II Kang Timoteo2Ti 1:1 Si Pablo, na apostol ni Cristo Jesus huli sa kabotan nin Dios, sono sa panuga kan buhay na yaon ki Cristo Jesus, 2Ti 1:2 Sa ki Timoteo, na namomotan kong aki: An biyaya, an pagkaherak, an kato-ninogñan, hale sa Dios na Ama asin ki Cristo Jesus na satong Kagurangnan. 2Ti 1:3 Ako nagpapasalamat sa Dios na sakong pinaglilingkodan poon sa sakong magña kaganak sa malinig na paghona-hona, na dai nin yotong an pagguirom-dom ko saimo sa sakong magña pag-gñayogñayo, bangui-aldao. 2Ti 1:4 Na nagmamawot akong mahiling taka, sa pagguiromdom kan saimong magña luha, tagñaning ako mapano nin kaogmahan; 2Ti 1:5 Sa pagguiromdom kan daing pag-malemale na pagtubod na yaon saimo, na iyan nagontok gñona dian sa saimong guilayon na si Loida, asin sa saimong ina na si Eunice; asin, ako naniniwala, na iyan yaon man saimo. 2Ti 1:6 Na huli kaiyan, pinapaguiromdom taka na heroon mo an balaog nin Dios, na yaon saimo huli kan pagdoon kan sakong magña kamot. 2Ti 1:7 Huli ta dai an Dios nagtao sa sato nin espiritu nin pagkatakot; kundi an sa kapangyarihan asin pagkamoot patin kamayokodan. 2Ti 1:8 Kaya dai mo ikasopog an patotoo nin satong Kagurangnan, ni ako na saiyang bilango: kundi magtios ka nin magña kapawotan sa evangelio sono sa kapangyarihan nin Dios; 2Ti 1:9 Na nagligtas sato, asin nagapod sato sa pagapod na banal, bakong sono sa satong magña guibo, kundi sono sa saiyang sadiring katuyohan asin biyaya, na itinao sa sato dian ki Cristo Jesus kaidto bago magpoon an magña panahon, 2Ti 1:10 Alagad gñunian ipinahayag na huli kan pagdatong kan satong Paraligtas na si Cristo Jesus, na nagpara kan kagada-nan, asin nagdara sa kaliwanagan kan buhay asin kan dai pagkagadan huli kan saiyang evangelio. 2Ti 1:11 Na manogñod kaiyan ako ibinug-tak na parahulit, asin apostol, patin paratokdo. 2Ti 1:12 Na huli kaiyan ako nagtitios man kan magña bagay na ini; alagad dai ako nasosopog; huli ta midbid ko an sakong tinubod, asin, ako naniniwala na sia makakaigñat kan sakong ipinaniwala saiya manogñod sa aldao na iyan. 2Ti 1:13 An arogan nin magña marahay na tataramon na nadagñog mo sako igñatan mo sa pagtubod asin pagkamoot na yaon ki Cristo Jesus. 2Ti 1:14 Idtong marahay na bagay na ipinaniwala saimo igñatan mo huli kan Espiritu Santo na nageerok sato. 2Ti 1:15 Ini naaaraman mo, na an gabos na nasa Asia nagtaralikod sako; na sa sainda iyo si Figello asin si Hermogenes. 2Ti 1:16 Itao logod nin Kagurangnan an pagkaherak sa harong ni Onesifero: huli ta parating rinaragña nia ako, asin dai nia ikinakasopog an sakong cadena; 2Ti 1:17 Kundi, kan sia nasa Roma, hinanap ako nia nin maigot, asin nakua ako. 2Ti 1:18 (Itogot logod nin Kagurangnan sa saiya na magkamit kan pagkaherak nin Kagurangnan sa aldao na iyan); asin kun sa gurano kadakol na bagay naglingkod sia duman sa Efeso naaaraman mo nin marahay. 2Ti 2:1 Kaya ika, aki ko, magpakakosog ka sa biyaya na yaon ki Cristo Jesus. 