit sa saiya, na binabasa sa magña sinagoga sa lambang sabbath.

Act 15:22 Dagñan pinagmarahay kan magña apostol asin kan magña magurang, kaiba an bilog na simbahan, na pumili sa sain­dang pagiriba nin magña lalaki na sogoon sa Antioquia na kaiba ni Pablo asin ni Bernabe; si Judas na inaapod Bar-sabas, asin si Silas, magña poon sa magña tugang:

Act 15:23 Asin siring an surat na ipinadara ninda, An magña apostol asin an magña magurang, magña tugang, sa magña tugang na nasa magña Gentil sa Antio­quia asin sa Siria patin sa Cilicia, kaga-lagñan:

Act 15:24 Nin huli ta kami nakadagñog na rinibok kamo nin magña tataramon kan nagkapirang nagharale sa samo, asin linaglag an saindong magña kalag; na sinda dai mi pinaigbotan;

Act 15:25 Pinagmarahay mi, pagkaoroyon mi, na pumili nin magña lalaki na sogoon sa saindo, kaiba kan samong magña namomotan na si Bernabe asin si Pablo,

Act 15:26 Magña lalaking bominugtak kan saindang magña buhay sa pagalaman dahel sa gñaran kan satong Kagurangnan na si Jesu-Cristo.

Act 15:27 Kaya sinogo mi si Judas asin si Silas, na sinda man masabi saindo sa gñoso kan magña bagay na ini.

Act 15:28 Huli ta pinagmarahay kan Espiritu Santo, asin niamo, na dai kamo tawan nin pasan na labi pa kaining magña kina-kaipuhan:

Act 15:29 Na kamo maglikay sa magña bagay na idinolot sa magña lada wan, asin sa dugo, asin sa laman nin tinook, patin sa pakisaro; na sa magña bagay na ini kun kamo maglikay, marahay sa saindo. Maglakao logod kamo nin marahay.

Act 15:30 Kaya sinda, kan mapalakao na, nagduman sa Antioquia; asin pakatipona ninda kan kadaklan, itinao ninda an surat.

Act 15:31 Asin kan mabasa na ninda idto, sinda nagorogma huli kan pagragña.

Act 15:32 Asin si Judas asin si Silas, huli ta magña profeta man, nagsadol sa magña tugang sa balakid na tataramon, asin nagpakosog sainda.

Act 15:33 Asin pakaontok ninda duman nin sarong panahon, sinda pinapuli sa kati-wasayan kan magña tugang, sa magña nagsogo sainda.

Act 15:34 Alagad pinagmarahay ni Silas na puma-walat duman.

Act 15:35 Alagad si Pablo asin si Bernabe nagpawalat sa Antioquia, na nagtotokdo asin naghuhulit kan tataramon nin Ka­gurangnan, sa kaibahan nin dakol pa.

Act 15:36 Asin pakalihis nin nagkapirang aldao, si Pablo nagsabi ki Bernabe, Mag-balik na kita, asin songkoon ta an magña tugang sa gabos na banua na satong pinagbalagñibogan kan tataramon nin Kagurangnan, asin hiligñon ta kun ano an saindang kamugtakan.

Act 15:37 Asin boot ni Bernabe na ipagiba man ninda si Juan na inaapod Marcos.

Act 15:38 Alagad si Pablo naghona na bakong marahay na ipagiba ninda idtong bomi-nulag sa sainda sa Pamfilia, asin dai omi-niba sainda sa pagpagal.

Act 15:39 Asin sinda nagpasuhay nin makuri, mala ta sinda nagbulag, asin ipinagiba ni Bernabe si Marcos, asin sinda nagsakay pa Chipre:

Act 15:40 Alagad pinili ni Pablo si Silas, asin sia naglakao pakadolotan sainda kan magña tugang sa biyaya nin Kaguran­gnan.

Act 15:41 Asin sia nagagui sa Siria asin sa Cilicia, na nagpapakosog kan magña simbahan.



Act 16:1 Asin sia nagduman man sa Derbe, asin sa Listra: asin uya, an sarong discipulo duman na an gñaran Timoteo, aki nin sarong Judiang minatubod; ala­gad an saiyang ama Griego.

Act 16:2 Ini pinatotoohan na marahay kan magña tugang na nasa Listra asin nasa Iconio.

Act 16:3 Sia an minawot ni Pablo na omiba saiya; asin kinua nia sia, asin tinuri dahel sa magña Judio na nasa magña lugar na idto: huli ta an gabos nakaaram na an saiyang ama Griego.

Act 16:4 Asin sa saindang paglakao sa magña banua, itinao ninda sainda an magña kasogoan na otobon na ipinagboot kan magña apostol asin kan magña magurang na nasa Jerusalem.

Act 16:5 Kaya an magña simbahan nagkoro-sog sa pagtubod, asin nagdagdag an bilang aroaldao.

Act 16:6 Asin sinda nagagui sa Frigia asin sa Galacia, pakapagñalade sainda kan.Espi-ritu Santo na maghulit kan tataramon sa Asia;

Act 16:7 Asin pagdatong ninda sa kahampang kan Misia, sinda nagmawot na paduman sa Bitinia; alagad dai sinda tinogotan kan Espiritu ni Jesus;

Act 16:8 Asin pakaagui ninda sa may Misia, sinda naglugsot sa Troas.

Act 16:9 Asin sa bangui tominugña ki Pablo an sarong pagñatorogan: May sarong Making taga Macedonia na nagtitindog asin nakikimaherak saiya, na an sabi, Madia sa Macedonia, asin tabagñe kami.

Act 16:10 Asin pagkahiling nia kan pagñato­rogan, tolos man naghigñoa kaming makaduman sa Macedonia, sa paghona na kami inapod nin Dios na maghulit kan evangelio sa sainda.

Act 16:11 Kaya kami nagsarakay hale sa troas pasiring sa Samotracia, asin kan somino-nod na alaao, pa Neapolis;

Act 16:12 Asin paghale dian pa Filipos, ciu-dad nin Macedonia, an nagñogñorog sa provincia, colonia nin Roma; asin nagontok kami sa ciudad na ini nin nag­kapirang aldao.

Act 16:13 Asin kan sabbath kami nagruluas sa pintoan sa may pangpang nin salog, na sa loba mi may lugar na pamibian; asin kami nagturukao asin nakipagolay sa magña babaeng nagtiripon.

Act 16:14 Asin nagdagñog samo an sarong babae na an gñaran Lidia, parapabakal nin purpura, taga banua nin Tiatira, babaeng nagsasamba sa Dios: na an sai­yang puso binukas nin Kagurangnan, tagñankig magdagñog kan magña bagay na itinaram ni Pablo.

Act 16:15 Asin kan mabuniagan na sia asin an magña nasa saiyang harong, sia nakima-herak samo, na an sabi, Kun pinaghona nindo na ako maimbod sa Kagurangnan, dumagos kamo sa sakong harong, asin omontok dian. Asin pinirit nia kami.

Act 16:16 Asin nangyari, mantang kami nag-lalakao pasiring sa pamibian, na nagsa-bat samo an sarong daraga na may espi-ritu sa pagtood, na nagtatao sa saiyang magña kagurangnan nin dakol na paki-nabang sa saiyang pagtood.

Act 16:17 Ini, sa pagsonod ki Pablo asin samo, nagkurahao, na an sabi, An magña lalaking ini magña sorogoon nin Dios na Kahorohalangkawe, asin nagbabalagñi-bog saindo kan dalan nin kaligtasan.

Act 16:18 Asin ini guinibo nia sa dakol na aldao. Alagad si Pablo, huling naoyam, nagsaligñoy asin nagsabi sa espiritu, Ako nagboboot saimo sa gñaran ni Jesu-Cristo na lumuas ka sa saiya. Asin idto lomi-nuas sa oras man sanang iyan.

Act 16:19 Alagad pagkahiling kan saiyang magña kagurangnan na nawara na an linalaoman kan saindang pakinabang, dinakop ninda si Pablo asin si Silas, asin guinoyod sinda sa sadan sa atubang nin magña poon,

Act 16:20 Asin pakadaraha ninda sainda sa magña hokom, sinda nagsabi, An magña lalaking ini, huling magña Judio, nagri-ribok nin kanigoan kan satong ciudad,

Act 16:21 Asin nagtotokdo nin magña kauga-lean, na bakong sono sa katogonan na akoon, ó guibohon mi huli ta kami magña taga Roma.

Act 16:22 Asin an kadaklan nagtindog tu-mang sainda: asin guinisi an saindang magña gubing kan magña hokom, asin ipinahampak sinda nin magña badas.

Act 16:23 Asin pakalabode sainda nin dakol, ilinaog sinda sa bilangoan, na pinagbo-tan an pinaniwalaan sa bilangoan na igñatan sinda nin marahay:

Act 16:24 Na pakaako kaining pagboot, ili­naog nia sinda sa kaoroiraromi kan bilangoan; asin pinandogan an saindang magña bitis.

Act 16:25 Alagad kan matagña na an bangui, si Pablo asin si Sias namimibi asin nagaawit sa Dios, asin an magña bilango naghihinaniog sainda;

Act 16:26 Asin napanaleng nagdatong an sarong linog na makosog, mala ta an magña pasisikadan kan bilanggoan nagkataraniog: asin tolos man nagkaburu-kas an gabos na pinto; asin an magña gapos nin lambang saro nagkahurubad.

Act 16:27 Asin kan maguimata an pinaniwa­laan sa bilangoan, asin kan mahiling na burukas na an magña pinto kan bilang­goan, linapnot nia an saiyang minasbad asin boot kutanang magsadiring magga-dan, ta nagloba na an magña bilango nagpakadulag.

Act 16:28 Alagad si Pablo nagkurahao sa halangkao na tigñog, na an sabi, Dai ka magraot sa saimo man sana: huli ta uya kami gabos.

Act 16:29 Asin sia naghagad nin magña ilao, asin dominalagan palaog, asin huli sa takot, sia tinakigan, asin lominaob sa atubang ni Pablo asin ni Silas,

Act 16:30 Asin ilinuas nia sinda, asin sinabi-han, Magña guinoo, ano an kaipuhan kong guibohon tagñaning ako makalig-tas?

Act 16:31 Asin sinda nagsabi, Tumobod ka sa Kagurangnan na si Jesus, asin ika makakaligtas, ika asin an saimong harong.

Act 16:32 Asin isinabi ninda saiya an tatara-mon nin Kagurangnan, asin sa gabos na nasa saiyang harong.

Act 16:33 Asin kinua nia sinda kan oras man sanang iyan nin bangui, asin hinugasan an saindang magña labod; asin tolos man binuniagan sia asin an bilog niang harong.

Act 16:34 Asin pinasakat nia sinda sa saiyang harong, asin hinandaan nin kakanon, patin nagogma sia nin makuri sa kaiba-han kan bilog niang harong huling nag-turubod sa Dios.

Act 16:35 Alagad kan aldao na, an magña hokom nagsogo kan magña oficial, na an sabi, Butasi na nindo an magña lala­king iyan.

Act 16:36 Asin ibinareta ining magña tatara-mon ki Pablo kan pinaniwalaan sa bilan­goan, na an sabi, An magña hokom nag­sogo na butasan na kamo: kaya gñunian lumuas na kamo, asin lumakao sa kati-wasayan.

Act 16:37 Alagad si Pablo nagsabi sainda, Hinampak kami ninda sa hayag, na dai hinakoman, magña lalaking ciudadano nin Roma, asin binilango kami; asin gñunian paluluason sana kami sa hilom? Dai mangy ay ari; kundi padigdiha sinda na pumaluas samo.

Act 16:38 Asin an magña oficial nagbareta kan magña tataramon na ini sa magña hokom: asin sinda natakot kan mada-gñog ninda na sinda magña ciudadano nin Roma;

Act 16:39 Asin sinda nagduman asin nakima-herak sainda; asin pakaluasan sain da, sinda nakimaherak sainda na maghale sa ciudad.

Act 16:40 Asin sinda nagluas sa bilangoan, asin naglaog sa harong ni Lidia: asin kan mahiling na ninda an magña tugang, rinagña ninda, asin sinda naghale.



