BIKOL 1 JOHN


1Jn 1:1 Idtong iyo na magpoon sa kapi-nonan, idtong samong nadagñog, idtong samong nahiling kan samong magña mata, idtong samong natoro-hokan, asin nakaptan kan samong magña kamot, dapit kan Tataramon nin buhay;

1Jn 1:2 (Asin an buhay nahayag, asin nahi­ling mi, asin pinatotoohan, patin ipinag-babalagñibog mi saindo an buhay, an buhay na dai nin katapusan, na dating nasa Ama, asin ipinahayag samo):

1Jn 1:3 Idtong samong nahiling asin nada-gñog, ipinagbabalagñibog mi saindo man, tagñaning kamo man magkaigua nin pakisumaro sa samo: oho, asin an samong pakisumaro nasa Ama, asin nasa saiyang Aki na si Jesu-Cristo:

1Jn 1:4 Asin an magña bagay na ini isinusu-rat mi, tagñaning an samong kaogmahan masangkap.

1Jn 1:5 Asin ini iyo an bareta na nadagñog mi saiya, asin ibinabareta mi saindo, Na an Dios iyo an liwanag asin dian sa saiya dai nin anoman na kadikloman.

1Jn 1:6 Kun kita nagsasabi na igua kita nin pakisumaro sa saiya, asin naglalakao sa kadikloman, kita nagpuputik, asin dai nagguiguibo kan katotoohan:

1Jn 1:7 Alagad kun kita naglalakao sa kali­wanagan, siring na sia nasa kaliwanagan, kita igua nin pakisumaro an saro sa iba, asin an dugo ni Jesus na saiyang Aki naglilinig sato sa gabos na kasalan.

1Jn 1:8 Kun kita nagsasabi na kita dai nin kasalan, kita nagdadaya sa sato man sana, asin an katotoohan dai nasa sato.

1Jn 1:9 Kun kita magboyboy kan satong magña kasalan, sia maimbod asin mata-nos sa pagpatawad sato kan satong magña kasalan, asin sa paglinig sato sa gabos na kabikoan.

1Jn 1:10 Kun kita nagsasabi na kita dai nag-kasala, guiniguibo ta siang putikon, asin an saiyang tataramon dai nasa sato.



1Jn 2:1 Saradit kong magña aki, an magña bagay na ini isinusurat ko sa saindo tagñaning dai kamo magkasala; asin kun an siisay man magkasala, kita igua nin sarong parasorog dapit sa Ama, si Jesu-Cristong matanos:

1Jn 2:2 Asin sia iyo an kabayadan mano-gñod kan satong magña kasalan; asin bako sanang manogñod kan sato, kundi kan sa bilog na kinaban.

1Jn 2:3 Asin huli kaini kita nakakaaram na kita tatao saiya, kun kita nagootob kan saiyang magña togon.

1Jn 2:4 An nagsasabi, Ako tatao saiya, asin dai nagootob kan saiyang magña togon, an siring putikon, asin an katotoohan dai nasa saiya;

1Jn 2:5 Alagad an siisay man na nagootob kan saiyang tataramon, sa katotoohan an pagkamoot nin Dios nasangkap na sa saiya. Huli kaini kita nakakaaram na kita nasa saiya:

1Jn 2:6 An nagsasabi na sia nagdadanay sa saiya maninigo man na maglakao siring sa paglakao nia.

1Jn 2:7 Magña namomotan, dai ako nagsu-surat sa saindo nin bagong togon, kundi sarong daan na togon na kinamtan nin-do magpoon sa kapinonan: an daan na togon iyo an tataramon na nadagñog nindo.

1Jn 2:8 Sa liwat ako nagsusurat sa saindo nin sarong bagong togon, na iyan totoo sa saiya asin dian sa saindo; huli ta an kadikloman makakalihis na, asin an tunay na ilao nagliliwanag na.

1Jn 2:9 An nagsasabi na sia nasa kaliwana-gan, asin naoogñis sa saiyang tugang, an siring nasa kadikloman pa guiraray.

1Jn 2:10 An namomoot sa saiyang tugang nagdadanay sa kaliwanagan, asin ma-yong dahelan na sia masingkog.

1Jn 2:11 Alagad an naoogñis sa saiyang tugang nasa kadikloman, asin naglalakao sa kadikloman, asin dai nakakaaram kun saen sia paduduman, huli ta an kadik­loman bominuta kan saiyang magña mata.

