I Pedro


1Pe 1:1 Si Pedro, na apostol ni Jesu-Cristo, sa magña pinili sa Pagkawarak na nageerok sa Ponto, sa Galacia, sa Capa-docia, sa Asia, asin sa Bitinia,

1Pe 1:2 Sono sa dating pakaaram nin Dios na Ama, sa pagpakangbanal kan Espiri-tu, manogñod sa pagkuyog asin pagwirik kan dugo ni Jesu-Cristo: An biyaya asin an katoninogñan magdakol logod dian sa saindo.

1Pe 1:3 Pagomawon an Dios asin Ama nin satong Kagurangnan na si Jesu-Cristo, na sono sa saiyang dakulang pagkaherak ipinagñaki nia kita liwat manogñod sa buhay na paglaom huli kan pagkabuhay liwat ni Jesu-Cristo sa magña gadan,

1Pe 1:4 Manogñod sa sarong pamana na dai matutunao, asin daing digta, asin dai nagpapara, na natatagama sa lagñit ma­nogñod saindo,

1Pe 1:5 Na huli kan kapangyarihan nin Dios iniigñatan huli sa pagtubod ma­nogñod sa kaligtasan na naaandam na ipahayag sa huring panahon.

1Pe 1:6 Na dian kamo nagoogma nin kani-goan minsan gñunian sa kadikit na panahon, kun kaipuhan, kamo pinamondo sa dakol na pagbalo.

1Pe 1:7 Tagñaning an tanda kan saindong pagtubod, na orog pa kahalaga ki sa bulawan na nararaot minsan iyan binalo sa kalayo, makua manogñod sa kaoma-wan, asin sa kamurawayan patin sa kaga-lagñan, sa pagtugña ni Jesu-Cristo:

1Pe 1:8 Na sia namomotan nindo minsan dai nahihiling; na sa pagtubod sa saiya, minsan gñunian dai nindo sia nahihiling, kamo nagoogma nin kanigoan kan kaog-mahan na dai masabi asin pano nin kamurawayan:

1Pe 1:9 Na nagaako kan katuyohan nin saindong pagtubod, na iyo an kaligtasan nin saindong magña kalag.

1Pe 1:10 Na dapit kan kaligtasan na iyan, an magña profeta na naghula dapit kan biyaya na madatong sa saindo, nagha-nap asin nagsiasat nin maigot:

1Pe 1:11 Na nagsisiasat kun noarin ó kun anong panahon an itinotokdo kan Espi-ritu ni Cristo na nasa sainda, kan iyan magpatotoo kaidto pa dapit kan magña kasakitan ni Cristo, asin kan magña kamurawayan na masonod kaiyan.

1Pe 1:12 Sa sainda iyan ipinahayag, na bakong manogñod sa sainda man sana, kundi manogñod saindo, pinaglingkodan ninda an magña bagay na ini, na gñunian ipinagbalagñibog na saindo huli kan magña naghulit saindo kan evangelio huli kan Espiritu Santo na ipinadara hale sa lagñit; magña bagay na pinagma-wot kan magña angel na mahiling.

1Pe 1:13 Kaya pakahagkosi nindo kan haba-yan nin saindong pagisip, magpakama-yokod kamo asin ibugtak nindo nin marahay an saindong paglaom sa biyaya na dadarahon sa saindo sa pagtugña ni Jesu-Cristo;

1Pe 1:14 Siring sa magña aking makinuyog, na dai kamo magsonod kan saindong magña enot na horot kan kamo nasa kamangmagñan pa:

1Pe 1:15 Kundi siring saiya na nagapod sain­do na banal, kamo man maguin banal sa gabos nindong pamumuhay;

1Pe 1:16 Huli ta nasusurat, Magpakabanal kamo; huli ta ako banal.

1Pe 1:17 Asin kun kamo nagaapod saiya na Ama, sia na dai nagpapalaenlaen nin tauo naghohokom siring sa guibo nin lambang saro, gamiton nindo sa takot an panahon nin saindong pakierok:

1Pe 1:18 Sa pakaaram na kamo tinubos sa saindong hamak na pamumuhay na inako nindo sa saindong magña kaganak, bako kan magña bagay na matutuna-won, kan pirak ó bulawan;

1Pe 1:19 Kundi kan dugong mahalaga ni Cristo, siring sa sarong cordero na dai nin kaninan asin dai nin digta:

1Pe 1:20 Na sia midbid na kaidto pa bago lalagñon an kinaban, alagad ipinahayag sa magña huring panahon dahel saindo,

1Pe 1:21 Na huli saiya kamo nagtutubod sa Dios, na nagbuhay liwat saiya sa magña gadan, asin nagtao sa saiya nin kamura­wayan; tagñaning an saindong pagtubod asin paglaom masa Dios.