Act 17:1 Asin pakaagui sa Amfipolis asin sa Apolonia, sinda nagdatong sa Te­salonica na duman may sinagoga nin magña Judio;

Act 17:2 Asin si Pablo, siring sa saiyang uga-le, naglaog duman, asin sa tolong sab­bath, sia nakipagolay sainda hale sa ma­gña kasuratan,

Act 17:3 Na binubuksan asin isinasaysay, na kaipuhan na an Cristo magtios, asin na mabuhay liwat sa magña gadan; asin na an Jesus na ini, gñaya, na ibinabalagñi-bog ko saindo iyo an Cristo.

Act 17:4 Asin an nagkapira sa sainda napao-yon asin nakiiba ki Pablo asin ki Silas; asin siring man an dakulang kadaklan nin magña makidios na Griego, asin bakong diit na magña babaeng guina-galagñan.

Act 17:5 Alagad an magña Judio, huli sa kau-rihan, nagkurua nin nagkapirang maraot na lalaki sa magña tauong daing guibo, asin pakatipon nin kadaklan, rinibok ninda an ciudad; asin pakasalakata kan harong ni Jason, pinaghigñoa ninda na sinda ikaatubang sa banuaan.

Act 17:6 Asin kan dai sinda makua, guinoyod ninda si Jason asin an nagkapirang tugang sa atubang kan magña poon nin ciudad, na nagkukururahao, An magña nagpaparibok kan kinaban nagdigdi man sa sato:

Act 17:7 Na sinda inako ni Jason: asin sinda gabos nagguiguiribo nin tumang sa ma­gña pagboot ni Cesar, na nagsasarabi na may ibang hade, si Jesus.

Act 17:8 Asin naribok ninda an kadaklan asin an magña poon sa ciudad pagkadagñog kan magña bagay na ini.

Act 17:9 Asin kan maako na ninda an fianza ki Jason asin kan iba, sinda binutasan ninda.

Act 17:10 Asin tolos man pagkabangui, isino-bol sa Berea kan magña tugang si Pablo asin si Silas: na sinda, pagdatong duman, naglaog sa sinagoga nin magña Judio.

Act 17:11 An magña ini marahay ki kan ma­gña taga Tesalonica, huli ta sinda nagako sa madale kan tataramon, na nagsisiasat aroaldao kan magña kasuratan, kun an magña bagay na ini iyo man nangad.

Act 17:12 Kaya balakid sa sainda an nagturu-bod; siring man sa magña babaeng Grie-ga na iguinagalang, asin sa magña lalaki bakong diit.

Act 17:13 Alagad kan maisihan kan magña Judiong taga Tesalonica na sa Berea man ipinagbalagñibog ni Pablo an tataramon nin Dios, sinda nagduman man na nagso-sotsot asin nagriribok sa kadaklan.

Act 17:14 Dagñan, tolos man pinahale si Pablo kan magña tugang, na magduman sagkod sa dagat: asin si Silas asin si Timoteo napawalat duman.

Act 17:15 Asin dinara si Pablo kan magña naghatod saiya sagkod sa Atenas: asin sinda naghale pakaako ninda kan togon ki Silas asin ki Timoteo na sa madale dumuman sa saiya..

Act 17:16 Mantang si Pablo naghahalat sainda sa Atenas, an saiyang espiritu nahero pagkahiling nia kan ciudad na pano nin magña ladawan.

Act 17:17 Kaya sia nakipagolay sa magña Judio sa sinagoga asin sa magña tauong makidios, patin sa magña nasosompo-gñan nia aroaldao sa sadan.

Act 17:18 Asin sinompong sia kan nagkapira sa magña filosofo na Epicureo asin Estoico. Asin an iba nagsabi, Ano an boot sabihon kan matabil na ini? an iba, Sia garong parabareta nin magña ibang dios: huli ta ipinaghuhulit nia si Jesus asin an pagkabuhay liwat.

Act 17:19 Asin kinua sia asin dinara ninda sa Areopago, na sinabihan, Mangyayari dao na maaraman mi kun ano ining bagong katokdoan na pinagsasabi mo?

Act 17:20 Huli ta ika nagdadara nin magña bagong bagay sa samong magña taligña: kaya kami boot makaaram kun ano an kahologan kan magña bagay na ini.

Act 17:21 (Huli ta an gabos na taga Atenas asin an magña taga ibang daga na nago ontok dian, dai nin ibang guiniguibo kundi an pagosip ó an pagdagñog nin anoman na bago.)

Act 17:22 Asin si Pablo nagtindog sa tahao kan Areopago, asin nagsabi, Kamong magña taga Atenas, sa gabos na bagay nahihiling ko na kamo kanigoan kama-kidios.

Act 17:23 Huli ta sa paglakao asin sa pagma-sid ko kan magña bagay na saindong sinasamba, nakua ko man an sarong altar na nasusuratan kaini, SA DIOS NA DAI NAMIMIDBID. Kaya idtong pinag-sasamba nindo na dai namimidbid, iyo iyan an ibinabareta ko saindo.

Act 17:24 An Dios na nagguibo kan kinaban asin kan gabos na yaon dian, sia, huling Kagurangnan nin lagñit asin nin daga, dai nageerok sa magña templo na guini-bo nin magña kamot;

Act 17:25 Ni pinaglilingkodan kan magña kamot nin magña tauo, na garo baga sia nagñagñaipo nin anoman, ta sia an nag-tatao sa gabos nin buhay, nin guinhawa, asin nin gabos na bagay;

Act 17:26 Asin pinaguikan nia sa saro sana an gabos na nacion nin magña tauo tagña-ning magerok sa bilog na daga, pakata-laane sainda kan saindang magña pana-hon, asin kan kasagkodan kan saindang erokan;

Act 17:27 Tagñaning sin da maghanap sa Dios, ta tibaad pa madoonan sia asin makua ninda, minsan sia bakong harayo sa lam-bang saro sa sato:

Act 17:28 Huli ta sa saiya kita nabubuhay, asin naghehero, patin nagkakaigua kan satong pagkatauo; siring man sa isinabi nin nagkapira kan saindong sadiring magña poeta, Huli ta kita man magña aki nia.

Act 17:29 Kaya, huling kita magña aki nin Dios, dai maninigo na kita maghona na an pagka-Dios nakakaaguid sa bulawan, ó sa pirak, ó sa gapo, na guinibong ladawan sa pandayan ó sa kadonogñan nin tauo.

Act 17:30 An panahon gñani nin kakablasan pinabayaan nin Dios; alagad gñunian ipinagboboot nia sa magña tauo, na sin-da gabos saen man na lugar magsorolsol:

Act 17:31 Nin huli ta sia nagtalaan nin sarong aldao, na sia maghohokom kan kinaban sa katanosan, huli kan lalaki na saiyang itinalaga, na dapit kaiyan sia nagpatotoo sa gabos na tauo sa pagbuhaya nia saiya liwat sa magña gadan.

Act 17:32 Kan sinda makadagñog dapit kan pagkabuhay liwat nin magña gadan, an iba nagtuyatuya; alagad an iba man nag­sabi, Dadagñogon mi ika liwat dapit kaini.

Act 17:33 Sa siring si Pablo naghale sa sainda.

Act 17:34 Alagad may nagkapira na nakiiba saiya asin nagtubod: na sa sainda iyo si Dionisio na Areopaguita, asin an satong babae na an gñaran Damaris, patin iba pang kairiba ninda.



Act 18:1 Pakatapus kan magña bagay na ini, si Pablo naghale sa Atenas, asin nagduman sa Corinto.

Act 18:2 Asin sia nakasompong nin sarong Judio na an gñaran Aquila, taga Ponto, bagong hale sa Italia, kaiba an saiyang agom na si Priscila, huli ta si Claudio nagboot na an gabos na Judio magharale sa Roma: asin sia nagduman sa sainda;

Act 18:3 Asin huli ta an saiyang paghanap-buhay siring man kan sainda, sia nakisa-kat sainda asin sinda nagtarabang; huli ta sa paghanap-buhay, sinda magña para-guibo nin tolda.

Act 18:4 Asin sia nakipagolay sa sinagoga lambang sabbath, asin nakasadol nin magña Judio asin magña Griego na mag-turubod.

Act 18:5 Alagad pagdatong ni Silas asin ni Timoteo na hale sa Macedonia, si Pablo napirit kan tataramon, na nagpapatotoo sa magña Judio na si Jesus iyo an Cristo.

Act 18:6 Asin kan sinda nanunumang asin nagraraway, sia nagpagpag kan saiyang gubing asin nagsabi sainda, An saindong dugo masa saindong magña payo; ako malinig: magpoon gñunian ako madu-man sa magña Gentil.

Act 18:7 Asin sia naghale dian, asin naglaog sa harong nin sarong lalaki na an gñaran Tito Justo, na nagsasamba sa Dios, na an saiyang harong kataed kan sinagoga.

Act 18:8 Asin si Crispo an poon sa sinagoga, nagtubod sa Kagurangnan kaiba an bilog niang harong; asin balakid sa magña taga Corinto, pakadagñog, nagturubod, asin nagkaburuniagan.

Act 18:9 Asin an Kagurangnan nagsabi ki Pablo sa bangui sa sarong pagñatorogan, Dai ka matakot, kundi magtaram ka, asin dai ka magontok nin pagtaram:

Act 18:10 Huli ta ako nasa saimo, asin dai nin siisay man na makakaguibo saimo nin maraot: huli ta dakol an sakong magña tauo sa ciudad na ini.

Act 18:11 Asin sia nagontok duman nin sang-taon may anom na bulan, na nagtotok-do sainda kan tataramon nin Dios.

Act 18:12 Alagad kan si Galion iyo an pro­consul sa Acaya, an magña Judio nagka-sararo tumang ki Pablo, asin dinara sia ninda sa hokoman,

Act 18:13 Asin sinda nagsarabi, An lalaking ini nagsasadol sa magña tauo na mag-samba sa Dios nin tumang sa katogonan.

Act 18:14 Alagad kan mataram na si Pablo, si Galion nagsabi sa magña Judio, Kun ini sarong bagay na sala, ó magabat na karatan, O magña Judio, an katanosan iyo kutana an masadol sako na omoyon saindo:

Act 18:15 Alagad kun iyan magña pasuruhay dapit sa magña tataramon asin sa magña gñaran patin sa saindong sadiring kato­gonan, kamo na an bahala kaiyan;habo akong maguin hokom sa magña bagay na ini.

Act 18:16 Asin pinahale nia sinda sa hoko­man.

Act 18:17 Dagñan dinakop ninda gabos si Sostenes, an poon sa sinagoga, asin hinampak ninda sa atubang kan hoko­man. Asin si Galion dai nakilabot sa arin man kan magña bagay na ini.

Act 18:18 Asin si Pablo, pakaontok pa du­man nin dakol na aldao pakatapus kaini, nagpaaram sa magña tugang, asin nag-sakay pa Siria, asin kaiba nia si Priscila asin si Aquila: asin sia nagpakaris kan saiyang bohok sa Cencrea, ta sia may otobon.

Act 18:19 Asin sinda nagdatong sa Efeso, asin iwinalat nia sinda duman: alagad sia nag­laog sa sinagoga, asin nakipagolay sa magña Judio.

Act 18:20 Asin kan sinda makimaherak saiya na omontok pa, sia dai napahonod;

Act 18:21 Alagad pakapaaram nia sainda, asin pakasabi, Ako mabalik liwat sa saindo kun booton nin Dios, sia nagsakay hale sa Efeso.

Act 18:22 Asin pagdatong nia sa Cesarea, sia nagtukad, asin nagtaong galang sa sim-bahan, asin nagduman sa Antioquia. An Ikatolong Pagbaklay ni Pablo7

Act 18:23 Asin pakaontok nia duman nin kadikit na panahon, sia naghale, asin linibot nia na sinarosaro an daga nin Galacia, asin nin Frigia, na pinapakosog nia an gabos na discipulo.

Act 18:24 Nagduman sa Efeso an sarong Judio na an gñaran Apolos, taga Alejan-dria, tauong marahay magtaram, asin mapangyari sa magña kasuratan.