1Jn 2:12 Ako nagsusurat sa saindo, magña saradit kong aki, huli ta an saindong magña kasalan ipinatawad na saindo dahel sa gñaran nia.

1Jn 2:13 Ako nagsusurat sa saindo, magña ama, huli ta kamo nakakamidbid kaid-tong magpoon pa sa kapinonan. Ako nagsusurat sa saindo, magña barobata, huli ta kamo nakadaog ki Maraot. Ako nagsurat sa saindo, magña saradit na aki, huli ta kamo nakakamidbid sa Ama.

1Jn 2:14 Ako nagsurat sa saindo, magña ama, huli ta kamo nakakamidbid kaid-tong magpoon pa sa kapinonan. Ako nagsurat sa saindo, magña barobata, huli ta kamo magña makosog, asin an tata­ramon nin Dios nagdadanay dian saindo, asin kamo nakadaog ki Maraot.

1Jn 2:15 Dai kamo mamoot sa kinaban, ni sa magña bagay na nasa kinaban. Kun an siisay man namomoot sa kinaban, an pagkamoot nin Ama dai dian saiya.

1Jn 2:16 Huli ta an gabos na nasa kinaban, an horot nin laman asin an horot nin magña mata patin an kapaabaoabawan nin buhay, bakong sa Ama, kundi sa kinaban.

1Jn 2:17 Asin an kinaban naagui sana asin an saiyang magña horot: alagad an nag-guiguibo kan boot nin Dios nagdadanay sagkod lamang.

1Jn 2:18 Magña saradit na aki, iyo na ini an huring oras, asin siring sa nadagñog nin­do na an Anticristo madatong, gñunian igua nang dakol na nagpanindog na Anticristo; na huli kaiyan kami nakaka­aram na ini iyo na an huring oras.

1Jn 2:19 Sinda nagharale sa sato, alagad sin-da bakong sa sato; huli ta kun sinda sa sato, sinda nagdaranay kutana sa kaiba-han ta; alagad sinda nagharale, tagñaning sinda mahayag na sinda gabos bakong sa sato.

1Jn 2:20 Asin kamo igua nin lahid na hale sa Banal, asin kamo tatao kan gabos na bagay.

1Jn 2:21 Ako nagsurat sa saindo bakong huli ta kamo dai tatao kan katotoohan, kundi huli ta kamo tatao kaiyan, asin huli ta an kaputikan bakong sa kato-toohan.

1Jn 2:22 Siisay an putikon kundi an nagpa-painda na si Jesus iyo an Cristo? Ini iyo an Anticristo, an nagpapainda sa Ama asin sa Aki.

1Jn 2:23 An siisay man na nagpapainda sa Aki, an siring dai kan Ama: an nagmi-midbid sa Aki igua man kan Ama.

1Jn 2:24 Dapit saindo, papagdanayon nindo idtong nadagñog nindo magpoon sa kapinonan. Kun idtong nadagñog nindo magpoon sa kapinonan magdanay sa saindo, kamo man magdadanay sa Aki, asin sa Ama.

1Jn 2:25 Asin ini iyo an panuga na ipinanu-ga nia sato, an buhay na dai nin katapu-san.

1Jn 2:26 Ako nagsurat sa saindo kan magña bagay na ini manogñod kan magña boot maglagalag saindo.

1Jn 2:27 Asin dapit saindo, an lahid na inako nindo saiya, nagdadanay sa sain­do, asin kamo dai nagñagñaipo na an siisay man magtokdo saindo; alagad siring na an saiyang lahid nagtotokdo saindo dapit kan gabos na bagay, asin totoo, patin bakong putik, asin siring sa itinokdo kaiyan saindo, kamo nagdada­nay sa saiya.

1Jn 2:28 Asin gñunian, magña saradit kong aki, magdanay kamo sa saiya; tagñaning, kun sia ipahayag, kita magkaigua nin kaisogan, asin dai masopog sa atubang nia sa saiyang pagdatong.

1Jn 2:29 Kun kamo nakakaaram na sia matanos, kamo nakakaaram man na an lambang nagguiguibo nin katanosan ipi-nagñaki nia.



1Jn 3:1 Hiligña nindo kun ano an pagka-moot na itinao sa sato nin Ama, na kita pagapodon magña aki nin Dios; asin kita iyo iyan. Huli kaini, kita dai nami-midbid kan kinaban, huli ta iyan dai nakamidbid saiya.

