II Karing Tau Tesalonica2Th 1:1 Si Pablo, asin si Silvano, patin si Timoteo, sa simbahan kan magña taga Tesalonica na nasa Dios na satong Ama asin sa Kagurangnan na si Jesu-Cristo: 2Th 1:2 An biyaya mapa saindo asin an katoninogñan hale sa Dios na Ama asin sa Kagurangnan na si Jesu-Cristo. 2Th 1:3 Kami kaipuhan na sa guiraray mag-pasalamat sa Dios manogñod saindo, magña tugang, siring na iyan maninigo, huli ta an saindong pagtubod nagtata-lobo nin makuri, asin an saindong pag-kaminorootmootan nagsosopay; 2Th 1:4 Mala ta kami man sana nagmumu-raway dapit saindo sa magña simbahan nin Dios huli kan saindong pakatios asin pagtubod sa gabos na paglamag saindo asin dian sa magña kasakitan na saindong tinatagal; 2Th 1:5 Na sarong hayag na tanda kan mata-nos na paghokom nin Dios; tagñaning kamo ikabilang na agñay sa kahadean nin Dios, na huli kaiyan kamo man nag-titios: 2Th 1:6 Kun mangyari na iyan matanos sa Dios na balosan nin kasakitan an ma^na nagpapasakit saindo, 2Th 1:7 Asin kamo, na pinagsasakit, tawan nin kapahigñaloan sa kaibahan mi, sa pagtugña kan Kagurangnan na si Jesus hale sa lagñit kaiba an magña angel nin saiyang kapangyarihan sa naglalaad na kalayo, 2Th 1:8 Na magtatao nin balos sa magña dai nakakamidbid sa Dios, asin sa magña dai nagkukuyog kan evangelio nin satong Kagurangnan na si Jesus: 2Th 1:9 Na sinda magtitios nin silot, an daing katapusan na pagkatunao, na iyo an pakabulag sa lalauogon nin Kagurangnan asin sa kamurawayan nin saiyang kapangyarihan, 2Th 1:10 Kun sia dumatong na tagñaning pamurawayon dian sa saiyang magña banal, asin paggñalasan sa aldao na iyan sa tahao kan gabos na nagtubod (huli ta tinubod an samong patotoo dian sa saindo). 2Th 1:11 Na huli kaiyan, kami man namimi-bi sa guiraray manogñod saindo, tagña-ning ibilang kamo kan satong Dios na agñay sa saindong pagkaapod, asin na otobon nia sa kapangyarihan an gabos na mawot sa karahayan, asin an gabos na guibo sa pagtubod; 2Th 1:12 Tagñaning an gñaran kan satong Kagurangnan na si Jesus mapamuraway dian sa saindo, asin kamo dian sa saiya, sono sa biyaya nin satong Dios asin nin Kagurangnan na si Jesu-Cristo. 2Th 2:1 Gñunian kami nakikimaherak saindo, magña tugang, dapit kan pag-datong kan satong Kagurangnan na si Jesu-Cristo, asin kan satong pagtiripon sa saiya; 2Th 2:2 Na kamo dai maliwat nin padale sa saindong pagisip, ni mahandal, minsan sa espiritu, ó sa tataramon, ó minsan sa surat na garo hale sa samo, na siring baga sa an aldao nin Kagurangnan harani na; 2Th 2:3 Dai kamo magpadaya sa kiisay man sa anoman na paagui: huli ta iyan dai mangyayari, kun dai gñona dumatong an pagtalikod, asin pumahayag an tauo nin kasalan, na aki nin katampalasanan, 2Th 2:4 An minasuhay asin minapahalang-kao sa saiya man sana tumang sa gabos na gñinagñaranan Dios, ó sinasamba; mala ta sia nagtutukao dian sa templo nin Dios, na nagpapahayag na sia Dios. 2Th 2:5 Dai kamo nakakaguiromdom, na, kan yaon pa ako saindo, sinabihan ko na kamo kan magña bagay na ini? 2Th 2:6 Asin gñunian tatao na kamo kan nagoolang, sa katuyohan na sia mahayag sa saiyang kapanahonan. 2Th 2:7 Huli ta nangyayari na an tagong-hitom nin katampalasanan: alagad igua nin saro na nagoolang gñunian sagkod na sia haleon. 2Th 2:8 Asin dagñan mahahayag an tampa-lasan, na gagadanon kan Kagurangnan na si Jesus huli kan hagños nin saiyang gñoso, asin tutunawon huli kan banaag nin saiyang pagdatong; 2Th 2:9 Sia, na an saiyang pagdatong sono sa pagguibo ni Satanas na igua nin bilog na kapangyarihan asin magña tanda patin magña putik na gñagñalasan, 2Th 2:10 Asin igua kan bilog na kadayaan nin kabikoan sa magña napapahamak; huli ta dai ninda inako an pagkamoot kan katotoohan na makakaligtas sainda. 