2Ti 2:2 Asin an magña bagay na nadagñog mo sako sa tahao nin dakol na saksi, iyan an itao mo sa magña tauong maimbod, na makakapagtokdo man sa iba. 2Ti 2:3 Magtios ka nin magña kapawotan sa kaibahan ko siring sa marahay na sol-dados ni Cristo Jesus. 2Ti 2:4 Dai nin soldados na nasa pagling-kod na nalilingling kan magña bagay sa buhay na ini; tagñaning mapaoyonan nia an naglista saiya na maguin soldados. 2Ti 2:5 Asin kun an siisay man nakikipag-daogan sa karawat, dai sia kinokorona-han kun dai sia nakipagdaogan nin sono sa magña pagsosondon. 2Ti 2:6 An parababol na nagpapagal kaipu-han na iyo an enot na magkinabang kan magña bugña. 2Ti 2:7 Horophoropa an isinasabi ko; huli ta an Kagurangnan matao sa saimo nin pakasabot sa gabos na bagay. 2Ti 2:8 Guiromdoma si Jesu-Cristo, na binuhay liwat sa magña gadan, guikan sa banhi ni David, siring sa sakong evan-gelio: 2Ti 2:9 Na dian kaiyan ako nagtitios nin kapawotan sagkod sa magña gapos, na garo paraguibo nin maraot; alagad an tataramon nin Dios dai nagagapos. 2Ti 2:10 Kaya an gabos na bagay tinitios ko dahel sa magña pinili, tagñaning sinda man magkamit kan kaligtasan na yaon ki Cristo Jesus na may kamurawa-yan na dai nin katapusan. 2Ti 2:11 Tunay an pagkasabi: Huli ta kun kita nagadan sa kaibahan nia, mabubu-hay man kita sa kaibahan nia: 2Ti 2:12 Kun kita makatagal, kita man mag-hahade sa kaibahan nia: kun kita mag-painda saiya, papaindahan man nia kita: 2Ti 2:13 Kun kita bakong maimbod, sia nagdadanay na maimbod; huli ta dai sia makakapainda sa saiya man sana. 2Ti 2:14 Paguiromdoma sinda kan magña bagay na ini, na pagbotan mo sinda sa atubang nin Kagurangnan, na dai magi-riwal dapit sa magña tataramon, na dai nin pakikinabagñon, na iyan nakakapa-balising sa magña naghihinaniog. 2Ti 2:15 Maghigñoa ka nin maigot na maka-paoyon ka sa pagatubang mo sa Dios, sarong paraguibo na dai maninigong masopog, ta naggagamit nin matanos kan tataramon nin katotoohan. 2Ti 2:16 Alagad maglikay ka sa magña basang na tarabilan: huli ta iyan maabot sa orog pang karatan, 2Ti 2:17 Asin an saindang tataramon maka-kalakop siring sa surip: na sa sainda iyo si Himeneo asin si Fileto; 2Ti 2:18 Magña lalaki na nasala dapit sa katotoohan, na nagsasabi na an pagka-buhay liwat nakaagui na, asin nakalaglag kan pagtubod nin nagkapira. 2Ti 2:19 Minsan siring an masarig na pasisi-kadan nin Dios nagdadanay, na igua kan tandang ini: An Kagurangnan tatao kan magña saiya; asin, Humarayo sa kabi-koan an gabos na naggñagñaran kan gñaran nin Kagurangnan. 2Ti 2:20 Gñunian, sa sarong dakulang harong, bako sanang igua nin magña lalagan na bulawan asin pirak, kundi man magña lalagan na kahoy asin daga; asin an nagkapira manogñod sa kaoma-wan, asin an iba manogñod sa kasopga-nan. 2Ti 2:21 Kaya, kun an siisay man maglinig sa saiya man sana kan magña bagay na ini, sia maguiguin lalagan manogñod sa kaomawan, pinakangbanal, agñay na gamiton kan Kagurangnan, andam manogñod sa gabos na marahay na guibo. 