1Pe 1:22 Huling lininigan na nindo an sain­dong magña kalag dian sa saindong pag-kuyog sa katotoohan manogñod sa daing pagmalemale na pagkamoot sa magña tugang, magkaminorootmootan kamo nin odok sa puso:

1Pe 1:23 Huling kamo ipinagñaki liwat, bakong sa banhi na matutunawon, kun­di sa dai matutunao, huli kan tataramon nin Dios, na nabubuhay asin nagdada-nay.

1Pe 1:24 Huli ta, An gabos na laman anan siring sa doot, Asin an bilog na kamurawayan kaiyan siring kan burak nin doot, An doot naaalang, asin an burak naririkdag:

1Pe 1:25 Alagad an tataramon nin Kagu-rangnan nagdadanay sagkod lamang. Asin ini iyo an tataramon nin marahay na bareta na ipinaghulit saindo.



1Pe 2:1 Kaya pakahalea kan gabos na kara-tan, asin gabos na daya, asin magña pagsaguinsaguin, asin magña kaurihan, patin gabos na pagpakaraot,

1Pe 2:2 Siring sa magña bagong mamundag na omboy, magmawot kamo kan anas na gatas na espiritual, tagñaning huli kaiyan kamo magtalobo sa kaligtasan;

1Pe 2:3 Kun nanamitan na nindo na an Kagurangnan maboot;

1Pe 2:4 Na sa pagdolok nindo saiya, na buhay na gapo na isinikual nangad nin magña tauo, alagad sa Dios pinili, maha-laga,

1Pe 2:5 Kamo man, siring sa magña buhay na gapo, napapatindog na siring sa sarong harong na espiritual, tagñaning maguin banal na pagkasacerdote, na magdolot nin magña atang na espiritual na maaako nin Dios huli ki Jesu-Cristo.

1Pe 2:6 Huli ta nalalagda sa kasuratan, Uya, ako mabugtak sa Sion kan orog na gapo nin angulo, pinili, mahalaga: Asin an minatubod saiya dai masosopog.

1Pe 2:7 Kaya an kamahalan manogñod saindo na nagtutubod: alagad manogñod sa magña dai nagtu­tubod, An gapo na isinikual kan magña paratogdok, Iyo an guinibong pamayohan nin angulo;

1Pe 2:8 Asin, Sarong gapong singkogan, asin ga-pong dasmagan; huli ta sinda nagkakasi-ringkog sa tataramon, palibhasa magña masumbikal: na dian man sinda itina-laga.

1Pe 2:9 Alagad kamo an kapagarakian na pinili, sa hadeng pagkasacerdote, banal na nacion, banuaan na sadiri nin Dios, tagñaning ikapahayag nindo an magña kalangkawan kaidtong nagapod saindo hale sa kadikloman pasiring sa maka-gñagñalas niang ilao:

1Pe 2:10 Na kaidto kamo bakong banuaan, alagad gñunian banuaan na nin Dios: na kaidto dai nagkamit nin pagkaherak, alagad gñunian nagkamit nin pagkahe­rak.

1Pe 2:11 Magña namomotan, ako nakikima-herak saindo na magña parapakierok asin parabaklay, na kamo maglikay sa magña horot nin laman na minalaban tumang sa kalag,

1Pe 2:12 Na an saindong pamumuhay ma­guin maninigo dian sa magña Gentil; tagñaning, dian sa bagay na pinagsasa-bihan ninda saindo na kamo magña paraguibo nin maraot, sinda, huli kan saindong magña marahay na guibo na saindang nahihiling magpamuraway sa Dios sa aldao nin pagsongko.

1Pe 2:13 Magpasakop kamo sa gabos na pag­boot nin tauo dahel sa Kagurangnan; minsan sa hade, siring sa orog kahalang-kao;

1Pe 2:14 Ó sa magña gobernador, siring sa magña sinogo nia sa pagbalos kan magña paraguibo nin maraot, asin sa pagomao kan magña nagguiguibo nin marahay.

1Pe 2:15 Huli ta siring an boot nin Dios, na sa pagguibo nin marahay, mapaontok nindo an kamangmagñan nin magña rugñao na tauo:

1Pe 2:16 Siring sa magña libre, asin dai nag-gagamit kan saindong libertad na mani tahob nin karatan, kundi siring sa magña oripon nin Dios.

1Pe 2:17 Gumalang kamo sa gabos na tauo. Mamoot kamo sa pagturugang. Matakot kamo sa Dios. Gumalang kamo sa hade.

