I Kang Timoteo


1Ti 1:1 Si Pablo, na apostol ni Cristo Jesus sono sa pagboot nin Dios na satong Paraligtas, asin ni Cristo Jesus na satong paglaom;

1Ti 1:2 Sa ki Timoteo, na sakong tunay na aki sa pagtubod: An biyaya, an pagka-herak, an katoninogñan hale sa Dios na Ama, asin ki Cristo Jesus na satong Kagurangnan.

1Ti 1:3 Siring na sinadol taka na pumawalat sa Efeso, kan ako naglalakao pasiring sa Macedonia, tagñaning pagbotan mo an nagkapira na dai magtokdo nin laen na katokdoan,

1Ti 1:4 Ni maghinaniog sa magña osipon sin magña daing katapusan na pagoguid nin guinikanan, na nakakahimo nin magña pagduadua, sa lugar kan kapani-walaan nin Dios na nasa pagtubod; siring an itinotogon ko saimo gñunian.

1Ti 1:5 Alagad an katuyohan kan pagboot iyo an pagkamoot na guikan sa malinig na puso, asin sa marahay na paghona-hona, patin sa pagtubod na dai nin pag-saguinsaguin:

1Ti 1:6 Na sa magña bagay na iyan an nag­kapira, huling nasala, suminuki pasiring sa magña basang na pagtaram;

1Ti 1:7 Na sinda boot maguin paratokdo kan katogonan, minsan dai sinda naka-kasabot kun ano an saindang itinataram, ni kun ano an saindang pinapatotoohan.

1Ti 1:8 Alagad kita nakakaaram na an kato­gonan marahay, kun iyan gamiton nin matanos,

1Ti 1:9 Siring sa satong naaaraman, na an katogonan dai guinibo manogñod sa matanos na tauo, kundi manogñod sa magña tampalasan asin masuhay, mano­gñod sa magña bakong maki-Dios asin magña parakasala, manogñod sa magña bakong banal asin magña pararaway, manogñod sa magña paragadan nin magña ama asin magña paragadan nin magña ina, manogñod sa magña paraga­dan nin tauo,

1Ti 1:10 Manogñod sa magña parapaki-saro, manogñod sa magña parapaki-dorog sa kapua lalaki, manogñod sa magña mahabon nin tauo, manogñod sa magña putikon, manogñod sa magña parasumpa nin putik, asin kun igua pa nin ibang bagay na tumang sa marahay na katokdoan;

1Ti 1:11 Sono sa evangelio kan kamurawa-yan nin mahal na Dios, na ipinaniwala sako.

1Ti 1:12 Ako nagpapasalamat sa nagpako sog sako, na iyo si Cristo Jesus na satong Kagurangnan, huli ta ibinilang nia akong maimbod, na ibinugtak ako sa pagling-kod saiya;

1Ti 1:13 Minsan ako kaidto paralanghad, asin paralamag, asin parapakaraot: ala­gad ako nagkamit nin pagkaherak, huli ta iyan guinibo ko sa dai pakaaram dian sa dai pagtubod;

1Ti 1:14 Asin an biyaya nin satong Kagu­rangnan nagsopay nin labi kan pagtubod asin pagkamoot na yaon ki Cristo Jesus.

1Ti 1:15 Tunay an pagkasabi, asin manini-gong akoon, na si Cristo Jesus napadigdi sa kinaban sa pagligtas sa magña para­kasala; na sa sainda ako an poon:

1Ti 1:16 Alagad huli kaini ako nagkamit nin pagkaherak, tagñaning sa sako siring sa poon, ikapahayag ni Jesu-Cristo an gabos niang pakatios, na maguin arogan kan magña matubod sa saiya gñapit manogñod sa buhay na dai nin katapu-san.

1Ti 1:17 Gñunian, sa Hade na dai nin kata-pusan, asin dai nin kagadanan, patin dai nahihiling, sa iyo sanang Dios, mapa saiya an kagalagñan asin kamurawayan sagkod noarin man. Auot pa.

1Ti 1:18 An pagboot na ini itinatao ko sa saimo, Timoteo na aki ko, sono sa magña hula na nagtokdo kan dalan pasi-ring saimo, tagñaning huli kaiyan ika makapakilaban kan marahay na pakila-ban;

1Ti 1:19 Na nagdadanay sa pagtubod asin sa marahay na paghonahona; na kan an nagkapira somikual kaiyan, sinda nag-karolonod dapit sa pagtubod:

1Ti 1:20 Na sa sainda iyo si Himeneo asin si Alejandro; na sinda itinao ko ki Sata-nas, tagñaning sinda makanood na dai maglanghad.



