II Juan2Jn 1:1 An magurang sa piniling babae asin sa saiyang magña aki, na sakong namo-motan sa katotoohan; asin bakong ako sana, kundi an gabos man na nakakaaram kan katotoohan; 2Jn 1:2 Dahel kan katotoohan na nagdada-nay sa sato, asin magdadanay sa sato sagkod lamang: 2Jn 1:3 Mapa sato logod an biyaya, pagka-herak, katoninogñan hale sa Dios na Ama, asin hale ki Jesu-Cristo, an Aki nin Ama, sa katotoohan asin sa pagka-moot. 2Jn 1:4 Ako nagoogma nin kanigoan, na nakua ko an nagkapira kan saimong magña aki na naglalakao sa katotoohan, siring sa inako tang togon hale sa Ama. 2Jn 1:5 Asin gñunian ako nakikimaherak saimo, guinagalagñan na babae, bakong siring sa ako nagsurat sa saimo nin sarong bagong togon, kundi kaidtong nasa sato na magpoon sa kapinonan, na kita magkaminorootmootan. 2Jn 1:6 Asin ini iyo an pagkamoot, na kita maglakao sono sa saiyang magña togon. Ini iyo an togon, na kamo maglakao dian, siring sa nadagñog nindo magpoon sa kapinonan. 2Jn 1:7 Huli ta dakol an madaya na nagra-laog sa kinaban, na magña dai nagpapa-hayag na si Jesu-Cristo napadigdi sa laman. Ini iyo an madaya, asin an Anti-cristo. 2Jn 1:8 Magigñat kamo sa saindo man sana, na dai nindo mawara an magña bagay na samong naguibo, kundi na kamo magka-mit nin bulaos na balos. 2Jn 1:9 An siisay man na nagdadagos, asin dai nagdadanay dian sa katokdoan ni Cristo, dai nin Dios: an nagdadanay sa katokdoan, an siring igua kan Ama asin kan Aki. 2Jn 1:10 Kun an siisay man pumadigdi sa saindo, asin dai nagdadara kaining katokdoan, dai nindo sia pagakoon sa saindong harong, asin dai nindo pagtara-tarahon: 2Jn 1:11 Huli ta an magtaratara saiya naka-kadamay sa saiyang magña maraot na guibo. 2Jn 1:12 Minsan igua ako nin dakol na bagay na isusurat sa saindo, habo kong isurat iyan sa papel asin tinta: alagad ako naglalaom na makadian sa saindo, asin makapakiolay sa hampagñan, tagña-ning an saindong kaogmahan masang-kap. 2Jn 1:13 An magña aki kan saimong piniling tugang na babae minataong galang sa saimo. |