III Juan3Jn 1:1 An magurang sa namomotan na si Gayo, na sakong namomotan sa kato-toohan. 3Jn 1:2 Namomotan, ako namimibi na sa gabos na bagay ika mapakarahay, asin magkaigua nin marahay na hawak, siring kan pagrahay kan saimong kalag. 3Jn 1:3 Huli ta ako nagogma nin kanigo-an, kan dumatong an magña tugang, asin magpatotoo dapit kan saimong katotoohan, siring na ika naglalakao sa katotoohan. 3Jn 1:4 Dai ako nin orog pa kadakulang kaogmahan ki kaini, an pagdagñog na an sakong magña aki naglalakao sa katotoohan. 3Jn 1:5 Namomotan, ika nagguiguibo nin maimbod na guibo sa anoman na saimong guiniguibo manogñod sa magña tugang asin sa magña nakikihimanua; 3Jn 1:6 Na sinda nagpatotoo dapit kan saimong pagkamoot sa atubang kan simbahan: ika maguibo nin marahay kun idorodoro mo sinda sa saindang pagbaklay nin maninigo sa Dios: 3Jn 1:7 Huli ta dahel kan Gñaran sinda nag-baklay na dai nagkua nin anoman sa magña Gentil. 3Jn 1:8 Kaya kita maninigong magtaratara sainda, tagñaning kita magkatarabang manogñod sa katotoohan. 3Jn 1:9 Ako nagsurat nin kadikit sa simbahan: alagad si Diotrefes, na namo-moot magkaigua nin kalangkawan dian sa sainda, dai samo nagako. 3Jn 1:10 Kaya, kun ako dumatong, guigui-romdomon ko an magña guibo na saiyang guiniguibo, na nagtatabil tumang samo nin magña maraot na tataramon; asin dai pa kaiyan naninigoan, ni mina-ako sa saiya man sana kan magña tugang, asin idtong magña boot omako pinagñagñaladan asin ilinuluas sa simbahan. 3Jn 1:11 Namomotan, dai ka magarog kan maraot, kundi kan marahay. An nagguiguibo nin marahay, sa Dios: an nagguiguibo nin maraot dai nakahiling sa Dios. 3Jn 1:12 Si Demetrio igua kan patotoo kan gabos na tauo, asin kan katotoohan man sana: iyo, kami man nagpapatotoo;asin ika nakakaaram na an samong patotoo totoo. 3Jn 1:13 Ako igua kutana nin dakol na isu-surat sa saimo, alagad habo kong isurat iyan sa saimo sa tinta asin sa pluma: 3Jn 1:14 Alagad ako nagialaom na mahihi-ling taka sa madale, asin kita magoolay-olay na hampagñan. An katoninogñan mapa saimo. An magña katood mina-taong galang sa saimo. Tawan mo nin galang an magña katood sa gñaran. |