2Ti 2:22 Alagad dumulag ka sa magña horot nin pagkabarobata, asin sumonod ka sa katanosan, sa pagtubod, sa pagkamoot, sa katoninogñan, sa kaibahan kan magña nagaapod sa Kagurangnan sa malinig na puso. 2Ti 2:23 Alagad an magña rugñao asin kablas na pasuruhay isikual mo, sa paka-aram na iyan guiniguikanan nin magña pagiriwal. 2Ti 2:24 Asin an oripon nin Kagurangnan dai maninigo na makipagiwal, kundi maguin maboot sa gabos, makakapag-tokdo, matioson, 2Ti 2:25 Sa kahoyoan nagsasague kan magña nagpapasuruhay; tibaad pa kun tawan sinda nin Dios nin pagsolsol sag-kod na makamidbid kan katotoohan, 2Ti 2:26 Asin sinda makahale sa siod nin diablo, huling sinda nabihag na nia sa pagsonod kan saiyang kabotan. 2Ti 3:1 Alagad maaraman mo ini, na sa magña huring aldao madatong an magña panahon na makahahandal. 2Ti 3:2 Huli ta an magña tauo maguiguin mamomoton sa sainda man sana, magña mamomoton sa pirak, maabhao, mapa-langkao, magña pararaway, masumbikal sa magña magurang, dai tataong mag-balos, bakong banal, 2Ti 3:3 Dai nin pagkamoot, dai maoyonan, parapakaraot, dai tataong magpogol sa saiya man sana, marigñis, bakong mamomoton sa karahayan, 2Ti 3:4 Magña parapasaloib, magña matagas an payo, magña mahambug, magña mamomoton sa kasigñawan nin orog pa ki sa Dios; 2Ti 3:5 Na nagpapahayag kan anio nin kabanalan, alagad nagpainda kan ka-pangyarihan kaiyan: sa magña ini man lumikay ka. 2Ti 3:6 Huli ta sa sainda minahale an magña nagkakanap sa magña harong, asin nag-bibihag kan magña boaboang babae na magña makasalan, na nadadara nin man-laenlaen na horot, 2Ti 3:7 Danay na nagaadal, asin dai nangad nakakaabot sa pakasabot kan katotoohan. 2Ti 3:8 Asin siring ki Janes asin ki Jambres na nagpanumang ki Moises, siring man an magña ini minatumang sa katotoohan; magña tauong marigsok an pagisip, magña isinikual dapit sa pagtubod. 2Ti 3:9 Alagad dai sinda makakapagpada-gos: huli ta an saindang karugñawan mahahayag sa gabos na tauo, siring kan nangyari man kan sainda. 2Ti 3:10 Alagad ika nagsonod kan sakong katokdoan, gawegawe, katuyohan, pagtubod, pakatagal, pagkamoot, pakatios, 2Ti 3:11 Magña paglamag, magña kasakitan; an magña nangyari sako sa Antioquia, sa Iconio, sa Listra; an magña paglamag na sakong tinagal: asin sa gabos na iyan ilinigtas ako nin Kagurangnan. 2Ti 3:12 Oho, asin an gabos na boot mamu-hay nin diosnon dian ki Cristo Jesus, magtitios nin paglamag. 2Ti 3:13 Alagad an magña maraot na tauo asin magña madaya, magdadagdag sa karatan, na nagdadaya asin dinadayaan. 2Ti 3:14 Alagad magdanay ka dian sa magña bagay na saimong nanodan asin napa-tunayan, ta naaaraman mo kun siisay an nanodan mo kaiyan; 2Ti 3:15 Asin na magpoon sa pagkaaki naaraman mo an magña banal na surat, na nakakapadonong saimo manogñod sa kaligtasan huli sa pagtubod na yaon ki Cristo Jesus. 2Ti 3:16 An gabos na kasuratan na ipinasabong nin Dios pakikinabagñan man sa pagtokdo, sa pagsague, sa pagpakarahay, sa pagpatood na nasa katanosan: 2Ti 3:17 Tagñaning an tauo nin Dios maguin sangkap, andam nangad manogñod sa gabos na marahay na guibo. 