Act 18:25 An tauong ini tinokdoan kan dalan nin Kagurangnan; asin huling malaad sa espiritu, sia nagtaram asin nagtokdo na daing sala kan magña bagay na mano-nogñod ki Jesus, minsan sia nakakaaram sana kan buniag ni Juan.

Act 18:26 Asin sa kaisogan sia nagpoon mag­taram sa sinagoga. Alagad kan si Priscila asin si Aquila makadagñog saiya, kinua sia ninda, asin sinaysayan nin orog kara-hay kan dalan nin Dios.

Act 18:27 Asin kan boot siang tumalabok sa Acaya, pinakosog an boot nia kan magña tugang, asin sinuratan ninda an magña discipulo na akoon sia: asin pag­datong nia, tinabagñan nia nin kanigoan an nagturubod huli sa biyaya;

Act 18:28 Huli ta sa hayag dinadaog nia sa kapangyarihan an magña Judio, na pina-patotoohan nia huli sa magña kasuratan na si Jesus iyo an Cristo.



Act 19:1 Asin nangyari na, mantang si Apo-los nasa Corinto, si Pablo, paka-agui sa kaboboldan, nagdatong sa Efeso, asin nakasompong nin nagkapirang discipulo:

Act 19:2 Asin sia nagsabi sainda, Nagako na kamo kan Espiritu Santo kan kamo tumubod? Asin sinda nagsarabi saiya, Dai, dai pa gilani kami nakadagñog kun baga itinao na an Espiritu Santo.

Act 19:3 Asin sia nagsabi, Sa ano gñani kamo binuniagan? Asin sinda nagsabi, Sa buniag ni Juan.

Act 19:4 Asin si Pablo nagsabi, Si Juan nag-buniag kan buniag sa pagsolsol, na nag-sasabi sa magña tauo na sinda magturu-bod sa madatong sa hudian nia, na an boot sabihon, ki Jesus.

Act 19:5 Asin kan madagñog ninda ini, sinda napabuniag sa gñaran nin Kagurangnan na si Jesus.

Act 19:6 Asin kan ikabugtak na sa sainda ni Pablo an saiyang magña kamot, an Espi­ritu Santo naghilig sa sainda; asin sinda nagtaram sa manlaenlaen na tataramon, asin naghula.

Act 19:7 Asin sinda gabos may kagdua ka-tauo.

Act 19:8 Asin sia naglaog sa sinagoga, asin sa kaisogan nagtaram sa laog nin tolong bulan, na nakikipagolay asin nagsasadol dapit kan magña bagay kan kahadean nin Dios.

Act 19:9 Alagad kan an nagkapira naguin matagas asin masuhay, na nagpapaka-raot kan Dalan sa atubang nin kadaklan, sia naghale sa sainda, asin ibinulag nia an magña discipulo, asin sia nakikipagolay aroaldao sa escuelahan ni Tiranno.

Act 19:10 Asin ini nagdanay nin duang taon; kaya an gabos na nageerok sa Asia, magña Judio asin magña Griego, naka-dagñog kan tataramon nin Kagurangnan.

Act 19:11 Asin an Dios nagguibo nin magña napapalaen na gñagñalasan huli sa ma­gña kamot ni Pablo:

Act 19:12 Mala ta minsan an magña pamahid asin an magña podong na nakadoot sa saiyang hawak dinadara ninda sa magña naghehelang, asin an magña helang nag-kakawarara sa sainda, asin an magña marompot na espiritu nagruruluas sa. sainda.

Act 19:13 Alagad an nagkapirang lagaolagao na Judio, magña salamangkero, nangña-has magapod kan gñaran nin Kaguran­gnan na si Jesus sa magña may espiritung marompot, na an sabi, Ako nagbo-boot, saindo huli ki Jesus na ipinaghu-hulit ni Pablo.

Act 19:14 Asin nagguiguiribo kaini an pitong aking lalaki ni Sceba, sarong Judio, poon nin magña sacerdote.

Act 19:15 Asin an espiritung marompot nag-simbag asin nagsabi sainda, Si Jesus mid-bid ko, asin si Pablo midbid ko; alagad siisay kamo?

Act 19:16 Asin linoksohan sinda kan lalaking may espiritung marompot, asin guino-mol sinda, patin dinaog sinda, kaya sinda nagdurulag sa harong na iyan, huruba asin rulugad.

Act 19:17 Asin ini naaraman kan gabos, magña Judio asin magña Griego, na nageerok sa Efeso; asin dinatgñan nin takot an gabos, asin an gñaran nin Kagu­rangnan na si Jesus nagdakula.

Act 19:18 Balakid man sa magña nagturubod an nagdatong na nagboboyboy asin nag-papahayag kan saindang magña guibo.

Act 19:19 Asin bakong diit sa magña sala­mangkero an nagtiripon kan saindang magña libro, asin nagsolo kaiyan sa atu­bang nin gabos; asin binilang ninda an halaga nin kagabsan, asin nakua ninda na may kaganom na ribong pisos.

Act 19:20 Sa siring na kapangyarihan nag-talobo asin nandaog an tataramon nin Kagurangnan.

Act 19:21 Dagñan pakatapus kan magña ba­gay na ini, si Pablo nagmawot sa Espi­ritu na paduman sa Jerusalem, pakalibot nia sa Macedonia asin sa Acaya, na an sabi, Paghale ko duman, kaipuhan man na mahiling ko an Roma.

Act 19:22 Asin pakasogoa nia sa Macedonia kan dua sa magña naglilingkod saiya, si Timoteo asin si Erasto, sia nagontok pa nin kadikit na panahon sa Asia.

Act 19:23 Asin sa panahon na idto bakong diit an karibokan na nangyari dapit kan Dalan.

Act 19:24 Huli ta an sarong platero, na an gñaran Demetrio, paraguiguibong pirak na sorosimbahan ni Diana, nagtatao nin bakong diit na pakinabang sa magña panday.

Act 19:25 Tiniripon nia sinda sa kaibahan kan magña may siring na paghanap buhay, asin sinabihan, Magña guinoo, kamo nakakaaram na sa paghanap na ini kita nagyayaman.

Act 19:26 Asin kamo nakakahiling asin naka-kadagñog na bako sanang sa Efeso kundi sa bilog na Asia an Pablong ini nakasa-dol asin nakapabakle nin dakol na tauo, na nagsasabi na bakong magña dios an magña guinibo nin magña kamot:

Act 19:27 Asin bako sanang may pagalaman na madaihan nin halaga an satong pag­hanap buhay, kundi madadaihan man nin halaga an templo nin dakulang diosa Diana, asin sia mahahale pa sa saiyang kamurawayan, sia na sinasamba kan bilog na Asia asin nin kinaban.

Act 19:28 Asin kan madagñog ini, sinda nag-kaparano nin kaangotan, asin nagkuru-rahao, na an sabi, Dakula si Diana nin magña taga Efeso.

Act 19:29 Asin an ciudad napano kan karibo-kan: asin sinda nagkasararong magda-ralagan pasiring sa teatro, pakadakopa ninda ki Gayo asin ki Aristarco, magña taga Macedonia, kaiba ni Pablo sa pag-baklay.

Act 19:30 Asin kan boot si Pablo na lumaog man duman sa katiriponan, sia dai tino-gotan kan magña discipulo.

Act 19:31 Asin an nagkapira man sa magña oficial sa Asia, huling saiyang magña katood, nagpasogo asin nakimaherak saiya na dai sia mangñahas na maglaog sa teatro.

Act 19:32 An iba nagkurahao nin sarong bagay, asin an iba laen man: huli ta an katiriponan nagkakariribok, asin an kadaklan dai nakakaisi kun tadao ta sinda nagkakatiripon.

Act 19:33 Asin si Alejandro ilinuas ninda sa kadaklan, asin dinara sia kan magña Judio sa enotan. Asin si Alejandro nag-pasabot kan kamot, asin boot kutanang magtao nin kasaysayan sa banuaan.

Act 19:34 Alagad kan mamidbid ninda na sia Judio, an gabos sararo sanang nagkuru-rahao sa laog nin duang oras, Dakula si Diana nin magña taga Efeso.

Act 19:35 Asin kan mapatoninong na kan escribano an kadaklan, sia nagsabi, Kamong magña taga Efeso, siisay an dai nakakaaram na an ciudad nin magña taga Efeso iyo an nagiigñat kan templo ni dakulang Diana, asin kan ladawan na naholog hale ki Jupiter?

Act 19:36 Kay a huli ta an magña bagay na ini dai mapapaindahan, kaipuhan na kamo dai magribok, asin day magguibo nin anoman na dai gñona isipon.

Act 19:37 Huli ta dinara nindo digdi an magña tauong ini, na bako man magña mahabon sa magña templo, ni magña pararaway kan satong diosa.

Act 19:38 Kaya kun si Demetrio, asin an magña panday na kairiba nia, igua nin anoman na sombong tumang sa kiisay man, burukas an magña hokoman, asin igua nin magña proconsul: magpasoro-sorombong na sinda.

Act 19:39 Alagad kun kamo naghahanap nin anoman manogñod sa ibang bagay, iyan mahuhusay sa dating asamblea.

Act 19:40 Huli ta kita nasa pagalaman na isombong dapit kan karibokan gñunian, na dai nin anoman na dahelan: asin huli kaini dai kita makakatao nin katanosan dapit kan katiriponan na ini.

Act 19:41 Asin pakasabi kaini, pinahale nia an asamblea.



Act 20:1 Asin pakatapus kan karibokan, ipinaapod ni Pablo an magña dis­cipulo, asin hinatolan sinda, dagñan sia nagpaaram sainda, asin naghale pa Ma­cedonia.

Act 20:2 Asin kan malibot na nia an kada-gaan na idto, asin makatao sainda nin dakol na hatol, sia nagdatong sa Grecia.

Act 20:3 Asin pakaontok nia duman nin tolong bulan, asin kan masakay na kuta-na sia pa Siria, pinaghomaan sia na gada-non kan magña Judio; kaya pinagmara-hay nia na sa pagbalik omagui sa Mace­donia.

Act 20:4 Asin sagkod sa Asia inibahan sia ni Sopatro na taga Berea, aki niPirro;asin ni Aristarco, asin ni Segundo, magña taga Tesalonica; asin ni Gayo na taga Derbe, asin ni Timoteo; patin ni Tiquico asin ni Trofimo, magña taga Asia.

Act 20:5 Alagad an magña ini nagerenot na, asin naghaharalat samo sa Troas,

Act 20:6 Asin kami, pakaagui kan magña aldao nin tinapay na daing levadura, nagsakay hale sa Filipos asin sa limang aldao nagdatong sa sainda sa Troas; na saen kami nagontok nin pitong aldao.

Act 20:7 Asin kan enot na aldao nin semana. kan kami nagkakatiripon sa pagbaraak nin tinapay, si Pablo nagtokdo sain da, ta malakao pagkaaga; asin pinalawig nia an saiyang pagtokdo sagktid sa matagñang bangui.

Act 20:8 Asin igua nin dakol na ilao sa bidang sa itaas na pinagtiriponan mi.

Act 20:9 Asin mantang si Pablo nagsasaysay pa, an sarong barobata na an gñaran Eutico na nagtutukao sa gaha inabot nin dakulang pirot, asin huling nagabatan kan tongka, sia naholog hale sa ikato-long loon nin harong, asin pinorot siang

Act 20:10 Asin si Pablo naghilig, asin nagdapa saiya, asin pakakogos saiya, sia nagsabi, Dai kamo magribok; huli ta an saiyang buhay nasa saiya.

Act 20:11 Asin pakasakat nia, asin pakaba-raaka kan tinapay asin pakakakan, patin pakataram nin halawig sagkod sa kaaga-han, sia naghale.

Act 20:12 Asin dinara nindang buhay an barobata, asin bakong diit an saindang karagñahan.

Act 20:13 Alagad kami, na nagrulunad na sa sakayan, nagsarakay pa Asson, na duman palulunadon mi si Pablo: huli ta siring an saiyang pagkatalaan, na magla-lakao sana sia sa baklayan.

