I Karing Tau Tesalonica


1Th 1:1 Si Pablo, asin si Silvano, patin si Timoteo, sa simbahan kan magña taga Tesalonica na nasa Dios na Ama asin sa Kagurangnan na si Jesu-Cristo: An biyaya mapa saindo asin an kato-ninogñan.

1Th 1:2 Kami nagpapasalamat nin danay sa Dios manogñod saindo gabos, na sina-sambit kamo sa samong magña pamibi;

1Th 1:3 Na guiniguiromdom nin daing yo-tong sa atubang nin satong Dios asin Ama an saindong guibo nin pagtubod asin pagpagal sa pagkamoot patin paka-tios sa paglaom sa satong Kagurangnan na si Jesu-Cristo; gñod saindo, asin manogñod sa magña nasa Laodicea, patin manogñod sa magña nasa Hierapolis.

1Th 1:4 Sa pakaaram, magña tugang na namomotan nin Dios, kan pagkapili saindo,

1Th 1:5 Kun paano na an samong evangelio dai nagdatong sa saindo sa tataramon sana, kundi sa kapangyarihan man, asin sa Espiritu Santo, patin sa daku­lang panarig; siring sa saindong naaara-man kun magña ano kami siring sa nahayag dian sa saindo dahel saindo.

1Th 1:6 Asin kamo naguin magña paraarog samo, asin sa Kagurangnan, pakaako nindo kan tataramon sa dakol na kasa-kitan, na may kaogmahan kan Espiritu Santo;

1Th 1:7 Mala ta kamo naguin padara sa gabos na nagtutubod sa Macedonia asin sa Acaya.

1Th 1:8 Huli ta sa saindo naghale an tigñog kan tataramon nin Kagurangnan, bako sana sa Macedonia asin sa Acaya, kundi sa gabos na lugar an saindong pagtubod sa Dios nakalakop; mala ta dai na kami kaipuhan na magtaram pa nin anoman.

1Th 1:9 Huli ta sinda man sana nagbabareta dapit samo kun paano an samong pag-laog dian sa saindo; asin kun paano an pagbakle nindo pasiring sa Dios hale sa magña ladawan, na maglingkod sa buhay asin totoong Dios,

1Th 1:10 Asin maghalat sa saiyang Aki hale sa lagñit, na saiyang binuhay liwat sa magña gadan, si Jesus, na nagligtas sato sa kaangotan na madatong.



1Th 2:1 Huli ta kamo man sana, magña tugang, nakakaaram kan samong paglaog dian sa saindo, na iyan dai nasayang:

1Th 2:2 Kundi huling kami nagtios kaidto asin pinagbasangbasang duman sa Fili-pos, siring sa naaaraman nindo, kami ominisog dian sa samong Dios sa pag-bareta saindo kan evangelio nin Dios sa dakol na pakilaban.

1Th 2:3 Huli ta an samong pagsadol bakong sa kasalaan, ni sa karompotan, ni sa daya:

1Th 2:4 Kundi siring sa pagkapanigoa samo nin Dios tagñaning paniwalaan kan evan­gelio, siring an samong pagtaram; bakong siring sa nagpapaoyon sa magña tauo, kundi sa Dios na nagbabalo kan samong magña puso.

1Th 2:5 Huli ta kasuarin man dai kami nakuang naggamit nin tataramon na pag-saguinsaguin, siring sa naaaraman nindo, ni gubing nin kaaraan, an Dios iyo an saksi;

1Th 2:6 Ni naghahanap kan kamurawayan nin magña tauo, ni saindo ó sa magña iba, minsan kun kami makakagamit kutana nin kapangyarihan siring sa magña apostol ni Cristo.

1Th 2:7 Alagad kami naguin magña maboot dian sa saindo, siring kun an paraaling nagaataman kan saiyang sadiring magña aki:

1Th 2:8 Siring man, huling namomotan kamo nin kanigoan, kami naogma nin marahay na magtao sa saindo bako sana kan evangelio nin Dios, kundi man kan samong sadiring magña kalag, huli ta kamo naguin mahal na gayo sa samo.

1Th 2:9 Huli ta, magña tugang, nakakagui-romdom kamo kan samong kapagalan asin kasakitan: mantang nagguiguibo bangui-aldao, tagñaning dai kami maka-gabat sa kiisay man saindo, kami nag-hulit saindo kan evangelio nin Dios.