1Ti 2:1 Kaya ako nagsasadol, enot na gayo, na an magña paggñayogñayo, an magña pamibi, an magña pakimaherak, an magña pagpasalamat, guibohon ma­nogñod sa gabos na tauo;

1Ti 2:2 Manogñod sa magña hade asin sa gabos na nasa halangkao na kamugta-kan; tagñaning kita mabuhay nin mati-wasay asin matoninong sa gabos na kabanalan asin kahusayan.

1Ti 2:3 Ini marahay asin nakakaoyon sa paghiling nin Dios na satong Paraligtas;

1Ti 2:4 Na sia boot na an gabos na tauo makaligtas asin makaabot sa pakasabot kan katotoohan.

1Ti 2:5 Huli ta igua nin sarong Dios, asin man sarong parasorog sa tagña nin Dios asin nin magña tauo, an tauong si Cristo Jesus.

1Ti 2:6 Na tominao sa saiya man sana na bilang katubosan manogñod sa gabos; an patotoo na mahahayag sa kapanahonan kaiyan;

1Ti 2:7 Na manogñod kaiyan ako ibinugtak na parahulit asin apostol (ako nagsasabi kan katotoohan, dai ako nagpuputik), paratokdo nin magña Gentil sa pagtu­bod asin sa katotoohan.

1Ti 2:8 Kaya ako nagmamawot na an magña tauo mamibi sa gabos na lugar, na magitaas nin magña kamot na banal, na dai nin kaangotan asin pasuruhay.

1Ti 2:9 Siring man, na an magña babae magsamno sa sainda man sana sa gubing na mabini, na may kasopganan asin kamayokodan; bakong sa magña sinala-pid na bohok, asin bulawan ó magña perlas ó mahal na gubing;

1Ti 2:10 Kundi huli sa magña marahay na guibo (an agñay sa magña babaeng nag-babanal).

1Ti 2:11 An babae makanood logod na dai magguirong sa bilog na pagpasakop.

1Ti 2:12 Alagad dai ako minatogot na an babae magtokdo, ni magsakop sa lalaki, kundi na dai magguirong.

1Ti 2:13 Huli ta si Adam an enot na lina-lang, dagñan si Eva;

1Ti 2:14 Asin si Adam dai nadayaan, kundi an babae huling nadayaan naholog sa kalapasan:

1Ti 2:15 Alagad sia maliligtas huli sa saiyang pagñaki, kun sinda magdanay sa pag­tubod asin sa pagkamoot patin sa kaba­nalan na may kamayokodan.



1Ti 3:1 Tunay an pagkasabi, Kun an lalaki naghahanap kan katongdan nin sarong obispo, sia nagmamawot nin marahay na guibo.

1Ti 3:2 Kaya kaipuhan na an obispo dai nin kanawayan, agom nin sarong babae, mapagpogol, mayokod, mahusay, para-pasakat, agñay na makapagtokdo;

1Ti 3:3 Bakong maribok, bakong makiiwa-lon; kundi maboot, bakong parapakisu-hay, bakong mamomoton sa pirak;

1Ti 3:4 Nagñagñataman nin marahay sa sai­yang harong, na an saiyang magña aki sinasakop sa bilog na kaformalan;

1Ti 3:5 (Alagad kun an lalaki dai tataong magñataman kan saiyang harong, paano an pagataman nia kan simbahan nin Dios?)

1Ti 3:6 Bakong bagong magtubod, tibaad huli sa kapaabaoabawan sia maholog sa silot nin diablo.

1Ti 3:7 I,aen pa kaini, sia kaipuhan na magkaigua nin marahay na patotoo sa magña nasa luas; tibaad sia maholog sa kasaguean asin sa siod nin diablo.

1Ti 3:8 Siring man an magña diacono kaipu-han na maguin magña formal, bakong dua an tataramon, bakong makiarak, bakong paslo sa magña maating pirak;

1Ti 3:9 Nagririmpos kan tagong-hilom nin pagtubod sa malinig na paghonahona.

1Ti 3:10 Asin sinda man baloon gñona; dagñan sinda maglingkod sa pagka-diacono, kun sinda dai nin kanawayan.

1Ti 3:11 Siring man an magña babae kaipu-han na maguin magña formal, bakong magña parasahot, magña mapagpogol, magña maimbod sa gabos na bagay.