Act 20:14 Asin kan sabaton nia kami sa As­son, pinalunad mi sia, asin nagdatong kami sa Mitilene,

Act 20:15 Asin pagsakay mi hale dian, kan sominonod na aldao nagdatong kami sa tagñod nin Chio; asin kan sominonod na aldao nagdatong kami sa Samo; patin kan sominonod naman na aldao, nagda­tong kami sa Mileto.

Act 20:16 Huli ta pinagmarahay ni Pablo na lihisan an Efeso tagñaning dai na sia maabala sa Asia; huli ta sia naghihigña-bot kan aldao nin Pentecostes sa Jerusa­lem, kun mangyayari.

Act 20:17 Asin hale sa Mileto sia nagsogo sa Efeso, asin ipinaapod nia an magña magurang kan simbahan.

Act 20:18 Asin pagdatong ninda sa saiya, sia nagsabi sainda, Kamo man sana naka-kaaram, magpoon kan enot na aldao na bumatay ako sa Asia, kun ano an gawe-gawe ko sa kaibahan nindo sa bilog na panahon,

Act 20:19 Na naglilingkod sa Kagurangnan sa bilog na kapakumbabaan nin isip, asin sa magña luha, patin sa magña kasakitan na nagdatong sa sako huli kan magña homa nin magña Judio;

Act 20:20 Na ako dai naglikay sa pagsaysay saindo nin anoman na may pakinabang, asin sa pagtokdo saindo sa hayag, asin sa magña harong,

Act 20:21 Na nagpapatotoo sa magña Judio asin sa magña Griego manogñod kan pagbakle sa Dios, asin kan pagtubod sa Kagurangnan na si Jesu-Cristo.

Act 20:22 Asin gñunian, uya, ako, sa kapiri-tan nin espiritu, maduman sa Jerusalem, na dai nakakaisi kan magña bagay na mangyayari sa sako duman:

Act 20:23 Kundi na an Espiritu Santo nagpa­patotoo sako sa lambang ciudad, na nag-sasabi, na an magña gapos asin magña kasakitan naghahalat sako.

Act 20:24 Alagad dai ko ibinibilang na maha-laga sa sako an sakong buhay, tagñaning matapus ko an pagdakgan asin an pag-lingkod na sakong inako sa Kagurangnan na si Jesus, na magpatotoo kan evange-lio nin biyaya nin Dios.

Act 20:25 Asin gñunian, uya, ako nakaka-aram na kamo gabos na sakong pinagli-botan sa paghulit kan kahadean dai na makakahiling kan sakong lalauogon,

Act 20:26 Kaya ako nagpapatotoo saindo sa aldao na ini, na ako malinig sa dugo nin gabos na tauo.

Act 20:27 Huli ta dai ako naglikay sa pagpa-hayag saindo kan bilog na kahatolan nin Dios.

Act 20:28 Magigñat kamo sa saindo man sana, asin kan bilog na aripompon, ta sa sainda guinibo kamo kan Espiritu Santo na magña obispo, sa pagpasabsab kan simbahan nin Kagurangnan na binakal nia kan saiyang dugo.

Act 20:29 Ako nakakaaram na pakahale ko, lalaogon kamo nin magña marigñis na lobo, na dai tatadaan an aripompon;

Act 20:30 Asin may maruluas sa pagiriba nin­do na magtatararam nin magña bagay na maraot, tagñaning magoyod ninda sa sainda an magña discipulo.

Act 20:31 Kaya magpuraka kamo asin guiromdomon nindo na sa laog nin tolong taon dai ako nagontok nin paghatol, na may luha, sa lambang saro aldao-bangui.

Act 20:32 Asin gñunian kamo idinodolot ko sa Dios, asin sa tataramon nin saiyang biyaya, na may kapangyarihan sa pag-pasarig asin sa pagtao saindo kan pama-na sa kaibahan kan gabos na pinakang-banal.

Act 20:33 Dai ko naaraan an pirak, ó bula-wan, ó an gubing nin siisay man.

Act 20:34 Kamo man sana nakakaaram na an magña kamot na ini naglingkod sa sakong magña kaipuhan, asin sa magña kairiba ko.

Act 20:35 Sa gabos na bagay ako nagtao sain­do nin padara, na sa siring na pagpagal, maninigo kamong magtabang sa magña maluya, asin magromdom kan magña tataramon nin Kagurangnan na si Jesus, na sia man sana nagsabi, Orog pang mapalad an nagtatao ki sa nagaako.

Act 20:36 Asin pakataram nia nin siring, sia naglohod, asin namibi kaiba ninda gabos.

Act 20:37 Asin sinda gabos nagtaragñis nin makuri; asin nagkorogos sa liog ni Pab­lo, asin nagharadok saiya,

Act 20:38 Na nagmomorondong gayo huli kan tataramon na isinabi nia, na dai na ninda mahihiling an saiyang lalauogon. Asin sia hinatod ninda sa sakayan.



Act 21:1 Asin kan kami makahale na sa sainda, asin makatulak na, kami nagsakay na sondoy pa Coos; asin kan sominonod na aldao pa Rodas, patin paghale dian pa Patara:

Act 21:2 Asin pakakua mi nin sakayan na matalabok pa Fenicia, kami naglunad, asin nagtulak.

Act 21:3 Asin kan matanao mi na an Chipre, na linihisan mi sa wala, nagsakay kami pa Siria, patin nagdoong sa Tiro; huli ta duman hahawasan an sakayan.

Act 21:4 Asin pagkakua mi kan magña disci-pulo, nagontok kami duman nin pitong aldao: asin an magña ini nagsarabi ki Pablo huli kan Espiritu, na dai sia mag-batay sa Jerusalem.

Act 21:5 Asin kan makalihis na an magña aldao, kami naghale asin nagpadagos kan samong pagbaklay; asin sinda gabos, kaiba an saindang magña agom asin ma­gña aki, nagdorodoro samo sagkod sa luas kan ciudad: asin pagrolohod mi sa baybayon, kami namibi, asin nagpa-aram;

Act 21:6 Asin kami naglunad sa sakayan, asin sinda nagpuruli sa saindang magña harong.

Act 21:7 Asin kan matapus mi na an pagsa-kay, hale sa Tiro, nagdatong kami sa Tolemaida; asin tinaratara mi an magña tugang, asin nagontok kami sa sainda nin sarong aldao,

Act 21:8 Asin pagkaaga kami naghale asin nagdatong sa Cesarea: asin pagdagos mi sa harong ni Felipe, na evangelista, na saro kan pito, kami nakisakat saiya.

Act 21:9 Asin ini igua nin apat na aking dara-ga na naghuhurula.

Act 21:10 Asin mantang duduman kami nin nagkapirang aldao, may nagabot na sarong profeta hale sa Judea, na an gñaran Agabo.

Act 21:11 Asin pagdolok sa samo, asin paka-kuaa nia kan hagkos ni Pablo, guinapos nia an saiyang sadiring magña bitis asin magña kamot, asin sia nagsabi, Siring an sinasabi kan Espiritu Santo, Gagaposon nin siring kan magña Judio sa Jerusalem an lalaki na kagsadiri kan hagkos na ini, asin sia itatao ninda sa magña kamot nin magña Gentil.

Act 21:12 Asin kan madagñog mi an magña bagay na ini, kami asin an magña taga duman nakimaherak saiya na dai tumu-kad sa Jerusalem.

Act 21:13 Dagñan si Pablo nagsimbag, Ano an guiniguibo nindo, na nagtatagñis asin nagroronot kan sakong puso? huli ta ako andam bako sanang sa pagpagapos, kundi sa pagpagadan sa Jerusalem, da-hel sa gñaran nin Kagurangnan na si Jesus.

Act 21:14 Asin kan sia habong pumahatol, kami nagontok asin nagsabi, An boot nin Kagurangnan iyo an guibohon.

Act 21:15 Asin pakalihis kan magña aldao na ini, hinanda mi an samong magña daro-dara, asin nagtukad kami sa Jerusalem.

Act 21:16 Asin nagiriba man samo hale sa Cesarea an nagkapirang discipulo, na ipinagiba ninda si Mnason na taga Chipre, sarong daan na discipulo, na sa saiya kami makikisakat.

Act 21:17 Asin pagdatong mi sa Jerusalem, an magña tugang nagako samo sa kaog-mahan.

Act 21:18 Asin kan sominonod na aldao, si Pablo ominiba samo sa pagduman ki Santiago; asin an gabos na magurang duduman.

Act 21:19 Asin kan mataratara na nia sinda, ibinareta nia sainda sarosaro an magña bagay na guinibo nin Dios sa magña Gentil huli kan saiyang paglingkod.

Act 21:20 Asin sinda, kan madagñog ini, nag-pamuraway sa Dios; asin sinda nagsabi saiya, Nahihiling mo, tugang, kun pirang ribo sa magña Judio an nagturubod; asin sinda gabos magña maigñat sa katogo­nan:

Act 21:21 Asin sinda nabaretaan dapit saimo, na ika nagtotokdo sa gabos na Judio na nasa magña Gentil, na sinda bumaya ki Moises, na ika nagsasabi sainda, na dai na magturi kan saindang magña aki, ni magsonod kan magña kaugalean.

Act 21:22 Ano gñani ini? Sinda talagang makakadagñog na ika nagdatong.

Act 21:23 Kaya guiboha ining sinasabi mi sai­mo: Iguang apat na tauo sa samo na may otobon;

Act 21:24 Ipagiba mo sinda, asin maglinig ka sa saimo man sana sa kaibahan ninda, asin bayadan mo an magkakaris sainda, tagñaning makarisan an saindang payo; asin an gabos makakaisi na bakong totoo an magña bagay na ibinareta sain­da dapit saimo; kundi na ika man nag-lalakao nin matanos, na nagiigñat kan katogonan,

Act 21:25 Alagad dapit kan magña Gentil na nagturubod, kami nagsurat, na nagtao kan samong paghokom na sinda magli-kay sa magña idinolot sa magña lada-wan, asin sa dugo, asin sa laman nin tinook, patin sa pakisaro.

Act 21:26 Dagñan ipinagiba ni Pablo an magña tauo, asin kan sominonod na aldao sia naglinig sa saiya man sana sa kaibahan ninda, asin naglaog sa templo, asin nagpahayag kan katapusan kan magña aldao nin paglilinig, patin nagdanay sagkod na ikinadolot na an dolot na manonogñod sa lambang saro sa sainda.

Act 21:27 Asin kan matatapus na an pitong aldao, pagkahiling saiya sa templo, si-notsotan an kadaklan kan magña Ju-diong taga Asia, asin dinakop sia ninda.

Act 21:28 Asin sinda nagkurahao, Magña taga Israel, tabang kamo: Ini iyo an lalaki na sa gabos na lugar nagtotokdo sa gabos na tauo tumang sa banuaan, asin sa katogonan, patin sa lugar na ini: asin laen pa kaini, ilinaog nia sa templo an magña Griego, asin dinigtaan ining banal na lugar.

Act 21:29 Huli ta bago kaini nahiling ninda na kaiba nia sa ciudad si Trofimo, na taga Efeso, na pinaghona ninda na ilina­og ni Pablo sa templo.

Act 21:30 Asin an bilog na ciudad naribok, asin nagdaralagan na boroniog; asin dinakop ninda si Pablo, asin guinoyod sa luas kan templo: asin tolos man pininto an magña tata.

Act 21:31 Asin kan boot nindang gadanon sia, an bareta nakaabot sa comandante kan tompok nin magña soldado, na an bilog na Jerusalem nasa karibokan.

Act 21:32 Asin tolos man sia nagkua nin magña soldado asin magña capitan, asin nagdalagan pasiring sainda: asin kan mahiling ninda an comandante asin an magña soldado, sinda nagorontok kan paghampak ki Pablo.

Act 21:33 Dagñan dinolok asin dinakop sia kan comandante, asin ipinagapos sia nin duang cadena; asin sia naghapot kun siisay sia, asin kun ano an guinibo nia.

Act 21:34 Asin an iba sa kadaklan nagkura­hao nin sarong bagay, asin an iba laen man: asin huli ta dai nia natatalastas an katotoohan dahel kan karibokan, ipinag-boot nia na sia darahon sa cuartel.