1Th 2:10 Kamo an magña saksi, asin an Dios man, kun gurano kabanal asin kata-nos patin daing kasagüean an pamuhay mi dian sa saindo na nagtutubod:

1Th 2:11 Siring sa naaaraman nindo kun paano an samong pakiiba sa lambang saro sa saindo, na nagsasadol saindo, asin nagpapakosog saindo, patin nagpa-patotoo, siring kan ama sa saiyang magña aki,

1Th 2:12 Sa katuyohan na kamo maglakao nin agñay sa Dios, na nagaapod saindo sa saiyang sadiring kahadean asin kamu­rawayan.

1Th 2:13 Asin huli kaini kami man nagpapa-salamat nin daing yotong sa Dios, na, kan akoon nindo samo an tataramon kan bareta, na iyo an tataramon nin Dios, inako nindo iyan bakong siring sa tataramon nin magña tauo, kundi siring sa tataramon nin Dios, na iyo man nan-gad, na iyan man an nagguiguibo dian sa saindo na nagtutubod.

1Th 2:14 Huli ta kamo, magña tugang, na­guin magña paraarog kan magña simba-han nin Dios dian ki Cristo Jesus na nasa Judea: huli ta kamo man nagtios sa sain­dong magña kahimanua kan siring man sanang magña bagay na saindang tinios sa magña Judio;

1Th 2:15 Na sinda an naggadan ki Jesus na Kagurangnan asin kan magña profeta, asin nagalao samo, asin dai nakapaogma sa Dios, patin katumang nin gabos na tauo;

1Th 2:16 Na sinda nagñagñalad samo na magtaram sa magña Gentil tagñaning sinda makaligtas; tagñaning maotob sa guiraray an saindang magña kasalan: alagad an kaangotan nagdatong na sa sainda sagkod sa kahurihurihi.

1Th 2:17 Alagad kami, magña tugang, huling nabubulag sa saindo sa kadikit na pana-hon, sa paghiling, bakong sa puso, orog pang naghigñoa na mahiling an saindong lalauogon sa makuring pagmauot:

1Th 2:18 Huli ta boot mi kutanang maka-dian sa saindo, ako si Pablo sa makasaro asin sa makadua; asin inolang kami ni satanas.

1Th 2:19 Huli ta ano an samong paglaom, ó kaogmahan, ó corona nin pagmuraway? Bako dao na iyo kamo, sa atubang nin satong Kagurangnan na si Jesus sa sai-yang pagdatong?

1Th 2:20 Huli ta kamo iyo an samong kamu-rawayan asin kaogmahan.



1Th 3:1 Kaya kan dai na kami nakakatagal, pinagmarahay mi na pumawalat na magsarosaro sa Atenas,

1Th 3:2 Asin isinobol mi si Timoteo, na sa­tong tugang asin paralingkod nin Dios sa evangelio ni Cristo, sa pagparigon sain­do, asin sa pagragña saindo manogñod kan saindong pagtubod,

1Th 3:3 Tagñaning dai nin siisay man na mahero huli kan magña kasakitan na ini; huli ta kamo man sana nakakaaram na kita ipinanogñod dian kaiyan.

1Th 3:4 Huli ta sa katotoohan, kan kami nasa kaibahan nindo, kami nagsabi na saindo na kita magtitios nin kasakitan; siring sa nangyari, asin naaaraman nindo.

1Th 3:5 Huli kaini, kan dai na ako nakaka­tagal, ako man nagsogo tagñaning ma-araman ko an saindong pagtubod, tibaad kun sa anoman na paagui nasugotan na kamo kan parasugot, asin na an samong kapagalan masayang.

1Th 3:6 Alagad pagabot gñunian ni Timoteo hale sa saindo, asin pagdara sa samo kan maogmang bareta dapit kan saindong pagtubod asin pagkamoot, asin na sa guiraray igua kamo nin marahay na pag-guiromdom samo, na nagmamawot na mahiling kami, siring na kami man nag­mamawot na mahiling kamo,

1Th 3:7 Huli kaini, magña tugang, kami naragña dian sa saindo sa gabos ming kahorasaan asin kasakitan huli kan saindong pagtubod:

1Th 3:8 Huli ta gñunian kami nabubuhay, kun kamo magdanay dian sa Kaguran­gnan.