1Jn 3:2 Magña namomotan, gñunian kita magña aki na nin Dios, asin dai pa naha-hayag kun kita maguiguin ano. Kita nakakaaram, na kun sia ipahayag, kita maguiguin siring saiya; huli ta sia mahi-hiling ta siring sa katunayan nia.

1Jn 3:3 Asin an siisay man na igua kan pag-laom na ini dian sa saiya, naglilinig sa saiya man sana, siring na sia malinig.

1Jn 3:4 An siisay man na nagguiguibo nin kasalan, nagguiguibo man nin kalapasan; asin an kasalan kalapasan.

1Jn 3:5 Asin kamo nakakaaram na sia ipina-hayag sa paghale nin magña kasalan; asin sa saiya dai nin kasalan.

1Jn 3:6 An siisay man na nagdadanay sa saiya, dai nagkakasala: an siisay man na nagkakasala dai nakahiling saiya, ni nakakamidbid saiya.

1Jn 3:7 Magña saradit kong aki, dai kamo magpalagalag sa kiisay man: an naggui­guibo nin katanosan matanos, siring na sia matanos:

1Jn 3:8 An nagguiguibo nin kasalan, sa dia-blo; huli ta an diablo nagkakasala mag­poon pa sa kapinonan. Sa katuyohan na ini an Aki nin Dios ipinahayag tagña­ning laglagon nia an magña guibo nin diablo.

1Jn 3:9 An siisay man na ipinagñaki nin Dios dai nagguiguibo nin kasalan, huli ta an saiyang banhi nagdadanay sa saiya: asin dai sia makakapagkasala, huli ta sia ipinagñaki nin Dios.

1Jn 3:10 Digdi nahahayag an magña aki nin Dios asin an magña aki nin diablo: an siisay man na dai nagguiguibo nin kata­nosan bakong sa Dios, ni an dai namo-moot sa saiyang tugang.

1Jn 3:11 Huli ta ini iyo an bareta na nada­gñog nindo magpoon pa sa kapinonan, na kita magkaminorootmootan:

1Jn 3:12 Bakong siring ki Cain, na sadiri kan Maraot, asin gominadan kan saiyang tugang. Asin tadao ta guinadan nia sia? Huli ta an saiyang magña guibo anan maraot, asin an magña sa tugang nia anan matanos.

1Jn 3:13 Magña tugang, dai kamo maggñalas kun an kinaban naoogñis saindo.

1Jn 3:14 Kita nakakaaram na kita nakaagui na sa kagadanan pasiring sa buhay, huli ta kita namomoot sa magña tugang. An dai namomoot nagdadanay sa kagada­nan.

1Jn 3:15 An siisay man na naoogñis sa sai-yang tugang, paragadan; asin kamo nakakaaram na dai nin paragadan na igua nin buhay na dai nin katapusan na nagdadanay dian saiya.

1Jn 3:16 Digdi kaini kita nakakamidbid kan pagkamoot, huli ta ibinugtak nia an sai-yang buhay manogñod sato: asin mani-nigo na ibugtak ta an satong magña buhay manogñod sa magña tugang.

1Jn 3:17 Alagad an siisay man na igua kan kayamanan nin kinaban, asin nakakahi-ling kan saiyang tugang na nasa pagña-gñaipo, asin minapinto sa saiya kan sai­yang pagkaherak, paano an pagerok kan pagkamoot nin Dios dian saiya?

1Jn 3:18 Magña saradit kong aki, dai kita mamoot sa tataramon, ni sa dila; kundi sa guibo asin sa katotoohan.

1Jn 3:19 Digdi kaini kita makakaaram na kita nasa katotoohan, asin mapapasarig ta an satong puso sa atubang nia:

1Jn 3:20 Huli ta kun an satong puso mina-hokom sato, an Dios orog pa kadakula ki kan satong puso, asin nakakaaram kan gabos na bagay.

1Jn 3:21 Magña namomotan, kun an satong puso dai minahokom sato, igua kitang kaisogan dapit sa Dios;

1Jn 3:22 Asin an anoman na satong hina-hagad inaako ta sa saiya, huli ta kita nagootob kan saiyang magña togon asin nagguiguibo kan magña bagay na naka-kaoyon sa saiyang paghiling.

1Jn 3:23 Asin ini iyo an saiyang togon, na kita magtubod sa gñaran kan saiyang Aki na si Jesu-Cristo, asin na magkami-norootmootan, siring sa ipinagtogon nia sato.