Act 21:35 Asin pagdatong nia sa haguian, sia binuhat kan magña soldado, huli kan karigñisan kan kadaklan;

Act 21:36 Huli ta an kadaklan kan magña tauo nagsoronod, na nagkukururahao, Haleon sia.

Act 21:37 Asin kan ilalaog na si Pablo sa cuartel, sia nagsabi sa comandante, Mangyari dao na ako makapagsabi saimo nin anoman? Asin sia nagsabi, Tatao ka nin Griego?

Act 21:38 Ano, bako ika idtong taga Egipto na kaidto nagtindog nin sarong karibo-kan, asin nagdara sa patag kan apat na ribo katauo na magña paralibon?

Act 21:39 Alagad si Pablo nagsabi, Ako Ju-dio, taga Tarso nin Cilicia, ciudadano nin bakong basang na ciudad: asin ako nakikimaherak saimo na togotan mo akong magtaram sa magña tauo.

Act 21:40 Asin kan sia matogotan na, si Pab­lo nagtindog sa haguian, asin nagpasabot kan kamot sa magña tauo; asin kan toni-nong na, sia nagtaram sainda sa tatara-mon na Hebreo.



Act 22:1 Magña tugang, asin magña magu-rang, dagñoga nindo an katanosan na gñunian itatao ko saindo.

Act 22:2 Asin kan madagñog ninda na sia nagtaram sainda sa tataramon na Heb­reo, ominorog an saindang pagtoninong: asin sia nagsabi,

Act 22:3 Ako Judio, namundag sa Tarso nin Cilicia, alagad nagdakula sa ciudad na ini sa pamitisan ni Gamaliel, tinokdoan siring sa tunay na paagui kan katogonan nin satong magña kaganak, maigñat manogñod sa Dios, na siring man sa sain­do gabos sa aldao na ini:

Act 22:4 Asin pinaglamag ko an Dalan na ini sagkod sa kagadanan, na guinagapos asin ilinalaog ko sa magña bilangoan an magña lalaki sagkod kan magña babae.

Act 22:5 Siring man an halangkao na sacer-dote minasaksi sako, asin an bilog na kamaguragñan: na sa sainda man ako nagako nin magña surat sa magña tu­gang, asin nagbaklay ako pa Damasco, tagñaning madara kong gapos sa Jeru­salem an magña duduman, tagñaning padusahan.

Act 22:6 Asin nangyari na man tang ako nag-babaklay, asin naghaharani sa Damasco, kan odto na, napanaleng nagliwanag sa palibot ko ah dakulang ilao hale sa lagñit.

Act 22:7 Asin ako naholog sa daga, asin nadagñog ko an sarong tigñog na nagsa-sabi sako, Saulo, Saulo, tadao ta pinag-lalamag mo ako?

Act 22:8 Asin ako nagsimbag, Siisay ka, Kagurangnan? Asin sia nagsabi sako, Ako iyo si Jesus na taga Nazaret, na saimong pinaglalamag.

Act 22:9 Asin an magña kairiba ko naka-hiling sa katotoohan kan ilao, alagad dai ninda nadagñog an tigñog kan nagtaram sa sako.

Act 22:10 Asin ako nagsabi, Ano an guigui-bohon ko, Kagurangnan? Asin an Kagurangnan nagsabi sako, Tindog, asin paduman ka sa Damasco; asin duman sasabihon saimo an gabos na bagay na itinalaan na guibohon mo.

Act 22:11 Asin huli ta dai ako nakakahiling, huli kan kamurawayan kaidtong ilao, ako kinabit sa kamot kan magña kairiba ko, asin nagdatong sa Damasco.

Act 22:12 Asin sarong inaapod Ananias, lala-king makidios sono sa katogonan, mara-hay an dagñog sa gabos na Judio na nageerok duman,

Act 22:13 Nagdatong sa sako, asin pagtindog sa kataed ko, nagsabi sako, Tugang na Saulo, akoa an saimong pakahiling. Asin sa oras man sanang idto, ako nagtoro-hok saiya.

Act 22:14 Asin sia nagsabi, An Dios kan satong magña kaganak nagtalaga saimo na makaaram kan saiyang boot, asin makahiling kan Banal, patin makada-gñog nin tigñog hale sa saiyang gñoso.

Act 22:15 Huli ta ika maguiguin saksi nia sa gabos na tauo, dapit kan saimong nahi-ling asin nadagñog.

Act 22:16 Asin gñunian, tadao ta nagaabala ka? tindog, asin pabuniag ka, patin hugasa an saimong magña kasalan na magapod kan saiyang gñaran.

Act 22:17 Asin nangyari na, pagbalik ko sa Jerusalem, asin mantang ako namimibi sa templo, ako pinagñalipadgñan,

Act 22:18 Asin nahiling ko sia, na nagsasabi sako, Paghidale, asin tolos man lumuas ka sa Jerusalem; huli ta sin da dai maako kan saimong patotoo dapit sako.

Act 22:19 Asin ako nagsabi, Kagurangnan, sinda man sana nakakaaram na ako an nagbilango, asin naghampak sa lambang sinagoga kan magña nagtuturubod sa saimo:

Act 22:20 Asin kan paboloson an dugo ni Esteban na saimong saksi, ako man duduman sa harani, asin ominoyon, p atin nagigñat kan magña gubing kan magña naggadan saiya.

Act 22:21 Asin sia nagsabi sako, Lakao: huli ta sosogoon taka sa harayo, duman sa magña Gentil.

Act 22:22 Asin sinda nagdaragñog saiya sag-kod sa tataramon na ini; dagñan sinda nagkururahao, asin nagsarabi, Haleon sa daga an siring na tauo: huli ta sia dai maninigong mabuhay.

Act 22:23 Asin mantang sinda nagkukurura-hao, asin nagpapatororon kan saindang magña gubing, asin nagsasarabog kan kabokabo sa doros,

Act 22:24 An comandante nagboot na sia ilaog sa cuartel, asin nagboot man na sia patugaon huli sa hampak, tagñaning maisihan nia an dahelan kan saindang pagkururahao nin siring tumang saiya.

Act 22:25 Asin pakagakotan nin da saiya nin magña pisi, si Pablo nagsabi sa capitan na nagtitindog sa harani, Sono dao sa katogonan na kamo maghampak nin sarong tauo na ciudadano nin Roma, na dai gñona hinokoman?

Act 22:26 Asin kan madagñog ini kan capi­tan, sia nagduman sa comandante, asin nagosip saiya, na an sabi, Ano an gui-guibohon mo? huli ta an lalaking ini ciudadano nin Roma.

Act 22:27 Asin an comandante nagdolok asin nagsabi saiya, Sabihi ako, ciudadano ka nin Roma? Asin sia nagsabi, Oho.

Act 22:28 Asin an comandante nagsimbag, Sa dakol na pirak ako nagkamit kaining pagkaciudadano nin Roma. Asin si Pab­lo nagsabi, Alagad ako namundag na ciudadano nin Roma.

Act 22:29 Kaya idtong magña mapatuga saiya tolos man nagbaraya saiya: asin minsan an comandante man natakot, kan mai­sihan na sia ciudadano nin Roma, huli ta sia an nagpagapos saiya.

Act 22:30 Alagad pagkaaga, sa mawot na maaraman nia an katunayan kan som-bong saiya kan magña Judio, pinahuba-dan nia sia, asin nagboot sia magtiripon an magña poon nin magña sacerdote, asin an bilog na consejo, patin ipinakua si Pablo, asin inatubang sa sainda.



Act 23:1 Asin si Pablo, pagtorohok sa con­sejo, nagsabi, Magña tugang, ako namuhay sa atubang nin Dios sa bilog na marahay na pakamidbid sagkod sa aldao na ini.

Act 23:2 Asin an halangkao na sacerdote na si Ananias nagboot sa magña nasa kara-ni nia, na tampalon sia sa gñoso.

Act 23:3 Dagñan si Pablo nagsabi saiya, Ta-tampalon ka nin Dios, ika na pinaputing lanob: asin nagtutukao ka sa paghokom sako sono sa katogonan, asin nagboboot ka na tampalon ako tumang sa katogo­nan?

Act 23:4 Asin an magña duduman sa karani nagsabi, Nagraraway ka sa halangkao na sacerdote nin Dios?

Act 23:5 Asin si Pablo nagsabi, Dai ako na-kaisi, magña tugang, na sia iyo an halangkao na sacerdote; huli ta nasusu-rat, Dai ka magtaram nin maraot dapit sa poon nin saimong banuaan.

Act 23:6 Alagad kan maisihan ni Pablo na an sarong kabtang magña Saduceo, asin an saro magña Fariseo, sia nagkurahao sa consejo, Magña tugang, ako Fariseo, aki nin Fariseo: dapit sa paglaom asin sa pagkabuhay liwat nin magña gadan, ako isinombong.

Act 23:7 Asin pakasabi nia kaini, nangyari an sarong pagpasuruhay sa magña Fari­seo asin magña Saduceo; asin an asam-blea nabagria.

Act 23:8 Huli ta an magña Saduceo nagsasa-rabi na dai nin pagkabuhay liwat, ni angel, minsan espiritu; alagad an magña Fariseo nagtuturubod kan magña bagay na ini.

Act 23:9 Asin nangyari an dakulang karibo-kan: asin an nagkapirang escriba sa magña Fariseo nagtindog asin nakipag-suhay, na an sabi, Dai kaming naku-kuang maraot sa lalaking ini: asin ano kun sarong espiritu an nagtaram saiya, ó sarong angel?

Act 23:10 Asin kan nagkaigua nin dakulang pasuruhay, sa takot kan comandante na si Pablo pagbaragñaon ninda, sia nag­boot sa magña soldado na humilig, asin agawon sia sa sainda, asin darahon sa laog kan cuartel.

Act 23:11 Asin kan banguing iyan, an Kagu-rangnan nagtindog sa kataed nia, asin nagsabi, Maogma ka: huli ta siring sa pagsaksi mo dapit sako sa Jerusalem, siring man kaipuhan na ika magsaksi man sa Roma.

Act 23:12 Asin kan aldao na, an magña Judio nagkasararo, asin nagsurumpa, na nagsa-rabi, na sinda dai makarakan ni mairi-nom sagkod na saindang magadan si Pablo.

Act 23:13 Asin labing apat na polo an magña nagguibo kan homang ini.

Act 23:14 Asin sinda nagduruman sa magña poon nin magña sacerdote asin sa magña magurang, asin nagsarabi, Kami nagka­sararo sa sarong dakulang sumpa, na dai manamit nin anoman sagkod na maga­dan mi si Pablo.

Act 23:15 Kaya gñunian, kamo sa kaibahan kan consejo magsabi sa comandante na ihilig sia sa saindo, na garo baga kamo an mahokom saiya nin orog katanos: asin kami magña andam na sa paggadan saiya bago sia makarani.

Act 23:16 Alagad an aking lalaki kan tugang na babae ni Pablo, nakadagñog dapit kan saindang homa, asin sia nagduman, asin naglaog sa cuartel, patin nagosip ki Pablo.

Act 23:17 Asin si Pablo nagapod sa saiya kan saro sa magña capitan, asin nagsabi, Darahon mo an barobatang ini sa comandante; huli ta sia may isasabi saiya.

Act 23:18 Kaya sia kinua, asin dinara nia sa comandante, asin sia nagsabi, Si Pablo na bilango nagapod sako sa saiya, asin nakimaherak na darahon ko saimo an barobatang ini, ta sia may isasabi saimo.

Act 23:19 Asin kinabit sia kan comandante, asin pakasiblagan saiya, hinapot nia sa hilom, Ano an isasabi mo sako?

Act 23:20 Asin sia nagsabi, An magña Judio nagkaoroyon na makimaherak saimo na ipahilig mo si Pablo sa aga sa consejo, na garo baga ika maoguid pa nin orog katanos dapit saiya.

Act 23:21 Kaya dai ka magpahonod sainda: huli ta labing apat na polo katauo sa sainda an naghaharalat saiya, na sinda nagsurumpa na dai makarakan ni mai-rinom sagkod na magadan sia: asin gñu­nian sinda andam na na nagraralaom kan saimong pagoyon.