1Th 3:9 Huli ta anong pagpasalamat an ika-katao mi guiraray sa Dios manogñod saindo, huli kan gabos na kaogmahan na samong ipinagoogma dahel saindo sa atubang nin satong Dios;

1Th 3:10 Na bangui-aldao namimibi nin makuri tagñaning mahiling mi an sain­dong lalauogon, asin masangkap an nag-kukulang sa saindong pagtubod?

1Th 3:11 gñunian, pagñenotan logod kami sa dalan pasiring sa saindo kan sato man sanang Dios asin Ama, asin kan satong Kagurangnan na si Jesus:

1Th 3:12 Asin na pataloboon kamo nin Kagurangnan asin papagsopayon sa pag-kaminorootmootan, sa saindo asin sa gabos na tauo, siring kan guiniguibo mi man sa saindo;

1Th 3:13 Tagñaning parigonon nia an sain­dong magña puso na daing kasaguean sa kabanalan sa atubang nin satong Dios asin Ama, manogñod sa pagdatong kan satong Kagurangnan na si Jesus kaiba an gabos niang banal.



1Th 4:1 Sa katapusan, magña tugang, kami nakikimaherak asin nagsasadol sa­indo dian sa Kagurangnan na si Jesus, na, siring na inako nindo samo, kun paano na kamo maninigong maglakao asin magpaogma sa Dios, siring kan saindong paglakao,—na kamo magsopay nin orog.

1Th 4:2 Huli ta kamo nakakaaram kun ano an katongdan na itinao mi sa saindo huli ki Jesus na Kagurangnan.

1Th 4:3 Huli ta iyo ini an boot nin Dios, an saindong kabanalan, na kamo maglikay sa pagsambay;

1Th 4:4 Na an lambang saro sa saindo maka-nood na magpogol sa saiya man sana kan saiyang sadiring hawak sa kabanalan asin sa kagalagñan,

1Th 4:5 Bakong sa horot nin karigsokan, siring kan magña Gentil na dai naka-kamidbid sa Dios;

1Th 4:6 Na dai nin siisay man na maglapas, asin magguibo nin maraot sa saiyang tugang sa bagay na ini: huli ta an Kagu-tangnan iyo an parasigñil kan gabos na ini, siring sa ipinatanid mi na asin pina-totoonan saindo.

1Th 4:7 Huli ta kita inapod nin Dios bakong manogñod sa karompotan kundi sa kabanalan.

1Th 4:8 Kaya an nagsisikual, nagsisikual ba­kong sa tauo, kundi sa Dios, na nagtatao sa saindo kan saiyang Espiritu Santo.

1Th 4:9 Alagad dapit sa pagkamoot sa magña tugang dai na kamo nagñagñaipo na suratan pa: huli ta kamo man sana tinotokdoan nin Dios na magkamino-rootmootan;

1Th 4:10 Huli ta sa katotoohan guiniguibo nindo iyan sa gabos na tugang na nasa bilog na Macedonia. Alagad sinasadol mi kamo, magña tugang, na kamo magso-pay nin orog;

1Th 4:11 Asin na kamo magadal na dai mag-guirong, asin na magguibo kan saindong sadiring paghanap-buhay, patin na ipag-guibo nindo an saindong sadiring magña kamot, siring sa ipinagboot mi na sa­indo;

1Th 4:12 Tagñaning kamo maglakao nin maninigo sa atubang kan magña nasa luas, asin na dai magkulang sa anoman.

1Th 4:13 Alagad habo mi, magña tugang, na dai kamo makaaram dapit kan magña nagkakaratorog; tagñaning dai kamo magmondo, siring kan magña iba na dai nin paglaom.

1Th 4:14 Huli ta kun kita minatubod na si Jesus nagadan asin nabuhay liwat, siring man dadarahon nin Dios sa kaibahan nia an magña nagkakaratorog dian ki Jesus.

1Th 4:15 Huli ta ini isinasabi mi saindo huli kan tataramon nin Kagurangnan, na kita na nabubuhay, na nawawalat sagkod sa pagdatong nin Kagurangnan, dai sa ano­man na paagui magñegñenot sa magña nagkakaratorog.

1Th 4:16 Huli ta an Kagurangnan man sana mahilig hale sa lagñit, kaiba an kinura-hao, kaiba an tigñog kan arcangel, asin kaiba an trompeta nin Dios: asin an magña gadan dian ki Cristo maburuhat naenot:

1Th 4:17 Dagñan kita na magña nabubuhay, na nawawalat, sa kaibahan ninda aaga-won sa magña pagñanoron, sa pagsabat kan Kagurangnan dian sa doros: asin dagñan magdadanay kita sa kaibahan nin Kagurangnan.