2Th 2:11 Asin huli kaini isinosobol nin Dios sa sainda an pagguibo nin kasalaan, tagñaning sinda tumubod sa kaputikan: 2Th 2:12 Tagñaning mahokoman sinda gabos na dai nagtubod sa katotoohan, kundi nagogma sa kabikoan. 2Th 2:13 Alagad kami kaipuhan na sa guiraray magpasalamat sa Dios manogñod saindo, magña tugang na namomotan nin Kagurangnan, huli ta magpoon sa kapinonan pinili kamo nin Dios mano-gñod sa kaligtasan, huli sa pagpakang-banal kan Espiritu asin sa pagtubod sa katotoohan: 2Th 2:14 Na manogñod kaiyan kamo inapod nia huli kan samong evangelio sa pagka-mit kan kamurawayan nin satong Kagurangnan na si Jesu-Cristo. 2Th 2:15 Kaya, magña tugang, magdanay kamo, asin rimposa nindo an magña katokdoan na itinokdo saindo, minsan sa tataramon, ó sa samong surat. 2Th 2:16 Gñunian an Kagurangnan na si Jesu-Cristo man sana, asin an Dios na satong Ama na namoot sato asin nagtao sa sato kan daing katapusan na karagña-han asin marahay na paglaom huli sa biyaya, 2Th 2:17 Rumagña logod kan saindong magña puso asin pumarigon kaiyan sa gabos na marahay na guibo asin tataramon. 2Th 3:1 Sa katapusan, magña tugang, mami-bi kamo manogñod samo, na an tataramon nin Kagurangnan makalakop asin mapamuraway, siring kan nangyari man kaiyan dian sa saindo: 2Th 3:2 Asin na kami makaligtas sa magña tauong daing katanosan asin maraot; huli ta bakong an gabos may pagtubod. 2Th 3:3 Alagad maimbod an Kagurangnan na maparigon saindo, asin malikay saindo sa maraot. 2Th 3:4 Asin igua kami nin paniwala sa Kagurangnan dapit saindo, na kamo nag-guiguibo asin maguibo kan magña bagay na samong ipinagboboot. 2Th 3:5 Asin itokdo logod nin Kagurangnan an saindong magña puso pasiring sa pag-kamoot nin Dies, asin sa pakatios ni Cristo. 2Th 3:6 Gñunian, kami nagboboot saindo, magña tugang, sa gñaran nin satong Kagurangnan na si Jesu-Cristo, na kamo bumulag sa gabos na tugang na naglala-kao nin bakong matanos, asin bakong sono sa katokdoan na inako ninda sa samo. 2Th 3:7 Huli ta kamo man sana nakakaaram kun paano na kamo maninigong maga-rog samo: huli ta kami dai naglakao nin bakong matanos dian sa saindo; 2Th 3:8 Ni nagkakan nin tinapay sa kamot nin siisay man na dai nin bayad, kundi sa pagpagal asin sa pagsakit, na naggui-guibo bangui-aldao, tagñaning dai kami makagabat sa kiisay man sa saindo: 2Th 3:9 Bakong huli ta dai kami nin kapang-yarihan, kundi tagñaning kami maguin padara sa saindo, tagñaning kamo maga-rog samo. 2Th 3:10 Huli ta minsan kan kami nasa kai-bahan pa nindo, ini ipinagboot mi na saindo, Kun an siisay man habong mag-pagal, dai man sia magkakan. 2Th 3:11 Huli ta kami nakakadagñog dapit sa nagkapira dian sa saindo na naglala-kao nin bakong matanos, na dai lamang nagpapagal, kundi magña atomatoman. 2Th 3:12 Gñunian, kami nagboboot sa magña siring asin nagsasadol sa gñaran nin Kagurangnan na si Jesu-Cristo, na sinda magpagal na dai nin ribok, asin magkakan kan saindang sadiring tinapay. 2Th 3:13 Asin kamo, magña tugang, dai mapagal sa pagguibo nin karahayan. 2Th 3:14 Asin kun an siisay man dai mina-kuyog kan samong tataramon sa surat na ini, tandaan nindo an siring na tauo, na dai kamo makiiba saiya, tagñaning sia masopog. 2Th 3:15 Alagad minsan siring dai nindo sia ibilang na kaiwal, kundi hatolan siring sa tugang. 2Th 3:16 Gñunian, an Kagurangnan man sana nin katoninogñan tumao logod sa saindo nin katoninogñan sa gabos na panahon asin sa gabos na bagay. An Kagurangnan map a saindo gabos. 2Th 3:17 An kagalagñan ko, si Pablo, huli sa sakong kamot, na iyo an tanda sa gabos na surat: kaya ako nagsusurat. 2Th 3:18 An biyaya nin satong Kagurangnan na si Jesu-Cristo mapa saindo gabos. |