1Pe 2:18 Magña oripon, magpasakop kamo sa bilog na katakotan sa saindong magña kagurangnan; bako sanang sa magña marahay asin maboot, kundi man sa magña makuri.

1Pe 2:19 Huli ta iyo ini an maogma, kun dahel sa paghonahona sa Dios an tauo nagtatagal nin magña kamondoan na nagtitios nin kasalaan.

1Pe 2:20 Huli ta anong kaomawan, kun kamo nagkakasala, asin tinataplong manogñod kaiyan, kun tinitios nindo iyan? alagad kun kamo nagguiguibo nin marahay, asin nagtitios manogñod kai­yan, kun tinatagal nindo iyan, iyo iyan an nakakaogma sa Dios.

1Pe 2:21 Huli ta manogñod kaiyan kamo inapod: huli ta si Cristo man nagtios manogñod saindo, na winalatan kamo nin padara, tagñaning sonodon nindo an saiyang magña lakad:

1Pe 2:22 Na sia dai nagkasala, minsan daya dai nakua sa saiyang gñoso:

1Pe 2:23 Na sia, kan pagologologon, dai nag-balos na magologolog; kan sia magtios, dai nagpatakot; kundi dominolot kan saiyang buhay sa naghohokom nin matanos:

1Pe 2:24 Na sia man sana nagdara kan satong magña kasalan sa saiyang hawak dian sa kahoy, tagñaning kita, na naga-dan manogñod sa magña kasalan, mabu-hay manogñod sa katanosan; na huli kan saiyang magña labod kamo nagkaoroma-yan.

1Pe 2:25 Huli ta kamo siring sa magña kar-nero na naglalakao kaidto sa pagkalaga-lag; alagad gñunian nakapuli na sa Pastor asin Obispo nin saindong magña kalag.



1Pe 3:1 Siring man, kamo na magña agom na babae, magpasakop sa saindong magña agom na lalaki; tagñaning, min-san kun may dai minatubod sa tatara-mon, sinda madara na dai kan tatara-mon huli kan pamumuhay nin sain dang magña agom na babae;

1Pe 3:2 Sa paghiling kan saindong mabining pamumuhay na may pagkatakot.

1Pe 3:3 Na an saindong samno dai maguin samno sa luas nin sinalapid na bohok, asin nin paggamit nin magña bahandeng bulawan, ó pagsolog nin magña maga-yon na gubing;

1Pe 3:4 Kundi maguin an pagkatauo na nasa puso, sa dai matutunao na gubing nin mahoyo asin maboot na espiritu, na iyan dakula an halaga sa atubang nin Dios.

1Pe 3:5 Huli ta kaidto sa siring na paagui nagsamno sa sainda man sana an magña banal na babae, na naglaom sa Dios, na nagpasakop sa saindang magña agom na lalaki:

1Pe 3:6 Siring ki Sara na nagkuyog ki Abraham, asin nagaapod saiyang kagu-rangnan: na gñunian kamo na an saiyang magña aki, kun kamo nagguiguibo nin marahay, asin dai napapatakot kan ano-man na kahandalan.

1Pe 3:7 Kamo na magña agom na lalaki, siring man sumaro kamo sa saindong magña agom na babae sono sa pakasa-bot, na galagñan an babae, siring sa lalagan na mapapasaon, huling sia man kapua-paramana kan biyaya nin buhay; tagñaning an saindong magña pamibi dai maolang.

1Pe 3:8 Sa katapusan, magkaigua logod kamo gabos nin saro sanang pagisip, magña maheherakon, mamomoton si­ring sa magturugang, malomoy an puso, mapakumbaba:

1Pe 3:9 Na dai nagbabalos nin maraot sa maraot, ó nagmumuda sa nagmumuda, kundi an katumang kaiyan, nagoomao; huli ta manogñod kaiyan kamo inapod, tagñaning kamo magmana nin kaoma-wan.

1Pe 3:10 Hulita, An boot mamoot sa buhay, Asin makahiling nin magña marahay na aldao, Pogolan nia an saiyang dila sa karatan, Asin an saiyang magña gñabil na dai magtaram nin daya:

1Pe 3:11 Asin bumaya sia sa maraot, asin gumibo nin marahay; Hanapon nia an katoninogñan, asin sonodon iyan.

1Pe 3:12 Huli ta an magña mata nin Kagu-rangñan nasa magña matanos, Asin an saiyang magña taligña nasa saindang paggñayogñayo: Alagad an lalaugon nin Kagu-rangnan tumang sa magña nag­guiguibo nin maraot.