1Ti 3:12 An lambang diacono maguin agom nin sarong babae, na nagñagñataman nin marahay kan saiyang magña aki asin kan saiyang harong.

1Ti 3:13 Huli ta an magña naglingkod nin marahay sa pagka-diacono nakikinabang sa sainda man sana nin marahay na kamugtakan, asin dakulang kaisogan sa pagtubod na yaon ki Cristo Jesus.

1Ti 3:14 An magña bagay na ini isinusurat ko sa saimo, sa paglaom na ako maka-dian sa saimo nin madale;

1Ti 3:15 Alagad kun ako maabala, tagña-ning ika makaaram kun ano an manini-go nindang hero sa harong nin Dios, na iyo an simbahan kan buhay na Dios, an harigue asin pasisikadan nin katotoohan.

1Ti 3:16 Asin sa dai nin duadua, dakula an tagong-hilom nin kabanalan; Sia na nahayag sa laman, Pinapagkanigo sa espiritu, Nahiling nin magña angel, Ipinaghulit sa magña nacion, Tinubod sa kinaban, Inako sa kamurawayan.



1Ti 4:1 Alagad an Espiritu nagsasabi nin malinao, na sa magña huring pana-hon an nagkapira mahoholog hale sa pagtubod, na maghihinaniog sa magña espiritung parasotsot asin sa magña katokdoan nin magña demonio,

1Ti 4:2 Huli sa pagsaguinsaguin nin magña tauo na nagtataram nin magña kaputi-kan, na an saindang sadiring paghona­hona namarkahan siring sa namarkahan nin mainit na batbat;

1Ti 4:3 Na ipinagñagñalad an pagagom, asin nagboboot na dai magkakan nin magña kakanon, na linalang nin Dios na mani-nigong akoon na may pasalamat kan magña nagtutubod asin nakakaaram kan katotoohan.

1Ti 4:4 Huli ta an gabos na linalang nin Dios marahay, asin dai nin maninigong ipagsikual, kun iyan akoon na may pasa­lamat:

1Ti 4:5 Ta iyan napapakangbanal huli kan tataramon nin Dios asin kan pamibi.

1Ti 4:6 Kun an magña tugang paguiromdo-mon mo kan magña bagay na ini, ika maguiguin marahay na paralingkod ni Cristo Jesus, pinakakan sa magña tata­ramon nin pagtubod asin nin marahay na katokdoan, na iyan saimong sinonod sagkod gñunian:

1Ti 4:7 Alagad isikual mo an magña basang asin sa gugurang na osipon. Asin magpa-tood ka sa kabanalan:

1Ti 4:8 Huli ta an pagpatood sa hawak may pakinabang na kadikit; alagad an kaba­nalan may pakinabang sa gabos na bagay, huling may panuga sa buhay na ini, asin sa madatong.

1Ti 4:9 Tunay an pagkasabi, asin manini­gong akoon.

1Ti 4:10 Ta huli kaini kita nagpapagal asin naghihigñoa, huli ta ibinugtak ta an satong paglaom sa buhay na Dios, na iyo an Paraligtas nin gabos na tauo, orog na sa magña nagtutubod.

1Ti 4:11 An magña bagay na ini ipagboot mo asin ipagtokdo.

1Ti 4:12 Dai nin siisay man na magbasang-basang kan saimong pagkabarobata; ala­gad magui kang padara kan magña nag­tutubod, sa tataramon, sa pamumuhay, sa pagkamoot, sa pagtubod, sa kabinian.

1Ti 4:13 Sagkod na ako dumatong, magma-higos ka sa pagbasa, sa pagsadol, sa pag-tokdo.

1Ti 4:14 Dai mo pagpabayaan an balaog na yaon saimo, na itinao sa saimo huli sa paghulit, sa pagdoon nin magña kamot kan presbiterio.

1Ti 4:15 Magmahigos ka sa magña bagay na ini; ipanogñod mo dian an bilog mong buhay; tagñaning an saimong pagtalobo mahayag sa gabos.

1Ti 4:16 Magigñat ka sa saimo man sana asin sa saimong pagtokdo. Magdanay ka sa magña bagay na ini, huli ta sa paggui-bo mo kaini, makakaligtas ka sa saimo man sana asin sa magña naghihinaniog saimo.



1Ti 5:1 Dai mo pagsagueon an magurang, kundi hatolan mo sia siring sa ama; an magña barobata, siring sa magña tugang;

1Ti 5:2 An magña magurang na babae siring sa magña ina; an magña daraga siring sa magña tugang, sa bilog na kabinian.