Act 23:22 Dagñan pinahale kan comandante an barobata, na pinatanidan, Dai ka magsabi sa kiisay man na binaretaan mo ako dapit kan magña bagay na ini.

Act 23:23 Asin sia nagapod sa saiya kan duang capitan, asin nagsabi, Magandam kamo nin duang gatos na soldado na maduman sa Cesarea, asin pitong polong parakabayo, asin duang gatos na para-garod, sa a las nueve nin bangui:

Act 23:24 Asin sia nagpaandam man nin magña kabayohan ni Pablo, tagñaning madara sia na dai magkaanoano ki Felix na gobernador.

Act 23:25 Asin sia nagsurat nin siring:

Act 23:26 Si Claudio Lisias sa kahorohalang-kao na gobernador na si Felix, kagala-gñan.

Act 23:27 An lalaking ini dinakop kan magña Judio, asin gagadanon kutana ninda, kan dumatong ako sa sainda na may kai-bang magña soldado, asin agawon ko sia, kan maisihan ko na sia ciudadano nin Roma.

Act 23:28 Asin huli ta boot kong maisihan an dahelan kan sombong saiya, dinara ko sia sa atubang kan saindang consejo:

Act 23:29 Na sia naaraman ko na isinombong dapit kan magña tataramon nin saindang katogonan, alagad na dai nin anoman na sombong na maninigo niang ikagadan ó ikagapos saiya.

Act 23:30 Asin kan mabaretaan ako na igua nin homa tumang kan lalaki, tolos man ipinadara ko sia sa saimo, asin pinagbo-tan ko man an saiyang magña parasom-bong na magsarabi sa atubang mo tumang saiya.

Act 23:31 Kaya kinua si Pablo kan magña soldado siring sa pagkasogo sainda, asin dinara siang bangui sa Antipatris.

Act 23:32 Alagad pagkaaga, binayaan ninda an magña parakabayo na omiba saiya, asin sinda nagbaralik sa cuartel:

Act 23:33 Asin pagdatong ninda sa Cesarea, asin pakatao kan surat sa gobernador, inatubang ninda si Pablo sa saiya.

Act 23:34 Asin pakabasaha nia kaidto, sia naghapot kun taga saen siang lalawigan; asin kan maisihan nia na sia taga Cilicia,

Act 23:35 Sia nagsabi, Dadagñogon ko ika nin marahay kun dumatong na an sai­mong magña parasombong: asin sia nagboot na igñatan sia sa palacio ni Hero-des.



Act 24:1 Asin pakalihis nin limang aldao, si Ananias na halangkao na sacer-dote naglugsot na kaiba nia an nagkapi-rang magurang, asin an sarong abogado na si Tertulo; asin sinda nagosip sa gobernador tumang ki Pablo.

Act 24:2 Asin pakapaapodan saiya, si Tertulo nagpoon magsombong tumang saiya, na an sabi, Nin huli ta dahel saimo nago-ogma kami sa dakulang katoninogñan, asin huli kan saimong kapangyarihan an magña maraot nahihirahay manogñod sa nacion na ini,

Act 24:3 Inaako mi iyan sa bilog na kapasala-matan, sa gabos na paagui, asin sa gabos na lugar, O kahorohalangkao na Felix.

Act 24:4 Alagad tagñaning dai na ako maka-pagal saimo, naggñagñayogñayo ako sa saimong pagkaherak, na dagñogon mo an samong diit na tataramon.

Act 24:5 Huli ta nakua mi an lalaking ini na sarong damat, asin parasotsot nin magña karibokan sa gabos na Judio sa bilog na kinaban, pa tin poon kan secta nin magña Nazareno:

Act 24:6 Na sia man nangñahas na magdigta kan templo: na sia man dinakop mi: asin hohokoman mi kutana sia siring sa samong katogonan.

Act 24:7 Alagad an comandante na si Lisias nagdatong, asin inagao nia sia sa samong magña kamot,

Act 24:8 asin sia nagboot na an saiyang magña parasombong omatubang sa salmo. Na sa pagsiasat mo saiya, maka-kaaram ka kan gabos na bagay na samong isinosombong tumang saiya.

Act 24:9 Asin an magña Judio man nagoro-yon sa sombong, na nagpatotoo na an magña bagay na ini iyo man nangad.

Act 24:10 Asin kan pasaboton na sia kan gobernador na magtaram, si Pablo nag-simbag, Nin huli ta naiisihan ko na ika sa haloy nang magña taon naghohokom sa nacion na ini, sa kaogmahan ako masabi kan sakong katanosan:

Act 24:11 Nin huli ta matatalastas mo na dai pang kagduang aldao kan ako tumu-kad sa Jerusalem sa pagsamba:

Act 24:12 Asin sa templo dai ako nin da nakua na nakikipagsuhay sa kiisay man, ó nagriribok sa banuaan, ni sa magña sinagoga, minsan sa ciudad.

Act 24:13 Dai man ninda mapapatotoohan sa saimo an magña bagay na saindang isino­sombong gñunian tumang sako.

Act 24:14 Alagad ini inaakoan ko saimo, na sono sa Dalan na inaapod nindang secta, ako naglilingkod sa Dios nin samong magña kaganak, na nagtutubod kan gabos na bagay na nasa katogonan asin nasusurat sa magña profeta;

Act 24:15 Na may paglaom sa Dios, na pinag-hahalat man kan magña ini, na magka-kaigua nin pagkabuhay liwat an magña matanos asin bakong matanos.

Act 24:16 Sa bagay na ini ako man naghi-higñoa na magkaigua guiraray nin mara-hay na pakamidbid na dai nin kasaguean sa Dios asin sa magña tauo.

Act 24:17 Gñunian, pakalihis nin nagkapirang taon, ako napadigdi sa pagdara nin magña limos sa sakong nacion, asin nin magña dolot:

Act 24:18 Mantang ako nasa guibong ini, ako nakua ninda sa templo nalinig na, alagad daing kadaklan, ni karibokan: kundi igua duman nin nagkapirang Judio na hale sa Asia —

Act 24:19 Na sinda maninigo kutanang maki-atubang digdi sa saimo, asin magsom­bong kun igua nin anoman tumang sako.

Act 24:20 O, kun dai, an magña tauong ini pasabihon mo kun anong salang guibo an nakua ninda, kan ako tumindog sa atubang kan consejo,

Act 24:21 Kun bako an tataramon na ini na isinabi ko sa halangkao na tigñog, Dapit sa pagkabuhay liwat nin magña gadan ako isinosombong saimo gñunian.

Act 24:22 Alagad huling si Felix igua na nin marahay na pakaaram dapit kan Dalan, pinapaghalat nia sinda, asin nagsabi, Pag-lugsot kan comandante na si Lisias tata-puson ko an bagay na ini.

Act 24:23 Asin sia nagboot sa capitan na igñatan si Pablo, asin na palaenon sia; asin na dai pagolagñon an siisay man sa saiyang magña katood na maglingkod saiya.

Act 24:24 Alagad pakalihis nin nagkapirang aldao, si Felix nagdatong kaiba an saiyang agom, si Drusila sarong Judia, asin ipinaapod nia si Pablo, asin dinagñog sia dapit sa pagtubod ki Cristo Jesus.

Act 24:25 Asin man tang sia nakikipagolay dapit sa katanosan, asin sa pagpopogol, patin sa paghokom na madatong, si Felix natakot asin nagsimbag, Maghale ka gñona gñunian; asin kun magkaigua ako nin lugar, ipapaapod taka.

Act 24:26 Sia naglalaom dahel kaini, na tata-wan sia nin pirak ni Pablo: kaya daya-day na ipinapaapod nia sia, asin naki­kipagolay saiya.

Act 24:27 Alagad pakalihis nin duang taon, si Felix nasalihidan ni Porcio Festo; asin huli ta boot ni Felix na magkaigua nin marahay na boot sa magña Judio, pina-bayaan nia si Pablo sa bilangoan.



Act 25:1 Kaya si Festo, pakalaog sa lalawi-gan, pakalihis nin tolong aldao nagtukad sa Jerusalem hale sa Cesarea.

Act 25:2 Asin an magña poon nin magña sacerdote, asin an haralangkao na tauo sa magña Judio nagorosip saiya tumang ki Pablo; asin sinda nakimaherak saiya,

Act 25:3 Na nagharagad nin karahayan mano-gñod sainda tumang saiya, na sia ipadara sa Jerusalem; asin sinda naghohoroma na gadanon sia sa dalan.

Act 25:4 Alagad si Festo nagsimbag na si Pablo pinagiigñatan sa Cesarea, asin na sia man sana madale nang paduman.

Act 25:5 Kaya, olay nia, an magña may kapangyarihan sa saindo lumugsot sa kaibahan ko, asin kun may anoman na sala an lalaki, isombong ninda sia.

Act 25:6 Asin pakaontok nia sa sainda nin may walo ó sampolong aldao, sia nag-lugsot sa Cesarea; asin pagkaaga sia nag-tukao sa hokoman, asin nagboot na si Pablo darahon.

Act 25:7 Asin pagdatong nia, pinalibotan sia kan magña Judio na naghirilig hale sa Jerusalem, na may magña, darang bala-kid asin magabat na sombong tumang saiya, na dai man ninda mapapatotoo-han;

Act 25:8 Alagad si Pablo nagpahayag kan sai-yang katanosan, na an sabi, Dai ako nag-kasala nangad tumang sa katogonan nin magña Judio, ni sa templo, minsan ki Cesar.

Act 25:9 Alagad si Festo, huling boot mag­kaigua nin marahay na boot sa magña Judio, nagsimbag ki Pablo asin nagsabi, Boot mong tumukad sa Jerusalem, asin duman ka hokoman dapit kaining magña bagay sa atubang ko?

Act 25:10 Alagad si Pablo nagsabi, Ako nag-titindog sa atubang kan hokoman ni Cesar, na saen ako maninigong hoko­man: tumang sa magña Judio dai akong guinibong sala, siring sa naaaraman mo man nin marahay.

Act 25:11 Kun ako gñani paraguibo nin maraot, ó nakaguinibo nin anoman na bagay na maninigo sa kagadanan, ako dai nasayuma na gadanon; alagad kun dai nin totoo sa magña bagay na iyan na isinosombong kan magña ini tumang sako, dai nin siisay man na makakatao sako sa sainda. Dinadara ko ini ki Cesar.

Act 25:12 Dagñan si Festo, pakapakihatol sa consejo, nagsimbag, Dinadara mo ini ki Cesar: ki Cesar ka maduman.

Act 25:13 Asin pakalihis nin nagkapirang aldao, an hadeng si Agripa asin si Ber-nice nagdatong sa Cesarea, asin nagtara-tara ki Festo.

Act 25:14 Asin huli ta nahaloy sinda duman, si Festo nagsaysay sa hade dapit kan sombong tumang ki Pablo, na an sabi, Igua digdi nin sarong bilango na naba-yaan ni Felix;

Act 25:15 Na dapit saiya, kan ako nasa Jeru­salem, an magña poon nin magña sacer­dote asin an magña magurang nin magña Judio nagorosip sako, asin nagharagad nin paghokom tumang saiya.

Act 25:16 Sa sainda ako nagsimbag, na ba-kong kaugalean nin magña taga Roma na magsilot sa kiisay man na dai gñona paghampagñon an isinosombong asin an magña nagsosombong, asin na dai gñona tawan nin lugar sa pagpahayag kan sai-yang katanosan dapit sa sombong na tumang saiya.

Act 25:17 Kaya, kan sinda magtiripon digdi, dai ako nagabala, kundi kan sominonod na aldao, ako nagtukao sa hokoman asin nagboot na darahon an lalaki.

Act 25:18 Alagad pagtindog kan magña para-sombong saiya, sinda dai nakapahayag nin anoman na maraot tumang saiya na siring kan sakorig pinaghohona;

Act 25:19 Kundi sin da igua nin nagkapirang bagay tumang saiya dapit kan saindang sadiring religion, asin dapit sa sarong Jesus na nagadan, na pinapatotoohan ni Pablo na sia buhay.