1Jn 3:24 Asin an nagootob kan saiyang magña togon nagdadanay sa saiya, asin sia sa saiya. Asin digdi kaini kita naka­kaaram na sia nagdadanay sa sato, huli kan Espiritu na itinao nia sa sato.



1Jn 4:1 Magña namomotan, dai kamo mag­tubod sa gabos na espiritu, alagad baloon nindo an magña espiritu, kun baga sinda sa Dios; huli ta dakol an magña bakong tunay na profeta na nagruluas sa kinaban.

1Jn 4:2 Digdi kaini midbidon nindo an Espiritu nin Dios: an gabos na espiritu na nagpapahayag na si Jesu-Cristo napa-digdi sa laman iyo an sa Dios.

1Jn 4:3 Asin an lambang espiritu na dai nag­papahayag ki Jesus, bakong sa Dios: asin iyan iyo an espiritu kan Anticristo, na dapit kaiyan kamo nakadagñog na na iyan madatong; asin gñunian iyan nasa kinaban na.

1Jn 4:4 Magña saradit kong aki, kamo magña sa Dios, asin nakadaog na sainda: huli ta an nasa saindo orog kadakula ki kan nasa kinaban.

1Jn 4:5 Sinda magña sa kinaban: kaya sinda nagtataram siring kan sa kinaban asin an kinaban nagdadagñog sainda.

1Jn 4:6 Kita magña sa Dios: an nakakamid­bid sa Dios nagdadagñog sato; an bakong sa Dios dai nagdadagñog sato. Huli kaini namimidbid ta an espiritu nin katotoohan, asin an espiritu nin kasa­laan.

1Jn 4:7 Magña namomotan, magkamino-rootmootan kita: huli ta an pagkamoot sa Dios; asin an siisay man na namo-moot ipinagñaki nin Dios, asin nakaka­midbid sa Dios.

1Jn 4:8 An dai namomoot dai nakakamid­bid sa Dios; huli ta an Dios pagkamoot.

1Jn 4:9 Digdi kaini an pagkamoot nin Dios nahayag sa sato, na an Dios nagsogo sa kinaban kan saiyang Aking bogtong tagñaning kita mabuhay huli saiya.

1Jn 4:10 Digdi kaini an pagkamoot, bakong huli ta kita namoot sa Dios, kundi huli ta sia namoot sato, asin nagsogo kan saiyang Aki na maguin kabayadan kan satong magña kasalan.

1Jn 4:11 Magña namomotan, kun an Dios namoot sato nin siring, kita man mani-nigo na magkaminorootmootan.

1Jn 4:12 Dai pa nin siisay man na nakahi-ling sa Dios: kun kita nagkakaminoroot-mootan, an Dios nagdadanay sa sato, asin an saiyang pagkamoot nasasangkap sa sato:

1Jn 4:13 Digdi kaini kita nakakaaram na kita nagdadanay sa saiya asin sia sa sato, huli ta kita tinawan nia kan saiyang Espiritu.

1Jn 4:14 Asin kita nakahiling asin nagpapa-totoo na an Ama nagsogo kan Aki na maguin Paraligtas kan kinaban.

1Jn 4:15 An siisay man na magpahayag na si Jesus iyo an Aki nin Dios, an Dios nagdadanay dian saiya, asin sia sa Dios.

1Jn 4:16 Asin kita nakakaaram asin nagtu-bod kan pagkamoot nin Dios manogñod sato. An Dios pagkamoot; asin an nag­dadanay sa pagkamoot nagdadanay sa Dios, asin an Dios nagdadanay sa saiya.

1Jn 4:17 Digdi kaini an pagkamoot nasa-sangkap sa sato, tagñaning kita magka-igua nin kaisogan sa aldao nin pagho-kom; huli ta kun ano sia, siring man kita sa kinaban na ini.

1Jn 4:18 Dai nin takot dian sa pagkamoot: kundi an sangkap na pagkamoot mina-sikual kan takot, huli ta an takot may silot; asin an natatakot dai nasasangkap sa pagkamoot.

1Jn 4:19 Kita namomoot, huli ta sia namoot na gñona sato.

1Jn 4:20 Kun an tauo nagsasabi, Ako namo­moot sa Dios, asin naoogñis sa saiyang tugang, sia putikon: huli ta an dai namo­moot sa saiyang tugang na saiyang nahi-ling, dai makakahimo na mamoot sa Dios na dai nia nahiling.