1Pe 3:13 Asin siisay an makakaano saindo, kun kamo maguin maigot kan mano­gñod sa karahayan?

1Pe 3:14 Alagad minsan kun kamo magtios dahel sa katanosan, paladan kamo: asin dai kamo matakot kan saindang pata-kot, ni mahadit;

1Pe 3:15 Alagad pakangbanala nindo sa sain­dong magña puso si Cristo siring sa Kagurangnan: na andam sa gabos na panahon sa pagsimbag sa gabos na nag-hahapot saindo nin katanosan dapit kan paglaom na nasa saindo, alagad sa kaho-yoan asin sa katakotan:

1Pe 3:16 Na igua nin marahay na paghona-hona: tagñaning dian sa pinagmumu-dahan ninda saindo, magkasoropog an magña nagmumuda kan saindong mara­hay na pamumuhay dian ki Cristo.

1Pe 3:17 Huli ta marahay pa na magtios kamo manogñod sa pagguibo nin mara­hay,. ki sa pagguibo nin maraot, kun booton kan boot nin Dios.

1Pe 3:18 Huli ta si Cristo man nagtios nin. makasaro manogñod sa magña kasalan, an matanos manogñod sa magña bakong matanos, tagñaning madara nia kita sa Dios; huling sia guinadan sa laman, ala-gad binuhay sa espiritu;

1Pe 3:19 Na dian man sia napaduman asin naghulit sa magña espiritu na nasa bilan-goan,

1Pe 3:20 Na kaidto magña masumbikal, kan an pakatios nin Dios naghalat kan magña aldao ni Noe, mantang pinagaan-dam pa an dahong, na dian an kadikit, na iyo an walo katauo, naligtas huli kan tubig:

1Pe 3:21 Na iyan man gñunian nagliligtas saindo sa tunay na kaaguid, na iyo an buniag, bakong an paghale kan ramog nin laman, kundi an pagsiasat nin sarong marahay na paghonahona sa Dios, huli kan pagkabuhay liwat ni Jesu-Cristo;

1Pe 3:22 Na nasa too nin Dios, huling napa-lagñit na; na ipinasakop na saiya an magña angel, asin magña kapangyarihan, patin magña kabagsikan.



1Pe 4:1 Kaya, huling si Cristo nagtios sa laman, magandam kamo nin saro sanang pagisip; huli ta an nagtios na sa laman, ominontok na sa pagkasala;

1Pe 4:2 Tagñaning an panahon na natatada nindo sa laman dai na nindo ipamuhay sa magña horot nin magña tauo, kundi sa boot nin Dios.

1Pe 4:3 Huli ta igo na an panahon na naka-agui na sa pagguibo kan mawot nin magña Gentil, asin sa paglakao sa karompotan, sa magña horot, sa magña pagbuburat, sa magña pagpaoyon, sa magña pagpagutid, asin magña makaba-balding pagsamba sa ladawan:

1Pe 4:4 Na dian kaiyan sinda napapagñalas na kamo dai nadalagan sa kaibahan nin-da dian sa siring na kalabihan nin kasigñawan, na nagtataram nin maraot dapit saindo:

1Pe 4:5 Na sinda matao nin kahusayan sa saiya na naaandam sa paghokom sa magña buhay asin sa magña gadan.

1Pe 4:6 Ta huli kaini an evangelio ipinag-hulit minsan sa magña gadan, tagñaning sinda mahokoman nangad sono sa magña tauo na nasa laman, alagad mabu-hay sa espiritu sono sa Dios.

1Pe 4:7 Alagad an katapusan nin gabos na bagay harani na: kaya magpakarahay kamo sa pagisip, asin magpakamayokod sa pamibi:

1Pe 4:8 Na sa ibabao kan gabos na bagay magkaigua kamo dian sa saindo nin nag-lalaad na pagkamoot; huli ta an pagka-moot nakakatahob nin kadaklan na kasalan:

1Pe 4:9 Na magpasarakatsakatan kamo na dai nin paggomodgomod:

1Pe 4:10 Siring sa pagako kan lambang saro nin balaog, magparorolingkod kamo kaiyan, siring sa magña marahay na pinaniwaiaan kan dakol na biyaya nin Dios;

1Pe 4:11 Na kun an siisay man nagtataram, magtaram sia siring baga sa magña tata-ramon nin Dios; kun an siisay man nag-lilingkod, maglingkod sia siring sa kako-sogan na hale sa Dios: tagñaning sa gabos na bagay an Dios mapamuraway huli ki Jesu-Cristo, na saiya an kamura-wayan asin an pagsakop sagkod lamang. Auot pa.