Act 25:20 Asin ako, huling naborong kun paano an pagoguid kan magña bagay na ini, naghapot kun boot siang paduman sa Jerusalem, asin hokoman duman dapit kan magka bagay na ini.

Act 25:21 Alagad kan si Pablo maghagad na sia ihalat sa paghokom kan emperador, ako nagboot na igñatan sia sagkod na ikapadara ko sia ki Cesar.

Act 25:22 Asin si Agripa nagsabi ki Festo, Ako man boot na makadagñog kan lala-king ini. Sa aga, olay nia, madadagñog mo sia.

Act 25:23 Kaya pagkaaga, pagdatong ni Agri-pa asin ni Bernice, na may kanigoan na kapaabhawan, asin pakalaog ninda sa hokoman, kaiba an magña comandante asin an haralangkao na tauo sa ciudad, sa pagboot ni Festo si Pablo ilinaog.

Act 25:24 Asin si Festo nagsabi, Hadeng Agripa asin kamo gabos na magña tauong uya digdi na magña kaiba mi, nahihiling nindo an lalaking ini, na tumang saiya an gabos na Judio nagso-rombong sako sa Jerusalem asin digdi man, na nagkukururahao, na sia dai na maninigong mabuhay pa.

Act 25:25 Alagad nakua ko, na dai sia naka-guinibo nin anoman na maninigo sa kagadanan: asin huli ta sia man sana naghagad na darahon sa emperador, pinagmarahay ko na ipadara sia.

Act 25:26 Dapit sa saiya dai ako nin tibaad nang bagay na totoo, na ikasurat sa sakong kagurangnan. Kaya dinara ko sia sa atubang nindo asin lalo na saimo, hadeng Agripa, tagñaning pakasiasata saiya, ako magkaigua nin ikasurat.

Act 25:27 Huli ta, sa loba ko, bakong katano-san na magpadara nin sarong bilango na dai man sabihon an magña sombong tumang saiya.



Act 26:1 Asin si Agripa nagsabi ki Pablo, Ika tinotogotan nang magtaram manogñod sa saimo. Dagñan si Pablo, pakahonata kan saiyang kamot, nagpa-hayag kan saiyang katanosan:

Act 26:2 Ako naghohonahonang paladan, O hadeng Agripa, na ako mapahayag kan sakong katanosan sa atubang mo gñu-nian dapit kan gabos na bagay na isinombong tumang sako kan magña Judio:

Act 26:3 Lalo na ta ika nakakasabot kan gabos na kaugalean asin kan magña pasuruhay na nangyayari sa magña Judio: kaya ako nakikimaherak saimo na dagñogon mo ako sa pakatios.

Act 26:4 An sako gñaning pamumuhay, mag-poon sa pagkaaki, na magpoon sa kapi-nonan sa sakong sadiring nacion asin sa Jerusalem, naaaraman kan gabos na Judio;

Act 26:5 Huli ta sinda nakakatalastas na mag­poon pa sa kapinonan, kun sinda boot magpatotoo, na sono sa marigon na sec-ta nin satong religion, ako namuhay na Fariseo.

Act 26:6 Asin gñunian, ako nagtitindog digdi tagñaning hokoman dahel kan paglaom kan panuga na guinibo nin Dios sa satong magña kaganak.

Act 26:7 An kagdua tang tribu na nagdaranay sa paglingkod sa Dios aldao-bangui nag-raralaom na magkamit kan panugang ini. Asin dapit kan paglaom na ini, O hade, ako isinosombong kan magña Judio!

Act 26:8 Tadao ta pinaghonahona nindo na dai matutubod kun buhayon liwat nin Dios an magña gadan?

Act 26:9 Sa katotoohan ako nagisip na ako maninigong gumibo nin balakid na bagay tumang sa gñaran ni Jesus na taga Nazaret.

Act 26:10 Asin ini guinibo ko man sa Jeru­salem: asin binilango ko an kadaklan sa magña banal pakaako ko nin kapang-yarihan hale sa magña poon nin magña sacerdote, asin kun sinda ipinapagadan, ako minatao kan sakong pagoyon tu­mang sainda.

Act 26:11 Asin sa dayaday na pagpadusa ko sainda sa gabos na sinagoga, pinipirit ko sinda na maglanghad; asin huling na-angot nin makuri tumang sainda, ako naglamag sainda sagkod sa magña ciudad sa ibang daga.

Act 26:12 Asin mantang ako nagbabaklay pa Damasco, na may kapangyarihan asin pagboot hale sa magña poon nin magña sacerdote,

Act 26:13 Kan odto na, O hade, nahiling ko sa dalan an sarong ilao hale sa lagñit, na orog pa kaliwanag ki sa aldao, na lomi-niwanag sa palibot ko asin sa magña kai-riba ko sa pagbaklay.

Act 26:14 Asin kan kami gabos maholog na sa daga, ako nakadagñog nin sarong tigñog na nagsasabi sako sa tataramon na Hebreo, Saulo, Saulo, tadao ta pinag-lalamag mo ako? masakit saimo an pag-sikad sa mapanas.

Act 26:15 Asin ako nagsabi, Siisay ka, Kagu-rangnan? Asin an Kagurangnan nagsabi, Ako iyo si Jesus na saimong pinaglala-mag,

Act 26:16 Alagad buhat, asin tomindog ka: huli ta dahel kaini ako nagtugña saimo, na ibugtak ka na paralingkod asin saksi kan magña bagay na nahiligñan mo sako, asin kan magña bagay na papa-hiligñan ko saimo;

Act 26:17 Asin ililigtas taka sa banuaan asin sa magña Gentil, na sa sainda sosogoon taka,

Act 26:18 Sa pagbuklat kan saindang magña mata, tagñaning sinda magbaralik hale sa kadikloman pasiring sa ilao asin hale sa kapangyarihan ni Satanas, pasiring sa Dios, tagñaning akoon ninda an kapa-tawadan nin magña kasalan asin an sarong pamana sa kaibahan kan magña pinakangbanal huli sa pagtubod sa sako,

Act 26:19 Kaya, O hadeng Agripa, dai ako nagsuhay sa pagñatorogan na lagñitnon:

Act 26:20 Kundi nagpahayag sa magña taga Damasco gñona asin sa Jerusalem man, asin sa bilog na kadagaan nin Judea, pa-tin sa magña Gentil, na sinda magsorol-sol asin magbarakle sa Dios, na maggui-bo nin magña bagay na manonogñod sa pagsolsol.

Act 26:21 Huli kaini dinakop ako kan magña Judio sa templo, asin sinda naghirigño-ang gadanon ako.

Act 26:22 Kaya pakaako ko kan tabang na hale sa Dios, ako nagdadanay sagkod sa aldao na ini, sa pagpatotoo sa saradit asin man sa darakula, na dai nagsasabi nin anoman na sa luas kan magña bagay na isinabi kan magña profeta asin ni Moises na mangyayari;

Act 26:23 Na an Cristo kaipuhan na magtios, asin na sia, huli kan pagkabuhay liwat sa magña gadan, an magñenot na magbare-ta kan ilao sa banuaan, asin sa magña Gentil.

Act 26:24 Asin sa saiyang pagpahayag kan saiyang katanosan, si Festo nagsabi sa halangkao na tigñog, Pablo, ika naru-rugñao; an labilabing kadonogñan mo iyo an nakakarugñao saimo.

Act 26:25 Alagad si Pablo nagsabi, Bako akong rugñao, iguinagalang na Festo; kundi ako nagsasabi kan magña tatara­mon nin katotoohan asin sa malinao na kaisipan.

Act 26:26 Huli ta an hade nakakaaram dapit kan magña bagay na ini, na sa saiya ako nagtataram na may panarig: huli ta ako minatubod na dai ni saro kan magña bagay na ini na natatago sa saiya; huli ta ini dai guinibo sa hilom.

Act 26:27 Hadeng Agripa, minatubod ka sa magña profeta? Naiisihan ko na minatu­bod ka.

Act 26:28 Asin si Agripa nagsimbag ki Pablo, Sa kadikit sanang pagsadol boot mo akong mani Cristiano.

Act 26:29 Asin si Pablo nagsabi, Booton logod nin Dios, na sa kadikit ó sa dakol, bako sanang ika, kundi an gabos na nag-dadagñog sako gñunian makaarog sako, kundi dai kan magña gapos na ini.

Act 26:30 Asin nagtirindog an hade asin an gobernador asin si Bernice patin an magña nagtuturukao sa kaibahan ninda:

Act 26:31 Asin pakahale ninda, sinda nagpao-rolayolay, na an sabi, An lalaking ini dai nagguiguibo nin anoman na maninigo sa kagadanan ó sa bilangoan.

Act 26:32 Asin si Agripa nagsabi ki Festo, Mabubutasan na kutana an lalaking ini, kun dai sia naghagad na ipadara ki Cesar.



Act 27:1 Asin kan ikatalaan na na kami magsakay pa Italia, itinao ninda si Pablo asin iba pang bilango sa sarong capitan na an gñaran Julio, sa magña sol-dado ni An gusto.

Act 27:2 Asin pakalunad mi sa sarong saka-yan na taga Adrumeto na malayag na sa magña lugar sa baybayon nin Asia, nag-tulak kami na kaiba si Aristarco, na taga Tesalonica nin Macedonia.

Act 27:3 Asin kan sominonod na aldao kami nagdoong sa Sidon: asin si Julio nagpa-hiling nin marahay na boot ki Pablo, asin tinogotan nia sia na pumaduman sa saiyang magña katood, asin magako kan saindang pagangyaya.

Act 27:4 Asin pakatulak mi hale duman, nag-sarakay kami sa nalilimbohan kan Chip-re, huli ta an magña doros songsong.

Act 27:5 Asin kan matalabok mi na an dagat na nasa tagñod nin Cilicia asin Pamfilia, kami nagdoong sa Mira, ciudad nin Lisia.

Act 27:6 Asin duman an capitan nakakua nin sarong sakayan na taga Alejandria, na nagsasakay pasiring sa Italia; asin ibinug-tak nia kami duman.

Act 27:7 Asin pakasakay mi nin luayluay sa dakol na aldao, asin nakaabot kami sa kahampang kan Gnido sa kanigoan na kapawotan, asin huli ta dai kami tinogo­tan kan doros na makadagos, kami nag-sakay sa nalilimbohan kan Creta, sa kahampang kan Salmon;

Act 27:8 Asin sa mapawot na paghinguilid, kami nagdoong sa sarong lugar na ina-apod Marahay na Dorogñan; na sa kara-ni kaini iyo an ciudad nin Lasea.

Act 27:9 Asin pakalihis nin halawig na pana-hon, asin kan an pagsakay mapagalaman na, huli ta nakalihis na an Pagayuno, si Pablo nagpatanid sainda,

Act 27:10 Asin nagsabi sainda, Magña guinoo, nahihiling ko na an pagsakay na ini mag-kakaigua nin kasakitan asin nin dakol na kawaraan, bako sana sa lunad asin sa sakayan, kundi sa satong magña buhay man.

Act 27:11 Alagad an capitan orog pang nag-hinaniog sa piloto asin sa kagsadiri kan sakayan ki sa magña isinabi ni Pablo.

Act 27:12 Asin huli ta an look bakong agñay na pagontokan sa tiglipotan, an kadak-lan nagharatol na magtulak hale dian, tibaad pa mangyaring makaabot sa Fenix, asin pumalihis duman kan tigli­potan; ini sarong dorogñan nin Creta, na atubang sa nordeste asin sa sudeste.

Act 27:13 Asin kan homoyop nin maluya an habagat, sa paghona na nakua na ninda an saindang pinagmawot, sinda nagba-ton kan bontogon, asin naghinguilid sa Creta.

Act 27:14 Alagad dai nahaloy naglampao hale dian an sarong baguio, na inaapod Euro-clidon.

Act 27:15 Asin kan an sakayan aboton na, asin dai na makaatubang sa doros, kami ominoyon, asin pinabayaan mi na kami ipadpad.

Act 27:16 Asin sa pagdalagan kan sakayan sa nalilimbohan nin sarong sadit na poro na inaapod Clauda, sa kapawotan, naba-ton mi an bote.