1Ti 5:3 Galagñan mo an magña babaeng balo na magña balo man nangad.

1Ti 5:4 Alagad kun an arin man na babaeng balo igua nin magña aki ó magña mako-apo, magadal gñona sinda na makapa-hayag nin pagkaherak sa saindang sadi-ring familia, asin na magbalos sa sain­dang magña magurang: huli ta ini iyo an oyon sa paghiling nin Dios.

1Ti 5:5 Gñunian, an babaeng balo man nan-gad, asin pinabayaan, naglalaom sa Dios, asin nagdadanay sa magña paggñayogña-yo asin magña pamibi bangui-aldao.

1Ti 5:6 Alagad an namumuhay sa kasigña-uan, gadan na minsan sia buhay pa.

1Ti 5:7 An magña bagay na ini man ipag-boot mo, tagñaning sinda dai magkaigua nin kasaguean.

1Ti 5:8 Alagad kun an siisay man dai naga-ataman kan saiyang sadiri, asin lalo na kan nasa saiyang harong, sia nagpainda kan pagtubod, asin orog pa karaot ki sa sarong dai nagtutubod.

1Ti 5:9 Ilista sana an magña babaeng balo na may anom na polong taon na an edad, na naguin agom nin sarong lalaki,

1Ti 5:10 May marahay na dagñog mano-gñod sa magña marahay na guibo; kun sia nagataman nin magña aki, kun sia nagpasakat sa magña nakikihimanua, kun sia naghanao kan magña bitis nin magña banal, kun sia nakapaguinhawa sa magña nagsasakit, kun sia nagdanay sa pagguibo kan gabos na marahay na guibo.

1Ti 5:11 Alagad an magña babaeng balo na magña aki pa dai pagakoon: huli ta pakatapus nindang magparalapas tu-mang ki Cristo, sinda nagmamawot na magpaagom;

1Ti 5:12 Na sinda sinilotan na, huli ta isini-kual ninda an enot na pagtubod.

1Ti 5:13 Asin man sinda nakakanood na maghogak, na nanhaharongharong; asin bako sanang magña hogakon, kundi man magña tabilan asin magña atomatoman, na nagtataram kan magña bagay na dai ninda maninigong ipagtaram.

1Ti 5:14 Kaya minamawot ko na an magña babaeng balo na aki pa magpaagom, magñaki, magñataman kan harong, dai magtao nin lugar sa kaiwal na sia pagmu-dahon:

1Ti 5:15 Huli ta an nagkapira nagsuki na pasiring ki satanas.

1Ti 5:16 Kun may babaeng nagtutubod na igua nin magña babaeng balo, atamanon nia sinda, asin dai pagpagabatan an sim-bahan; tagñaning iyan makaataman kan magña balo man nangad.

1Ti 5:17 An magña magurang na namo-moon nin marahay ibilang na agñay sa orog na kagalagñan, lalo na an magña nagpapagal dian sa tataramon asin sa pagtokdo.

1Ti 5:18 Huli ta an kasuratan nagsasabi, Dai mo pagbusalan an vaca na nagguiguinik. Asin, an paraaldao maninigo kan saiyang tandan.

1Ti 5:19 Dai ka magako nin sombong tumang sa magurang, kun bakong sa gñoso nin dua ó tolong saksi.

1Ti 5:20 An magña nagkakasala sagueon mo sa atubang nin gabos, tagñaning an iba man magkatarakot.

1Ti 5:21 Ako nagboboot saimo sa atubang nin Dios, asin ni Cristo Jesus, patin nin magña piniling angel, na otobon mo an magña bagay na ini na daing palaenon, na dai magsorog sa kiisay man sa ano-man na bagay.

1Ti 5:22 Dai ka magdoon nin magña kamot sa padale sa kiisay man, ni makidamay sa magña kasalan nin iba: magdanay ka sa kalinigan

1Ti 5:23 Dai ka na maginom nin tubig, kundi maggamit ka nin kadikit na arak dahel kan saimong tulak, asin kan sai-mong danay na magña kahelagñan.

1Ti 5:24 An magña kasalan nin nagkapira hayag na, bago sinda omatubang sa hokoman; asin an sa iba man nagsoso-nod sainda.

1Ti 5:25 Siring man igua nin magña mara-hay na guibo na hayag; asin an magña bakong siring dai natatago.



AMAZING GRACE BIBLE INSTITUTE