1Jn 4:21 Asin kita igua kan togon na ini na hale sa saiya, na an namomoot sa Dios, mamoot man sa saiyang tugang.



1Jn 5:1 An siisay man na nagtutubod na si Jesus iyo an Cristo ipinagñaki nin Dios: asin an siisay man na namomoot sa nagñaki, namomoot man sa ipinagña­ki nia.

1Jn 5:2 Digdi kaini kita nakakaaram na kita namomoot sa magña aki nin Dios, kun kita namomoot sa Dios, asin nagguigui-bo kan saiyang magña togon.

1Jn 5:3 Huli ta ini iyo an pagkamoot nin Dios, na kita magotob kan saiyang magña togon: asin an saiyang magña togon bakong magabat.

1Jn 5:4 Huli ta an anoman na ipinagñaki nin Dios nakakadaog kan kinaban: asin ini iyo an kapanganahan na nakakadaog kan kinaban, an satong pagtubod.

1Jn 5:5 Siisay an nakakadaog kan kinaban, kundi an nagtutubod na si Jesus iyo an Aki nin Dios?

1Jn 5:6 Ini iyo si Jesu-Cristo na nagdatong huli sa tubig asin sa dugo; bakong sa tubig sana, kundi sa tubig asin sa dugo.

1Jn 5:7 Asin an Espiritu iyo an nagpapato-too, huli ta an Espiritu iyo an katotoo-han.

1Jn 5:8 Huli ta may tolo an nagpapatotoo, an Espiritu, asin an tubig, patin an dugo: asin ining tolo nagkakasararo.

1Jn 5:9 Kun kita minaako kan patotoo nin magña tauo, an patotoo nin Dios orog kadakula: huli ta an patotoo nin Dios iyo ini, na sia nagpatotoo dapit kan saiyang Aki.

1Jn 5:10 An minatubod sa Aki nin Dios, igua kan patotoo dian saiya: an dai minatubod sa Dios minaguibo saiyang putikon; huli ta sia dai nagtubod sa patotoo na ipinatotoo nin Dios dapit kan saiyang Aki.

1Jn 5:11 Asin an patotoo iyo ini, na an Dios nagtao sa sato nin buhay na dai nin katapusan, asin an buhay na ini nasa saiyang Aki.

1Jn 5:12 An igua kan Aki igua kan buhay; an dai kan Aki nin Dios dai kan buhay.

1Jn 5:13 An magña bagay na ini isinurat ko sa saindo na nagtutubod sa gñaran kan Aki nin Dios, tagñaning kamo maka-aram na kamo igua kan buhay na dai nin katapusan.

1Jn 5:14 Asin ini iyo an kaisogan ta dapit saiya, na, kun kita maghagad nin ano­man sono sa saiyang boot, kita dinada-gñog nia.

1Jn 5:15 Asin kun kita nakakaaram na kita dinadagñog nia sa anoman na hagadon ta, kita nakakaaram na kita nagkamit na kan magña hagad na hinagad ta saiya.

1Jn 5:16 Kun an siisay man nakakahiling na an saiyang tugang nagkakasala nin kasa-lan na bakong nakakagadan, sia magha­gad, asin an Dios matao sa saiya nin buhay manogñod sa magña nagkakasala nin bakong nakakagadan. Igua nin kasa-lan na nakakagadan: bakong dapit kaini ako nagsasabi na sia makimaherak.

1Jn 5:17 An gabos na kabikoan kasalan: asin igua nin kasalan na dai nakakagadan.

1Jn 5:18 Kita nakakaaram na an siisay man na ipinagñaki nin Dios dai nagkakasala; alagad an ipinagñaki nin Dios nagiigñat sa saiya man sana, asin si Maraot dai minadotdot saiya.

1Jn 5:19 Kita nakakaaram na kita magña sa Dios, asin an bilog na kinaban namu-mugtak ki Maraot.

1Jn 5:20 Asin kita nakakaaram na an Aki nin Dios nagdatong na, asin nagtao sa sato nin pakasabot, na midbid ta idtong totoo, asin kita nasa saiya na totoo, sa saiyang Aking si Jesu-Cristo. Ini iyo an totoong Dios, asin buhay na dai nin katapusan.

1Jn 5:21 Magña saradit kong aki, maglikay kamo sa magña ladawan.



AMAZING GRACE BIBLE INSTITUTE