Act 27:17 Asin kan mabaton na idto ninda, sinda naggamit nin magña talikosog, na binogkos ninda an sakayan; asin sa takot na sinda idagsa sa Sirte, inibaba ninda an magña layag, asin sa siring sinda nagpa-dara sa doros.

Act 27:18 Asin huli ta kami sinakit nin kani­goan kan baguio, kan sominonod na aldao sinda nagporoon magholog sa dagat kan magña lunad;

Act 27:19 Asin kan ikatolong aldao hinolog kan saindang sadiring magña kamot an magña kasangkapan kan sakayan.

Act 27:20 Asin kan dai nagsirang sa samo an aldao, ni an magña bitoon sa dakol na aldao, asin bakong sadit na baguio an nasa samo, nawara sa samo an gabos na paglaom na makaligtas.

Act 27:21 Asin kan sinda haloy nang dai nin pagkakan, si Pablo nagtindog sa tahao ninda, asin nagsabi, Magña guinoo, kun nagdagñog kutana kamo sako, asin dai nagtulak sa Creta, nakalikay kutana kita kaining kasakitan asin kawaraan.

Act 27:22 Alagad gñunian ako naghahatol saindo na kamo magorogma; huli ta dai sa saindo nin buhay na mawawara, kun­di an sakayan sana.

Act 27:23 Huli ta kasubangui nagtindog sa kataed ko an sarong angel kan Dios na kagsadiri sako, asin sakong pinagliling-kodan,

Act 27:24 Asin nagsabi, Dai ka matakot, Pablo, ika kaipuhan na tumindog sa atubang ni Cesar: asin uya, itinao sa saimo nin Dios an gabos na kaiba mo sa pagsakay.

Act 27:25 Kaya, magña guinoo, magorogma kamo: huli ta ako minatubod sa Dios, na iyan mangyayari siring sa isinabi sako.

Act 27:26 Alagad kita kaipuhan na idagsa sa sarong poro.

Act 27:27 Pagdatong kan ikakagapat na ban-gui, mantang kami ipinapadpad paba-likbalik sa dagat na Adriatico, pagma-tagñang bangui an magña parasakay naghonahona na sinda naghaharani sa sarong daga:

Act 27:28 Asin sinda nagsokol kan rarom, asin nakua ninda na may duang polong dopa; asin pakalihis nin kadikit sinda nagsokol liwat, asin nakua na may kag-limang dopa.

Act 27:29 Asin sa takot na kami idagsa sa kagapoan, sinda naghorolog nin apat na bontogon sa olin, asin nagmarawot na omaga na.

Act 27:30 Asin mantang an magña parasakay naghihirigñoang dumulag sa sakayan, asin kan ikababa na an bote sa dagat, na garo baga sinda maholog nin bontogon sa dolong,

Act 27:31 Si Pablo nagsabi sa capitan asin sa magña soldado, Kun sinda dai magdara-nay digdi sa sakayan kamo dai makaka-ligtas.

Act 27:32 Dagñan pinotol kan magña soldado an magña gakot kan bote, asin pinabaya-an nindang maholog idto.

Act 27:33 Asin kan nagaalagaag na, si Pablo nakimaherak sainda gabos na magkara-kan, na an sabi, Ini iyo an ikakagapat na aldao na kamo nagharalat asin nag-taragal kan gotom, ta dai nagkarakan nin anoman.

Act 27:34 Kaya ako nakikimaherak saindo na magkarakan: huli ta ini sa karahayan nindo: huli ta minsan sarong bohok dai mawawara sa payo nin siisay man sa saindo.

Act 27:35 Asin pakasabi nia kaini, asin paka-kua nin tinapay, sia nagpasalamat sa Dios sa atubang nin gabos; asin paka-baaka nia kaidto, sia nagpoon magka-kan,

Act 27:36 Dagñan sinda gabos nagkaorogma, asin sinda man nagkarakan.

Act 27:37 Asin kami gabos na nasa sakayan duang gatos may pitong polo may anom katauo.

Act 27:38 Asin kan sinda barasog na, pinaguianan ninda an sakayan, na hinorolog ninda sa dagat an trigo.

Act 27:39 Asin kan aldao na, dai ninda namidbid an daga: alagad sinda naka-tanao nin sarong look na may bayba-yon, asin sinda nagorolay kun baga mapapadoong ninda duman an sakayan.

Act 27:40 Pakabutasi ninda kan magña bon­togon, pinabayaan ninda iyan sa dagat, asin hinobad man ninda an magña gakot kan magña timon; asin kan ikaitaas na ninda sa doros an layag sa enotan, sinda nagpapunta sa baybayon.

Act 27:41 Alagad pagdatong sa sarong lugar na pinagsasabatan nin duang dagat, sinanglad ninda an sakayan; asin an dolong nakatalbong, asin dai na naka-hero, alagad an olin narapak sa kosog kan magña alon.

Act 27:42 Asin an hatol kan magña soldado iyo na gadanon an magña bilango, tagña-ning an siisay man dai maglagñoy asin makadulag.

Act 27:43 Alagad an capitan, sa mawot na ikaligtas si Pablo, nagolang kan sain-dang pagmawot, asin nagboot na an magña makakalagñoy magralampao na, asin magerenot sa daga;

Act 27:44 Asin sa magña matada, an iba sa magña tabla, asin an iba sa ibang bagay sa sakayan. Asin siring an nangyari, na sinda gabos nakaligtas asin nakadatong sa daga.



Act 28:1 Asin kan kami nakaligtas na, da-gñan mi naaraman na an poro inaapod Melita.

Act 28:2 Asin pinahiligñan kami nin maka-gñagñalas na pagkaherak kan magña taga duman: mala ta sinda nagamak nin kalayo, asin nagako samo gabos, huli ta nagooran asin malipot.

Act 28:3 Alagad kan si Pablo makatipon na nin sarong tambak na garao, asin maka-bugtak kaidto sa kalayo, an sarong rimo-ranon nagluas huli kan init, asin sia sini-gñot kaiyan sa kamot.

Act 28:4 Asin kan mahiling kan magña taga duman an rimoranon na nagkakalay-kalay sa saiyang kamot, sinda nagpasa-rabisabi, Sa daing duadua an lalaking ini paragadan nin tauo, na sia minsan nakaligtas na sa dagat, dai sia pinapabayaan kan katanosan na mabuhay.

Act 28:5 Minsan siring iwinitik nia an ri-moranon sa kalayo, asin dai sia kino-log.

Act 28:6 Alagad sinda naghaharalat na sia manhubag, ó magadan na padale: alagad kan haloy na sinda sa paghalat, asin kan nahiling ninda na dai nin anoman na maraot na nangyayari saiya, sinda nag-barago nin pagisip, asin nagsarabi na sia sarong dios.

Act 28:7 Duman sa karani kaidto igua nin magña daga na sadiri kan poon sa porong idto, na sia gñinagñaranan Publio; ini an nagako samo, asin sa kagalagñan nagpasakat samo nin tolong aldao.

Act 28:8 Asin nangyari na an ama ni Publio naghelang nin lagnat asin kolatid: linaog sia ni Pablo, asin pakapamibi, asin paka-bugtaki nia saiya kan saiyang magña kamot, sia naomayan,

Act 28:9 Asin kan maguibo na ini, an magña iba man sa poro na may magña helang nagduruman asin nagkaoromayan:

Act 28:10 Na sinda man nagtao samo nin balakid na kagalagñan; asin pagtulak mi, sinda nagdara sa sakayan nin magña bagay na samong maiipuhan.

Act 28:11 Asin pakalihis nin tolong bulan, kami nagrulunad sa sarong sakayan na taga Alejandria, na nagontok sa poro kan tiglipotan, na an saiyang tanda An Kambal.

Act 28:12 Asin pagdoong mi sa Siracusa, kami nagontok duman nin tolong aldao;

Act 28:13 Asin magpoon duman, naghingui-lid kami asin nagdatong sa Regio; asin pakalihis nin sarong aldao naghoyop an habagat, asin kan ikaduang aldao nag­datong kami sa Puteolos;

Act 28:14 Na duman kami nakasompong nin magña tugang, na nakimaherak samo na omontok duman sa sainda nin pitong aldao: asin siring an samong paglakao pa Roma.

Act 28:15 Asin hale duman, an magña tu­gang, pakadagñog dapit samo, nagsabat samo sagkod sa Sadan na Apio asin sa Tolong Sakatan; asin kan mahiling sinda ni Pablo, sia nagpasalamat sa Dios, asin nakaguinhawa.

Act 28:16 Asin kan pagdatong mi sa Roma si Pablo tinogotan na magsarosarong magerok sa kaibahan nin sarong soldado na nagbabantay saiya.

Act 28:17 Asin nangyari, pakalihis nin tolong aldao, na ipinaapod nia an magña poon nin magña Judio: asin kan sinda tiripon na, sia nagsabi sainda, Ako, magña tugang, minsan dai nin anoman na gui-nibo tumang sa banuaan, ni minsan sa magña kaugalean nin satong magña kaganak, itinaong bilango hale sa Jeru­salem, sa magña kamot nin magña taga Roma:

Act 28:18 Na sinda, pakaoguida sako, nagma-wot na ako butasan, huli ta dai sako nin dahelan sa kagadanan.

Act 28:19 Alagad kan suhayon idto kan magña Judio, pinagmarahay ko na dara-hon ki Cesar; bakong huli ta ako igua nin anoman na sombong tumang sa sakong nation.

Act 28:20 Kaya dahel kaini ako nakimaherak saindo na makipagkita asin makipagolay sako: huli ta dahel kan paglaom nin Israel ako nagagapos kaining cadena.

Act 28:21 Asin sinda nagsarabi saiya, Kami dai nagako nin magña surat hale sa Judea dapit saimo, asin dai nin siisay man sa magña tugang na napadigdi sa pagbareta ó sa pagsabi nin anoman na maraot dapit saimo.

Act 28:22 Alagad kami nagmamawot na ma-kadagñog saimo kun ano an saimong iniisip: huli ta dapit kan sectang ini, naaaraman mi na sa gabos na lugar iyan pinaglilibak.

Act 28:23 Asin pakatalaan ninda saiya nin sarong aldao, balakid sindang nagduru­man sa saiyang naoontokan; na sa sainda sia nagsaysay asin nagpatotoo kan kaha-dean nin Dios, asin nagsadol sainda dapit ki Jesus, hale sa katogonan ni Moi-ses, asin man sa magña profeta, mag­poon sa pagkaaga sagkod sa bangui.

Act 28:24 Asin may nagturubod kan magña bagay na isinabi, asin an iba dai nagtu­rubod.

Act 28:25 Asin kan sinda dai magkaoroyon, sinda nagharale pakasabi ni Pablo nin sarong tataramon, Marahay an pagkataram kan Espiritu Santo huli ki Isaias na profeta sa saindong magña kaganak, na an sabi,

Act 28:26 Paduman ka sa banuaan na ini, asin magsabi, Sa pagdagñog kamo makakadagñog, Asin dai nangad makakasabot; Asin sa pagMing kamo makaka-ling, Asin dai nangad makakamansay:

Act 28:27 Huli ta an puso kan banuaan na ini tominagas, Asin an saindang magña taligña lominuya sa pagdagñog, Asin pinirirong an saindang magña mata; Tagñaning dai makahiling sinda sa saindang magña mata, Asin makadagñog sa saindang magña taligña, Asin makasabot sa saindang puso, Asin magbakle, Patin paomayan ko sinda.

Act 28:28 Kaya talastason nindo na an kalig-tasan na ini nin Dios ipinadara sa magña Gentil: sinda man madagñog.

Act 28:29 Asin pakasabi nia kaining magña tatara-mon, nagharale an magña Judio, na nagpapa-suruhay nin kanigoan sa sainda man sana.

Act 28:30 Asin sia nagontok sa bilog na duang taon sa saiyang pinagtagorham na harong, asin nagako kan gabos na nagduruman sa saiya.

Act 28:31 Panaral ne ing kayarian na ning Dios, at tuturu na ing bague a makatungkul king Guinung Jesucristo king ganap a tetagan, ninuman e re ambanganan.



AMAZING GRACE BIBLE INSTITUTE