2Ti 4:1 Ako nagboboot saimo sa atubang nin Dios, asin ni Cristo Jesus, na mahokom kan magña buhay asin magña gadan, asin huli kan saiyang pagdatong asin kan saiyang kahadean: 2Ti 4:2 Maghulit ka kan tataramon; mag-maigot ka sa gabos na panahon; mag-sague, magtuyao, magsadol, sa bilog na pakatios asin pagtokdo. 2Ti 4:3 Huli ta an panahon madatong na dai na sinda makakatagal kan marahay na katokdoan; kundi, huling may magña naggagatol na taligña, matambak sinda sa sainda man sana nin magña paratokdo na sono sa saindang magña horot; 2Ti 4:4 Asin malikay kan saindang magña taligña sa katotoohan asin makiling sa magña togdas na osipon. 2Ti 4:5 Alagad ika maguin mayokod sa gabos na bagay, magtios nin kapawo-tan, magguibo kan guibo nin sarong evangelista, magotob kan saimong pag-lingkod. 2Ti 4:6 Huli ta ako inaatang na, asin an panahon nin sakong paghale nagdatong na. 2Ti 4:7 Ako nakipaglaban kan marahay na pakiiaban, natapus ko an sakong paki-ombasan, naigñatan ko an pagtubod: 2Ti 4:8 Kaya magpoon gñunian igua na nin natatagama manogñod sako na corona nin katanosan, na itatao sa sako sa aldao na iyan kan Kagurangnan, an hokom na matanos, asin bakong sa sako sana, kundi man sa gabos na namoot kan saiyang pagdatong. 2Ti 4:9 Maghigñoa kang pomadigdi tolos sa sako: 2Ti 4:10 Huli ta pinabayaan ako ni Demas, ta sia namoot kan kinaban na ini, asin sia napaduman sa Tesalonica; si Cresente sa Galacia, si Tito sa Dalmacia. 2Ti 4:11 Si Lucas sana an nasa kaibahan ko. Kuaa si Marcos asin ipagiba mo; huli ta sia magagamit ko sa paglingkod. 2Ti 4:12 Alagad si Tiquico sinogo ko sa Efeso. 2Ti 4:13 Darahon mo, kun dumigdi ka, an alikboy na nawalat ko sa Troas sa ha-rong ni Carpo, asin an magña libro, lalo na an magña pergamino. 2Ti 4:14 Si Alejandro na panday sa kalong-kaki gominibo sako nin dakol na kara-tan: babalosan sia nin Kagurangnan nin sono sa saiyang magña guibo: 2Ti 4:15 Na sa saiya maglikay ka man; huli ta tinumang nia nin makuri an samong magña tataramon. 2Ti 4:16 Sa enot kong pagsimbag dai ni saro na sominorog sako, kundi pinabayaan ako kan gabos: dai logod iyan,ipano-gñod na saindang utang. 2Ti 4:17 Alagad sinorog ako kan Kagurangnan, asin pinakosog ako: tagñaning huli sako an bareta ikabalagñibog nin marahay, asin na an gabos na Gentil magpa-kadagñog: asin ilinigtas ako sa gñoso nin leon. 2Ti 4:18 An Kagurangnan malikay sako sa gabos na guibong maraot, asin maligtas sako manogñod sa saiyang kahadean na lagñitnon: na mapa saiya an kamurawa-yan sagkod noarin man. Auot pa. 2Ti 4:19 Tawan mo nin galang si Prisca asin si Aquila, asin an harong ni Onesifero. 2Ti 4:20 Si Erasto nawalat sa Corinto; alagad si Trofimo binayaan kong naghehelang sa Mileto. 2Ti 4:21 Maghigñoa kang pumadigdi na dai pa an tiglipotan. Si Eubulo minataong galang sa saimo, asin si Pudente, asin si Lino, asin si Claudia, patin an gabos na tugang. 2Ti 4:22 An Kagurangnan masa saimong espiritu. An biyaya mapa saindo. |