1Pe 4:12 Magña namomotan, dai kamo mapagñalas dapit kan naglalaad na pag-balo dian sa saindo, na minadatong sa saindo sa pagbalo saindo, na siring baga sa may makagñagñalas na bagay na nangyari saindo:

1Pe 4:13 Alagad huling kamo kadamay sa magña kasakitan ni Cristo, magogma kamo; tagñaning sa pagpahayag kan sai-yang kamurawayan man, kamo magog­ma sa labilabing kaogmahan.

1Pe 4:14 Kun kamo pinagoologolog huli kan gñaran ni Cristo, paladan kamo; huli ta an Espiritu nin kamurawayan asin an Espiritu nin Dios nagoontok dian sa saindo.

1Pe 4:15 Kaya dai nin siisay man sa saindo na magtios siring sa nakagadan. ó mahabon, ó paraguibo nin maraot, ó parapakilabot sa magña bagay nin iba:

1Pe 4:16 Alagad kun an tauo magtios siring sa Cristiano, dai sia masopog, kundi magpamuraway sia sa Dios sa gñaran na ini.

1Pe 4:17 Huli ta an panahon nagdatong na na an paghokom magpoon sa harong nin Dios: asin kun iyan magpoon sa sato gñona, ano an masasagkodan kan magña dai nagkukuyog sa evangelio nin Dios?

1Pe 4:18 Asin kun an matanos masakit gña-ning makaligtas, saen matugña an magña dai nin pagtubod asin an magña paraka-sala?

1Pe 4:19 Kaya an magña nagtitios man sono sa boot nin Dios, dumolot kan saindang magña kalag sa maimbod na Kaglalang, huli sa magña guibong marahay.



1Pe 5:1 Kaya ako nagsasadol sa magña magurang dian sa saindo, akong kapua-magurang nindo, asin saksi kan magña kasakitan ni Cristo, asin man ka-ambit kan kamurawayan na ipapahayag:

1Pe 5:2 Atamana nindo an aripompon nin Dios na yaon saindo, na mangnohon nindo, bakong huli sa kapiritan kundi sa sadiring boot; sono sa boot nin Dios; ni minsan huli sa maating pirak, kundi sa andam na pagisip;

1Pe 5:3 Ni siring sa naghahade sa katongdan na ipinanogñod saindo, kundi guibohon nindo na kamo maguin padara sa ari­pompon.

1Pe 5:4 Asin kun an poon na Pastor maha-yag na, kamo maako kan corona nin kamurawayan na dai mapapara.

1Pe 5:5 Siring man, kamong magña aki pa, magpasakop sa magña magurang. Iyo, kamo gabos maghagkos nin kapakum-babaan na magparorolingkod: huli ta tinutumang nin Dios an magña maab-hao, asin tinatawan nin biyaya an magña mapakumbaba.

1Pe 5:6 Kaya magpakumbaba kamo sa ira-rom kan mapangyaring kamot nin Dios, tagñaning palangkawon kamo nia sa kapanahonan;

1Pe 5:7 Na ibugtak nindo sa saiya an gabos nindong kahaditan, huli ta sia may pag-makolog saindo.

1Pe 5:8 Magpakamayokod kamo, magpuka kamo: an saindong kaiwal na diablo, siring sa naggñagñarob na leon, naglili-bot na naghahanap nin masisiba:

1Pe 5:9 Na sia tumagñon nindo nin danay sa saindong pagtubod, sa pakaaram na an siring man sanang magña kasakitan nangyayari sa saindong magña tugang na nasa kinaban.

1Pe 5:10 Asin an Dios nin bilog na biyaya, na nagapod saindo sa saiyang dai nin katapusan na kamurawayan dian ki Cristo, kun kamo makapagtios na nin kadikit na panahon, sia man sana masangkap saindo, maparigon asin mapakosog,

1Pe 5:11 Mapa saiya an pagsakop sagkod lamang. Auot pa.

1Pe 5:12 Huli ki Silvano, na satong maim-bod na tugang, siring sa paghonahona ko saiya, ako nagsurat sa saindo nin hali-pot, na nagsasadol, asin nagpapatotoo na ini iyo an tunay na biyaya nin Dios: magdanay kamo dian.

1Pe 5:13 Minataong galang sa saindo an nasa Babilonia, na kapua nindo pinili; siring man si Marcos na sakong aki.

1Pe 5:14 Magpagaralanggalang kamo sa ha-dok nin pagkamoot. An katoninogñan mapa saindo gabos na nasa ki Cristo.



AMAZING GRACE BIBLE INSTITUTE