1Th 4:18 Kaya magparagñaragña kamo huli kan magña tataramon na ini.



1Th 5:1 Alagad dapit kan magña panahon asin kan magña kabtang nin pana­hon, magña tugang, dai na kaipuhan na kamo suratan pa nin anoman.

1Th 5:2 Huli ta kamo man sana nakakaaram nin marahay, na an aldao nin Kaguran­gnan madatong siring sa mahabon kun bangui.

1Th 5:3 Kun sinda nagsasarabi, Katonino-gñan asin daing pagalaman, dagñan sa padale madatong sa sainda an pagka-tunao, siring kan kolog sa babaeng nasa pagñaki; asin dai sinda sa anoman na paagui makakadulag.

1Th 5:4 Alagad kamo, magña tugang, dai nesa kadikloman, na an aldao na iyan omabot sa saindo siring sa mahabon;

1Th 5:5 Huli ta kamo gabos anan magña aki nin liwanag, asin magña aki nin aldao: bako kitang sa bangui, ni sa kadikloman;

1Th 5:6 Kaya, dai kita magkatorog, siring kan guiniguibo kan iba, kundi magpuka kita asin magpakamayokod.

1Th 5:7 Huli ta an magña natotorog, natoto-rog sa bangui; asin an magña nagbubu-rat, nagbuburat sa bangui.

1Th 5:8 Alagad huling kita magña sa aldao, magpakamayokod kita, na isolog an takop sa daghan nin pagtubod asin nin pagkamoot; asin an paglaom nin kalig-tasan na takop sa payo.

1Th 5:9 Huli ta itinalaga kita nin Dios bakong sa kaangotan, kundi sa pagkamit kan kaligtasan huli sa satong Kaguran­gnan na si Jesu-Cristo,

1Th 5:10 Na nagadan dahel sato, tagñaning minsan kita mata ó torog, mabuhay kita sa kaibahan nia.

1Th 5:11 Kaya magparagñaragña kamo, asin magparororigon kamo, siring sa sain­dong guiniguibo.

1Th 5:12 Alagad kami nakikimaherak sain­do, magña tugang, na midbidon nindo an magña nagpapagal dian sa saindo, asin magña namamayo sa saindo dian sa Kagurangnan, asin naghahatol sa­indo;

1Th 5:13 Asin galagñan nindo sinda nin makuri sa pagkamoot dahel kan sain-dang guibo. Magkaigua logod kamo nin katoninogñan.

1Th 5:14 Asin kami nagsasadol saindo, ma­gña tugang, na hatolan nindo an magña pararibok, pakosogon an magña maluya an boot, andorogon an magña maluya, maguin magña matioson sa gabos.

1Th 5:15 Hiligñon nindo na dai nin siisay man na bumalos nin maraot sa maraot: kundi na sonodon sa guiraray an mara-hay, an saro sa saro, asin sa gabos.

1Th 5:16 Magogma kamo sa guiraray;

1Th 5:17 Mamibi nin daing yotong;

1Th 5:18 Magpasalamat sa gabos na bagay: huli ta iyo ini an boot nin Dios mano­gñod saindo dian ki Cristo Jesus.

1Th 5:19 Dai nindo pagsigbohon an Espiritu;

1Th 5:20 Dai pagbasangbasagñon an magña paghuhula;

1Th 5:21 Baloon an gabos na bagay; rimpo-son an marahay;

1Th 5:22 Likayan an gabos na anio nin karatan.

1Th 5:23 Asin an Dios man sana nin kato­ninogñan mapakangbanal saindo nin lubos; asin an saindong espiritu asin kalag patin hawak maigñatan logod na bilog na dai nin kanawayan sa pagda-tong kan satong Kagurangnan na si Jesu-Cristo.

1Th 5:24 Maimbod an nagaapod saindo, na sia man an maguibo kaiyan.

1Th 5:25 Magña tugang, mamibi kamo ma­nogñod samo.

1Th 5:26 Tawan nindo nin galang an gabos na tugang sa hadok na banal.

1Th 5:27 Pinagbobotan ko kamo huli sa Kagurangnan na an surat na ini basahon sa gabos na tugang.

1Th 5:28 An biyaya nin satong Kagurangnan na si Jesu-Cristo mapa saindo.



AMAZING GRACE BIBLE INSTITUTE